السودان:ياكستاوي، المشرف ، ابوبكر صالح,حبيب نورا ، توما ،، و اخرين.. ا

Post: #1
Title: السودان:ياكستاوي، المشرف ، ابوبكر صالح,حبيب نورا ، توما ،، و اخرين.. ا
Author: Kabar
Date: 06-23-2011, 10:37 AM

السودان:ياكستاوي، المشرف ، ابوبكر صالح,حبيب نورا ، توما ،، و اخرين.. اى وطن اضعنا؟!!

لن يسمعوني..!
و لن يسمعوا ندائي، فهم مشغولون بمصالح الدنيا اياها..!
فهل تسمعوا ندائي يا اصدقائي و صديقاتي خلان الوفا و سمار الصفا..؟!!

رغم انف الإسلام السياسي..
رغم انف الحرب..
رغم انف أنصار السنة..
رغم ربيع العرب اياه..!!
رغم انف..الوهم هذا هو السودان الذي نعرف..و يجب أن يبقى..!!!
فهو باقي يتمدد في الأطراف و الأقاليم..
و ذاك امتداد.. لا ينتظر هدنة.. أو نيفاشا.. أو طلقة تنطلق لتصمت في صفقة هايفة..!!
سنبكي... و سيبكي معنا الأنقياء.. اي وطن اضعنا..!!
الوطن الذي يمتد اخضرارا في الحوافي.. فنقتله نحن ..!
الوطن الذي يتشكل غيمة، توعد بالخصوبة.. فنعلن نحن انه زمن الحيض..!
هي المماحكة..و هو الغي ، الذي يجعلنا لا ندرك قيمة من نحن..او كيف يجب أن يكون..!!

و ماذا يعني اهل السودان لو قلت:
اسمعنا مرة..!!
بلغة الأمهرا ، أو غيرها من لغات افريقيا الجملية؟!!

كبر

Post: #2
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:43 AM
Parent: #1

كبر

Post: #3
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:44 AM
Parent: #2

http://youtu.be/58jfW7-DawM

كبر

Post: #4
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:47 AM
Parent: #3

http://youtu.be/wn9tEfv00Ko
كبر

Post: #5
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:50 AM
Parent: #4

يوم في يوم نبيع الكــُمبا..

http://youtu.be/Z9WDv0OfiWA

كبر

Post: #6
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:52 AM
Parent: #5

مسامحك..يا حبيبي..
فليكن هو شعب السودان..!

http://youtu.be/bCP4qd6HsXA

كبر

Post: #7
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:54 AM
Parent: #6

http://youtu.be/T2R9TQqG3Bg
كبر

Post: #8
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 10:58 AM
Parent: #7

ســلام.. عيلكم.. يا الجـــُبال..!
ابا ويني قروشــو..؟!!

أو حاجة..كولين..كولين..!!

http://youtu.be/aopsv-XLV-A

كبر

Post: #9
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 11:01 AM
Parent: #8

اٍزيكم..كيفكنم..!
انا لي زمان ما شفتكم؟..!

مشتاق كتير..كتير..!

سلام دستة..!

http://youtu.be/bj_OBy7ruIw

و سودان كرتوم..!

كبر

Post: #10
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 11:08 AM
Parent: #9

وهذا مدخل الحنين..و الحنين لعنة ابدية..!
ادمه يالمبو..!
ممبرا..!
خلوا بالكم من ( السكنوك ديار نيالا)..!

http://youtu.be/WnjcHNnPLeo

كروه..!
الله..أكبر

كبر

Post: #11
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 11:10 AM
Parent: #10

و دمتم..جميعا..
فالوطن ، هو تلك اللحظة الفالتة التي نقتنصها حينما يتصورها الأخرين لما هو السودان..!!!

كبر

Post: #12
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-23-2011, 11:12 AM
Parent: #11

واحد/ة حريف/ة يستعدل المرفقات..و هي فيديوهات تغني السودان بلغات اخرى..!

