Post: #1
Title: يا ود الصايم الجماعة زادوا للحبش كوتة اللوتري
Author: Osman Musa
Date: 06-19-2011, 06:08 PM
عارف ؟
زادو للحبش كوتة اللوتري تخيل .
السبب يا ودالصايم قالوا الحبش
بينخرطوا في برامج الدراسة اكثر من بعض الجنسيات .
والحبشي نشيط في دفع الضرائب ودخول مدارس التمريض
ومدارس تعليم الحلاقة وتعليم قيادة التاكسي والصيدلة
والفنادق والسفر والسياحة والمحاسبة والتاتو ودكاكين اللحم .
شايف يا ود الصايم الحبش كاسحين سوق الهجرة كيف ؟
|
Post: #2
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-19-2011, 08:12 PM
Parent: #1
والله يا ود الصايم انا
ما حاسد الحبش في زيادة الكوتة .
مالو ؟
ماهم شعب مكافح ومجتهد وأمريكا بلد التنافس الشريف .
الا كمان مع اللوتري في سطو مصلح ومستمر علي التراث السوداني .
يا أخي أغنيات زي أغنية وسط الدايرة والاماني السندسية وKeda Keda Ya Terella
كلها دي قالوا أغاني حبشية وندا القلعة قالوا من بنات الامهراء .
وتم تحويل ملاح التقلية يا ود الصايم الي T . sniny
|
Post: #3
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-19-2011, 09:10 PM
Parent: #2
عاين .
الناس ديل قصة مكنكشيين في اللوتري
دي نعم مكنكشيين .
بس برضو هم أولاد حلال . يا أخي الناس ديل راصدين رصد عجيب .
عارفين معدل النمو في أي ولاية . وناقشين أفضل الوظائف والمميزات
والسلبيات غايتو عندهم تنظيم جد .
|
Post: #4
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-19-2011, 10:57 PM
Parent: #3
HOW ؟؟؟
يازول بعد السطو العجيب
علي ماركة التقلية المسجلة
السطو أصبح عادي وعلي جميع المواقع .
أغنية Keda Keda Ya Terella مع الساكسفون
في ضاحية Silver Spring بتكلف 50 دولار . بالدولار الجديد .
وياريت تقيف علي الترلا والتقلية واللوتري
|
Post: #5
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-20-2011, 03:29 AM
Parent: #4
ديل صعبين .
شغالين منشار .
فاهمين طرق عديدة للهجرة .
زي طريقة لم الشمل . يعني العندو أب أو أم أو أخت أو زوج
أو زوجة .
وناقشين كيف تكون الهجرة بالتبني .
وهجرة رجال المال والاعمال والاستثمار . الحبش حديد .
|
Post: #6
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-20-2011, 01:37 PM
Parent: #5
ودي خلاف الكوتات القديمة
بتاعت سنة 1984 بتاعت عملية موسي .
يقول : هودي يمانو ذو ساب وهو يهودي حبشي
عملية موسي كانت عجيبة . نقلنا من جبال الحبشة الي شرق السودان
ثم الي الخرطوم . الخرطوم كانت مدينة ضخمة وجميلة .
العملية كانت بمساعدة جورج بوش نائب الرئيس
الأمريكي في ديك الأيام . وعون الرئيس نميري .
يعني الليلة أغنية كدا كدا يا الترلا باليهودي وبالحبشي .
|
Post: #7
Title: Re: يا ود الصايم الجماعة زادوا للحبش كوتة اللوتري
Author: ناظم ابراهيم
Date: 06-20-2011, 03:39 PM
Parent: #6
يا عثمان
يا حبذا لو صار اللوتري حكرا على الحبش...
|
Post: #8
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-20-2011, 04:15 PM
Parent: #7
يا ناظم ياخ اتنين ؟؟
وسط الدايرة واللوتري
|
Post: #9
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-20-2011, 07:23 PM
Parent: #8
ياريت ناس كليات الطب
في السودان يصحصحوا شوية
ناس الطب عندهم فرص قوية في مضمار الركض نحو ال Green Card
وممكن ناس المحاسبة
|
Post: #10
Title: Re: يا ود الصايم الجماعة زادوا للحبش كوتة اللوتري
Author: محمد عبد الماجد الصايم
Date: 06-21-2011, 11:41 AM
Parent: #9
كلام والله يا عثمان!!
