ســــارة علــــي .... خصمـتــــــك بالله ....

ياسارة عليك الله شيلي الصورة الفي البروفايل دي .. غيريها إنشاء الله بي صورة ود الصائم ياخي .. بصراحة كده الصورة بتحوم بي حوامه عديييل كده .. ياخي الجمال ده يوم بيكتل ليهو زول غايتو .. عليك الله شيليها ... أنا خلااااااص ريقي نشف من شوفتا ... فضلاً لا أمراً ....اللهم أرحم عبدك الضعيف !!!

......... يا عمدة انتظر رمضان

ناصر ياحبيب ... كيفك يا فرده .. الأجواء كيف في المغرب ...
عاد ياناصر بيني وبينك كده بفضل فيني ولاّ في صاحبي دااااك حاجة للوقت دااااك !!! مااااا أظن يا الحبيب ..
سااااااااااااااااااارة .... وووووووووووووووووووووب .... الروووووووووووووووووب !!!!

عافية ليك لله والرسول يا عماد من الخلعة الدخلتا فيني من اول ا لصباح..

عاينت وقلتا يا ربي سويت شنو...


مااااا بشيلا..
(طبعا دي قاشرة بيها..لكن انا احلي منها بمرحلتين ونص)..

Quote: عافية ليك لله والرسول يا عماد من الخلعة الدخلتا فيني من اول ا لصباح..

انت دخلت خلعة وااااحدة ، أنا لي هسه الدخلت فيني ما مرقت ... أها أعفى ليك كيفن عاد بس ياسارة ؟

Quote: عاينت وقلتا يا ربي سويت شنو...

تقتلوا القتيل وتمشوا في جنازته ... كل ده وما سويتي شيء ... أنا عندي صاحبي ماداير أجيب أسمه هسه خايف يكون لحق أمات طه زااااتو ، ما شايفاه ليهو كم يوم كده غاااااطس لا بالليل ولا بالنهار !!!

Quote: مااااا بشيلا..

بكلم ليك حنين ....

Quote: (طبعا دي قاشرة بيها..لكن انا احلي منها بمرحلتين ونص)..

كان كدي خلاص خلي الصورة ده موت موت .. سجن سجن .... أحيييييييي أنا من البتسوه ده !!!

ناصر ياحبيب

حبدر بورسودان ببقي ليك شنو?

غايتو يا عمدة
بوستيكـ دا مافي ليهو حل إلا الواحد يكاكي فيهو!



كااااااااااااااااااكـــ
وتاني
ككككككاااااااااكككككـ

Quote: بوستيكـ دا مافي ليهو حل إلا الواحد يكاكي فيهو!

ياريس ياخي انت يحق لك ما لا يحق لي غيرك .. كاكي يا أخوي كااااكي ، إنشاء الله تبيض زااااتو ياخي ، لكن مسعول بالجد كده رايك في الصورة شنو ياريس ؟ أها تنفع في الانتخابات ؟ الله في .

Quote: مااااا بشيلا.. (طبعا دي قاشرة بيها..لكن انا احلي منها بمرحلتين ونص)..

مرحلتين معقولة ... ونص دي كيف يعني ؟؟؟؟؟؟؟

Quote: ونص دي كيف يعني ؟؟؟؟؟؟؟

دة سؤال دة يا جنابو؟؟؟
النص دي غلبتك؟؟

Quote: دة سؤال دة يا جنابو؟؟؟ النص دي غلبتك؟؟

طيب انتي ذاتك ما غلبك النص والا كان بقت تلاتة مراحل ...........

Quote: النص دي غلبك؟؟

خليتي الصورة وقعدتي لي في النص والقزازة !!! هسه بالله صورتك دي البشوفها قزازة بتكفيه ؟ خليك من نصك الما جياب حقه ده !!!!

Quote: مرحلتين معقولة ... ونص دي كيف يعني ؟؟؟؟؟؟؟

يا عمر يعني أرجع البصر كره واحدة بس ما تزيد المحلبية وكده ....

Quote: يا عمر يعني أرجع البصر كره واحدة بس ما تزيد المحلبية وكده ....

ياعمدة يا اخوي كره واحدة بي وين ؟؟ القطر ده مافيهو (مفتش) ومن الامتداد كمان ...

Quote: ياعمدة يا اخوي كره واحدة بي وين ؟؟ القطر ده مافيهو (مفتش) ومن الامتداد كمان ...

غاتيو انتا يا عمر لا تفوق ولا تموت ..... سكتني تب ....

عمودي يا صديق

زمان كنت بتاع دردقه
اها جابت معاها نط حبل
الله يستر من عجين الفلاحة









الريس البيكاكي ده
حيركض وين؟

رغيـــم ياعمــــك ... ياخي بس معقووووووول ... يعني نقعد نكورك ولاّ كيف ياخي !!! قالوا صرف النظر عن المساكين رحمة ... صحي الكلام ده ؟

Quote: عمودي يا صديق

نعمين يا أعز وأنبل صديق ....

Quote: زمان كنت بتاع دردقه

الحمد لله قلتا زمااااان ، لكن لي هسه دي ود ... وود .... بدردقوا أحسن من براميل صديق الموج ..

Quote: اها جابت معاها نط حبل الله يستر من عجين الفلاحة

هههههه الله يجازي محنك يا رغيم ياخي ... قلت لي نط حبل كماااان ههههههه ، ياخي قول لعبةالحجلة مثلاً .. ياخي الناس السمان الذيّ ديل ينطوا كيفن عااااد ، غاتيو العجين ممكن يتمحق عدييييل كده بخليهو ليك زلابيا ... لكن بيني وبينك كده الصورة دي ما بتسوي للزول مصران أعور ياخ ... ياخي نحنا قدر ما نتوب من البكاء بتاع ود ...... ، يجوا ناس سارة ديل ينزلوا ليك صورة يقول فيها الشاعر : لها مقلة إذا ما نظرت بها إلى راهب قد صام لله وإبتهل
لاصبح مفتوناً معناً بحبها كانه لم يصم يوماً لله أو إبتهل ..
ياخي مفروض سارة دي يقام عليها الحظر الجوي عديل كده ياخ !!!!!!!!! بس الله في .

Quote: الريس البيكاكي ده حيركض وين؟

مع ود.... التااااني دااااك ، لكن تعرف الريس ده الصورة مبكياه لامن غلط زااااتو بس صاحبنا متحرج وكده عشان الانتخابات ... ماعايز الناس تقول ريسنا بكااااااي ( رغم أنه ده الحاااصل ) غايتو سارة دي لو خلت صورتها دي لحدي بعد الانتخابات وزولنا ده ما فاااااز ، الشعر الحا يتقال فيها ما قاله غيث في ليلى .. ولا عنتر في علبة .. بس خليك قريب أها النشوف الكااااااك دي بتجيب بيض ولاّ بجي كتوكت مارق طواااااالي

ياخي بصراحة كده الشوق غلب ....

غايتو ياعليش هو أخو طارق جبريل البكاااااي بتاع الليل دااااك ، لكن طارق ده بقرب لي حيدر شنو ما عارف !!! بس يتخيل لي كده أنه فنانه المفضل ... ( قلت لي الشبه باللبسه طششك ) ....

بتشبه ملكات النوبة أيام زمان ..!!
( العيون ، الرقبة، الوجه الطويل )


....
سبحان الله حفيداتهن لم يرثن منهن غير اللغة

بطل : الخصام يا عماد

وخلي البساط احمدي ... اكيد ما بتقصد حاجه ..

الموضوع شنو ؟؟؟ انا ماعارفو لكن انسي

سارة علي


والنبي دي صورتك ؟...ما رهيييييبة عديل(ماشاءالله) .






بالجنبة كدة يا سرورة بتابع مداخلاتك الذكية ..وبتكتلني بالضحك ..


..................



عماد ...معاك حق في السكلبة (وش فطسان من الضحك ) .

بت حافظ حفظها الله ....
كيفنك خيتي ...

