النقروا دا كمان شنو؟

Post: #1
Title: النقروا دا كمان شنو؟
Author: د.نجاة محمود
Date: 06-11-2011, 12:58 PM

زول اسمو محمد على النقرو

كاتب معلق في بوست مفتوح لي خصيصا

Quote:
اخى الطيب لك التحية
هنالك الكثيرين يحملون مسميات ولكنها
القاب توزعها حكومة اللاوطنى لمن
يناصرها بغير علم...وهى فى مجالات
عجيبة وغريبة...ولا مجال لهؤلاء غير الاساءات
وتلون كاحرباء فى جميع المواقف تحتار فى ماذا
تناقشهم.

عايزين النقروا دا يجي هنا يثبت كلامو دا عني
بالجد مارضاكم جنس مرض انا لما الواحد يجي يكذب في وضح النهار
ويعد هذه الاكاذيب نضال..

عايزين النقرو يجي يكتب لينا موضحا ما كتبه
اهم حاجة يوري التلون الحربائي في جميع المواقف
وعايزة اشوف كيف الحكومة وزعت لي اللقب دا وين دافعت عنها
وين ناقشني اسئت ليه؟
وهو ذاتو بيعد كموا دا شنو اساءة ولاما اساءة
عشان ما يكون بغبغة وجري وراء القطيع ساي

بالله اسع النقرو الامعة دا لما امه ولدته الناس زغردت وقالو جانا ولد؟

Post: #2
Title: Re: النقروا دا كمان شنو؟
Author: د.نجاة محمود
Date: 06-11-2011, 01:00 PM
Parent: #1

الدكتورة السودانية 100% و البرطعة المنبرية .. !!

Post: #3
Title: Re: النقروا دا كمان شنو؟
Author: العوض المسلمي
Date: 06-11-2011, 01:20 PM
Parent: #2

معليش يا دكتورة اهو يكون عائز يرفع البوست ومالقي كلام يقولوا قام صات الصواتة دي فبكون ما قاصد ..

Post: #7
Title: Re: النقروا دا كمان شنو؟
Author: د.نجاة محمود
Date: 06-11-2011, 02:35 PM
Parent: #3

Quote: معليش يا دكتورة اهو يكون عائز يرفع البوست ومالقي كلام يقولوا قام صات الصواتة دي فبكون ما قاصد ..

موش بالله؟ بيان بقت ارض النضال ياخي
ماي يظهر زول الا ويجي طوالي دايخ يتكلم عني وعن مواقفي,,,,

ويرص ويكذب ويدلس

Post: #4
Title: Re: النقروا دا كمان شنو؟
Author: بدر الدين اسحاق احمد
Date: 06-11-2011, 01:22 PM
Parent: #2

يا ستى نجاة بنسلم وبنقول براحة على نفســـك ...

الحكاية وما فيها بيجى الزول جديد لنج يا قالو ليهو امشى ارشيف الزول شوفو كاتب شنو ومواقفو شنو .
او ادوهو ( العلامة المسجلــة ) بيان دا كوزه ليها اضنين
والزول طوالى يقعد يرص فى الاكلشيهات الجاهزة ديك ( ..... و ..... و .....)

عشان تتجاوزى حكاية الشغل بالقطاعى دا كل يوم ضيف جديد لنج
مع تقديم المقترح التالــى :
تصميم مادة بوست مسجلة باسمك صوت وصورة ومادة مكتوبة موضح فيها التالى :
مكان وتاريخ الميلاد
المراحل الدراسية
الولاية
الجامعة
الاتجاه السياسي فى الجامعة وبعد الجامعة
المؤهلات الاكاديمية فوق الجامعة
الزوج تاريخو السياسي
مكان عملو الحالى
والزواج ذاتو كان متين وكان هناك فنان ولا لم يكن
واين تعملين الان
وهل انت تحملين درجة الدكتوراة ؟ موضوعها شنو ؟ ومتى تم منحها لك ؟ والدكتور المشرف على البحث ؟ والمناقش الخارجى كان منو ؟
وهل تقلدتى وظيفة فى ظل حكومة الكيزان دا ؟
واين كنت تقيمين منذ يونيو 1989م وحتى الان ؟

انت شامـه المعارضة عشان شنو ؟
ومواقفك رمادية عشان شنو

بعدين الاسئلة اياهــا بتاعت عمرك كم .. و معهد الموسيقى والمسرح

بعد داك اى زول جديد لنج عايز ( يتفولــح ) طوالى بنفس بارد تصرفى ليهو حبتين عند اللزوم

