الخروج والعودة لجنابو عمر عثمان ؟!!!!

اولاً انا سعيد جداً انك رجعت لعرينك الاتحادي ،، ورغم انها من الحريات والخيارات الشخصية لكن دايماً كنت ببحث فيك عن حاجة تشبه اولاءك الناس وذاك الحزب !! لكن عودتك كفتني جزء من السؤال ..
كثيرون خرجوا من احزابهم وانضموا للمؤتمر الوطني وآخرين خرجوا منه لاحزابهم او تركوا الانتساب لاي من الاحزاب ...وانت احد هؤلاء الذين عادوا لحزبهم بعد تجربة الانتماء لحزب المؤتمر الوطني ..لذا عاودني السؤال عن اسباب ترك الاتحادي والذهاب للمؤتمر الوطني واسباب العودة منه للاتحادي ...مالذي تغير في الحزب الاتحادي حتى تعود اليه ومالذي تغير في المؤتمر الوطني حتى تتركه ؟!!!
عايزين تحدثنا عن التجربة دي لومايبقى تدخل في خصوصياتك ..


تحياتي ،،،

كنا عايزين نسال اخوانا الانضموا للمؤتمر الوطني مؤخراً لكن اهو حردوا المنبر وماادونا فرصة نسألهم ..واخونا عصام دهب كان شجاع وكتب لينا عن تجربته واسباب انكفاءه* والانضمام لحزب المؤتمر الوطني ..





ـــــــــــــــ
* دي من وجهة نظري طبعاً .

هلا يافايز والف شكر على هذه الاسئلة المشروعة ....

اعدك باجابة شافية كافية ان شاء الله بس اديني فرقة شوية كده ...

Quote: هلا يافايز والف شكر على هذه الاسئلة المشروعة .... اعدك باجابة شافية كافية ان شاء الله بس اديني فرقة شوية كده ...

ياهلا بالحبيب عمر ...مامشروعة بس زوق منك اصبحت مشروعة ..وشكراً لتفضلك بالافادة عن هذه التجربة ..

ونحن في الانتظار وعلى اقل من مهلك ..


احترامي الشديد ياعمر ..

الاخ فايز

تحية واحتراما

رغم قربى من الاخ عمر الا اننى كنت اكثر استغرابا ودهشة من خروجه الاول, ولم يساورنى

الشك لحظة واحدة انه لا محالة عائد الى حزبه القديم برغم ما قد يصيبه جراء الخروج الاول

والعودة الاخيرة.

اسئلتك مشروعة وتدور فى اذهان الكثيرين وقد سبقك احدهم فى بوست الاخ رغيم وكنت عايز اطلب

تاجيلها شوية لكن اهو صاحب الشان جاء بنفسه ووعدك باجابة شافية.

Quote: اعدك باجابة شافية كافية ان شاء الله بس اديني فرقة شوية كده ...

عمر عثمان

بالله ما تطول علينا وتعمل لينا مسلسل قصصك اياه, تعال بسرعة وجاوب قبل ما نرشك

كسرة: الوكيل ما ببقى اصيل!!! دى عينة من الرش الراجيك كان طولت الغيبة وعملت فيها رايح.

تحياتى

ابراهيم وراق ..سلامي واحترامي ..

عمر من الناس المحترمين في هذا المنبر وانا والله سعيد لسماع هدايته ولانه انسان صادق متوقع حديث عن تجربته بكل شفافيه وقد تفيد الكثرين ..


اسعدني مرورك .. ومعك من المنتظرين..



تحياتي ،،

Quote: كنت ببحث فيك عن حاجة تشبه اولاءك الناس وذاك الحزب !!

مالهم اولئك الناس وذاك الحزب
كدي عيبهم لي يا فايز يا ود القاضي!!!!!!!!!!!!!!

الواحد فيكم يكون بره البلد وما عارف الحاصل جواها
يجي يقعد ينظر لينا
لو انت محرووووووق على البعملوه ناس المؤتمر الوطني
تعال اقعد جوووووووووه البلد واتكوي بي نارها
بعد داك تعال نظر في المؤتمرجية

العزيزة ميادة ..سلامات
عرفنا تركتوا المشروع الحضاري ..السلام عيبيهو لي ؟!!!