Quote: والنبي دي صورتك ؟...ما رهيييييبة عديل(ماشاءالله) .

غايتو يا داليا عليك جنس حركات ... جاكي شان بس ..

Quote: بالجنبة كدة يا سرورة بتابع مداخلاتك الذكية ..وبتكتلني بالضحك ..

هسه كده يا دلويا وضحي لينا الجنبة ياااااتي عشان في جنبه كده بتموت الزول من المغسة ... نشوف نختلف فيها معاك ولاّ نتفق ..

Quote: عماد ...معاك حق في السكلبة (وش فطسان من الضحك ) .

وشاهد شاهد من أهلها ... أها الحمد لله لقيت لي زولاً يقيف معاااااي في محنتي دي ... ماما دومة ما عايزه تطلبها لي هيي قصدي مامعترفه بيها جميلة .. وفادية بتقول أكثر من عااادي وعمر الفاروق بقول ولا شافت الجمال بي ويييين ، غايتو ياداليا بعد ما تكملي ضحكك ده بالله تعالي راجعة عشان تدلي بدلوك مرة ثانية وتوري ناس عمر ديل حكاية الساس والأساس دي .... أحيييييي انا يافشفاشي .

يا عمدة

Quote: نشوف نختلف فيها معاك ولاّ نتفق ..

برضو هنا نختلف ونتفق ..خصمتك بالنبي كان تجيب سيرة نقاش ..انا عندي حرقان في المعدة ..





...........................



تاني اصلي ما بحضن ليك "فراش " ..توووووبة !

شنو ياداليا ياخ ...

Quote: برضو هنا نختلف ونتفق ..خصمتك بالنبي كان تجيب سيرة نقاش

لا لا لا ياخي نقاش شنو ياخ ... أنا بس قلتا النشوف الجنبة بتاعت سارة الهنا دي :

Quote: بالجنبة كدة يا سرورة بتابع مداخلاتك الذكية ..وبتكتلني بالضحك

عشان أنا في جنبه كده بتكتلني .. بس ما من الضحك .. من المغسة وكده .. بس دا كل الموضوع .. ما تتحسسي أمي ما تتحسسي ... أنا زاااتي بكجن النقاش عشان مالي فيهو باع وكده ...

Quote: انا عندي حرقان في المعدة ..

سلامتك أنت إنشاء الله من الحرقان كان في المعدة ولاّ في النقاش .. إنشاء الله الحرقان ده يمشي منك ما يعرف درب الرجوع وتووووه كده ويغلط في العنوان ويمشي لي ود البشرى ... أمين يارب العالمين .. تبرئ أنت أمي ...

Quote: تاني اصلي ما بعصر ليك "فراش " ..توووووبة !

خصمتك بالله ياداليا تعصري .. أعصري أمي أعصري .. إن كان ماجيتي ُفراشاتي بشيل صيواني وبجي بدقه ليك في حوش بيتكم ..

كعكوعي يا رايق يا جميل ...
ياخي مافي أي زعل والله لا جاب زعل إنشاء الله ...
كل مافي الأمر ياخي النوم زااااتو بقى ما بجينا ياخ .. قلنا لي سارة دي الله يهديها تشيل لينا صورة البروفايل دي وتغيرها إنشاء الله بي صورة ود البشرى ياخ .. مافي مشكلة بس الصور الذي دي ياخي بتطير النوم من العين وكده .. وبعدين تقوم تبقى فينا حكاية سهر الجداد ولاّ الكدايس ما عارف المهم .. ياخي جنس سماحة البنية دي بتودر عديييييل كده ... يا أخوي في صور تاااانيات مخليات البورد ده يخوجج براااااه بس ما بنقدر نقول حاجة ناس ود الصائم وود الفاروق ديل بيقطعوه لينا نااااشف !!! وبجيك ود البشرى يقول ليك ياخي ده حاجة شخصية تخت ولاّ ماتخت .. أها لما عرفتا أنها ما صورة سارة ومابتجيب لي هوى قلنا النحس سارة دي تغيرها لينا وكده بس ... ده كله مافي الأمر .. أها يا أخوي يدك معانا وكده عشان نعمل حصار على سارة دي إن كان توافق وكده ....

Quote: بتشبه ملكات النوبة أيام زمان ..!! ( العيون ، الرقبة، الوجه الطويل ) سبحان الله حفيداتهن لم يرثن منهن غير اللغة

غ
غايتو ياالطاهر يا أخوي جنس حساتك ماشفتها تب .. ياخي المنبر ده مولع نااااار وناس صديق الموج وود البشرى وود الصائم الليل كله مساهرين يدردقوا ساااااكت تجي تقول لي ما ورثن منهن ... ياخي كيفن الكلام ده .. هسه عمر الفاروق ده لو ما خائف من محمد ولده الدخل الجامعة أمس داااااك كان تلاقيه يتخوجج سااااكت من البكاء بس ما داير الولد يطلع بكاااااي هو كمان ، عشان الخلط في الجامعات وكده !!! ما تشوف كلامه ده . ما سمحات وما عارف مبشتنات والكلام البكتبه ده سااااااكت من وراء القلب وياقلبي لا تحزن ..

Quote: طبعا دي قاشرة بيها..لكن انا احلي منها بمرحلتين ونص)..

أها شفتا كلام سروره ده كيفن !!! يعني حفاظاً على البورد وكده متجنبه تخت صورتها عشان الباندوث ما يطرشق ويلحق أمات طه .... أها يا أخوي عايز رأيك في الصورة تشيلا ولاّ تمرضنا بيها ؟ منتظرك ياحبيب ..

يا عمدة :
ظهرتها عااااااااااااااااااااملة يا قريبك ..!!
اولا اسمح لي اقول ليك الصورة دي عااادية جداً ولو ما عادية فهي تميل للشناة والقباحة وبتديني احساس كركار كركار كده!!
لكن بيني وبينك سارة علي دي عفريتة وما أدت اييي زول مدخل فيها لا بي شكل لا بي ضحك لا بي نبز لا بي شكر فشكلك كده يا عمك فكرت وقدرت ثم فكرت وقدرت ثم قلت بسسسسسس لقيييتا الصورة الصورة الصورة ..
غايتو انا قبل تلاتة شهور قابلت سارة في السودان والنصييييحة كده البت ما احلى من الصورة دي مرتين ونص لالالا هي ادتا كوزين كمان لكن هي احلى منها بي نص بس بس عييبا الوحيد بتلبس شبشب ليموني وبتشيل شنطة برتقالية ..
اخوي عماد اسمح لي اقول ليك حنكك بييش وبوست غير موفق ..

تخريمة :
اهدي المقاطع ادناه لي هناي هناااك في بلاد الغربة علها تجده يرفل في اثواب التعب والارهاق من جراء سخانة وحرورة وموية تلج :
إيه لقيت فيهو الجديد ..ردتو من حاجات بقولا..
ولا ليك قرب اماني بينا ما قادر تطولا..
هل قدر يسبر غرورك ..هل هو في الاحلام بزورك ..ولا هو البي جد بيعرف لعبة الريدا واصولا ..
إلى ان وصل لقوله :
إنت بتبيع المشاعر ..ماالبصر دون البصايير ..والأصل مااا ببقا صووورة ..

