Post: #1 Title: سفير السودان في الأمم المتحدة لمرافقه: "لا خليها مش احسن؟" (فيديو) Author: Wasil Ali Date: 06-08-2011, 10:30 PM
Post: #2 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Wasil Ali Date: 06-08-2011, 10:37 PM Parent: #1
قبل ان يتحدث السفير دفع الله عثمان كان مرافقه يريد ان يحمل عنه العباية فقال له "لا خليها مش احسن؟" ثم دعاه ان يقف معه فاعتذر
Post: #3 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Wasil Ali Date: 06-08-2011, 10:43 PM Parent: #2
بعد البسملة بدأ السفير حديثه بالتذكير بالمبادئ الأسلامية التي هي المنطلق لسياسات حكومة السودان
- انك اذا حبست هرة ومنعت عنها الطعام ستذهب الى جهنم وذكر انها عقوبة ابدية - انك اذا نمت ممتلئ البطن وجارك جائع فانك لاتستحق ان تكون من ملة المسلمين - ان من يقتل نفسا فكأنما قتل الناس جميعا
وبالتالي فالحكومة ليست محتاجة لمن يذكرها بتحقيق العدالة ومحاربة الأفلات من العقاب
Post: #4 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Kostawi Date: 06-08-2011, 10:45 PM Parent: #1
تعالوا تعالوا إنتو أقيفوا
________________________ و الله يا جماعة الكوز تعرفو من وشو
Post: #5 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Marouf Sanad Date: 06-08-2011, 10:52 PM Parent: #4
سلام يا واصل
أسي عليك الله كان شالو العباية دي من الزول دا وشعقوها في العصاية الشايلا دي مش ممكن يعملو منها خيمة لي نازح في دارفور!
ويجي يقول ليك الكديسة بتودي جهنم
Post: #6 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Marouf Sanad Date: 06-08-2011, 11:04 PM Parent: #5
Post: #7 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Abd Alla Elhabib Date: 06-09-2011, 00:14 AM Parent: #4
Quote: "he said "We don't need to be reminded of dong justice
كـذب رخيص بإسم الدين من زول رخيص !
Post: #8 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Ahmed Elmardi Date: 06-09-2011, 03:44 AM Parent: #7
هههه الدبلوماسي البحاول يقيم حجته للمجتمع الدولي عن طريق مدخل الداعية واللا امام الجامع، دا زول ما عندو فكرة عن طبيعة عملو
البابا ذات نفسو هجر النوع دا من الخطاب في المحافل الزي دي..
آها (مولانا) دا تفسيرو شنو للدموم السالت في التاريخ الاسلامي من قولة تيت لي يوم الليلة وفي دارفور صورة وصوت وستلايتس و.سي ان ان وهيلمانة.. وكلها ماغايبة علي الناس المحترفين البيخاطب فيهم ديل.. لما تجي يا مولانا تنكر بالطريقة دي (يو ويل جست ميك اي فول أوت اوف يورسيلف)..
سييرياس!
.
Post: #9 Title: Re: سفير السودان في الأمم المتحدة لمرافقه: "لا خليها مش احسن؟&quo Author: jini Date: 06-09-2011, 06:27 AM Parent: #8
اداء ضعيف ومتاهفت لدفع الله الحاج على لا اعرف اذا كان دفع الله يدعو الحضور لاعتناق الاسلام ام ينفى الاسلام عن البشير! جعل من نفسه ونظامه مسخرة اذا لماذ وجد فى الاسلام عقوبات اذا كان لمجرد اسلام الشخص تنفى عنه ارتكاب الجرائم والمخالفات!! جنى
Post: #10 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Medhat Osman Date: 06-09-2011, 07:50 AM Parent: #9
تجار الدين...
Post: #11 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Ahmed Elmardi Date: 06-09-2011, 11:35 PM Parent: #10
Quote: وفي دارفور صورة وصوت وستلايتس و.سي ان ان وهيلمانة..
وفي جنوب كردفان الان!!
تقول لي كديسة وبتاع!
غايتو داف حتكون عندو مشكلة مركبة لو لموا فيهو ضباع السي ان ان والبي بي سي البنعرفهم ديك ما عارف الحكاية حتكون كيفنها..
Post: #12 Title: Re: سفير السودان في الأمم المتحدة لمرافقه: "لا خليها مش احسن؟&quo Author: هاشم نوريت Date: 06-10-2011, 02:34 AM Parent: #11
مبالغة يا مولانا لكن! اتارى عندنا الكدايس فى سواكن ليهن حق يدقدلن سااااى عشان المولانات خايفين يخشوا النار كان كتلوهن ولكن الاكثر من مليون روح اللهفوها تجار الدين اتارى حلال ساى ونحن مش عارفين الله هونينى اسواء كلام لدبلوماسى اسمعه فى حياتى ياخى دا الظاهر عليه عبلوماسى
Post: #13 Title: Re: سفير السودان في الأمم المتحدة لمرافقه: "لا خليها مش احسن؟&quo Author: Abdlaziz Eisa Date: 06-10-2011, 04:28 AM Parent: #12
Quote: - انك اذا حبست هرة ومنعت عنها الطعام ستذهب الى جهنم وذكر انها عقوبة ابدية - انك اذا نمت ممتلئ البطن وجارك جائع فانك لاتستحق ان تكون من ملة المسلمين - ان من يقتل نفسا فكأنما قتل الناس جميعا
وبالتالي فالحكومة ليست محتاجة لمن يذكرها بتحقيق العدالة ومحاربة الأفلات من العقاب
سلام يا واصل
يعني اثبت انهم ليس من المسلمين في شئ.. دبلوماسية رفيعة!!