Post: #1 Title: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن !! Author: معاذ حسن Date: 04-30-2008, 09:42 AM Parent: #0
الإخوة الجنوبيون بالمنبر العام تبث قناة هارموني منذ أيامها الأولى أغنية من أداء فرقة نجوم البالمو,الأغنية من تراث الجنوب , بعد بحث علمت إن الأغنية عن المناضل الجنوبي دينك اويل وهي بالنسبة للجنوبيين بمثابة أغنية عزة في هواك .وعلمت انه حيثما بثت الأغنية ينخرط الجنوبيون في بكاء مرير من شدة التأثر بكلمات الأغنية, أول مرة تؤدى فيها الأغنية في الخرطوم كانت إبان زيارة وفد الحركة الشعبية الأولى للخرطوم بعد توقيع اتفاقية السلام بقيادة باقام اموم يومها قيل الأغنية اذكت في باقان ورفاقه حماسة هائلة حتى أضحت عيونهم في لون الدم وقيل إن مستقبليهم من جماعة المؤتمر الوطني قد فروا من وجوههم. أود ما يشدك في الأغنية الإيقاع الحربي المنتظم القوي والكلمات التي (تحس) بقوتها وصرامتها,تؤدي الفرقة الأغنية بغضب شديد ورجولة باذخة,وتلمح رجال غاضبون جدا يلحون بالحراب في وجهك في رقصات حربية عارمة, باختصار بعد سماعك الأغنية تتولد لديك استعداد ورغبة عارمة في الفتك بأعدائك.
في الأيام الأولى ظللت أتسمر لساعات أمام الشاشة في انتظار بث الأغنية,وما أن تبدأ حتى اشعر بآلاف الأشواك تنغرس في جلدي,واجد ملامحي قد تحولت إلى غضب شديد في تلك اللحظات أتمنى لو كان لي فعلا أعداء لانطلق إليهم رافعا حربتي لا ألوى عن شيء. وبعد أن استمعت للأغنية مرات عديدة بت (اشعر) بأن الأغنية التي ألهبت حماستي هي في الواقع ضدي تماما,وان الكلمات التي انتشلتني من الاستلقاء بخمول تحت المكيف البارد إلى آفاق الفروسية والدواس هي كلمات تلعن سنسفيل أجدادي. انتظر أن يتطوع احدهم بشرح وتفسير هذه الكلمات عسى أن أتصالح مرة أخرى مع هذه الأغنية التي أتمنى أن أتصالح معها,وسوف احتفظ بتفسيري الخاص إلى حين.
Post: #2 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 10:12 AM Parent: #1
شمل موتا نا كنجلي كلا كجيليو.. وا أبك وا... أبك وا
رامتك رامتك هي يا طيقي ابونان كوال شمل موتا نا
تقول كلمات المقطع- بحسب ظني) يا عرب يا طير انظروا لهذه الأرض السمراء هل تشبه سحناتكم الخلاسية؟ اشتموا رائحة هذه الأرض ستجدونها تحمل رائحتنا
أيها الرعاة الحفاة لقد جئتم إلى أرضنا تطاردون تيسا شاردا فاحتويناكم في أرضنا
نحن باقون في هذه الأرض إلى يوم القيامة وما بعد القيامة (يصدح المؤدي الرئيسي في الفرقة بهذا المقطع وهو يغرس حربته في الأرض) إذا رأينا أحدكم يهوب ناحيتنا سوف أهشم رأسه بهذه الحربة أيها الأعراب الأوباش
Post: #4 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: اندرو كوات Date: 04-30-2008, 10:35 AM Parent: #2
يا زول!!! و انشاءالله الترجمة دا مرجعها شنو؟؟؟ روقوا المنقة بلاش فتن
Post: #6 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 10:44 AM Parent: #4
Quote: روقوا المنقة بلاش فتن
العزيز اندو يا اخوي انا من ناس الفتن روق البرتكان ولا عمري كنت جادي شديد كدا في المنبر بس يمكن ما تابعتني أها وكت الله جابك حقيقي عايز اعرف عن الاغنية دي . سمعت بيها؟
Quote: انشاءالله الترجمة دا مرجعها شنو؟؟؟
ما قلنا ليك ساعدنا بالترجمة ابيت
Post: #5 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Ahmed Yousif Abu Harira Date: 04-30-2008, 10:39 AM Parent: #2
Quote: يا عرب يا خولات
لاك دري ولاك مري* يا معاذ
الترجمها ليك كدي منو؟
ـــــــ * تقابلها عبارة "يجازي محنك" منعا للتمادي في سوء الظن
Post: #8 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 11:01 AM Parent: #5
Quote: لاك دري ولاك مري
ابو حرررريره أراك قد اصبحت ممن يحولون الكلم عن مواضعه حسي كلامك دا الجبو شنو ليجازي محنك ,
غايتو يا ابو حريره الاغنية دي لو طلعت ما فيها (استهداف) حقو يعملوها بدل النشيد القومي . نأنو شنو,كان بقيت جبنة تعمل منك مقاتل. اسمعها في هارموني جنهم اعادة
Post: #7 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: dardiri satti Date: 04-30-2008, 10:56 AM Parent: #2
عزيزي ، هي قطعاً لاتشبه عزة في هواك ، هي أقوى بالتأكيد، أقصد الترجمة ، وإن كانت الترجمة صحيحة ، وبالنظر غلى ما مر به أهل السودان ، فما ذا كنت تنتظر من أي جنوبي ، أو من أي وطني ، أن يقول غير ذلك ؟؟ تحياتي .
Post: #12 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 11:17 AM Parent: #7
Quote: وإن كانت الترجمة صحيحة ،
الدرديري ساتي تحياتي تعرف انا حا اجيب لي كرسي واقعد في البوست دا عشات اي زول يجي اقول ليك الترجمة دي نجر ساكت. يا اخوانا روقوا المنقة على قول اندرو كوات.
Post: #3 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: فدوى الشريف Date: 04-30-2008, 10:33 AM Parent: #1
يا معاذ في مبالغة في الوصف دا ولا بالجد اغنيتك دي فيها تأثيرات ريد بول وبايسون
كدي واحد ينزلها
راجين
Post: #9 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مدثر محمد عمر Date: 04-30-2008, 11:02 AM Parent: #3
ده كلام شنو ده الغريب ده... الاخوه الجميع... نرجو الايضاح والتحقق
Post: #10 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 11:08 AM Parent: #9
Quote: ده كلام شنو ده الغريب ده... الاخوه الجميع... نرجو الايضاح والتحقق
يا مدثر عارفك جنك شبك تنشبك في العدو طفشت مننا اب صلعة يا اخوي دي ترجمة كيري ساكت هدي اعصابك.
Post: #16 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مدثر محمد عمر Date: 04-30-2008, 11:59 AM Parent: #10
انت قايل الشبك دي هينه عشان تشبك معاي؟؟؟ دايره ليها مهارات عديل بالمناسبه .... بعدين انت محيريق كدي مالك؟ .... انا طلبت من الناس العارفين يوروني الصاح فلو انت ما عارف مش احسن تسكت بدل تدعي في الناس؟ ... يتشبك فيك العدو انت ده هاهاهاها
Post: #14 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 11:29 AM Parent: #3
Quote: اغنيتك دي فيها تأثيرات ريد بول وبايسون
فدوي
بايسن كلك حركات ورد بول قوي قلبك
Quote: كدي واحد ينزلها
يا ريت والله يا فدوى
Post: #11 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 11:14 AM Parent: #1
Quote: تقول كلمات المقطع- بحسب ظني) يا عرب يا خولات انظروا لهذه الأرض السمراء هل تشبه سحناتكم الخلاسية؟ اشتموا رائحة هذه الأرض ستجدونها تحمل رائحتنا
أيها الرعاة الحفاة لقد جئتم إلى أرضنا تطاردون تيسا شاردا فاحتويناكم في أرضنا
نحن باقون في هذه الأرض إلى يوم القيامة وما بعد القيامة (يصدح المؤدي الرئيسي في الفرقة بهذا المقطع وهو يغرس حربته في الأرض) إذا رأينا أحدكم يهوب ناحيتنا سوف أهشم رأسه بهذه الحربة أيها الأعراب الأوباش
دينااااااااااااااااااااك
بالغت عديل يا ود حسن.