لوووول صحي بقولوا الجمال في عيون البهولدار انا متاكده انه ساره احلي منها
اسه السمح فيها شنو ؟؟؟
عيونها متل قدود الجلد وشها طويل شديد بس ووش الحصان
وانفها طويل شديد . غايتوا وشها باص ما سمحه الزوله دي
الحاجب دا يخربها جاره قلم
عاد انا سماحه الرسم دي ما بتدخل نافوخي .
اسه تلقوها عارضه ازياء صوماليه

يا عاماد ما المحريه فيك - عوضنا علي الله

عماد
سلامات
انت عينك للاصل تبكى فى الصورة ...كده عاين لسماحة الاسم بس

Quote: لوووول صحي بقولوا الجمال في عيون البهولدار انا متاكده انه ساره احلي منها

ماما دوما

والله سمح زمامها(لوووووووووول)

موتنى بالضحك

وااااالله مشتاقة ليك

سارة
كونى اجمل

Quote: انت عينك للاصل تبكى فى الصورة ...كده عاين لسماحة الاسم بس

عاد يافادية يا أختي كيفن نشوف الفيل وهو متخبي في عيون تقول يا ريت ... هسه الصورة دي مجهجهانا ياخي تقولي لي سماحة الاسم كلمة ورسم .... هسه في ذمتك دي مرتين ونص دي يتحملوها كيفن بس ؟ نحنا قاعدين في بلد تذخر بالجمال لكن مغطى بالسواد أها كيفن ما تجهجهنا صورة ذي دي ؟!!! غاتيو ماما دومة دي لو ما كان متزوجة بي كبرا ده كنت أعلنت فيها الجهاد ( وش ميت من الضحك ) يابكري الله يهديك الوشوش .. الوشوش ...

Quote: والله سمح زمامها(لوووووووووول)

الزمام أبو رسما ... هههههه . غايتو انت ودوما ديل .... الله يجازي محنكن ...

Quote: يا عاماد ما المحريه فيك - عوضنا علي الله

هويدا .. ياخي شنو ياخ ... بنتم وما بانت شنو كده ما عارف ياخ ...
شفناكم فتحتوا لينا كبري الإنقاذ قلنا ندودركم إن كان تجوا راااادين ياخ ... أها الشرك قبض وكده .. ياخي أفهمونا صاح مرة واااحدة وما تسمعي لي كلام عمر الفاروق ده ياخ .. عمر ده قاعد يطفش لي القمري من الشرك طواااااالي كده !!!! غايتو الحمد لله فكاني وشبك ليك في سارة ، غايتو تاااني سارة دي لو شافت ليها جكس حايم التجي تعلقه لي في صلعتي دي ... ياخي زول حااااااسد خلااااااص ، وعشان حسادته دي صلعته أبت تقوم والزراعة ما نجحت فيها تب ...
ياخي تعالوا صادين ، ونحنا يانا نحنا ...

ماما دومة .. نهارك سعيد ...
ممكن أتغزل شوية ؟ شكراً ماما ...
ياماما لو قارناها بي جمالك أيام الشباب ( وش مفقوع من الضحك ) بتلطع فعلاً ذي ما قال عمر الفاروق ماعرفت طريق السماحة زاااتو ... لكن لو على الصورة كده معليش بصراحة تهوس عدييييل كده ... نعومة في البشرة الرقيبة تقول قزازة عصير وعيون نعسانه تدور تجرحني .. ورموش برنده ... والخشم ودعة .. والحواجب تقول هلال ... أها تااااني يادومه في أحسن من كده !!! بالله عليك أرجع البصر كرة تااااني بس ماتقارنيها بيك .. سمح ؟

Quote: اسه تلقوها عارضه ازياء صوماليه

ما دي المنقة زااااتها يا ماما دومـــــه .... ياها زاااااتا ..

تحت .. تحت كده يادومه .. اتوسطي لينا عند سارة دي خليها تشيل الصورة من البروفايل عشان خلاص مسخت لينا ولطالما إنت قلتي شينة !!!

Quote: اسه تلقوها عارضه ازياء صوماليه

ماما دوما...

لكن لقيتك..

مالك دايرة توقفي لي سوقي زي عمر الفاروق؟؟
هههههههههههههههههههههه

ويا عمر الفاروق شن فهمك في الالوان..يا كافي البلاء يبقو عليك عدم فهم لا في الالوان لا الغناء؟؟
الاصفر والليموني الشفتني بيهم ديل الوان صيف...ولا كنتا دايرني البس ليك اسود عشان يلم لي السخانة وتحرق لي بشرتي البيضاء؟؟
ثم ما دام جبتا سيرة الموضوع المركوب شنو اللابسو مع البنطلون والقميص؟؟
احرجتني مع بنات اهلي...

Quote: وياعمر الفاروق شن فهمك في الالوان..يا كافي البلاء يبقو عليك عدم فهم لا في الالوان لا الغناء؟؟

هههههههه ... ههههههه .. ياعمر يحلك الحلا بله ... ( على فكره بله ده منو ؟ ) ...

Quote: ثم ما دام جبتا سيرة الموضوع المركوب شنو اللابسو مع البنطلون والقميص؟؟

يا سارة بس ما يكون كمان حاشي القميص والبنطلون شارلستون !!! هههههه .

Quote: ظهرتها عااااااااااااااااااااملة يا قريبك ..!!

عاملة دي شنو يا قريبك ما فهمتها ياخ ...

Quote: اولا اسمح لي اقول ليك الصورة دي عااادية جداً ولو ما عادية فهي تميل للشناة والقباحة وبتديني احساس كركار كركار كده!!

كده عيني في عينك ... يا راااااجل !!!!!

Quote: لكن بيني وبينك سارة علي دي عفريتة

غايتو دي في !!!

Quote: غايتو انا قبل تلاتة شهور قابلت سارة في السودان والنصييييحة كده البت ما احلى من الصورة دي مرتين ونص لالالا هي ادتا كوزين كمان لكن هي احلى منها بي نص بس

بس ما يكون يوم سافرته تسجل ولدك محمد في الجامعة الاتخرج منها أمس دي !!! عشان الوقت داااك سارة دي من جنب حنين ما إتحركت مبارياها ذي ظلها والسودان ده إتصال سااااكت ما إتصلت عليهو .. يخربا كان كلمت ليها زول سااااكت لحدي ما حنين للبلد مشت وكمان ما كلمتا أدتها مسكول بس والحنين المسكينة هي الاتصلت وشبكتها ليك جيبي لي معاااك شنو ما عارف كده وما تنسي شنو كده ما عارف !!! أها ياربي تكون شفته سارة جاد الله وإفتكرتها سارة علي !!! أهم كلهم سرور وكرومه ...

Quote: اخوي عماد اسمح لي اقول ليك حنكك بييش وبوست غير موفق ..

هي عاد ياود الفاروق شن نسوي ... ياخي الكلام في الماسنجر بجيب هوى ... وبجي يجيب ليك كلام الواحد بصراحة كده ماقدره ... نبقى كمان في شبكه ذي شبكة ( المحترم ) دااااك ولاّ كيف ؟ اها توكلنا على الله وقلنا تكون على الملأ أحسن وذي ما بقولوا الواضح ما فاضح ... ياخي الزول في البورد ده بقى يخاف من ظله ... المهم ياخي كل ما في الموضوع حبيت أقول لي سارة شيلي الصورة دي عشان بصراحة كده مجرساااني عديييل وما داسيهو ولكن ليس ( لي فيها مآرب أخرى ) عشان كده ياأبو عمير ياخي أعذرنا لعدم التوفيق الشايلو معاااك ولافي بيهو في كل البوستات دي التقول ختم السفارة محل ما تمشي تطبعه لينا ياخي .

Quote: اهدي المقاطع ادناه لي هناي هناااك في بلاد الغربة علها تجده يرفل في اثواب التعب والارهاق من جراء سخانة وحرورة وموية تلج :

أهدي يا أخوي أهدي ... أهو برضه بكون البوست عمل حاجة كويسه خلى عمر الفاروق يهدي في يوم من الأيام حاجة ولو كانت شعراً مخرمج

Quote: إيه لقيت فيهو الجديد ..ردتو من حاجات بقولا.. ولا ليك قرب اماني بينا ما قادر تطولا.. هل قدر يسبر غرورك ..هل هو في الاحلام بزورك ..ولا هو البي جد بيعرف لعبة الريدا واصولا .. إلى ان وصل لقوله : إنت بتبيع المشاعر ..ماالبصر دون البصايير ..والأصل مااا ببقا صووورة ..

