Post: #2
Title: Re: مين الالفة بتاع البورد ده ؟؟؟؟؟
Author: ABUHUSSEIN
Date: 06-19-2011, 01:11 PM
Parent: #1
أنا.......
|
Post: #3
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-19-2011, 01:21 PM
Parent: #1
ده منبر حر يجمع اعضاء باهتمامات مختلفة
في ناس اشتركت هنا عشان السياسة في ناس اشتركت هنا عشان الغنا وفي ناس اشتركت هنا عشان الجكس
هذا هو واقع المجتمع السوداني وقعدة العمود بتاعة اولاد الحلة كل زول باهتمامتو واحد بكون بشفط في البرنجية وسارح مع غنم ابليس
والتاني بشاغل في البت السمحة الجات ماشة بغادي وواحد تاني بخطط في مغرز يعملو في عمك حاج علي بتاع اللجنة الشعبية واتنين هناك بناقشو في اخر مخازي الحكومة ولاى ما ذلك
لا يمكن فرض قضية على الناس القضية تفرض نفسها على الناس
حرب الجنوب استمرت 22 وعشرين عاما وبعدها حرب دارفور لا زالت مستمرة وبدات حرب جنوب كردفان والحياة حتستمر
يمكن تتغير لبعض الناس الاهلهم مكتوين بيها وده شي مفهوم
لكن بالنسبة للناس الباقية ممكن اي شي يمشي عادي زي الزبادي
يعني دايرين تقنعونا انكم دلوقت او امس او قبل يومين ما سمعتو غنية لا في الرادي ولا التلفزيون ولا ضحكتو مع طفل او زول كبير
سيف والصادق في الامر متسع
ياخي الصحفية سلمى التجاني تزوجت قيادي حركة من حركات دارفور تزوج في عز الازمة
يعني مثلا العريس الشايل البندقية مثلا ما اتحنن ولا بشرو فيهو اصحابو ولا جو قالو ليهو مبروك
عرس الزين جهد سوداني جميل فحقو تعاينو ليهو في الاطار ده بس
|
Post: #4
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-19-2011, 01:23 PM
Parent: #3
انت قريب مني هنا وما كنت بحتاج لبوست
كنت خطفت رجلي وجيت عضيتك في نص راسك
|
Post: #6
Title: Re: مين الالفة بتاع البورد ده ؟؟؟؟؟
Author: صلاح غريبة
Date: 06-19-2011, 01:42 PM
Parent: #4
محمد كلامك صاح
بس منو البقنع الديك
|
Post: #5
Title: Re: مين الالفة بتاع البورد ده ؟؟؟؟؟
Author: امير طمبل
Date: 06-19-2011, 01:37 PM
Parent: #3
| Quote: ده منبر حر يجمع اعضاء باهتمامات مختلفة |
الأخ محمد علي تحية اخوية صادقة الفكرة بتاعت المنبر ده بالنسبة لي بتشبه الي حد بعيد تلك الشجرة الفي حلتنا التي يتجمع فيها الشباب..او المسطبة بتاعت ناس الحاجة رجبية (الله يطول في عمرها) عادة تجمع كل شباب حي المذاد شمال حيث نتجاذب اطراف الحديث و اخر الاخبار و الشمارات تلقي الهلالاب و المريخاب عاملين هيصة و ناس الليل بتحدثو عن القعدة و ناس الكونكان عن الضغط شي دو و شي تريس و ناس الوست و الاتو و السيك بعد شوية الكلام يتجه نحو الكيزان و قرفنا و خلاص و شوية شوية عن عرس فلانة و العشاء و الفنان و الجكس و غيرو تلقي نفسك سمعت ليك عدد من الروايات و تاخد قعدتك و تمشي بيتكم ...بالنسبة لي دي نفس الفكرة بتاعت البورد ده بس في ناس هنا ماخدين ليك القصة كلها نضال و نتال و تطبيل و تمجيد و ماخدين ليك القصة كلها جد جد 0ياخي في ناس اصلا ما عندهم فكرة بما يجري في جبال النوبة ولا جبال توتيل )و بعدين يعني انا مثلا قاعد في الدوحة دي من زماااان اعمل شنو مثلا لحرب شغالة في جبال النوبة مثلا؟نفس الفكرة لكل الناس القاعدة في الخارج مثلا خلو الناس في حالها و الداير كلو يعمل فيها مثالي عليه بالتوجه فورا لمناطق الشدة و يحمل ليهو كلاشنكوف يطلع لينا ديش ابو البشير ذاتو
|
Post: #7
Title: Re: مين الالفة بتاع البورد ده ؟؟؟؟؟
Author: بدر الدين اسحاق احمد
Date: 06-19-2011, 02:34 PM
Parent: #5
| Quote: او المسطبة بتاعت ناس الحاجة رجبية (الله يطول في عمرها) عادة تجمع كل شباب حي المذاد شمال |
امير طمبل ..
