Post: #1 Title: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-14-2007, 03:57 PM Parent: #0
أضنـاني الـغرام و البــين يا روحي الـفراق لمتـــين قضيت أنا عمري كـلو حزيــن عايش على ذكـراك
Post: #2 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-14-2007, 07:15 PM Parent: #1
عديت أنا نجوم الليـل في خدودي الدمـوع بتسيـل يالفارقت أرض النيل يرعاك الإله يا ملاك
Post: #4 Title: Re: يا مسافر و ناسي هواك .... أرواحنا و قلوبنا معاك Author: انعام عبد الحفيظ Date: 08-15-2007, 12:37 PM Parent: #2
والعاشق يدوم سعدو
لو دام يا حبيب هواه
ويا مسافر و ناسي هواك أرواحنا وقلوبنا معاك
تحياتي الصحافة30
Post: #10 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 03:31 PM Parent: #4
أهلا إنعام ..
. . . . غريــــبةّ!! ما ممكن تكوني نسيتي!!
Post: #31 Title: Re: يا مسافر و ناسي هواك .... أرواحنا و قلوبنا معاك Author: انعام عبد الحفيظ Date: 08-16-2007, 09:14 AM Parent: #10
Quote: غريــــبةّ!! ما ممكن تكوني نسيتي!!
أنساك!!!! دا أصلو ما معقول
Quote: Quote: كن يا حسام المذكورة أدنــاه مالهــاااا؟
باقي لي زي رايحة ليها حــاجة ... كــدي أســألهــا يااااخ...
مش كده؟؟ كدي نستنى شوية و نشوف الفهم شنو
قلت لروحي يا بت يا إنعام بلا شيل حال مع هيثم والصحافة
إنتظري وروّقي المنقة شوية
وأكييييييييييد بعد شوية يجي زول يقول عايز لنك الحفظ
دا كلام ناصر موسى
Quote: وين لنك الحفظ ومن قبل ذلك تشكراتنا
ودا مجاهد عبد الرحمن
Quote: ننتظر رابط الحفظ ... وكل ما لديك للأخ ياسر
Post: #8 Title: Re: يا مسافر و ناسي هواك .... أرواحنا و قلوبنا معاك Author: يسرى صلاح Date: 08-15-2007, 01:13 PM Parent: #2
صحافة 30
وين انتا انا بفتشس ليك لي كم يوم ارجوا الاتصال
انشا الله مايسافرو وينسو هواك صغير انت لسة ياولدي علي الشرشحة
Post: #12 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 03:43 PM Parent: #8
يسري صلاح
انت الوين ؟؟؟ من يوم الورطة و عييييييك تاني ما شفناك !!!
راجع المسنجر الداخلي..
Post: #3 Title: Re: يا مسافر و ناسي هواك .... أرواحنا و قلوبنا معاك Author: omar altom Date: 08-14-2007, 08:46 PM Parent: #1
ود الصحافة 30
سلامات ياخ
ابو السيد فنان العشاق والمحبين. والاغنيةعذاااااب عديل كدة, خاصة للناس السافروا وخلو حبايبهم وراهم..........!!!!!!
تشكرات افندم
عمر
Post: #5 Title: Re: يا مسافر و ناسي هواك .... أرواحنا و قلوبنا معاك Author: saadeldin abdelrahman Date: 08-15-2007, 12:51 PM Parent: #3
يا الفارقت ارض النيل يرعاك الاله يا ملاك
-----------
يا سلاااااام عليك يا صحافة الف رحمة و نور عليـك يا ابوالسيد
Post: #13 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 03:59 PM Parent: #5
أبو السعود مراحب
و رحم الله أبو السيد..
Post: #11 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 03:39 PM Parent: #3
عمر التوم
أبو السيد فنان عالي التطريب و يطرب نفسه أولاً ..
