Post: #1 Title: نيران صديقة وراصني ياجدع ... ياحضري ياحضري ياحضري Author: وليد عبد اللطيف Date: 06-27-2011, 08:10 AM
غلطة كبيرة من الحضري لانه حارس افريقيا الاول يتحمل نسبة الهدف 90 % اصلا مافعي داعي يخرج من المرمى حتى لايعطي الباشا فرصة ارجاع (تقريش ) لان توجد احتمالات كثيرة تصب مطره تقع حيطة يقع الباشا سبب واحد لخروجة ماااااااافي اما كابتن الباشا هذه حدود امكانياتة لايعلم ثقافة ناس زمان الباك صديق الاين دا لو كان بايول كابتن برشلونه كان طفشها وداها الكلاكله القبة الاناقة في البساطة العب حسب امكانياتك وكان مافي داعي للفلسفة والثقة المفرطة هدف مصعب في المريخ يصعب على افضل المهاجمين عندما ادخل راسه خاف وحاول سحبة كان من الاولى الدخول بعنف وفدائة وتقديم يديه لحماية نفسة طال ماهو قرر ذلك اه اه اه ياسونج لاعب الكميرون شاهدناك كيف تقفل براسك الكرة وهي في رجل الخصم انا ماااااااااااااااااااااااااااااااااااااالي والهوى غايتو جمهور المريخ شعوره شنو ماعارف وطلحة صاحبي وهارون وعماد كوتش ليهم الله . . . كرة القدم اخطاء والشاطر من يستفيد ويتعلم منها كابتن الباشا ومصعب مازال الوقت طويل امامهم لكي يكتسبوا خبرة وربنا يوفقهم
Quote: كرة القدم اخطاء والشاطر من يستفيد ويتعلم منها كابتن الباشا ومصعب مازال الوقت طويل امامهم لكي يكتسبوا خبرة وربنا يوفقهم
يا وليد .. سلامات ياكابتن غلطات الدفاع البتجي نتيجة تصريج الكورة .. يا قلشان الكورة دي ما فيها مشلكة .. لكن عينك للقون تنشن فوقو دي واسعة شوية..؟! يا وليد خليك من قون مصعب دا ممكن نقول الزول دا كان مندفع (كراع) المهاجم عملت ليهو ربشه الكتير من التبريرات التانية .. اها الباشا دا مالو ..؟ ابجديات التقريش او ترجيع الكورة لحارس المرمى يا وليد انو أول حاجة .. زاوية الكورة في اتجاهه للمرمى لابد من انها تكون خارج نطاق التلاتة خشبات دي من ضمن اجراءات السلامة والاحتياط .. يعني بي صورة أوضح .. ترجع الكورة بمكان حيث انها لو حصل ليها اي شي دخلت تحت رجلين الحارس .. غيرت اتجاهه ساكت .. وضعية الحارس ما كانت مناسبة لتعامل مع الكورة .. تقوم الكورة تطلع على اسواء التقديرات ركلة ركنية .. لو فرضنا انها استعصت علي الحارس .. لكن ما ممكن من المسافة دي يقوم الباشا يعاين للزاوية الضيقه جدا للحضري ويقشطه ..؟ اضف لذلك كلام جنابو عمر عثمان في بوست مشابه .. إنو الحضري بيطلع دائما من المرمى .. ودي اكبر مشكلة .. ومفروض مدرب الحراس كان يوجهو للحركة دي .. لانو وبي صراحة شديدة .. الحضري ما في عمر ولا في مرونة بتسمح ليهو يتعامل مع كورة زي دي ..
Quote: الباشا دا مالو ..؟ ابجديات التقريش او ترجيع الكورة لحارس المرمى يا وليد انو أول حاجة .. زاوية الكورة في اتجاهه للمرمى لابد من انها تكون خارج نطاق التلاتة خشبات دي من ضمن اجراءات السلامة والاحتياط .. يعني بي صورة أوضح .. ترجع الكورة بمكان حيث انها لو حصل ليها اي شي دخلت تحت رجلين الحارس .. غيرت اتجاهه ساكت .. وضعية الحارس ما كانت مناسبة لتعامل مع الكورة .. تقوم الكورة تطلع على اسواء التقديرات ركلة ركنية .. لو فرضنا انها استعصت علي الحارس ..
