تصريح وفد الحكومة القادم من أديس و د. نافِع يُوضِّح ما التبس (فيديو)

إضغط للخبر مُترافقاً مع الفيديو

قال أحدهم في بُوست مُجاور أن ّنافع وقّع مجبوراً على بقاء حِزْب بإسم الحركة في الشّمال
فقُلنا له

قالوا حِلم الجعان عيشة
أها وكِت بقيتو تجيبو أخبار الرّائد كمصدر
العبارة دي ما كحلت عيونكم

Quote: دون علاقة مع الجنوب

مع إنّها ورادة في العُنوان
يعني أدب شديد و إعتراف ضمني من عقار و عرمان برميهم لطوبة الجّنوب حكومة و حِزب
و أي سيك ميك قانون الأحزاب واااااااااااااااااااضِح
يعني مسألة حلّه ما بتاخد وكِت
لكن كونو يكون عِندهم حِزِب
دي أصلاً ماف زول قال لأ
وماف قانون بيمنعهم
بس حِزِب بياتو فهم
هِنا مربط الفرس
فما تعملوا فيها منتصرين بغير معركة
و للإفادة أكثر
دة كلام نافع كاااااااااامل فيديو







بُكرة لو جو سودانيين وقالوا عايزين يسمُّو حِزْب بأي إسم يقطعوا من راسُم مافيش مُشْكِلة
فللتّسجيل قانون
لكن المُشكِلة في قانون عمل هذا الحِزْب
يعني أي لف ودوران و علاقات عمالة
حينها لن ينفعهم إتِّفاق أديس

Quote: دون علاقة مع الجنوب

علاء الدين يا عمّك ... نحن عندنا قنابير ولاّ شنو الحكاية ...

حاجة بديهية إنو الحزب حيكون تابع للشمال وما تابع لأية دولة تانية ... الجديد شنو في الموضوع دة ...

وسؤال باللفة:
وهل الحركة الشعبية قطاع الشمال طالبوا بحزب بعد الانفصال في الشمال وفي نفس الوقت يكون تابع للجنوب ...

يعني لمّا تكون في انتخابات مثلاً حيترشّح عرمان في انتخابات الشمال عشان يبقى رئيس لدولة الجنوب

والمصيبة إنو الوفد المشى أديس دة ما يكون عارفين هم عملوا شنو ذاتو ووقعوا على شنو واتفاقيتكم دي شايتة على وين ؟!


ــــــــــ
غايتو سياسة مؤتمركم الوطني بتذكّرني مسرحية شاهد ما شافش حاجة
والدليل اتفاقية نيفاشا

والدليل آلووولو

هذا كلام الطيب مصطفي عن نافع و توقيعه للإتفاقيات بأديس أبابا:

Quote: بعد أن أرقنا مداداً بمساحة السودان حول نيفاشا التي قلنا فيها ما لم يقل مالك معشار معشاره في الخمر وبعد أن خرج الجنوب بكل ذكريات الدماء والدموع من حياتنا وشيّعنا نيفاشا إلى مثواها الأخير يصرُّ أولادها البررة وهذه المرة ــ ويا للحسرة ــ بقيادة د. نافع علي نافع الذي لطالما أحسنّا به الظن وظننّاه جبلاً شامخاً فإذا به يتمخض عن شيء آخر يسير في ركاب أولئك العباقرة الذين لم يجُد الزمانُ بمثلهم والذين يصرُّون على أن يقودوا السودان مرة أخرى إلى نفق مظلم لا يختلف عن ذلك الذي أنهكنا وأتعبنا وأحال نهارنا إلى ليلٍ بهيم وحياتنا إلى جحيم ولستُ أدري إلى متى نظل أسرى هذه المجموعة التي نخشى أن تظل جاثمة على أنفاسنا حتى تردينا وبلادنا قتلى؟!

لوس أنجلوس تايمز: البشير يكابد لإنقاذ نظامه !!!

علاء ..سلامات ...

شوف زمان ناسك قالوا شنو ونحن راينا شنو !!





احييييي انا ياوراق ....قال مشورة شعبية ودمج في الجيش السوداني ..دمج في البلع بس ...!!!! ...