تشكرات كثيرات
________ حسام
Post: #6 Title: Re: يا مسافر و ناسي هواك .... أرواحنا و قلوبنا معاك Author: محمد أبوالعزائم أبوالريش Date: 08-15-2007, 12:58 PM Parent: #1
صحافة_30
جميييييل
بس ما عرفنا منو صاحب الصوت في التسجيل ده
Post: #7 Title: Re: يا مسافر و ناسي هواك .... أرواحنا و قلوبنا معاك Author: keiga2000 Date: 08-15-2007, 01:05 PM Parent: #6
ينصر دينك يا استاذ الصحافة 30
وكتر لينا من ابو السيد دا
دا ملك الطرب السوداني
ربنا يرحمك ويغفر ليك ويجعلك قبرك روضة من رياض الجنة
الفنان تقريبا ياسر عبدالوهاب من ابناء الشرفة شرق مدني
واشتهر باغاني ابو السيد منذ كان يدرس في مدرسة الامير ودمدني
لكنه اختفى لسنين عديدة رد الله غربتك ياياسر
ابومصطفى
Post: #9 Title: Re: يا مسافر و ناسي هواك .... أرواحنا و قلوبنا معاك Author: عامر تيتاوى Date: 08-15-2007, 01:27 PM Parent: #7
يا الفارقت ارض النيل يرعاك الاله يا ملاك
ياسلام على ابو السيد وتسلم ياصحافة 30
Post: #21 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 08:23 PM Parent: #9
عامر تيتاوى
مشكور على الغشوة ..
ألف تحية ..
Post: #18 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 07:32 PM Parent: #7
أبو مصطفى سلام
ترقب مزيد من أعمال أبو السيد في الأيام القادمة ..
Quote: الفنان تقريبا ياسر عبدالوهاب من ابناء الشرفة شرق مدني
واشتهر باغاني ابو السيد منذ كان يدرس في مدرسة الامير ودمدني
لكنه اختفى لسنين عديدة رد الله غربتك ياياسر
تعرفت على الفنان ياسر عبد الوهاب لأول مرة عبر قناة النيل الأزرق و أعجبت بأدائه لأعمال أبو السيد ...
يبدو أنه مغترب حسب ما فهمت من كلامك ... رد الله غربته و كل مبدعي بلادي ..
تشكر على المشاركة ..
مع التحية .
Post: #17 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 07:17 PM Parent: #6
أبو الريش سلامات..
Quote: بس ما عرفنا منو صاحب الصوت في التسجيل ده
ده أبو السيد بس صوتو كان لسه شباب ..
Post: #14 Title: Re: يا مسافر و ناسي هواك .... أرواحنا و قلوبنا معاك Author: Ahmed Alrayah Date: 08-15-2007, 04:55 PM Parent: #1
سلامات يا Alsa7afa_30
ليلى مراد، الفنانة المصرية ذات الصوت الطروب، عندها أغنية اسمها "يا مسافر و ناسي هواك" برضو. الأغنية لحنها حنين وسهلة الترديد مثل أغنية الراحل سيد خليفة. الفنانة المتألقة آمال النور -بالمناسبة- غنت لليلى مراد أغنيتها الأشهر "أنا قلبي دليلي" وكان أداءها غاية الروعة بدرجة أبرزت -أكثر- قدرات آمال الصوتية.
سيد خليفة اشتهر عربيا بأغاني لا تمثل أفضل ما غنى وعشان كده كل ما واحد يقول لي سيد خليفة نشر الأغنية السودانية عربيا بقول ليهو: لا... العرب لا يعرفون أجمل ما غني سيد! أين هم من "أعلى الجمال" و"النهاية" و"ولى المسا"؟!
Post: #22 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 10:38 PM Parent: #14
أحمد الريح :
تشكر على الإضافة الجميلة ..
Post: #15 Title: Re: يا مسافر و ناسي هواك .... أرواحنا و قلوبنا معاك Author: Haytham Abdulaziz Date: 08-15-2007, 05:29 PM Parent: #1
عشــان كـــدة انــا راجــع عشان ما ينسوني و يقولو لي جاي تعمل أيه معانا ... و بعــداك دايرك تنزل لي غنية رجع البلد لود الأمين ....
لكن يا حسام المذكورة أدنــاه مالهــاااا؟
باقي لي زي رايحة ليها حــاجة ... كــدي أســألهــا يااااخ....
Quote: أهلا إنعام ..
. . . . غريــــبةّ!! ما ممكن تكوني نسيتي!!
إنعـــام وين الحي بيك ... (بس ما تقولي لي حي إمتداد ناصر و مشتاقييين يااااخ.....
Post: #24 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 11:14 PM Parent: #15
Quote: كن يا حسام المذكورة أدنــاه مالهــاااا؟
باقي لي زي رايحة ليها حــاجة ... كــدي أســألهــا يااااخ...
مش كده؟؟ كدي نستنى شوية و نشوف الفهم شنو
Post: #16 Title: Re: يا مسافر و ناسي هواك .... أرواحنا و قلوبنا معاك Author: محمد عثمان Date: 08-15-2007, 05:41 PM Parent: #1
الصحااافة...