كبر

Post: #13
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: قيقراوي
Date: 06-23-2011, 11:27 AM
Parent: #12

سلام يا كبرنا
يا كبيرنا

Quote:
و ماذا يعني اهل السودان لو قلت:
اسمعنا مرة..!!
بلغة الأمهرا ، أو غيرها من لغات افريقيا الجملية؟!!

يعني انهم يكونوا فعلاً اهل السودان بالجد

Post: #14
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Elmoiz Abunura
Date: 06-23-2011, 02:25 PM
Parent: #13

سلام يا كبر

عندما اخبرنى صديقى الاوحد فى السودان منذ 31 سنة, السلطان مشار اشيك أدير بالنبأ الكارثى, وهو اقتصادى عمل بحكومة السودان لمدة 34 عام, مؤسس لقطاع البترول
فى السودان, وأقدم مهنى فى حكومة السودان,نبأ تلقيه خطاب الاستغناء عن خدماته او احالته للمعاش لانه من قريه فى واراب, ايقنت بأننا نشهد احتضار
الوطن. صديقى الاوحد مشار هذا عاش فى الشمال الجغرافى 40 عاما, منذ المرحله الثانويه, ويعرف ازقة المورده اكثر من واو. هرولت وانا اردد بتصرف للبيردونى:
فظيع جهل ما يجري وأفظع منه ان تدري
وهل تدرين ياالخرطوم من المستعمر السرى
Cry Our Beloved Country

Post: #15
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: محمد حيدر المشرف
Date: 06-23-2011, 02:43 PM
Parent: #14

*

Post: #16
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-23-2011, 02:55 PM
Parent: #15

يا شعباً لهبك ثوريتك
للشاعر (محجوب شريف)

يا شعباً لهبك ثوريتك
تلقى مرادك والفى نيتك
وعمق احساسك بى حريتك
يبقى ملامح فى ذريتك
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
ماكَ هوين سهل قيادك
سّيد نفسك..
مين أسيادك
ديل أولادك
وديل أمجادك
ونيلك
هيلك
جري قدامك
تحت اقدامك
رجع صداك وسجع نحاسك
وانت نسيج الفدا...
هندامك
وانت نشيد الصبح كلامك
وعطر أنفاسك
أرفع صوتك..
هيبه وجبره
خلى نشيدك عالي النبره
خلى جراح أولادك
تبرا
كبروا...
مكان الضحكه العبره
إلاّ يقينهم فيك اتماسك
يا الإصرارك..
سطراً سطراً
مَلا كراسك

Post: #17
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-23-2011, 02:56 PM
Parent: #16

Post: #18
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: طارق جبريل
Date: 06-23-2011, 03:20 PM
Parent: #17

كبر كيفنك ياخي

تليشة:
انت الإنقاذ دي جات تنقذنا من شنو؟؟؟؟

Post: #19
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-23-2011, 03:37 PM
Parent: #18

خلى جراح أولادك
تبرا
كبروا...
مكان الضحكه العبره
إلاّ يقينهم فيك اتماسك
يا الإصرارك..
سطراً سطراً
مَلا كراسك

Post: #20
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: محمد حيدر المشرف
Date: 06-23-2011, 08:21 PM
Parent: #19

سأنتقى حبيب نورا ..
لا شبة تواصل ومزاج سياسي لتطالنى كما هو الحال مع ابوبكر صالح ..
ولا هى الجغرافيا التى تصل ما بينى وبين توما فى زمن الغربة والارتحال ..
وكوستاوى اكبر مننا شويه !!

وليكن خوجلى عثمان ..
ولتكن أسمعنا مره ..
ولتكن ..
الدنيا تبقى ما فيها مره ..
والكون يلالى يلالى بهجه ومسره ..

يا كبر بالغت !!!!

Post: #21
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Ishraga Mustafa
Date: 06-23-2011, 08:33 PM
Parent: #20

Quote: فالوطن ، هو تلك اللحظة الفالتة التي نقتنصها حينما يتصورها الأخرين لما هو السودان..!!!

