Post: #1
Title: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 07:25 AM
السيجائر زيادة 15% من الامس..
وقرار بانه يكون الحد الادني لعلبة السجائر 15 ريال خلال تلاتة شهور فقط ..
ـــــــــ
|
Post: #2
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 07:27 AM
Parent: #1
المستوردون يزيدون أسعار السجائر 15 في المئة
السعودية: "لوبي" شركات التبغ يعمل على منع إصدار تشريعات تكافح التدخين..
الدمام - محمد هاني
بدأ تجار التبغ في السعودية زيادة أسعار السجائر بنسب بلغت 15 في المئة، فيما طبقت المحلات التجارية الزيادة على الأسعار وفق الموزعين، متوقعين أن تشمل الزيادة جميع أنواع السجائر، مشيرين إلى أن الزيادة الجديدة هي من الشركات المستوردة وليس بسبب ضرائب حكومية جديدة فرضت عليهم.
واستغرب ناشطون في مكافحة التدخين هذه الزيادة، مشيرين إلى أنها لم تأت من الحكومة وإنما من شركات الدخان التي تريد أن ترفع هامش ربحها على حساب صحة الناس، مؤكدين أن الزيادة التي طبقتها الشركات قد توهم المستهلكين وجمعيات مكافحة الدخان بأن هذا الأمر جزء من مطالبهم، فيما هي تلبي رغبة شركات الدخان بعدم إصدار تشريعات تكافح التدخين.
وأشاروا إلى أن الحد الأدنى لمطالب جمعيات مكافحة التدخين 100 في المئة، بينما طالب بعض أعضاء مجلس الشورى أن لا تقل نسبة الرسوم على التبغ عن 300 في المئة في إصدار نظام لمكافحة التدخين.
من جانبه، أوضح صالح العباد رئيس فرع جمعية مكافحة التدخين في السعودية لـ"العربية.نت" إلى أن الحكومة مطالبة بزيادة الرسوم الجمركية على التبغ حتى ترتفع أسعاره لتصل إلى 15 ريال كحد أدنى، مشيرا إلى أن أسعار الدخان في دول أوروبية بلغت 40 ريالا، مؤكدا أن الأسباب التي تمنع صدور قرار من الحكومة بزيادة الرسوم الجمركية على التبغ غير معروفة، بالرغم من أن ذلك مطلب رئيسي لجمعيات مكافحة التدخين في المملكة.
وأضاف بأن الحكومة وقعت على اتفاقيات دولية من شأنها مكافحة التدخين، ومطالبة بأن تعلن عن الإجراءات التي اتخذتها في هذا الشأن، وأضاف أنه لا يعلم إن كان هناك لوبي من شركات التبغ تعمل على الحد من الإجراءات الحكومية لمكافحة التدخين، متوقعا أن تصدر قريبا قوانين تدعم مكافحة التدخين في المملكة.
|
Post: #3
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 07:29 AM
Parent: #2
يشار إلى أن المملكة احتلت المركز الثالث عالميا في نسبة التدخين، كما أنها تصرف على التبغ سنويا 12 مليار ريال. فيما حددت وزارة الصحة الخسائر المادية لعلاج الأمراض جراء التدخين بـ 5 بلايين ريال سنويا ووفقا لإحصائية صادرة من جمعية القلب السعودية والتي أشارت إلى أن عدد المدخنين في المملكة بلغ 6.3 ملايين شخص من أصل 18 مليونا. وتوقعت الجمعية أن يصل عدد المدخنين 10 ملايين مدخن عام 2020، مبينا أنه ما يزيد عن 50 في المئة من المدخنين هم من فئة الشباب.
فيما أشار رئيس اللجنة المنظمة لفعاليات "اليوم العالمي للتدخين" الدكتور محمد آل شيف، في تصريح نشر أمس خلال افتتاح اليوم العالمي للتدخين في مدينة الملك فهد الطبية، تحت شعار "حياتنا أجمل بدون تدخين" ، أن 6 ملايين شخص يتوفون سنوياً في العالم جراء التدخين، بمعدل حالة وفاة كل 6 ثوان، حسب إحصائية منظمة الصحة العالمية.