_____________

والله بيكونو زغردو جنس زغاريد ما جابو ليهم ( ولد )

Post: #5
Title: Re: النقروا دا كمان شنو؟
Author: mayada kamal
Date: 06-11-2011, 01:26 PM
Parent: #1

إذا يا دكتورة
أصبتيهم في مقتل
وانت المااااااااااااشة صااااااااااااااح
اردميهم ردم
ياخي انا مبسووووووووطة منك شديد والله

Post: #6
Title: Re: النقروا دا كمان شنو؟
Author: أمير فتحي
Date: 06-11-2011, 01:42 PM
Parent: #5

Quote: إذا يا دكتورة
أصبتيهم في مقتل
وانت المااااااااااااشة صااااااااااااااح
اردميهم ردم
ياخي انا مبسووووووووطة منك شديد والله

مابراك

لمن بقرأ للدكتوره (فخرنا وعزنا) أو أراها تدير معاركها بحس بأن مهيره بت عبود (ماماتتش)

التحية لك دكتوره بيان ولا نامت أعين النكرات

Post: #8
Title: Re: النقروا دا كمان شنو؟
Author: د.نجاة محمود
Date: 06-11-2011, 02:52 PM
Parent: #6

لووووووووووول يا بدري
اها دي كيف؟؟؟؟

مكان وتاريخ الميلاد : عطبرة سنة 1933 ( على حسب اقوال ناس المنبر)
المراحل الدراسية لن اتلقى اي تعليم نظامي على حسب اقوال ناس المنبر وهو انا حاعرف احسن من المعارضة
الولاية : من الشوايقة المحتلين ولاية نهر النيل
الجامعة :محد المزيكا والمرسح
الاتجاه السياسي فى الجامعة وبعد الجامعة : مستقلة وبعداك برضو مستقلة
المؤهلات الاكاديمية لا توجد على حسب اقوال المناضلين
الزوج تاريخو السياسي :لا يوجد
مكان عملو الحالى : استاذ في جامعة
والزواج ذاتو كان متين وكان هناك فنان ولا لم يكن : كان عقد سنة 1985
( على حسب اقوال هنادي قالت ااتزوجت راجل عجوز عشان يوديني ماليزيا نجدع بقروش السودان 1993
يعني انا حأعرف احسن من عضو اللجنة المركزية للحزب الشيوعي)
واين تعملين الان :معقبة في مكتب خدمات على حسب اقوال المناضل الموج كمان انا حاعرف احسن منه شغلي شنو؟
وهل انت تحملين درجة الدكتوراة ؟ موضوعها شنو ؟ ومتى تم منحها لك ؟ والدكتور المشرف على البحث ؟ والمناقش الخارجى كان منو ؟
والله على حسب كلام ناس البورداحمل شهادةمزورة ورقة بس ولا يوجد بحث بالتالي مشرف بالتالي ممتحنين
وهل تقلدتى وظيفة فى ظل حكومة الكيزان دا ؟ والله على حسب كلام المناضلين ايوة هو انا حاعرف احسن منهم
واين كنت تقيمين منذ يونيو 1989م وحتى الان ؟
كنت في امريكا ثم جيت السودان ثم طلعت من السودان لماليزيا لتجدع بقروش الشعب السوداني

انت شامـه المعارضة عشان شنو ؟والله على حسب اقوال الشيوعين في معارض اداني شاكوش
ومواقفك رمادية عشان شنو : عشان لوني ابيض لما الموقف يكون اسود بتقلب رمادي

Post: #10
Title: Re: النقروا دا كمان شنو؟
Author: د.نجاة محمود
Date: 06-11-2011, 02:56 PM
Parent: #6

شكرا ليك اخي فتحي
والله كل مرة اقول افتح نار على الرجال ديل
اذكرفي رجال ذيكم يملوا العين..
لا بيشتموا النسوان ولا بيطاردوهم

يديك العافية ونتمنى نكون عند حسن الظن

Post: #9
Title: Re: النقروا دا كمان شنو؟
Author: د.نجاة محمود
Date: 06-11-2011, 02:54 PM
Parent: #5

سلامات يا ميدو

والله الزول لما بقى يتحير من الرجال ديل وعمايلهم
خلي بالك النقرو اسع بيكون فاكر ادى فرض النضال