Post: #22
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:02 AM
Parent: #21

قيقراوي..حبابك يا صديقي
كتر خيرك على المرور من هنا..
و الدعوة هي لكل اهل السودان ممن لديهم القدرة على التأمل رغم المأساة..!
واحدة من عجائب الدنيا يا صديقي ، فلتكن هي العجيبة التاسعة.. أن معظم شعوب افريقيا تعجب بالسودان و اهله و حاجاتهم الجميلة..و هذا الإعجاب يترجم في مواقف..منها الموسيقى..فنحن نشكي و نتشكى..و لكن حينما نسمع او نرى صورتنا في عيون الأخرين.. يصيبنا الذهول..هل فعلا هذه هي اشيائنا؟.. هل فعلا نحن من صنع هذه الأشياء؟..
و هنا يا صديقي تصيبنا الدهشة: شعوب تنظر الينا كالآخ أو الأخت.. الأكبر: الكبرى..و شعوب اخرى تنظر الينا مجرد تمامة عدد ساكت..ولا ينيبنا منها سوى تريقة..لا تأتي الإ من مخبول..!

كبر

Post: #23
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:02 AM
Parent: #22

صديقي المعز ابو نورا..حبابك
لينا طولة يا المعز يا اخي..
كتر خيرك على المرور ..!
التحية للصديق مشار..و كل الأصدقاء و الصديقات.. الذين يلعقون جراحهم مثلنا في الغرف البعيدة..و كلنا نرى تسرب الوطن من بين أيدينا..!
الشعوب الودودة الصديقة يا صديقي هي التي تحفظ السودان الجميل الأجمل..و الخوف.. يوم ما نصحو ولا نجد لنا ذاكرة سوى التي حفظها لنا الأخرون..!

كبر

Post: #24
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:03 AM
Parent: #23

كوستاوي..حبابك
كتر خيرك على المرور ..

كبر

Post: #25
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:03 AM
Parent: #24

صديقي طارق جبرين..حبابك
كتر خيرك على المرور..
المشكلة يا طارق.. نحن ناس السودان ديل زي الزول العيان نفسيا..يعني يكون هناك جهة تحلف بربها الأعظم انك عيان و محتاج انقاذ..و بتكرار الفكرة.. تقوم تصدق انك فعلا عيان..!
الكباري و السدود و البترول..عمرها ما بتنتقل عبر الحدود مثلما تفعل الموسيقى.. فلو استطعنا تجميل وجدان فرد واحد..و منحناه التصالح مع الذات و الجمال.. فهذا افضل من حمر النعم اياها..!

كبر

Post: #26
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:04 AM
Parent: #25

صديقي محمد حيدر المشرف..حبابك
كتر خيرك على المرور من هنا..!
لم افعل شئ يا محمد..و المبالغة الجد عند اهلنا في افريقيا..!
ناس يا محمد سورة الفاتحة.. بيغنوها.. شئ نقاقير..قيثارات..وتريات تقول يا ليل..و مافي شمطة أو تذمر.. لأنو النص عندهم بيعني حاجة مفورض تكون مع الإنسان..و سورة الفاتحة من اكثر النصوص التصاقا بالفرد في العالم الإسلامي..!
لكن الأهم.. هناك حزام يمتد من الشرق (جيبوتي) لغاية الغرب ( السنغال)..و بالرغم من انو حزام موبوء بالفقر.. لكن الإنسان فيهو جميل..و عندو الإستعداد يقدم حاجاتو للعالم بي ضبانتها..!
لمن اسمع غنانا عند الأخرين.. اتأكد فعلا أننا الشعب الوحيد الذي لم يعرف قيمة اشيائه..!