بصراحـــة ياعمر الفاروق ... عصيدة غير موفقة خاااااالص ... كب ليها ملاح روب ولاّ ملاح تقليه ياخ يمكن تلفق بدل ملاح الرجلة الكابيهو فيها ده .
وبي صراحة تااااني ياعمر .. أي بوست بتخش فيهو بتديه طعم خااااص جداً .. ربنا ما يحرمنا من دخلاتك دي ياخ ..... بكري سألتك بي الله ما تلحقه حميده وتمبس ياخ عشان ما ينعدم الجمال والمرح في المنبر .
ومن ناحية تاااني ياعمر ياخي مشتاقين .... والله عايزين نسمع صوتك ولو على الثابت .. عرفناك جبان في المتجول ....

عماد يا اخوي..
العملتا فيني النجار ما عملا في الخشب..
يعني مجهود شهر اكسر في ناس بنين وما جاورها من البلاد..تجي انتا تجرجرني وتخليني اعترف ليك انها ما صورتي؟؟؟
الايامات الفاتت دي كنتا من ما ادخل بوست ارد (علي حس الصورة) القي عشرين رد وراي..هسة ووووين بعد اعترافي..مافي زول مهببو لي (عمر الفاروق مالك بقيت ما بترد علي مداخلاتي.؟؟؟)..


ماما دوما الله يديك العافية..

عماد لو انتا هسه موجود اديني خبر..النحاول نصلح ما افسدته..

داليا حافظ..
شكرا يا راقية..
لكن دي ما حقتي..غايتو حمدو في بطنو..
السواها فيني عماد يا داليا ما بتمرق بالهين..
مجهود شهر كاااااااااااااااااااامل..


منو العوض (المسلمي) وليه العوض(ماالمسلمي)

التعديل عشان عكستا الجوة الاقواس..

ووينك يا المسلمي؟؟

Quote: إيه لقيت فيهو الجديد ..ردتو من حاجات بقولا.. ولا ليك قرب اماني بينا ما قادر تطولا.. هل قدر يسبر غرورك ..هل هو في الاحلام بزورك ..ولا هو البي جد بيعرف لعبة الريدا واصولا .. إلى ان وصل لقوله : إنت بتبيع المشاعر ..ماالبصر دون البصايير ..والأصل مااا ببقا صووورة ..

رحم الله الشاعر حسن الزبير
جنو صور

العمده عيونو.. يااخوي جمال مابعده تاني جمال... واجمل مارأيت

علا انت بكاااااااااااي

تسلم عيونو

Quote: أهم كلهم سرور وكرومه ...

شكرا عماد...

عشان كلامك دة شهرررررررين ماااااا بشيلا..الا الهكر يسحبا..

قال كرومة قال..

Quote: شكرا عماد... عشان كلامك دة شهرررررررين ماااااا بشيلا..الا الهكر يسحبا..

Quote: يعني شنو يعني ما نصوم نحنا ولاّ كيف ؟ ياخي بتجهجهي صيامنا سااااكت أمي !!! اها يا عماد دايرني اغيرا ليك بي دي؟؟

بي أي حاجة إنشاء الله صورة ود البشرى زااااتو مافي مشكلة بس دي لا ...لا ....

أوووووووووه زعيمنا .. أخيراً افنرجت أساريري .....
وينك يا زعيم ... ياخي هوالبكاء من غيرك بيبقى ... ياخي أول مرة أشوف لي زول غناه كله بكاء ، ياخي الطيب عبد الله زااااتو ما عمل كده ياخ ... ههههههه .

Quote: يااخوي جمال مابعده تاني جمال... واجمل مارأيت

أأأأأأأي كده ياخي ريحتني في حنااااني زااااتو وشلتا لي وجع المصران العميان داااك العملو لي ود الفاروق ياخي ...
غياتو ياشباب بعد كلام عماد عويس ده وكلام داليا تااااني زول ما يقول لي ما جميلة ... ياعمر ياخي صحي بقت عليك عمى ألوان وجمال كمان ... ياخي أمشي المغربي يشوفوا ليك علاج للشغلانية دي وكده !! على فكرة الدكتور صاحبي شديد يعني من ناحية القنزب وكده ما تخاف بس أنت امشي واتصل علي من عنده .

Quote: علا انت بكاااااااااااي

ياعمده ياخي أنا ما بكااااي ولا حاجة بس بمرق الذمة دائماً يعني الحاجة الجميلة بقولا ما بدسها ذي صاحبي دااااك وبس ... تسلم ياعمده يا كبيرنا .. وسمعنا صوتك ....

عشان عااااارفة كوستاوي نايم..
نظام غاب اب شنب ولعب اب ضنب..

اها يا عماد دايرني اغيرا ليك بي دي؟؟
هنا نسيت اتصور بالشبط الاصفر..
ــــــــــــــــــــ
التعديل لسحب الصورة..
الدنيا ما معروفة يمكن الخردة يجيهو كابوس ويصحا..

Quote: عشان عااااارفة كوستاوي نايم.. نظام غاب اب شنب ولعب اب ضنب..

يا أمي ألعبي .. ألعبي ...الميدان فاااااضي ، هو فاااضي من السهر مع شرحبيل ..

Quote: اها يا عماد دايرني اغيرا ليك بي دي؟؟

وينا دي !!! ياخي بالله ما تجهجهونا براااانا مجهجهين ....

Quote: هنا نسيت اتصور بالشبط الاصفر..

ما مشكلة أمي بلونه ليك بالفوتوشوب ... بس جيبي أمي جيبي ..

Quote: التعديل لسحب الصورة.. الدنيا ما معروفة يمكن الخردة يجيهو كابوس ويصحا..

ياخي تعديل شنو ياسارة ياخ !! جيبي أمي جيبي ... بعدين وييين يصحى .. انت عمرك شفتي ليك كابوس بجيه كابوس ... ياخي ما تتصلحي معانا ياخ !!!! نزلها أمي نزليها ...

القرضابي ياعمك ....

Quote: رحم الله الشاعر حسن الزبير جنو صور

يعني ذي قريب أمير الجمري ولاّ كيف ؟

Quote: عماد يا اخوي.. العملتا فيني النجار ما عملا في الخشب..

ياسارة ياخي والله ما عملتا حاجة ... إهيي إهيي .

Quote: يعني مجهود شهر اكسر في ناس بنين وما جاورها من البلاد..تجي انتا تجرجرني وتخليني اعترف ليك انها ما صورتي؟؟؟

عاد لكن قالوا الخشم الخفيف ما بريح صاحبه ... ما كان تجيني على الخااااص ( والله مابسوي ليك ذي

Quote: تيسير ) ... بدل ما تحتيه هنا وتطيري ناس عمر الفاوق ديل وتخلي صلعهم تلمع من غير كركاااار ... الايامات الفاتت دي كنتا من ما ادخل بوست ارد (علي حس الصورة) القي عشرين رد وراي..هسة ووووين بعد اعترافي..مافي زول مهببو لي (عمر الفاروق مالك بقيت ما بترد علي مداخلاتي.؟؟؟)..

عاد ياسارة يرد كيفن ؟ يدفق موية على السرااااب ؟ قالوا غراب في اليد ولا كروان على الشجرة ، يعني هو إنصدم لما عرفا ما صورتك أها أخير يمسك في المعروفين ديلاااااك أحسن ما يقعد يحلم بي طيور الجنة .

Quote: عماد لو انتا هسه موجود اديني خبر..النحاول نصلح ما افسدته..

قااااعد يا أمي قااااعد .. كان غلبك تعاااالي في الخاااااص ( نفس الكلام السابق ) ...

Quote: Quote: تيسير ) ... بدل ما تحتيه هنا وتطيري ناس عمر الفاوق ديل وتخلي صلعهم تلمع من غير كركاااار ... الايامات الفاتت دي كنتا من ما ادخل بوست ارد (علي حس الصورة) القي عشرين رد وراي..هسة ووووين بعد اعترافي..مافي زول مهببو لي (عمر الفاروق مالك بقيت ما بترد علي مداخلاتي.؟؟؟)..

