Post: #1
Title: أيها السائق..... أيها السائقه........
Author: رانيه محمد الشيخ
Date: 06-15-2011, 10:19 AM
Parent: #0
 ليك فتره قدر شنو بتسوق؟
وعملت كم حادث فى الفتره دى ؟؟
وهل كنت انت الغلطان ولا الطرف التانى؟؟؟
اكتر شى بتعانى منه فى السواقه شنو؟؟؟؟
اغرب شى حصل ليك فى السواقه شنو؟؟؟؟؟
اقسى شى صادفك فى السواقه شنو؟؟؟؟؟؟
اظرف شى لقاك فى السواقه شنو؟؟؟؟؟؟؟
بتنصح غيرك العايز يسوق بشنو؟؟؟؟؟؟؟؟
وسؤال نفسك تسئله لزول او زوله بتسوق؟؟؟؟؟؟؟؟؟
|
Post: #2
Title: Re: أيها السائق..... أيها السائقه........
Author: Mohammed Awad
Date: 06-15-2011, 10:42 AM
Parent: #1
| Quote: ليك فتره قدر شنو بتسوق؟ |
20 سنة| Quote: وعملت كم حادث فى الفتره دى ؟؟ |
حادثين والحمد لله| Quote: وهل كنت انت الغلطان ولا الطرف التانى؟؟؟ |
غايتو الخفيف كنت غلطان انا لكن التانى دا ماداير كلام
| Quote: اكتر شى بتعانى منه فى السواقه شنو؟؟؟؟ |
استهتار السواقين التانيين خصوصآ بتاعين الحافلات
| Quote: اغرب شى حصل ليك فى السواقه شنو؟؟؟؟؟ |
مرة نُمت وانا سايق بالليل ماشى الاُبيض
الغريب فى الموضوع انو حلمت وصحيت ولسة فى الشارع
| Quote: اقسى شى صادفك فى السواقه شنو؟؟؟؟؟؟ |
بتاع حركة يستمتع بمذلة سائق
| Quote: اظرف شى لقاك فى السواقه شنو؟؟؟؟؟؟؟ |
مرة طالع الكوبرى والحركة وقفت
العربية القدامى رجعت بسبب الميلان لغاية ماضربت عربيتى من قدام
الظريف طبعآ الزول نزل وجانى مشمر عضلاتو طوالى
الاظرف انو الزول الواقف جمبى مصور الفيلم دا كلو
نزل هو زاتو شمر عضلاتو قبالى...
| Quote: بتنصح غيرك العايز يسوق بشنو؟؟؟؟؟؟؟؟ |
جيب ليك سواق وقبل ماتطلع معاو مشوار اضرب ليك شريط فاليوم
| Quote: وسؤال نفسك تسئله لزول او زوله بتسوق؟؟؟؟؟؟؟؟؟ |
اتعلمتوها وين السواقة دى بالله؟؟ 
--------
ممكن اهدى؟
|
Post: #3
Title: Re: أيها السائق..... أيها السائقه........
Author: داليا حافظ
Date: 06-15-2011, 10:55 AM
Parent: #2
Quote: وسؤال نفسك تسئله لزول او زوله بتسوق؟؟؟؟؟؟؟؟؟
اتعلمتوها وين السواقة دى بالله؟؟ |
مبالغة يامحمد عوض
رانية ازيك
بمناسبة السواقة دي ..لو زول قال ما تسوقنابالله معناها شنو ؟
كان ما عرفتيها ختيها طرفك مع الباقيات ..
|
Post: #6
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 11:11 AM
Parent: #3
دلويه
ازييييييييييييك يا سكره
فعلا محمد بالغ بولاغه شديده
لكن ما تسوقنا بالله معناها شنو
:))))))))))))))))))))
عليك الله ورينى
|
Post: #7
Title: Re: أيها السائق..... أيها السائقه........
Author: داليا حافظ
Date: 06-15-2011, 11:19 AM
Parent: #6
بوريك خلاص ..
لكن جاوبي على السؤال ده ..لو زول قال أنا راكب 11خ معناها شنو؟
لو ماعرفتي الإجابة بنسحب منك الجواز ..
