Post: #1
Title: رثاء لكيلوونص لحمة ضأن
Author: زهير عثمان حمد
Date: 06-25-2011, 10:31 PM
#
الليله تعالوا عزوا وأبكو معي
ما فقدت لحمة حلتي وسر بهجتي
كانت يا صحاب كيلو ونص ضأن
بس الكديسة الحاقدة
ما خلت للفرح جواي مطرح ولا مكان
اخ يا لحمتي
والله كانت ضأن ياشباب
بالدين كمان
الليلة ما بشق الجيوب
وأسوي ليك في تاريخي ذكري يالحمتي
وأكتر المناحات ألم
والله يا ناس ضأن والضان غالي
في بلد السعيه والرعايان
ما بقدر أوصفك بس أقول كانت قليلة عضام
ورك من بنت لبون شبعانة وتربية بيوت
يا كديسة الشؤم أنشالله ما تنفعك وخلاص
أنت من اليوم مطرودة من عطاياي ورحمتي
أخ الليلة يا لحمتي الرهيبة
ما منيت نفسي بيها وحلمت أكل لحمة هشه
وحله مسبكه
أنتو كان عارفين قيمة الضأن الغذائية
وفوائد أكل الضأن بالليل
كنتو جيتو جري للبكا
وفدمتو أحر التعازي
الليله يا طولك يا ليلتي
و وينك يا لحمتي
أنشالله الكريم يرزقني خروف كامل
أو نص خروف عشان
أشوي واجدع وأستطعم الضأن
لكين الامل ما أنقطاع وأنشالله
عوضو قريب
وأنتي يارب الناس عالم بحالي
يا حليك يالحمتي
ياله تعالوا عزوا
و أجبروا بخاطري
مالحمتي حزنتني ومسخت علي دنياي وليلتي
أخ يالحمتي
والليله كيف بشد حلتي
الليلة لا ريحة حلة ولاشويةدسم يسد رمقي
أخ يالحمتي
أنشالله يجعل في ميران حسانتي ويجبر بخاطري
ويلهمني الصبر بسبب فقدانك يا لحمتي
|
Post: #2
Title: Re: رثاء لكيلوونص لحمة ضأن
Author: محمد البشرى الخضر
Date: 06-26-2011, 02:53 AM
Parent: #1
Quote: أنشالله يجعل في ميران حسانتي ويجبر بخاطري
ويلهمني الصبر بسبب فقدانك يا لحمتي |
و إن شاء الله يجعله في "ميران حسانتنا" احنا كمان
و يلهمنا الصبر على على قراية كتابتك يا ابو الزهور
|
Post: #3
Title: Re: رثاء لكيلوونص لحمة ضأن
Author: زهير عثمان حمد
Date: 06-26-2011, 03:43 AM
Parent: #2
ود البشري
يابتاع اللغة أنت تعرف في العالم الاسفيري ما في أي ألتزام بقواعد اللغة أو الكتابة بالطريقة التقليدية المهم أنك فهمت والسلام يا عبدالسلام
بعدين أنت عارف الاخ أبو الزهور بيكون في حالة أنسانية لما بيتكتب جغمستو دي خليك معنا في المضمون سيب القالب
|
|