وشكرا ليك ياخي انا ذاتي مبسوطة منك شديد

Post: #11
Title: Re: النقروا دا كمان شنو؟
Author: انتصار محمد صالخ بشير
Date: 06-11-2011, 03:08 PM
Parent: #9

الاخت الفضلى الدكتورة نجاة

السلام عليكم

ياريت يعرفوا الاخوة والاخوات الكرام ان الكلمة امانة

يجب تحرى الصدق والامانة فيما نقول والا على الدنيا السلام

Post: #12
Title: Re: النقروا دا كمان شنو؟
Author: د.نجاة محمود
Date: 06-11-2011, 03:17 PM
Parent: #11

Quote: يجب تحرى الصدق والامانة فيما نقول والا على الدنيا السلام

سلامات يا انتصار
والله لما الزول بقى متحير.. الناس دي رسمت لي شخصية مغايرة جدا

زولة انتهازية معرسة راجل عجوز عشان يوديها ماليزيا سارقين قروش السودان
اسع المنالض الفوق ا طلعني مصروف لي شهادة
الناس دي ما بتخجل بعدين الحاجات البتتكتب هنا كذبا دي كلها
ممكن تكشف بسهولة لكن ما يهمهم بقدر ما يفكوا الكذبة..

Post: #13
Title: Re: النقروا دا كمان شنو؟
Author: Tragie Mustafa
Date: 06-11-2011, 04:00 PM
Parent: #11

هيييييييييع الاسد النتر

قلت لي النقرو ما بتعرفيه يا دكتوووووووووره؟؟؟

وهل تعتقدي دي مشكلته؟؟ولا مشكلتك؟؟

النقرو عضو قديم واستاذ جامعي يهز ويرز وشوفي مداخلاته هنا

طوال عمره راسي ورزين.وانت اظن الزول لو ما اتعود يناكفك

ويلبس لك كبك ابو شلاخات زي حقك ما بتعرفيه مش كده؟؟!!

يا بيان للاسف اعتمدتي على شلة مطبلاتينك وافتكرتي

الاغلبيه الصامته دي معاك وهي اغلبها ضدك...وما بيتداخلوا

لانهم شايفين مافي فايده من نقاشك.

طيب حسه في زول بيوزع اكليشهات قدرك؟؟

الراجل فكت خمشك اعتبرتيه امعه ويعلم الله انه ليس امعه

هو رجلا و الرجال قليل.....

وكلامه القالوا ده لا فيه اثبت ولا ما اثبت ده رأيه عن كتاباتك

ونوع مشاركاتك هنا

Quote: النقرو الامعة دا لما امه ولدته الناس زغردت وقالو جانا ولد؟

آمعه الدارويش المعاك ديل المافيهم زول قرر يبحث في ارشيف الرجل ويعرف من هو وكيف يكتب وماذا يكتب

طوال تواجده هنا....وجوا كتبوا بغباء وبصموا.

امانه ما زغردوا ليه ولسه بيزغردوا لانه ضؤ قبيله لعلمك وراجل ليه وزنه.

وبطلي طولة اللسان واعرفي حدودك جيدا.قال زغردوا ليه قال؟؟؟

حسه انت بعمايلك دي بالله ما ندمتيهم على زعارديهم لو اصلا زغردوا؟؟!!

اها نجيء للامعه الجد جد...ونشوف....نماذج...
Quote: معليش يا دكتورة اهو يكون عائز يرفع البوست ومالقي كلام

يقولوا قام صات الصواتة دي فبكون ما قاصد ..
بالله؟؟!!

يا العوض المسلمي لو فاكر مافي زول من ناس الهامش كاتب باين دي بالقلم الاسود في الكتاب الاسود

تكون مغشوش.وما بيان لوحدها اي زول بيكتب كلام عنصري وما مسؤل ناس الهامش حافظنه جيدا.

يعني اخوك محمد المسلمي لما اتشوبر وكتب فاليذهب الجنوبين لانه ستنخفض معدلات الجريمه

اي جنوبي يكون طالعها وما حفظه يبقى لبن امه حرام عليه!!لانه حمار!

فاعلموا انه اي كلام غير مسؤل هنا نحن قاعدين نوثق ليه تماما.

ونحن دي ما معنها تراجي لوحدها!!

