Post: #1 Title: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمضان Author: صبري طه Date: 06-05-2011, 09:46 PM
بعد أن تمّ استبعاد الثلاثي الرائع:- 1- محمود عبدالعزيز 2- أحمد الصادق 3- شموس إبراهيم من برنامج أغاني وأغاني لهذا العام 1432هـ وحرمونا من متعة أصواتهم وتطريبهم العالي ... أقترح على قناة الشروق والفضائية السودانية تبني فكرة برنامج شبيه ببرنامج أغاني وأغاني على أن يتم بثّه في شهر رمضان القادم وفي نفس توقيت برنامج "أغاني وأغاني" ... ويُستضاف فيه الثلاثي أعلاه ... وإضافة بعض الفنانين المميزين في الساحة الغنائية ... وأقترح منهم:- 4- عمر جعفر 5- أحمد مأمون جفون 6- عافية حسن (لو عادت للغناء) 7- فهيمة عبدالله
والحشّاش يملأ شبكتو
وبخصوص استبعاد الثلاثي من برنامج أغاني وأغاني ... أنسونا من محمود عبدالعزيز ومن أحمد الصادق فلا أعتقد أنهما في حاجة إلى من يُدافع عنهما ...
شين جاب أفراح عصام لشموس إبراهيم ؟!
ــــــــــــ
Post: #2 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-05-2011, 09:53 PM Parent: #1
محمود عبدالعزيز : فنانين (أغاني وأغاني) التكتح ماعندهم. المقارنة بين أفراح وشموس مفقودة
Post: #3 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-05-2011, 10:15 PM Parent: #2
Post: #4 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 07:26 AM Parent: #3
Post: #5 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: عبد الدائم سيد أحمد Date: 06-06-2011, 07:44 AM Parent: #4
الافكار ممكن تكون موجودة
والفنانين على قــفا من يشيل
بس السر قدور شخصية ( متفردة ) كده بنحبو و كده بنحبو
بالنسبة لمحمود كان نقطة ضعف فى معظم حلقات برنامج العام الفات اتمنى يعيد حساباتو
البقية سوا ظهرو او لم يظهرو ما فارق مع المشاهد
Post: #7 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 08:31 AM Parent: #5
Quote: الافكار ممكن تكون موجودة
والفنانين على قــفا من يشيل
بس السر قدور شخصية ( متفردة ) كده بنحبو و كده بنحبو
بالنسبة لمحمود كان نقطة ضعف فى معظم حلقات برنامج العام الفات اتمنى يعيد حساباتو
البقية سوا ظهرو او لم يظهرو ما فارق مع المشاهد
مرحب بيك أخي عبدالدائم ...
ومحمود غاب عن بعض الحلقات ... وكان متميّزاً في بعضها لدرجة أدهشت السر قدور وضيوفه وبقية الزملاء من الفنانين ...
دمت بود ،،،
Post: #8 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: mayada kamal Date: 06-06-2011, 08:40 AM Parent: #5
ليه يا صبري يا اخوي بدل وجع قلب واحد داير تعمل لينا اثنين التلفزيون القومي +النيل الازرق+القناة البائسة المسماة زووول+ هارموني (الله لا يرد غربتها تاني) فقعوووووووووووونا اغاني تمشي للاذاعة الحال ما يسر عدو ولا حبيب اغاني وغناء واريته غناء مفيد (حقيبة ودوبيت ) غناء هشتك بشتك هااااااااااااااااا بط لا بيمتع اذن ولا بيفرح قلب فكده نحن في وحل دايرين توحلونا زيادة !!!!!!!!!!!!!!!!!!!
Post: #9 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 08:50 AM Parent: #8
Quote: ليه يا صبري يا اخوي بدل وجع قلب واحد داير تعمل لينا اثنين التلفزيون القومي +النيل الازرق+القناة البائسة المسماة زووول+ هارموني (الله لا يرد غربتها تاني) فقعوووووووووووونا اغاني تمشي للاذاعة الحال ما يسر عدو ولا حبيب اغاني وغناء واريته غناء مفيد (حقيبة ودوبيت ) غناء هشتك بشتك هااااااااااااااااا بط لا بيمتع اذن ولا بيفرح قلب فكده نحن في وحل دايرين توحلونا زيادة !!!!!!!!!!!!!!!!!!!
