Post: #1
Title: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-02-2006, 02:37 AM
Parent: #0
>>>>>>
نحن الجينا بشورة اهلنا ولما حكمنا ,الناس راضين لا اتضارينا وراء دبابة ولا تاجرنا باسم الدين....
بمناسبة ذكرى انتفاضة ابريل المجيدة ابتدرنا بهذا الشعار العظيم
انه من الهتافات المحببة لجماهير الحزب الاتحادي الديمقراطي (كرم الله وجهه)
لانه يحمل في داخله المواقف و التاريخ المشرف للحزب الاتحادي الديمقراطي
وتمسكه بالحرية و الديمقراطية و الدفاع عنها والعمل على عودتها....
والرفض التام لكل اشكال الانقلابات العسكرية و المدنية و الاتجار باسم الدين.
انتفاضة ابريل المجيدة التي فجرها الشعب السوداني بمختلف قطاعاته واطاح
بحكم الفرد او حكومة مايو التي انقلبت على الحكم الديمقراطي في مايو1969
وظلت تحكم السودان طوال 16 عام , الى ان تم القضاء عليها بانتفاضة 6 ابريل
وباسم الحزب الاتحادي الديمقراطي وباسم جماهير الحزب العريضة
نهنى الشعب السوداني بمختلف قطاعاته بذكرى الانتفاضة المجيده
التي غيبت السلطة الحاكمة ذكراها في محاولة منها لتغيبها من
ذاكرة الشعب السوداني
ولكن هيهات فسيظل هذا الشعب هو الشعب المعلم الذي ترجع اليه
كل الامور كما قال الزعيم الخالد اسماعيل الازهري .....
..
|
Post: #2
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: معتز تروتسكى
Date: 04-02-2006, 03:33 AM
Parent: #1
خالص التحايا
عزيز جمال ازيك ود العم..
بالرغم انى مامن ملتكم لكن زى مابقولو العرق دساس..
وده الخلانى عبرك احي الجد العزيز (بشير) لانو الايام دى صحتو شويه تعبانه يديهو العافية..
احكي ليك بعض مناقشاتى معه فى شكل مكايدات ظريفه..
فى احدى المرات كنت بتناقش معاهو ودايما اتعمد ان اغيظو..
فذكرت ليهو انتو الاتحادين ماعندكم شى حتى شعبيتكم زاتها لاتُقارن مع الاحباب الانصار..
فكان ان رد على رد بالجد اعتبرو مدرسه ورد كان بى حنكه ذكرنى زنقة الاركان لمن وكيفة الخروج منها بحقه اقوى..
قال لى ده كلام ساى.. الاحباب ديل كتار ساى لكن مغشوشين زى الحكومه دى اسى ناسها كتار لكن مغشوشين ساى..
ووالخ...
بس انا طبعا قاعد اناكف الاهل فى مقولة (نحن الجينا بشورة اهلنا ولما حكمنا ,الناس راضين لا اتضارينا وراء دبابة ولا تاجرنا باسم الدين....)
لانو اعتقد انو الحزب فعلا ماجاء عن طريق دبابة او خلافو...
لكن الم يكن هناك تؤاطو ضد الازهرى للايتاء بعبود!!؟؟!
والتحايا هنا عبرك الى الخال هشام..والريس ودهب والاعزاء والاصدقاء على راسهم هانى ومحمد ابو القاسم وريهان ؛وياسر كجرت بالقاهره وو الخ..وكل الاشقاء..
 
|
Post: #3
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-02-2006, 05:34 AM
Parent: #2
الشقيق / معتز
لك السلام في زمن البحث عن السلام .....
الاصل دائما في الجذور وانت عائد الى هذه الملة وان طال
(الاغتراب) او (الزعل) .....
فنحن نحب ان نقول ان اصل الشعب السوداني إتحاديون ومن كان
غير ذلك فهو (زعلان) وحتما سيعود .......
والتحايا عبرك الى الاهل و الارحام هناك القابضين على المبأدئ
رغم المحن ..
الشقيق / بشير ربنا يمنحه الصحة وموفور العافية فقد ظل صوته
يجلجل مقاتلا ومناضلا من اجل الحرية و الديمقراطية
Quote: فى احدى المرات كنت بتناقش معاهو ودايما اتعمد ان اغيظو..