عماد..
فرز الكيمان يا اخوي...
شنو الاقتباس داخل مع الما اقتباس..
اقتبس كويس..
ركز ركز في القبسنة

Quote: عماد.. فرز الكيمان يا اخوي... شنو الاقتباس داخل مع الما اقتباس.. اقتبس كويس.. ركز ركز في القبسنة

الكبكبة يا أمي الكبكبة ... كده شيلي الصورة وشوفي تاااني كان غلطه تعااالي عضيني في أضاني الكبيرة دي ورجعي الصورة تااااااني . بس شيليها عليييييك الله .... واااااااي ...

الأستاذة سارة علي:
ما حا أرد على إتهاماتك الباطلة دي وحا انادي ليك ياسر كونن يبدو واثقاً لا يخاف المحن كوووونن ..كوونن.. كووونن لكن وبكل بساطة ادمنتي التزوير وسأثبت لك لاحقاً في هذه المداخلة ..
لاحقاً جات والله غلبني انتظر لحدددي تحت ..
انا كتبت:

Quote: بس عييبا الوحيد بتلبس شبشب ليموني وبتشيل شنطة برتقالية

بينما كتبت ملكة التزوير سارة علي:

Quote: الاصفر والليموني الشفتني بيهم ديل الوان صيف...

ومنا هنا يتضح جليا ان سارة علي لديها مايكروسوفت وورد إصدارة 1412 هجري كما انها استخدمت الأدوب فوتوشوب لتغيير الالوان(لاحظوا تاريخ المداخلة) وواصلت سارة الكذب والتلفيق عندما اضافت

Quote: ثم ما دام جبتا سيرة الموضوع المركوب شنو اللابسو مع البنطلون والقميص؟؟

ويومها اذكر جيدا انني كنت ارتدي سفنجة ام سيور كحلية مقاس 11 made in china ابو حمامتين ..
ساقوم في مداخلة تالية بانزال صور للسفنجة في 2007 ..

Quote: عمر الفاروق مالك بقيت ما بترد علي مداخلاتي.؟؟؟)..

هي لكن عاد انتي زي الحرامي بتردي بعد 1 صباحا واوووعك تقولي لي فارق التوقيت تراكم ابلشتووونا يا ناس امريكا اليونانية ..

تخريمة :
انا غايتو بضمن ليك يا سارة انو انتي والفي الصورة دي بتتشابهو في اضنينكم ..عليك الله عايني لي اضانا الشمال دي كبيرة كيف..:)

غايتو يا عمر حتخليني اعترف بسر خطير..
حينزل من اسهمي في بورصة ناسداك..
لكن لازم اعترف عشان ما اطلع كذابة قدام البورداب..

انا يا عمر عندي عمي الوان...

هسة التوب دة انتا شايفه رمادي علي لبني...
انا شايفاه بني علي كاكاوي
ـــــــــــــــ
الخواف ربا عيالو...
سحبناها

Quote: وحا انادي ليك ياسر كونن يبدو واثقاً لا يخاف المحن كوووونن

ما كلموك؟؟ كونان ما رسلنا ليهو ارسين لوبين وشورلك هولمز ..
وفنطو ليهو كلامو كلللو..
لعب الشفع عينة كونان ما بينفع مع الناس الكبارات ديل..
بتخوفني بياسر؟؟قال شنو قال (يبدو واثقا لا يخاف المحن)..صحي ما بيخاف ..لو بيخاف كان خاف من تفتو دي في الاول...
ثم هي (لا يخشي المحن) مش (لا يخاف المحن)..
احفظ كويس بعدين تعال..قايلني كمان ابو الشا؟؟؟

Quote: مايكروسوفت وورد إصدارة 1412 هجري

ودة بيساوي ياتو اصدارة بالميلادي..عشان انا آخر معرفة لي بالتواريخ الميلادية من زمن غزوة احد وبعد داك وقفت العد..

Quote: ويومها اذكر جيدا انني كنت ارتدي سفنجة ام سيور كحلية مقاس 11

يا رااااااااااااااااااااااجل..
فيك الخير..
كنتا لابس مركوب لمن ملوي بالجنبة من شدة الكداري المشيت بيه..بالامارة كان طالع منو بخار..ما عارف سبب الدخان الكان طالع دة شنو؟؟

Quote: واوووعك تقولي لي فارق التوقيت

ما دام وعوعتني ما حاقول فارق التوقيت..
المصحيني اختلاف الساعة والزمان..بينا وبينا

اها يا عماد ولدي شوف العيون السمحه هنا
بعدين الودعه ديوينها ؟؟ لووووووووووووول
مكشكشاه كشكشه شديده عشان يبقي ودعه

Quote: اها يا عماد ولدي شوف العيون السمحه هنا

احييييييييي يا ماما أحيييييييييي عيون غزااااال عدييييل ، العيون براقن يشير .. يا أمي خافي على ولدك لا حولاااااا ، الموت حق والحياة باطل ...

Quote: بعدين الودعه ديوينها ؟؟ لووووووووووووول مكشكشاه كشكشه شديده عشان يبقي ودعه

والله والله ياماما ما محتاج كشكشة خاااالص ، ذي رحيق الزهور عديييل كده .. يا الله السلامة ... خلاص بالله ياماما خليها في البروفايل بتاعك عشان خاطر ولدك وكده .. أنا كان ختيتا ياني اللحقته أمات طه وعماته زااااتم .... رحمتك يارب ... تعال يا اساسي تعاااااال ... وقول أحي وووب أحي ووووب .

ولاتزال الاستاذة سارة تتكبكب وتتلخبط لمجرد مداخلات الوجيه عمر الفاروق ساحر العذارى وواهم الجكس ..
المرة دي ما لاحقا حا اثبت ليكم لالالالا اسسسسسسسع دي ..

Quote: ودة بيساوي ياتو اصدارة بالميلادي..عشان انا آخر معرفة لي بالتواريخ الميلادية من زمن غزوة احد

وكانت تقصد التواريخ الهجرية ولكننننها الكبكبة يا اصدقاء ..

Quote: بالامارة كان طالع منو بخار..ما عارف سبب الدخان الكان طالع دة شنو؟؟

وهنا تتلبس سارة علي دور الاستاذ عبد الله خياري بتاع الارصاد السابق في النشرة الجوية في تلفزيون السودان ..

Quote: ثم هي (لا يخشي المحن) مش (لا يخاف المحن)..

داك كونن الجدجد الما بيخشى المحن لكن كوننا ابتفة لا يخاف المحن ..

Quote: حينزل من اسهمي في بورصة ناسداك..

اااخر عهدي بيك كنتي من ناس سوق الخرطوم للاوراق المالية (مالا زي السوق المركزي كده؟)
براااااااااااااك ياختي وديتي نفسك لي ناسداك ..
امبارح واحدة بتحكي ليهم قالت ليهم اووووو ماشاء الله ناس عمر قاعدين يلبسو ولدهم هدوم من شركات ماركة وكده ..
نطوا قالوا ليها مااااااركة شنو ؟؟
قالت ليهم بيلبسوهو من داوجونز !!!!
وكانت وبكل بساطة تقصد جونيور !!!

قال ناسداك قال !!!!
تخريمة :
اها الكتابة الهروغلوفية وصلتك ؟؟ يوجد معاها هدية

Quote: اها الكتابة الهروغلوفية وصلتك ؟؟

ااااي وصلتني وصلتني..
بس اديني فرصة اروق من سحر وجاهتك الاخاذ ..
بعدين حتي افضي للترجمة...
نور صلعتك..(اقصد) نور محياك مخليني اشوف الكتابة الهروغلوفية كتابة صينية..
زد غبا عشان اقدر اركز..

ويا ريت المرة الجاية ترسل شرايط كاسيت عشان تسهل علي الحكاية..
اصلا علي قولك اضنيني الكبار ديل خلقوهم للسمع..خليني استغل خلقة ربنا..