وشملت فعاليات اليوم العالمي إقامة معرض تشكيلي في مدينة الملك فهد الطبية شارك فيه فنانون سعوديون بأكثر من 13 لوحة تبين أضرار التدخين، وعرضاً لكل وسائل تدخين التبغ في جميع أنحاء المملكة، وعرضاً حقيقياً لرئتي مدخن مقارنة برئتي غير مدخن تمت استعارتها من المشرحة. وذلك بجانب عمل تحاليل دم لقياس مستوى الكوليسترول والدهون الثلاثية ومستوى السكر في الدم وقياس ضغط الدم، إضافة إلى مشاركة عدد من الأقسام ممن لهم شأن في مكافحة التدخين، كقسم التثقيف الصحي، والتغذية السريرية، والصيدلة، والأسنان، والرعاية التنفسية، وبرنامج الإقلاع عن التدخين التابع لوزارة الصحة ومجموعة "وعي" التطوعية للتوعية الـصحية المكونة من مجموعة من طلاب كلية الطب من جامعة الملك سعود بن عبدالعزيز.
http://www.alarabiya.net/articles/2011/06/05/151963.html
|
Post: #4
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 07:36 AM
Parent: #3
الحمد لله .. دي جاتنا من السماء..
ومن الصباح بطلت تدخين ..
ما شربت غير سيجارتين بس ..
وباذنو من بكرة بتبقي سيجارة واحدة بس..
ومن بعد بكرة يا مطعم دنقلا جاك زول.. وهاك يا كيس الصعوط الما خمج ..
الغريبة في البقالات بيبيعو ليك صعوط افضل مكيس ومنظم وبتاريخ صلاحية
وشكلو مستورد بصورة نظامية
مفروض اتحاد منتجي ومصدري الصعوط السوداني وارد الفاشر نمرة واحد
يفكرو في طريقة يستفيدو منها من قرار المملكة دا خاصة انه في اتجاه لجعل جمارك السجائر300%
ويخلو الشعب السعودي كلو سفيف
غايتو ناس جدة بشهد عليهم السودانين الهناك حولوهم ليك سفافة درجة اولي..
لدرجة مرات الطلبة يكونو جايين من المدرسة يقابلوك اي سوداني في الشارع يقابضوهو
ماعندك شمة يازول بالله ادينا شمة ..
دا ممكن يكون باب لتعزيز الصادرات السودانية مستقبلاً  واليجتهدو كمان سودانيي قطر والامارات يعلمو بقية شعب الخليج السفوفة
خاصة بعد ما البترول راح وقطن مشروع الجزيرة اتدمر والصمغ العربي لحقوهو الزيني
|
Post: #5
Title: Re: مدخنين السعوديـة : تاني سف صعوط وشراب لبن ،،،
Author: MOHAMMED ELSHEIKH
Date: 06-06-2011, 07:47 AM
Parent: #4
يعني دكان ود الصائم حايشتغل تششششششششششششش
|
Post: #6
Title: Re: مدخنين السعوديـة : تاني سف صعوط وشراب لبن ،،،
Author: فايزودالقاضي
Date: 06-06-2011, 07:51 AM
Parent: #5
| Quote: وقرار بانه يكون الحد الادني لعلبة السجائر 15 ريال خلال تلاتة شهور فقط .. |
سيكون الاقبال على الخضرة والخمر كبير ..
|
Post: #7
Title: Re: مدخنين السعوديـة : تاني سف صعوط وشراب لبن ،،،
Author: محمد على حسن
Date: 06-06-2011, 08:00 AM
Parent: #6
| Quote: سيكون الاقبال على الخضرة |
ادرب (اضرب) الخضرة
|
Post: #9
Title: Re: مدخنين السعوديـة : تاني سف صعوط وشراب لبن ،،،
Author: الامين موسى البشاري
Date: 06-06-2011, 08:07 AM
Parent: #7
يعني نقلب جاز ولا شـــنو 
|
Post: #24
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:32 PM
Parent: #9
| Quote: يعني نقلب جاز ولا شـــنو |
تقلب طوالي يا عريس ..
بس شيل شيلتك مع المدام .. والله صحي
|
Post: #10
Title: Re: مدخنين السعوديـة : تاني سف صعوط وشراب لبن ،،،
Author: محمد الشيخ أرباب
Date: 06-06-2011, 08:08 AM
Parent: #7
يا حيدر
الصعوط برضو حا يزيد لانو هو البديل للسجائر
ناس حا تتحول للصعوط وترفع الطلب عليه والسعر
تحياتي
|
Post: #21
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:04 PM
Parent: #10
Quote: الصعوط برضو حا يزيد لانو هو البديل للسجائر
ناس حا تتحول للصعوط وترفع الطلب عليه والسعر
|
والله عوجة يا محمد ارباب ..