ياسلام عليك ياتمبس كلام مدربين وناس فعلا عركت الميادين وكما تفضلت فعلا دي ابجديات كرة القدم بس ( نشكي ونبكي لمين ) احكي من الواقع مره زمان ايام الروابط حارس قرشو ليهو الكورة من النص وصاحبك جاي طالع نظام عايز يردها برجله ويطفشاها صاحبك يجلي الكرة وتدخل ليهو بيضة وتدخلى المرمى الجماعة بي بره شبكوهو ليك انت شايت (نبقه ) هههههههههه . . ياتمبس بالله حسب تجاربك احكي لينا اجمل الطرائف الدفاع مع حراس المرمى ياخي بتحصل حاجات وقصص عايزة ليها كتاب عديل
Quote: لكن ما ممكن من المسافة دي يقوم الباشا يعاين للزاوية الضيقه جدا للحضري ويقشطه ..؟
كااااااااااااااااااااااااااااااااك على قول الصفوة قريبي هارون ( دياب )
لالالالالا عندنا سهيل وسحويل إدارة شنو ياخي .. ياخي صاحبي طلحة اصبح الواحد كل مايشوفو في المنبر يقول الحمد لله (نصيح وكويس ) يازول ديل يوم بكتلو ليهم زول بطريقتهم دي يبعثرون اموال النادي ويقولون انهم رجالات نادي المريخ والمريخ اكبر من اي نسان وحنك عاضي على قول اخونا المستشار محمد عبد المنطلب . . اذا تمبس لم يحلل غير ذلك كنا قلنا ليس له علاقة بالمنشط ونحن في الجزئية دي بالنسبة له بنبيع موية في حارة الساقيين
. . غايتو انا منتظر عبد الكريم كيكي يطلع من الكراكر والجخانين ويلحقنا برواية عن هذه السكسكه والميسان
Quote: ياتمبس بالله حسب تجاربك احكي لينا اجمل الطرائف الدفاع مع حراس المرمى ياخي بتحصل حاجات وقصص عايزة ليها كتاب عديل
.. والله يا وليد ايام رابطة ابوعنجة .. المباريات كلها عديناها طرايف .. انا كان عندي دفاع مجنون جدا .. وبعدين كنت قصيروني خالص .. لكن بشهادة الكتيرين كنت بقلعه من التمنيات وامكانية يدخل قوون شوية صعبة .. دي طبعا ما نرجسية لكن كانت تمارين نط واستطالة وجري وطيران .. وكان في حب للكورة .. يللا الشباب ديل لو لعب معاهم اي زول غيري بكونو متوترين .. وما مرتاحين .. لانو انا من خلفهم بكون قاري الميدان كويس .. وبعدين البغلط بديهو ليك علي راسو في الحال وهم كانو مرتاحين للمسالة دي .. المهم عندي الباك الفرده اليمين اسمو عمر .. عمر دا مشكلتو كبيرة جدا مع باكمبـا .. وباكمبا مشكلتو كبيرة معاي باكمبا بيطلع على الناحية اليمين لانو رجلو شمال .. ويلم ليك في عمر دا (يغسلو) عمر اخلاقو ضيقه جدا وبكره ليك باكمبا كراهية شديدة .. واي كورة نحن نقابل فيها فريق البترول بتاع ناس باكمبا ..عمر مطرود يا ضرب ليك باكمبا بنيه يا اداهو كف .. يا (بزغ) ليهو في وشو الله يكرمك وطبعا انت عارف جمهور الرابطة بيعمل فيك شنو لو غسلوك .. والله بي صراحة انا كنت بضحك لما باكمبا يستلم الكورة ويجنح .. عمر دا من الغيظ كان بيجري ليك عليهو فارد يدينو وكرعينو وعاضي شلوفتو ما عندو شغله بالكورة .. شغلتو بس رجلين باكمبا .. وباكمبا لما يستلم بيفتش لي عمر المهم باكمبا استلم الكورة .. وجنح علي تجاه عمر .. وعمر انطلق بقيت اكورك لي عمر يا عمر ثبت كرعينك .. يا عمر ثبت كرعينك .. لانو عارفو ح يدخله ليهو بي تحت كرعينو .. عمر ما اشتغل بي كلامي .. بس لما ليك فوقو باكمبا غسيل .. عمر دا مع المحاورة بيجري لحدت جوه الميدان ويجي راجع تاني وباكمبا بيكون منتظرو .. يحاورو تاني عمر زيييييطك يتدردق لحدت بره الخط ومرات يدخل بيت ناسسوميت ويجي راجع تاني لانو الباب بكون مفتوح والشباب قاعدين جمبو .. باكمبا بعدما فتر والضحك كتلنا كلنا .. وانا اكورك يا عمر ثبت كرعينك .. قام باكمبا اتحرك علي تجاة الزاوية اليمين