شكلك يا عمدة انت من النوع البسدد في المرمي من قبل خط الوسط , يعني بتبدا من بعيييد ,
ياخي الصورة دي لحدي قريب انا قايلها حقت خالتك الممثلة cher

أووووووووووووه شكلها ولعت وأينعت وحاجات تااااني كده ...
أساسي الاساسي جاء منو البرجا ....

Quote: شكلك يا عمدة انت من النوع البسدد في المرمي من قبل خط الوسط

قلنا نختبر الحراس كيف ياعمك .. ذكرتني زمااان كنا لما ندخل الاستاد في مباراة هلاريخ .. كان عبده الشيخ بشوووت ليك من خط الوسط ونحنا نقعد نكوورك ليك في أحمد آدم حارس الهلال عوووووووووك الراكوبه .. الراكوبة صاحب كب .. كب .. كب . يتكبكب ويقع ليك في الواطة ويملصا ليك يجي الدفاع توووووووف يشتتا ونقعد نكورك : الراكوبه كشفنا عيوبه .. الراكوبه كشفنا عيوبه ..
أها يا أخوي نحنا هسه قاعدين نعمل كده يمكن تملص ونكتشف العيوب وكده . ( بس بالله ما تقول لي اي جكسويه عشان الموضوع دي سري جداً ) ...

Quote: ياخي الصورة دي لحدي قريب انا قايلها حقت خالتك الممثلة cher

ياخي يا اساسي دي بااالغتا فووووووقا ياخ .. خالتي شيري كان سمحة كده كنتا عرستها ياخ ...

Quote: نعمل حصار على سارة دي إن كان توافق وكده ....

يا عمدة حصار علي شنو يا قلب !!
يبدو لي ان عالم سودانيز( فاضي ) من نحية الجماليات البسيطه الخاليه من الكريمات
ومحلات قدر ظروفك ..وبجني احساس اني قاعد في بيت عزابه
ولكن في زوله كدي ياعمدة احلي من امنه عبدالكريم زاته , فيها اي حاجه حلوة وبسيطه قمة في البراءة ..


والجمال يا عمدة جمال الروح ..





برجع ونشوف الحل شنو ووين ؟

Quote: يا عمدة حصار علي شنو يا قلب !! يبدو لي ان عالم سودانيز( فاضي ) من ناحية الجماليات البسيطه الخاليه من الكريمات ومحلات قدر ظروفك

يا كعكوعي ياخي كده عصرتا على المانجو شديد ... ياخي بس معقووووول ... كريمات شنو ياخ !!! ياخي والله خايف أجيب أمثال للجمال تقوم تعورني ياااخ ...
خلاص ياخي بجيب ليك مثل ما بجيب لي هوى ... هسه إسالك الله منى خوجلي دي فيها شختت قلم ولاّ طبقة كريم !!! ياخي ماياها منى زاااتها البنعرفها من زمااااان والشفناها زماااان في الامتداد ... لا بتستعمل مكياجات ولا حاجة ولا حتى استشوار وبرضو كانت ولا زالت جميلة ... أها ما تعصر شديد أبوي سمح !!!

Quote: وبجني احساس اني قاعد في بيت عزابه

ياخي حراااام عليك ... هسه انت شفتا صورة ماما دومة ؟ عذابة شنو ياخ .. الله يرضى عليك ...

Quote: ولكن في زوله كدي ياعمدة احلي من امنه عبدالكريم زاته , فيها اي حاجه حلوة وبسيطه قمة في البراءة ..

أقع خاص أخوي أقع ... منتظرك بالخبر اليقين ... وسرك في بئر عميقة ... ( سارة بطلي الجمجرة ) ..

Quote: والجمال يا عمدة جمال الروح ..

والله يا كعكوعي جمال الروح دي ما بناباها ... لكن عاد من غير الجمال التااااني دااااك يودوهو ويين !!

Quote: برجع ونشوف الحل شنو ووين ؟

نرجع أبوي .. مالو نرجع ... بس قبل ما ترجع أبوي تعااااال لي في الخاص بخصوص الاسمح من آمنة بت عبد الكريم خصمتك بالله ...

بس النبي فووووقك كان تقومي تتهوري وتقووولي كده خلقة ربنا دي تستغليها في انك تنزلي صورتك ..
الراجل عامل لطيف وبيلعب مع الشفع جا لابس ليهم وش بح وقال ليهم :
وووووووووووووه ...!!! خلعتكم ؟؟
الشفع اتخلعوا وبعد داك ضحكوا قام الراجل طلع الوش وقال ليهم لعبة حلوة مش؟ اها عرفتوني؟
شافع قال ليهو :
يلا عمو طلع الوش التاني !!!!!

تخريمة :
سارة ياخ انا متفائل جدا جدا انو يكون فيك ملامح من كورينا

Quote: سارة ياخ انا متفائل جدا جدا انو يكون فيك ملامح من كورينا

تفاؤلك طلع في محلو..

بس انتا قاصد كورينا فاسو؟؟؟


ــــــــ
اساسي اخبارك؟؟

اساسي..
الصورة بتاعت عارضة ازياء صومالية..
انتا ذاتي ما عرفتها الا قريب..

بعد كلامك دا مشيت شفت عمو القوقل لقيت ليها دي

اسمها ايمان

اساسي يا قريبك :
ذكرتني بي واحد صاحبنا كده في المنبر ده عندو زي جغلومية اسم مشارك بيهم وهي اسامي بنات :)
اها طالما الموضوع فيهو دردقة ياخ خلينا ندردق كللللللنا وكما تغني الاستاذة اماني كركبة :
ادردق تعاال لي يا بلااال علييية ..
وسنة سنتين شويية ..يا بلال عليية ..
:)

تخريمة :
والله يا عمك حددتها مع كوستاوي زاتو ..
واهو كورينا اسة عمل لي مس كول دااافي جرس:)

خصمتكم انتو المرة دي بالنبي مافي زول يجيب سيرة لكوستاوي..

الايامات دي اصلا هو منتشي بي قصة شرحبيل..

صورة منو دي يا سارة

كتب عمر الفاروغ

Quote: اساسي يا قريبك : ذكرتني بي واحد صاحبنا كده في المنبر ده عندو زي جغلومية اسم مشارك بيهم وهي اسامي بنات :) اها طالما الموضوع فيهو دردقة ياخ خلينا ندردق كللللللنا وكما تغني الاستاذة اماني كركبة : ادردق تعاال لي يا بلااال علييية .. وسنة سنتين شويية ..يا بلال عليية .. :) تخريمة : والله يا عمك حددتها مع كوستاوي زاتو .. واهو كورينا اسة عمل لي مس كول دااافي جرس:)

Ignore

اساسي:

Quote: اسمها ايمان

لندن؟
تخريمة:
والله يا سارة كوتاوي التوقل بقا متعهد حفلات ؟
خلى موضوع الصور لامي في الفنانين غايتو الله يستر من عمر جزلي جديد

Quote: يا عمدة حصار علي شنو يا قلب !! يبدو لي ان عالم سودانيز( فاضي ) من نحية الجماليات البسيطه الخاليه من الكريمات ومحلات قدر ظروفك ..وبجني احساس اني قاعد في بيت عزابه

شكرا ليك يا عبد الله..
ما فهمتك معانا ولا مع التانين لكن في الحالتين مشكور..



اساسي ياخ بيقينا نخاف من قولة الماسنجر لكن كدي ادي طله..

Quote: اساسي ياخ بيقينا نخاف من قولة الماسنجر لكن كدي ادي طله..