عمّك ود القاضي مُشاركتك دي شكلها مزوّرة والدليل صورة البروفايل الفيها دي كانت مافي


ـــــــــ
انتظر الضرب اللي حيجيك من الجماعة بتاعين المصادر

Quote: عمّك ود القاضي مُشاركتك دي شكلها مزوّرة والدليل صورة البروفايل الفيها دي كانت مافي

صبري يافارة كلامك ده قولو لزول ماعنده لانسر آخر موديل وتلفزيون شاشة بلازما ..

ده البوست من غير تعديل ..عليك الله استمتع بكلام اخوان نسيبة في البوست ده خاصة وانك في نهاية اسبوع .متعة بس ..
ياسر عرمان....ح تتجلد والشمس ضحى


تحياتي يابرلوم ...

Quote: تحياتي

ولك أجمل التحايا ...

Quote: يابرلوم ...

برلوم دي بالباء ؟!



ـــــــ

علاء الدين يوسف
اشك انك تكون مسكين وما فاهم الاسلامويين
يا راجل
الناس دي ما عندها شي غير عبادة الكاراسي وحب الثروة
فبالتالي هولاء على اتم الاستعداد للتراجع 180 درجة اذا شعروا
بتهديد لكراسيهم واموالهم
وانت سيد العرفين
بس بتحاول تتذاكي وتخم
واحسب المهمة دي بتمنها

يا راجل كدة اعمل فلاش باك وعدد كم مرة بلعوهم وكم تراجعوا صاغرين

على العموم ربنا يحفظ البلد من شر الاعداء في الداخل والخارج

Quote: يعني لمّا تكون في انتخابات مثلاً حيترشّح عرمان في انتخابات الشمال عشان يبقى رئيس لدولة الجنوب

اوسكار اوسكار يا صبري
ارشح هذه العبارة كاجمل بوست " لاحظ بوست " خلال هذه الربع

الجزء الأول : الشراكة السياسية بين المؤتمر الوطني والحركة الشعبية قطاع الشمال في النيل الأزرق وجنوب كردفان.
1- يكوَن الطرفان لجنة سياسية مشتركة بمشاركة اللجنة الأفريقية رفيعة المستوى لمناقشة كل القضايا المتصلة بجنوب كردفان والنيل الأزرق بما فيها القضايا التي تتناول المسائل الدستورية والقومية.
2- يؤكد الطرفان حق الحركة الشعبية قطاع الشمال في أن يكون حزباً سياسياً شرعياً في السودان.
يا علاء
سلام
بالطريقة دي المؤتمر حايتفكك طوبة طوبة
وخال الرئيس بموت بي heart attack

كلاااااااام الكيزان فى الاتفاق



نيفاشا (2): وتزعمون أنكم لا تركعون لغير الله؟!