حقتي علي راس طمنطاشر ووحيات الخوه يا وليد دي المنطقة الكان مسموح ليهو بيها يعني ما كان بيحاول مجرد محاولة يتعدى خط طمنطاشر ,, المهم حاور عمر واخد ليهو لفه .. عمر بقى بي وراهو .. وجا مندفع .. قام باكمبا دردق ليك الكورة لي عمر زي اللاعب ليهو باص قون وزاغ من عمر .. عمر توووفك .. علقه لي في التمنيات انا عملته فيها جادي .. وقلت ليهو دا شنو ياعمر ياخ انا اقوليك ثبت كرعينك ثبت كرعينك .. قالي : شنو انت ما عامل لينا فيها بتنط .. انا مقرشة ليك بس قلشت مني
Quote: عمر توووفك .. علقه لي في التمنيات انا عملته فيها جادي .. وقلت ليهو دا شنو ياعمر ياخ انا اقوليك ثبت كرعينك ثبت كرعينك .. قالي : شنو انت ما عامل لينا فيها بتنط .. انا مقرشة ليك بس قلشت مني
هههههههههه يمين بضحك لمن بكيت . . يازول مره في الرابطة اخوك قاعد خلف العارضة ونحن صغار وقتها حارس اسمو زغبير حارس مضحك وفاكهة عديل وفي نفس الوقت فريق شرس وبه نجوم صاحبنا الحارس وسط دربكة الدفاع عمل ليهو تغطية للكورة والحارس استلمها الحارس حضن الكورة وشال الكوره واثناء ما المدافع طالع من خط سته يقوم الحارس يشوت ليك الكوره في راس زميله من الخلف وترجع تدخل القون هدف جميل مضحك رغم السنين نتذكره ونضحك
Quote: عجوز الغابرين دا الكورة زاحفة زحف ماشة على المرمي وهو ساكيها ما قادر يحصلا وبرضو تقول لي ما عارف شنو ..
طلحة اخوي اتمنى ان لا تحمل نفسك فوق طاقتها كورتنا ابدا مامحتاجة الناس تزعل وتمرض عشانها دي مشاكل متراكمة منذ القدم وكل الاجيال لاتعمل على الاصلاح وانكشفت كل هذه الحقائق في ظل التطور الكروي الرهيب الذي يحدث في العالم والتطوير الاعلامي سلبيات كثيرة ومنها عدم وجود مستندات ماليه وحسابات في الاندية ( تأمل ) بالجد انا بزعل للناس التي تحب انديتها
فلم تكن الكُرة قوية لدرجة أن تلج مرماه ... الحضري أظنو كان سارح !!!
كمان ماقدر ياصبري ياخ لو عملنا ربلاي للهدف بتلاقي غلط الباشا هو الاكبر تعرفي ياصبري زمان عندنا مدرب في الرابطة الكابتن ( يوسف المفك ) لاعب التحرير والفريق القومي تلعب اي باص بالعرض في الدفاع بجيبك بره لانه يعتبر من الباصات الخطرة التي كثيرا ما تلج الاهداف عن طريق هذه الاخطاء الباشا كلن افضل خيار له ان يطلعها التماس او الكورنر ودي لسلامة خطورة اللعبة وحسب كلامك ان الكُرة ليست قوية طبعا دا كلام صاح ولايعفي الحضري من التسبب في الهدف زمان كثيرا مانشاهد كيف كان يجري الكابتن حامد بريمة داخل العارضة لمتابعة الكرة حتى ان تخرج بعيدا
ابجديات الكرة ... اللاعب الذي ينفذ رمية التماس تعاد له الكرة لانه اللاعب الوحيد الخالي من الرقابة (أنظر ماذا فعل السيد الباشا الغشيم)
أنا متبرع أساعد في تدريب أساسيات كرة القدم للناشئين تحت 16 سنة، أما ناس الباشا والحضريك وطرورة ديل يتبالو بيهم ناس مازدا لانها روكتهم
الحمد لله الذي أكرمنا بمشاهدة زيدان أيام ريال مدريد، ولم يتركنا فريسة لخزعبلات جماعة الكرة السودانية، يا تمبس ... إنت قايل مقولة اللاين صديق المدافع دي جات بالساهل، فالباشا الغشيم هذا لن يكون أفضل من باولو مالديني باية حال
الله يسلمك لكن صاحبك تمبس دا كل مايتكلم في كرة القدم بذكرني جماعتك بتاعين دار الرياضة امدرمان حتى اذا مافي مباراة تجدهم متواجدين في الدار واي واحد جالس في كرسيهو ومنهم الكاتب الرياضي السابق كمال افرو
الصورة لابس رصاصي ( كمال تنقو لاعب الفريق القومي للشباب و النيل والاتحاد البحراوي السابق )