قطعاً الفى بالك ده ما ياهو مضمون الأغنية.
شول اشوانق __________________________________________ الأغنية هى عبارة عن مدح من إمراة للسلطان كواج كواج (سلطان منطقة شميل... منطقة قريبة جداً من مدينة أويل حاضرة ولاية بحر الغزال). لو شلت الصبر هنجيك بالترجمة. سمح يا حلو? فدوى قلت لى red bull و baison كمان
Post: #13 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 11:26 AM Parent: #11
Quote: __________________________________________ قطعاً الفى بالك ده ما ياهو مضمون الأغنية
شول ,,تحياتي انت فين من الصبح!! الجماعة حاصروني حصار كلب في طاحونة
Quote: الأغنية هى عبارة عن مدح من إمراة للسلطان كواج كواج (سلطان منطقة شميل... منطقة قريبة جداً من مدينة أويل حاضرة ولاية بحر الغزال). لو شلت الصبر هنجيك بالترجمة
طبعا دا يناقض ما وصلني من معلومة انو الاغنية في مدح مقاتل يدعى دنيق اويل عموما شكلك عندك فكرة عن الاغنية في انتظارك بالترجمة وقصة مراة السلطان دي شكلها حكاية في انتظارك ,, ,,
Post: #15 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 04-30-2008, 11:30 AM Parent: #1
Quote: الجماعة حاصروني حصار كلب في طاحونة
عــودة لأسبوع الــزرزرة
لكن يا عــمــك
قصة يا عرب يا ##### دي بالغت فيها
Post: #17 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: نادية عثمان Date: 04-30-2008, 12:34 PM Parent: #15
ده شنو يامعاذ ياخ ؟!!
اها ده الكلام البجب لهارموني الهوا زاااااااااااااتو !!
قلت لي ياعرب ياشنووووووووووووووو؟!!
يالهوي !!
ياخ دي اغنية سيرة ياخ !!
Post: #18 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: AnwarKing Date: 04-30-2008, 12:47 PM Parent: #1
Quote: لقد جئتم إلى أرضنا تطاردون تيسا شاردا
ده تيس البلولة...بعرفو بالحيل للشاعر بُعد نظر لا يخفى على فطنة الساكي التيس! ذكرتني حكاية المسطول السمع أغنية أمتي يا أمة الأمجاد والبلد مليانة فًُل أمجادات
للشاعر بُعد نظر...عارف الأمجاد بتجي البلد وتملاها...
أتفق مع الشاعر في الحالتين،لو الترجمة صاح أو غلط كمان
Post: #58 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 06:08 PM Parent: #18
Quote: أتفق مع الشاعر في الحالتين،لو الترجمة صاح أو غلط كمان
انور يا ملك شكرا على الاتفاق الغير تآمري
Quote: ده تيس البلولة...بعرفو بالحيل
تيس البلولة بتاعكم دا زي تيس العوض عمك العوض كان يصرف على غذاء التيس مقدار كيلة من العيش والبذرة يوميا قال داير الاجر ..
Post: #19 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: صديق الموج Date: 04-30-2008, 12:56 PM Parent: #1
Quote: يالهوي !!
ياخ دي اغنية سيرة ياخ !!
معاذ يا حبيب.. مال مكوا..مال اجوك..مال فويندو..جن اثن.. شفت يا معاذ سوء ظنك؟؟ اها البنت ناديه قالت ليك دى الشيخ سيرو بالرطانه..
تخريمه يا ابن جبل وطلاع الثنايا: قالوا واحد جنوبى اتزوج ،لقى ليك العرس ده كذبه كبيره وبعدين اتذكر البقر راحت والشغلانه ماجايبه همها. قعد بره القطيه بتاعتو وبدا يغنى: دايرين نعرس قالوا جيبو مية بقرة... جبنا مية بقرة ادونا واحد مرا.. لقينا واحد بقرة اخير من مية مرا.. الجندريات ماتزعلن دى نكته، ينكت راسكن وشحمكن ولحمكن.. لكن برضو احبكن،،،،
Post: #60 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 06:14 PM Parent: #19
Quote: قالوا واحد جنوبى اتزوج ،لقى ليك العرس ده كذبه كبيره
ود الموج يا عزيز زولك دا زي واحد صاحبنا نزل اجازة اتزوج حصاد ستةسنين كباهو في العرس بقت ليهو عرسة وفلسه لما جاء رابجع سالناهو يا ابو الشباب العرس كيف؟ قال يااخواننا والله ماقدر كدا,ساكت مكبرين الشغلة.
Post: #20 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Raja Date: 04-30-2008, 01:21 PM Parent: #1
معاذ يا عزيز..
سلام عليك وعلى ضيوفك..
بجد ده أحلى بوست في الربع الأول والثاني والثالث والأخير كمان ..
وبعد كده حقو نعتمدك المترجم الرسمي للغات السودانية. وكان قابلتني اي كلمة بجيبها ليك
شوًقتنا نسمع الغنية ونعرف معانيها.. عالم جبانات
تحاياي للكل
Post: #21 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: قرشـــو Date: 04-30-2008, 01:22 PM Parent: #1
الأخ معاذ حسن
لك التحية
ضحكت كثيرا من الترجمة والله تعرف ليه لانى تذكرت موقف فى اوائل الثمانينات حينما كنت اعمل فى مدينة الرنك وهى بالمناسبة تعتبر شمالية لطبيعتها ولقربها من الشمال فهى شمال الجنوب ورمية حجر من الجبلين .. المهم فى يوم وانا ماشى فى الشارع لاقانى واحد جنوبى عاين لى بى حقارة شديدة جدا ثم قال لى بعربى مكسر طبعا : شم تراب ده حقك ؟؟؟؟
طبعا اخوك اتخارج بالخطوة السريعة جدا خوفا من ان اسبب مشكلة بين الشمال والجنوب وذلك قبل المشاكل الاخيرة حالتو .....
عشان كده انا بقول ترجمتك دى معقولة جدا ومنطقية حتى تفسير نزيه ومحايد وعادل ... فى اغنية سيرة بالشكل ده يا نادية ؟؟؟؟؟
Post: #23 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: نادية عثمان Date: 04-30-2008, 01:53 PM Parent: #21
قرشووووووووووو
اااي أغنية سيرة ولا يعني الا يعرضوا ويجلدوا بسوط العنج عشان تآآآآآآآآمنوا ؟!!
Post: #22 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 01:45 PM Parent: #1
Quote: طبعا دا يناقض ما وصلني من معلومة انو الاغنية في مدح مقاتل يدعى دنيق اويل عموما شكلك عندك فكرة عن الاغنية في انتظارك بالترجمة وقصة مراة السلطان دي شكلها حكاية
أول حاجة المدح كان للسلطان كواج كواج (كواج مييل) وليس عن المقاتل دينق اويل قبيل انا ذكرت فى مداخلتى الأولى عن إنو المدح السلطان إمراة ولكن فى الحقيقة صاحب المدح ليس إمراة بل رجل (معليش تشابه علينا البقر ). عزراً للخطا.
الترجمة جاية فى الطريق (ترجمة زول ما محترف ترجمة يعنى بطلوا ضحك و... )
شول اشوانق
Post: #24 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 02:06 PM Parent: #1
مع عندنا سيرة يا نادية (عشان تأأأأأأأأأمنى وتقتنعى )
Post: #25 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 02:28 PM Parent: #1
أشوك لويل أبا ضييل جوبا رآن أطيق رآن أطيق ... وآر أيى يوب فينج رض آيى يا أطيق فان أكوم كواج أشى بين أقو ماج ييج يال كى يج يال فان فان جيج ... كى يج يال فان فان أكوما قو ماج أرييب لوى شا بنج مووض إ نآق نونق شول اليو ثن كى نونق كبيور بن رآن أطيق رآن أطيق وآر أيى يوب فينج رض
فهمتو حاجة
______________________ كوانج كواج واحد كم عظماء جنوب السودان ... توفى عن عمر يناهز الــ 120 سنة. أرجو الترجمة
Post: #26 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: قرشـــو Date: 04-30-2008, 02:32 PM Parent: #1
Quote: أشوك لويل أبا ضييل جوبا رآن أطيق رآن أطيق ... وآر أيى يوب فينج رض آيى يا أطيق فان أكوم كواج أشى بين أقو ماج ييج يال كى يج يال فان فان جيج ... كى يج يال فان فان أكوما قو ماج أرييب لوى شا بنج مووض إ نآق نونق شول اليو ثن كى نونق كبيور بن رآن أطيق رآن أطيق وآر أيى يوب فينج رض
اها يا ندو برضو سيرة ؟؟؟؟
شوفى كم مرة جات كلمة كماج وقومامج ولوى عنق ...