شكرا على السفر الجميل و اللحن الطروب...
البيغنى منو...؟؟؟
تحيااتى...
Post: #19 Title: Re: يا مسافر و ناسي هواك .... أرواحنا و قلوبنا معاك Author: jini Date: 08-15-2007, 07:41 PM Parent: #16
Quote: ابو السيد فنان العشاق والمحبين. والاغنيةعذاااااب عديل كدة, خاصة للناس السافروا وخلو حبايبهم وراهم..........!!!!!!
رحم الله بقدرما ابهجنا وامتعنا. لو اسعدك الحظ وتحصلت لتسجيل لهذه الأغنية بصوت الراحل حسن عطية لسبحت فى ملكوت ولتأكدت باحتفاء فنانينا ببعضهم البعض! جنى
Post: #27 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-16-2007, 01:08 AM Parent: #19
جني:
Quote: لو اسعدك الحظ وتحصلت لتسجيل لهذه الأغنية بصوت الراحل حسن عطية لسبحت فى ملكوت ولتأكدت باحتفاء فنانينا ببعضهم البعض!
فعلاً حالفني الحظ بسماعها بصوت الراحل حسن عطية و كان لها طعم مختلف .. عارف أنا شديد الإنبهار باحتفاء العمالقة ببعضهم و الشدو بأغاني بعضهم البعض ..
لك الشكر ..
Post: #25 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-15-2007, 11:56 PM Parent: #16
أبو حميد الجميل ..
Quote: البيغنى منو...؟؟؟
دا أبو السيد يا زول .. يمكن ما عرفتو لأن صوتو كان لسه شباب ..
تحية و تقدير..
Post: #20 Title: Re: يا مسافر و ناسي هواك .... أرواحنا و قلوبنا معاك Author: jini Date: 08-15-2007, 07:59 PM Parent: #1
يـــا مسافر...
يا مسافر وناسي هواك ارواحنا وقلوبنا معاك اضناني البعاد والبين يا روحي الفراق لي متين قضيت عمري كلو حزين عايش على زكراك عديت انا نجوم الليل في خدودي الدموع بتسيل ويالفارقت ارض النيل يرعاك الله يا ملاك في عيونك سلاح مشهور لمعان الخدود بالنور ننساك اصلو ما معقول نسلاك اصلو ما معقول لو ضاعت حياتي فداك طارين للهوى وعهدو حافظين بالشهود وعدو العاشق يدوم سعدو لو دام يا حبيبي هواك _..._..._..._..._
Post: #34 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-16-2007, 08:48 PM Parent: #20
تشكر على إيراد النص ..
Post: #23 Title: Re: يا مسافر و ناسي هواك .... أرواحنا و قلوبنا معاك Author: غباشي Date: 08-15-2007, 10:55 PM Parent: #1
Quote: يا مسافر و ناسي هواك .... أرواحنا و قلوبنا معاك
دع عنك لومي فان اللوم اغراء وداوني بالتي كانت هي الداء
يا ولدنا كلما اندمل مني جرح تبتق آخر
بالراحة علينا تسلم
Post: #35 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-16-2007, 08:59 PM Parent: #23
وين يا سيد جرسـة
Post: #39 Title: Re: يا مسافر و ناسي هواك .... أرواحنا و قلوبنا معاك Author: غباشي Date: 08-17-2007, 00:09 AM Parent: #35
Quote: وين يا سيد جرسـة
يا حبيب أخوك طلع براءة بعد أن أعلن أحد الديناصورات الشابة عن جرسته أمام الملأ و من واقع حداثة تجربتي فمن المنتظر أن تبرأ ساحتي من أي جرسة تم إتهامي بها بعد أن توجهت الأنظار الي قضية الساعة المتمثلة في الجـــرسة الجديدة و هــاك الدليل عيانا بياناً ** عــبـر الأثــيــــر و همـوم الغربـة **
Post: #26 Title: Re: يا مسافر و ناسي هواك .... أرواحنا و قلوبنا معاك Author: سلمى الشيخ سلامة Date: 08-16-2007, 00:10 AM Parent: #1
الفنان سيد خليفة
