سعيد....جدد أحزان المريخ

إبتسم....نحن في سيكافا

ذكر جمال الوالي بعد المباراة السابقةأن التعادل نتيجة جيدة..وأنه سعيد بذلك

هل سيكرر نفس التصريح بعد أن جدد سعيد السعودي سعادته

وهاهم لاعبي المريخ يتسببون في سعادته مرة أخري بعد أن أسعدهم هو بأن نقلهم من فندق السوق العربي (دار السلام) إلي فندق مفعم بكل أنواع السعادة

و هل إنتقلت هذه السعادة لتشمل إعلام المريخ...بإعتبار أن ما يسعد رئيس المريخ يسعدها

وبإعتبار أن نادي المريخ هو سبب سعادة الشعب السوداني في السنين الاخيرة

تنبأ الرشيد العبيد المعروف بالرشيد المهدية...بأن المباراة القادمة ستكون وش السعد للمريخ


والله طلعت حقار بشكل.....يعني ناس الصومال ديل الحيطة القصيرة

أنا لا الوم لاعبي المريخ البتة فدي قدرتهم ودا مستواهم يعني يعملوا ليكم شنو؟

ولا ألوم جمال الوالي بتاتا بتاتا وبرضو دي قدرتو الادارية كدا يعني يعمل ليكم شنو بعد الحنفية الكبت ليكم سيولة السودان كلها

ولكن الوم وبشدة من نفخ البلوم لحدي ما طرشق

والوم بشدة من دفر الراجل الطيبان دا وخلاهو يدخل في جحر الضب دا عشان يغطوا علي عورة الخروج المذل من دوري الرجال ابطال افريقيا

والوم من حاول يقنع الجمهور الغلبان دا بانو سيكافا دا كاس في الجيب وبنجيبو بي جيبنا قبل ضراعنا

الوم من حاول ايهام الشعب التعبان بانو سيكافا تحتاج للاعبين بملايين الدولارات عشان الكاس يدخل القصر الجمهوري

سعي المريخ بكل ما اوتي بقوة مادية وضراعاتية لسيكافا

فالدورة كانت ميتة وملغية لانه لا توجد منها فائدة

ولكن ناسنا الهمامين بمس كول بس جابو سكرتير سيكافا الخرطوم بعد خروجهم بثواني من كاس الابطال


وقالوا ليهو سيكافا دي قايمة قايمة

قال ليهم ماعندنا فكه قالوا ليهو: بس اقيف انت مازولنا تب

.
.
.
سلام دكتور ياسر
.
.

ياخى ده كله من أموال الشعب الغلبان
الناس بتموت من الجوع ، وناس جمال الوالى
يوزعوا فى فلوس الشعب يمين وشمال
على فطايس لعيبه لا يسووا شىء .
.
.
.
.


.
.
.
.
.

Quote: ياخى ده كله من أموال الشعب الغلبان الناس بتموت من الجوع ، وناس جمال الوالى يوزعوا فى فلوس الشعب يمين وشمال على فطايس لعيبه لا يسووا شىء . . .

بس مين يقول البغلةفي الابريق

مظبوط يا بشير