Post: #1
Title: بلادي ...!!!
Author: وصال عالم
Date: 05-17-2007, 01:14 PM
Parent: #0
بسم الله الرحمن الرحيم
إنتتي يادرة وفريدة
أصلي بهواها وبريدة
وإنتي في جوف القوافي
يابلد ... ياشعب وافي
ياحنان زي نيلنا صافي
وإنتي ميلاد القصيدة ....
&&& &&& &&&
في شماله هناك بشوفك
في شموخ عزة نخيلنا
في أرضنا ..
إنتي خضرة
إنتي نضرة
وإنتي عِزة .. وعَزة في ليلة جديدها
في شرقنا هناك بشوفك
شايلة من تاجوج وجاهة
وشاربة من توتيل مياها
وإنتي كسلا ...
إزدهت في توب زفافها
زي عروس في عز صباها
وكيف ماأهواك يابلادي .. ؟؟؟!!!
وللقصيدة بقية ...
التحية للأخ حاتم حسن الحوشابي ... بأي أرض أنت ياحاتم ...
لكم كل الود
وصال عالم
|
Post: #2
Title: Re: بلادي ...!!!
Author: tariq
Date: 05-17-2007, 01:55 PM
Parent: #1
.... وإن جارت عليّ عزيزة **** وأهلي وإن ضنوا علي كرام...
التحية ليك يا وصال . . .
|
Post: #3
Title: Re: بلادي ...!!!
Author: وصال عالم
Date: 05-19-2007, 09:03 AM
بسم الله الرحمن الرحيم
Tarig
بشكرك للمرور والتعليق ...
نواصل :
إنتي جنة ...
إنتي حِنة .. وفيك محنة
وإنتي ماقلباَ موافي علينا حنًَ
إنتي ياعِزة أرضنا
وأصلي شايفك يابلادي
في عيون أمي البريدة
وفي ربوع أم در قصيدة
وبرضي بهواك يابلادي ...!!!
ونواصل ... وللقصيدة نهاية
شكرا مرة تانية طارق ...
ودي
وصال عالم
|
Post: #4
Title: Re: بلادي ...!!!
Author: عواطف ادريس اسماعيل
Date: 05-19-2007, 09:08 AM
Parent: #3
وصال عالم !!!
محبتي ,,,
قصيدة جميلة تعكس روح الوطنية والإحساس المطلق بالإنتماء فلك مني كل تقدير ومودة ,,,
|
Post: #5
Title: Re: بلادي ...!!!
Author: وصال عالم
Date: 05-19-2007, 10:09 AM
Parent: #4
بسم الله الرحمن الرحيم
عزيزيي عواطف إدريس
سعيدة بيك ... ومتابعة موضوعك بتاع البوبار وياريت تتناولي مجمل قضايا في البوبار
وهناك قضايا كثيرة تحتاج منا وقفة تأمل ومراجعة كبيرة حتى ولو من خلال طروحات داخل
منتدى ..
بشكرك مرة تانية للمرور والمشاركة..
نواصل القصيدة :
في غربنا هناك بشوفا
في عيون ناساَ تعابا
وفي دموع ناساَ غلابا
كردفان كانت مسرة
خيره جوة ... خيره برة
جاها .. زمناَ ...
جفت الخضرة في ربوعها
والأرض جافت سحابا
والسحاب جافاها مرَ
ولو خريفك جافَى مرَ
المواسم الجايه واعدة
خيرها يكتر ويبقى وافي
وزي ماعشتوها في مسرة
لازم إنتو تضوقوها مُُرها
وكيف ماأهواك يابلادي ؟؟!!
مودتي
وصال
|
Post: #6
Title: Re: بلادي ...!!!
Author: هاشم أحمد خلف الله
Date: 05-19-2007, 12:14 PM
Parent: #5
وصال عالم تحية ود وإعتزاز , دائماً ما تتحفينا بالروائع والحكم والمواعظ
وفي حب الوطن نحس ونطالب بالآمن والسلام , فقد أحسنت الإختيار والشكر موصول
عبرك لشاعر القصيدة الجميلة الممتعة الأستاذ حاتم حسن كما جاء علي لسانك
والواحد بقي يخاف يخطئ في حق الأخرين .
Quote: إنتتي يادرة وفريدة
أصلي بهواها وبريدة
وإنتي في جوف القوافي
يابلد ... ياشعب وافي
ياحنان زي نيلنا صافي
وإنتي ميلاد القصيدة ....