Quote: يا ستى نجاة بنسلم وبنقول براحة على نفســـك ...

الحكاية وما فيها بيجى الزول جديد لنج يا قالو ليهو امشى
ارشيف الزول شوفو كاتب شنو ومواقفو شنو .
او ادوهو ( العلامة المسجلــة ) بيان دا كوزه ليها اضنين
والزول طوالى يقعد يرص فى الاكلشيهات الجاهزة ديك ( ..... و ..... و .....)

بدر الدين ود قريبنا فكي اسحاق ازيك؟؟
يا اخي معقوله زول يفترض بتاع تخطيط استراتيجي زيك يتشوبر ويكتب كلام عبيط
وبيدل على الامعه و الرغبه في رفع البوست و المجامله فقط بلا كبير تفكير.

حسه انت كلمة ارشيف دي لما بتعرفها غالبك تبحث قبال تفتي مالك؟؟؟وتمتعنا بمثل هذه المداخله الغبيه؟
منو قال لك الناس ما متابعين جيدين؟؟؟يا اخي فضحتونا عارف في دي انا بدي الامنجي علاء الدين عشره على عشره
لانه نجيض وبيفتش الارشيف كويس قبال يرد!!

اها في الامنجيه تطلعوا امنجيه خيخه كمان؟؟!!

الزول ده استاذ جامعي قلنا لك وبيان دي هاضمها جيدا وعارف ما بين السطور وما تحت السطور
والفي عقلها الباطن ذاته وفاكره بتقدر تحجبه وهو مفضوح!!
لا قبضوا يوم لافح من قوقول ولا ناقل من حزب وطني مصري.

امثاله ينقل عنهم وتسرق مجهوداتهم العلميه.
فارحمونا من مجاملاتكم الغبيه يرحمكم الله.

الاخت انتصار بشير

اتفق معك في نصيحتك هذه ولكن هل اخترت المكان الصحيح لوضعها؟؟؟

والم تخطي انت بحق العضو الفاضل محمد علي النقرو لتعليقك في بوستات بيان

المعروف انه في نظرها البقول لليها لا تلبس ليه الكبك او شلاخات؟؟
Quote: الاخت الفضلى الدكتورة نجاة

السلام عليكم

ياريت يعرفوا الاخوة والاخوات الكرام ان الكلمة امانة

يجب تحرى الصدق والامانة فيما نقول والا على الدنيا السلام

العضو ده انا بدعيك ثاني لمطالعة مداخلته بهدؤ وشوفي وين اخطأ في حق بيان

ولا جاب كلمه تقلق من أمانه ولا بتدل انه نشر ولا لفح اكليشيهات من الآخرين.

الزوله دي مؤتمر وطني....و لما نقول مؤتمر وطني ما معناها ملي فورمات ولا دفع اشتراكات

معناتها انه بتخدم الخط الاعلامي له.

واي زول بيغالط ولا بيفترك انه عشان بتراسله ولا بتتكلم معاهوا في التلفون ممكن تدجنه

ويجيء يقول كلام غير مسؤل يبقى هو امعه وبيغش في روحه.

الاستاذ محمد علي النقرو يستحق منك تحديدا اعتذار يا انتصار لانك شهدت

بغير الحق في تعليقك على مداخلته.

وعلى فكره لما خصيتك انت بطلب الاعتذار لاني اعرفك واعرف انك تدخلتي في مكان ما بيشبهك

وانك اكيد لا تعنيه برزاز كلماتك التي كتبتيها.

ولانه العشم فيك انك لست من الامعه الفوق ديل وما تضعي نفسك في موقع الشبهات.

Post: #14
Title: Re: النقروا دا كمان شنو؟
Author: د.نجاة محمود
Date: 06-11-2011, 05:29 PM
Parent: #13

قررقررقررقررقرقررقرقررقرقررقرقرقررقر

والله يا تراجي بالغتي عديل شغالة اسقاط تقيل

الفيك بدربو والعيب اقدلبو

العايزة ترفعي ليه بيرق تجي ترشي كلام فارغ ذي دا
والعايزة تنزلي بيرقو المرفوع ترشي برضو

عاد نحنا مافي فد صحراء بنقطعها

ونضال من كندا حتى القصر دا ما بنفع معانا
واحلمو لباكر مافي زول بسألكم لكن بطلوا نشر الاكاذيب وقلة الادب..