Quote: يا تمبس ... إنت قايل مقولة اللاين صديق المدافع دي جات بالساهل، فالباشا الغشيم هذا لن يكون أفضل من باولو مالديني باية حال
ياسيف اليزل الماحي : سلامات جبت ليك الصورة الفوق دي عشان اتكلم عن اهمية امكانيات لاعب كرة القدم وحساسية اللعب في منطقة الدفاع وخطورة التمريرات في هذه المنطقة كمال تنقو لاعب معروف قصير القامة وسريع جدا ويجيد اللعب في الوسط والدفاع وكانت اجميل ايامه مع النيل الخرطومي والكوره الشامله التي كانو يلعبونها احكي ليك شوية عنه في مره مباراة بين الهلال والاتحاد البحراوي وكُرة معكوسة داخل خط 18 وسريعة وفي لحظة وسط زحمة لاعبي الهلال والاتحاد عمل كمال تنقو امتصاص للكرة بصدرة بطريقة تفوق الوصف واستلمها وتحرك بها من منطقة الدفاع هنا الحكم تخيل اللاعب تنقو تحايل عليه وامتص الكره بيدة وحسبها ضربة جزاء لفريق الهلال ولم يعرف امكانيات تنقو رغم قصر قامته تاني يوم اعتزل زميلنا و اخونا كمال تنقو كرة القدم برضو نرجع ياريت الكابتن الباشا يستفيد من مثل هذه الاخطاء
الاخ وليد .. شكرا لاتحافنا بمهارة اللاعب تنقو لاعب فريق النيل العريق،
عارف ... تعلمنا تشجيع المريخ ونحنا نشاهد حامد بريمة وعادل أمين وابراهومة لكني لم أشاهد بعد جيلهم لاعبا يقف في قلب الدفاع كما اللاعب الفذ والخلوق كمال عبد الغني تحياتي ومحبتي له أينما كان
Quote: يا تمبس ... إنت قايل مقولة اللاين صديق المدافع دي جات بالساهل، فالباشا الغشيم هذا لن يكون أفضل من باولو مالديني باية حال
والله يما بالساهل يا يزل .. بعدين زي ما قاليك وليد في الباص العرضي المضروب للعمق دا .. ياخ دي اخطر حاجة ممكن يعمله لاعب مدافع .. يضرب ليهو باص لي زميلو بطريقة زي دي حتى لو ما كان حارس المرمى .. يا كمان يلعب بي راسو في المنطقة دي .. يرجع الكورة عرضية بي لعبة راس وتقع ساقطة .. دي طبعا بعديها المدافع مفترض يعتزل طوالي دا لو كان بيعرف حاجة اسمه كورة .. ياخ التعب في شان شنو .. عندك اللاين اجدعه وبلاش فلسفه كتيرة . ياخ الواحد يكون رجلينو ما قادر يثبتم في الواطه عايز يتلايق ليك في الحتات الحساسة دي .. الحتات الما بتقبل غلطة صغيرة ..
يا وليد .. طبعا لقيت ليك صور قديمة لي فريقنا حق الرابطـة .. خليني اتحفك بيها هنا لو سمحت لي ..
اقصى اليسار وقوفاً كابتن هيثم سلمان صاحبك .. مدرب منتخب الناشئين الوطني رقم اتنين يسار هيثم .. محمد حسن سعيد (حموري ابوعنجة) لاعب الهلال السابق أما صاحبك العلق لي الكورة في التمنيات .. فهو عمر رقم اتنين جلوسا من اليمين .. طبعا المجموعة دي معظمه انتقلت لي ابوعنجة .. ومعظم اللعيبة دي لعبة في اندية الدرجة الأولى .. أو التانية أو التالتة .. وفيهم الحريف الما ادتو .. لانها ما بتدي حريف ..
Quote: إتا يا تامبا من زمن الكفر الأغبش والكدارة البومة أم مسامير وحاة الطلاق أقدم من الديناصورات .
بوما شنو يا حفظك الله .. ياخ دي اديداس شفت ليك بوسما فوقه شخوط بالجنبات ..؟ بعدين تعال هنا .. ياخ احمد للصورة انها بالالوان .. ونهاية التسعينات .. لكن والله حسع دي كان حفرته لينا من عندك وحاولته تطلع صوره موازيه ليها في الزمن دا .. تكون بالابيض والاسود .. والواحد يكون لابس جلابيه وشرط اساسي يكون حالق جديد وعامل قطعية..
يا تامبا ما بالضرورة البومة تكون لابسا إتا كدا اعمل صورة أشعة لكدارة الكابتن القاعد تحتك في الصورة الجماعية دي وشوف لو قدرت تطلع لي منها حتة شخيط واحد . يا ديناصور أأقصد يا زول الفيك اتعرفت وما تغالط ساي .
