Post: #1 Title: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-03-2007, 11:55 PM Parent: #0
تلفزيون الجبهة الاسلامية يتغاطي عرض البلابل لانهن ليس محجبات وفقا لفقه الضرورة وبعد انتهاء اغنية البلابل اتي باغنية لمحمد ميرغني وبها بنات ملفلفات زي شره القندول اي تلفزيون قومي هذا لقد عرض في اغنية البلابل النيل والنخيل والارض والسماء كان لا توجد صورة للبلابل اللائي اتحفن الاغنية السودانية وكانوا زينة للقريب والبعيد
خسئ هذا التلفزيون وخسئ هذا الفكر الخبيث هذا ما شاهدته اليوم
Post: #2 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: othman mohmmadien Date: 07-04-2007, 06:57 AM Parent: #1
أنه بئس التغاضي ولقد تغاضى أيضا تلفزيون السودان في السنوات السابقة في لقاء تغاضى فيه عن ذكرهن ثم تغاضى ثم تغاضى ثم تغاضى فيه بشير عباس عن ذكرهن أيضاً لماذا يا بشير عباس ولماذا يا تلفزيون السودان؟
Post: #3 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: عبد الحي علي موسى Date: 07-04-2007, 07:12 AM Parent: #2
تحياتي أخ صبري نعم. شاهدتها أمس في برنامج منوعات مختارة. هل شاهدت قناة قطوف مرة، وهي تحمل لقطات لنساء (غير سودانيات) شبه عاريات ولا أود ذكر ما كن يرتدين واللبيب يفهم. وقد قمت بتسجيل تلك اللقطات حتى لا يخرج علينا أحدهم ويقول (القناة الطاهرة) بل -وفي قطوف- قلبت الطاء عين. تجي تقول البلابل ما محجبات.
Post: #4 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: عبد الدائم سيد أحمد Date: 07-04-2007, 09:23 AM Parent: #1
وكل يوم بنشاهد فى نفس القناة مسلسلات وافلام اشكال والوان ولبس كت وعريان وقصير ... وكمان نجوى فؤاد بترقص .. لكين لانهم ما سودانيات الحكاية ما فارقة
البلابل تاريخ شئنا ام ابينا
Post: #5 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: قرشـــو Date: 07-04-2007, 09:31 AM Parent: #1
الأخ صابر الشريف
لك التحية
عليك الله صحح لى معلومتى ياخى
الحكومة دى مش حكومة وحدة وطنية ؟؟؟؟؟
لانك قلت تلفزيون الجبهةالاسلامية ...
يعنى الجبهة مازالت هى المسيطرة على مقاليد الامور ؟؟؟
طيب ناس زيد وعبيد الدخلوا الحكومة وعينوهم فى كل مكان ديل دورهم شنو ؟؟؟؟
واثرهم وينو ؟؟؟؟
ولا الحكاية ضحك على الدقون ؟؟؟؟؟
Post: #6 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: abuguta Date: 07-04-2007, 09:40 AM Parent: #5
والله ياقرشو ياحليل شمسك الضواية وجزيرتنا وحلبة الغنماية
يازول طولت الغيبة خلاص قربنا نلحقك لو لا اننا فاتحين لينا بوستات وعندنا التزامات مع جماعة فى البورد
يازول ناسك ديل ماسكين فى انقاذهم شديد شفت كيف احتفلو بعيدهم ال 18
وكمان غنو ليها كبرتى وليك 18 سنة
Post: #7 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: أيمن الطيب Date: 07-04-2007, 10:19 AM Parent: #1
سلامات الأخ صبرى,
فى أوج سنوات الهوس,
وفى لقاء تلفزيونى مع رجل كل الأنظمة وكل الأحزاب
(سبدرات العجيب) سأله المذيع الشليق لماذا توقف
عن إنتاج الشعر وكتابة الأغانى!!!!!!!!وأين هوالآن
من ذلك الزمن الجميل حين كتب إحدى روائع البلابل
حدث والتلفزيون لا يبث غير الأغانى الجهادية وبعض
المدائح النبوية والباقى جلالات !!!والطيب مصطفى قرر
أن يمسح تاريخ وتراث محفوظ فى مكتبة التلفزيون بحجة
أن ذاك كان زمن الكفر والفسوق!!!!!!!كان رد سبدرات
أن أخرج منديله وبدأ بتجفيف العرق الذى تصبب نهرا
وقيل ان ذاك الشليق لم يرى الميكروفون مرة أخرى!
