رد لمقال بورتسودان ضاعت يا حليلها .. الكاتب احمد عثمان ابو العز - روما ايطاليا

الكاتب اعلاه اشار اشارات سيئه جدآ الى احد ابناء بورتسودان الافاضل والذى يعرفه اهل بورتسودان مثالا للاخ والابن البار باهله واصدقاءه وجيرانه ..
لم يعرفوا عنه الا الطهر والنقاء والصفح والصفاء . ...... اشار الكاتب للسيد منذر شوش واخرين نعرفهم حق المعرفه ونشهدلهم بالاستقامه والنقاء .....

Quote: فى الطريق توقفت امام مجمع للاطباء لاسرة ال النيل القديم لبورتسودان والتفت للمبنى المقابل لها والذى كان دارا للجبهة الاسلاميه القوميه مملوكا لاسرة من سكان مدينة طوكر... حدثنى مرافقى ان احد اللصوص الجدد اشترى هذا المبنى الضخم وقبل سنين كان يملك متجرا للتخليص صغيرا فى نفس الشارع واندهشت لذلك ولكن زميلى قال لى لا تحزن فالشارى هذا يعمل كوكيل للسراميك وحجزت له شحنة ضخمة فى الميناء لعدم مطابقتها للمواصفات ولكنه لعب بذيله وتبرع لجزء بسيط منها لاستاد بورتسودان واقتسم الباقى مع والى الولاية واقنع الشركة صاحبة الامتياز انها اتلفت لعدم مطابقتها للمواصفات وكانت الرسالة بالمليارات..لاحول ولا قوة الا بالله اين الضمير يا سكان بورتسودان من هم اولئك رجال الاعمال الجدد هل لديهم ابناء يأكلون هذا الزقوم المسموم؟؟؟؟؟؟

كاتب المقال سواء كان اسمه الحقيقى احمد عثمان ابو العز ولا وات ايفر عشت كل سنوات عمرى ببورتسودان واكاد اجزم اننى اعرف معظم ابناء بورتسودان واهاليها فهم لم يجبلوا على الخوف والجبن والتستر لديك على سبيل المثال الاخوه محمد خليل سانى - كمال ادريس - هارون دياب - وخالد عطا كلهم يكتبون باسماءهم الحقيقيه لا يخيفهم كان من كان وكلمة الحق عندهم
لابد ان تقال .....حتى نساء وبنات بورتسودان لايهابن ولم يجبن فهن يكتبن باسماءهن الحقيقيه امنه مختار ايره - انتصار محمد صالح بشير - تراجى عمر ابو طالب .....
شوف يا ابو العز تبقى فى روما ولا تبقى البابا زاتو انت كذاب وتطاولك على منذر شوش وامير سعد وعبدالحكيم البتول ماعندو اي مبرر سوى ان هذه الاسماء قد بهرتك او ان نجاحهم
قد اغضبك .....

والحجه بالحجه يا ابو العز .... هات دليلك على صدق اقوالك وده ايميلى [email protected] ...

وجايييييييييييييك للباقي

عوضاي سلام

بالله الشباب ديل كلهم هبشوهم حته واحده؟؟!!

الا يرون تماسيح الجبهه الحقيقين؟؟!!

Quote: منذر شوش وامير سعد وعبدالحكيم البتول

التحيه لهم وهم ممن نعرفهم ببورتسودان ونعرف انهم وروثا الكثير عن ابائهم
فاليبحثوا عن الطفيله التي نشأت من العدم وبلا معرفة حقيقه عن كيف
نمت ثرواتها الخرافيه.

أخونا حسين سلام

وين إنت يا زول و الله مشتاقين


تحياتي

تراجي سلام
تخيلى إفك الناس دي لى وين والغريبه انو اختاروا ناس محبتهم فى قلوب ابناء بورتسودان فايته الحد
لا انكر علاقتى المتيميزه مع الاخوه منذر شوش وعبدالحكيم البتول وامير سعد ويشهد الله لم التقى بهم
منذ اكثر من عام ولا اعرف لهم سبيلا ولكنى اعرف حسن تربيتهم وصفاء منبتهم وسريرتهم
سيروا يا شباب ولا تلتفتوا لساقط القول فالاشجار المثمره هى التى يتم حصبها بالحجاره ....