وها هو «نافع علي نافع» يمضي بذات الخطى التي مضاها «علي عثمان» في (نيفاشا)، مُستخِدماً، أو مُستخدَماً بواسطة ذات الأقلام الكسيرة التي صاغت موافقات الحكومة الهزيلة على الاتفاقية التي قسمت السودان إلى بلدين..!!
{ ظل البعض يعتبره (صقراً) جارحاً من صقور (الإنقاذ)، ولكن يبدو واضحاً أن هذه الحكومة وذاك (المؤتمر)، بلا صقور، بلا كواسر، بلا أسنان.. كلُّهم حمائم وديعة، «علي»، و«نافع»، و«كرتي» وحتى (الجنرالات) الذين ذهبوا إلى «أديس أبابا» ليحفظوا ما تبقى من كرامة الشعب السوداني، أراقوا ماء وجهه، وسكبوه على اتفاق مهين، ما ينبغي لحكومة محترمة على وجه البسيطة أن توقِّعه.. لكنهم وقَّعوه.. وبصموا عليه.. بينما تضحك عليهم «سوزان رايس»، ويسخر منهم «روجر وينتر»، وترثى لحالهم الرقيقة «هيلاري كلينتون»!!
{ اتضح بما لا يدع مجالاً للشك أن الدكتور «نافع» (صقر) فقط في مواجهة تصريحات الإمام «الصادق المهدي» و الدكتور «الترابي» وقيادات الاتحادي الديمقراطي، والحزب الشيوعي، وحزب البعث العربي الاشتراكي..!!
{ فعندما جاءت ساعة (البيان بالعمل)، ولاحت فرصة التوقيع على (نيفاشا 2)، توارى الأستاذ «علي عثمان محمد طه»، والتزم الصمت، ولسان حاله يقول: (إنتو شطار؟ إنتو صقور؟ يللاَّ ورُّونا.. ماذا ستفعلون في أديس أبابا)!!
{ وجاءوا بـ (نيفاشا) الأخرى..!! بل أشد ضلالة، وأقبح فكرة..!! فالأساس الذي انبنى عليه اتفاق (نافع - عقار) أمس (الثلاثاء) في «أديس أبابا»، هو نصوص اتفاقية (السلام الشامل)!! وبرتوكولات (قسمة السلطة)، و(الثروة) و(مشاكوس)، ووثيقة الحقوق الواردة في صدر الدستور الانتقالي لعام 2005م..!! (نيفاشا) وزيادة!! لأننا ما صدقنا أنها ستذهب إلى مزبلة التاريخ بعد أيام قلائل، في التاسع من يوليو القادم، حتى فاجأنا «نافع علي نافع»، مستعيناً بذات الأشخاص غريبي الأطوار، عجيبي الأفكار، الذين قسَّموا بلادنا، ومزقوا شعبنا، وأتعسونا، وأرهقونا، وشغلونا بأنفسنا، وشغلوا العالم بنا، فاجأنا «نافع» باتفاق (جديد) يعتمد الحركة الشعبية لتحرير السودان حزباً قانونياً مصرَّحاً له بالعمل السياسي، بل والشراكة في السلطة والثروة وترتيبات الأمن بالشمال..!!
{ الاتفاق يقرر البحث عن حلول لمشكلة (الحكم) في جنوب كردفان!! إذن هو إلغاء لنتائج (الانتخابات) بالولاية التي أهدر عليها (المؤتمر الوطني) مليارات الجنيهات ليفوز بها «أحمد هارون» (بخراج الروح)!!
{ لم أرَ شيئاً غير السواد.. الظلام أمامي في كل بند من بنود الاتفاق الـ (13)..!!
{ لماذا لا توقعون إذن اتفاقاً مع «إسرائيل».. إذا كنتم كل يوم تركعون لأمريكا.. و(صغار) عملائها وجواسيسها..! وتزعمون أنكم لا تركعون لغير الله؟!
{ أيها الشعب السوداني البطل: لقد قسَّموا بلدكم، مقابل السلام، ولم يحققوا السلام!! تركوا (الجنوب) - كل الجنوب - للحركة الشعبية، وأفسحوا - الآن - المجال للحركة الشعبية في (الشمال) لتقسم ما تبقى من الشمال..!! رفضوا وجود كتيبة (زامبية) تابعة للأمم المتحدة في «أبيي» وها هم يرضخون.. صاغرين.. لقرار مجلس الأمن بإرسال (فرقة) عسكرية من الإثيوبيين أضعاف.. أضعاف القوة التي كانت في «أبيي»!!
{ لن أطالبكم بالاستقالة.. فلن تفعلوها أبداً.. لكنني سأكتفي بانتظار (القادم)..
{ ملحوظة: الرئيس في الصين.. ونائبه في غينيا.. ومساعده في إثيوبيا..!! أين أنت يا «مناوي».. كبير مساعدي الرئيس سابقاً؟!



الكوز الاسمو الهندي عز الدين

التعديل لاضافة كاتب المقال

يا عـلاء، إنت الليلة مش (أعياد) الثورة؟
عيسى (الجانبي)

وحسرتي انا على الهندي وكل االذين على شاكلة الهندي لانهم ادركوا اخيرا حقيقة اخوانهم في الله
تنظيم كل عامل فيه دون كيشوت و يمثل على الاخر
يا هندي
المسالة ببساطة شديدة جدا
نعم للسلطة ونعم للجاه
قروش في
سلطة في
ما في مشكلة

علاء الدين يوسف
هل كونك مسؤول الاعلام الالكتروني في الحزب الحاكم يعطيك الحق في قراءة النصوص
و تفسيرها للاخرين؟
يا علاء لا اعتراض لدينا على قيامك بمهامك الحزبية و لكن لا تفرض نفسك
وسيطا بيننا و بين النصوص.