*سئل أستاذ عزالدين أحمد المصطفى مرة لماذا قّلّ
إنتاج الجيد من الفن والغناء وكانت إجابته الذكية
على الهواء مباشرة!!لأنه لا توجد مقومات إنتاج جميل
أو إبداع!!!!!!!!!!!
Post: #8 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 02:02 PM Parent: #1
Quote: أنه بئس التغاضي ولقد تغاضى أيضا تلفزيون السودان في السنوات السابقة في لقاء تغاضى فيه عن ذكرهن ثم تغاضى ثم تغاضى ثم تغاضى فيه بشير عباس عن ذكرهن أيضاً لماذا يا بشير عباس ولماذا يا تلفزيون السودان؟
الاخ عثمان محمدين
والله الرقابة بتاعت الجبهة الاسلامية مزعجة وسممت الحياة وغيرت الاخلاق هل تصدق اوان الهوس الديني كان يوجد موظف مسئؤليته انه يلون الرسمة التي توجد بالغلاف في صباح الخير او روز اليوسف اذا كانت بها بت لابسة قصير وهي رسمه لاحد التشكيليين المصريين
وبشير ليس له حق اذا تغاضي عنهن وهن لا يحتاجن الي شهادته يكفيهن حب الناس
البلابل زينة الغناء السوداني فالتذهب هذه الحكومة المافونة القبيحة؟
Post: #9 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 02:08 PM Parent: #1
Quote: تحياتي أخ صبري نعم. شاهدتها أمس في برنامج منوعات مختارة. هل شاهدت قناة قطوف مرة، وهي تحمل لقطات لنساء (غير سودانيات) شبه عاريات ولا أود ذكر ما كن يرتدين واللبيب يفهم. وقد قمت بتسجيل تلك اللقطات حتى لا يخرج علينا أحدهم ويقول (القناة الطاهرة) بل -وفي قطوف- قلبت الطاء عين. تجي تقول البلابل ما محجبات.
الاخ عبد الحي كتر خير الله في الحركة الشعبية الرقص والغناء الموجود الان ما كان ممكن التلفزيون اصبح زي الجامع مع الاعتذار للجوامع وقفت في ادوار منوط بها رفع الوعي الديني اشبه بثورات لاهوت التحرير في لاتين امريكا اذا الدين لم ينحاز للشعوب الشعوب ستركنه اذا كان مستغل ضدها كا تفعل حكومة الجبهة
وجاي لتوبة جديدة علينا من قبل فنانين وشعراء واصبحوا يحلمون بالنبي الكريم مذيع في اذاعة الكوثر يعني الحلم ليس في اذاعة القران الكريم بمكه لان اذاعة الكوثر مولت الرحلة الترفيهية لعبد الله النجيب ومحمود عبد العزيز ووليد زاكي الدين وبقي مزيع لا يعرف التقديم
تلفزيون الطيب مصطفي سابقا وتلفزيون اي كلام الان
Post: #10 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 02:10 PM Parent: #1
Quote: وكل يوم بنشاهد فى نفس القناة مسلسلات وافلام اشكال والوان ولبس كت وعريان وقصير ... وكمان نجوى فؤاد بترقص .. لكين لانهم ما سودانيات الحكاية ما فارقة
البلابل تاريخ شئنا ام ابينا
الاخ عبد الدائم سيد احمد لك المودة والاحترام
البلابل زينة للغاشي والماشي
العار لتلفزيون قصير القامة ومصاب بالعمي والكباس
Post: #11 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 02:16 PM Parent: #1
عليك الله صحح لى معلومتى ياخى
الحكومة دى مش حكومة وحدة وطنية ؟؟؟؟؟
لانك قلت تلفزيون الجبهةالاسلامية ...
