جنوب السودان يطلب شراء 100 دبابة !! أليس هو الانفصال؟

خبر على وكالة رويترز

Quote: جنوب السودان يزيد عدد دباباته مع تزايد التوتر الخرطوم 8 يوليو تموز (رويترز) - ذكرت نشرة جينز الدفاعية الاسبوعية استنادا الي صور بالاقمار الصناعية اليوم الاربعاء ان جيش جنوب السودان يزيد عدد دباباته في وقت يزداد فيه التوتر بسبب تعثر تنفيذ اتفاق السلام مع الشمال. وقال الجيش الشعبي لتحرير السودان يوم الثلاثاء انه يمارس حقه في تحديث عتاده الحربي لكنه نفى تقارير عن تسلمه دبابات جديدة قائلا انه ليس في نيته استعداء الخرطوم.

ويواصل تقرير رويترز:

Quote: ويأتي تقرير نشرة جينز في وقت حساس على نحو خاص قبل اسابيع من قرار بشأن الحدود المتنازع عليها لمنطقة ابيي حيث اشتبك الجانبان العام الماضي. وجاء في العدد الاخير للنشرة ان "جنوب السودان يجمع اسطول مدرعات ويعد لاي احتمال في نزاعه الطويل مع الخرطوم." واضافت "طلب جنوب السودان شراء ما مجموعه 100 دبابة ...وهو ما اكدته مصادر عسكرية ودبلوماسية (لنشرة) جينز."

وتواصل الوكالة :

Quote: ويقول محللون ان الطرفين يعيدان التسلح استعدادا لنقط تفجر محتملة تشمل استفتاء على انفصال الجنوب. ونشرت جينز صورا التقطتها الاقمار الصناعية لمجمع للجيش الشعبي لتحرير السودان شمال شرقي العاصمة جوبا في مارس اذار يضم دبابات مغطاة باغطية مموهة او "موضوعة وسط نباتات في انحاء المجمع". وقالت ان 12 دبابة جديدة صورت في مايو ايار وكلها بنفس شكل الدبابة الاوكرانية طراز تي-72 . واضافت ان صور الاقمار الصناعية اظهرت ايضا اثار جنازير جديدة تمتد من مطار جوبا الي المجمع "مما يشير الى ان هذه الدبابات نقلت جوا الي السودان في اوائل مايو على الارجح وتمت قيادتها حتى المجمع." واشارت الى انها لم يمكنها ان تثبت ان الدبابات التي صورت قرب جوبا في مايو هي نفسها الدبابات طراز تي-72 التي تم العثور عليها على ظهر سفينة اوكرانية خطفها قراصنة صوماليون في سبتمبر ايلول من العام الماضي.

Quote: وقال دبلوماسيون والبحرية الامريكية والقراصنة انذاك انهم يعتقدون ان شحنة الدبابات مرسلة الى جنوب السودان عبر كينيا. ونفى جنوب السودان وكينيا المزاعم. ونقلت شحنة الدبابات الي كينيا في فبراير بعد دفع فدية. وقالت جينز ان الجيش الكيني وعد بان يثبت للمراسلين ان الدبابات مازالت على الاراضي الكينية ولكنه لم يفعل بعد. وقال الجيش الشعبي لتحرير السودان لرويترز اليوم انه طلب بعض الدبابات من طراز تي-72 في عام 2007 وتم تسليمها عام 2008. لكن المتحدث مالاك ايوين اجوك نفى تسلم اي دبابات منذ ذلك الوقت. وقال ان الجنوب لا يعزز قواته للاستعداد لمواجهة اي تهديد ولكنه يعمل على تحديث جيشه. واضاف "نحن لا نعيد التسلح بسبب اي مواجهة مع الشمال... نحن نحول جيشنا من جيش ثوار الي جيش تقليدي." وتسمح قواعد اتفاق السلام لعام 2005 للجانبين بشراء اسلحة على ان يحصلا على موافقة مجلس الدفاع المشترك للشمال والجنوب. ولن يتسن الحصول على تعليق فوري من المجلس او جيش الشمال.

