Post: #1
Title: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: هشام هباني
Date: 06-10-2011, 01:40 PM
كانت نكتة حلوة وهي واحدة من الاشياء الممتعة التي جلبتها معي من سياحتي القصيرة جدا في جنان كاليفورنيا قبيل يومين حيث جاءت وليدة سمر سوداني بريء وقد قالت النكتة :( مظاهرة حارة في نص الخرطوم وكان البمبان تقيل والعكم تقيل والكوامر مليانة معتقلين ومعتقلات وكان هناك كومر مليان معتقلات شيوعيات بنات زي ( المنقة خنفسة وجنز اصلي امريكاني) وقيل ان مر الكومر من جمهرة مشاة في نص السوق العربي والصفافير وقعت هبطرش والبوليس الذي كان برفقة المعتقلات (شايقي سنجك غتيت) وقيل انه في وسط الزحمة كان هنالك مواطن مبهور بجمال الشابات المعتقلات وقد سال الاخرين عنهن فردوا عليه بانهن شيوعيات معتقلات فتمني صاحبنا ان يكون برفقتهن في تلكم اللحظات وحينها بدا يركض خلف الكومر راغبا في اللحاق بهن وانحشاره في وسطهن في ذلكم الكومر العجيب وصار يهتف باعلى صوته وهو يركض خلف الكومر:( عاش الحزب الشعوعي السوداني) ولم يعره (السنجك) اي اهتمام ورددها عدة مرات ( متشلهتا) وزاد السنجك في غتاتته وحينها صاح الرجل المسكين: ( عاش محمد ابراهيم نقد) فرد عليه اخيرا السنجك :( هوي يا اللخو والله الليلي ان بقيت (خرشتوف) عديل الكومر ده ما بتركبو)!!
|
Post: #2
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: سيف النصر محي الدين
Date: 06-10-2011, 01:52 PM
Parent: #1
ههههههه حلوة يا عمدة.
و كان قدم طلب عضوية عديييل برضو ما أظن يركبو، ياخي ديل كانوا حيسلوا
روحو عديل قبل ما يرفضوا الطلب.
|
Post: #3
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: هشام هباني
Date: 06-10-2011, 05:22 PM
Parent: #2
ابو السيوف
عمنا السنجك يبدو لماح وفهمها طايرة ومارس في ضحيته اقسى حالات (الغتاتة)
و خلا صاحبنا المشلهت في حالة اخير منها السجن عديل.... واكيد حيستانف ويستانف
زي صاحبنا بتاع السجن والنكتة الاشهر!
|
Post: #4
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: سيف النصر محي الدين
Date: 06-10-2011, 05:37 PM
Parent: #3
Quote: واكيد حيستانف ويستانف
زي صاحبنا بتاع السجن والنكتة الاشهر! |
بس العوجة يقوم كمان ياخد عضوية في سودانيزاونلاين و يعمل فيها مهم
و أنو عمك كارل ماركس ظااااطو.
|
Post: #5
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: Kostawi
Date: 06-10-2011, 05:51 PM
Parent: #4
دي عنصرية عديل كدة
متين شفت ليك شايقي شغال في البوليس ولا شايل ليه طورية
شف كمان عريبي بحر أبيض دا
كمان قال بنكت!!
|
Post: #8
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: هشام هباني
Date: 06-11-2011, 03:40 AM
Parent: #5
السنجك (التايواني ) كوستاوي
ات بصحك يا السجيمان قايل نفسك سنجك والله لو اهلك قبيل شلخوك غايتو الا تكون (جيري)!