آآآآآآآآآمنتى ولا لسع ؟؟؟
Post: #27 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: نادية عثمان Date: 04-30-2008, 02:47 PM Parent: #26
ياشول انت بالذاااااات قول اي سيرة واي زول بصدقك طوالي
قرشو
يعني عايز تولع لينا نار في هارموني ولا شنو ماقلنا سيرة وخلاص ياخ
Post: #29 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 04-30-2008, 03:01 PM Parent: #26
اولا خالص الشكر والتقدير للعزيز / شول
الي المدعو ( معاذ حسن ) االيس من الاجدر البحث عن معلومات ومصادر عن الاغنية ومعانيها قبل الخوض واطلاق احكام غير موضوعية وحقيقية عنها ؟ انا مثيانق شريلو يل كواج مثيانق من اسمي يمكن لك ان تلاحظ ان الشخص الذي تتحدث عنه هو ( جدي ) والد والدي وقد استفزني كل ما قلته عن الاغنية ، ساترك امر ترجمة الاغنية ل ( شول ) وساقوم بتقديم حقائق تاريخية عن الاغنية والظرف التاريخي لها .
ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار )
Post: #36 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 03:29 PM Parent: #29
Quote: ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار )
الاخ مثيانق شريلو..تحياتي تعرف اتجاوت مداخلات العالم دي كلها عشان اعتذر ليك النية سليمة يا حبيب ,واسف جدا لو اذيتك بكلمة من غير قصد. اعتذاري للرمز الوطني السلطان(كواج) ولحفيده مثيانق وللجميع. وانا كان ما غبيان البشبكني مع اولاد السلاطين شنو. بعدين كما انا مدين لك باعتذار انت برضو مدين لي بشكر , لانو كان في التباس انو الاغنية دي عن مقاتل جنوبي يدعى (دينق اويل) والكلام دا نشر في جريدة الصحافةوقراهو الشعب السوداني كلو,حسي من خلال البوست عرفنا عن السلطان (كواج) . واهم من كدا عرفناك ولد سلطان عشان الناس دي تعمل حسابها.
Quote: وساقوم بتقديم حقائق تاريخية عن الاغنية والظرف التاريخي لها
يا مثيانق في انتظارك,,
Post: #68 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Tareq Siddiq Date: 05-01-2008, 09:55 AM Parent: #36
Quote: تعرف اتجاوت مداخلات العالم دي كلها عشان اعتذر ليك النية سليمة يا حبيب ,واسف جدا لو اذيتك بكلمة من غير قصد. اعتذاري للرمز الوطني السلطان(كواج) ولحفيده مثيانق وللجميع
العزيز معاذ حسن
تحياتي يا جميل ..
كالمعتاد تفاجئنا كل مرة بما لا يخطر على بالنا .. منتهى المتعة .. وانا أتابع هذا البوست الأنيق بأناقتك يا لذيذ
هههههههههه
قلت لي الترجمة دي جبتها من وين ..!! يجازي مش محنك بس يجازيك انت زااااتو ...!!
طيب نتكلم جادين شويه
أن تبادر لإعتذار للزميل حفيد السلطان الوطني ذاك لعمري من شيم الأفاضل وأنت منهم برغم ابتداره لحديثه بما لا يجوز طالما أنه حفيد السلطان وكنت أرجوه أن يتخلق بأخلاق السلاطين ولكن للغضب ثوراته فله العتبى ولك مثلها ولنا أن نقول لاااااا فكاك منك وأنت تبهجنا كل مرة بالجديد المبتدع ..!!
ألذ شئ في البوست دا انو خلاني أركز في أغاني اخوانا الجنوبيين بعد أن كنت أمر عليها مرور المسطحين ..!!
معاذ .. انت ود بايسون عدييييييييييل كدا ..
تقديري .. !!
Post: #28 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 02:55 PM Parent: #1
يا قرشو ياخ بطل جرس وحنبكة الكلام ده مدحوا بيو زول سلطان ما عريس ... غايتو ناس هارمونى ديل يمشوا وين الليلة (وش مكرفس شديد)
Post: #30 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 03:01 PM Parent: #1
إنتو!!! معاذ ده زاغ وين؟
اها اقول ليكم ما بنزل الترجمة ده إلا هو يجى بى جاى عشان ما يقولنا كلاماً ما قلناه
قال يا عرب يا .....
شول اشوانق ______________________________ إنت يا معاذ لو ودوك تدرس طلاب ترجمة بتغطس حجرهم
Post: #31 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 04-30-2008, 03:06 PM Parent: #30
اولا خالص الشكر والتقدير للعزيز / شول
الي المدعو ( معاذ حسن ) االيس من الاجدر البحث عن معلومات ومصادر عن الاغنية ومعانيها قبل الخوض واطلاق احكام غير موضوعية وحقيقية عنها ؟ انا مثيانق شريلو يل كواج مثيانق من اسمي يمكن لك ان تلاحظ ان الشخص الذي تتحدث عنه هو ( جدي ) والد والدي وقد استفزني كل ما قلته عن الاغنية ، ساترك امر ترجمة الاغنية ل ( شول ) وساقوم بتقديم حقائق تاريخية عن الاغنية والظرف التاريخي لها .
ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار )
في انتظارك يا معاذ
Post: #32 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: صديق الموج Date: 04-30-2008, 03:11 PM Parent: #1
Quote: مع عندنا سيرة يا نادية (عشان تأأأأأأأأأمنى وتقتنعى )
شول اشوانق ..سلام كلام نادية صاح..عندنا سيرة.. انا جنى جن الزول البغلط الجكس.. انت زاتك ما بتعرف رطانه.. نادية معليش.. تانى يا شول ما تعاين لى هارمونى لمدة سته شهور ومخصوم منك راتب شهرين مع الاشغال الشاقه.. ندويه كفاية كده والا احرمه من الميراث،،،
Post: #47 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: نادية عثمان Date: 04-30-2008, 04:16 PM Parent: #32
ود الموووووج
Quote: تانى يا شول ما تعاين لى هارمونى لمدة سته شهور
عارف أكتر حاجة جميلة في هارموني انها بالفعل حققت القومية السودانية وماهمشت ثقافة ولا فن أي منطقة في السودان وخاصة أهلي الجنوبيين ولا شنو ياشول ؟!!
Post: #33 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 03:13 PM Parent: #1
Quote: اولا خالص الشكر والتقدير للعزيز / شول
ياخ ما احرجتنى عديل كده. لا شكر على واجب
Quote: انا مثيانق شريلو يل كواج مثيانق من اسمي يمكن لك ان تلاحظ ان الشخص الذي تتحدث عنه هو ( جدي ) والد والدي وقد استفزني كل ما قلته عن الاغنية ، ساترك امر ترجمة الاغنية ل ( شول )
حفيد كواج مييل شخصياً... والله ده سعادة لا توصف
Quote: وساقوم بتقديم حقائق تاريخية عن الاغنية والظرف التاريخي لها .
بس! امسك فى ده قوى عشان انا قاعد ليك هنا وداير نسمع الغنا العظيم ده مناسبته شنو عشان انا عندى إعتقادى خاص بى حاوريك ليهو بكل صراحة بس ما قدر حقت ود حسن الشترو ده
Quote: ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار )
مثيانق يا اكوماديد الزول ده ما قاصد ... الزول ده بيهظر بس زودها حبتين.