Quote: يا تامبا ما بالضرورة البومة تكون لابسا إتا كدا اعمل صورة أشعة لكدارة الكابتن القاعد تحتك في الصورة الجماعية دي
طبعا تموووت في التنظير .. خليك من صورة الاشعة .. كدي هاك شوف دي ..
الكدارة دي شنو .. اللا بسة كابتن حموري دي .. ؟ علما اننا الوكت داك كنا في المتوسطة .. وفي موديلات زي دي من الكدارات .. يعني البومه عندها مية شكل .. الصورة التانية بتاعتي القلت ليك فيها الاديداس .. دي جزمة الاتحاد العام والكلا دا انا في الثانوي .. يعني بي صورة اوضح .. احتمال كبير جدا الوكت داك دافوريكم بي جزمة من الجلد .. وعلي شرط تكون من ضهر التور .. زي بتاعت ناس دريسة ديك .. لو اتعفصت بيها .. يجيك تتنس طوالي بعدين عاين للفنلة الرمادية دي .. اي زول لعب كورة بقدر يقدر بالضبط اللابسة دا من ياتو جيل ..؟ بالمناسبة .. الصورة الواقفين فيها دي .. علي يميني طوالي .. (علي الزغبي) الصحفي الرياضي في جريدة قوون .. ديل كانو قدامنا بي كتير .. لكن لحدت الآن جاريين وبلعبو كورة .. وبكتبو في الكورة .. انا الما عايز يقع لي .. إنت دفعة ناس منو ..؟ وكداراتكم الوكت داك كانت عامله كيف ؟؟ واللا كنتو بتشلتوها حفاية ساااي بالبركة ..؟
Quote: يا وليد .. طبعا لقيت ليك صور قديمة لي فريقنا حق الرابطـة .. خليني اتحفك بيها هنا لو سمحت لي ..
ياتمبس دا توثيق خطير صورة جميلة ورائعة لكن صاحبي هيثم سلمان جاب الطول دا من وين الان
Quote: أما صاحبك العلق لي الكورة في التمنيات .. فهو عمر رقم اتنين جلوسا من اليمين ..
ياخي كرة القدم مليئة بالذكريات الحلوة والطرائف
Quote: محمد حسن سعيد (حموري ابوعنجة) لاعب الهلال السابق
ياسلام ود زي اللبلب حريف لمن غلط بس تقول شنو طبعا لعبت معهم دورة في الثورة الحارة العاشرة ( الصلحابي ) وشلنا الكاس وكان معنا الجاغوم وفيصل فرج وايمن عيدابي كمان ايمن دا مقطوعة موسيقية كنت لاعب باسم مستعار البعجبني في اولاد امدرمان شفوت كورة ويحترمون اللاعب الذي ياتي من خارج المنطقة بدليل انهم اصروا على بأن استلم الكاس رغم اني كنت لست كابتن الفريق كبروا في نظري و دي كانت حصة ومدرسة كروية بالنسبة لي ..
معقول في الرابطة وكنت تردي مثل هذا الزي الرياضي ياطلحة شايف الطقم خطير كيف ( فنيلة مبطنه ) الكدارة اديدس يوغسلافية مشكور ياتمبس على هذه الصورة الجميلة ومنتطرين المزيد لاني قمت مباشرة بحفظ الصور مع الارشيف الرياضي وذكرتنا ايام جميلة وناس حلوين وتخيل لي لو كتبت باقي الاسماء امكن اعرف الكثير منهم كنا رحالة كرة قدم نجوب كل المناطق واخذنا اجمل مافيها وهي معرفة الناس الطيبة وجميلة في كل شيء وبالمناسبة هيثم شوشة ولدكم لاعب الموردة والمريخ سوف ياتي هنا يوم 28 وسوف تكون لنا جلسات نعيد فيها ذكريات ايام لاتنسى ...
يا سلام عليك يا وولي .. فعلا اديداس يوغسلافية .. كانت بتتوزع من الاتحاد العام للاندية .. الوكت داك انا كنت بلعب درجة .. ومنها كان مفترض انتقل للهلال .. طبعا طلحة المعفن دا ح يقوليك زننننن .. ..
