Post: #1
Title: يادوحة ... وينِك ياوطن ؟؟؟!!!
Author: وصال عالم
Date: 04-29-2007, 07:46 AM
Parent: #0
بسم الله الرحمن الرحيم
خايف أكون إنى السبب فى نفرتك
من دوحة الشوق والغنا ..
يا دندنة حرف الكلام ..
ويا حراك همس الوتر جواى أنا ..
وإنتى المني وبالجد هناء..
ودونك هنا ...
كل المقاطع تنتحب .. .
لو رحلت ضفافك عننا .. .
مين زينا .. يقدر يعيش ..
من غير رحيق السوسنا.
******
حتى المطر... خلى الشجر!!
حتَّ الصفق .. .
حارب فريقنا وكلنا .!!!!
حزنان بكى .. . عنك حكي ..
فات الخريف .. لملم سحابو وإشتكى ..
لأى زول عنك عرف ... معنى الوطن ..
فى واحة دايره تلمنا ..
****
يادوب نبت صفق الشجر.... شال الثمر
قبل الحصاد... كيفن نعطّش زرعنا ...؟
يا دوحة وينك ياوطن ..؟
مين زيك إنتى يضمنا..!!
يعرف شقانا وهمنا
أو حتى فكرة تهمنا.. ؟؟
احلامنا ديك بنبددها
في يوم رحيلك عننا
ويا ديار ..
ما نحن جد ضل الوطن ..
كيفن نفارق حينا ... ؟
ودي لكم جميعاَ
وصال عالم
|
Post: #2
Title: Re: يادوحة ... وينِك ياوطن ؟؟؟!!!
Author: أبو ساندرا
Date: 04-29-2007, 08:14 AM
Parent: #1
يا سلام
جذبني العنوان ، ظننتك تتحدثي عن غياب ناس الوطن من إحتفالية
المجموعة السودانية بليلة الأغنية الوطنية بمناسبة مارس ماسك كتف إبريل
فتورطت في النص الجميل
ويالها من ورطة رائعة
شكرآ جزيلآ
|
Post: #3
Title: Re: يادوحة ... وينِك ياوطن ؟؟؟!!!
Author: عبدالغني كرم الله بشير
Date: 04-29-2007, 10:13 AM
Parent: #2
وأنا زيك يا أبو (دينا)....
استدرجني العنوان...
ووجدته (شمس وقمر)، لذات واحدة...
كم رحيمة ظلال الشعر.. تشعرك (بذاتك الغائبة)...
وصال...بين الرؤية، والماثل.. لك الشكر...
|
Post: #5
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-29-2007, 11:15 AM
Parent: #3
بسم الله الرحمن الرحيم
عبد الغني كرم الله
استدرجنك العنوان كما إسترج أبو ساندرا ... سعيدة كونك وجدته (شمس وقمر)، لذات
واحدة... لك كل الشكر وأقتبس بمناسبة ذاتك الغائبة وأرجو أن تلملم شتاتك :
الزمن لو جار وفرق أصلو أكيد الدنيا تجمع
والقلوب حاضنة المودة ...
ويبقى ليها الصدق منبع
الزمن لو سل سيفو ...
للمعزة البينا يقطع
مستحيل يقطع جذرونا ...
نحن أسمى وإنتو أرفع!!!
بشكرك على المرور ...
ودي
وصال عالم
|
Post: #4
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-29-2007, 11:09 AM
Parent: #2
بسم الله الرحمن الرحيم
أبو ساندرا
سلام ،،،
ظننتي أتحدث عن غياب ناس الوطن من إحتفالية المجموعة السودانية بليلة الأغنية الوطنية
ويالها من ورطة رائعة وبهكذا مناسبة بقول ليك :
ياوطن ... أفتش ذاتي في جواك
وإنت قريب وماألقاك
فارشة رموشي للقياك
ومادة إيديا عشان ألقاك
عشان لحظة ألقى رضاك
أنسى ضياعي برؤياك
لأني فيك ومابنساك
ياوطن...
تسلم
ودي
وصال عالم
|
Post: #6
Title: Re: يادوحة ... وينِك ياوطن ؟؟؟!!!
Author: معتصم الطاهر
Date: 04-29-2007, 11:28 AM
Parent: #1
و صـــ ـا ل
و و صــول لروح الوطن
وكذا مثل الجميلين أعلاه ..
جذبنى اللون والشعر
وورطتى معاك ( دبل) ..
عرفت أنها قصيدة
و أنا مشتاق لوطن
فوجدتنى فى حضن القصيد الوطن ..
شكرا لهذا المتّسع ..
|
Post: #7
Title: Re: يادوحة ... وينِك ياوطن ؟؟؟!!!