أوعااا تستعيني بصديق ..
|
Post: #12
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 11:46 AM
Parent: #7
دلويه
دى ساهله
11 خ
راكب كرعينه مممممممممممممش
اياكى تقولى غلط
ونبى ونبى ونبى
ههههههههههههه
|
Post: #13
Title: Re: أيها السائق..... أيها السائقه........
Author: داليا حافظ
Date: 06-15-2011, 11:56 AM
Parent: #12
11Quote: خ
راكب كرعينه مممممممممممممش |
شااااطرة 11 الكرعين ، الـ(خ) شنو؟
عدد مداخلاتي بتاعت الليلة بح ..
برسل ليك الإجابة في الخاص ..
|
Post: #19
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 12:45 PM
Parent: #13
الرد العاشر
دلويتى ما تقولى لى كشحوكى خلاص
لكن هو وين الخاص دا
ما هو زاتو ببح
الله يدينا الصبر لبكره
لكن خ دى يعنى خرطووووووووووووووم ممممش
|
Post: #4
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 11:01 AM
Parent: #2
لكن يا محمد عوووووووض اتقطعت شديد
من 20 سنه وحادثتين بس
يا رااااااااااااااااااجل
نصيحتك اخير عدمها قال فاليوم
واتعلمتوها دى قايلها بحرق مالك
حسى انت خلاص المقطع السواقه قططططططططيع
:)))))))))))))))))))))
|
Post: #8
Title: Re: أيها السائق..... أيها السائقه........
Author: محمد عبد الماجد الصايم
Date: 06-15-2011, 11:34 AM
Parent: #4
Quote: لكن يا محمد عوووووووض اتقطعت شديد
من 20 سنه وحادثتين بس |
الزول دا هسّي بكون وصل حوادث بحري
أما بالنسبة لأختنا في الله داليا حافظ
فما تخليها تطلع بيكـ العالي ساي
_
لو سألتي (تطلع بيكـ العالي) يعني شنو .. ممكن أنتحر
|
Post: #9
Title: Re: أيها السائق..... أيها السائقه........
Author: محمد عبد الماجد الصايم
Date: 06-15-2011, 11:36 AM
Parent: #8
مع الأخذ في الاعتبار إنو ممكن الواحد يأشر يمين ويخش شمال!!
|
Post: #10
Title: Re: أيها السائق..... أيها السائقه........
Author: محمد عبد الماجد الصايم
Date: 06-15-2011, 11:39 AM
Parent: #9
تعرفي يا رانيا
مرة زميل بورض فتح بوست عن نظام (ساهـر) المروري
أنا جيت خاشي فيهو شمال ورشّيتو .. قال لي أكيد متضرر منو
وأنا الحمد لله لحدي وقتها كنت سليم .. وقلت ليهو (ما بعملا)
تاني يوم طوالي ومن صباح الرحمن جاتي رسالة (لديكـ مخالفة مرورية)!!
حاليا وصلت تلاتة مخالفات بقيمة إجمالية 1100 ريال
فااااا النجيضة يعني:
أفقدوا لينا طبنجة دا!
|
Post: #17
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 12:19 PM
Parent: #10
الرد الثامن
نحنا لو جابوا لينا نظام ساهر دا
بتلقى الناس بقيت تتوقع من الكبارى بالعربات انتحارا
ياخى ناس المرور الظريفين ديل
كييييييييفين نختاهم
انا عموما فى المخالفات
مرتين قطعونى ايصال ومره رشيت زول بمبلغ قريب من الايصال بالخلعه...