تحياتي ،،

وعليكم السلام والرحمة والبركة فايز ود القاضي

برضو ما رديت علي

انا قبيل كنت بعتقد انو ملاسي كان على حق
ولكن الان تاكد لي انه فعلا كان على حق

Quote: انا قبيل كنت بعتقد انو ملاسي كان على حق ولكن الان تاكد لي انه فعلا كان على حق

يا استاذنا محمد ابراهيم
مع احترامي ليك
مستواااااااااك تدهور شديييييد وكت بقيت تستهدي باقوال الملاسي هذا

ياهلا ميادة ..

Quote: برضو ما رديت علي

طيب نرد عشان مانزعلك ..

Quote: مالهم اولئك الناس وذاك الحزب كدي عيبهم لي يا فايز يا ود القاضي!!!!!!!!!!!!!!

انا لو قعدت اعيب ليك المؤتمر الوطني مابخلص وعمري يخلص ..لذلك ياريت تغيري السؤال للاسهل ..مثلاً اذكر لي محاسن المؤتمر الوطني حينها بذكر ليك ..

Quote: الواحد فيكم يكون بره البلد وما عارف الحاصل جواها يجي يقعد ينظر لينا

الحاصل جوه البلد ياهو المرقنا منها ..

Quote: لو انت محرووووووق على البعملوه ناس المؤتمر الوطني تعال اقعد جوووووووووه البلد واتكوي بي نارها

وليه يكون فيها نار من اساسه ؟!!!

مؤخرا تم اعفاء فتحي شيلا من مهامه كامين لامانة الاعلام بالمؤتمر الوطني
والجدير بالذكر ان الشقيق عمر كان قد انتقل الى صفوف المؤتمر الوطني
ضمن معية الشقيق شيلا

مالهم اولئك الناس وذاك الحزب
كدي عيبهم لي يا فايز يا ود القاضي!!!!!!!!!!!!
----------------------------------------------
عيب شـنو يا ميادة ??
الكيزان ديل قتلة
الكيزان ديل حرامية
الكيزان ديل منافقين
ديل العيب يقوم جاري منهم !

فكي ابكر ..في منطقة الدلنج ..خرج من الاتحادي وانضم للجبهه الاسلامية ... وخرجو معاهو كل قبيلته وانصاره ... وعند عودة الوضع الديمقراطي كما يسمى ..وبداية الانتخابات ..رجع للحزب الاتحادي ...فسالته القبيلة ..ليه عملت كدة ..قال ليهم .. الزول البتربيهو خالتو لامن تجي امو برجع ليها ولا لا ...!!!

اتحاديون نعم ...

يا ســلام .. خـبر مفـرح والله
لأن الأخ عمـر عثمان لا يشبـههم
عـودا حمـيدا يا عمـــر
-----------------
شكــرا ود القاضـي

Quote: تعال بسرعة وجاوب قبل ما نرشك

*** ود القاضي ياأمير الشوق أطنان
ـ تسلم ياخ

*** أما صاحبك عمر حأروشو ليك حأروشو.

الاخ فائز

سلام

الخروج من حزب ديمقراطي إلى حزب شمولي شئ غريب...
لكن العودة تصحح تلك الخطوة الخطأ..


جنابو ده لو ارتد ما عندنا معاه شئ.. طالما هو في حوش الصفوة



تحياتي

سلامات جنابو الطيب..

Quote: *** أما صاحبك عمر حأروشو ليك حأروشو.

ابدا رش بس .. وانا بجيك بالدكّاكة اساوي ليك الزوائد ..
الزول دا لازم يترشا ويتساوي بعد دا..

ــــــ
حمد لله سلامة يا عمر عثمان يآخ .. ماطولت غايتو ... منتظرين انعام حفيظ تحضر ..
يارب حاتفك ليها زغرودة والا بتقول ووووووووب ..

اخونا / فايز ود القاضي

تحية طيبة
ومبروك عودة جنابو للحزب الاتحادي، وعمر انسان جميل جدا..
استميحك العذر لسؤال جانبي للأخ / احمد محمد عتيق..

Quote: الزول البتربيهو خالتو لامن تجي امو برجع ليها ولا لا ...!!!

الكلام ده جملة مفيدة من زول حكيم مثل فكي ابكر

الا لكن نفهم من كده انو (الجبهة الاسلامية والاتحادي ) اخوات ؟؟

مودتي

التحية لكل الذين مروا من هنا ..وكلنا في الانتظار صحبة ...