Post: #1
Title: الجّيش يعرض غنائمه من فلول الشعبيّة الهاربة من كادقلي (فيديو)
Author: علاء الدين يوسف علي محمد
Date: 06-09-2011, 10:46 PM
إضغط للمُشاهدة
|
Post: #3
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: علاء الدين يوسف علي محمد
Date: 06-09-2011, 10:54 PM
Parent: #1
أخوكِ يا لسمّحة
فرتاك للصّفوف في أقل من لمحة
|
Post: #4
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: نزار يوسف محمد
Date: 06-09-2011, 11:04 PM
Parent: #3
بيان هام للشعب السودانى عما يجرى فى ولاية جنوب كردفان
الحركة الشعبية لتحرير السودان –قطاع الشمال مكتب لندن
بيان هام للشعب السودانى عما يجرى فى ولاية جنوب كردفان
فى البدء التحية و التجلة لصمود ابطالنا الاشاوش فى جنوب كردفان فى وجه طغاة و جناة المؤتمر الوطنى، الذى حاول وما زال يحاول كسر ارادة جماهير الولاية ، و جر الولاية الى المربع الاول وزرع بزور الفتنة بين الاثنيات الموجودة فى الاقليم .
يا جماهير شعبنا الصامد:
نود ان نملككم كل الحقائق بكل صدق و امانة عن ما يجرى الان فى الولاية :
1- المؤتمر الوطنى هو المسئول الاول و المباشرفى اشعال فتيلة هذه الحرب التى تعد خرق كامل لاتفاقية السلام الدائم حيث قام بجلب اليات عسكرية ثقيلة و مليشات من خارج الولاية و محاولته تجريد عناصر الجيش الشعبى فى القوات المشتركة من السلاح قبل حسم مسالة الترتيبات الامنية الموجودة فى اتفاقية نيفاشا التى تنص بانتهاء آجلها 9 ابريل 2012 .
2- قيام المؤتمر الوطنى باعتقال اثنين من قيادات الحركة الشعبية فى القوات المشتركة و هما العميد يعقوب كالوكا و العميد مهنا بشير اثناء التفاوض لحقن الدماء فى الولاية ، و كما قامت فى نفس الوقت قوات تابعة للمؤتمر الوطنى بمداهمة منزل القائد عبدالعزيز آدم الحلو و هدمه .
3- الحركة الشعبية لم تكن ضالعة فى عمليات القتل الذى حدثت للمواطنين داخل مدينة كادقلى .
4- كل القيادات الان موجودة داخل الولاية و متماسكة و تحت قيادة الرفيق القائد عبدالعزيز آدم الحلو .
5- ان ما يتردد من اصابة القائد عبدالعزيز آدم الحلو مجرد اشاعات مغرضة و لا اساس لها من الصحة بل هى محاولة تضليل الرآى العام عن الوقائع الحقيقية التى تجرى على الارض .
6- لا زال المؤتمر الوطنى يقذف المناطق المكتظة بالسكان فى الولاية بالطيران الحربى و المدافع الثقيلة .
7- انتشار ظاهرة السلب و النهب و القتل من قبل المليشيات التى جلبها المؤتمر الوطنى فى الولاية .
8- قيام المؤتمر الوطنى ومليشياته بحملة اعتقالات واسعة وسط المواطنين الابرياء و العزل بتهمة انتمائمهم للحركة الشعبية .
9- الوضع الانسانى للمواطنين ينزر بوقوع كارثة انسانية .
و عليه نناشد كل المنظمات الانسانية و الحادبين لمصلحة الاقليم بمد يد العون لاحتواء الازمة الانسانية لمواطنى الولاية .
و عاش كفاح شعب ولاية جنوب كردفان
كمال كمبال تية – رئيس مكتب الحركة الشعبية قطاع الشمال-لندن
|
Post: #5
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: SAMIR IBRAHIM
Date: 06-09-2011, 11:25 PM
Parent: #4
Quote: الحركة الشعبية لتحرير السودان –قطاع الشمال مكتب لندن
بيان هام للشعب السودانى عما يجرى فى ولاية جنوب كردفان
فى البدء التحية و التجلة لصمود ابطالنا الاشاوش فى جنوب كردفان فى وجه طغاة و جناة المؤتمر الوطنى، الذى حاول وما زال يحاول كسر ارادة جماهير الولاية ، و جر الولاية الى المربع الاول وزرع بزور الفتنة بين الاثنيات الموجودة فى الاقليم |
.
كيف يصدر الاجنبي بيانا حربيا للشعب السوداني ....
الحركة الشعبية اصبحت دولة قائمة بزاتها ... والقانون الدولي لا يعطيها الحق بالتعامل مع قضايا السودان ... انما يجب التعامل معها كدولة مجاورة ..
لقد اختار اخوتنا في الجنوب الانفصال ولم يراعوا مشاعر الشعب السوداني الذي وقف مع قضيتهم منذ الثمانيات ...ولم يراعوا انهم كانوا جزءا لا يتجزأ من الشارع السوداني والمعارضة السياسية العسكرية المعارضة .