اها كيف الشورة الراس دا يسلموهو نضييييف تاني والا كيف؟
غايتو انا الباجة تعب معاي تاني تسالي ومررو لمن اآمن..
لك التحية
|
Post: #23
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:23 PM
Parent: #7
ود القاضي ومحمد على حسن
الخضرة دي مش عاوزة سجاير برضو؟
وشرطا تقيل زي مالورو احمر وكدة
|
Post: #14
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 08:57 AM
Parent: #5
| Quote: يعني دكان ود الصائم حايشتغل تششششششششششششش |
والغريبة ما جابو خبر الشيشة .. رغم انها كلها دخاخين ..
|
Post: #8
Title: Re: مدخنين السعوديـة : تاني سف صعوط وشراب لبن ،،،
Author: عبدالمجيد الكونت
Date: 06-06-2011, 08:06 AM
Parent: #4
Quote:
الغريبة في البقالات بيبيعو ليك صعوط افضل مكيس ومنظم وبتاريخ صلاحية
وشكلو مستورد بصورة نظامية |
ياشقي الشي ده ما هو صعوط اعمل حسابك والله ده يوديك في ستين داهية
|
Post: #11
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 08:31 AM
Parent: #8
يا جماعة معليش نستفسر اول من الكونت
| Quote: ياشقي الشي ده ما هو صعوط اعمل حسابك والله ده يوديك في ستين داهية |
يا حبيبنا .. اوضِح ابِن فسر .. دا شنو؟
شايف لي جماعة كتااااااااار واقعنو طشششش .. وفي سودانيين حتي مرات يلخبطوهو ليك بالصعوط
ادينا النجيضة نبههم ..
ــــــــ
|
Post: #12
Title: Re: مدخنين السعوديـة : تاني سف صعوط وشراب لبن ،،،
Author: بله محمد الفاضل
Date: 06-06-2011, 08:32 AM
Parent: #8
غايتو يا ود الزين
من أمبارح لمن لقيت الزيادة دي
أخوك
بقى يمرق السجارة ويرجعا
والله فرصة حقيقية
نبقى على (الصعود) إلى التوبة
وقيلا نعرس تاني عديل كدا
صباحو
|
Post: #13
Title: Re: مدخنين السعوديـة : تاني سف صعوط وشراب لبن ،،،
Author: محمد عمر الفكي
Date: 06-06-2011, 08:56 AM
Parent: #12
يا ناس الزيادة دي وين؟ امس اشتريت علبة ب 5 ريال، والله نحن ناس العلبتين ديل مصيبتنا يعزو فيها.
اقتراح عملي
انا بخلي اي زول من السودان يرسل لي برنجي وبالعدم كابتن
بمناسبة البرنجي دي، والله مرة اديتها واحد مصري من الصباح والله ما تم شغله، دوخة وطراش والبيت راس.
|
Post: #15
Title: Re: مدخنين السعوديـة : تاني سف صعوط وشراب لبن ،،،
Author: ولياب
Date: 06-06-2011, 09:21 AM
Parent: #13
يا شباب دي فرصة طيبة عشان تقلعوا التدخين ، حافظوا على صحتكم وعلى أموالكم وسف الصعوط ده دمار من نوع آخر ، والله يوفقكم ويعنيكم .
|
Post: #16
Title: Re: مدخنين السعوديـة : تاني سف صعوط وشراب لبن ،،،
Author: أحمد ابن عوف
Date: 06-06-2011, 09:37 AM
Parent: #15
والتقول حيدر الزين من مدخنينين هونولولو ههههههه
تاني نرجع للتخميس وللا شنو؟؟
ازيك يا حيدر
|
Post: #17
Title: Re: مدخنين السعوديـة : تاني سف صعوط وشراب لبن ،،،
Author: حمد فتح الرحمن
Date: 06-06-2011, 10:59 AM
Parent: #16
الحمد لله الذي عافانا من التدخين و ابتلانا بالسف :)
|
Post: #34
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-07-2011, 07:29 AM
Parent: #17
| Quote: الحمد لله الذي عافانا من التدخين و ابتلانا بالسف :) |
ان ختاك النزير جريس عوجة ما بتجيك تب .. عامل بينسنو العلبتو صغيرة دا :)
غايتو من امس بقول الحمد لله الذي عافانا منه كل شئ
|
Post: #19
Title: Re: مدخنين السعوديـة : تاني سف صعوط وشراب لبن ،،،
Author: عبدالله كع
Date: 06-06-2011, 11:48 AM
Parent: #18
خلاااااااااااااااااااااااااااااااااااااااااااس وصلنا ..