الاولى ركنت غلط ولحقت العربيه والونش عايز يشيلها
حالتى اتاخرت 5 دقايق
والظريفه صحبتى جوا العربيه وخليت الموبايل جنبها لانى نازله سريع ما حتاخر
جيت لقيت الونشه بيركب البتاع فى البتاعه وصحبتى قربت تبكى وهى جوا العربيه
المره التانيه بتكلم فى موبايل وحلللللللللللللللف ما يتنازل لانها تانى مره يقفشنى
المره الثالثه كان عايز توصيله شكله وعمل لى درس فى الاخلاق عشان الموبايل وحالتى كنت واقفه وبتكلم وقفلته قبال اتحرك
لكن ركب معاى وقال لى امشى قولت خلاص حي######شوا العربيه المره دى
ونقنق لمن الله غفر لى ولمن وصلنا المرور قال لى خلاص امشى وتانى ما تعمليها
قومت بالفلاحه مرقت قريشات واديتها له من الرعب عشان بس ينزل سرررررررررررريع
|
Post: #16
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 12:02 PM
Parent: #9
الرد السابع
عشان احفظ الرقم
دى بقى يا ود الصايم عندى عوجه كبيره
خصوصا انى بتذكر اليمين لمن اشوح بيدى البكتب بيها وبعد دا ياداب اتذكر هى تكه بتاعتها وين
بيكون الوراى جاته شيزوفرينا واطوطح بالعربيه يمين وشمال وقرب يترتر بيها ورا ورا طوالى
:))))))
|
Post: #15
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 11:57 AM
Parent: #8
صاحبى ود الصايم
ما شوووووووفت الحصل لى امس
داير ارد عليكم بهناك ولقيتهم شاتونى بره بنفسج المسج
حسى ماسكه لى ورقه وقلم اشوف بقى نهايتها شنو
ومتين بتكشح
بدل كل مره مخلوعه كده وانا لابسه فى الحيطه
احساس فظظظظظظظظظظظظيع تكون مرسل رد وفى قمة الونسه وتلقى روحك فى الشارع فجعتا
اها نجى على السواقه
محمد عوض دا ما تخاف عليه ما بتجى التتح
عيونى زاطو والله بااااااااااااااااارده
:)))))))))))))))
بالنسبه لدلويه
وتطلع بينى العالى
ما تنتحر
دى بتوازى بالسودانى البوبار
مش
هههههههههههههههههه
|
Post: #26
Title: Re: أيها السائق..... أيها السائقه........
Author: Mohammed Awad
Date: 06-15-2011, 01:34 PM
Parent: #15
| Quote: عيونى زاطو والله بااااااااااااااااارده |
سمعت الكلام دا ياود الصايم؟
شايفك فطيتو...
|
Post: #14
Title: Re: أيها السائق..... أيها السائقه........
Author: Mohammed Awad
Date: 06-15-2011, 11:57 AM
Parent: #4
Quote: لكن يا محمد عوووووووض اتقطعت شديد
من 20 سنه وحادثتين بس
يا رااااااااااااااااااجل
نصيحتك اخير عدمها قال فاليوم
واتعلمتوها دى قايلها بحرق مالك
حسى انت خلاص المقطع السواقه قططططططططيع |
شوفتى دا الكلام البخلينا نطلع ونكورك
الشعب يريد اسقاط النساء....
من السواقة طبعآ
| Quote: حسى انت خلاص المقطع السواقه قططططططططيع |
كدى جاوبى لى على السؤال دا
تتخيلى مرقت من الحتة دى بى ياتو شارع من ديل؟
ولو كان فى واحدة فى مكانى كان سلكت ياتو شارع من ديل ؟
مع العلم انو بى حكم العشرين سنة اخدت منى 3 يوم
قطع شك لو مهارتك انتى ماكان شوفنا ليك بوست لى يوم الليلة
ود الصايم
قطع شك عارف مداخلتك الجاية شنو
|
Post: #18
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 12:37 PM
Parent: #14
الرد التاسع
ود يا محمد
دى ما دايره ليها دررررررس عصر
قال 3 يوم قال
عشان تعرف انك كيشه
شوفته تمشى كده وكده وتوووووووووووشك وخلاص
:))))))))))))))))))))))
|
Post: #5
Title: Re: أيها السائق..... أيها السائقه........
Author: Abdlaziz Eisa
Date: 06-15-2011, 11:04 AM
Parent: #2
Quote: ليك فتره قدر شنو بتسوق؟
وعملت كم حادث فى الفتره دى ؟؟
وهل كنت انت الغلطان ولا الطرف التانى؟؟؟
اكتر شى بتعانى منه فى السواقه شنو؟؟؟؟
اغرب شى حصل ليك فى السواقه شنو؟؟؟؟؟
اقسى شى صادفك فى السواقه شنو؟؟؟؟؟؟
اظرف شى لقاك فى السواقه شنو؟؟؟؟؟؟؟
بتنصح غيرك العايز يسوق بشنو؟؟؟؟؟؟؟؟
وسؤال نفسك تسئله لزول او زوله بتسوق؟؟؟؟؟؟؟؟؟
|
سلامات العزيزة / رانية
عووووك...