انتهى تقرير وكالة رويترز .. لكن الاسئلة حول الانفصال والوحدة تبقى مفتوحة

القارئي الكريم


شكراً حسن البشاري لهذا البوست القيم وسؤآله الهم


لكن لي سؤآلين:

الأول هو : الجهة الرئيسة في السودان عملت شنو عشان تخلي الوحدة خيار مقبول للسودانيين في الجنوب؟

الثاني هو: هل ما يجعل الوحدة مقبولة للسودانيين في الجنوب هو إضطهاد الحركة في الشمال ومحاولة تفتيتها في الجنوب وتسليح القبائل والمليشيات وتزوير حسابات النفط والذهب وقمع الصحافة المنتقدة لمواقف الحكومة؟


ولكم التقدير

اتمني ان تركز الحركة علي التدريب والدفاع الجوي خاصة لاهميته في اي صدام قادم لاقدر الله ....لأن امثال هؤلاء لا امان لهم فهم لايرعون عهدا ولا ميثاق ولا يفهمون سوى لغة الدواس.....

لا تخلدوا للراحة.... مع هؤلاء لاراحة... لاثقة...ضعوا احتمال الغدر دائما امامكم

Quote: اتمني ان تركز الحركة علي التدريب والدفاع الجوي خاصة لاهميته في اي صدام قادم لاقدر الله ....لأن امثال هؤلاء لا امان لهم فهم لايرعون عهدا ولا ميثاق ولا يفهمون سوى لغة الدواس..... لا تخلدوا للراحة.... مع هؤلاء لاراحة... لاثقة...ضعوا احتمال الغدر دائما امامكم

.. زى كأن الحرب ... مبارزة فردية واحد من المؤتمر الوطنى والاخر من الحركة الشعبية... وهكذا دون ان يتضرر بقية البشر وكذلك الاخضر واليابس..
...
وينك يابشارى

السؤال الذي يفرض نفسه:
هل من طرف حريص على الوحدة؟
لا اعرف اجابة محددة للسؤال ، لكن واقع الحال يحمل طرفي نيفاشا المسؤولية.

Re:

Quote: جنوب السودان يطلب شراء 100 دبابة !! أليس هو الانفصال؟

لا ليس هو الانفصال

Quote: لا ليس هو الانفصال

الاخ المحترم
كمبورة.
آمل ان تكون هذه هي الحقيقة.
بيد ان ما يقلقني هو تواتر التصريحات المصحوبة بالافعال
والتي لا تتجه الا الى وجهة واحدة .
ومع ذلك نتمنى ان نكون مخطئين.
لا احد يقبل ان يقودنا هذا الصراع البائس بين الساسة
في الشمال والجنوب الى تقسيم السودان الموحد.

الاخ
ازهري طه
حبابك
فلت

Quote: اتمني ان تركز الحركة علي التدريب والدفاع الجوي خاصة لاهميته في اي صدام قادم لاقدر الله ....لأن امثال هؤلاء لا امان لهم فهم لايرعون عهدا ولا ميثاق ولا يفهمون سوى لغة الدواس..... لا تخلدوا للراحة.... مع هؤلاء لاراحة... لاثقة...ضعوا احتمال الغدر دائما امامكم

السؤال الى اين يقودنا سباق التسلح الذي تدعو اليه؟
القضية ان الناس شمالا وجنوبا في معظمهم يرغبون في
الوحدة لا الانفصال.
قد يكون لكل منا موقفه ازاء النظام او الحركة او كليهما ، لكن المصالح العليا
تجعل من الاهمية الاتفاق على ثوابت محددة في مقدمتها الوحدة.
لك الود