يلا يا معاذ تعال طيب خاطر مثيانق
شول اشوانق __________________________________________________ بعدين يا مثيانق لو غلطت فى الترجمة وللا كتابة الأغنية صوبنى أخوك ما عندو مشكلة أهو الجماعة ديل يعرفوا عننا شوية OK؟
Post: #34 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 04-30-2008, 03:18 PM Parent: #33
Quote: بعدين يا مثيانق لو غلطت فى الترجمة وللا كتابة الأغنية صوبنى أخوك ما عندو مشكلة أهو الجماعة ديل يعرفوا عننا شوية OK؟
شول
شايفك بقيت تتراجف لمن جو أسياد الشي زاتا
خلصنا ياخ منتظرين نشوف نهاية العرب
Post: #35 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 03:21 PM Parent: #1
Quote: شول اشوانق ..سلام
وعليكم السلام يا شيخنا!
Quote: كلام نادية صاح..عندنا سيرة.. انا جنى جن الزول البغلط الجكس.. انت زاتك ما بتعرف رطانه.. نادية معليش..
مصطفى سرى ودينق أنتو وين يا جماعة العشر قام ليهو شوك
Quote: تانى يا شول ما تعاين لى هارمونى لمدة سته شهور ومخصوم منك راتب شهرين مع الاشغال الشاقه.. ندويه كفاية كده والا احرمه من الميراث،،،
حاضر يا مولانا ... إلا عندى سوعااااااااال
شول اشوانق
Post: #39 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 04-30-2008, 03:39 PM Parent: #35
Quote: بس! امسك فى ده قوى عشان انا قاعد ليك هنا وداير نسمع الغنا العظيم ده مناسبته شنو عشان انا عندى إعتقادى خاص بى حاوريك ليهو بكل صراحة بس ما قدر حقت ود حسن الشترو ده
ما مشكلة يا صديق
بس كده نخلي معاذ حسن يعتذر اول
Post: #42 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: AnwarKing Date: 04-30-2008, 03:51 PM Parent: #39
لكن الظاهر ان رده جاء غير متسلسل مع الردود، يمكن ما لاحظتو...
مرحب بيك مجدداً ودمت
أنور
Post: #37 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: صديق الموج Date: 04-30-2008, 03:30 PM Parent: #1
شول ياحبيب ماتقولى الطالع من الجريده الفى البروفايل ده انت؟؟ ياخى قطعت نفس البنيه.. انت ان شاء الله تحضن اللديتر وهو حار.. قال مصطفى سرى ودينق!! ديل حاقدين يا شول.. ممكن تشتكينى لى واحده تانى غير ديل؟؟
Post: #38 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 04-30-2008, 03:37 PM Parent: #37
Quote: انت ان شاء الله تحضن اللديتر وهو حار..
أحيييييييييييييييييييييييي
حسيت بيها في حناني
يا عــمــو صديق
كتلت الراجل ياخ
Post: #41 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Maha Bashir Date: 04-30-2008, 03:47 PM Parent: #37
عزيزي معاذ... تحية و تعاطف معاك علي سؤ الظن
أولا أنا مت عديل من الضحك علي الموقف الانت إتختيت فيه ومن طريقة وصفك ومن سؤ ظن الجماعه فيك.. والمحيرني برضوهو كيف كل زول بيقرأ وبيفسر علي كيفه و الله حاجه جد غريبه؟؟؟؟الغالبيه كدي هسه شوف كم زول فسر علي كيفه؟ و هسه شيل شيلة الراجيك بالرغم من إنو أنا أحمد ليك فهمك إنو الاغنيه حماسيه و إجتهادك في إنك تترجم لغة الجسد القريتها مع الموسيقي مع نبرة الصوت و طريقة الإلقاء أها دي كلها مافي زول شافها وبدو في زرزرتك ودي ملاحظاتي في سودانيزاونلاين الناس بتقرأ طرف الموضوع بس و بيبدأ الهجوم من أجل السبق تحياتي و شكرا علي الروح الفكهه
صادق التعاطف والتآزر مهـــا
Post: #40 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 03:41 PM Parent: #1
Quote: شول ياحبيب ماتقولى الطالع من الجريده الفى البروفايل ده انت؟؟ ياخى قطعت نفس البنيه.. انت ان شاء الله تحضن اللديتر وهو حار.. قال مصطفى سرى ودينق!! ديل حاقدين يا شول.. ممكن تشتكينى لى واحده تانى غير ديل؟؟
قرقرقرقرقرقرقرقرقرقرقر
ياخ إنت زولاً نصيبة (بالــ "ن")
شول اشوانق ___________________________________________ - ود الصايم كلامى داك لزوم الأمانة وكده - معاذ ده مالو مؤحرنا ما يجى عشان نتفشى فى الجماعة ديل
Post: #46 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: ابوالقاسم ابراهيم الحاج Date: 04-30-2008, 04:13 PM Parent: #40
بعدين هذه الاغنية وغيرها من الاغنيات الفلكورية وجدت في ظروف يعلوا فيها صوت الرصاص لذلك لابد لكلماتها ان تكون داوية وعنيفة تماثل الواقع بل واشد من الرصاص نفسه لانه شعر حماسة
لنضرب مثلا دارفور الان بعد الذي حدث ويدحث ماذا تريد من هولاء الاحفاد والابناء استطاع نظم احدهم شعرا عن الحماسة في ظل هذه المرحلة هل تعتقد انه يمكن ان يتحدث عن الزهور والمحبة وغيرها من الرومنسيات وهل تعتقد انه يمكن ان يتحدث عن السودان كوطن جامع للكل ؟ لا والله ياخي
حتما سوف تكون الكلمات تنظم تماثل الحدث والظروف المحيطة ولم يعرف هذا المنظم عدوا اكثر من حكومة الانقاذ وذلك العربي الجنجويدي الذي قتل وفتك باهله وسوف تدور اشعار الحماسة والفروسية كلها حول هذا العطار لاجيال من الزمان
لذلك لا تكترث كثيرا بل جاهد انت ومع الاخوة الحادبين على مصلحة هذا الوطن من اجل محو تلك الاثار المترثبة ومحاولة مداوة تلك الجراح باشاعة روح التسامح ومحاسبة كل من ارتكب جرم في حق هذا الشعب دون اي اعتبار
مودتي
Post: #43 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Raja Date: 04-30-2008, 03:52 PM Parent: #1
العزيز مثيانق شريلو..
سلامات وتقدير..
حتى قبل أن يأتي معاذ ويعتذر. لك العتبى إن ظننت أن هذا البوست يمس جدكم العزيز أو يقلل من شأنه.
مثل الآخرين لم أشك للحظة أن: لا علاقة للأغنية بالترجمة المرفقة بتاعت معاذ. ولأني أتابع ما يكتبه معاذ دائما. فكل كتاباته نفاجا لعوالم أرحب. فها نحن الآن نتعرف على أغنية حماسية جميلة سنتعرف على معانيها (قريبا من شول) وستكون فرصة ولا كل الفرص للحديث عن تراثنا المدفون
التحية لروح الجد كوانج..
ودي للكل
Post: #44 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 04-30-2008, 03:59 PM Parent: #43
العزيزة / رجاء
شكرا جزيلا
وخالص ودي وتقديري لك
مثيانق
Post: #45 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 04:10 PM Parent: #1
أشوك لويل أبا ضييل جوبا إذا قيل الكلام حتى تم إيصاله إلى جوبا (آآآآى جوبا الواحد ده)...