كم سؤال!!
ده استيضاح طويل خلاص..
نقول عقدين من الزمان سواقة والباقي لزوم سر العمر..
حادث في السودان, وآخر في ليبيا في الساحة الخضراء ذاتها لزوم العجلة (يعني غلطان)
حادث في كوالالمبور.. كشيت لي بتاع موتر اول الصباح.. وطبعا لو هو ملاوي الزول التاني غلطان غلطان ولو كنت واقف جوة بيتكم..
اكتر شئ بيجنن الناس البتجي داخلة الشارع باهمال شديد..
أغرب شئ سائق بسرعة 160كلم دقست وصحاني بتاع قندران بالبوري وباقي لي أمتار من الهاوية في2007, يعني برلوم هنا وما يحتاج يسود المنبر..
أظرف مرة طلعت مسافر بعد الفجر وبعد دخول الهايويي رجعت افتش على نظارتي وكنت لابسها..
السواقة بالجد.. هي فن.. ذوق.. وأدب
نكمل فيما بعد
تحياتي
|
Post: #11
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 11:40 AM
Parent: #5
وين يا فرده
لكن عقدين دى حمشيها ليك ساى
السواقه فى بلدان مختلف بتزيد خبره السائق وبتخلى اكتر خبره
مش؟؟
لكن حوادثتك مع العقدين مناسبه
ما قتلت ليك زول ليسه ولا كديسه ولا فار
لكن موضوع النضاره دا بيثبت العقدين
:))))))))))))))))))))))))))))
تسلم يا روعه
|
Post: #20
Title: Re: أيها السائق..... أيها السائقه........
Author: Asim Fageary
Date: 06-15-2011, 12:50 PM
Parent: #11
سلام يا رانية
أنا غايتو الإستبيان بتاعك مجاني ما بملاه
لكن عندي ملاحظة
إيه أيها السائق وايها السائقة
كان تقولي ايها السائق والسائقة
أو أيها السائق وأيتها السائقة
عشان ما نقوم نعمل حادث
|
Post: #21
Title: Re: أيها السائق..... أيها السائقه........
Author: محمد عبد الماجد الصايم
Date: 06-15-2011, 01:01 PM
Parent: #20
Quote: بالنسبه لدلويه
وتطلع بينى العالى
ما تنتحر
دى بتوازى بالسودانى البوبار |
تنتحري ولّ أنتحر أنا؟
|
Post: #23
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 01:11 PM
Parent: #21
الرد 12
اصبر يا ود الصايم
طيب تفكها فينى تنفع
عليك الله كان صبرت حسى بتكشح بره لمن اصل الحد الفاصل واريحك لغاية بكره
:))))))))))
|
Post: #24
Title: Re: أيها السائق..... أيها السائقه........
Author: محمد عبد الماجد الصايم
Date: 06-15-2011, 01:12 PM
Parent: #21
لو قلت الفي بالي ما بضمن سلامة (الخـور) زاتو!!
|
Post: #22
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 01:08 PM
Parent: #20
الرد 11
طبعا يا عاصم
بعد كتبتها انتبهت انها مفروض ايتها لكن جات الطوبه فى المعطوبه خلاث
لكن حسى مالو استبيانىىىىىىىىىىىىى
جاملنى حتى بنص اجابه لحبايب ساى
:)))))
|
Post: #27
Title: Re: أيها السائق..... أيها السائقه........