بعدين بتخيل لي السودانيين أكثر شعب ما بستفيد
من الهجرة .. أهم حاجة تصل أمريكا وتشتغل دليفري!
نادرا ما تلقى ليكـ زول واصل قراية ولّ حاول يطوّر نفسو!
|
Post: #11
Title: Re: يا ود الصايم الجماعة زادوا للحبش كوتة اللوتري
Author: Ammir Mohamed
Date: 06-21-2011, 12:00 PM
Parent: #10
Quote: كلام والله يا عثمان!!
بعدين بتخيل لي السودانيين أكثر شعب ما بستفيد
من الهجرة .. أهم حاجة تصل أمريكا وتشتغل دليفري!
نادرا ما تلقى ليكـ زول واصل قراية ولّ حاول يطوّر نفسو! |
جنس حسادة يا أب جضوم!
عثمان كيفك.. الغريبة الليلة بقرا في الجزيرة قالو في 20 ألف رافعين دعوى على الحكومة بسبب اللوتري الضرب ورسل رسائل تهنئة بسبب خطأ تقني.
|
Post: #12
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-21-2011, 04:12 PM
Parent: #11
عزيزنا ود الصايم
سلامات
لا لا والله قراية تقيلة
أهلك السودانيين كامشين السستم قوي . كامشين شغل اللغة
العربية في الترجمة والتدريس والطبابعة والتصحيح كمش السنين .
وأنت عارف الليلة اللغة العربية هي لغة المال والاعمال . لا لا والله في
تطور عجيب . بس يا أخوي نحنا هجرتنا هجرة جديدة مش قديمة زي هجرات
السوريين واللبنانيين واليمن والحبش السرقوا الترلا .
|
Post: #13
Title: Re: يا ود الصايم الجماعة زادوا للحبش كوتة اللوتري
Author: mohmed khalail
Date: 06-21-2011, 04:21 PM
Parent: #12
سلامات يا عثمان
يا ريت لو سرقو غنانا كلو ياخ..
الحبش ناس اصيليين ومتمسكين بتراثهم..
ياخ ديل علموا الامريكان اياكلو الانجيرا والزقنه بيديهم.
ونحن وحاتك ..بقينا ناكل الكسرة بالشوكة والسكين,,
تخيل شوف عين والله الكسرة بالشوكة والسكين!!!!
حلال عليهم اللوتري ووسط الدايرة وندى القلعة زااااااتو.
|
Post: #16
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-21-2011, 09:37 PM
Parent: #13
العزيز محمد
سلامات
الناس ديل عندهم ملفات لجميع جاليات العالم .
الحمد لله السودانيين كويسين ما عندهم مشاكل في ملف الجريمة .
مع الاهتمام بدفع الضرائب حنكون فوق وحنزيد الكوتة .
|
Post: #14
Title: Re: يا ود الصايم الجماعة زادوا للحبش كوتة اللوتري
Author: حبيب نورة
Date: 06-21-2011, 04:26 PM
Parent: #12
والله يستاهلو
ناس في حالهم وما عندهم مشاكل وما بتاعين دُشمان
ناس معاييش ساكت
كيفنك يا عثمان
|
Post: #15
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-21-2011, 05:28 PM
Parent: #14
عزيزنا امير
سلامات
جميلة قصة صاحبنا الاثيوبي اليهودي
بتاع عملية موسي 1984 . زول حكاي .
قال : هو من نسل الاسباط .
الناس ديل شداد وفاهمين اللعب ودرب النجاح .
|
Post: #17
Title: Re: يا ود الصايم الجماعة زادوا للحبش كوتة اللوتري
Author: Ammir Mohamed
Date: 06-22-2011, 05:34 AM
Parent: #12
Quote: لا والله قراية تقيلة
أهلك السودانيين كامشين السستم قوي . كامشين شغل اللغة
العربية في الترجمة والتدريس والطبابعة والتصحيح كمش السنين .
وأنت عارف الليلة اللغة العربية هي لغة المال والاعمال . لا لا والله في
تطور عجيب . بس يا أخوي نحنا هجرتنا هجرة جديدة مش قديمة زي هجرات
السوريين واللبنانيين واليمن والحبش السرقوا الترلا . |
سلام يا عثمان
ياخي أخوك شغال في نفس المجال (في مجالو) ده في دبي ولوترابي كل خمسة شهور شغال بستم طالع نازل والأتلانتيك أفنيو بتاعكم ده كل مرة مطلع روحي أضيع فيه على راحتي لامن أصل ولحدي هسع ما لقيت لي حاجة تقعدني معاكم!!