الاخ قرشو تحياتي دي حيكومة من الوسخ بمكانة لا يهم تقاسم عيش الريف معاها انا لا ازال قابضا علي جمر قضية
ان هذه حيكومة مجرمة واذلت الانسان والحيوان وانتهكت العرض وباعت الارض
لا اضع يدي في يدها مصالحا وان فعل الكل يوما ما حاينفض سامرها تلفزيون الجبهة لانه بينفذ فيبرامج الجبهة الاسلامية بعد ان فشلت الدولة الاسلمية المسماة دلعا بالمشروع الحضاري
اديك حاجة الباشكاتب وده لقب الاستاذ محمد الامين قال ساخرا والله خايف علي اغنيتي زاد الشجون ان تقلبها هذه العصابة ل زاد المجاهد
الحرب لا زالت متقدة
Post: #12 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 02:18 PM Parent: #1
Quote: والله ياقرشو ياحليل شمسك الضواية وجزيرتنا وحلبة الغنماية
يازول طولت الغيبة خلاص قربنا نلحقك لو لا اننا فاتحين لينا بوستات وعندنا التزامات مع جماعة فى البورد
يازول ناسك ديل ماسكين فى انقاذهم شديد شفت كيف احتفلو بعيدهم ال 18
وكمان غنو ليها كبرتى وليك 18 سنة
ابوقوته تحياتي لك ولقرشو
وهو عمر الزهور عمر المني بس الناس تشتم فيها كانها بت سفاح
ليس لها حبيب او قريب سواء الارزقية؟؟؟؟؟؟
Post: #13 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 02:24 PM Parent: #1
سلامات الأخ صبرى,
فى أوج سنوات الهوس,
وفى لقاء تلفزيونى مع رجل كل الأنظمة وكل الأحزاب
(سبدرات العجيب) سأله المذيع الشليق لماذا توقف
عن إنتاج الشعر وكتابة الأغانى!!!!!!!!وأين هوالآن
من ذلك الزمن الجميل حين كتب إحدى روائع البلابل
حدث والتلفزيون لا يبث غير الأغانى الجهادية وبعض
المدائح النبوية والباقى جلالات !!!
صديقي ايمن
وتلفزيون الجبهة الاسلامية
يسرح به عتاة المهوسييييين/ات زي التيجاني حسن الامين المعتوه المريض اتمني له الشفاء
عديم البصر والبصيرة قائد التحريض الهوووس عبد الحي يوسف مسبب الفتن والاحن
فتح الله بصيرته لجميع الخلق
ووعشه الغبشاوي اظن بتشوف في شخصها عشه ام المؤمنين
بشوف في شخصك احلامي
ولا اعرف سيدنا عمر البشير مركب ياتو ماكينة
عموما البلابل فنانت وصاحبات ذوق جميل
Post: #14 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Mustafa Mahmoud Date: 07-04-2007, 02:59 PM Parent: #13
Post: #16 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 03:26 PM Parent: #1
الشكر للدكتور مصطفي محمود والله الان بوستي اصبح اطعم من سكر الجنيد
Post: #17 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Elawad Date: 07-04-2007, 03:37 PM Parent: #1
يتغاطى يعني كيف؟
Post: #18 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 03:46 PM Parent: #1
جايه من الغطغطه التي لا تتماشي مع مشروع الدولة الدينية
او دولة المشروع الحضاري الساقط
سلمت بالوصول
تحياتي واشواقي
وان اردت تصحيحها فاليكن تغاضي او عدم افساح مجال لشخصيات فنية شكلن
رصيد جيد في مسيرة الغناء السوداني
هذه دولة فقيرة في الفهم والمعاني
Post: #19 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Elawad Date: 07-04-2007, 04:32 PM Parent: #1
الأخ صبري والله ما سؤال زول فهم و عامل ما فاهم. الكلام ما واضح - بالنسبة لي طبعا - هل قصدت يتغاضى عن عدم الحجاب و يعرض أغانيهن و لايتغاضي عنهن ذاتن. دا طبعا مع اعتبار إنو الكلمة ذاتها خمنت مجرد تخمين إنو المقصود بيها يتغاضى. و أقول ليك شرحك دا لخبط الموضوع زيادة، يعني قصدك التلفزيون غطغط البلابل؟ فيا زول ما تتضايق إنت بتكتب في منبر عام و اللغة أداة تواصلك معاي و عشان تصلني أداتك مطلوب فيها حد أدنى. ولا شنو؟
Post: #20 Title: Re: تلفزيون الجبهة الاسلامية يتغاطي عرض البلابل لانهن غير محجبات Author: Sabri Elshareef Date: 07-04-2007, 04:42 PM Parent: #1
تحياتي التلفزيون بتاع الجبهة لم يعرض البلابل صاحبات الاغنية لانهن لم يكن يدرين ان حكومة السجم والرماد ستدبر انقلابا اسلاميا لذلك عرض الميل وصور اخري والغريبة بعد نهاية الاغنية اتي ببنات في اغنية محمد ميرغني اي عقل اسلامي هذا
يا سيدي انا غلطت في كتابة تاضاد الي طاء لك العتبي واتمني التزام الكتابة الصاح