Post: #1
Title: يا(شراره)و(شباب من اجل التغير)وغيرهم الثوره السودانيه بدأت اين انتم؟!
Author: Tragie Mustafa
Date: 06-13-2011, 07:33 PM
ويا كل مجوعات الفيس بوك
وغيرها...
اين انتم من الثوره السودانيه البدأت داميه في جبال النوبه؟؟!!
لم ارى اي تضامن في الخرطوم
ولا مجموعاتكم بالفيس بوك تحركت!!
حتى متى والناس ساقطه في بحور العرقيه و التجاهل؟؟!!
منو القال الثوره لازم تبدأ في الخرطوم؟؟!!
ما يحدث بجبال النوبه الآن ثوره
وثوره علمانيه.....
والشهداء البندفوا ديل ياهم ابهات العلمانيه وساسها وراسها
كل واحد فيهم هو جيفارا كان بحياته!!
المتفرجين ليها شنو؟؟
قلنا 9/يوليو من قبل ورد بعضكم هنا انها بعيده!!
وهاهي فعلا تشتعل قبال 9/يوليو......فاين انتم؟؟!!
مظاهرات ساي تتحدث عن اهمية حقن دماء اهل جنوب كردفان مافي!!
بيانات ساي برضو مافي!!
نقاشات في الفيس بوك برضو مافي؟؟!!
ايعقل يا شباب من اجل التغير حد نشاطكم بقى سك المحاكم فقط؟؟!!
انتو لمتين في ترف اهل المدن؟؟بتاع حرية التعبير
اتذكروا حينما كتبت لكم هنا ان اول مطالبنا
في الهامش هو حق الحياه!!
فبينما تحدثونا انتم عن محاكمات القراي ومحاكمات
امل هباني ومحاكمات
د.ناهد ومحكمات غيرهم.....تصفي حكومة الانقاذ
ناشطي النوبه بمعتقلاتها!!
اي اعتقلت ونفذت الاحكام و انتهت....
وانتم لم تسمعوا بهم بعد ولم تحلقوا
تتضامنوا!!
اعرفتم الآن بان حرية التعبير ترفا
لا نحلم به نحن ناشطي الهامش؟؟
وانه حق الحياه بنظر الانقاذ ترفا لنا!!
كتب احمد ابن عوف....من قبل الثوره السوريه
لم تبدأ في دمشق بل
بدأت في درعا وكذلك الثوره الليبيه وغيرها......
هاهي الثوره السودانيه تبدأ في جنوب كردفان!!
اها جنوب كردفان دي الما عاجبكم فيها شنو؟؟؟
زمان بدأت في دارفور ومستمره شبكوتنا دار كوز ودار بطيخ!!
اها ديل النوبه الكنتوا عايزين ياسر عرمان يحركهم لكم في الخرطوم!!
اها نوبه الخرطوم سمحين ونوبة كادوقلي شينين ولا شنو؟؟؟
ولا انتو الزي البخيل داك العايز دائم يقولوا ليه هاك خد
اما كلمة اديني يا ويلك لو قلتها ليه؟؟!!
اخجلوا يا ثوار الفيس بوك كادوولي تشتعل وانتم متفرجين.
ذبحوا كثيرين....
هنالك عشرات ال خالد سعيد....ومحمد الدره وغيرهم
لماذا لم تأخذوهم للفيس بوك
ولماذا لم تكتبوا عنهم اول شهداء الثوره السودانيه من اجل التغيير!!
انتو شهداء الثوره السودانيه ديل الا اسمائهم
تبقى هيثم وعاشكه ودهب وناذر ومجدي و الحاجات دي يعني؟؟
اها ناس تيه ودلدوم وحجر وفيلب وتوتو وكودي ديل ما بينفعوا؟!
|
Post: #2
Title: Re: يا(شراره)و(شباب من اجل التغير)وغيرهم الثوره السودانيه بدأت اين انت
Author: Abdel Aati
Date: 06-13-2011, 08:23 PM
Parent: #1
فوق
|
Post: #3
Title: Re: يا(شراره)و(شباب من اجل التغير)وغيرهم الثوره السودانيه بدأت اين انت
Author: محمد كابيلا
Date: 06-13-2011, 08:33 PM
Parent: #1
أسئلة صادقة لــ شرارت كاذبة
لا تستطيع النظر أبعد من محيطهم
الإقتصادى والإجتماعى ولا أتوقع الرد
من أى من الشرارت الفارغة ..!!
تراجى مصطفى ..
لك كل التقدير
|
Post: #4
Title: Re: يا(شراره)و(شباب من اجل التغير)وغيرهم الثوره السودانيه بدأت اين انت
Author: Tragie Mustafa
Date: 06-13-2011, 09:33 PM
Parent: #3
شكرا عادل على المرور
ومعا لفضح الصامتين.
|
Post: #7
Title: Re: يا(شراره)و(شباب من اجل التغير)وغيرهم الثوره السودانيه بدأت اين انت
Author: Tragie Mustafa
Date: 06-14-2011, 04:37 AM
Parent: #6
.....شكرا لكم جميعا.....
|
Post: #8
Title: Re: يا(شراره)و(شباب من اجل التغير)وغيرهم الثوره السودانيه بدأت اين انت
Author: ناذر محمد الخليفة
Date: 06-14-2011, 06:10 PM
Parent: #7
سجمي !!!!!!!!
Quote: انتو شهداء الثوره السودانيه ديل الا اسمائهم
تبقى هيثم وعاشكه ودهب وناذر ومجدي و الحاجات دي يعني؟؟
|
الولية نوت تطفشني من الدنيا !!!!!
|
|