Author: Asim Fageary
Date: 06-15-2011, 01:43 PM
Parent: #22
ليك فتره قدر شنو بتسوق؟
32 سنة (باالمناسبة من قبل أن أبلغ سن الرشد وكنت طفلاً) - دي عشان ما يجي واحد ينط لي في حلقي ويقول لي يا عجوز
وعملت كم حادث فى الفتره دى ؟؟
3 حوادث وكلها خفيفة وفقط واحد منها كنت غلطان وأنا صغير في السن راجع خلف وخشيت في حيطة الجيران بسبب تعليق الأبنص اليدوي (ألكسلريتر بتاع البنزين)
وهل كنت انت الغلطان ولا الطرف التانى؟؟؟
بس الغلطة الفوق دي والإتنين التانيات غلطانين علي يعلم الله وسامحت الغلطانين وأصلحت عربيتي على حسابي يعلم الله
اكتر شى بتعانى منه فى السواقه شنو؟؟؟؟
الثقالة والناس العارفاك إنت لافي وبالرغم من الإشارة المؤكدة لذلك وبيضايقوك عشان ما تلف والناس البتقيف أقصى اليمين وهي ما عاوزة تلف يمين عند الإشارة
اغرب شى حصل ليك فى السواقه شنو؟؟؟؟؟
الإشارة كانت حمراء وقدامي أكثر من ثلاثة عربيات واقفة جا واحد خبط العربية من الخلف ونزل يعتذر طبعاً بعدما رن بوري لمن صن أضاني (قلت ليهو يعني عاوزين أطير فوق العربات ديل وأقطع ليك الإشارة عشان تعدي ؟)
اقسى شى صادفك فى السواقه شنو؟؟؟؟؟؟
قابلتني أمطار غزيرة وأنا ماشي من سنار لمدني وبالليل (حوالي الساعة 10 بالليل) وإضطريت أوقف العربية على جانب الطريق شوية وأمشي شوية والطريق طبعاً عالي والحواف من الجوانب حادة والظلام دامس والشاحنات (القندرانيات مالية الشارع) ودخلت مدني قريب الصباح (وكنت عندها يافعاً لم أتخطى التسعة عشر ربيعاً)
اظرف شى لقاك فى السواقه شنو؟؟؟؟؟؟؟
مرة سايق لي هايلوكس وماشي من مدني للخرطوم لاقوني ناس جايين سيرة من الخرطوم لإحدى المناطق الواقعة على طريق الخرطوم مدني وكان بص السيرة إتعطل والجماعة واقفين يملحوا في الشارع قلت أساعد بس أشوف لي ناس مطرفين يكونوا إتنين ثلاثة عشان ما يعبوا العربية وتحصل كارثة وقفت لإتنين مطرفين حركتهم تقيلة لحدما ركبوا كان نطوا أربعة ورا في البوكس
بتنصح غيرك العايز يسوق بشنو؟؟؟؟؟؟؟؟
الصبر وطولة البال (درب السلامة للحول قريب)
وسؤال نفسك تسئله لزول او زوله بتسوق؟؟؟؟؟؟؟؟؟
ما هو شعورك وإنت راكب/راكبة ليموزين وتكلمه بالموقع الإنت عاوز تمشي ليهو ويوصلك من سكات وإنت بتتصفح في جريدة أو بتنفذ في مكالمات من الجوال أو حتى نائم... بالله ما أحسن من السواقة؟
|
Post: #39
Title: Re: أيها السائق..... أيها السائقه........
Author: hammama
Date: 06-16-2011, 02:57 PM
Parent: #27
Quote: يك فتره قدر شنو بتسوق؟
32 سنة (باالمناسبة من قبل أن أبلغ سن الرشد وكنت طفلاً) - دي عشان ما يجي واحد ينط لي في حلقي ويقول لي يا عجوز |
يا زول لو بتسوق من عمرك 3 سنين , نضاراتك دي نضارات زول عجوز ... مع تحياتي
|
Post: #40
Title: Re: أيها السائق..... أيها السائقه........
Author: رانيه محمد الشيخ
Date: 06-16-2011, 04:35 PM
Parent: #39
هو بالله فى الصوره فى نضاره
لا حووووووووووله
نظرى زاطوووووووووووووو طشش
|
Post: #25
Title: Re: أيها السائق..... أيها السائقه........