شكرا يا سارة علي التواصل بالماسنجر - راجعي الماسنجر ايضا




عماد وعمر الفاروغ قالوا الخيل الاصيلة بتجي في لفة الماسنجر يلا شتتوا يرحمكم الله

امشوا لي صديق الموج يدربكم واخدوا سنتين في الاوف لاين وبعدين تعالوا

Quote: اها يا عماد ولدي شوف العيون السمحه هنا بعدين الودعه ديوينها ؟؟ لووووووووووووول مكشكشاه كشكشه شديده عشان يبقي ودعه

يا ماما دوما..
كمان انتي ما تعمليها معانا ظاهرة كدة...
ياخ كدة بتبوري لي سوقي بي صور البنات السمحة البتجيبيهم ديل...
هي ..
شوفيني اناالما واعية..دي صورتي لمن عملتا الريجيم ونزلتا خمسة باوند ورسلتها ليك...
اتذكرررررتا..

هي دي ما انا!!!!!!!

Quote: اساسي ياخ بيقينا نخاف من قولة الماسنجر لكن كدي ادي طله..

يا خســااااارة .... يا خسـارة زرعي الزرعته ...
زرعته فول قام لوبيا......

اساسي الحصان (دي ترجمة للخيل ما تضايق):
ياخ مالك بتديني إحساس انا أركب دأن واروووح لأبوكي وأولوا انا طالب إييد بنتكتهاني ..وأألع الدأن وأولوا انا طالب إييد بنتك أماني؟؟
تخريمة :
اساسي يا حبوب ادي دكين كمان من الوصفة السحرية دي يا قريبك :)

Quote: والله يا سارة كوتاوي التوقل بقا متعهد حفلات ؟

ترجمة النص لغير الناطقين بها..
ترجمة من الهيروغلوفية للعربية
يا جماعة عمر الفاروق قال...
(والله يا سارة الجميلة كوستاوي التقول بقي متعهد حفلات؟)

Quote: والله يا سارة كوتاوي التوقل بقا متعهد حفلات ؟

ابدددددددا الترجمة الانتي استخدمتيها دي ترجمة ناس انيس منصور حقت تبا لك !!
اوول شي كوتاوي دي جايا من كووت وهي تعني اقتباس او كما تترجم MBC2 الجعة وبعض الشطائر..
اما التوقل في جاي من الإحلال والإبدال او التبديل مش بيقولوا ليك اعمل توقل؟؟
يبقا الجملة صحييحة وسلييمة ومقصود بها كوتاوي بتاع الكوتات التوقل البيحب التوييقققل بقا متعهد حفلات ولا علاقة للعم كوستاوي بالموضوع ..
الأخت سارة رجاء لا تقحمي شخصيات لا علاقة لها بالموضوع في صراعنا الفكري ..
واعتبريه إنذار أخير بعدها لاتلومن إلا نفسك في كشفي للمسنجر الخاص بك واللي ارسلتيهو لي قبل ما تسجلي في المنبر والمعنون بالعام 1997م
تخريمة :
الصيني وقف يخاطب السودانيين بمناسبة الصداقة الصينية السودانية قام قال ليهم :
تشنق ..
المترجم السوداني مسك المايك وقال ليهم الزول ده قال ليكم السلاام عليكم وانا سعيد بوجودي معكم وتظل الصين ووالسودان علاقة مرنة لاتشوبها اي شائبة والله اكبر والعزة للسودان ولا نامت اعين الجبناء..

الصيني شال المايك قال :
تشنق شونق لونغ كينغ هونغ اجي يا بري سجمي بونغ كر علي تونغ سارة عليونغ بشتنة السنينغ برتغلينغ ليموناش تش ترش كرش جك جرك سحبو مني بلونغ كونغ ..
السوداني قال ليهم :
الزول ده قال ليكم وشكرا ..

عمـر الفاروق :

Quote: والله يا سارة كوتاوي التوقل بقا متعهد حفلات

سارة علي :

Quote: انتا ذاتي ما عرفتها الا قريب..

قال ليك كبكبة شديييييدة يا عمك !!! وبرضه يا أساسي تقول لي الجبل بطلعوه بالسلم !!!
لغير الناطقين باللغة العربية وكده : الترجمــــة على الشـــريط :
عمر الفاروق قاصد ... والله ياسارة كوستاوي التقول بقا متعهد حفلات ...
وسارة علي تقصد أنا ذاتي ما عرفتها إلا قريب ..

Quote: ياخ كدة بتبوري لي سوقي بي صور البنات السمحة البتجيبيهم ديل... هي .. شوفيني اناالما واعية..دي صورتي لمن عملتا الريجيم ونزلتا خمسة باوند ورسلتها ليك... اتذكرررررتا..

بري يا سروره بتي سوقك حار
يا ست اللهيج السكري انت الجمال بتجهجهي
عاد انا ما شفتك سماحه البنات لحدهن

Quote: هي دي ما انا!!!!!!!

العذاب قسمة وإرادة ..

Quote: بري يا سروره بتي سوقك حار يا ست اللهيج السكري انت الجمال بتجهجهي عاد انا ما شفتك سماحه البنات لحدهن

طيب يا ماما ولدك ده ما ليهو في الطيب نصيب ؟!!! ما تقومي بالواجب وكده !!! الثلج وكسرناه لامن بقى دراااااش ، أها سرعي قبل الماسنجرات ما تقع بي هنااااك ويجينا اساسي ناطي تاااني ويكرر كلامه المسيخ ده :

Quote: شكرا يا سارة علي التواصل بالماسنجر - راجعي الماسنجر ايضا عماد وعمر الفاروغ قالوا الخيل الاصيلة بتجي في لفة الماسنجر يلا شتتوا يرحمكم الله امشوا لي صديق الموج يدربكم واخدوا سنتين في الاوف لاين وبعدين تعالوا

يا ماما قالوا من سبق لبق ... أها بالله أسبقي لي أساسي ده .

Quote: عاد يافادية يا أختي كيفن نشوف الفيل وهو متخبي في عيون تقول يا ريت ... هسه الصورة دي مجهجهانا ياخي تقولي لي سماحة الاسم كلمة ورسم .... هسه في ذمتك دي مرتين ونص دي يتحملوها كيفن بس ؟

عماد كيفنك

من الرضريض والكسير ...خفت على عضامك لووووووول

اتحملها ياخوى اتحملها

Quote: غايتو انت ودوما ديل .... الله يجازي محنكن ...

ومحنك انت وسارة هههههههههههههههههههه

Quote: الثلج وكسرناه لامن بقى دراااااش

ده ما دراش انت قصدك بقى موية حارة عدييل

يا مثبت الدين والعقل يااااااااااااالله


سارة ازييك

اتنازلى ياااااخ ...الود ده حالته بقت تحنن

Quote: عماد كيفنك

غايتو يا فادية مابسألك لكن ... يعني ما شايفه الحاااصل ده كله جايا تسأليني كيفني ؟

Quote: من الرضريض والكسير ...خفت على عضامك لووووووول

خصمتك بالله إن كان تلولي تااااني أتخوججي أمي إتخوججي ...

Quote: اتحملها ياخوى اتحملها

عبور المحيط على العصافير صعب ....

Quote: ومحنك انت وسارة هههههههههههههههههههه

اضحكي ... غايتو ناس أفراحا زايدة وناس بتالموا ...

Quote: ده ما دراش انت قصدك بقى موية حارة عدييل

أريتو بي فايدة ...

Quote: يا مثبت الدين والعقل يااااااااااااالله

اللهم ثبتنا بالقول الثابت في الحياة الدنيا وفي الآخرة .... يااااارب ...

Quote: اتنازلى ياااااخ ...الود ده حالته بقت تحنن

أأأأأي ياسارة ياخ .. أسمعي كلام فادية ده كويييييس ... حالتي بقت شلش ... وتحنن الكافر أمي ... إتنازلي .. إتنازلي .... أأأي يافادية خليكي وراها لحدي ما تتنازل وإن كان ما إتنازلت الرماد كال حماد ....

.

كوستاوي يا الحبيب ...
ياخي ما تتاوق بي بره بره تعاااال داخل توووووووووووووشك ... وشوف جماعتك ديل بيعملوا في شنو!!!