Quote: وفيصل فرج
.. فيصل يا وليد لعب معنا في الرابطة ولعبنا مع بعض واتذكر معان الصادق وويوو .. ديل اولاد الحلة طبعا .. والله دورة الصلحابي دي انا برضو لعبت فيها مع مجموعة من اولاد الثورة ما قادر اتذكرم .. بالمناسبة امتع حاجة لما تلعب ليك مع شلة اساسا بتكون عايزه تمتع نفسه .. زي ما تقول كدا تيم بتاع مرتزقـة .. قلت لي هيثم سلمان جاب الطول دا من وووين ..؟ ههههههه .. ياخ هيثم دا كنا بنشوفو ضخم جدا .. وما كان في اي زول بقدر يمر منو في النص لما يعفص الكورة في الوااطة .. طبعا عادي جدا كان بكسر ليهو كل يومين تلاتة لاعب .. هههه حموري طبعا ضحية الاعلام الرياضي .. عارف لو كان انتظر بس موسم واحد كان لقى حقو تمام .. لكن اتهور .. وحبو للهلال زاتو عماهو عن اي حاجة .. في النهاية راح فيها لانو الهلال وقتها ما كان بيقبل اي لاعب في الوسط وبالاضافة لي انو حموري جسمو وقتها كان قليل جدا يحتاج لي انون يقعد كتير جدا في الهلال علشان جسمو يتصلح .. عليك الله لما شوشا يجي اديني خبر ..
Quote: يا تامبا ما بالضرورة البومة تكون لابسا إتا كدا اعمل صورة أشعة لكدارة الكابتن القاعد تحتك في الصورة الجماعية دي وشوف لو قدرت تطلع لي منها حتة شخيط واحد . يا ديناصور أأقصد يا زول الفيك اتعرفت وما تغالط ساي .
كدارة الزول ده شكلها من جلد التيس ومفصلة نفصيل وكلها مسامير هههههههههههههههه ياخي ذكرتني ود الشايقية في حلتنا مره اولاد الحلة لاعبين في ملعب الباسكت بالنادي ( بلاط ) طار جوز الكدارة طلعت شرار ريحتك صااااااااااااااااح . . بالجنبة كدارة تمبس كدارة الاتحاد اديدس الشريط ابيض وطرفة لون احمر ودي تقريبا افضل كدارة في تلك الفترة ....
Quote: مره اولاد الحلة لاعبين في ملعب الباسكت بالنادي ( بلاط ) طار جوز الكدارة طلعت شرار
.. عارف يا وليد .. كان عندنا في الموردة نقلتيه في نص السوق .. بعدين فيهم واحد اسمو محمد .. محمد دا فردتنا شديد .. واخو اخوان كدا بقدرره .. كان مشيت ليهو في اي زنقه بيفكك منها .. عندنا واحد رجلو زي الفيها موية نار كان لابس جزمة حديد بتضرب .. محمد دا كان متخصص كدارات بتاعت صاحبنا دا .. والغريبة كان كل كورتين .. بي جزمــة .. محمد دا كنا مسمينو الالماني .. ... علي صاحبنا دا تلقاهو ماشي علي سوق الموردة وشايل مساميرو في كيس بعدما غشى مغلق خدر الصياد اشتراها من هناك .. يا زول ماشي ووين ؟؟ .. يقوليك ماشي الالماني .. يوم الالماني خذلو ليك .. ما طلع ليهو الجزمة في وكته .. مشى لعب بالجزمة بتاعت الاسبوع الفات .. بين الشوطين جا الالماني شايل الكدارة في كيس وجدعـه ليهو .. في نصنا كدا .. قاليو: تاني يا علي إلا تلبس الكشافات انا ما عندي ليك خيوط ولا مسامير ولا جلد كل يومين مخسرني .. والله يا وليد انا لعبت الدورة المدرسية الابتدائية .. بي جزمة اديداس فيها ستة كدايس .. وكان معاها مفتاح بقلب بيهو الصواميل يا عضم يا حديد .. عضم للمباريات العادية .. وحديد للمباريات الفيها رجم شديد ..
زمان يا تامباعندنا واحد في الحلة إسمو عزو .. عزو دا بنعرفو مشى التمرين لأنو كان من الساعة واحدة بمش يغمت كدارتو في جردل الموية لأنها بتكون بقت عضم وما بقدر يلبسا إلا يبلها أها لأمن يمش موية الكدارة بتعمل درب لغاية الميدان زي بتاع ترلة الموية .. اعتقد أنو نص كدارات الشباب دفعتك الفوق ديل كدارتم زي كدارة عزو بتاعنا دا. من جهة تانية ياخ أنا لعبت تسعة شهور في أشبال الهلال مع ناس حسين الضو وخالد بخيت وعيسي آدم وعاطف آدم وسنجة وفيصل وحاتم ضياء الدين وغيرم ونحن كنا الجيل الجديد (معاي مصعب الرفاعي وفرج الله وواحد تاني إسمو مزمل ) يعني ناس خالد وحسين الضو والجماعة ديل أقدم مننا بسنتين تلات وكان مدربنا الدكتور محمد حسين كسلا الواحد دا ومساعدو عبدالله موسي المر لكن اخوك جاتو إصابة في العضلة الضامة وما واصل .. طبعا جيت أشبال الهلال عشان منها انتقل لأشبال المريخ العظيم لكن الله ما أراد ..