يا زول حاجة رجبية الله يطراها بالخير هى وولدها معتصم النور ..
اسبوعياً قدام شجرة عمك عمراب مانى شايفك ..
ازيك يا زول
__________________
يا هندســة نقرأ من الشمال لليمين ( البوسـت دا ذاتو بيعبر عن روح الالفــه )
يقولو .. يستهجنو .. يستنكرو ..يدينو ( على كيفهم ) وانت سوى الفى رأسك ..برضو ( على كيفك )
|
Post: #8
Title: Re: مين الالفة بتاع البورد ده ؟؟؟؟؟
Author: امير طمبل
Date: 06-19-2011, 11:38 PM
Parent: #7
Quote: امير طمبل ..
يا زول حاجة رجبية الله يطراها بالخير هى وولدها معتصم النور ..
اسبوعياً قدام شجرة عمك عمراب مانى شايفك ..ازيك يا زول
|
الأخ بدرالدين
تحياتي و اشواقي
الحاجة رجبيبة الله يديها العافية ويطول في عمرها
يا سلام علي ذلك الزمن الجميل في المسطبة الشهيرة
و يا سلام علي شجرة ياسر عمرابي الظليلة ...
فرقتنا الغربة اللعينة من كل الاعزاء تحياتي لك بلا حدود
مع امل دوام التواصل
|
Post: #9
Title: Re: مين الالفة بتاع البورد ده ؟؟؟؟؟
Author: 7abib_alkul
Date: 06-19-2011, 11:50 PM
Parent: #8
اخي الفاضل
تدخل البوست حقهم لازم تتفق معاهم
ما اتفقت معاهم انت كوز امنجي
ما ترد علي بوستيهم انت ظلامي
تفتح بوست براك انت إنصرافي
والله كرهونا لعب البلي
|
Post: #10
Title: Re: مين الالفة بتاع البورد ده ؟؟؟؟؟
Author: ABUHUSSEIN
Date: 06-20-2011, 05:34 AM
Parent: #9
Quote: سيف مساعد
كرهتونا العيشة الناس بتموت وانتو عرس الزي عرس الزين
ام
الصادق الزين
النوبة يموتون بالانتنوف و الناس مشغولة بقدوم مؤمن قريش فى عرس الزين!! |
البوست من عنوانو واااااااااااااااضح البدخلك شنو ...؟؟؟؟
تستاهل ..
|
Post: #11
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 05:54 AM
Parent: #10
صلاح غريبة
الرياض الابيض كادقلي
غايتو الله يكون في عون ناس الدلنج وام روابة
|
Post: #12
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 05:57 AM
Parent: #11
امير طمبل
| Quote: بتشبه الي حد بعيد تلك الشجرة الفي حلتنا التي يتجمع فيها الشباب |
بس البفهم الديك منو لووووول
حقو برضو تضيف ليها قعدة الضمنة بتاعة الشياب عشان ناس ابوحسين وبدرالدين ديل ما يزعلو
|
Post: #13
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 05:59 AM
Parent: #12
بدرالدين الكوز
| Quote: البوسـت دا ذاتو بيعبر عن روح الالفــه |
ما عشان انا بسال العايز يسرق مني دوري ده منو لووووول
|
Post: #14
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 06:06 AM
Parent: #13
حبيب الكل
الفاضل ده منو مالك عايز تشبهني لووووول
Quote: ما اتفقت معاهم انت كوز امنجي
ما ترد علي بوستيهم انت ظلامي |
امش عدل يحتار عدوك فيك
|
Post: #15
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 06:09 AM
Parent: #14
| Quote: البوست من عنوانو واااااااااااااااضح البدخلك شنو ...؟؟؟؟ |
كان قلت ليك كنت منتظر بص الكلاكلة بصدقني *
تصدق انو ما دخلتهم ولا شفت الدخل فيهم
ــــــــــــــــ
لو ما سمعت النكتة تكون انت قاعد ساي كما قال وهبة الصيني لوووول
|
Post: #16
Title: Re: مين الالفة بتاع البورد ده ؟؟؟؟؟
Author: اساسي
Date: 06-20-2011, 07:37 AM
Parent: #15
يا محمد ابراهيم
ياخ كنت محنكنا ساكت بي صورتك اللونك فيها "بيجي" ديك اعتقد ديك كانت ايام السعودية بخير اسع شايف لونك بقي كحلي عديل
|
Post: #17
Title: Re: مين الالفة بتاع البورد ده ؟؟؟؟؟
Author: tmbis
Date: 06-20-2011, 08:48 AM
Parent: #16
..