Author: فيصل أحمد سحنون
Date: 06-15-2011, 01:20 PM
Parent: #2
Quote: : ليك فتره قدر شنو بتسوق؟
20 سنة
Quote: وعملت كم حادث فى الفتره دى ؟؟
حادثين والحمد لله
Quote: وهل كنت انت الغلطان ولا الطرف التانى؟؟؟
غايتو الخفيف كنت غلطان انا لكن التانى دا ماداير كلام
Quote: اكتر شى بتعانى منه فى السواقه شنو؟؟؟؟
استهتار السواقين التانيين خصوصآ بتاعين الحافلات
Quote: اغرب شى حصل ليك فى السواقه شنو؟؟؟؟؟
مرة نُمت وانا سايق بالليل ماشى الاُبيض
الغريب فى الموضوع انو حلمت وصحيت ولسة فى الشارع
Quote: اقسى شى صادفك فى السواقه شنو؟؟؟؟؟؟
بتاع حركة يستمتع بمذلة سائق
Quote: اظرف شى لقاك فى السواقه شنو؟؟؟؟؟؟؟
مرة طالع الكوبرى والحركة وقفت
العربية القدامى رجعت بسبب الميلان لغاية ماضربت عربيتى من قدام
الظريف طبعآ الزول نزل وجانى مشمر عضلاتو طوالى
الاظرف انو الزول الواقف جمبى مصور الفيلم دا كلو
نزل هو زاتو شمر عضلاتو قبالى...
Quote: بتنصح غيرك العايز يسوق بشنو؟؟؟؟؟؟؟؟
جيب ليك سواق وقبل ماتطلع معاو مشوار اضرب ليك شريط فاليوم
Quote: وسؤال نفسك تسئله لزول او زوله بتسوق؟؟؟؟؟؟؟؟؟
اتعلمتوها وين السواقة دى بالله؟؟
--------
ممكن اهدى؟ |
----------------------------
الله يجازي محنك
خليتني اضحك حتى اهتز شاربي
ممكن تهدي وتدي الفرصة لا اخوانك في البيت
|
Post: #28
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 01:55 PM
Parent: #25
الرد 18
عاصم
والله ما قصرت بنووووووووووووووووووووووب
لكن موضوع العمر دا مالو فيه حساسيه قدر دا
الكبر دا مالو
رزانه وقيمه وسيمه
الله يدينا خيره ويقدرنا عليه
:)))))))))))))))))))))))
فيصل
اهتز شاربك عددددددددددددددددددددديل
هههههههههههههههههههههههه
والله مصطلح اريتنى بقدر استعمله كان خليت الناس تنتف شواربه
لكن الله فى
الا اهز نخرتى لنتكاتف معك
:))))))))))))))))))))))))))))))))
|
Post: #29
Title: Re: أيها السائق..... أيها السائقه........
Author: فيصل أحمد سحنون
Date: 06-15-2011, 02:02 PM
Parent: #28
-----------------------------
انت يامحمد عوض بقيت تركتر ( تراكتور)
ولا شنو يا أخوي؟
-----
أوع اللمبة
--------
البين قوسين خصيصا لناس رانية ومن لف لفها
|
Post: #31
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 02:21 PM
Parent: #29
دى ساااااااااااهل شديد يا فيصل
مش تراكتور من كردور
:))))))))))))))))))))))))))))
|
Post: #33
Title: Re: أيها السائق..... أيها السائقه........
Author: فيصل أحمد سحنون
Date: 06-15-2011, 02:30 PM
Parent: #31
| Quote: مش تراكتور من كردور |
هل قصدك corridor
|
Post: #30
Title: Re: أيها السائق..... أيها السائقه........
Author: فيصل أحمد سحنون
Date: 06-15-2011, 02:20 PM
Parent: #28
Quote: والله مصطلح اريتنى بقدر استعمله كان خليت الناس تنتف شواربه
لكن الله فى
الا اهز نخرتى لنتكاتف معك |
بركة المابقي عندك
كان ممكن تبقي روني مثلا بدلا من رانيه
----------------------------
صدقيني لو ماكنت رانيه ناس ود الصائم ومحمد ابو طبنجة ( وفي رواية الزول بتاع المأسورة البتطلع سمك في عطبرة)
ما كان عملوا تداخل في البوست ده
وش بيدور وبينقز
|
Post: #32
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 02:28 PM
Parent: #30
الرد 22
اخى فيصل
والله انا بسعد بمشاركتكم ومشاركتهم لى وبحس بشرف فى تواجدكم كلكم حتى لو هزاز ساى
:))))
لكن ما قولت لى
ما كانوا لشنو وكيف اصبحوا هكذا ولماااااااااذا
شكل الحكايه فيها حكايه وانا الشمار كده حيحرق شوارب الحله
علييييييييك الله ورينى
|
Post: #34
Title: Re: أيها السائق..... أيها السائقه........