كبر

Post: #27
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:04 AM
Parent: #26

صديقتي اشراقة..حبابك
كتر خيرك على المرور من هنا..!
هي حيلة الجأ اليه كلما واجهت نفسي بالسؤال الكبير: ماهو السودان؟..و ماذا يعني أن تكون سوداني/ة؟..
و اضحك لمن اشوف اجابتنا الفطيرة .. من شاكلة السودان بلد عربي أو افريقي..و نحن ناس الكرم و الجود..و نحن الناس المستعدة تموت وهم..!
و لكن.. حينما اتجول في منجزات ثورة التواصل.. اكتشف سودان اخر لم يخطر على بالنا..!
هنا يا اشراقة في البلد التي اقيم فيها.. ناس من اثيوبيا.. ارتريا.. الصومال.. جيبوتي.. مالي.. النيجر..السنغال.. غانا..انغولا..زامبيا.. تنزانيا..لمن تشوف السودان عندهم.. تدي ربك العجب..و تقولي لي روحك: صحي ده السودان؟..
سر النقارة يا صديقتي..هو السر الخفي الذي اكتشفه اهلنا الأفارقة..و برغم فقرهم و ظروفهم..مصرين يعرضوا الحاجات للعالم..!
السودان الذي نعرف هو السودان المفترض.. اما السودان في عيون اهلنا الأفارقة.. هو السودان الحقيقي الذي لم نتوصل بعد اليه..!

كبر

Post: #28
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-24-2011, 01:08 AM
Parent: #27

http://youtu.be/DpL1btDPni4

كبر

Post: #29
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-24-2011, 01:56 AM
Parent: #28

Post: #30
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-24-2011, 02:02 AM
Parent: #29

Post: #31
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-24-2011, 02:32 AM
Parent: #30

يا كبر الحاجات دي نكتها من وييييين?

دي كرمبة ما معقولة!
طبعا كمبيوتر الشغل عاملين بلوك لأي يو تيوب
لمن مشيت البيت شوفت المهرجانات دي
و عزمت أولادي و أمهم للمشاهدة....(أولاد ال###### الأمركان)

ياخ دي ما أسمعنا مرة
دي أسمعنا و أفتح عيونك و شوف السودان يا هؤلاء

و الله يا كبر مافي أعظم من السودان دا
لكن بعضم حالفين يعفصوه و يهدموه و يشيلو الكأس

كدى خليني أشوف باقي اليو تيوب

و شكرا على نقر الرؤوس

best regards

Post: #32
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: محمد حيدر المشرف
Date: 06-24-2011, 07:43 AM
Parent: #31

Post: #33
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-24-2011, 04:13 PM
Parent: #32

يا ودالنشرف

غايتو الطلعتا بيه أنا من الفيديوهات دي إنو غنانا السوداني دا سمح خلاص لكن ما يعيب الفنان السوداني هو الآداء المسرحي والتعايش مع الغنية.
ولا شنو?

Post: #35
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: abubakr salih
Date: 06-24-2011, 04:17 PM
Parent: #33

تشكرات كتيرة للعزيز كبر برجع للبوست بالمهلة، اليومين ديل النت فى البيت عطلانة و الدنيا عطلة فى بلادنا هذه و انا زاتي متعطل من الجامعة. ابنجكو راجع بالحيل.

Post: #34
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kostawi
Date: 06-24-2011, 04:14 PM
Parent: #32

يا ودالنشرف

غايتو الطلعتا بيه أنا من الفيديوهات دي إنو غنانا السوداني دا سمح خلاص لكن ما يعيب الفنان السوداني هو ضعف الآداء المسرحي والتعايش مع الغنية.
ولا شنو?

Post: #36
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: محمد حيدر المشرف
Date: 06-24-2011, 04:27 PM
Parent: #34

قدامى كانت عظمة الانسان السودانى يا كوستاوى ..
وتعدد ثقافاتنا وقدرتها على التأثير والامتداد ..
ووطن حدادى مدادى وأكبر مما حدث ويحدث ..

Post: #37
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: محمد حيدر المشرف
Date: 06-24-2011, 05:04 PM
Parent: #36

وماله ايقظ الشجون ..