تحياتي
|
Post: #18
Title: Re: يا ود الصايم الجماعة زادوا للحبش كوتة اللوتري
Author: محمد عبد الماجد الصايم
Date: 06-22-2011, 07:42 AM
Parent: #17
غايتو من جابو سيرة الكسرة بالشوكة
اتذكرت عمكم بشاشا وفطور بكري في رمضان!!
|
Post: #19
Title: Re: يا ود الصايم الجماعة زادوا للحبش كوتة اللوتري
Author: محمد عبد الماجد الصايم
Date: 06-22-2011, 07:43 AM
Parent: #18
أمير يا عمكـ .. عندي تلاتة بنات
|
Post: #20
Title: Re: يا ود الصايم الجماعة زادوا للحبش كوتة اللوتري
Author: omar alhag
Date: 06-22-2011, 08:01 AM
Parent: #19
والله ما قطعنا .. لي كلامكم
لكن الجماعة ديل .. بعد كده يبجي يخموهم عديل بي طيارات لي امريكا (توجد صورة)
مرفق نموذج
يا اخي اقوليك .. اتصرفو
انتو عارفين يا شباب زمان حميد قال مافي فرق بين واشنطون والخرطوم
هسه مافي فرق
بين الديم وابيي .. وبهناك اكتر كما ..
يعني الامم المتحدة زاتا زدات كوتة... الحبش ...
الناس ديل عليهم إقبال اممي ودولي .. واشياء اخري مفيدة
اتمني انو اكون أثريت النقاش بالنموذج المرفق لسيادتكم
وتفضلو بقبول وافر الشكر والتقدير
عمر الحاج .. الخرطوم
|
Post: #21
Title: Re: يا ود الصايم الجماعة زادوا للحبش كوتة اللوتري
Author: محمد عبد الماجد الصايم
Date: 06-22-2011, 08:17 AM
Parent: #20
عمر الحاج!! إنا لله
غايتو مداخلتكـ دي زي قصة (الحبش داخل البص!)!
يا الله أوعدنا باللوتري
|
Post: #22
Title: Re: يا ود الصايم الجماعة زادوا للحبش كوتة اللوتري
Author: omar alhag
Date: 06-22-2011, 08:31 AM
Parent: #21
والله ياود الصايم ..
وحات خوة الاسافير دي
نفسي امشي المفاوضات بتاعت اديس ابابا دي ..
انت مش ملاحظ حاجة الجماعة ديل اول ما يمشو اديس بتفقوا....
عليه انا وانت (اكان تابي كان تزعل)
نطالب المجتمع الدولي ومجلس الامن بتوسيع ( بتوسيع دي حلوة صاح) .. الاقواس من عندي
بزيادة القوات الاثيوبية (المرفقة في المداخلة الفوق ديك) وبصلاحيات واسعة (برضو) وان يكون المقر الرئيسي مدينة الخرطوم
حي جبرة مربع 15 (شفتو كيف)
ولا نامت اعين الجبناء (الما دايرين الجماعة ديل)
وياود الصايم يا تحبشو السودان يا نسودن الحبشة
اهو .. كوتة .. كوتة .. الليل نعدو
|
Post: #23
Title: Re: يا ود الصايم الجماعة زادوا للحبش كوتة اللوتري
Author: محمد عبد الماجد الصايم
Date: 06-22-2011, 08:45 AM
Parent: #22
ود الحاج .. أتفق معاكـ حتى تستغيث!!!