الاخ الكريم المنصور
تحياتي

Quote: الأول هو : الجهة الرئيسة في السودان عملت شنو عشان تخلي الوحدة خيار مقبول للسودانيين في الجنوب؟ الثاني هو: هل ما يجعل الوحدة مقبولة للسودانيين في الجنوب هو إضطهاد الحركة في الشمال ومحاولة تفتيتها في الجنوب وتسليح القبائل والمليشيات وتزوير حسابات النفط والذهب وقمع الصحافة المنتقدة لمواقف الحكومة؟

لم يفعل الساسة في الشمال وعلى وجه الخصوص الحكومة ما يتوجب عليهم لضمان وحدة السودان.
واعتقد ان الوضع بات خطيرا بكل المقاييس ان ترك الامر للساسة ليفعلوا ما يشاءون.
الوضع في تقديري يستوجب تحركا من كل القوى لتشكيل لوبي ضاغط يجبر الساسة
في الشمال والجنوب للارتقاء الى مستوى التحدي الراهن والاضطلاع بمسؤولياتهم
ازاء منع الامور من السير في الاتجاه الخاطىء.

Quote: اتمني ان تركز الحركة علي التدريب والدفاع الجوي خاصة لاهميته في اي صدام قادم لاقدر الله ....لأن امثال هؤلاء لا امان لهم فهم لايرعون عهدا ولا ميثاق ولا يفهمون سوى لغة الدواس..... لا تخلدوا للراحة.... مع هؤلاء لاراحة... لاثقة...ضعوا احتمال الغدر دائما امامكم "

الأخ من بوركينا فاسو!
جنى

الاخ
جني
شكرا على المرور

Quote: Quote: جنوب السودان يطلب شراء 100 دبابة !! أليس هو الانفصال؟

Quote: لا ليس هو الانفصال

بالضبط كده
المشكلة وين ؟؟
الدستور يسمح ...بالتسليح والتحديث....يبقى المشكلة وين ؟؟؟








_________________________
الجقلبة شنو ؟؟؟
ولى الجماعة عندهم نوايا تانية؟؟؟

الاخ دينق
سلام وتحية

Quote: بالضبط كده المشكلة وين ؟؟ الدستور يسمح ...بالتسليح والتحديث....يبقى المشكلة وين ؟؟؟ _________________________ الجقلبة شنو ؟؟؟ ولى الجماعة عندهم نوايا تانية؟؟؟

انت شايف انو مافي مشكلة .. وانو الدستور بيسمح بالتسليح والتحديث.
نعم الاتفاق يسمح .. لكن قراءة الاشياء مع بعضها البعض تقود الى نتيجة مخيفة.
المشكلة يا دينق، انو نحنا ما دايرين نصحى بعد الاستفتاء على واقع
ضد مصالح الشعب السوداني باكمله بسبب اخطاء بعض الساسة.

لكن
.
.




------------------------------------------------
منو المجقلب؟ و منو الجماعة العندهم نوايا تانية يا دينق؟

الفكرة الاساسية هنا ان المؤشرات التي نراها كل يوم تنذر
بان مآلات الاستفتاء لا تبشر بالخير.
ولا استسيغ حكاية ان نرى طرفي نيفاشا وهما يضيعان وحدة
السودان بنوع بليد من عدم المسؤولية، ثم لا يحرك الناس ساكنا.
اعتقد اننا بحاجة الى جبهة شعبية واسعة مؤيدة للوحدة لتشكل
توجها عاما يضغط لتعديل المسار الذي تمضي الامور صوبه
حاليا.
واظن ان منبرا مثل سودانيز اونلاين يمكن ان يبتدر نواة لهذه
الجبهة التي تبدو الحاجة اليها ملحة الان اكثر من اي وقت مضى.
وليكن هدفنا واحدا .. لا بديل لوحدة السودان الا الوحدة.