Post: #38
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: توما
Date: 06-24-2011, 08:53 PM
Parent: #37

Quote: سأنتقى حبيب نورا ..
لا شبة تواصل ومزاج سياسي لتطالنى كما هو الحال مع ابوبكر صالح ..
ولا هى الجغرافيا التى تصل ما بينى وبين توما فى زمن الغربة والارتحال ..
وكوستاوى اكبر مننا شويه !!

و أختار الـ (آخرين)

بسحنات وقلوب ملونة

تقلبها السخانة في منتصف السوق العربي

وأتجول بينهم بإلفة قد تفرقها صرخة داوية تنذر بحرب وشيكة في اي لحظة

وأقلب بصري و أمده تارة بين الشوارع

وهي تنثر غبارها علينا وترشه رشاً

ونحن نمشيها كل يوم

علي مهل

ولا همانا شئ

وأقدل في عرض هذا الوطن

ملئ بالجراح

وهو لا يدري من أين ياتيه الوجع

أو من ينثر الملح و يطاء الجرح كل صباح

كل صباح ...

الونسة العامة

عن المعيشة التي أصبحت شبه مستحيلة

أما الحياة نفسها

فهذا حديث آخر

والحرب

خبر عابر في منتصف الونسة

وهو ترف لا نمارسه كثيراً

مشغولون نحن باخبار الرغيف

الكهرباء

المياه

والأمنيات

ويا ريت

يا ريت ...

______________

أي وطن يا كبر ؟

أي ؟

Post: #39
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: توما
Date: 06-25-2011, 06:16 AM
Parent: #38

..

Post: #40
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-25-2011, 08:51 AM
Parent: #39

كستاوي..حبابك يا صديقي
الكرمـُبا الجد يا كستاوي.. لم نجيب ليك اوركسترا الأمم المتحدة و هي تعزف مقطوعة (كوش)..!!
في مثل هذه الفيديوهات يا صديقي.. هناك وطن موازي لم نعرف عنه..و لم نقدر قيمته الحقيقية..!
عندي زعم أن المزيكا عندها القدرة على اظهار الوحدة الأفريقية اكثر من المنظمات و السياسة و الإنقلابات العسكرية..و الهويات الكذوبة..!

كبر

Post: #41
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-25-2011, 08:52 AM
Parent: #40

صديقي محمد حيدر المشرق..حبابك
كتر خيرك على الحضور و الإجتهاد في التعديل..
يا ريت تكتب لينا الطريقة هنا..
زمان الجماعة ورونا طريقة..و البورد كل يوم و تاني قايم بعفاريت جديدة.. ياهلنا نحنا تجاوزنا الأربعين ياخي.. فالقوم سداري ده ما عندنا ليهو قدرة تب..!

كبر

Post: #42
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-25-2011, 08:54 AM
Parent: #41

صديقي ابوبكر..حبابك
كتر خيرك على المرور من هنا..
ولازم ترجع يا ابوبكر..و معاك يرجع محسن خالد..و محمد حسبو..و شهاب كرار..
فهذا مدخل ، رغم قساوة النزيف الحاصل في السودان ، محتاج الشوف من زاوية تانية..!
السياسة و جربناها يا ابوبكر..و لم نحصد سوى الحصرم ( و هذا لا يعني عدم جدواها).. لكن هناك مداخل اخرى الشعب السودان محتاج يختبرها و يجربها..!
الغالبية يا ابوبكر.. في السودان اصبحت مسخ مشوه..اعيته السياسة..و صدقني نظريتي الجديدة للشعب السوداني انو ندخل من درب المزاج..و هو دخول هادئ و ناعم..و مؤثر للغاية..و متأكد انو ح يجيب تمنو..!
و نشوفك ضروري يا ابوبكر..ولا عتب عليك ياخي..اهو النزيف في داخل البيت لكن برضك بنقاوم و بنحاول التفرج على ذات الإنسان في الذات السودانية عسى و لعل نمرق بي حاجة..!