غايتو لو استمرت قصة تقسيم السودان دي
أنا أطالب بالانضمام إلى الحبشة رسميا
|
Post: #24
Title: Re: يا ود الصايم الجماعة زادوا للحبش كوتة اللوتري
Author: omar alhag
Date: 06-22-2011, 08:57 AM
Parent: #23
أنا أطالب بالانضمام إلى الحبشة رسميا
هيييييييييييييع
ود الصايم إتحبش حبس الدرب ياليلة
يا تربطو الاحزمة ,, وإلاّ إنحرف البوست
عن مساره ومقاصده الحقيقية
ولو جابو لينا غير الحبش .. بنقطع ليهم يدهم
والبعاين لقوتنا الاممية الحبشية بنقد ليهو عينو
اها
اضيف رد ولا داير تشاهده قبل نشره
بخصوص اللغة والكلام البلود ده
معليش يا حبيب اخوك الايام دي بحضر التلفزيون كتير
والله من وراء القصد
|
Post: #25
Title: Re: يا ود الصايم الجماعة زادوا للحبش كوتة اللوتري
Author: محمد عبد الماجد الصايم
Date: 06-22-2011, 09:01 AM
Parent: #24
| Quote: معليش يا حبيب اخوك الايام دي بحضر التلفزيون كتير |
يعني عن قريب ح تكون محتاج عملية (رقع) مرارة مفقوعة!!
|
Post: #26
Title: Re: يا ود الصايم الجماعة زادوا للحبش كوتة اللوتري
Author: omar alhag
Date: 06-22-2011, 09:54 AM
Parent: #25
يالحبيب ان رقعي انفقعت
دايرة لي
مرارة جديدة عديل كده
انت ما تحاول توزغ من القضية الاساسية التي من اجلها رفعنا البوست
حباب الحبش امم متحدة ولا لوتري ولا يقطعو في كرتله المهم الكوتة تزيد و() الاقواس دي اي زول وحكنو يكتب الداير يكتبو
شكلك كده ما اتيت لي حوار
داير تجهجهني بالمرارة وانا فاطر بي فتة عدس
وحاتك اتا ما عرفتو عدس الا لمن شربت الشاي وشالو مني الشيرنغ ..... قول يالنبي نوح ..
انزل الصور ولا .......
غايتو تلاتة مدخلات تاني يدي بتاكلني وعلي الطلاق الصور في الجيب الفوق قاعدات علي الهبشة
اهبش ليكم الحبش ولا لسة
|
Post: #27
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-22-2011, 03:20 PM
Parent: #26
عزيزنا حبيب نورة
سلامات
ياخ جيت الصباح لقيت
صاحبك عمر الحاج وأقف بي ملفاتو
في صف التقديم بتاع الحبش . يعني محل الكوم الكبير .
|
Post: #28
Title: Re: يا ود الصايم الجماعة زادوا للحبش كوتة اللوتري
Author: د. ياسر عبد القادر
Date: 06-22-2011, 03:45 PM
Parent: #27
عثمان: كدا كدا يالترلة دي وين في سلفر سبرنق.....
وحات جدي الشيخ شرف الدين....غير الحبشية العجوز الشغالة في محطة البنزين في برقز شيني...مالاقاني زول
الكلام دا إلا بعد 12 بالليل
|
Post: #29
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-22-2011, 05:18 PM
Parent: #28
عزيزنا عمر الحاج
سلامات
يا عمر أخوي عشان عيون نوع صاحبة الصورة
الفوق دي التقديم بيكون AVAILABLE طول السنة .
دي كوتة الضيفان .
يا عمر يا أخي نحنا عايزين نكون قوة .
عايزين تكون عندنا مدارس وفريق سلة . نكون زي الأخوان اليمنيين
في ديترويت والصومال في مينسوتا والحبش في دينفر
|
Post: #30
Title: Re: يا ود الصايم الجماعة زادوا للحبش كوتة اللوتري
Author: على محمد على بشير
Date: 06-22-2011, 06:07 PM
Parent: #29
| Quote: أمير يا عمكـ .. عندي تلاتة بنات |
بختك يا عمك
كدا ضمنت ليك مراقه لو لعبت كويس وما فنست او قصوا ليك
عثمان ازيك ...
|
Post: #31
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-22-2011, 10:25 PM
Parent: #30
عزيزنا أمير
سلامات
يا أخي أنت زول في دبي و شغال في مجالك .