بعدين يا ترجرج النقرو حقك دا لو دا مستوى كتابته
اخير يا يمة انا بمليون درجة.ز

Post: #15
Title: Re: النقروا دا كمان شنو؟
Author: د.نجاة محمود
Date: 06-12-2011, 03:35 AM
Parent: #14

النقرو فك البيرق ولا شنو؟

Post: #16
Title: Re: النقروا دا كمان شنو؟
Author: قاسم المهداوى
Date: 06-12-2011, 03:38 AM
Parent: #15

سلااام يا دكتورة
و كيف انت

قاسم

Post: #17
Title: Re: النقروا دا كمان شنو؟
Author: د.نجاة محمود
Date: 06-12-2011, 04:34 AM
Parent: #16

ممكن اهدي

هذه الاغنية هي نشيدي الشخصي

يا مشاوير المحبة
الكلمة تقلت
والخطيوات الندية
الغيمة الشالت
شالت دمعة مرة
غرَّقت أناتها أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مَـخافة
وانزوت في عمق أعماقنا الخفية
ويا مشاوير ضيعيني
وشتتي الزاد يا المشاوير الشقية
توهي النور بدديهو
خلى إظلامِـك يغيِّب كل لحظة فرحة فيَّ
بكي إحساسي الحنيِّن
دردريني وودريني وأصلي ليكِ أنا ماني هيِّن
وكل نهاية تكون بداية
وكل وجعة تفرهد الإحساس جوايا
وأبقى عايش للعوينات الوفية
وأبقى عايش كل لحظة نور هنية
http://www.youtube.com/watch?v=gRrvwP7YfnA

Post: #18
Title: Re: النقروا دا كمان شنو؟
Author: بريمة محمد
Date: 06-12-2011, 04:46 AM
Parent: #17

بت أبا دكتورة نجاة

سلامات ..

بالراحة على الأخ محمد على النقرو .. ناس هولندا ظروفهم الحالية لا تسمح لهم بفتح بوستات ..

الفيهم مكفيهم.

تحياتى

بريمة

Post: #20
Title: Re: النقروا دا كمان شنو؟
Author: محمد على النقرو
Date: 06-12-2011, 10:27 AM
Parent: #18

يابريمة سلام ياأخى بت ابوك دى قول ليها النقرو
دا من متين هناههههههههههههههههههه

عامل فيها عارف اى حاجة مين القال ليك النقرو فى هولندا!!!
يازول تحرى كويس. ههههههههههههههههههه

Quote: بت أبا دكتورة نجاة

سلامات ..

بالراحة على الأخ محمد على النقرو .. ناس هولندا ظروفهم الحالية لا تسمح لهم بفتح بوستات ..

الفيهم مكفيهم.

تحياتى

بريمة

Post: #19
Title: Re: النقروا دا كمان شنو؟
Author: محمد على النقرو
Date: 06-12-2011, 10:20 AM
Parent: #13

اولا سلام عليكم للكل
اولا يا نجاة أنا ما عضو جديد بس كلفى
نفسك شوية وشوفى على يمينك بس على الاقل
شوفى منذ متى انا هنا فى سودانيزاونلاين
ودا بداية تدل على اندفاعك فقط لفتح البوست.
وتانى شىء الكلام الكتبته هو واقع يعرفه القاصى
والدانى فى السودان, حكاية منح الشهادات بتخصصات
, لمنتسبى والمدافعين عن المؤتمر الوطنى, امر لا يخفى
على احد, او ارسالهم للخارج على حساب اموال الشعب المغلوب
على امره. والكوز او الكوزة ما الا يركب قنبور عشان يكون كوز,
الكوزنة ممكن يكون بالموقف والتلميح للدفاع عن هذة الزمرة
الظالمة والتى اذاقت وادخلت البلاد فى نفق مظلم لا يعلم مداه
الا الله. واستغرب جدا لموقف انسان يدافع عن حكومة تشرد وتقتل
مئات الالف فى المعسكرات لمدة 8 سنوات ويحاول يبرر عن هذة المواقف
بحجة حماية وطن ...طيب ليه الناس سكتت عندما استعان العرب بماما
امريكا سيدتهم بحجةالدفاع عن المدنيين فى ليبيا , ولم نرى موقف
واحد بقول دى خيانة. بل وجدنا من ائمة الظلام السياسى بيدعو فى
المساجد "اللهم انصر النيتو فى ليبيا واهزمهم فى افغانستان"
كلام عجيب. اذن الكوز/ة كوز/ة لان المشروع ما احقاق حق بل مصالح
ومناصرة فئة ضد الاخرى لان الاولى بتخدم مصالح.
والشىء الثالث, انا ما من الناس البيفك البيرق..لا الان ولا تاريخيا
لانه عندنا عيب احسن منه الموت الواحد بيفضل الموت دا فى الواقع
خلينا من مسألة المنابر . يمكن فى ناس فاضية لان توفرت ليهم اشياء
ودا شغلهم... خروجى من السودان بسبب الظلم ما ترفيه ومثلى كثر
ولا يزال البعض يدافع عن هذا الظلام الهالك ويريدون ان يقنعواالناس
بانه نور بحجة الدفاع عن الوطن ولكن هيهات.