ميادة أختي ... إنتي الكيزان ديل ما لهم ومال الغناء ؟! رأيك شنو في برنامج بتاع مدائح ؟
دمتِ بود ،،،
Post: #10 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: mayada kamal Date: 06-06-2011, 09:00 AM Parent: #9
Quote: ميادة أختي ... إنتي الكيزان ديل ما لهم ومال الغناء ؟!
مالهم الكيزان!!!!!!!!!! كدي عيبهم لي مالنا ما بشر يا اخوي نحن عااااااااااادييين ((( ناكل الطعام ونمشي في الاسواق))) وبنحب كمان
Post: #15 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 09:57 AM Parent: #10
Quote: ميادة كمال كتبت: مالهم الكيزان!!!!!!!!!! كدي عيبهم لي مالنا ما بشر يا اخوي نحن عااااااااااادييين ((( ناكل الطعام ونمشي في الاسواق))) وبنحب كمان
OK يا ميادة ... وإن شاء الله تتهني بالبريدك وبموت فيك ... وغايتو الكيزان أوّل ما بدو مع السُلطة رفعوا شعارات الظاهر عليهم نسوها ... حتى المسلسلات كانوا بجيبو "شبك" لتغطية أرجل النساء ... الغناء دة ما قدروا عليهو لأنو عارفين السودانيين جنّهم وجنّو ...
دمتِ بود ،،،
Post: #17 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 10:16 AM Parent: #4
ـــــــ معقولة بس استبعدوها ؟!
Post: #20 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 10:44 AM Parent: #4
Post: #25 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 12:19 PM Parent: #4
Post: #26 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 07:11 PM Parent: #4
Post: #27 Title: Re: طلب من قناة الشروق والفضائية السودانية تبني فكرة برنامج شبيه بأغان Author: صبري طه Date: 06-07-2011, 07:54 AM Parent: #4
Post: #6 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 07:52 AM Parent: #2
تم نشر الموضوع على الفيس بوك في صفحة الأخ العزيز الأستاذ/ الطيب عبدالماجد، للمتابعة اضغط هنا
Post: #11 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: امير طمبل Date: 06-06-2011, 09:10 AM Parent: #6
Quote: إنتي الكيزان ديل ما لهم ومال الغناء ؟!
الزميل العزيز صبري
تحية قلبية صادقة
الكيزان لا يحبون الغناء جهراً،لكنهم يموتون فيه عشقاً سرا
في العشرين سنةالاخيرة وصل حال الاغنية السودانية
القاع ...
Post: #12 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: محمد عبد الماجد الصايم Date: 06-06-2011, 09:26 AM Parent: #11
صبري يا عمكـ .. النجيضة إنو المشكلة ما في البرامج بقدر ما كانت في محمود! البرامج ناجح بوجود السر قدور أولا وليس الفنانين المشتركين محمود عبد العزيز السنة الفاتت كان (عبء) على البرنامج .. الخرمجة كانت أكتر من التجويد .. ودا شيتن أخير لينا منو ما نشوف محمود والحالة الوصل ليها .. بتوجعكـ من جوه القلب .. لما يجي الدور على محمود عشان يغني الواحد بخت إيدو في قلبو من الشتارة الممكن يلاقيها في أي حتة .. تتوقع الطبزة قدامكـ لما تفقد حاسية الاستمتاع بالشيء القاعد يعملوا .. فيبقى أخير لينا ـ كواحد من المحبين شديد لمحمود ـ إنو يقعد في علبو شوية لحدي ما يرجع محمود (الكان زمان)!
التصريح الجبتو من الراكوبة دا زاتو يندرج تحت بند الشتارة* الفارغة القاعد يعملا محمود!!
_ * كلمة بديلة لكلمة أخرى تُصنّف ضمن الكلمات (النابية)!!
Post: #13 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: محمد عبد الماجد الصايم Date: 06-06-2011, 09:27 AM Parent: #12
بالنسبة لبقية الشالوهم أو جابوهم ديل .. صدقني ما فارقين كتير .. حتى أفراح بعد ما بقت (تونة)!!