Author: Mohammed Awad
Date: 06-15-2011, 02:39 PM
Parent: #30
Quote: صدقيني لو ماكنت رانيه ناس ود الصائم ومحمد ابو طبنجة ( وفي رواية الزول بتاع المأسورة البتطلع سمك في عطبرة)
ما كان عملوا تداخل في البوست ده
وش بيدور وبينقز |
تصدقى يارانية الزول دا انا كايس ليهو زمن
سمك الماسورة داك مالميت فيهو الا فى بوستيك دا؟
|
Post: #35
Title: Re: أيها السائق..... أيها السائقه........
Author: فيصل أحمد سحنون
Date: 06-15-2011, 02:50 PM
Parent: #34
-------
فيك البركة هزاز برضو أخير من صامت
Quote: لكن ما قولت لى
ما كانوا لشنو وكيف اصبحوا هكذا ولماااااااااذا
شكل الحكايه فيها حكايه وانا الشمار كده حيحرق شوارب الحله
علييييييييك الله ورينى |
------
قالوا جبنا سيرة القط جانا ينط.
محمد عوض جاء ناطي هو البوريك السبب
|
Post: #36
Title: Re: أيها السائق..... أيها السائقه........
Author: رانيه محمد الشيخ
Date: 06-15-2011, 05:58 PM
Parent: #35
الرد 25
ود يا محمد عوض
موضوع الماسوره شنووووووووووووو عليك الله انا مش انا ياخى قولى
:))))))))))))
فيصل
دى زووووووووغه واااااااااااااااااااضحه عدييييييييييييييييييييل كده
لن اقبل بهااااااااااااااااااااااا
:)
|
Post: #37
Title: Re: أيها السائق..... أيها السائقه........
Author: Mohammed Awad
Date: 06-16-2011, 07:36 AM
Parent: #36
| Quote: موضوع الماسوره شنووووووووووووو عليك الله انا مش انا ياخى قولى |
الله يجازى اب صلعة الشال المسنجر دا بس
شكيتو على الله...
|
Post: #38
Title: Re: أيها السائق..... أيها السائقه........
Author: داليا حافظ
Date: 06-16-2011, 07:49 AM
Parent: #36
يا رنوية ياخ طلعت زولة طيبة شديييد ..
حننتيني وأنت بتعدي في المداخلات ..
ياخ سقتك سواقة ..ههههههه؟
أها فهمتي المعنى ؟
|
Post: #41
Title: Re: أيها السائق..... أيها السائقه........
Author: رانيه محمد الشيخ
Date: 06-16-2011, 04:37 PM
Parent: #38
دلويه
وبعد دا جليت وما عرفت بالضبط
هى حاجه وثلاثين عموما وبتلقى الحيطه
هههههههههههههههه
على قول صحبتى كان فهمت الحس مكوى
:))))
محمد عووووووووض
برفيتلى بهناك ياخى عليك الله
ما تمسكنى ماسوره انت وفيصل
|
Post: #42
Title: Re: أيها السائق..... أيها السائقه........
Author: Abdlaziz Eisa
Date: 06-16-2011, 04:59 PM
Parent: #41
Quote: وين يا فرده
لكن عقدين دى حمشيها ليك ساى
السواقه فى بلدان مختلف بتزيد خبره السائق وبتخلى اكتر خبره
مش؟؟
لكن حوادثتك مع العقدين مناسبه
ما قتلت ليك زول ليسه ولا كديسه ولا فار
لكن موضوع النضاره دا بيثبت العقدين
:))))))))))))))))))))))))))))
تسلم يا روعه |
العزيزة/ رانية
سلام
عقدين او عقدان فيها شوية لكن الكسر مجبور!!