Quote: موية الكدارة بتعمل درب لغاية الميدان زي بتاع ترلة الموية .. اعتقد أنو نص كدارات الشباب دفعتك الفوق ديل كدارتم زي كدارة عزو بتاعنا دا.
والله دا تلقاك انت زاتك يا عزووو .. ..
Quote: من جهة تانية ياخ أنا لعبت تسعة شهور في أشبال الهلال مع ناس حسين الضو وخالد بخيت وعيسي آدم وعاطف آدم وسنجة وفيصل وحاتم ضياء الدين وغيرم ونحن كنا الجيل الجديد (معاي مصعب الرفاعي وفرج الله وواحد تاني إسمو مزمل ) يعني ناس خالد وحسين الضو والجماعة ديل أقدم مننا بسنتين تلات وكان مدربنا الدكتور محمد حسين كسلا الواحد دا ومساعدو عبدالله موسي المر لكن اخوك جاتو إصابة في العضلة الضامة
.. اها اقوليك حاجة ..؟ ايام الاشبال دي يا طلحـة وحيات خوتك نحن صغار بنمشي دار الرياضة عشان نتفرج في الكورة .. كان بدخلوتنا الدار بلاش لاننا صغار .. تذاكر زاتو ما قاعدين نقطعه .. وبدونا تسالي وكركدي من عمك خدر ..
عليك الله يا عزوو جيب لي صورة لي الكدارة بتاعتك دي قبلما تبلها .. وبعدما تبلها قلنا ليك زمااان إنت هلالابي زعلان ما صدقتنا .. اللعب في اشبال الهلال دا عامل زي الرضاعة بالبزة .. ياخ هو دربك دكتور كسلا .. تاني ح تمشي لي منو يدربك .. كيكي المعانا في البورد دا ؟
Quote: ..عندي الباك الفرده اليمين اسمو عمر .. عمر دا مشكلتو كبيرة جدا مع باكمبـا .. وباكمبا مشكلتو كبيرة معاي باكمبا بيطلع على الناحية اليمين لانو رجلو شمال .. ويلم ليك في عمر دا (يغسلو) عمر اخلاقو ضيقه جدا وبكره ليك باكمبا كراهية شديدة .. واي كورة نحن نقابل فيها فريق البترول بتاع ناس باكمبا ..عمر مطرود يا ضرب ليك باكمبا بنيه يا اداهو كف .. يا (بزغ) ليهو في وشو الله يكرمك وطبعا انت عارف جمهور الرابطة بيعمل فيك شنو لو غسلوك .. والله بي صراحة انا كنت بضحك لما باكمبا يستلم الكورة ويجنح .. عمر دا من الغيظ كان بيجري ليك عليهو فارد يدينو وكرعينو وعاضي شلوفتو ما عندو شغله بالكورة .. شغلتو بس رجلين باكمبا .. وباكمبا لما يستلم بيفتش لي عمر المهم باكمبا استلم الكورة .. وجنح علي تجاه عمر .. وعمر انطلق بقيت اكورك لي عمر يا عمر ثبت كرعينك .. يا عمر ثبت كرعينك .. لانو عارفو ح يدخله ليهو بي تحت كرعينو .. عمر ما اشتغل بي كلامي .. بس لما ليك فوقو باكمبا غسيل .. عمر دا مع المحاورة بيجري لحدت جوه الميدان ويجي راجع تاني وباكمبا بيكون منتظرو .. يحاورو تاني عمر زيييييطك يتدردق لحدت بره الخط ومرات يدخل بيت ناسسوميت ويجي راجع تاني لانو الباب بكون مفتوح والشباب قاعدين جمبو .. باكمبا بعدما فتر والضحك كتلنا كلنا .. وانا اكورك يا عمر ثبت كرعينك .. قام باكمبا اتحرك علي تجاة الزاوية اليمين حقتي علي راس طمنطاشر ووحيات الخوه يا وليد دي المنطقة الكان مسموح ليهو بيها يعني ما كان بيحاول مجرد محاولة يتعدى خط طمنطاشر ,, المهم حاور عمر واخد ليهو لفه .. عمر بقى بي وراهو .. وجا مندفع .. قام باكمبا دردق ليك الكورة لي عمر زي اللاعب ليهو باص قون وزاغ من عمر .. عمر توووفك .. علقه لي في التمنيات انا عملته فيها جادي .. وقلت ليهو دا شنو ياعمر ياخ انا اقوليك ثبت كرعينك ثبت كرعينك .. قالي : شنو انت ما عامل لينا فيها بتنط .. انا مقرشة ليك بس قلشت مني
هههههههههههههههههههههههههههههههههه ........