Post: #14 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: محمد عبد الماجد الصايم Date: 06-06-2011, 09:37 AM Parent: #13
بعدين يا صبري ما معقول كل ما تجيب لينا حاجة من بره البورض يكون فيها كارثة ياخ!!
Post: #23 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 10:55 AM Parent: #14
Quote: بعدين يا صبري ما معقول كل ما تجيب لينا حاجة من بره البورض يكون فيها كارثة ياخ!!
أحيّ أنا ما قتّو نوبة
ـــــــ وما بنحب التونة
Post: #22 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 10:51 AM Parent: #13
Quote: بالنسبة لبقية الشالوهم أو جابوهم ديل .. صدقني ما فارقين كتير .. حتى أفراح بعد ما بقت (تونة)!!
يا عمّك إنت بتسمع بي بطنك ؟
ـــــــــ وربنا يرزقها الذرّية الصالحة
Post: #16 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 10:13 AM Parent: #12
Quote: محمد عبدالماجد الصايم كتب: صبري يا عمكـ .. النجيضة إنو المشكلة ما في البرامج بقدر ما كانت في محمود! البرامج ناجح بوجود السر قدور أولا وليس الفنانين المشتركين محمود عبد العزيز السنة الفاتت كان (عبء) على البرنامج .. الخرمجة كانت أكتر من التجويد .. ودا شيتن أخير لينا منو ما نشوف محمود والحالة الوصل ليها .. بتوجعكـ من جوه القلب .. لما يجي الدور على محمود عشان يغني الواحد بخت إيدو في قلبو من الشتارة الممكن يلاقيها في أي حتة .. تتوقع الطبزة قدامكـ لما تفقد حاسية الاستمتاع بالشيء القاعد يعملوا .. فيبقى أخير لينا ـ كواحد من المحبين شديد لمحمود ـ إنو يقعد في علبو شوية لحدي ما يرجع محمود (الكان زمان)!
ود الصايم يا غالي ... أيوا إنت جبت النجيضة ولكنّها كانت في بعض وليس كل الحلقات ... وحتى لو عمّك طبزها .. في حاجة اسمها مونتاج ممكن يحذفوا كل الطّبزات ... فالبرنامج ما مباشر ... ثمّ أن محمود بعد 2011 بدأ يعود لمحمود بتاع زمان ...
Quote: محمد عبدالماجد الصايم كتب: التصريح الجبتو من الراكوبة دا زاتو يندرج تحت بند الشتارة* الفارغة القاعد يعملا محمود!!(النابية)!!
أتفق معك فمهما كان من المفترض أن يكون تصريحه بدبلوماسية ...
Quote: محمد عبدالماجد الصايم كتب: * كلمة بديلة لكلمة أخرى تُصنّف ضمن الكلمات (النابية)!!
بالله إنت قاصد *ال####ة ياخي بالغت عديل كدة
ـــــــــــ * بركة الما كتبتها لأنو بكري كان حيخسف بالبوست
Post: #18 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: mayada kamal Date: 06-06-2011, 10:29 AM Parent: #12
Quote: لحدي ما يرجع محمود (الكان زمان)!
موباااااااااااالغة
Post: #19 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 10:38 AM Parent: #11
Quote: الزميل العزيز صبري
تحية قلبية صادقة
الكيزان لا يحبون الغناء جهراً،لكنهم يموتون فيه عشقاً سرا
في العشرين سنة الاخيرة وصل حال الاغنية السودانية
القاع ...
لك التحية أخي أمير ...
وقد اشتهرت الأغنية السودانية في العشرين سنة الأخيرة وانتشرت في البقاع الإفريقية حتى وصلت لشريف نيجيريا ... وأصبح "مبسوط" من أغنياتنا ومن فناناتنا ...
دمت بود ،،،
Post: #21 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: امير طمبل Date: 06-06-2011, 10:50 AM Parent: #19
Quote: وقد اشتهرت الأغنية السودانية في العشرين سنة الأخيرة وانتشرت في البقاع الإفريقية حتى وصلت لشريف نيجيريا ... وأصبح "مبسوط" من أغنياتنا ومن فناناتنا ...