عايز تجيب الفه يا باشمهندس عشــان .. الجماعة عايزين اي واحد في المنبر يكتب ليهم في السلم حقهم ..؟
الجديد شنو يا باش ..؟؟
مش الحمد لله الجماعة ديل فتحو ليهم بوستات براهم .. وكل واحد اقتطع من جالون البنزين حقو البمشيهو في البورد لمدة يوم..؟!
ياخ زمانك تراجي واستيف ... وبشاشا قروب ديل كانو بيدخلو ليك في اي بوست اكان حق سماية اكان حق طهور اكان حق قيدومة .. ويفرتقو ليك الخيمة ويشيلو التلج بي شوالاتو ..
وبعداك تراجي تدخل علي النسوان تطلع ليهم بطاقة تقوليهم:
المثليات بي طرف والما مثليات بي طرف .. ( والنص فيكن بي طرف والما نص بي طرفين) ..
طبعا البطاقة مكتوب فيها(رئيسة لجنة دارفور شنو كدا ما عارف بالمنبر العام) المهم دارفور دي عوده راكـب ..
محمد سليمان استيف .. عندو تلاتة بطاقات وقناع وشريط لاصق ..
بشاشـــا .. بكري كان مديهو جوكرين .. وهو شايل الجوكرين التانيين البجو في العلبة .. يعني بي اختصار اربعة جواكر ..
أمنة مختار .. الشهيرة بي أمنة مختار .. كانو مطلعين ليها فيزا وماستر كارت .. وعندها (ابونييه) بتدخل بيهو كل بوست بالتخفيض ..
|
Post: #18
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 08:50 AM
Parent: #16
| Quote: ياخ كنت محنكنا ساكت بي صورتك اللونك فيها "بيجي" ديك اعتقد ديك كانت ايام السعودية بخير اسع شايف لونك بقي كحلي عديل |
حليلك انت البتتحنك بصورة
وحليلنا نحن الما حضرنا ايامك الكنت فيها رومانسي وكنا اكثر شبابا وكانت السعودية اكثر خيرا من دلوقت
....
|
Post: #19
Title: Re: مين الالفة بتاع البورد ده ؟؟؟؟؟
Author: محمد إبراهيم علي
Date: 06-20-2011, 09:38 AM
Parent: #18
والله يا تمبس الواحد احتار عديل كدة
ما فائدة ان نستبدل ديكتاتورية بديكتاتورية
بس تبقى علينا قصة المسطول مع الطيرة
عندنا جماعة اهلنا كدة صعبين خلااااس في موضوع المجاملات ده يعني الما بسافر البلد يشيل الفاتحة في حرها ده طوالي بسقطو من حسابهم وبعدو ليك زول ساي وهوان
اها في واحد من اخوانا البعتبر الحاجات بتاعة انك تسافر 200 كيلومتر عشان تشيل ليك فاتحة دي مضيعة زمن وقروش (طبعا هو كان موجوع من موضوع القروش اكتر) فالجماعة ديلاك كانو مسقطنو من حساباتهم وعادينو زول ساي كدة
اها تقوم امو تموت وطبعااخونا قام مشي وقاعد في الصيوان جو الجماعة ديل داخلين الصيوان وقالو (الفااااتحة)
اها اخونا ده طوالي وقف مع اخوانو داير يشيل الفاتحة
يقوم واحد من اعمامك ديل البرموها طوالي ديلاك وبصوت سمعه كل من كان في الصيوان (اقعد يا فلان الفاتحة ما ليك)
هسي يبدو لي البورد ده ما لينا واحسن نقعد في الواطة ونتفرج لغاية ما يدونا الاذن
|
|