رآن أطيق رآن أطيق ... وآر أيى يوب فينج رض هذا الإنسان (يقصد السلطان) يحترم ... يضرب الحذاء فى الارض بقوة (يقصد هنا يقف له إنتباه "بتاع العسكر")
آيى يا أطيق فان أكوم إنها إحترام الحكومة
كواج أشى بين أقو ماج ييج يال جاء كواج فيتم تحريك السلاح (المقصد هنا عندما يحضر كواج يقوم العسكر بسلام سلاح "ركزوا يا ناس الجيش")
كى يج يال فان جيج ... كى يج يال فان أكوما يحرك السلاح فى بيت الجيش ... يحرك السلاح فى بيت الحكومة (يقصد سلام السلاح يكون فى الوحدات العسكرية والحكومية)
قو ماج أرييب لوى هذا التجريك له صوت رهيب
شا بنج مووض إ نآق سلمت على الريس بالريش (الريش الذى كان يضع على طواقى العسكر "الحرس الجمهورى" زمن الرداء)
نونق شول اليو ثن كى نونق مبيور بن ليس بها ريشة سوداء كلها ريش بيضاء
رآن أطيق رآن أطيق وآر أيى يوب فينج رض هذا الإنسان (يقصد السلطان) يحترم ... يضرب الحذاء فى الارض بقوة (يقصد هنا يقف له إنتباه "بتاع العسكر")
وين العرب هنا يا ولدنا
شول اشوانق ___________________________________________ إعتزارك جميل لمثيانق تشكر عليه "ما تشبكو لينا ود السلطان كويس"
Post: #48 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 04:21 PM Parent: #45
العزيز ميثيانق تحياتي,, اعتذاري نزل بعد مداخلتك مباشرة ويبدو انك لم تطلع عليه اسف مرة اخرى
Quote: الاخ مثيانق شريلو..تحياتي تعرف اتجاوت مداخلات العالم دي كلها عشان اعتذر ليك النية سليمة يا حبيب ,واسف جدا لو اذيتك بكلمة من غير قصد. اعتذاري للرمز الوطني السلطان(كواج) ولحفيده مثيانق وللجميع. وانا كان ما غبيان البشبكني مع اولاد السلاطين شنو. بعدين كما انا مدين لك باعتذار انت برضو مدين لي بشكر , لانو كان في التباس انو الاغنية دي عن مقاتل جنوبي يدعى (دينق اويل) والكلام دا نشر في جريدة الصحافةوقراهو الشعب السوداني كلو,حسي من خلال البوست عرفنا عن السلطان (كواج) . واهم من كدا عرفناك ولد سلطان عشان الناس دي تعمل حسابها.
Post: #50 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 04-30-2008, 04:29 PM Parent: #45
اعتزارك مقبول يا معاذ
شكرا جزيلا / شول
انتظروني لحدي ما اقدم السياق التاريخي للاغنية
تحياتي للجميع
بعدين في حاجة تاني يا شول ومعاذ ما قولو مثيانق سااااااكت بدون ود سلطان ok ?
Post: #51 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: الطاهر ساتي Date: 04-30-2008, 04:37 PM Parent: #45
يامعاذ كلامك قريب للصاح شوف ترجمة شول ده
Quote: نونق شول اليو ثن كى نونق مبيور بن ليس بها ريشة سوداء كلها ريش بيضاء
ليه يدو السلطان ريشة بيضاء بس ..؟ ياهو ده الكلام البيخلى الجنجويد يتمرد ويخلى معاذ يتمادى في سوء الظن..
...............................
بالمناسبة يامعاذ بوستك ده ادانى فكرة حقو نقدما لى هارمونى كمقترح اغانى التراث دى ممكن تترجم خاصة انو هارمونى تميزت بيها ، وبقت تجيب كل لهجات السودان تقريبا لو ترجموها بتكون احسن عشان العرب الزيك ديل مايكونو طرش في الزفة ... ويجو يقولو الناس كلام ماقالو ......
...............ز نديك اربعة وعشرين ساعة تسجل الاغنية دى وتنزلها هنا لو ماعندك امكانيات اتصل بالصحافة 30 او تمبس كدة يمكن حفيد السلطان - ميثيانق - يسامحك مودتى
Post: #49 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: صديق الموج Date: 04-30-2008, 04:24 PM Parent: #1
شول اشوانق سلام ليكم بعربى جوبا.. الله لا ولاك على ايتام!! كان كتلتهم بالجوع.. هسه مشحتف روحنا ومقعدنا تلاته ساعات عشان تترجم الاغنية بالطريق دى؟ مافاهمين حاجه برضو شوف ليك لغة تالته ترجم بيها!!! وبعدين دينق الفصيح داك ماتناديه عشان يساعدك.. مثيانق ود السلطان انا حاسس شول ده ترجم غلط وظلم جدك يعنى ما اوفاه حقو.. شبكنا عساكر وسلام سلاح بالله فى سلام معاه سلاح؟؟ شول تاخد 1 من 10 فى الترجمه اعد وقابلنى...احى منك هسه الواحد ما يرفدك!!! عشان زعلت ناديه!! ناظر البورد صديق الموج
Post: #52 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 04:41 PM Parent: #1
Quote: شول اشوانق سلام ليكم بعربى جوبا..
سلام تاكم يا الناظر ما سلام ليكم(0/100)
Quote: الله لا ولاك على ايتام!! كان كتلتهم بالجوع.. هسه مشحتف روحنا ومقعدنا تلاته ساعات عشان تترجم الاغنية بالطريق دى؟ مافاهمين حاجه برضو شوف ليك لغة تالته ترجم بيها!!! وبعدين دينق الفصيح داك ماتناديه عشان يساعدك.. مثيانق ود السلطان انا حاسس شول ده ترجم غلط وظلم جدك يعنى ما اوفاه حقو.. شبكنا عساكر وسلام سلاح بالله فى سلام معاه سلاح؟؟ شول تاخد 1 من 10 فى الترجمه اعد وقابلنى...احى منك هسه الواحد ما يرفدك!!! عشان زعلت ناديه!!
ما قلنا ليكم ما متخصصين وما عارفين عربى ولا إنجليزى زى الناس يا
Quote: ناظر البورد صديق الموج
شول اشوانق _________________________________________________________________________________________________________________ تعرف يا الناظر انا حاولت ترجمة الأغنية ده بدون ما أعرف الصياغ التاريخى ليهو إلا بس إنو كان مدح للسلطان القدير كواج!
Post: #53 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 04-30-2008, 04:49 PM Parent: #52
مثيانق ود السلطان انا حاسس شول ده ترجم غلط وظلم جدك
الترجمة ده ما فيها اي كلام يا استاذ صديق الموج
تحياتي لك العزيز ( شول )
Post: #54 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 04:54 PM Parent: #53
Quote: عــودة لأسبوع الــزرزرة
توبة يا الصايم غايتو دي زره الطريفي اما ضاقا.
******** ما يجي واحد يزرني في الطريفي كمان.
Post: #56 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 04:59 PM Parent: #54
Quote: اها ده الكلام البجب لهارموني الهوا زاااااااااااااتو !!
يالهوي !!
نادية عثمان ريحانة هارموني (بجانب صاحبتك اللطيفة ساره طبعا) حسي انا الجبت ليكم الهوا والا انتو زي ما قال ليكم محمد البشرى ( ترجمو ) ما تخلو الناس تترجم علي كيفها.
Post: #61 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد البشرى الخضر Date: 04-30-2008, 06:18 PM Parent: #56
Quote: زي ما قال ليكم محمد البشرى
الطاهر ياخ ما تخلي حركات العرب دي هسي كدا كويس
التحية لمعاذ و شول و ميثيانق و الجميع عدا اب شنب العربي
Post: #55 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 04:57 PM Parent: #1
شكراً يا مثيانق على المساندة
الطاهر ساتى الف الف مرحب بيك
معليش لنادية عشان الموج ما يزعل اصلو هو ناظر الجندر فى البورد
قرقرقرقرقرقرقرقرقر
فينك يا نادر؟
الصياغ التاريخى يا اكوماديت مثيانق ______________________________________________ طبعاً فى مقطع تانى بس النرجع للمصدر ونجيكم ... كويس
Post: #57 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: صديق الموج Date: 04-30-2008, 05:02 PM Parent: #1
Quote: الترجمة ده ما فيها اي كلام يا استاذ صديق الموج
تحياتي لك العزيز ( شول )
يا مثيانق ياحبيب انت ما تقول الترجمه غلط... خلى يفصلوه من البورد ده..ويفصلوا معاه دينق ومصطفى سرى ولو ما فصلوهم عشان الخطأ فى الترجمه.. حقو يفصلوهم فى البروفايل بتاع شول ده عشان نحن اولاد صغار بعلمنا قلة الادب.. وهم حرضوه انو يخت الصورة دى فى البروفايل.. حساده ساكت.. شكرا مثيانق راجين القصة،،،،
Post: #59 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 06:09 PM Parent: #1
محاولة للترجمة (وقع الفهم على كيفك )
1- أشوك = حتى ولو 2- لويل = قيل 3- أبا ضييل = يتم إيصالها إلى 4- جوبا = جوبا 5- رآن = الزول 6- أطيق = يحترم 7- رآن = 5 8- أطيق = يحترم 9- وآر = حذاء (جمعها ور) 10- أيى يوب = يضرب 11- فينج = الارض 12- رض = صوت ضرب الرجل بالأرض 13- آيى يا = إنها 14- أطيق = إحترام 15- فان = بيت 16- أكوم = الحكومة 17- كواج = السلطان كواج 18- أشى بين = جاء (فعل ماضى) 19- أقو ماج = حتى السلاح 20- ييج يال = إتشقلب 21- كى يج يال = يتشقلب 22- فان = 15 23- جيج = جيش 24- كى يج يال = 21 25- فان = 15 و 22 26- أكوما= 16 27- قو ماج = 19 28- أرييب = صوت 29- لوى = أصدر (عمل = ليس بمعنى شغل) 30- شا بنج = الريس 31- مووض = سلمت 32- إ نآق = نآق = جمع نوق وتعنى الريشة 33- نونق = ريشة 34- شول = أسود 35- اليو = مافى 36- ثن = فيه 37- كى نونق = إنها ريشة 38- مبيور = بيضاء 39- بن = كلها 40- رآن أطيق رآن أطيق وآر أيى يوب فينج رض = مكررة (5– 12)
الناظر: صحح لو سمحت ... وراجيك
شول اشوانق ________________________________________ الكلام أهو قدامكم يا ناس الترجمة إتصرفوا (بس بعد الصياغ التاريخى للغنا)
Post: #62 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 06:48 PM Parent: #1
ود البشرى حبابك
هيييييييييييع
شول اشوانق
Post: #63 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 04-30-2008, 07:02 PM Parent: #62
Quote: أشوك لويل أبا ضييل جوبا إذا قيل الكلام حتى تم إيصاله إلى جوبا (آآآآى جوبا الواحد ده)...