في البلدان المختلفة فعلا زيادة خبرة..
مرة حركة يمين ومرة شمال..
اختلاف البشر وثقافاتهم..
الحمدلله لم اغلط في حادث وما حدث لي ايضا كان شئ خفيف.. يعني شخيط في الحديد بس..
موضوع النشارة ده بسيط..
حأجيك بطرفة جميلة لاحقا
تحياتي
|
Post: #43
Title: Re: أيها السائق..... أيها السائقه........
Author: قاسم المهداوى
Date: 06-16-2011, 05:04 PM
Parent: #42
ايها السائق ولا ايها الساقى ؟؟؟؟
قاسم
|
Post: #44
Title: Re: أيها السائق..... أيها السائقه........
Author: رانيه محمد الشيخ
Date: 06-16-2011, 07:44 PM
Parent: #43
حنستنااااااك يا عزيز لطرفه
ما تتاخر عليك الله
قااااااااااااااااااسم
ازززززززززيك
لكن الساقى دا حيكون بوست براه
:))))))))))))))))))
|
Post: #45
Title: Re: أيها السائق..... أيها السائقه........
Author: داليا حافظ
Date: 06-20-2011, 11:45 AM
Parent: #44
حاسة إني من الناس الخستكو بالبوست عشان كدة نستعيد ليهو لياقتو
إحساس بالذنب وكده ..
ليك فتره قدر شنو بتسوق؟
يعني ..
وعملت كم حادث فى الفتره دى ؟؟
ماشوية ..
وهل كنت انت الغلطان ولا الطرف التانى؟؟؟
كدة وكدة
اكتر شى بتعانى منه فى السواقه شنو؟؟؟؟
السواقة ذاااتا
اغرب شى حصل ليك فى السواقه شنو؟؟؟؟؟
ما فهمت
اقسى شى صادفك فى السواقه شنو؟؟؟؟؟؟
الرادارات
اظرف شى لقاك فى السواقه شنو؟؟؟؟؟؟؟
ناس الشرطة (بالجد)
بتنصح غيرك العايز يسوق بشنو؟؟؟؟؟؟؟؟
مايسوق يجيب شوفير ..ههه
وسؤال نفسك تسئله لزول او زوله بتسوق؟؟؟؟؟؟؟؟؟
أخلاقك ما بقت ضيقة ؟
|
Post: #46
Title: Re: أيها السائق..... أيها السائقه........
Author: نورالدين بابكر بدري
Date: 06-20-2011, 12:12 PM
Parent: #45
Most crashes are caused by people who know how to drive !!!معظم الحوادث مِن مَن يعرفون القيادة
|
Post: #47
Title: Re: أيها السائق..... أيها السائقه........
Author: فيصل أحمد سحنون
Date: 06-20-2011, 12:38 PM
Parent: #46
|
Post: #48
Title: Re: أيها السائق..... أيها السائقه........
Author: نورالدين بابكر بدري
Date: 06-20-2011, 12:57 PM
Parent: #47
سلام
في الحقيقة حاولت أنزل لكم عدة اسكتشات عن القيادة بأمان
للفائدة ، لكن مما مشى الحال - لكن ح أحاول مرة تانية
شكرا
أنا بفتكر البوست ممكن يكون مفيد جداً من ناحية الأمن والسلامة
بس نثرية بالأفكار والنقاش
|
Post: #49
Title: Re: أيها السائق..... أيها السائقه........
Author: رانيه محمد الشيخ
Date: 06-23-2011, 11:13 AM
Parent: #48
لكن يا دلويه
ما صلحتيها نوهاااااااااااااااااائى باجاباتك
حسستينى بتجاوبى وانتى خاته كراع بره وكراع جوه
:)))))))))
كان كنتى فى امتحان كان اديتك بالمااااااااينس
فيصل
لكن دا بيعشق كيف
اخى نور
اكيد تجارب كل زول فينا ممكن تكون درس وفائده لغيرنا
ونتمنى ننور بصيرة العايزين يسوقوا عشان يعرفوا صالحها من طالحها
|
|