لاخ حسن
سلامات
اتفاقية السلام تسمح للجيش الشعبي الذي اصبح جيش جنوب السودان ويتبع لحكومة الجنوب بشراء وتدريب
قواتها ، ومن الرشاش للطائرة ، وتحويل الجيش من جيش ثوار الى جيش نظامي ، ثانياً الدبابات التي تم شراؤها
لا تعتبر من مسائل الانفصال ، لانها ببساطة هي لا تذهب الى صناديق الاقتراع في الاستفتاء على حق تقرير
المصير ، ثالثاً انفصال الجنوب لا تحدده الحركة الشعبية او حكومة الجنوب ، ولعلك تكون قد استمعت الى
رئيس الحركة النائب الاول ورئيس حكومة الجنوب في جنوب كردفان امس وامس الاول الذي قال انه سيوجه
مواطني الجنوب بالتصويت لصالح الوحدة والتي يجب ان تكون على اسس جديدة .
الاستخبارات العسكرية الان توزع الاسلحة في مناطق بعينها في الجنوب ، وتدير معارك وتحرض مليشيات
ومنها التي يقودها اللواء في القوات المسلحة قبريال تانج الهارب من العدالة في الجنوب ، والاستخبارات الان
تقوم بتدريب وفتح معسكرات في مناطق قريبة من الجبلين وفي المناطق المتاخمة لبحر الغزال ، اذن من الذي
ينوي على الحرب ، ومن الذي يقود الى تحقيق الانفصال ؟
شكراً

الصديق
سري
لم اقل انه لا يحق للحركة شراء السلاح.
انا اقول انه لا ينبغي لنا ان نركن الى نوع من اللامبالاة وننتظر الى
ان يحين موعد الاستفتاء ثم نرى الى اين تتجه الامور؟
يا صديقي
حماية وحدة السودان تحتاج الى اكثر من بضعة تصريحات خجولة
هنا وهناك تدعو للوحدة، بينما يعمل فريق في كلا الطرفين عكس التيار.
صحيح المؤتمر الوطني لم يعمل ما ينبغي لكي تصبح الوحدة امرا جاذبا ، ذلك ان لم نقل ان
تيارا قي صفوفه لاهم له غير قطع الطريق امام اي جهد من شأنه تعزيز الوحدة.
وفي المقابل صحيح ايضا ان بعض منسوبي الحركة يساومون على الوحدة الى حد الابتزاز.
ما اراه شخصيا من مؤشرات تكفي لكي نتحرك، نحن الذين نرى في الوحدة
مصلحة عليا للشعب.
يجب ان يكون التبشير لصف الوحدة رسالة يحملها الحادبون لكل
الناس.. في بيوتهم .. في اماكن عملهم .. وانديتهم .. وفي اماكن تجمعاتهم
في الريف والحضر .
لا نريد لسياسي ايا كان ان يفرق بيننا ..
لا نريد ان نسير كالدمى وراءهم ثم نكتشف في نهاية المطاف انهم
كانوا يبيعوننا الوهم.
لك وللاسرة مودتي

Quote: المشكلة يا دينق، انو نحنا ما دايرين نصحى بعد الاستفتاء على واقع ضد مصالح الشعب السوداني باكمله بسبب اخطاء بعض الساسة

دى حقيقة ما داير نصحى ونلاقى مصالح كل الشعب السودانى سراب .....طيب الحل شنو ؟؟؟
دايرين الحركة تقنع الجنوبيين كيف؟؟؟؟
ليه الحركة براو المطوب منه انو يقنع الجنوبين ....وين القوى السياسية الاخرى فى الشمال والجنوب ...؟؟ بعدين يقنعوا الجنوبين بشنو؟؟
شوفوا طريقة تنفيذ الاتفاقية
المماطلة المملة فى كل شى
زرع الفتنة
تسليح بعض القبائل
وو......و....... و.....