Author: معتز القريش
Date: 04-29-2007, 12:23 PM
Parent: #6
وصال ممكن الحنها ؟؟؟
|
Post: #8
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-29-2007, 12:54 PM
Parent: #7
بسم الله الرحمن الرحيم
معتصم الطاهر
بشكرك على المرور والعبور والوصول لروح الوطن هو مبتغي كل المغتربين ... ربنا يرد
غربتكم جميعاَ ويعيدكم سالمين غانمين يارب!
وبقتبس وبقول ياوطن ...
إتقاودن همسات دواخلي عليك مشن
إتماوجن خلجات قليبي عليك رسن
إتماسكن حد ماجريت لا إتنازلن .. لا يوم نسن
ودي
وصال عالم
|
Post: #9
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-29-2007, 01:00 PM
Parent: #8
بسم الله الرحمن الرحيم
معتز القريش
لك كل التحايا ... وأنت تعرض عرض سخي جداَ بتلحين القصيدة ... ليس هناك أي مانع في
تلحينها ... ولكن لابد من معرفة مناسبة القصيدة وسبب كتابتها وهذا ما ستجده في بريدك
الخاص حتى تعيش إحساس القصيدة ... فهناك من الأسباب ماجعلني لا أبوح بها علناَ ... ليس
خوفاَ ولا جبناَ وإنما إكراماَ لأناس أحببتهم كالوطن .. نعم !!
تسلم يارب
وصال عالم
|
Post: #10
Title: Re: يادوحة ... وينِك ياوطن ؟؟؟!!!
Author: ALHALAWI
Date: 04-29-2007, 01:28 PM
Parent: #1
أما أنا ... فقد استدرجني إسم الكاتب: وصال عالم
لك التحيــة ... وللوطن مليون ســلام...
قصيدة رائعة ... واحساس أروع ...
أيمن أبو الحسن
تخريمة:
-----------------------------
أتاريك يا وصال مختفية من هناك ... ولابدة هنا ... يعني فوق راي
|
Post: #11
Title: Re: يادوحة ... وينِك ياوطن ؟؟؟!!!
Author: waleed500
Date: 04-30-2007, 00:00 AM
Parent: #10
وينك يا وطن
|
Post: #12
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-30-2007, 09:48 AM
Parent: #11
بسم الله الرحمن الرحيم
أيمن أبو الحسن
سلام ،،،
أظن يكون وصلك المعنى المقصود ...
بقتبس وبقول :
ياوطن ....
إحتجت ليك ...
قدر الخيال مايمشي بيك !!
لو الخيال قصر عليك ..
أو الخيال عندك فتر
أقيف على قيف البحر ..
وودع الهم والضجر
وعاين على مد البصر ..
تلقاها في نص البحر
منحوتة في أكبر حجر
(( ياوطن أنا مشتهيك ))
___________________________________
أتاريك يا وصال مختفية من هناك ... ولابدة هنا ... يعني فوق راي ...
صدق أيمن لا ... عندما تعرف هدفي النبيل ستجد لي العذر ...
تسلم أيمن
وصال عالم
|
Post: #13
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-30-2007, 10:01 AM
Parent: #12
بسم الله الرحمن الرحيم
waleed 500
بشكرك وليد على المرور ... والوطن في حدقات العيون ... وللوطن شوق ولوعة وخاصة في
قلوب أولئك الذين إبتعدوا قسراَ ...
لما الشوق يزيد يكتر
ولما البعد يبقى قدر
تبقى الدنيا من غير لون ..
بقاسي كتير وبتألم ..
بخاف من بكرة والمجهول
أخاف الفرقة ماترحل
يطول جسر الأمل بيناتنا مايقصر
تسلم وليد ...
مودتي
وصال عالم
|
Post: #14
Title: Re: يادوحة ... وينِك ياوطن ؟؟؟!!!
Author: عبدالرحمن الحلاوي
Date: 04-30-2007, 10:13 AM
Parent: #13
| Quote: عندما تعرف هدفي النبيل ستجد لي العذر |
معذورة وصال فأينما حللتي أنت دوحة نتفيأ في ظلك سواءً هنا في الوطن الأرحب أم ذاك الذي يحمل ملامحنا وخصوصيتنا !! لكي التحية .
|
Post: #15
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-30-2007, 10:22 AM
Parent: #14
بسم الله الرحمن الرحيم
عبدالرحمن الحلاوي
مليون سلام وأغلى تحية ،،،
نعم أنتم دائماَ هكذا معشر أهلي .. وإن إختلفت طريقة تعبيركم ..!!
لو هلكني الشوق قصادك مابقول الشوق جريمة
ولما يسأل قلبي عنك ببقى مشتاق ليك ديمة
أصلو شوق الخوة صادق ... عمرو ماعرف الهزيمة
تسلم ياحلاوي فأنا منكم وبكم ومعكم أكون !!
ودي
وصال عالم
|
Post: #16
Title: Re: يادوحة ... وينِك ياوطن ؟؟؟!!!