لم يكن صوته الا صوت من اجمل الاصوات التى تجعلك تميل طربا ، مثله مثل صوته حين ينزل المطر تبتل عروق الارض العطشى فتزدان خضرة وينثال عصفور مغردا اسمه سيد خليفة حين يغنى تحس ان الارض تحته تميد بصوته الصوت الندى يطلع من بين الرئتين مغطيا كل الصدر يلون الارض بشفيف الورد الذى تختزنه الكلمات الحرى مثل كل آهة يخرجها حين يغنى فى ربيع الحب كنا لم نكن يا سيدى الا شجنا تحمله بين جوانحك حين تغنى فصوتك ندى يغطى الكلمات ويخفى شجنا تلمح الندى فلا تبوح به الا لك يا سقاة الكاس من عهد الرشيد وما بك انت ؟ فصوتك راح ورياحين تفوح لحظة تخرج الكلمات تتدافع كما السلاف الى مسامعنا ، ننتشى بفعل الكلمة بلا راح وتسوقنا بين كلمات اجزتها دون مجيز الا داخلك العطر ، وانت فى حتى اغنياتك الخفيفة الظل تنادينا عبر الهاتف ـ الو منو ؟ اهلا سلام رغم اغراق الكلمة فى البساطة وولوجها الى حلبة الحلمنتيش لكنها نابعة من فنان حقيقى تذكرها كلما رفعت سماعة التلفون ، ترتاد الذاكرة يا سيدى وكانى بنا ( ننجم ) على رفيف صوتك فهل هو من تريد ان يكالمك حتى تقول له : ـ اهلا سلام يطيب عمرنا وسوسنو عرفت صوتك وتسالينى ـ عليك هواى دا سؤال شنو ؟ لكنك تدلق الوجد الى الروح فترتاح حين يكون من يكالمك من الطرف الآخر من (خمنته) كانك تعرف ان ذلك هو من يود احدنا محادثته واجدك تدخل الى باحات الخدر الذى يدفعنا الى باحات الخيال لكنه خيال من صنعنا ووهم نود ان لا يصبح الا حقيقة ، نراك تهفوالى تلك الوداعية التى تحاول ان تنهى الى مسامعك ما ترقب فيه فانت الولهان الذى يروم حبيبا صعب المنال ارمى الودع للولهان شوفى الزول فى ياتو بكان غايب عنى ليهو زمان لكنه حاضر فيك وفيه وفينا لانك تدعوه الى حيث جنتك المزعومة محاولا تخفيف وطأة الحياة داعيا الى البساطة ابنى عشك يا قمار قشة قشة تاكيد لفظى تسوقه حتى يطمئن قلبنا ان الحياة جميلة ويمكن ان تكون تلكم البسيطة التى دعوتنا لها وعلمينا كيف على الحب دارنا تنشأ رغم العواصف قلبى واقف مافيهو رعشة لكن قلوبنا ترتعش ايها الجميل لمسمعك وخيولنا تغزو المستحيل وفقا لكلمات شئت ان تدخل الى افئدتنا وتظل عالقة تلك القمارى فى مخيلتنا تغز الارض وتنشط وتندفع كلما التقى حبيب وحبيبة لكم دعوتنا لجميل حلم رغم انه فى بعض اللحظات تحس انه يحتشد بالالم والشجن لفراق حبيبة لسبب ما يوم قسموك يا هم كتبوا عليك اسمى لو كان رروك بالدم بالدم يا هم رووك دمى انا لورضيت بالهم ما برضى بى همى تعلن لنا ان الدنيا كما تقول الامثولة الشعبية يوم عسل ويوم بصل لكن لحلاوة مغناك نتغاضى عن كل (بصل ) ننتمى لكل ما هو حلو وعذب نعلن فى خفاء عن حبيب ما تبوح به انت يا صوتهالما سرى لما هو ذا الحب الذى تباعد بينه وبين الاضواء الظلال وهوالذى علمتنا من هو انه الجمال المطلق الذى نشدت اعلى الجمال تغار منا ؟ ماذا عليك اذا نظرنا هى نظرة تنسي الوقار وتسعد الروح المعنى دنياى انت وفرحتى ومنى الفؤاد اذا تمنى انت السماء بدت لنا واستعصمت بالبعد عنا هلا رحمت متيما عصفت به الاشواق وهنا منذ ان بدات تتلمس طريقك فى مطلع الخمسينات كنت فالتا وحتى الآن ليس ذلك الانفلات المزيف بل انه لاكثر من حقيقى وفى زعمنا انك احد الذين اسهموا فى نقل الاغنية من فضائها الداخلى الى عالم اوسع مدى حكى لى احد قادة اذاعة وادى النيل لعله الاستاذ مامون النجار قال : فى حفلات اضواء المدينة كان الفنان عبد الحليم حافظ لا يخشى الا وجود سيد خليفة رغم ان فى ذلك الوقت كان وديع الصافى يجئ من لبنان وفريد الاطرش ، لكن سيد خليفة كان له سلطان على الجمهور ، لذلك كان عبد الحليم بطلب ان يغنى قبل سيد ، شفتى ازاى ؟ يا لك يا سيد خليفة من فنان تعرف كيف تغزو الافئدة ، لك الرحمة عدد كلماتك التى اطربتنا وحروفك التى لم تكن الا واحدة من موجبات تاديبنا على الاستماع الجميل والنغم الذى لا تزيله الايام