مطلوب عمل سريع من كل القوى ...
بس وينوا التنمية المتفق عليها للمساهمة فى جاذبية الوحدة

المجقلب ؟؟
الجماعة طبعا !!!!
الجماعة ديل منو ؟؟؟؟
الكيزان طبعا !!!!
الكيزان ديل منو ؟؟
المؤتمر الوطنى طبعا.؟؟؟؟
المؤتمر الوطنى ديل ناس منو ؟؟؟
:"""""""""""""""""""""""""""""""""""
::::::::::::::::::::::::::::::::
:::::::::::::::::::::::::::::::::::::
::::::::::::::::::::::::::::::



_____________________________
ده المقصود !

الأخ جني في نظرية زمان بتقول ان توازن القوي يمنع الحرب...اذا كان ماسمعت بيها غايتو نحن في بوركينا فاسو سمعنا بيها......


بعدين الكيزان ديل اذا وجدوك ضعيف بيحقروك هم بيحترموا البندقية لانها السبب في وضعهم الحالي ....نحن(في بوركينافاسو) ننظر الي الجوهر والفعل ولاتهمنا الاحاديث والنوايا.....الكيزان ديل فعلهم شين ومهما حاولوا الظهور بغير مظهرهم فالطبع يغلب التطبع وعلي الحركة الشعبية وكل القوي السياسية الحذر ثم الحذر حتي لايلدغوا من الجحر مليون مرة وبعدين نقول ياريت....لاتثقوا في الكيزان

الاخ دينق
صباح الخير

Quote: دى حقيقة ما داير نصحى ونلاقى مصالح كل الشعب السودانى سراب .....طيب الحل شنو ؟؟؟ دايرين الحركة تقنع الجنوبيين كيف؟؟؟؟

سؤالك ده في محلو..
الحفاظ على وحدة السودان ليس مسؤولية الحركة وحدها ولا المؤتمر الوطني ..
المسؤولية هنا تقع تبعاتها على كل مؤسساتنا وقوانا السياسية والاجتماعية والثقافية.
الوحدة مسؤولية الجميع .. عشان كدة انا بنادي بانو الناس تفكر في آليات تحرك
المجتمع كله صوب الايمان بالوحدة والعمل على جعلها واقعا .. واقترحت تشكيل جبهة
شعبية تكون بمثابة لوبي ضاغط لاحباط اي توجه نحو الانفصال.
صحيح ان هناك عقبات تواجه تنفيذ الاتفاقية .. والروح التي يتعامل بها طرفا الاتفاق
لا تقود الا الى طريق الازمات. لكن الاتفاقية يدعمها غالب الشعب السوداني شمالا
وجنوبا وهو امر يشكل اكبر ضمانة لتنفيذها فيما لو احسن الناس تشكيل جبهات ضغط
تجبر الطرفين على التزام تعهداتهما، كل فيما يليه من استحقاقات.
وافتكر ان استمرار اتجاه المعارضة نحو الاجماع على ترشيح سلفا كير للرئاسة
ومساندته ربما يساعد كذلك.
اشكر لك اريحيتك في دفع عجلة النقاش حول هذا الموضوع المهم.

الأخ جني في نظرية زمان بتقول ان توازن القوي يمنع الحرب...اذا كان ماسمعت بيها غايتو نحن في بوركينا فاسو سمعنا بيها......


بعدين الكيزان ديل اذا وجدوك ضعيف بيحقروك هم بيحترموا البندقية لانها السبب في وضعهم الحالي ....نحن(في بوركينافاسو) ننظر الي الجوهر والفعل ولاتهمنا الاحاديث والنوايا.....الكيزان ديل فعلهم شين ومهما حاولوا الظهور بغير مظهرهم فالطبع يغلب التطبع وعلي الحركة الشعبية وكل القوي السياسية الحذر ثم الحذر حتي لايلدغوا من الجحر مليون مرة وبعدين نقول ياريت....لاتثقوا في الكيزان

مظهر واضح للوحدة في هذا البوست
دعوة لحضور محاكمة الصحفية الاستاذة لبنى احمد حسين (توجد جلد)

الاخ العزيز
ود عكر
سلامات

Quote: .. زى كأن الحرب ... مبارزة فردية واحد من المؤتمر الوطنى والاخر من الحركة الشعبية... وهكذا دون ان يتضرر بقية البشر وكذلك الاخضر واليابس..