اذا كانت الحركة الشعبية علي خلاف مع شريكها في الحكم ... فلماذا تعاقب الشعب السوداني وتختار الانفصال الذي اعتبرة جريمة في حق الوطن الواحد . ولكن بالمنطق ومنعا للفتنه ما دام اختاروا الانفصال يجب ان نلتزم ويلتزموا بما اختاروه .
الذي نقرأه اليوم نعتبره تدخلا اجنبيا في السودان ... ورغم خلافنا مع الحكومة ولكن في هذه الحالة ان حكومة الامر الواقع في الخرطوم تعتبر في حالة دفاع عن البلد وعن المواطن السوداني ...
يجب ان يفهموا اخوتنا في الجنوب .. لا توجد منطقة وسطي بين الجنة والنار ..
|
Post: #6
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: محمد على حسن
Date: 06-09-2011, 11:37 PM
Parent: #5
| Quote: الحركة الشعبية قطاع الشمال |
الحركة الشعبية قطاع الشمال
وكان من قبل
اللجان الثورية - السودان
وفي
حزب البعث العراق - سوريا-..........................................حتى في السودان
والاخوان المسلمين من مصر غطت كل الدول في المنطقة
والحزب الشيوعي في كل العالم
ما بدعة ان تكون حركة شعبية في دولة جنوب السودان وحركة شعبية في الشمال
|
Post: #7
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: SAMIR IBRAHIM
Date: 06-09-2011, 11:48 PM
Parent: #6
| Quote: ما بدعة ان تكون حركة شعبية في دولة جنوب السودان وحركة شعبية في الشمال |
الاخ محمد
اللجان الثورية لم تجد اي تجاوب من الشعب السوداني خلال الشهور القليلة التي ظهرت فيها في السودان ..
اما بقية الاحزاب لم يكن لها اي اعمال عسكريه او جيوش عسكرية او مطامع عسكرية ولم تصدر اي بيانات عسكرية او حربية
الجنوبين حتي التجارة حرموها علي الشماليين ...
سؤالي هل سوف تسمح الحركة الشعبية باي نشاط عسكري شمالي او وجود عسكري شمالي في الجنوب ؟؟؟
الخلاصة ... الشعب السوداني لم يرفض هؤلاء الناس ... ولكنهم رفضوا السودان كونهم سودانيين !!!!!!
|
Post: #8
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: محمد على حسن
Date: 06-09-2011, 11:55 PM
Parent: #7
النشاط العسكري للمؤتمر الوطني وفي جنوب كردفان
والرد من قبل اهل جنوب كردفان في حركتهم الشعبية و للدفاع عن انفسهم
والضحايا من النوبة والمسيرية وكل قاطني الولاية
القتل ليس بجديد على المؤتمر الوطني
ودونك الحرب الجهادية في الجنوب
وحربهم في الشرق
وحرب الدائرة في دارفور
وقتلهم للعزل في كجبار
اللمؤتمر الوطني زور انتخابات
|
Post: #9
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: Tragie Mustafa
Date: 06-10-2011, 00:04 AM
Parent: #8
سمير ابراهيم
سلام
يا اخوي انت بتقرأ ولا جاي تكتب الفي راسك وبس؟؟
دي الحركه الشعبيه قطاع الشمال
دخل الجنوبين شنو؟؟؟
كونه الحركه الشعبيه ظلت في عقلك ترتبط بالجنوب فدي مشكلتك...
لكن الحقيقه انه هنالك من انتمو للحركه الشعبيه من كل بقاع السودان
وذهب الجنوب وبقية الفكره.
يقول لكم كمال كمبال تيه
تقول الجنوبين؟!
ومنزل المقال زول اسمه نزار
برضو تدخل الجنوبين..!!
معقوله بس يا سمير؟!
انت حر كشعب سوداني لو في صناديق اقتراع
وقتها ما تدي الحركه صوتك.
وحر كسوداني الا نتمي لها.
ولكلنك ليس حرا ان تحجر او تمنع او تشكك في وطنية من روها سبيل وبرامج يصلح لحكم الدوله.
الحركه الشعبيه افكار وليست شخوص.فرجاء الانتباهه.
|
Post: #10
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: SAMIR IBRAHIM
Date: 06-10-2011, 00:13 AM
Parent: #9
اختي الفاضلة ام حازم ...
يبدو انك ما فاهماني بقول في شنو ... من هو المسؤول عن الانفصال ؟؟؟ وهل يعقل انو زول يقرر الانفصال من اهله وبلده لانو زعلان من حكومة ؟؟؟
الشعب السوداني كلو مختلف مع الحكومة !!! فهل هذا يعني انو نعمل دولة الموردة ودولة بانت ودولة العباسية ؟؟؟؟ واي زول عندو مشكلة مع الحكومة يقوم يرفع ليهو علم ويعمل ليهو سلام جمهوري وينفصل من السودان ؟؟؟؟؟؟
اختي الفاضلة ... قطاع الشمال موقفوا من وحدة البلد شنو ؟؟؟ وعملوا شنو عشان البلد ما تنقسم ؟؟؟؟؟
|
Post: #16
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: د.يوسف محمد طاهر
Date: 06-10-2011, 05:31 AM
Parent: #10
وهل كل من أيد الإنفصال من الإخوة الجنوبيين كان حركة شعبية يا أخ سامر ؟ بل في ناس كانوا مؤتمر وطني !!!
|
Post: #19
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: SAMIR IBRAHIM
Date: 06-10-2011, 04:14 PM
Parent: #16
الاخ الدكتور المحترم يوسف
انا لا ابريء المؤتمر الوطني من مسؤولية الانفصال بل هو شريك رئيسي في هذه العملية ... ومافي حكومة سودانية قدمت تنازلات في قضية الجنوب غير حكومة المؤتمر الوطني اما الحركة هي المسؤول الاول والاخير لانها هي التي طلبت من العالم ان يساعدها في الانفصال .