رآن أطيق رآن أطيق ... وآر أيى يوب فينج رض هذا الإنسان (يقصد السلطان) يحترم ... يضرب الحذاء فى الارض بقوة (يقصد هنا يقف له إنتباه "بتاع العسكر")
شول مجهود مقدر خليني احضر مباراة هلال مريخ حا اعمل ليك فيها حركة ترجمة ما حصلت بتحويل النص الى اللهجة الدارجية لوسط السودان يمكن نلحنها كمان ونديها اللحو. صادق الود
Post: #64 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Elbagir Osman Date: 04-30-2008, 07:03 PM Parent: #1
هذه الإغنية لم تغن أول مرة عندما حضر وفد الحركة أذكر هذه الإغنية منذ الخمسينات والستينات -عندما كان هنالك ربوع السودان وبرنامج مخصص للجنوب -
ويلاحظ فيها اداء المجاميع البوليفوني
كما أخبرني أصدقاء جنوبيون أنها في مدح شخص
أخبرني عبد الرحن أبو سبيب أنا شاعرنا الأكبر المجذوب عندما أعطاه المذيع في مقابلة إذاعية فرصة طلب أغنية طلب الإستماع إلى أغنية كوانجي كوانج
الباقر موسى
Post: #65 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 04-30-2008, 08:22 PM Parent: #1
يقال ان كواج منقار جوك (حفيد السلطان كواج"إبن إبنه") ... تربى على يد جده كواج مييل اويد. عندما بلغ السلطان مرحلة متقدمة من الكبر لدرجة انه لا يستطيع الحركة ولا يستطيع السمع جيداً حتى إذا إستعصى الحكم على السلاطين فى محاكم القبيلة يحضرون إلى السلطان كواج لحل المشكلة المستعصى عليهم. فى إحدى الأيام إنتقل حفيد السلطان (كواج منقار جوك) إلى الديار الأعلى مع العلم ان إبن السلطان كواج والذى يدعى كواج (أبو كواج منقار جوك) كان قد إنتقل إلى الديار الأعلى قبل إبنه... عندها قرر كبار المنطقة عدم إخبار السلطان كواج بالفاجعة لئلا يلحق به هو ايضاً ولكن ... جاء أحد عبطاء المدينة واخبره بالخبر المشئوم والذى كان نهاية السلطان القدير كواج. عند وفاة الرجل اقيم مهرجان كبير دامت شهراً من الزمان (لا تستغربوا فهى عادة من عادات الدينكا خاصة لكبار الأعيان فى حالة وفاتهم وبالذات عندما يكونون أجداداً) ويقال أن المهرجان حضره الكثير من زعماء وسلاطين القبائل الجنوبية وكان من بينهم دينق اروب كوال (دينق مجوك) زعيم دينكا نقوك أبيى ويقال إنه أتى على ظهر جواد.
لسع جايين يا جماعة
شول اشوانق
Post: #66 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: JOK BIONG Date: 04-30-2008, 09:41 PM Parent: #65
الاخ شول تحية لكم على الترجمة الثرية.
Post: #67 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 09:12 AM Parent: #1
معاذ ومثيانق!
شنو يا جماعة ما فترنا من رفع البوست!
شول اشوانق
Post: #72 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: عثمان الجيلي شيخ محمد Date: 05-01-2008, 10:50 AM Parent: #67
الاخ العزيز /معاذ حسن الاخوان المتداخلين مثيانق شريلو.. وشول اشوانق وصديق الموج وكل المتداخلين لكم التحية والاحترم ..
اولا : قالوا يغني المغني وكلاًًَ يفسر علي هواه.. رغم انو موضوعك اثار كل المتداخلين وغير المتداخلين يا معاذ لكن عتبي عليك في اختيار الكلمات ياعرب (....)يا اخي البورد ده بطلعوا عليه ملاين البشر وماتكتب يعكس في كثيرا من الاحيان عن شخصيتك .. الشي الثاني قد تكون انسان ضاحك او مرح .. لابأس لكن بحذر..
يا مثيانق مازلنا نتظر الجانب التاريخي ..الاعتذار وتم ...ام هذا من باب التشويق لك الود التحية .. ياشول اشوانق ...الموج ماهو ناظر البورد ..لكني ظنيته ناظر هارموني .او( ناظرة) هارموني ...لك وله التحية والاحترام...
يا اخ شول ننتظر منك والاخوان الكثير عن تراث الجنوب...
وللجميع التحية والاحترام
عثمان الجيلي
Post: #69 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد أبوالعزائم أبوالريش Date: 05-01-2008, 10:05 AM Parent: #1
تابعت البوست من البداية .. وكنت متكيف شديد .. بس إتكيفت أكتر من زرّة معاذ (عشان تعرف إنك وهم جد).
بس الحكاية بالنسبة لي ناقصة لأني ما سمعت الأغنية ... مافي طريقة واحد ينزلها لينا هنا؟
نحن منتظرين من حفيد السلطان التفاصيل وحكاية الأغنية.
ويا أشول .. أول شئ شكراً جزيلاً لمجهود الترجمة .. وبعد كدة تعبت معانا .. كل ما نلقى حاجة عايزة ترجمة حنجيك. بس للتوضيح، لغة الأغنية أي لغة من لغات قبائل الجنوب؟ أنا إفترضت إنها لغة الدينكا .... والاّ غلطان؟
بعدين ياخي، وبعيد عن الموضوع، شايفك غيرت صورة البروفائل، وين الزولة الشديدة ديك؟ دي حسادة منك والاّ شنو؟
التحية والود للكل
Post: #70 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد أبوالعزائم أبوالريش Date: 05-01-2008, 10:13 AM Parent: #1
شكراً الأستاذ الباقر ..