Quote: ليه الحركة براو المطوب منه انو يقنع الجنوبين ....وين القوى السياسية الاخرى فى الشمال والجنوب ...؟؟ بعدين يقنعوا الجنوبين بشنو؟؟ شوفوا طريقة تنفيذ الاتفاقية المماطلة المملة فى كل شى زرع الفتنة تسليح بعض القبائل وو......و....... و.....

كوميريد دينق قوج,
فى شريحة اجتماعية عندنا تعودت على شفط الشكولاتة الحلوة من على خرطوش و هى راقدة. الناس ديلة معتبرة الجنوبين بشر? لا يا اخوى, ديل عايزين الجنوب بس بدون من فيه او فى الاحسن الاحوال يريدونه و لكن من فيهم عبيدا. الحركة و الجنوبين بيقاتلوا بعضهم منذا عام 1982 علشان الحركة تثبت انها حركة قومية و لسه ما مقتنعين إلا القلة المستنيرة. على عبداللطيف, جنوبى, عبدالفضيل, جنوبى, جوزيف قرنق, و حتى الماركسية لم تمحو جنوبيتو, جون قرنق, جنوبى.
شوفت لمن حكومة الجنوب كونت الدفاع الجوى كيف كانت الجقلبة!!! ديل متعودين على قتل و زل اهلنا الابرياء و ما بيقدروا يتحكمو فى انفسهم عندما يسمعو اخبار كهذه. زمن خطف الاطفال و اغتصاب اخواتنا و امهاتنا قد ولى.

الاخ المحترم
Zakaria Joseph

Quote: كوميريد دينق قوج, فى شريحة اجتماعية عندنا تعودت على شفط الشكولاتة الحلوة من على خرطوش و هى راقدة. الناس ديلة معتبرة الجنوبين بشر? لا يا اخوى, ديل عايزين الجنوب بس بدون من فيه او فى الاحسن الاحوال يريدونه و لكن من فيهم عبيدا. الحركة و الجنوبين بيقاتلوا بعضهم منذا عام 1982 علشان الحركة تثبت انها حركة قومية و لسه ما مقتنعين إلا القلة المستنيرة. على عبداللطيف, جنوبى, عبدالفضيل, جنوبى, جوزيف قرنق, و حتى الماركسية لم تمحو جنوبيتو, جون قرنق, جنوبى. شوفت لمن حكومة الجنوب كونت الدفاع الجوى كيف كانت الجقلبة!!! ديل متعودين على قتل و زل اهلنا الابرياء و ما بيقدروا يتحكمو فى انفسهم عندما يسمعو اخبار كهذه. زمن خطف الاطفال و اغتصاب اخواتنا و امهاتنا قد ولى.

اولا ، مع احترامي لوجهة نظرك، ارى ان السودان الوطن و الشعب السوداني لا ينبغي ان يحاسب على
اخطاء شريحة صغيرة ترى انت انها تريد ان تتحكم في امر الجنوب بالكيفية التي وصفتها.
ولا اعرف ما اذا كانت هناك عقلية تنظر الى الجنوب كما تقول .. لكن المؤكد ان الشعب السوداني
في غالبه لديه ايمان لا يتزعزع في الوحدة.. ومن ثم فان التفريط في امر الوحدة هو بمثابة اهانة لارادة الشعب .