Author: معتز القريش
Date: 04-30-2007, 10:25 AM
Quote: ولكن لابد من معرفة مناسبة القصيدة وسبب كتابتها وهذا ما ستجده في بريدك
الخاص حتى تعيش إحساس القصيدة |
وصال يا كوم مشاعر
ما وصلتني حاجة حتى الآن
|
Post: #17
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-30-2007, 10:53 AM
Parent: #16
بسم الله الرحمن الرحيم
معتز القريش
تحيتي ومودتي
يازول ماتستعجل بقول ليك .. وأنا هنا عشان أقول ليك والآن !!
تسلم ياذوق
ودي
وصال عالم
|
Post: #18
Title: Re: يادوحة ... وينِك ياوطن ؟؟؟!!!
Author: عاصم الطيب قرشى
Date: 04-30-2007, 12:48 PM
Parent: #17
سلام وصال سلام
أخشى أن يكون مد الوطن قد انحسر
إلى أرخبيل ذكرى نحن لها
وبعض اطلال نبكى عليها.
عزاؤنا هذا الوصال.
|
Post: #19
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-30-2007, 01:15 PM
Parent: #18
بسم الله الرحمن الرحيم
ياعاصم .. ياعزيز
لا تدع اليأس يتسلل إليك ... عرفتك شفيفاَ رقيقاَ مؤمناَ بأقدارك ومطمئن وراكن
إليها ...فالحمد صفة تلازمك أبدأ في حلك وترحالك ... تحياتي لــ منال ومحمد وإمتنان
بقتبس وبقول ليك :
ياريتنا نقدر نصد حتى النسيم لو أزعجك
أو نقيف ضد الظروف لو مرة حبت تتعبك
وننسف متاريس الطريق لمن يجرب يبعدك
نفضل نجابه المستحيل ياريتنا نقدر نسعدك
نهديك أشواقنا وغنانا وبكل وفانا بنوعدك
ياعاصم منتظرين السي دي ماوصلتنا حتى الآن !! ياريت ترسلها لي التسجيل على إيميلي ...
ودي
وصال
|
Post: #20
Title: Re: يادوحة ... وينِك ياوطن ؟؟؟!!!
Author: هاشم أحمد خلف الله
Date: 04-30-2007, 01:27 PM
Parent: #19
يا سلام عليك يا وصال شلال من القصائد المعبرة الجميلة من زمان كنتي وين
بالله ما تحرمينا من الأحاسيس الجميلة دي ولقدام مع تماضر الخنساء وسمية
الطلحة وآخرين في هذا المنبر العامر بكم دائماً وأبداً .
|
Post: #21
Title: Re: يادوحة ... وينِك ياوطن ؟؟؟!!!
Author: وصال عالم
Date: 04-30-2007, 01:37 PM
Parent: #20
بسم الله الرحمن الرحيم
هاشم أحمد خلف الله
ذكرتيني بأبيات أحفظها قديماَ ولا أعرف كاتبها وإنما أتتني في رسالة قصيرة عبر هاتفي
الجوال ولشدة إعجابي بها وبمرسلها حفظتها وتقول :
الصباح لو ببدأ منك ببقى باقي اليوم أمان !!
والنهار لو حن جابك يبقى أشرقت المكان ..
وياسلام لو كان تماسي يبقى أسعدنا الزمان
سعيدين وإخواتي في وجودنا بينكم ...
تسلم أخ هاشم
ودي
وصال عالم
|
Post: #22
Title: Re: يادوحة ... وينِك ياوطن ؟؟؟!!!
Author: هاشم أحمد خلف الله
Date: 04-30-2007, 05:25 PM
Parent: #21
Quote: الصباح لو ببدأ منك ببقى باقي اليوم أمان !!
والنهار لو حن جابك يبقى أشرقت المكان ..
وياسلام لو كان تماسي يبقى أسعدنا الزمان |
الحبيب بالشوق يقالدك بأمان
والدمع قطراته نازلة عليك سلام
والسلام الجاي منك بحنانو الليلة بان
والفراق كان الله قاسمو ما منو كان
مشاركة مرتجلة للمساهمة في رفع البوست يا دوحة وينك يا وطن .
|
Post: #23
Title: Re: يادوحة ... وينِك ياوطن ؟؟؟!!!
Author: وصال عالم
Date: 05-01-2007, 09:35 AM
Parent: #22
بسم الله الرحمن الرحيم
بشكرك جداَ هاشم أحمد خلف الله على المرور والإضافة ورفع البوست ... وبقول ليك :
بعد ماجفت الكلمات ... تبدأ تفيض ..
عيون ينبوع
معاني كلام خطيرة شديد
كلام أبيض ومامفهوم
كبار معنى وفي المضمون !!
نتمنى أن يكون كلامنا في المضمون ...
مودتي
وصال عالم
|
|