فذكرت ليهو انتو الاتحادين ماعندكم شى حتى شعبيتكم زاتها لاتُقارن مع الاحباب الانصار.. |
الاشقاء في حزب الامة وكيان الانصار نكن لهم عظيم الاحترام واحزاب السودان القديمة هي
صمام امان السودان ....
Quote: بس انا طبعا قاعد اناكف الاهل فى مقولة (نحن الجينا بشورة اهلنا ولما حكمنا ,الناس راضين لا اتضارينا وراء دبابة ولا تاجرنا باسم الدين....)
لانو اعتقد انو الحزب فعلا ماجاء عن طريق دبابة او خلافو... |
نعم صديقي الحزب الاتحادي اتى الى السطة عبر صناديق الانتخابات و العملية الديمقراطية
(نحن اهل صناديق الاقتراع وصناديدها و المدافعون عنهاولو اتت بغيرنا )
لذلك لما حكمنا الناس كانوا راضييييييين ..
| Quote: لكن الم يكن هناك تؤاطو ضد الازهرى للايتاء بعبود!!؟؟! |
كل الانقلابات و المؤامرات العسكرية هي تواطؤ ضد الشعب السوداني وضد اماله
وتطلعاته ... وتظل الانقلابات العسكرية هي السبب الرئيسي للتخلف الذي يعيشه
السودان في كافة المناحي .... وظللنا ندعوا لمحاسبة كل من اخطاء و اجرم في
في حق هذا الشعب .......
وظللنا نردد كاتحاديين على الجميع الاعتراف بالاخطاء .... وقد اعترفنا قبل
ذلك بان حل الحزب الشيوعي وطرد نوابه من البرلمان خطاء شارك فيه الحزب
وقد اعلنا ذلك في كثير من الندوات و المنابر ..
تحياتي لك
......
|
Post: #4
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-02-2006, 06:53 AM
Parent: #3
أبتاه سلام وتحيه ......
اصغر اطفال السودان في اقصى الاركان قد(عشقوك) نشيدا ابديا
معتز شكرا على صورة الزعيم الخالد فينا اسماعيل الازهري ....
..
|
Post: #5
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: Abdelrahman Elegeil
Date: 04-02-2006, 08:27 AM
Parent: #3
Quote: الاشقاء في حزب الامة وكيان الانصار نكن لهم عظيم الاحترام واحزاب السودان القديمة هي
صمام امان السودان .... |
ونحن نبادلكم المحبة
|
Post: #6
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-03-2006, 01:19 AM
Parent: #5
| Quote: ونحن نبادلكم المحبة |
شكرا الحبيب / Abdelrahman Elegeil
وتظل الاحزاب السودانية القديمة هي التي تجمع في داخلها كل الشعب
السوداني بمختلف قبائله .... ونتمنى عودتها الى سيرتها الاولى
لتعلم الاوباش الاف اللغات .......
><><><
|
Post: #7
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: فيصل محمد خليل
Date: 04-03-2006, 02:44 AM
Parent: #6
جمال سلام
نحي معا انتفاضة مارس ابريل المجيدة
فيصل محمد خليل
|
Post: #10
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-04-2006, 01:38 AM
Parent: #7
الشقيق :
فيصل محمد خليل
انتفاضة ابريل المجيدة من اعظم ملاحم الشعب السوداني المحب للحرية
والديمقراطية وهي تكرار لملحمة ثورة 21 اكتوبر ضد الحكم الديكتاتوري
وستظل الثورات هي ديدن جماهير شعبنا ضد كل اشكال الديكاتورية ..
تحياتي ومحبتي لك فيصل
|
Post: #8
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: انعام عبد الحفيظ
Date: 04-03-2006, 04:21 AM
Parent: #1
نعم يا شقيقي جمال
نحن الجينا بشورة اهلنا ولما حكمنا الناس راضين لا اتضارينا وراء دبابة ولا تاجرنا باسم الدين
كل ابريل والشعب السوداني بخير وينعم بالديمقراطية
مودتي واحترامي
|
Post: #11
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-04-2006, 04:36 AM
Parent: #8
الشقيقة :
إنعام
كل عام وانت بالف خير ...
