Post: #1
Title: ومن الحب ما قتل ـــ عـراقي يقتل حبيـبتـــه وينتحـر
Author: عماد محمود علي
Date: 06-23-2009, 07:38 AM
Parent: #0
أحب شاب عراقي زميلته في الكلية واستمرت علاقتهم ثلاث سنوات ... وقد أهمت به وأهم بها .. وفي السنة النهائية للجامعة وبعد أداء الامتحانات تقدم زميلها لأهلها طالباً الزواج منها .. غير ان أهل الفتاة رفضوا ذلك وأصروا على الرفض رغم تدخل الأجاويد ... وهنا جن جنون الطالب الذي شعر بأن الأرض تهتز من تحته وأن حياته لا معنى له من غيرها. وأضمر في نفسه شيئاً ..
وفي يوم استلام الشهادات ومعرفة النتائج دخل الطالب لحرم الجامعة وتوجه تلقاء حبيبته التي كانت جالسة تنتظره لتبارك له تخرجهما معاً ، وعندما راته قامت لتسلم عليه وتخبره بالتخرج .. ولكنه فجأة أخرج مسدس من سترته وأطلق عليها ثلاث رصاصات قاتلة ثم وضع المسدس في رأس واطلق طلقة واحدة كانت كافية بأن يتخرج بها من الدنيا معها كما تخرجا من الجامعة سوياً .. وحقيقي من الحب ما قتل ..
|
Post: #2
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: هويدا شرف الدين
Date: 06-23-2009, 08:00 AM
Parent: #1
الله يرحمهم ويغفر الله فعلا الحب شئ عظيم لكن خساره ان ينتهي الحب هكذا الحب يجب أن ينتهي النهايات السعيده المقرره له وفعلا من الحب ما قتل
|
Post: #3
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: خالد حامد الجزولي
Date: 06-23-2009, 09:53 AM
Parent: #2
يا عمدة
كدي سيبك من الكلام الكتير الفوق دا كلو
صورك بروفايلك دي نكتا من وين
عجييييييييييب
|
Post: #4
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: عماد محمود علي
Date: 06-23-2009, 01:33 PM
خـالد .. لكن كده ما جهجهتني عديييييل أبوي .. ياخي أنا واااااحدة مخلياني ماشي بالجنبة أها كمان تجي تعملها لي دبل .. ياخي كده بموووووت عديييييل أنا ...
ياخي الصورة دي جابتها لي ماما دومه عشان كنت عايز لي واحدة كده عملت لي وجع مصران وتعززت تشيل صورتها ،، أها امي دومة الله يديها الصحة والعافية جابتها لي قالت لي خلاص خليك مع دي دييييك إنساها ناس أساسي واقعين ماسنجرات ما بدوك طريقة ، أها من يومها يا الحبيب قلبي قااااعد يرفرف سااااكت بالعلم ده .....
|
Post: #5
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: عماد محمود علي
Date: 06-23-2009, 02:01 PM
Parent: #2
بت شرف الدين ...
مساءك عبير وعبق صندل
| Quote: لكن خساره ان ينتهي الحب هكذا الحب يجب أن ينتهي النهايات السعيده المقرره له |
فعلاً يا هويدا خسارة أن تكون هذه هي النهاية .. يعني هسه أهل الفتاة دي إستفادوا شنو ؟ في النهاية خسروا بنتهم ساااااكت !!! غاتيو جنس جهل الابهات والامهات الايامات دي ما لاقاني ... غايتو جنس حالة .
| Quote: وفعلا من الحب ما قتل |
غايتو أنا خاااائف لي على واحدة كده ما تقوم تروح فيها .. الله يستر ..
|
Post: #6
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: خالد حامد الجزولي
Date: 06-24-2009, 03:11 PM
Parent: #5
Quote: خـالد .. لكن كده ما جهجهتني عديييييل أبوي .. ياخي أنا واااااحدة مخلياني ماشي بالجنبة أها كمان تجي تعملها لي دبل .. ياخي كده بموووووت عديييييل أنا ...
ياخي الصورة دي جابتها لي ماما دومه عشان كنت عايز لي واحدة كده عملت لي وجع مصران وتعززت تشيل صورتها ،، أها امي دومة الله يديها الصحة والعافية جابتها لي قالت لي خلاص خليك مع دي دييييك إنساها ناس أساسي واقعين ماسنجرات ما بدوك طريقة ، أها من يومها يا الحبيب قلبي قااااعد يرفرف سااااكت بالعلم ده ..... |
الله يجازي محنك يا عمدة
تحياتي
جزل
|
Post: #7
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: عماد محمود علي
Date: 06-25-2009, 07:06 AM
Parent: #6
خالد يا أمير ...
صباحك قشطة إنشاء الله ... ( بس ما تقول لي بما بحب الحاجات الحلوة ) .. ركز ..
| Quote: الله يجازي محنك يا عمدة |
هههههه تسلم أخوي تسلم ... بس إنت هذه خشيت شماااال وشايت ضفاري .. ما وريتنا رأيك في حكاية العراقي المسكين ده ؟ غايتو بس قاعد تجهجه فيني ساااااكت ...
|
Post: #8
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: هويدا شرف الدين
Date: 06-25-2009, 07:54 AM
Parent: #7
لكن بيني وبينك يا عماد الزمن دا ما اظن في زول ولا زوله يستاهلو يموتو عشانهم
|
Post: #9
Title: Re: ومن الحب ما قتل ـــ عـراقي يقتل حبيـبتـــه وينتحـر
Author: عماد محمود علي
Date: 06-25-2009, 08:02 AM
Parent: #8
بت شرف الدين ...
صباحك عسل زيك ....
| Quote: لكن بيني وبينك يا عماد الزمن دا ما اظن في زول ولا زوله يستاهلو يموتو عشانهم |
كل إناء بما فيه ينضح ....
لا لا لا في أمي في ... هسه أنا ممكن أمووووت عشان فلانه ديييييييك ... بتستاهل صديقني .. ( ود الصائم بطل الجمجره أبوي .. بطل ) ....
|
|