Quote: والله يا عمك حددتها مع كوستاوي زاتو .. واهو كورينا اسة عمل لي مس كول دااافي جرس

Quote: عشان عااااارفة كوستاوي نايم.. نظام غاب اب شنب ولعب اب ضنب..

Quote: التعديل لسحب الصورة.. الدنيا ما معروفة يمكن الخردة يجيهو كابوس ويصحا..

الباقي بجيبو ليك بعدين سمح؟ شوف شغلك معاااهم !!!

Quote: سارة ازييك اتنازلى ياااااخ ...الود ده حالته بقت تحنن

عاد يا فادية دليني اعمل شنو؟؟؟

اساسي ختاها ليهو وااااضحة قال ليها اخت ليك سنة سنتين تدريب اوف لاين..

Quote: اساسي ختاها ليهو وااااضحة قال ليها اخت ليك سنة سنتين تدريب اوف لاين..

لحدي ما السنة والسنتين ديل يعدوا علي خير شيلي المصيبة دي من قدام وشي أصلي أنا خلااااااص إتكلبشتا وبقيت خاتيها مع الاقامة سوى ...

هههههههههههههههههههههههههه
عمر الفاروق
بالجد انتا فاضي سطر ..بالذات في قصة الصيني..

كوستاوي ازيك..

بركة في المشاركة بتاعتك دي اخير من عدما..

بلاي خليك محافظ علي العهود..
فهمتني..صح؟؟

Quote: بلاي خليك محافظ علي العهود.. فهمتني..صح؟؟

ع
الم تخاف ما تختشيش ...
كوستاوي لو صعبت عليك هنا أقع خاص ياخي .. ليك زمن كده ناسينا ياخ ....

البكاء المتلفز دة أماني ماهو سمح
يشهيك الشاكوش

أووووووووووووووووووووووووووووه زعيـــم البكاييييييين والنواحيييييييييييييييييين
ياخي وينك يا ريس ... منتظر جيتك دي بفراق الصبر .....
هسه ياخي جاااااي داخل توووووووش كده بي صورتك دي مالك علي ؟ ياخي نحنا في شنو تجي تزيد الطينا بله ... ما مكفياك صورة بروفايل سارة دي كمان جااااييييني انتا ... الله كريم علي غايتو ...
بس بالله يازعيمنا رايك شنو في بروفايل سارة ده ؟!!!
الله يجيبك يا فلانه وتحلينا من البروفايل ده غصباً عن سارة دي ....

ياريس رأيك بالله ....

بيعجبني فيك يا كوستاوي لفحيك دة...

خلاص فضيت من شهر اغسطس الجاكي؟؟


هههههههههههههههههه

الليلة ووووووووووووووووووووووووووووووب

ياسلااااام عليك يا كوستاوي ياخي .. انت زول عسل عديييييل كده ...
ياخي عمرك ما خذلتني في شيء توقعته منك ... الله يفتحها عليك شقيش ماتقبل ...
بس دي سارة ولا حنين ؟ ياخي شبه شديد ودم ظاهر !!

غايتو يا عمدة
عرفتكـ حتقهي في الصورة دي قلت النلحقكـ سريع سريع

أها يا عمكـ
الصورة فيها Na Gi
حتكون صورة منووووووووووو؟








الله يجيبكـ يا ود البشرى!

ناجي ... مش ؟!!!!!!!

Quote: الله يجيبكـ يا ود البشرى!

ياعمك مالك علينا ياخ خليع مستريح وخلينا نهيص ياخ... حسه في زول جاب سيرة البكاء ودق الصيوانات ...

Quote: ناجي

لا .. ما تجي!

Quote: لا .. ما تجي!

ياخي ما تخليني أجي عشان نفته سوى ياخي ... سارة دي ما بقدر عليها برااااي ، البركة في كوستاوي ياخ ، ومال إنت رئيس على شنو ياخ ؟ اتصلح معانا ياخ ؟ وضح ابن أفصح عبر الخاص ياخ !!! ما تخليهم يدودروا بينا كده ...

سلامات يا عمدة,,,



الفراش دا كم يوم أصلو!!!

لووول ما قلنا ليكم سرور اسمح من الصوماليه والشاف السيده شاف حرم

لكن ياماما أنا زعلاااااان منك !!! إهيي إهيي

والله يا شباب ما طالني حليفةأروق منكم ماشفت ولا حأشوف......أخير ليكم كدة اضربوا الهم بالدردقة....



انا جيت من السودان..أزيكم

Quote: انا جيت من السودان..أزيكم

حمد لله على السلامة يا بلد

Quote: حمد لله على السلامة يا بلد

ود الصايم ..أزيك والله يسلمك من كل شر....لكن منبركم ده أبوي ماله بقى كدة؟؟؟؟؟؟

حنين..
عندك تعليق علي حال المنبر امشي افتحي بوست براه..

خلينا انحنا هنا في القهيي..(قاصدة التحديق)..عشان غلبني اكتبا بالدارجي..


ماما دوما..
شكرا لي رفع المعنويات...

ود الصائم..؟؟
انتا السألك منو؟؟؟انا كنتا في السودان وصورني ناجي..

عمدة..
اقعد اشكر لي في الخردة دة لمن يملا ليك البوست دة كلو صور..

Quote: عمدة.. اقعد اشكر لي في الخردة دة لمن يملا ليك البوست دة كلو صور..

الخردة ده منو ؟ معقووووول !!! كوستااااوي خردة ... طيب ما دي المنقة زااااااتها .. جييييب يا كوستا جييييب !!! احييييييييييي أنا لو جاب لي صورة هناية دييييك !!!!

Quote: ود الصائم..؟؟ انتا السألك منو؟؟؟انا كنتا في السودان وصورني ناجي..

ود الصائم ... ناجي ده منــــو ؟!!!!!!!!!!!!!!!!!! أها ده ترشوا ولاّ ارشو ......

Quote: ماما دوما.. شكرا لي رفع المعنويات...

طييييييب وكتين المعنويات إرتفعت ... الله يرضى عليك أرفعي الصورة من البروفايل وخلي صورتك .. لزومه شنو تجي تاااااني تغيريها ... ياخي خافي الله فينا ... عالم تحب البكاء بشكل ... لازم تبكونا يعني .. برانا الفينا مكفينا ... الله يطراك بالخير يا ود البشرى ...

يا ســـلااااام ياخي ... حنين الحنينة جاااااات ، أيوووووووووووووي يوووووووووووووووووي ( زعرودة فرح وكده ) .. الف .. الف حمد لله على السلامة ... نورتي البور والبوست وامريكا وما جاورها كمااااان ، بركة الجيتي أصله سارة دي عاملة لي وجع مصران أعور وعميان كماااان ، وأنا قلت ليها بكلم ليك حنين ما إشتغلت بي كلامي الشغلا عشان عارفاك في السودان .. بس لما شافتك جيتي ( جبانه ) قامت غيرت الصورة ... عالم تخاف ما تختشيش المهم أمي بركة الشفناك طيبة .

أيمن الطيب يا راجل يا طيب ...
صباحك بنكهة القهوة وطعم الفراولة ...

Quote: الفراش دا كم يوم أصلو

ياخي نحنا كنا ح نرفع الفراش ده في حالتين :
الحالة الأولى إنه حنين للبلد تجي .وجااااات ...
الحالة الثانية أنه سارة علي تشيل الصورة .وشااالتها غصباً عليها !!! ( مش حنين جات ) ...
أها الحالتين ديل حصلن هسه بس إنتا جبتا لينا حالة ثالثة كمان ...
الحالة الثالثة لامن الحاجات بتاعنك البنططن ديل يقيفن أبوي :

أها يا أبوي وقفن عشان نقفل باب الحوش ده ونشيل المفتاح نديهو لي كوستاوي يمكن يحتاج يرجع يشيل ليهو حاجة وكده .. اصله شايف حنين جابت ليها نيو لوك ....