يمين يا تامبا بضحك لمن بطني وجعتني ...
زولك ده ذكرني ابراهيم عطا مع الريح كاريكا كان بزوغ منو عدييييل كده ....
مصعب الحلبي ياتمبس ياخي طلحة صاحبك دا صغير جدا لان مصعب الرفاعي جابوه لينا صغير في شركة حجار وشغلوهو عشان يلعب ليهم كورة طبعا تيم شركة حجار كان يضم الكثير من نجوم كرة القدم ومنهم عاكف عطا ومحمد طمع بتاع الخرطوم تلاتة واغلبهم من اشبال الهلال ناس انور ادم والضي وخالد جرجيرة النيل الغريب في شركة حجار التي يعمل بها طه على البشير عملو احصائية لاعضاء هلال مريخ كانت الغلبة للمريخاب
Quote: عارف يا وليد .. كان عندنا في الموردة نقلتيه في نص السوق .. بعدين فيهم واحد اسمو محمد .. محمد دا فردتنا شديد .. واخو اخوان كدا بقدرره .. كان مشيت ليهو في اي زنقه بيفكك منها .. عندنا واحد رجلو زي الفيها موية نار كان لابس جزمة حديد بتضرب ..
ههههههههه مبالغة يازول عندنا واحد اسمو ابو اللول ودا فاكهة الشعبية عديل من النوع بتاع الضرب والشلاليت داك اها مابيصلح كدارتو في النقلتي الا قبل المبارة بربع ساعة كدا يازول مشى للنقلتي قال ليهو صلح لي كدارتي دي النقلتي قال : معليش امشي للنقلتي التاني ابواللول قال ليهو ليه انت خريج ابتدائي وداك خريج جامعة قوم لف ماكلكم نقلتية ههههههههه مره تانية مشى للنقلتي قال ليهو صلح لي الكدارة دي ابوسريع لاني عندي لعبة مسخنة وصحابك مستعجل شديد النقلتي عمل ليهو مهم وقال : ياخي هسه في غبار مافي طريقة ابو اللول قال ليهو غبار شنو انت نقلتي وللا ساعاتي ههههههههههههه من هنا نتمنى الى ابو اللول فاكهة الشعبية واستاد التحرير كامل التحايا مع تنمياتنا له بالصحة والعافية
ياخي الحضري معاهو حق يتدلع علينا الدوري المصري بالنسبة لنا دوري اسباني امس شاهدنا مباراة الزمالك ضد الاهلي رغم ما صاحبتها من مشاكل وفوضى إلا انها كانت كره جميلة ومثيرة وممتعة ..
يا وليد مصعب الرفاعي على شوية كان يضيع فيها ولا يشوف اشبال الهلال ولا حجار لأنو يوم الإختبار النهائي والإختيار الأخير جاء عندو حمي شديدة ولسوء حظو كان الإختبار عبارة عن مباراة مع الفريق الأول ناس مبارك سليمان وكاريكا ووليد النهضة والجماعة العتاولة ديل .. أها مصعب لأنو عارف دا آخر إختبار قام دس حكاية انو عندو حمي دي ولعبنا الكورة ولسوء حظو هو طبعا بلعب باك لفت وكان في صايدو وليد النهضة والأيام ديك وليد دا جديد وطالع في الكفر .. ويشيل ويجر بى مصعب دا بالجناح لغاية ما جابو الواطة غمران لكن طبعا العريبي دا عمل ليهو رصيد من البداية فقام جاب ليهو قون بتسديدة صاروخية عشان كدا لما وقع وبدلوه بعد تلت ساعة من المباراة كسلا كان أصلا إختارو وانتهي .. لكن بعد داك مصعب كان أفضلم ومشي لعب للأهلي اما فرج الله فمشي لعب في الخرطوم تلاتة وما عارف مزمل انتهي بيهو المقام والتلاتة ديل لغاية هسع ما عارفم عاملين شنو واللا قاعدين وين . بالله يا وليد لو لاقيت مصعب دا سلم عليهو كتير .
Quote: ولي سلامات ياااخ انت برضو مصدق بوهية البيع دي..
والله الزول دا مافيهو كلام لكن حركاتو مع المريخ والاداء الباهت تصنفه بان يكون اسوا حارس في افريقيا تعرف ياندوس يستحيل في يوم يقدم لاعب مصري او مدرب فائدة للسودان لاسباب كثيرة غايتو بيعرفوا كيف يضحكوا على اداراتنا
