Post: #1
Title: الاسبيرت ... هو الحل
Author: omar alhag
Date: 06-26-2011, 08:39 AM
*
نواصل
|
Post: #2
Title: Re: الاسبيرت ... هو الحل
Author: omar alhag
Date: 06-26-2011, 09:24 AM
Parent: #1
في خبر يجعلك تستنشق السلسيون الضارب وتتجرع السبيرتو حتي اخر قطرة منه دونما ان يبحثو في سبب وفاتك وبعيدا عن الرعايةا لاجتماعية و(قد كلف سيادته ووفد رفيع المستوي وحكومة الولاية) وبدون ان تتوعد الشرطة احدهم
نص الخبر يتكلم عن الجمهورية الثانية (طبعا الاولي كان ورها مخطط اجنبي وايدي خفية) وهي جمهورية خالصة لوجه المؤتمر الوطني تتكون من 25%للشباب والمراة (بتاعين الوطني) و50% توزع بين قيادات المؤتمر الوطني (عديل كده) والاحزاب السياسية الراغبة (خلو بالكم من الراغبة دي) في المشاركة ...
يعني تاني الاسبيرت ح يكون موصل في المواسير ...
|
Post: #3
Title: Re: الاسبيرت ... هو الحل
Author: omar alhag
Date: 06-26-2011, 09:36 AM
Parent: #2
المؤتمر الوطني
يتوقع (يتوقع دي حلوة خالص) عودة الحرب بين الشمال والجنوب والنيل الازرق وابيي وجنوب كردفان (التي مازالت مستمرة) ودارفور (الجنننت عبد القادر وامير قطر وباسولي والما باسولي كمان)
وهم الناس البتتوقع دي حاكما السودان ولا جزر القمر
هم يتوقعوا ويوقعوا
اما نحن فعلينا ان نكتفي بالفرجة
ثم نشرب السبريتو ....................
|
Post: #4
Title: Re: الاسبيرت ... هو الحل
Author: omar alhag
Date: 06-26-2011, 10:58 AM
Parent: #3
وفي سياق متصل (لشراب البتاع ده)
انو مشكلة دارفور (مجرد خلافات تقلدية) علي ذمة صحافة اليوم والكلاد صادر من الرئيس مباشرة ..
وعلي الطلاق اكان تشربو .. مافي حل
|
Post: #5
Title: Re: الاسبيرت ... هو الحل
Author: omar alhag
Date: 06-26-2011, 12:12 PM
Parent: #4
علي قرار ربيع الثورات في المنطقة
جمعة الإسبرت ..
الجمعة الجاية ........... الله يستر
اصحبنا في وطن مساحته
سلسيون موت مربع .............. (الموت في الجهات الاربعة) وبالسلسيون ..كمان
بدلا من مليون ميل مربع
|
Post: #6
Title: Re: الاسبيرت ... هو الحل
Author: omar alhag
Date: 06-27-2011, 06:35 AM
Parent: #5
امتحان مادة التاريخ
سمات وملامح الجمهورية التانية
ضع دائرة (ما تكون انتخابية عشان اللي بالي بالك) حول الاجابة الصحيحة
*الكهرباء بعداد الدفع المقدم
*الموية بعداد الدفع المقدم
*الموت بي لتر سبيرتو
*كل ماذكر(لايحتاج لجلسة برلمانية) صحيح
|
Post: #7
Title: Re: الاسبيرت ... هو الحل
Author: omar alhag
Date: 06-29-2011, 09:05 AM
Parent: #6
بعد الاتفاق بين الحركة الشعبية شمال السودان وحكومة والسودان و (الجماعة الطيبيين) لوضع ترتيبات دستورية جديدة لحكم شمال السودان وخاصة جنوب كردفان كما صرح الامين العام العام للحركة الشعبية الرفيق ياسر سعيد عرمان (ياسر عرمان وييييييييييي) ...
وبعد دخول 4200 جندي اثيوبي بالفصل السابع في ابيي (وابيي برضو وييييييييييييييييييي)
فعلي الانتباهه وصبيتها بالاسراع من اخذ جغمة كبيرة من (البتاع ده)
إسبرت وييييييييييي .....
ولا مادايرين تشربو .............
|
|