التحية للرئيس عمر البشير وهو يمطى عنان السماء متحديا الجميع

فرئيسنا اشعرنا بعزة تضاهي الشمس في خط الافق وهو يتحدي تواطء الارادة الدولية وهو يضرب بقرارات المحكمة اسفل سافلين , رغم كل الارجاف الذي احدثه البعض الا ان التحية للرئيس السوداني عمر البشير وهو يعد بما يقول ويسافر اينما شاء وقتما شاء مخترقا كل الاجواء ولا عزاء للحكامات

ادهشني خلو البعض من النخوة والعزة وهو يتمترسون خلف تهكمهم في سفر الرئيس السوداني , والذي هو رمز سيادة السودان , فهؤلاء لا افق لهم ليفرقوا بين معارضتهم للحكم وخزلانهم لوطنيتهم , هؤلاء الخانعين المتشظية بهم الدروب .

ولرئيسنا نرفع القبعات

له التحيه اينما كان وكيفما كان

كما انه العنوان من الحنق الزائد علي اقلام الحكامات المنتشرة نزل وهو ناقص حرف في كلمة " يمتطي"

انا غايتو ما عارف لكن قدر ما يمكرون عليه بيجيهم مطرزن كده

Quote: نزل وهو ناقص حرف

وبصيرة!!

Quote: فرئيسنا اشعرنا بعزة تضاهي الشمس في خط الافق وهو يتحدي تواطء الارادة الدولية

ده نفس الرئيس اللى *i hope انو اشعرك بالغضب للحاصل فى بلدك من فساد عالمى و فقر ومرض

Quote: التحية للرئيس السوداني عمر البشير وهو يعد بما يقول ويسافر اينما شاء وقتما شاء

ما صحيح الكلام ده يا اساسي. ما بقدر يسافر اى مكان ولا حاجه.
و الدليل الحصل اليوم من لفليف حوال (ماعرفه ايه) ستان

Quote: فهؤلاء لا افق لهم ليفرقوا بين معارضتهم للحكم وخزلانهم لوطنيتهم

انت اللى مفروض تفكر مرتين فى وطنيتك. شايف موارد البلاد تنهب و ما قلت حاجه فيها و لاحتى كلمة (عتاب) للرئيس البطل.
انا شخصيا بخجل لما الناس يسالونى عن محارق دارفور و عن انفصال الجنوب و عن بناء السدود فى اراضي العزل من غير تعويضهم. لما يسالونى عن محاكمة الصحفية الى كانت لابسه بنطلون و عدم محاكة اى زول حتى الان بتهمة الفساد فى السودان
اساسي انت زول متدين, متعلم, واعى, و قلبك نظيف. فكر فى كل الحاصل فى السودان و اعد التفكير فى وطنيتك بل و فى تدينك كمان.

Quote: وبصيرة!!

وبصر ..؟؟

Quote: ادهشني خلو البعض من النخوة والعزة وهو يتمترسون خلف تهكمهم في سفر الرئيس السوداني , والذي هو رمز سيادة السودان , فهؤلاء لا افق لهم ليفرقوا بين معارضتهم للحكم وخزلانهم لوطنيتهم , هؤلاء الخانعين المتشظية بهم الدروب . ولرئيسنا نرفع القبعات

راكب براق ولا بوينج!
رمز سيادة السودان جاء عبر صناديق الذخيرة أم صناديق الانتخاب!
سيادة السودان ابو مليون ميل مربع ولا سبعمائة ألف ميل مربع!
وماشاءالله معارضة الحاكم الذى مزق الوطن صارت خذلان للوطن!!!
الخانعين هم حارقى البخور والمطبلين لأسوا الرؤساء فى تاريخ الانسانية جمعاء!
هل تصدق ان البشير يمتطى عنان السماء متحديا الناتو والمارينز الذى ملأ البر والبحر والجوطائراتا وسفينا وراجماتا!
مسكين أراب ما يعرف قوة بتاع رومان!!
الراجل عارفنه شهمم وود بلد وأصيل وحيفتدى نفسه باتضحية ببلاده ومقدراته!
جنى

Quote: اساسي انت زول متدين, متعلم, واعى, و قلبك نظيف. فكر فى كل الحاصل فى السودان و اعد التفكير فى وطنيتك بل و فى تدينك كمان.