|
Post: #6
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: بلدى يا حبوب
Date: 06-10-2011, 06:02 PM
Parent: #4
حلوة واضحكتنى
واديك النكته ده وبرضو سياسية
قالوا فى واحد سكران راكب تاكسى وقاطع كبرى امدرمان الخرطوم وسواق التاكسى لمن وصل بيه منتزه المفرن قال ليه على وين ماشى صحابنا قال ليه انت بس سوق ولمن اقول ليك نزلنى اقيف بتاع التاكسى دخل بيه شارع بنك السودان وصل جامعة النيلين ووقف العربية وقال ليه انته ماشى وين قال ليه شوف انته اى مكان بتشوفه نزلنى المهم نزله قدام دار المؤتمر الوطنى و السكران على طول قال بالله شوف الزول ده مالقى الا ينزلنى قدام الجماعة وبعد شوية جاه واحد من جوه وقال ليه يا شيخنا انته ماشى وين زولك كتم وبعد شويه ما يلقى الا العسكرى ماسكه وعلى طول قعد يكوريك هى لله هى لله والسد الرد ونحنا معك يا بشير المهم العسكرى احتار اعمل معاه شنو وعاين لمنسوب المؤتمر الوطنى علشان يشوف مخارجه للسكران وزول المؤتمر الوطنى طبعا اتكيف من كلام السكران وعلى طول قال للعسكرى معليش يا جنابوا الدور احتسبه وخليه يمش
|
Post: #7
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: بدر الدين الأمير
Date: 06-10-2011, 06:21 PM
Parent: #6
هبانى ياداقس
ياخى دى نكتة قديمة من زمن مايو
ولها اكثر من رواية انت يادوب وصلتك
وبعدين ناس الانقاذ مابسوقو المتظاهرين
ديل بغتصبوهم فقط نساء كانو ام رجال
وفى حالة الرأفة بكون الجلد على رؤس الاشهاد
|
Post: #9
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: هشام هباني
Date: 06-11-2011, 01:43 PM
Parent: #6
بلدي يا حبوب
كيفنك ومشتاقون
| Quote: على طول قعد يكوريك هى لله هى لله والسد الرد ونحنا معك يا بشير المهم العسكرى احتار اعمل معاه شنو وعاين لمنسوب المؤتمر الوطنى علشان يشوف مخارجه للسكران وزول المؤتمر الوطنى طبعا اتكيف من كلام السكران وعلى طول قال للعسكرى معليش يا جنابوا الدور احتسبه وخليه يمش |
خطيرة والله
بالمناسبة انا في اعتقادي ان النكتة السياسية السودانية اذكى نكته بالمقارنة مع جاراتها في الاقليم المحيط
واتمني ان يوثق لها في المستقبل في كتيب صغير كنوع من التسلية وايضا فانها ستعطي اضاءة موجزة حول
ملابسات الظروف السياسية التي ولدتها....
مودتي
|
Post: #10
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: jini
Date: 06-11-2011, 08:07 PM
Parent: #9
سنجك شيوعى ولدوا ليهو تيمان قرر يسميهم ماركس ولينين
الجد حلف بالتقطعوا التيمان ما يتسموا بأسامى كفار
الاب سماهم أبنعوف وعيد الروس
جنى
|
Post: #11
Title: Re: نكتة اضحكتني ....مع اعتذاري لاهلي الشوايقة واصدقائي الشيوعيين!!
Author: هشام هباني
Date: 06-11-2011, 10:13 PM
Parent: #10
Quote: سنجك شيوعى ولدوا ليهو تيمان قرر يسميهم ماركس ولينين
الجد حلف بالتقطعوا التيمان ما يتسموا بأسامى كفار
الاب سماهم أبنعوف وعيد الروس |
دي حلوة شديد يا جني.....................
وعلى ما اعتقد ان الحزب الشيوعي السوداني او اليسار بصفة عامة
تقريبا جل عضويته من اهلنا الشوايقة وايضا منهم الكثيرون
من اعظم ادباء وفناني وكتاب الوطن الذين عطروا الوجدان السوداني
بابداعاتهم واهلنا الشوايقة ليست لديهم نزعة وعصبية مثل بعض قبائل السودان
فدوما تجد نفسهم القومي هو الغالب على نزعة القبلية.
|
|