الآن عرفت الأغنية، وفعلاً كنا نستمع لها كثيراً في إذاعة أمدرمان، ورغم عدم فهمي لحرف فيها، إلاّ أنها كانت تطربني أيما طرب، وحتى الآن أتمنى أن أجد لها تسجيلاً
تحياتي
Post: #71 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: حيدر حسن ميرغني Date: 05-01-2008, 10:20 AM Parent: #70
Post: #74 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 05-01-2008, 11:47 AM Parent: #71
شول تحية خاصة جدا ما قصرت ( تب ) لكن يا صاحبي ما خليت لي حاجة بس كلامي حيكون مجرد اضافة بسيطة بحاول فيهو اشير للجانب التاريخي
وشوية تفاصيل
عندي عمي قال لازم تجيو زيارة في البلد في ( ليل بقيو )
Post: #73 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 05-01-2008, 11:36 AM Parent: #1
معاذ يا عــمــك
هسي يوري مرقـدي دا يكون دقس
________________ قال (عربي أنا) قال
Post: #75 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: مثيانق شريلو Date: 05-01-2008, 01:10 PM Parent: #73
يقال ان كواج منقار جوك (حفيد السلطان كواج"إبن إبنه") ... تربى على يد جده كواج مييل اويد. عندما بلغ السلطان مرحلة متقدمة من الكبر لدرجة انه لا يستطيع الحركة ولا يستطيع السمع جيداً حتى إذا إستعصى الحكم على السلاطين فى محاكم القبيلة يحضرون إلى السلطان كواج لحل المشكلة المستعصى عليهم. فى إحدى الأيام إنتقل حفيد السلطان (كواج منقار جوك) إلى الديار الأعلى مع العلم ان إبن السلطان كواج والذى يدعى كواج (أبو كواج منقار جوك) كان قد إنتقل إلى الديار الأعلى قبل إبنه... عندها قرر كبار المنطقة عدم إخبار السلطان كواج بالفاجعة لئلا يلحق به هو ايضاً ولكن ... جاء أحد عبطاء المدينة واخبره بالخبر المشئوم والذى كان نهاية السلطان القدير كواج. عند وفاة الرجل اقيم مهرجان كبير دامت شهراً من الزمان (لا تستغربوا فهى عادة من عادات الدينكا خاصة لكبار الأعيان فى حالة وفاتهم وبالذات عندما يكونون أجداداً) ويقال أن المهرجان حضره الكثير من زعماء وسلاطين القبائل الجنوبية وكان من بينهم دينق اروب كوال (دينق مجوك) زعيم دينكا نقوك أبيى ويقال إنه أتى على ظهر جواد.
لا اعرف بالضبط التاريخ الحقيقي للاغنية ولكن بالاشارة الي بعض الفترات التاريخية يمكن لكن ان نتلمس تاريخيتها فوالدي ولد في العام 1952 وكانت الاغنية تنشد قبل مولده بكثير وهذة الاشارة تقودني الي ان الاغنية ربما غنت في ما بين بداية العشرينات او ربما قبلها من القرن الماضي .
خليكم متابعين ..... في شوية تفاصيل اضافية حيكون امتداد لي كلام شول
يا شول ومعاذ والبقية لو متابعين ارفعوا البوست عشان اتم الباقي
للمرة التاني شكراااااااااااااااااااااااااااااااااااااااااااااااا يا شول
Post: #76 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 01:57 PM Parent: #1
حبايبنا ... جيناكم تانى
Quote: وكان من بينهم دينق اروب كوال (دينق مجوك) زعيم دينكا نقوك أبيى ويقال إنه أتى على ظهر جواد
بل الإسم الصحيح هو دينق كوال اروب المعروف بـ (دينق مجو) وناسف للخطا فى الإسم.
Quote: تحية لكم على الترجمة الثرية
خالى العزيز جوك بيونق على أيه الشكر ... أهو بنحاول نورى ناس معاذ الكلام الحقيقى عشان ما يتمادوا فى سوء الظن
عثمان الجيلى يا صديق... صديق الموج ده راجل عسل إلا عندو حركة واحدة لو خلاهو يكون رئيس السودان طوالى خلى نظارة هارمونى البسيط ده (الله ما تزعلى يا ندوية ... سمح)... شفته كيف
Quote: يا اخ شول ننتظر منك والاخوان الكثير عن تراث الجنوب...
يا أخوى إنشالله نكونوا قدر الكلام ده ... مافى مشكلة لو ما قدرنا يمكن الإستعانة بصديق تسلم يا ود الجيلى.
Quote: ويا أشول .. أول شئ شكراً جزيلاً لمجهود الترجمة .. وبعد كدة تعبت معانا .. كل ما نلقى حاجة عايزة ترجمة حنجيك. بس للتوضيح، لغة الأغنية أي لغة من لغات قبائل الجنوب؟ أنا إفترضت إنها لغة الدينكا .... والاّ غلطان؟
محمد ابو العزائم ... عفارم عليك ما ياهو الكلام واقع ليك وعامل رايح مالك من الأول
Quote: بعدين ياخي، وبعيد عن الموضوع، شايفك غيرت صورة البروفائل، وين الزولة الشديدة ديك؟ دي حسادة منك والاّ شنو؟
عيييييك! الصورة ديك دخلتنى فى حتات ضيقة مع عماد الطيب وكم كده من الجماعة والصورة سالفة الذكر هى الشبكتنى مع الموج ده. عموماً قلنا نصبح ابو الحروف على الأقل بيكون أحسن... وشفت الحساده بتاعت الموج الطالب فيهو إنو يفصلونى عشان الصورة الجديدة لك كل الشكر.
Quote: عندي عمي قال لازم تجيو زيارة في البلد في ( ليل بقيو )
سلم على عمك وقول ليهو الزول أول ما يمشى أويل طوالى حيجيك وأشكرو لى كتير وشكر ليك إنت كمان.
Quote: للمرة التاني شكراااااااااااااااااااااااااااااااااااااااااااااااا يا شول
شول اشوانق _____________________________________ معاذ بطل جرس وما تبقى زواغ... وين قرشو يا جماعة ووين ندوية وود الموج... أجمعوا هنا... إنتباااااااااااااه
Post: #77 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 05-01-2008, 03:09 PM Parent: #76
Quote: وبعد كده حقو نعتمدك المترجم الرسمي للغات السودانية. وكان قابلتني اي كلمة بجيبها ليك
Post: #78 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 03:39 PM Parent: #1
Quote: الاغنية نزلهاحيدر يلا تعالي ادينا رايك
لا لا لا لا والف لا يا معاذ... دى ما ياها الغنية يا صديق! تاااااااااااااااااااااانى وينكم يا ود الصايم وود البشرى
شكراً للاستاذ حيدر على إنزاله للغنية سالفة الذكر وهى إحدى أغانى الجيش الشعبى. ياخ الجيش الشعبى من 1983م وأغنية كاونج كواج عمره!!! عيييييييييييييك خلى مثيانق يجيك بس لو ماطالبك بإعتزار تانى
شول اشوانق ___________________________________ الغنية النزلو استاذ حيدر ده باللغة العربية "تصدق الناس الفى الفيديو بعرفهم معرفة شخصية وقابلت معظمهم فى أويل السنة الفاتت"
Post: #81 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 05-01-2008, 04:02 PM Parent: #78
Quote: لا لا لا والف لا يا معاذ... دى ما ياها الغنية يا صديق! تاااااااااااااااااااااانى وينكم يا ود الصايم وود البشرى
شكراً للاستاذ حيدر على إنزاله للغنية سالفة الذكر وهى إحدى أغانى الجيش الشعبى. ياخ الجيش الشعبى من 1983م وأغنية كاونج كواج عمره!!! عيييييييييييييك خلى مثيانق يجيك بس لو ماطالبك بإعتزار تانى
شول يا سكر ما عندي سماعة حسي افتكرت حيدر نزلها يا شول وين سلطان المنبر مثيانق!!
Post: #79 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 03:44 PM Parent: #1
Quote: شول اشوانق دينق
.
تاريخ التسجيل: 13-02-2006 مجموع المشاركات: 665
معاذ... إنت حالف تلحقنى 1000 مشاركة مش!!!!
ياخ هسع يجى واحد يقول إلا يشرحوا ويترجموا ليه الغنية النزلوا حيدر ده
شول اشوانق
Post: #80 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 03:50 PM Parent: #1
الباقر كيف يا قريبى؟
Quote: هذه الإغنية لم تغن أول مرة عندما حضر وفد الحركة أذكر هذه الإغنية منذ الخمسينات والستينات -عندما كان هنالك ربوع السودان وبرنامج مخصص للجنوب -
ويلاحظ فيها اداء المجاميع البوليفوني
كما أخبرني أصدقاء جنوبيون أنها في مدح شخص
حلو والغنية ابدر من كده.