* ذمان فتحنا بوست - عشان نترك التخين .. وباءت كل امحاولات بالفشل !!
* دخلنا المجال الطبي واشترينا لصقات وحقن النكتين ........... ولا حياة لمن تنادي
* جربنا اشياء لم ينزل الله بها من سلطان - حاجات مسووووح - وحاجات تتبلع - وحاجات بتتشر . .. و كانك يا ابذيد ما غزيت
* اكلنا تسااااااااااااالي لامن الواحد بقي زي القشارة والحال في حالو !!
* اكلنا لبنان (( علك )) لحدي ما الواحد شك في نفسووووو !!
بالعربي كدا نحنا ما بنقدر للعلبه ام 15 ريال يعني ..
15 ضرب 30 = 450 ريال ..
وداعا سيجارتي المفضله البنسونايه ....
وداعا ..
ــــــــــــــــــــــــ
لكن اليوم 6-6- 2011 قبل ساعه من الان اشتريت علبة بنسون بي 6 ريال فقط !
|
Post: #20
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:00 PM
Parent: #19
هلا يا كع
| Quote: لكن اليوم 6-6- 2011 قبل ساعه من الان اشتريت علبة بنسون بي 6 ريال فقط ! |
الزيادة النازلة دي بتشمل السجائر الامريكية والالمانية
مالبورو .. دوف دوف .. ال & ام .. ميريت ..
الغايتو بينسون وونستون والبحاري لسع ما عليها زيادة..
اكتر من زول قال بعد شهرين ابو تمانية ريال حايبقي 10
تلاتة شهور مونتي كارلو الرخيص دا الهسع بتلاتة ريال حايبقي 15 وشوف براك دوف دوف ومارلبورو حا يبقو كم..؟
|
Post: #22
Title: Re: مدخنين السعوديـة : تاني سف صعوط وشراب لبن ،،،
Author: سيف النصر محي الدين
Date: 06-06-2011, 12:21 PM
Parent: #20
يا حيدر
عمك فيليب موريس ده لموا فيهو في بلدو هناك نتفوا ريشو، اها قام قبل على
ناس العالم التالت المساكين ديل و بالذات في الدول الفيها شوية قدرة شرائية
زي الخليج و هاك يا اعلانات و تسويق و استاندات مجانية للمحلات و واجهات انيقة
في السوبرماركتس الخ، و شكلو لما ضمن وقوعنا في الفخ قرر يضرب ضربتو.
انا غايتو لو محل شركات التبغ دي كنت بحول نشاطي للعصير و البسكويت او الاتصالات
بدل البهدلة .
|
Post: #33
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-07-2011, 07:24 AM
Parent: #18
سلامات العزيز محمد المرتضي حامد ..
شكراً على الصور .. لكن حقيقة لم افتح اللنك .. لانها بترعبني مثل هذه الصور ويكفي انه هنا بالمملكة
مشعلقنها ليك في اي حتة واشارة مرور ..
امس الشباب بالشركة عاملنها ليك شبه ندوة حول التدخين ونخليهو وما نخليهو واحسن الطرق
والمهم .. واحد قال اثار النيكوتين بالجسم عاوزة يوم واحد بس وتنتهي لكن اثار التدخين
بجسمك زاتو والقطران والخلايا التالفة عاوزة بالضبط مدة قدر المدة الانت دخنتها عشان جسمك
يرجع نضيف زي ما ربنا خلقوا من الدخان .. غالطتو وكدة فقام عدد كبير من الشباب قالوا ايوة
كلامو صاح ودي شئ معروفة .. ماعرفت مصدر معلومتو واول مرة اعرفها وعملت سيرش ابداً ما لميت فيها
ياريت لو في زول عندو فكرة عن اثار التدخين والتخلص منها ينورنا ..