الحبيب صبري
والله انك صادق
مره يا صبري كنت في نيجيريا في مهمة رسمية
صادفت عدد من المطربات و العازفيين السودانيين
علمت من خلالهم لديهم حفل غنائي ..ذهبت الي الحفل
وشفت العجائب ...تتخيل الزول الاسمو الشريف ده وشو
ذي الكداره يشتت ليك في الدولارات دي ذي الهواء
في عازف شهير جدا علي الة الايقاع البيذكرني
زمان بائعات العشاء في ديوم بحري الواحدة
تلقاها محاطة بكمية من الحلل كوارع و لحوم و شوربات
و عكو و خلافه فزولنا بتاع الايقاع ده محاط بكمية من الايقاعات
المهم الراجل ده لقط ليك كمية من النقطة و الظاهر المطربة
بعد الحفلة اكتشفت ان كمية من الدولارات أختفت و تعال شوف
الكيتة القامت شي محزن و مقرف شاهدته بعيني تحسرت علي البلد
و الغناء و ياريت هو فن اصلا من الاساس يخلي المطربات ديل يطلعو
بره البلد و يمثلو بلد بحالو
Post: #24 Title: Re: طلب من قناة الشروق والفضائية السودانية تبني فكرة برنامج شبيه بأغاني وأغاني ليُبث في شهر رمض Author: صبري طه Date: 06-06-2011, 12:00 PM Parent: #21
Quote: و الغناء و ياريت هو فن اصلا من الاساس يخلي المطربات ديل يطلعو
بره البلد و يمثلو بلد بحالو
لا أعتقد أن زاد الشجون للأستاذ الموسيقار محمد الأمين تُطرب شريف نيجيريا
دمت بود ،،،
Post: #28 Title: Re: طلب من قناة الشروق والفضائية السودانية تبني فكرة برنامج شبيه بأغان Author: سفيان بشير نابرى Date: 06-07-2011, 08:21 AM Parent: #24
سلام يا صبري وقبل كل شي وللضمان كده عشان الكلام ما يقعد لي جوه قلبي ده شوف هنا يا اخونا :- وجود ميادة بي باكثر من مداخلتين في البوست ده حاجة ما بطمن نُهااااائي لكن البوست بوستك وبرضو من حقها تكون موجوده بس من هسي ممكن يطرشق ليك في إي لحظة هاهاهاهاهاهاها و يا ميادة ما تتحسسي من اخوك ياخ لوووووووووووووووول .
يا صبري يا اخوي في وجهة نظري انو برنامج اغاني واغاني لم يعد فيه ما يستحق الاستمرار وصدقني البرنامج بيخسر اكتر مما يكسب وكل الهيلمانة والحضور المكثف ليهو دي سببه حاجة واحده وبس وهي :- اننا كسودانيين نحب الاغاني الخالده ونحب الحكي والذكريات عنها وفي نفس الوكت ده يا صبري صدقني الاغاني الخالده دي لما يغنيها اي زول مهما كان صوتو بنكون في الغالب مبسوطين لانو اصلا الاغنية مستقره وجدانياً (و لايقة طبياً و مرتاحه ذهنياً كمان) عشان كده بنقبله بس شرط انو الصوت يكون اقلو مقبول وكده .
بخصوص هذه النقطة :-
Quote: شن جاب افراح لشموس!!!!!!؟
يا سيدي شموس افضل صوت - معاها فهيمة- حاليا في الساحة يتغنى بالاغاني السودانية المسموعه وهي تسعي للانفراد بمسيرتها باغاني تخصها وتتحرك جيد فيها و بخطى ثابته و المنافسه بينها وبين اي فنانه اخرى معدوم ناهيك ان تنافسها افراح فافراح هذه ربنا اعطاها و حين يعطي ربك فلا اعتراض ابداً عشان كده ما تسأل يا اخونا .
وكن بخير .
Post: #29 Title: Re: طلب من قناة الشروق والفضائية السودانية تبني فكرة برنامج شبيه بأغان Author: محمد عبد الماجد الصايم Date: 06-07-2011, 08:41 AM Parent: #28
Quote: اننا كسودانيين نحب الاغاني الخالده ونحب الحكي والذكريات عنها وفي نفس الوكت ده يا صبري صدقني الاغاني الخالده دي لما يغنيها اي زول مهما كان صوتو بنكون في الغالب مبسوطين لانو اصلا الاغنية مستقره وجدانياً (و لايقة طبياً و مرتاحه ذهنياً كمان) عشان كده بنقبله بس شرط انو الصوت يكون اقلو مقبول وكده .