اساسي بعد الكلام حقو تقول

سكران وكمان شيوعي


تحية
اساسي وsmart

واحدة من اساليب مولاة المستبدين والحفاظ علي الاستبداد السياسي .......فهو الوطن كله وهو رمز الوطنية والسيادة وهو النقي التقي الورع والذي استمد قوته ليس من صناديق الانتخابات فحسب، بل ربما من الوطن والدين والاله وهو بالتالي اقدس من البلاد ان لم تكن قداسة الوطن ههي قداسته وتراب الوطن هو ذاته . وموالاته هي احدي ركائز الدين واركانه التي يجب ان نعض عليها بالنواجز. فذكرني ذلك الكاتب المصري الذي كتب ايام الدكتاتور حسني مبارك،كتب بانه مريض بالسرطان فاودع السجن وتم محاكمته باساءة راس الدولة ورمز سيادتها .......والطريف انه في هذه المرة قد جاءت علي لسان محاميه الذي يعتقد بان خبر مرضه قد يخفف موجة الغضب الشعبي علي وعلي اسرته....... يقيني ان الغضب علي اوكامبو لم ياتي لان اوكامبو اجنبي فحسب، ولكن لان اوكامبو قد تجاوز الخطوط الحمر للنظام السياسي في السودان ......وهل هناك رمز لسيادة البلاد اكثر من احتلال ارضه؟ اذن لماذا لم يتحول هذا الغضب الكيزاني المفتعل الي غضب ضد اثيوبيا ومصر اللتان تغتصبان الارض؟ ولماذا نؤجل هذه المعركة التي اكثر وطنية وسيادة من الغضب علي مصير شخص. ان المبالغة في مدح الاشخاص وتقديس مكانتهم بديلاً للشعب هو ابلغ علامة من علامات الخروج عن الوطنية واحترام الشعب.........واول علامة من علامات التلمق .........

Quote: والذي هو رمز سيادة السودان

فعندما يصبح الوطن كالفتاة التي نتغزل في شعرها ، وضفائرها نكون بالتالي قدمنا للوطن ورمزه ابلغ اساءة ........فالوطن ياعزيزي اساسي هو شعب وقضية ولابد للشعب من المساهمة في حكمه ........فالذي يكافي لعيبة الفريق المصري ويغض الطرف عن احتلال ارضه ويمنع شعب السودان من العلاج والتعليم المجاني .......والذي يكافي حاملي بطاقة حزبه بتوظيفهم ورفع درجاتهم وحماية فسادهم لايستحق ان يكون رمزاً للوطن ولشعب هذا الوطن. عشان اريحك اكثر لسني سعيد البتة بامر اعتقال البشير .......وبراي ان من يحدد مصيره هو شعب السودان وهذا بنظري هو عين الاحترام لهذا الشعب ولهذا الوطن.....

عنان سماء شنو يا اساسى انت بجدك؟

الامريكان لو داير باسروا طيارة البشير ما كانت مرقت من البحر الاحمر الكلو جاملات طيارات

طيارة البشير من مرقت من السودان معروفة و متابعة حركتها. انت قايلها ابرة فى كوم قش؟ ده زمن الاقمار الصناعية يا اساسى

الحاجة المهينة انو البشير بيحاول يجد المسار فوق بلدان لم تسمح له بعبور اجوائها

بقى هو عامل لى نفسو مصيدة رغم انو الكديس قاعد بعيد واصلا ما عايز اقبضو

بالله ده كلام ده

وما هى ضرورة الذهاب للصين ودفع ثمن ان يشاهد العالم كله هذه الملهاة المهينة!!!!!!!

Quote: عنان السماء

السماء السماء السماء
السماء الشاسعه الجميله .. تلك السماء المخيفه ..
وشهوة الارض الحميمه إذ تكون " بكين "
يااااا بكين
يا بكين
يا بكين..