اهم شئ اكتشفت اني مدخن جديد وسط الشركة حيث بديت بانتظام سنة2002م ولم اتعدي حاجز 20 سيجارة
اما ناس من رابعة ابتدائي وناس تلاتين سنة فحدث ولا حرج ..
اما الاهم على الاطلاق فانو بعد نقاش الامس قرر ثلاثة التوقف عن التدخين بداءاً من الامس وانا احدهم
طبعا الليلة من الصباح نلوك في اللبان ساي والجماعة بيعاينو لينا كدة مرت فترة التدخين الاولي ولعوا ورجعوا ونحن صامدون وراجيانا تلاتة فترات تاني :(:(
|
Post: #32
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-07-2011, 07:13 AM
Parent: #16
اهلين ابن عوف.. واخبارك..
Quote: والتقول حيدر الزين من مدخنينين هونولولو ههههههه
|
|
Post: #27
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:53 PM
Parent: #15
| Quote: يا شباب دي فرصة طيبة عشان تقلعوا التدخين ، حافظوا على صحتكم وعلى أموالكم وسف الصعوط ده دمار من نوع آخر ، والله يوفقكم ويعنيكم . |
يديك العافية الاخ ولياب
وهو اصلن تاني رضينا ام ابينا الحكاية بقت اقلاع اقلاع وطيران زاتو
الدول والحكومات الشركات بقت تمارس عنصرية عجيبة ضد المدخنين
مركبات عامة لا .. ( حتي في السودان شايف الناس بطلت حكاية تش تولع سيجارة في نص الحافلة..
زمان عادي الشكلة تدور يازول اطفيها عندي ازمة .. التاني يرد مالي بيك..
هسع بقي في سلوك وفهم عام للمسالة دي
بعض الشركات مانعة التدخين داخل مباني الشركةللموظفين والزائرين ..
يدوك فسحة عديل بالزمن للتدخين ..
لمن الواحد وقت يولع سيجارة يخجل..فصل عنصري
اها جوة البيت بعض الزوجات بقن يمنعن التدخين تطفيها برة وتلوك ليك لبانة.. حتي تدخل
شكرا للنصيحة
|
Post: #28
Title: Re: مدخنين السعوديـة : تاني سف صعوط وشراب لبن ،،،
Author: ولياب
Date: 06-06-2011, 02:55 PM
Parent: #27
Quote: يديك العافية الاخ ولياب
وهو اصلن تاني رضينا ام ابينا الحكاية بقت اقلاع اقلاع وطيران زاتو |
الأخ / حيدر الزين
شكراً على تعقيبكم اللطيف ، ورب ضارة نافعة وإن شاء الله تقلع وتقلع وتطير بعيداً محلقاً في أجواء الصحة والعافية تاركاً خلفك الدخاخين.
مع تحياتي ،،،،،،
أحمد أبوالعباس
|
Post: #26
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:42 PM
Parent: #13
سلامات يا محمد عمر
| Quote: بمناسبة البرنجي دي، والله مرة اديتها واحد مصري من الصباح والله ما تم شغله، دوخة وطراش والبيت راس |
انا في اجازتي الفاتت في السودان شربتها دخت .. وقعت تاني التراديشن والرويال..
بالمناسبة لو سجايرك بينسون مافيهو زيادة ياها الخمسة ريال
لكن قدام الكتوف بتتلاحق
|
Post: #25
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-06-2011, 12:36 PM
Parent: #12
Quote: أخوك
بقى يمرق السجارة ويرجعا
|
عندنا عم لينا كان وقت تبيت علبة السجاير فيها حبات الصباح اول شئ يجدعها
ويفتح الجديدة يقول ليك بيكون المكيف نشفها وبتجرح الحلق..