ياخ دا كلام مُريح عديل كـدا!!
Post: #30 Title: Re: طلب من قناة الشروق والفضائية السودانية تبني فكرة برنامج شبيه بأغان Author: أشرف البنا Date: 06-07-2011, 08:56 AM Parent: #29
ــــــــــــــــــــــــــــــــــــــــــــــــــــــــــــــــــــــــــــــــــــــــــــ في الصميم : أنا افتكر إنو كفاية كدا ............... ابحثوا عن بديل و فكوهم عكس الهوا ........... الشروق ........ الفضائية السودانية ............. قوون .......... ما مهم .......... المهم فكرة جديدة بعيدة عن الزحمة بتاعت اغاني و أغاني .......... تواشيح النهر الخالد السنة الفاتت كان جميل ......... و لازم الروقة بعد شراب المويات عشان الواحد يهضم ........
مودتي ..........
Post: #34 Title: Re: طلب من قناة الشروق والفضائية السودانية تبني فكرة برنامج شبيه بأغان Author: صبري طه Date: 06-07-2011, 05:57 PM Parent: #30
ـــــــــــــــــــــــــــــــــ في الصميم : أنا افتكر إنو كفاية كدا ............... ابحثوا عن بديل و فكوهم عكس الهوا ........... الشروق ........ الفضائية السودانية ............. قوون .......... ما مهم .......... المهم فكرة جديدة بعيدة عن الزحمة بتاعت اغاني و أغاني .......... تواشيح النهر الخالد السنة الفاتت كان جميل ......... و لازم الروقة بعد شراب المويات عشان الواحد يهضم ........
مودتي ..........
يا ريت استبدلوا أفراح بشاكيرا ويحفّظوها أغنية راجل المرة دة حلو حلا والروقة السنة دي أهمّ حاجة خاصة وإنو رمضان حيكون صيف من النوع أبو كديس ...
دمت بود ،،،
Post: #31 Title: Re: طلب من قناة الشروق والفضائية السودانية تبني فكرة برنامج شبيه بأغان Author: عبد الدائم سيد أحمد Date: 06-07-2011, 08:58 AM Parent: #29
ايـواااا
وبمناسبة المداخلة الفوق دى يا ود الصايم عندى اشكالية انا بلخبط بين سفيان بشير نابرى وبين ياسر بناوى
احل الموضوع ده كيف ؟؟
Post: #32 Title: Re: طلب من قناة الشروق والفضائية السودانية تبني فكرة برنامج شبيه بأغان Author: محمد عبد الماجد الصايم Date: 06-07-2011, 09:36 AM Parent: #31
Quote: انا بلخبط بين سفيان بشير نابرى وبين ياسر بناوى
غايتو يا عمكـ ما ليكـ أي حق!! خصوصا في (المرحلة الراهنة)!!
زمان الاتنين كانوا يسار .. هسي واحد بقى يمين!!
Post: #33 Title: Re: طلب من قناة الشروق والفضائية السودانية تبني فكرة برنامج شبيه بأغان Author: جمال الباقر Date: 06-07-2011, 09:50 AM Parent: #31
Quote: ما فارقين كتير .. حتى أفراح بعد ما بقت (تونة)!!