وسنظل نردد ولانمل ان نردد
نحن الجينا بشورة اهلنا ولما حكمنا الناس راضين لا اتضارينا وراء دبابة ولا تاجرنا باسم الدين
...
|
Post: #9
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: Ibrahim Adlan
Date: 04-03-2006, 10:36 AM
Parent: #1
كل ابريل و السودان بخير
كل عام و حزب الحركة الوطنية بخير
كل عام و كل القوي السياسية المؤمنة بالديمقراطية بخير
اما بغاث الطير فموعدهم الصبح
صبح اكتوبر و ابريل الذي لا يبقي و لا يذر
اليس الصبح بقريب؟
|
Post: #12
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: خالد عويس
Date: 04-04-2006, 01:46 PM
Parent: #9
وحزب الأمة يبادلكم حبا بحب واحترام.
رحم الله "سيدي" الشريف حسين الهندي، فقد كان ورافاقه رموزا في الوطنية الحقة، والنزاهة والتجرد.
|
Post: #13
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-05-2006, 02:41 AM
Parent: #9
الشقيق الرفيع / ابراهيم
وكل عام وانت بخير ....
الصبح قريب .... وياشمس عودي اوفعودي
ياحرية عودي او فعودي ياديمقراطية عودي
فلا خيار سوى البقاء او دونه موت جليل دري كل الشرفاء .
سوف يبقى في قلوبنا بطل من ابطال السودان ....
ابراهيم خير ما اخترت للبروفايل
....
...
|
Post: #14
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-05-2006, 04:03 AM
Parent: #13
الحبيب الفاضل :
خالد عويس
تحية وإحتراما....
Quote: وحزب الأمة يبادلكم حبا بحب واحترام.
رحم الله "سيدي" الشريف حسين الهندي، فقد كان ورافاقه رموزا في الوطنية الحقة، والنزاهة والتجرد. |
[GREENرحم الله كل الرموز الوطنية الشريف حسين و محمد احمد المحجوب وصحبهم الذين اعطوا بغير حساب
اتفقوا واختلفوا بادب واحترام
من اجل هذا الوطن فقط كانوا يعملون ....
كل ابريل و الشعب السوداني بخير
|
Post: #15
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-06-2006, 03:14 AM
Parent: #14
>>>>
ياشعبا لهبك ثوريتك ..... تلقى مرادك والفي نيتك ..
ملحمة ابريل المجيدة ستظل في قلوبنا
المجد و الخلود للشهداء
الخزي والعار للحكم الديكتاتوري واتباعه
>>>>>>>>
|
Post: #17
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: محمد مختار جعفر
Date: 04-06-2006, 05:55 AM
Parent: #16
السيد ..جمال الصادق
..جمال يستنهض فينا الجمال ... جمال وعظمة
تلك المناسبة .....
والله أشهده إنى لمطمئن كل الإطمئنان طالما
أن أمثالكم من الشباب بل كل المتداخلين
فى هذا ( البوست ) ، لهم شباب نفخر بهم
ونعتز وهم يحملون فى دواخلهم عظمة الشرفاء
الأوفياء من أمتنا ويكفى أن تطالع عنوان هذا
البوست فهو موضوع متكامل لايحتاج الى إضافة
التحية لكم جميعا ولكل الشباب الشرفاء الأحرار
من الأمة السودانية ......
|
Post: #18
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-08-2006, 02:29 AM
Parent: #17
الشقيق / محمد مختار
و التحية و الاحترام لك ايضا ...
ستظل ابريل فينا وسنظل نعمل من اجل وطن ديمقراطي ينعم بالحرية
والاشتراكية الديمقراطية والعدل وطن يتطلع انسانه الى الافضل دائما
وطن يتساوى فيه الجميع في الحقوق و الواجبات وطن يحكمه قانون
ديمقراطي ... وطن لامكان فيه لحكم الفرد و الديكتاتورية و المغامرين
وشذاذ الافاق ..
ونتمنى ان نكون عند حسن ظنك وان نزيد من اطمئنانك ...
ولك الشكر والتقدير و الاحترام
..
|
Post: #22
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 04-19-2006, 04:02 AM
Parent: #21
إتحاديون ديمقراطيون نجوع وناكل ايادينا ولكن لانبيع قضايانا الوطنية
>>>>>>
|
Post: #24
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: انعام عبد الحفيظ
Date: 05-01-2006, 06:52 AM
Parent: #23
up
|
Post: #25
Title: Re: نحن الجينا بشورة اهلنا ولما حكمنا,الناس راضين لا اتضارينا وراء دبابة ولا تاجرنا باسم الدين
Author: gamal elsadig
Date: 05-03-2006, 02:43 AM
Parent: #24
UP
|
|