والله هسع تاني لو زعط نجيلة ولف فيها السجارة ما يجدعها
|
Post: #29
Title: Re: مدخنين السعوديـة : تاني سف صعوط وشراب لبن ،،،
Author: على محمد على بشير
Date: 06-06-2011, 03:47 PM
Parent: #25
Quote: يا حبيبنا .. اوضِح ابِن فسر .. دا شنو؟
شايف لي جماعة كتااااااااار واقعنو طشششش .. وفي سودانيين حتي مرات يلخبطوهو ليك بالصعوط
ادينا النجيضة نبههم ..
|
شوف يا ود الزين
لو داير تعرف التاثير البايلوجى للمصيبه دى
امسك الدلايات واخد ليك تلاته كحات نصيحات
وبعديها براك بتعرف قدر شنو انتا كنت غلطان
فى حق نفسك
|
Post: #30
Title: Re: مدخنين السعوديـة : تاني سف صعوط وشراب لبن ،،،
Author: نوفل عبد الرحيم حسن
Date: 06-06-2011, 04:15 PM
Parent: #29
طيب خلينا نعمل بيزنس في الصعوط .. انا ارسل ليك وانت وزع
نشوف دكان ود الصايم دا تاني ببيع شنو ؟
|
Post: #31
Title: Re: مدخنين السعوديـة : تاني سف صعوط وشراب لبن ،،،
Author: بله محمد الفاضل
Date: 06-06-2011, 04:25 PM
Parent: #30
يا نوفل
طوالي عمك يقلبو محل فول بالسمسم والجبنة
وبالجنبة كدا أم فتفت والجقاجق يا
ومن تحت الطربيزة واردكم
أها
نبقى عليهو قدام سيد البكان
ولا شنو
قلتلي يا ود الزين
إن معط النجيلة
هههههههههه
|
Post: #35
Title: Re: مدخنين السعوديـة : تاني سف صعوط وشراب لبن ،،،
Author: عبد الباقي الجيلي
Date: 06-07-2011, 10:34 AM
Parent: #31
أخوي حيدر والرفاق الكرام
ما شايف فيكم زول اتعرض لمسألة تضرر غير المدخنين من التدخين ...
وأظن أنها يجب أن تكون المبرر الأول للتضييق على المدخنين .. هذا
إذا سلمناأصلاً أن التدخين نفسه يدخل في نطاق الحريات الشخصية التي لا يجب المساس بها
... والتي تنتهي عندما تبدأ حريات الآخرين ...
اسألوا مريضاً بالربو أو الأزمة ... أو حتى الحساسية العادية عن تضرره من وجود
مدخن بجواره ...
اسألوا أطفال المدخنين ... والذيي يذرع والدهم البيت جيئة وذهاباً ناثراً على وجوههم
سموم الدخان ...
اسألوا النساء الحوامل واللاتي تضررت أجنتهن من استنشاقهن دخان سجائر والديهم
... لو كنت مسؤولاً لزدت أسعار السجائر أكثر من خمسة أضعاف وذلك ليس فقط للتضييق
على المدخنين ... بل للصرف أولاً على علاج الأمراض التي يتسبب فيها التدخين ... وثانياً
وذلك مهم جداً ... لتخصيص أماكن للمدخنين في كل مرفق عام أو خاص ... حتى لا يؤذوا
الآخرين ... وثالثاً : لتطوير وسائل مكافحة التدخين ...
والله من وراء القصد وهو يهدي السبيل
|
Post: #36
Title: Re: مدخنين السعوديـة : تاني سف صعوط وشراب لبن ،،،
Author: HAIDER ALZAIN
Date: 06-07-2011, 11:14 AM
Parent: #29
Quote: لو داير تعرف التاثير البايلوجى للمصيبه دى
امسك الدلايات واخد ليك تلاته كحات نصيحات
وبعديها براك بتعرف قدر شنو انتا كنت غلطان
فى حق نفسك |
عمك يا علي.. سلامات وليك وحشة..
البوست تحول من قدرة قادر من شماتة في ناس السعودية لإدانة كاملة للتدخين
والمدخنين .. غايتو واحدة من فوائده انه فتحنا نقاش بالشركة امس بعد كتبتو
وصور محمد المرتضي.. على اثرو تلاتة للآن قرروا التوقف والاضراب مستمر حتي الان
الواحدة ظهراً .. دي من رمضان انا ما وقفت المدة دي من التدخين
عليه استفدنا للآن من الكلام بس ياريت مع اللوم والامنيات..
لو زول يدي ضوء على مابعد التوقف في الايام الاولي وكيفية المواصلة عشان
نفيد الزملاء من تجارب تاركي التدخين العملية هنا وتكون فرصة ننورهم لانهم متابعين البوست
اما الكلام العلمي والمقالات الطويلة والمصطلحات عينة انسحاب وانقلاب فما جايبة حقها
لك التحية
* دلايات دي شنو بالمناسبة ؟؟!
|
|