يعني شنو تونة؟؟؟؟؟
Post: #35 Title: Re: طلب من قناة الشروق والفضائية السودانية تبني فكرة برنامج شبيه بأغان Author: صبري طه Date: 06-07-2011, 11:06 PM Parent: #33
Post: #36 Title: Re: طلب من قناة الشروق والفضائية السودانية تبني فكرة برنامج شبيه بأغان Author: صبري طه Date: 06-07-2011, 11:40 PM Parent: #35
يا سلام ثم يا سلام ثم يا سلااااااااااام على موقع محمود عبدالعزيز الجديد اضغط هنا
الموقع اعتمد على مجلة WordPress
وقد أضاف له التصميم بُعداً جمالياً
Post: #37 Title: Re: طلب من قناة الشروق والفضائية السودانية تبني فكرة برنامج شبيه بأغان Author: سفيان بشير نابرى Date: 06-08-2011, 07:36 AM Parent: #31
Quote: ايـواااا
وبمناسبة المداخلة الفوق دى يا ود الصايم عندى اشكالية انا بلخبط بين سفيان بشير نابرى وبين ياسر بناوى
احل الموضوع ده كيف ؟؟
مُش يا صبري قلته ليك بوستك ده الله يستر عليهو هاهاهاهاهاهاها هسي عليك الله عبد الدائم جادي !!!! المصيبة انو مسجل من 2006 ولسه ما مركز هههههههههههه يا عبد الدائم غايتو ما بناقشك .
و يا ود الصايم انت كمان ما تشرع من رأسك ساااي شنو كانو زمان سوى !!!! انت ما خد حاجه !!!؟
Post: #38 Title: Re: طلب من قناة الشروق والفضائية السودانية تبني فكرة برنامج شبيه بأغان Author: صبري طه Date: 06-08-2011, 08:07 AM Parent: #28
وعليكم السلام أخي سفيان ...
Quote: سفيان بشير نابري كتب: وقبل كل شي وللضمان كده عشان الكلام ما يقعد لي جوه قلبي ده شوف هنا يا اخونا :- وجود ميادة بي باكثر من مداخلتين في البوست ده حاجة ما بطمن نُهااااائي لكن البوست بوستك وبرضو من حقها تكون موجوده بس من هسي ممكن يطرشق ليك في إي لحظة هاهاهاهاهاهاها و يا ميادة ما تتحسسي من اخوك ياخ لوووووووووووووووول .
يا عمّك ميادة طعّمت البوست وأضافت ليهو الحب والبُهارات ... البوست من غيرها كلّو عزّابة
Quote: سفيان بشير نابري كتب: يا صبري يا اخوي في وجهة نظري انو برنامج اغاني واغاني لم يعد فيه ما يستحق الاستمرار وصدقني البرنامج بيخسر اكتر مما يكسب وكل الهيلمانة والحضور المكثف ليهو دي سببه حاجة واحده وبس وهي :- اننا كسودانيين نحب الاغاني الخالده ونحب الحكي والذكريات عنها وفي نفس الوكت ده يا صبري صدقني الاغاني الخالده دي لما يغنيها اي زول مهما كان صوتو بنكون في الغالب مبسوطين لانو اصلا الاغنية مستقره وجدانياً (و لايقة طبياً و مرتاحه ذهنياً كمان) عشان كده بنقبله بس شرط انو الصوت يكون اقلو مقبول وكده .
صدقت يا عزيزي فالنجيضة في استقرار الأغاني بالوجدان .. وكل الأصوات الموجودة في البرنامج مقبولة ...
يا سيدي شموس افضل صوت - معاها فهيمة- حاليا في الساحة يتغنى بالاغاني السودانية المسموعه وهي تسعي للانفراد بمسيرتها باغاني تخصها وتتحرك جيد فيها و بخطى ثابته و المنافسه بينها وبين اي فنانه اخرى معدوم ناهيك ان تنافسها افراح فافراح هذه ربنا اعطاها و حين يعطي ربك فلا اعتراض ابداً عشان كده ما تسأل يا اخونا .
وما يميّز صوت شموس التطريب العالي ...
دمت بود ،،،
Post: #39 Title: Re: طلب من قناة الشروق والفضائية السودانية تبني فكرة برنامج شبيه بأغان Author: خالد عبد الله محمود Date: 06-08-2011, 08:23 AM Parent: #38
Quote: يا ريت استبدلوا أفراح بشاكيرا
بدلوها بي عدة .. بشاكير شنو في السخانة دي ؟ هو الداير ينشف منو زاتو اليومين ديل ؟؟
Post: #40 Title: Re: طلب من قناة الشروق والفضائية السودانية تبني فكرة برنامج شبيه بأغان Author: عبد الدائم سيد أحمد Date: 06-08-2011, 08:45 AM Parent: #39
يا سفيان انا احيانا" بقول كده سفيان بناوى وياسر نابرى