وكلي ثقه اي مواطن جنوبي عادي يفرض الانفصال . ولكن الحركة الشعبية فهي الحكومة وهي السلاح وهي العندها السلاح وهي التي تملك وسائل الاتصال بالعالم .
نتألم لاننا سوف نفارق اخوة لنا .. ولم يراعوا مشاعرنا ...
|
Post: #11
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: عمار عوض
Date: 06-10-2011, 00:21 AM
Parent: #9
Quote: دي الحركه الشعبيه قطاع الشمال
دخل الجنوبين شنو؟؟؟
كونه الحركه الشعبيه ظلت في عقلك ترتبط بالجنوب فدي مشكلتك...
لكن الحقيقه انه هنالك من انتمو للحركه الشعبيه من كل بقاع السودان
وذهب الجنوب وبقية الفكره.
يقول لكم كمال كمبال تيه
تقول الجنوبين؟!
ومنزل المقال زول اسمه نزار
برضو تدخل الجنوبين..!!
|
شكرا تراجي ولقد اسمعت من من ناديت حيا ولكن لاحياة لمن تنادي
|
Post: #12
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: SAMIR IBRAHIM
Date: 06-10-2011, 00:29 AM
Parent: #11
http://www.splm-north.com/
الجواب يكفيك عنوانو .... وكفاية علينا الشعار ... علي قول المثل ( ((اللبسه هندية والرقصة مصريه ))
|
Post: #13
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: صلاح غريبة
Date: 06-10-2011, 00:30 AM
Parent: #11
محمد على حسن ... دة شايت وين اصلو .........
شكله لسع مفتكر نفسه طلع من جدة وهو لسع مترمي في قهوة المصريين الجنب السفارة
|
Post: #15
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: SAMIR IBRAHIM
Date: 06-10-2011, 00:52 AM
Parent: #13
Quote: محمد على حسن ... دة شايت وين اصلو .........
شكله لسع مفتكر نفسه طلع من جدة وهو لسع مترمي في قهوة المصريين الجنب السفارة |
الاخ غريبة ..
تحياتي ...
يجب ان نشكره وفي ميزان حسناتو انو اثار موضوع نقدر نتناقش فيهو ونستفيد منو بجميع اتجاهتنا واختلافاتنا كسودانيين ... بعيدا عن ان نخوض في الامور الشخصيه ...
والله من وراء القصد .
|
Post: #17
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: Zoal Wahid
Date: 06-10-2011, 09:14 AM
Parent: #15
| Quote: الحركة الشعبية اصبحت دولة قائمة بزاتها |
غايتو الواحد يحتار للعنصرية المتراكمة في السودان
اذا واحد عجبو حزب مصري و عمل حزب بنفس الاسم فالامر عادي زي الزبادي
مع انو مصر محتلة ارض سودانية منذ التسعينات
لدينا البعث
و لدينا الاخوان
ولدينا حزب ينتمي للقذافي
الاحياء الراقية لابد ان تكون اسماؤها من مصر و من بلاد الجزيرة العربية
يا اخي عندنا جريدة اسمها الاهرام اليوم ، الاهرام ارتبطت عالميا باسم مصر سواء اكانت
صحيفة او اثار. الارتباط هنا مقبول و لكن مرفوض ان نرتبط باخوتنا في الجنوب حتى في تشابه الاسماء.
اي حاجة بتجي من الناس البيض فهي مقبولة اما تجي من الغرابة و الجنوبيين فهي تخابر
و عمالة و كل شيء سيء يلصق بها. نضرب جسمنا بوهية بيضاء، الحقنا يا كيكي !!!!!!
يا اخي انا حر اطلق الاسم العايز على حزبي. الكيزان سرقو اسم المؤتمر الوطني من سيدو
و قدري ما اشتكي ما لقا اعتبار حتى مات بالمغصة.( ان لم تخني الذاكرة فهو القاضي السابق/ عبدالمجيد امام).
|
Post: #18
Title: Re: الجّيش يعرض غنائمه من فلول الشعبيّة الهاربة من كادقلي (فيديو)
Author: Barakat Alsharif
Date: 06-10-2011, 11:36 AM
Parent: #17
| Quote: ما بدعة ان تكون حركة شعبية في دولة جنوب السودان وحركة شعبية في الشمال |
نفهم من هذا انه لا مانع من قيام (المؤتمر الوطني قطاع الجنوب؟)
|
|