&&& &&& &&&
في شماله هناك بشوفك
في شموخ عزة نخيلنا
في أرضنا ..
إنتي خضرة
إنتي نضرة
وإنتي عِزة .. وعَزة في ليلة جديدها
في شرقنا هناك بشوفك
شايلة من تاجوج وجاهة
وشاربة من توتيل مياها
وإنتي كسلا ...
إزدهت في توب زفافها
زي عروس في عز صباها
وكيف ماأهواك يابلادي .. ؟؟؟!!! |
وإنت يا وصال فريدة و شاربة طيبة
وكل حكاويك فيها لمحة وفيها هيبة
الجمال الفي عيونك واحة مخضرة وريقة
والمحاسن والمفاتن بتشبه صورتك حقيقة
|
Post: #7
Title: Re: بلادي ...!!!
Author: salma subhi
Date: 05-19-2007, 12:40 PM
Parent: #6
كيفك يا وصال
| Quote: ياحنان زي نيلنا صافي |
يا جمال النيل والخرطوم بالليل...
| Quote: وكيف ماأهواك يابلادي .. ؟؟؟!!! |
كيييييييف؟؟؟
شكراً وصال
|
Post: #8
Title: Re: بلادي ...!!!
Author: وصال عالم
Date: 05-19-2007, 03:24 PM
Parent: #7
بسم الله الرحمن الرحيم
هاشم أحمد خلف
سلام ،،،
بشكرك والله للمرور والتشجيع ...
وبشكرك على المفردات الجميلة والتي تنم عن نفس شفيفة ... لك كل الشكر
وإنتي في الخرطوم منارة
وإنتي في أمدرمان جسارة
وباقية في الحلفاية راية
لي ملوك شادو الحضارة
وإتي ميلاد الحضارة
وكيف ماأهواك يابلادي ؟؟؟
تسلم هاشم أحمد خلف الله
لكم كل الود
وصال عالم
|
Post: #9
Title: Re: بلادي ...!!!
Author: وصال عالم
Date: 05-19-2007, 03:31 PM
Parent: #8
بسم الله الرحمن الرحيم
Salma Subhi
بشكرك .. نعم السودان في داخل الوجدان والحنايا ... مهما تكالبت عليه المصائب والإحن
وكيف ماأهواك يابلادي
وإنتي فيك مرتع صبايا
وانتي فيك مسرح غُنايا
ويكفي إنك في دمايا
وبرضي بهواك يابلادي !!!
وفي جنوبنا هناك بشوفك
زي سحاب شايل البشارة
ليأرض جفت سهولها
ولمروج مات إخضرارها
وكيفف ماأهواك يابلادي ؟؟!!
تسلمي سلمي ومتابعة كل إشراقاتك الجميلة ... وكل موضاضيعك القيمة ومبروك عليك إجازتك في إتحاد الكتاب وهكذا هي حواء السودانية ... نعم نفخر بكم دائماَ..
مودتي
وصال عالم
|
Post: #10
Title: Re: بلادي ...!!!
Author: salma subhi
Date: 05-19-2007, 03:39 PM
Parent: #9
وصال اذيك تاني
| Quote: تسلمي سلمي ومتابعة كل إشراقاتك الجميلة |
شكراً وصال
| Quote: إجازتك في إتحاد الكتاب |
المقصوده هنا الأستاذه الراقية سلمى الشيخ سلامه وماانا الا تلميذه بجانب هذه السيده الفاضلة.
ونفخر بكل سودانية خطت بقلمها حرفاً
مودتي لك وصال وللأستاذه سلمى الشيخ
|
Post: #11
Title: Re: بلادي ...!!!
Author: وصال عالم
Date: 05-20-2007, 09:16 AM
Parent: #10
بسم الله الرحمن الرحيم
Salma Subhi
سلام ،،،
شكرا على التصحيح والمرور وفي النهاية كلكم سلمى وكلكلم ممتطي جواد الكلمة وصهوة
الحرف لتوصيل معنى نثراَ وشعر وتواصلاَ ...
التحية للأستاذة سلمى الشيخ سلامة والتهنئة الحارة على هذا الإنجاز والذي نفخر به
جميعنا ..
أقتبس كلمات وليد الطيب عضو المنبر أبدأ الحب معكم وأرجو أن تبادلوني محبة بمثلها!!
بالحب ابدأ ..
وهل املك سواه ..
قبل ان انسى ..
ذكرينى ..
بان انهي بالشوق ..
لاني مدرك ..
أني أحببتكم !!
ودي
وصال عالم
|
|