مالك ومال طقش ال Delivery
يازول دبي جنة وال Chicken عندكم ليه طعم تاني . ثم يا أخي
الدراهم دي مبروكة . غايتو يا أمير أهلنا الحبش ديل لو ما
مشكلة اللغة العربية العندهم كان في الخليج زاتو اكلنا نيم .
|
Post: #32
Title: Re: يا ود الصايم الجماعة زادوا للحبش كوتة اللوتري
Author: Ammir Mohamed
Date: 06-23-2011, 07:30 AM
Parent: #31
Quote: غايتو يا أمير أهلنا الحبش ديل لو ما
مشكلة اللغة العربية العندهم كان في الخليج زاتو اكلنا نيم . |
الحبش ديل مشكلة اللغة دي التفوا حولها بي حاجات تانية وأكتر حاجة عا########ي إنهم بعرفوا للسودانيين كويسسسس!
كلامك صح لكن البقنع الديك منو!
أسمع أنا جاي قريب إنشاء الله إذا عايز ليك أي حاجة إنشاء الله ملاح أم تكشو بس وريني.
تحياتي
أمير
|
Post: #33
Title: Re: يا ود الصايم الجماعة زادوا للحبش كوتة اللوتري
Author: omar alhag
Date: 06-23-2011, 12:46 PM
Parent: #32
عمر يا أخي نحنا عايزين نكون قوة .
عايزين تكون عندنا مدارس وفريق سلة . نكون زي الأخوان اليمنيين
في ديترويت والصومال في مينسوتا والحبش في دينفر
حبيبنا الغالي
والله ربنا يقويكم لكن الحاجات الكتبتها دي في الوطن الام ما موجودة
|
Post: #34
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-23-2011, 04:46 PM
Parent: #33
د / ياسر
سلامات
عليك الله الشيخ شرف الدين جدك يا ياسر ؟؟؟
هسع كان الدرب جابك الزيداب ليل تقدر تفرز مكان قبة
جدك ؟
يازول كان كدي أنت زولنا تب .
نقوم نسجلك في رابطة لوتراب Silver Spring فرع السندة جوار البنطون .
|
Post: #35
Title: Re: يا ود الصايم الجماعة زادوا للحبش كوتة اللوتري
Author: د. ياسر عبد القادر
Date: 06-23-2011, 08:14 PM
Parent: #34
ياخوي البنطون دا في ارض ابوي..........إت من وين في الاهل اازول
|
Post: #36
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-23-2011, 08:46 PM
Parent: #35
والله يا د / ياسر
أنا فاكر المشرع حق البنطون ده من حد الحرازة
ولا حدي نخلات الجدول . الأرض دي بتاعت أهلك أولاد الحاج حمدنالله .
ومن النخلات وجنوب دي بتاعت عمك حامد خلف الله حاج أدم .
بعدين يا ياسر يا أخي Choose بين البنطون وال AMTRAK SYSTEM .
تحياتي
|
Post: #37
Title: Re: يا ود الصايم الجماعة زادوا للحبش كوتة اللوتري
Author: Osman Musa
Date: 06-23-2011, 10:30 PM
Parent: #36
عزيزنا علي محمد علي بشير
سلامات
شايف يا علي ؟
صاحبك ود الصيايم أول ما عرف القصة فيها دفع ضرائب
عمل فيها ضهبان . جماعة الكوتة ديل عارفين رسم الدرب تمام .
وناقشين HOW TO MAKE الدولار
|
Post: #38
Title: Re: يا ود الصايم الجماعة زادوا للحبش كوتة اللوتري
Author: د. ياسر عبد القادر
Date: 06-23-2011, 10:52 PM
Parent: #36
Quote: أنا فاكر المشرع حق البنطون ده من حد الحرازة
ولا حدي نخلات الجدول . الأرض دي بتاعت أهلك أولاد الحاج حمدنالله .
ومن النخلات وجنوب دي بتاعت عمك حامد خلف الله حاج أدم |
كلامك دا بالغرب حسب ماأتذكر
إذا طلعت من المشرع بالشرق ...علي يمينك أرضنا وكان يزرعها والدي رحمه الله....وعل شمالك كان يزرعها عمنا الزبير...
اخر مرة زرت المنطقة وانا في المتوسط....وكان موسم زراعة الذرة ...كنا في الاجازة وامضينا وقتا جميلا في محاحاة الطير
بعد داك ماشفت الزيداب تاني.....ولا أعلم ماذا حل بالارض بعد وفاة والدي عليه رحمة الله...ولكن إخوتي الكبار هم متابعين اكتر مني...
عموما ما وريتني انت من وين...انا الان في الرياض...ولكن حتما عند عودتي بعد رمضان لنا لقاء
تحياتي
|
|