Quote: اولا ، مع احترامي لوجهة نظرك، ارى ان السودان الوطن و الشعب السوداني لا ينبغي ان يحاسب على اخطاء شريحة صغيرة ترى انت انها تريد ان تتحكم في امر الجنوب بالكيفية التي وصفتها. ولا اعرف ما اذا كانت هناك عقلية تنظر الى الجنوب كما تقول .. لكن المؤكد ان الشعب السوداني في غالبه لديه ايمان لا يتزعزع في الوحدة.. ومن ثم فان التفريط في امر الوحدة هو بمثابة اهانة لارادة الشعب

ده فعلا منطق انك ماممكن تحاسب الشعب كله ...علشان أخطاء فئة!!
طيب وينو تحرك الشعب ؟؟؟
وينو الاحزاب؟؟؟
وبنو منظمات المجتمع المدنى ؟؟؟؟؟
وينو الافراد ....المبادرات .....
يا جماعة الجنوبيين داير عمل حقيقى ما تمنيات بس
وماممكن تقول ليهم ما تقرر مصيرك بالانفصال علشان عمائل الحكومة ....طيب الحكومة ما ممكن تشيلها ( بالانتخابات او اى وسيلة اخرى متاحة)
موش داير تقنعهم ؟؟؟
اعمل المستحيل يااااخ علشان هو يغير رائه
والانتخابات قدامنا

Quote: كوميريد دينق قوج, فى شريحة اجتماعية عندنا تعودت على شفط الشكولاتة الحلوة من على خرطوش و هى راقدة. الناس ديلة معتبرة الجنوبين بشر? لا يا اخوى, ديل عايزين الجنوب بس بدون من فيه او فى الاحسن الاحوال يريدونه و لكن من فيهم عبيدا. الحركة و الجنوبين بيقاتلوا بعضهم منذا عام 1982 علشان الحركة تثبت انها حركة قومية و لسه ما مقتنعين إلا القلة المستنيرة. على عبداللطيف, جنوبى, عبدالفضيل, جنوبى, جوزيف قرنق, و حتى الماركسية لم تمحو جنوبيتو, جون قرنق, جنوبى. شوفت لمن حكومة الجنوب كونت الدفاع الجوى كيف كانت الجقلبة!!! ديل متعودين على قتل و زل اهلنا الابرياء و ما بيقدروا يتحكمو فى انفسهم عندما يسمعو اخبار كهذه. زمن خطف الاطفال و اغتصاب اخواتنا و امهاتنا قد ولى

ابوالذيك ! اذيك ياخى يا كوم ريد( ده تعريب لكوميريد...عند عضويتنا فى البطانة)
طبعا الحركة وقت حاربت الانفصاييين من الجانبين ما عشان يثبت (قوميتة) بل لقناعات راسخة بأمكانية وحدة وطنية بأسس جديدة ليس للجنوب مع المركز بل كل هوامش الوطن.
فعلا على عبداللطيف بداء الثورة من 24 وقت كان بقول نحن سودانيين كان غيرهم بيقول عكس كده ويروا فى الكلمة منقصة لهم...وقت قام بالثورة سموا الجماعة ثورة الحثالة والعبيد ...(من هو على عبداللطيف) كلنا بنعرف المزكرة دة كتبوا ناس منو ...؟؟؟
بس بعد كل الحصل والحاصل ....هناك بصيص أمل فى الزمن الضائع ده
انو السودانيين ينتبهوا ويعموا حاجة .....شنو ؟؟؟
ولله ما عارف
كل المؤشرات والاستقصائيات وقياس الرأى قاعد تقول
الجنوبيين حيعلنوا دولتهم ....لو .......

الجيش الشعبى جيش قومى بحكم الدستور ....نص واضح كدا
ما عرافة المشكلة وين تانى

الاخ دينق سلامات
تسائلت..

Quote: ليه الحركة براو المطوب منه انو يقنع الجنوبين

ثم..

Quote: وينو الاحزاب؟؟؟ وبنو منظمات المجتمع المدنى ؟؟؟؟؟ وينو الافراد ....المبادرات ..... يا جماعة الجنوبيين داير عمل حقيقى ما تمنيات بس

انت تحسن الظن بالحركة لو تخيلت انها يمكن ان تسمح للمؤسسات اعلاه
بطرح افكارها بجنوب البلاد.




________________

الوحدة...جميلة ومستحيلة