تلفزيوننا هذه الايام خال من الزرقة...ايه الحاصل!؟

لي فترة وانا بسال نفسي عن مذيعين فجاة اختفوا من شاشة تلفزيونا واصبح يهيمن عليه مذيعون ومذيعات بلون المنقة واخرون واخريات متلبطون في لون المنقة بشيء من الكريمات وشيء من الجير؟
وين المذيعة الانيقة الحليوة بنتنا بت الجنوب اللي كانت حاجة مميزة بزيها السوداني في برنامج( بيتنا) وبلسانها السوداني الفصيح؟ ووين كمان المذيع الذكي (فارس) وهو ايضا مذيع مثقف ومتميز وهو ايضا من ابناء الجنوب صاحب لغة عربية جزلة؟ وبرضو في مذيع جنوبي اخر كان في برنامج (بيتنا) ولم يحضرني اسمه وهو ايضا مثقف ومتمكن جدا من اللغة العربية اكثر من (المتشعبطين) في اهلها؟
الحاصل شنو. هل ذهبوا جميعا مع قانون جديد علي سياق سيئ الذكر ما سمي ب قانون(الصالح العام) لانهم صوتوا لصالح انفصال الجنوب ولا مجال هنا لجنوبيين في تلفزيون الشمال ام طواعية تركوا العمل في التلفزيون وقرروا الذهاب الى الجنوب حيث دولة الجنوب؟؟؟