تراجى لك التحية وربنا يقويك , وبذووق شمس الحريةقد حان ابشرى.
ولن يضيع حق ورائه مطالب. والتحية لكل الغلابة والهامش.

Post: #21
Title: Re: النقروا دا كمان شنو؟
Author: د.نجاة محمود
Date: 06-12-2011, 01:23 PM
Parent: #19

Quote:
اولا سلام عليكم للكل
اولا يا نجاة أنا ما عضو جديد بس كلفى
نفسك شوية وشوفى على يمينك بس على الاقل
شوفى منذ متى انا هنا فى سودانيزاونلاين
ودا بداية تدل على اندفاعك فقط لفتح البوست.
وتانى شىء الكلام الكتبته هو واقع يعرفه القاصى
والدانى فى السودان, حكاية منح الشهادات بتخصصات
, لمنتسبى والمدافعين عن المؤتمر الوطنى, امر لا يخفى
على احد, او ارسالهم للخارج على حساب اموال الشعب المغلوب
على امره. والكوز او الكوزة ما الا يركب قنبور عشان يكون كوز,
الكوزنة ممكن يكون بالموقف والتلميح للدفاع عن هذة الزمرة
الظالمة والتى اذاقت وادخلت البلاد فى نفق مظلم لا يعلم مداه
الا الله. واستغرب جدا لموقف انسان يدافع عن حكومة تشرد وتقتل
مئات الالف فى المعسكرات لمدة 8 سنوات ويحاول يبرر عن هذة المواقف
بحجة حماية وطن ...طيب ليه الناس سكتت عندما استعان العرب بماما
امريكا سيدتهم بحجةالدفاع عن المدنيين فى ليبيا , ولم نرى موقف
واحد بقول دى خيانة. بل وجدنا من ائمة الظلام السياسى بيدعو فى
المساجد "اللهم انصر النيتو فى ليبيا واهزمهم فى افغانستان"
كلام عجيب. اذن الكوز/ة كوز/ة لان المشروع ما احقاق حق بل مصالح
ومناصرة فئة ضد الاخرى لان الاولى بتخدم مصالح.
والشىء الثالث, انا ما من الناس البيفك البيرق..لا الان ولا تاريخيا
لانه عندنا عيب احسن منه الموت الواحد بيفضل الموت دا فى الواقع
خلينا من مسألة المنابر . يمكن فى ناس فاضية لان توفرت ليهم اشياء
ودا شغلهم... خروجى من السودان بسبب الظلم ما ترفيه ومثلى كثر
ولا يزال البعض يدافع عن هذا الظلام الهالك ويريدون ان يقنعواالناس
بانه نور بحجة الدفاع عن الوطن ولكن هيهات.

في زول فهم حاجة؟

اسع كلامك دا كلووووووووو كلام خارم بارم ولا يعول عليه
وانت جست زول مسكين مرق من السودان واتخدع بالوعد الكاذب
وجا هنا يفتش ناس ينتقم منهم وضعوا ال######## في البلد الجديدة بلد الاحلام الهاربة

النقرو اسمح لي انت رجل كذاب وافاك وبتاع اشاعات وكلامك لا يستند على اي حقائق

وحاسد كمان يا النقرو
كدي عايزين نعرف النقرو مرق لشنو من السودان اوعى تقولي عشان تناضل؟؟؟؟

موش قلت ليك انت بتاع مكنات ساي

كل يوم في البورد ينبل لينا مناضل من صغمبروتي يفتكر الاكاذيب بتخليه مناضل كبير والبلد ضيقة