Quote: أخبرني عبد الرحن أبو سبيب أنا شاعرنا الأكبر المجذوب عندما أعطاه المذيع في مقابلة إذاعية فرصة طلب أغنية طلب الإستماع إلى أغنية كوانجي كوانج
هسع عليك الله المجذوب ده لو كان سمع ولا قرا ترجمة معاذ الناجرو من داقوسو ده كان طلب يسمعه
شول ______________________________ ما تغيب كتير!
Post: #82 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 04:02 PM Parent: #1
أسمع صوتى انا فى مدينة كرمك أرض الأنقسنا أسمع صوتى كمان فى مدينة كبويتا أرض التبوسة
معقول يا معاذ ما سمعت ده وللا أصلك ما فتحت سمعت الغنا؟
__________________________________________________________ قلنا نضغط عليك شوية "ده وصية اولاد الصايم والبشرى على التوالى" (مافى زول يقول لمبة وللا سلك كهربا)OK
Post: #83 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 05-01-2008, 04:04 PM Parent: #82
Quote: ده وصية اولاد الصايم والبشرى على التوالى
الله يقويك يا عمك
Post: #84 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 04:27 PM Parent: #1
Quote: الله يقويك يا عمك
يعنى نجيب آخرو
شول اشوانق
Post: #85 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 04:37 PM Parent: #1
Quote: شول يا سكر ما عندي سماعة حسي افتكرت حيدر نزلها
شفته يا ود الصايم كسييييييييييييير التلج ده.
Quote: يا شول وين سلطان المنبر مثيانق!!
انا زاتى سائل منو يا أخوى
معاذ الله يديك العافية.
شول اشوانق
Post: #88 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: معاذ حسن Date: 05-01-2008, 05:02 PM Parent: #85
Quote: المهم فى يوم وانا ماشى فى الشارع لاقانى واحد جنوبى عاين لى بى حقارة شديدة جدا ثم قال لى بعربى مكسر طبعا : شم تراب ده حقك ؟؟؟؟
طبعا اخوك اتخارج بالخطوة السريعة جدا خوفا من ان اسبب مشكلة بين الشمال والجنوب وذلك قبل المشاكل الاخيرة حالتو .....
العزيز قرشو تحياتي يا حبيب ما تضمن يوم اخونا الحبوب شول دا والا السلطان ميثيانق يزعل منك يقول ليك شم التراب دا حقك!! انا غايتو قالوها لي قبل كدا وبرضو عملت خطوه سريعه. الناس ديل اسياد الشيء ذاااااااااتا.
Post: #86 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 04:45 PM Parent: #1
Post: #87 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Elbagir Osman Date: 05-01-2008, 04:50 PM Parent: #1
شكرا قريبي شول
لقد كان المجذوب شاعرا عظيما لانه كان إنسانا عظيما لا يقف حاجز بينه وبين إنسانية الآخر
على الأخ معاذ الإمتناع عن مثل هذا العبث يجب أن نتحرى الدقة في التعامل مع تراثنا
ما يكتب في هذا المنبر سيظل محفوظا إلى الأبد ويصبح هو نفسه جزء من التراث
من الممكن جدا أن يعتمد شخص مستقبلا على ما أورده معاذ كترجمة صحيحة
يجب توخي الحذر هذه مناطق عالية الحساسية
يعني مش موضوع هظار
الباقر
Post: #89 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شهاب الفاتح عثمان Date: 05-01-2008, 05:17 PM Parent: #1
Quote: [بوستك ده ادانى فكرة حقو نقدما لى هارمونى كمقترح اغانى التراث دى ممكن تترجم ]
Post: #90 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 05:17 PM Parent: #1
بلدى كثير بالخيرات وفيه الثروات الزراعية والحيوانية أخير اموت عريان ... أخير أموت جعان أخير اموت مرضان بدون دواء فى بلدى *** يا شباب الدنيا ... يا ثوار إفريقيا ... أسمعوا صوتى أنا فى مدينة كرمك أرض الانقسنا أسمعوا صوتى كمان فى مدينة كبويتا أرض تبوسا *** وانا سودانى ... وسودان إفريقيا وانا جندى انا وجندى أسود اللون كما تسمى بلادى ... إنه لونى انا وجندى شعبى لتحرير السودان *** يا شباب الدنيا ... يا ثوار إفريقيا ... أسمعوا صوتى أنا فى مدينة كرمك أرض الانقسنا أسمعوا صوتى كمان فى مدينة كبويتا أرض تبوسا *** وزمان الإستعمار وحق المصير وزمن طويلة اخدنا المصير وانا رفعت السلاح وانا قادم قدام لجنوب بلادى ولشمال بلادى ولغرب بلادى ولشرق بلادى وانا انادى العدالة فى الثورة *** يا شباب الدنيا ... يا ثوار إفريقيا ... أسمعوا صوتى أنا فى مدينة كرمك أرض الانقسنا أسمعوا صوتى كمان فى مدينة كبويتا أرض تبوسا ...... إلخ
شليــــــــــــــــــــــــــل ويــــــــــنو؟
قريبى الباقر ... تحية للإنسانية أينما وجد. معاذ يا قريبى لا قرشو لا إنت بيجيكم عوجة إنشالله... سمح؟
شول اشوانق ____________________________________________________ معاذ يا أخوى شيل كلام الباقر ده نصيحة لى قدام OK
Post: #91 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: عبدالفتاح أبوشيمة Date: 05-01-2008, 05:46 PM Parent: #1
أولاً إزّيك انت يا معاذ ما سمعت بي لسانك حصانك؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
shut up
Post: #92 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-01-2008, 06:46 PM Parent: #1
Post: #93 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: AnwarKing Date: 05-01-2008, 09:46 PM Parent: #92
يا شول يا حبيب، ياخي شكلو الشريط كلو مسجل في ملف واحد!!! لي زي ساعة انا في ملف واحد... مستمع شديد، لكن ما عارف دي أغنية واحدة، ولا الشريط كلو؟
كما لا يفوتني إرسال التحية للعزيز الغائب جوك بيونغ
Post: #94 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: Raja Date: 05-01-2008, 10:00 PM Parent: #93
العزيز شول..
سلام وتحية..
شكرا ليك كتير على الترجمة وإثراء البوست بكل هذه المعلومات والأغاني التراثية الجميلة..
ولا زلت عند رأيي الأول بأنه أجمل بوستات المنبر
ودي
Post: #95 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 05-02-2008, 11:05 AM Parent: #1
Quote: ولا زلت عند رأيي الأول بأنه أجمل بوستات المنبر
Post: #96 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-02-2008, 04:40 PM Parent: #1
Quote: يا شول يا حبيب، ياخي شكلو الشريط كلو مسجل في ملف واحد!!! لي زي ساعة انا في ملف واحد... مستمع شديد، لكن ما عارف دي أغنية واحدة، ولا الشريط كلو؟
أنور كينق إزيك؟ الغنية ده غنية واحد بس. مدتها 6:04 دقيقة وحجمه 5.62 ميقابايت.
تشكر يا جميل
رجاء يا لذيذ
Quote: شكرا ليك كتير على الترجمة وإثراء البوست بكل هذه المعلومات والأغاني التراثية الجميلة..
ولا زلت عند رأيي الأول بأنه أجمل بوستات المنبر
شكراً على الكلام الجميل ده وعلى الإنطباع الجيد الأخدتو..
Post: #97 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: صديق الموج Date: 05-02-2008, 09:06 PM Parent: #1
Quote: رجاء يا لذيذ
شول ما تعاكس برفدك من المنبر ده.. انت ما مصدق انا الناظر؟ والله بالزعل قربت ارفد معاك ود الصايم،،،
Post: #98 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: شول اشوانق دينق Date: 05-02-2008, 09:46 PM Parent: #1
الناظر صديق!
خليك معاى انا إلا ود الصائم إنت ما قدرو
________________________ اقول ليك حاجة: الزولة دى لذيدة للدين... اها يا عبد الرحمن خوجلى!!!!!
Post: #99 Title: Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن Author: محمد عبد الماجد الصايم Date: 05-04-2008, 04:28 PM Parent: #1
Quote: والله بالزعل قربت ارفد معاك ود الصايم،،،
عــمــو صديق صديقي في الدرقة
يا عمك كان بتعرف ترفد الناس ما تشوف لينا نهاية قصة حاجة آمنة شنو
)
)