شكرآ تراجي للمرور وشهادتك لهؤلاء

ابو الحسين يا جميل
تحايا مثنى وثلاث ورباع واشواق كميات ..

عارف يا ابو الحسين غايتو اذا كان ده حال النضال انو الناس تشتم الناس وتغتال شخصيات بدون ذنب
فلتهنأ الانقاذ باعوام عديده و مديده اذا كانت ( السواطه ) وتشويه سمعة البشر هى السبيل لاسقاطها
بلى يخمهم ياخ ويخم الوهم العايشين فيهو .... ( اهون جب ) على كل من يدعى ان النضال هو اساءة
الناس ابتداء منى وانتهاء باخر واحد شتم اليوم ...

عفوآ ياخ الواحد قلبه محروق الله يحرق قلبهم ياخ ....

محبتى يا جميل واشواق فايته الحد

Quote: وحيرنى جدا ان فى اللجنه نفسها احد اولاد كير وهو ما يسمى ب( نا صر كير) وعرفت انه جمال الطين ده ما يعرف يفك الخط ( خاوى الفهم والراس)ولكنه عضو مجلس ادارة النادى العالمى وقلت سبحان الله الذى اوحى بعبده من الجهل الى الوجاهة وطولت اللسان وهو بفعلة من اذناب اللاهث سمسار الحكومة ( خدام شيخ العرب) والطيور على اشكالها تقع.. وقالوا مابراهو معاهو احد ابناء اليمن (بتاعون سودان هاوس) وهؤلاء اصبحوا تجار الاعلان

والله ده ما فهم زول قعد فى بورتسودان اسبوع مش نشأ فيها ...
بتعرف منو ناصر كير ولا بتتكلم ساي ولا منو عبدالحكيم البتول وسودان هاوس ..
ومنذ متى كان الانتساب الى اليمن مسبه يا فاقد التمييز لو بتعرف بورتسودان صح كنتا عرفتا ان الحضارم والاخوه اليمانيه ودورهم الريادي فى عجلة الاقتصاد سواء بورتسودان او السودان عموم .. منو ابن السودان البار ومتى تم اعطاءه له ولماذا يا من نشأت فى بورتسودان ... بعدين سودان هاوس من اقدم المحلات التجاريه في بورتسودان وده بيدل على انو اصحابو لا محتاجين تطبيل لحكومه ولا غيرو ..
بعدين ناصر كير وهو بن اسرة عريقه فى بورتسودان سواء اسرتهم محمد خير كير او اعمامه سليمان وغيرو
مشهود لهم بان المال ليس جديدآ عليهم ما عارفك انتا انو فهمك لخاوى الراس شنو يعنى الا يتكلم ايطالي
عشان يكون راسو مليان .... عاد وقعتا فى شر اعمالك كل مره ح اجيك ناطى اديك سي سي ادبآ ليك
يا فاقد وفاقد دى بكل المعانى واعلى مافى خيلك اركبو .....

عوضاى سلام عليكم

يا اخوى ما تحرق اعصابك

لان المطلوب يا اخى ان يكون اى نشاط او عمل لشباب من خارج الولاية
لانهم يعتقدوا ان ابناء الولاية رؤسهم خاوية .

الدليل عند تعيين مدير بنك يستورد حتى المراسلة من خارج الولاية

تحياتى لابناء مدينتى بورتسودان

انتصار صالح بشير ... دبايتوا .. منوره يا هندسه
والله يا انتصار حاجات تحير نقول شنو الله هونينى والله فرجينى بس على قولك يا هاشم نوريت ...

خارج النص
قدوره اخبارو شنو ما ظاهر نهائى تحياتنا له وللعزيز جدآ بشير محمد صالح بشير

اوبح ..... فوووووق



لمن نجيك بمزااااااااااج يا ود العز