وبكينا وكما ينبغى ان يكون البكاء ..
وتركمانستان تشدو على ايقاع مخيف عنيف
وباكستان شرك غير مأمون العواقب ..
ثمة كارثة شديدة الجمال ..
ثمة أوكامبو ..

محمد المشرف ..
شاعر حداثى

Quote: وبصر

وإحساس وشعور كمان.


مسؤولية الصين عن جرائم الحروب فى السودان- بصريات للنشر

Quote: فرئيسنا اشعرنا بعزة تضاهي الشمس في خط الافق وهو يتحدي تواطء الارادة الدولية وهو يضرب بقرارات المحكمة اسفل سافلين , رغم كل الارجاف الذي احدثه البعض الا ان التحية للرئيس السوداني عمر البشير وهو يعد بما يقول ويسافر اينما شاء وقتما شاء مخترقا كل الاجواء ولا عزاء للحكامات

حفظه الله فى حله وترحاله ,,,,,

Quote: , والذي هو رمز سيادة السودان

رمز جمهورية السودان هو صقر الجديان

ليس ثمة وجه شبه بين البشير وصقر الجديان الّا الصلعة

صقر الجديان يستطيع التحليق بعيدا في السماء وقتما شاء, أمّا البشير فلا

Quote: اساسي انت زول متدين, متعلم, واعى, و قلبك نظيف. فكر فى كل الحاصل فى السودان و اعد التفكير فى وطنيتك بل و فى تدينك كمان.

متديِّن شنو يا سمارت؟ غرة الصلاة دي ما من كثرة السجود، دي من "الهبوط" السريع ؛)
____
يا إسئس من يرد واعظاً، ود الباوقة وغريبة وميادة، إلخ، يكفوه ؛)

Quote: عنان السماء

و ركت طائرة الرئيس

سلام اساسي عارف كلامك ده من احسن ما سمعت بعد حديث اوكامبو :

Quote: لويس مورينو أوكامبو البشير لا يستطيع أن يسافر بعيداً أبعد من دول الجوار

Quote: فرئيسنا اشعرنا بعزة تضاهي الشمس في خط الافق

وثمة أفق يجادل أفقه ..
وشموس تتوارى خلف ظلمة المحيط ..
البحر يسيج " بكين " بألف قبلة عذراء لا تداهن الا العشق ..
والبدر ممتطيا دثار النور يوغل فى الظلام ولا ظلام ..
لا ظلام ..
لا ظلام ..


محمد المشرف
شاعر حداثى للتو !!

مصطفي عثمان اسماعيل

قبل قليل في تلفزيون السودان

صرح بأن طائرة البشير الان داخل الاجواء الصينية

وستصل الي الصين في تمام الساعة الثانية عشر الا ربع

مساءا بتوقيت السودان

ماغريب
في البورد دا
أصلو ماشي قلب أم قلب
الحقيقة تكون وااااااااضحة زي الشمس
فطاحلة زيك كدا يقلبوها ويدونا نتيجة عكس الشايفنو بود عينا
يمين عقدتونا







_________
بعدين الراجل دا ماخلى شي يحبوهو ويمدحوهو بيهو
عليك الله عصرت ليمونة في حلقك قبل ما تكب البوقين ديل؟

Quote: ويشمل برنامج زيارة البشير مقر الشركة الصينية "سي إن بي سي"، وكلية للزراعة في شين داو بمقاطعة شاندونق التي بها آبار للبترول تستخدم تكنولوجيا عالية كفلت استمرار الإنتاج فيها 50 عاماً. وسيشهد البشير التوقيع على اتفاقات تم تجهيزها، تشمل تطوير حقول الإنتاج الحالية بشمال السودان في مربعي 2 و4 في هجليج وبليلة بجنوب كردفان، بجانب شركات صينية ستدخل شريكاً لتطوير الإنتاج بتكنلوجيا حديثة في مربع 14 بمنطقة عوينات على الحدود مع ليبيا ومربع 9 بالجزيرة ومربع 13 بالنيل الأبيض.

الاسد النتر مرقها فى الصين .... صور

هههههههههههههههههههههههههههههههههههه