كبر

Post: #43
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-25-2011, 08:54 AM
Parent: #42

صديقتي الجميلة توما.. حبابك
كتر خيرك على المرور من هنا..
عارفة يا توما.. البعد بيعلمنا الشوف للحاجات من زاوية تانية..
بالحساب يا توما.. افقر شعوب افريقيا.. هي مالي و اثيوبيا..
و نفس المدن و العواصم يا توما..ماليها الغبار و شظف المعيشة و غلائها الطاحن..و نفس الشعوب بتشكي باستمرار..لكن عندهم ارادة قوية و لم اجدها في السودان..!
اليوم يا توما.. لمن الاقي لي واحدة من مالي أو السنغال أو توجو.. أو الكاميرون.. ممكن يكون ناسيين اسم رئيس الدولة.. لكن ما ممكن ينسوا الحنين الجارف لناس متل.. على فاركا توري أو فيلا كوتي.. او سالف كيتا.. او علي بيرا.. او محمود احمد.. او محمد وردي أو سيد خليفة..!
واحد سنغالي يا توما.. معاي في الشغل..مصاقرين بعض تمانية ساعات في اليوم.. اربعين ساعة في الأسبوع..و كل يوم افرجو فيديو مزيكا سودانية..و رأيو ثابت.. انو وهم في وهم..ياخي لمن زعلت..و يوم قلت ليهو ياخي انتا ما عندك فكرة عن السودان ده..!
طبعا ضحك بسخرية..و دخل اليوتوب..ومرق لي بمقطوعات للموسيقار النوبي العالمي حمزة علاء الدين..!
اتحيرتا.. و عرفت انو هو اعمق مني كتير..و متأكد يا توما الليلة.. لو عملت امتحان للناس الحايمة هنا دي انها تذكر خمسة مقطوعات من حمزة علاء الدين.. سيقف حمارنا في العقبة زي الماحاصل شي..!
قاعد اتفرج على مقطوعات من الكوميديا التشادية..و ديل شعب مزاجهم سوداني.. غناهم سوداني.. نكاتهم سودانية..مرة قلت لواحد شاب هنا (طبعا هنا التشاديين بيتكلمو فرنسي)..ياخي انتو قاعدين تسرقوا حاجاتنا؟.. عقد صاحبنا حاجبي الدهشة و قال نسرق حاجاتكم شنو.. دي حاجات السودان..و السودان ده نحنا يا قريبي من ساحل العاج لغاية جيبوتي..!
المحيرني يا توما.. ناس من رواندا و غانا..و عمرهم ماشافوا السودان .. لكن بيحترموا السودان بطريقة لم اجدها في الشعب السوداني..ده ناهيك عن الأثيوبيين و الأرتريين و الصوماليين..!
اي حاجة شفتها في السودان التحت.ز نقاقيير..طبول,, شتم..ام كيكي.. وتريات..الخ..كل حاجة اتمنيت انو العالم يعرف عنها.. اهلنا ناس افريقيا ما قصروا وصلوها للعالم..!
ياخي حتى لبس البنات يا توما.. في غرب افريقيا عندهم لبسات معروفة مثل الخرتوم..امدرمان..نيالا..و الفاشر..!!
مرات قاعد احس انو لعنة الوعي السياسي الزائد هي آفة اهل السودان..و لمن ارجع اقارن حاجاتنا مع الآخرين.. اجدهم اعمق مننا سياسة..و فلسفة..و حضور موسيقي..!
لذلك كان سؤالي الملح المرير: أي وطن أضعنا؟..و من عجب لسع مصرين نضيعوا اكتر و اكتر..!!

كبر

Post: #44
Title: Re: السودان:ياكستاوي، المشرف ، ابوبكر صالح,حبيب نورا ، توما ،، و اخرين
Author: Kabar
Date: 06-25-2011, 09:01 AM
Parent: #43

السايق العظمة سافر..
حليمة محمد قول ( حليمة الصومالية)..

http://youtu.be/8GJdI0DqS7U

كبر