Post: #28 Title: Re: يا مسافر و ناسي هواك .... أرواحنا و قلوبنا معاك Author: Nasser Mousa Date: 08-16-2007, 01:47 AM Parent: #26
Quote: عديت أنا نجوم الليـل في خدودي الدمـوع بتسيـل يالفارقت أرض النيل يرعاك الإله يا ملاك
وين لنك الحفظ ومن قبل ذلك تشكراتنا
Post: #29 Title: Re: يا مسافر و ناسي هواك .... أرواحنا و قلوبنا معاك Author: Nader Abu Kadouk Date: 08-16-2007, 06:03 AM Parent: #28
Post: #30 Title: Re: يا مسافر و ناسي هواك .... أرواحنا و قلوبنا معاك Author: مجاهد عبد الرحمن Date: 08-16-2007, 06:35 AM Parent: #29
الحبيب الصحافة تلاتين لك الحب كله دوماً لا تأتي إلا بالجميل رحم الله أبو السيد والتحية لهذا الصوت الذي أيدع في أداء هذه الأغنية بل جميع أغنيات أبو السيد الشاب الفنان ابن الجزيرة المعطاءة الأخ الحبيب والصديق ياسر عبد الوهاب جابر وهو من قرية الشرفة ... يعني هذا الصوت ليست هو صوت أبو السيدبل صوت
ياســــــر عبـــد الوهـــــاب جابــــر
التحية لك ولأبو السيد ولكل صوت طروب ولكل أهل الشرفة وأخص صديقي ياسر الذي كم شنف أذني في ودمدني بحلو الأداء وعذب اللحن .... التحية للأستاذة سلمى الشيخ سلامة لأنها دوماً تثري الموضوعات بمداخلاتها الغنية
ننتظر رابط الحفظ ... وكل ما لديك للأخ ياسر
Post: #40 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-17-2007, 01:03 AM Parent: #30
مجاهد عبد الرحمن :
هذه الأغنية بصوت الراحل أبو السيد في عز شبابه .. سآتيك بتسجيل بصوت ياسر هبد الوهاب لنفس الأغنية لملاحظة الفرق ..
هذا ليس تقليل من شأن الفنان ياسر لكن (الأصل ما ببقى صورة) ..
تحية و تقدير ..
Post: #41 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-17-2007, 01:35 AM Parent: #30
الأغنية بصوت ياسر عبد الوهاب
تسجيل نظيف لأغنية " أعمل ليك إيه " لمن لم يستمع إلى ياسر عبد الوهاب من قبل
نرجو الإفـادة من سميعين أبو السيد ,, ربما أكون غلطان و يطلع ياسر عبد الوهاب فعلاً ..
Post: #43 Title: Re: يا مسافر و ناسي هواك .... أرواحنا و قلوبنا معاك Author: saadeldin abdelrahman Date: 08-17-2007, 07:06 AM Parent: #41
التطريب الفي تسجيل العود لا يقوى عليه الا ابوالسيد رحمه الله و هذا رأيي الخاص معتمدا على اذني و تقديري
Post: #38 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-16-2007, 11:36 PM Parent: #29
نادر أبو كدوك
تسلم كتير ..
Post: #37 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-16-2007, 09:19 PM Parent: #28
الأخ ناصر موسى :
لنك الحفظ موجود أدناه ..
مع التحية ..
Post: #36 Title: Re: يا مسافر و ناسي هواك .... أرواحنا و قلوبنا معاك Author: Alsa7afa_30 Date: 08-16-2007, 09:16 PM Parent: #26
الأستاذة العزيزة سلمي:
كالعادة تتحفينا بمداخلاتك الثرة ..
رجاءاً لا تحرمينا منها ..
ألف تحية ..
Post: #32 Title: Re: يا مسافر و ناسي هواك .... أرواحنا و قلوبنا معاك Author: طارق جبريل Date: 08-16-2007, 10:54 AM Parent: #1
و مشتاقييين يااااخ.....
