Post: #1
Title: Black Nims او بالعربي معتز القريش !!!!!!!!
Author: Randa Hatim
Date: 06-05-2011, 01:34 PM
April 21Sent from a PhoneBlack Nims
بدون سلام
يا ريت ترسلي لي تلفونك عشان أنا جاي السودان عشان اجيك وتبري بقسمك وتتفي لي في وشي
ودا تلفوني ٦٦٦٨٤٨٥٦..
10 hours agoSent from a PhoneBlack Nims
شنو مناضلة يا نصيرة النساء ما رديتي ما عامرة تبري بقسمك منتظر تلفونك او عنوانك..
3 hours ago Randa Hatim
الاخ بيهدد او حاجة ... قلتا لي منتظر تلفوني او عنواني!!!! عشان تعمل شنو مثلا ..
ولا آآآآآ انا ما نسيت انتا ما اخوك وزير طبعا ...لله في خلقة شؤون..
about an hour agoSent from a PhoneBlack Nims
الاخ عايزك تبري بقسمك يا بت امنة
وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس
وصلك ولا لسة ؟..
23 minutes agoRanda Hatim
تصدق لسه ما وصلني ولا فهمتا حاجة.. حقو تفهمني وتوضح اكتر ..
ولا دا شغل استخبارات وكدا .. طبعا ما الاخ بقى من اهل الخاصة ...
وياريت توريني احترام النفس دا بيكون كيف يا ود القريش لانو الظاهر ما درسوني ليهو ....
بس للأسف ما بعرف اعمل Print Screen عشان اجيب الحوار دا بالصورة ....
يا ريت لو الاخ يجي هنا ويوريني بيعرف عني شنو احسن بدل ما يرسل في الخاص ...
وبالمره الموضوع كلو يكون على رؤوس الاشهاد...
ولا ما كدا يا ود القريش ......
*لاحظوا تاريخ اول رساله يوم 21 ابريل ... وتواريخ باقي الرسائل كلهم الليله وقبل ساعات بس !!!!!!
|
Post: #2
Title: Re: Black Nims او بالعربي معتز القريش !!!!!!!!
Author: احمد التجانى احمد
Date: 06-05-2011, 01:46 PM
Parent: #1
الزميلة رندا حاتم
مرحبا بعودتك
مؤسف جدا ان يتطور الحوار بين اعضاء هذا المنبر الى حد التهديد والتلميحات الغير كريمة
متلوم ود القريش وفى انتظار ظهوره حتى يوضح للناس ما جاء به هذا البوست
|
Post: #4
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-05-2011, 01:57 PM
Parent: #2
تسلم يا احمد وتشكر على الترحيب ...
صدقني من اسوأ وأحقر وأخس الطرق المستخدمة في المنبر دا هي عملية الايحاءات والمطاعنه بالاخلاق ...
لكن صدقني بس المره دي هو ما حسبها صاح ....
وما انا البيستخدم معاي اسلوب زي دا ..
عموما للاسف انا دوامي انتهى وكمان ما عندي انترنت في التلفون زي ما عند الاخ معتز ..
ارجو لما اجي بكره القاهو اتكرم بالرد ووضح هو قاصد شنو ..
وحينئذ .. لكل حدث حديث ...
|
Post: #3
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-05-2011, 01:47 PM
Parent: #1
ارجو من الاخ الفاضل جدا جدا معتز القريش انو يتكرم ويوضح الاتي:
اولا: بيعرف عني شنو انا ما بعرفو عن نفسي
ثانيا:احترم نفسي معناها انا في نظرو ما محترمة برضو يوضح الدليل شنو على اني ما محترمة
ثالثا: اسمي هنا رندا حاتم الاخ قال "بت امنه" ليه؟؟ علما انو اسم امي عندي مقدس جدا جدا وما برضى ينطقو اي لسان
|
Post: #5
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-05-2011, 02:03 PM
Parent: #3
Quote:
صدقني من اسوأ وأحقر وأخس الطرق المستخدمة
في المنبر دا هي عملية الايحاءات والمطاعنه بالاخلاق ... |
تشير لأسوأ و أحقر و أخس الطرق المستخدمة في المنبر و تأتي بأمثلة من خارج المنبر .. فتأمل!
|
Post: #6
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-05-2011, 02:08 PM
Parent: #5
لولا هذا المنبر ......
لما كانت لي معرفة بمعتز القريش ...
او
بك انت ...
فتأمل!
|
Post: #7
Title: Re: Black Nims او بالعربي معتز القريش !!!!!!!!
Author: nazar hussien
Date: 06-05-2011, 02:11 PM
Parent: #5
Quote: الاخ عايزك تبري بقسمك يا بت امنة
وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس
وصلك ولا لسة ؟ |
هذا الخطاب عير لايق بالمرة...ويجافي سلوك الانسان القويم..
ويتوجب علي صاحبه الاعتذار عنه...فورا..
|
Post: #8
Title: Re: Black Nims او بالعربي معتز القريش !!!!!!!!
Author: عوض محمد احمد
Date: 06-05-2011, 02:14 PM
Parent: #3
لابد من وقفة حازمة لقطع دابر مثل هذه الممارسات مرة واحدة و الى الابد
|
Post: #9
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-05-2011, 02:16 PM
Parent: #8
ناس عندها مشاكل خارج البورد و تلاسنوا خارجه؛ مالنا – و للمنبر – بمشاكلهم؟!!
|
Post: #24
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 07:27 AM
Parent: #9
رغم انو ما عندي اي سابق معرفة بيك خارج نطاق هذا المنبر ...
ورغم اني ما ملزمه ابرر فتحت البوست ليه لانو دا منبر حر وما حضرتك البتحدد قوانينو ..
لكن برضو ح اوضح ليك شوية عسى ولعل ...
ليس لي اي تواصل مع معتز القريش خارج نطاق هذا المنبر ..
وحتى ما ورد من الفاظ اعلاه سببو موقفي من قضية الاخت صفية والتي تم طرحها داخل المنبر ...
يعني يا اخ حسين ...
ما عندي اي قضية خارج هذا المنبر مع معتز القريش....
لا خير ولا شر...
وكل العملتو انا لما فتحتا البوست دا ..
اني رديت القضية لي منشأها ....
بدل ما يقعد يرسل في تهديداته على الفيسبوك في موضوع بدأ هنا وح ينتهي هنا ...
وبرضو تحياتي ...
|
Post: #10
Title: Re: Black Nims او بالعربي معتز القريش !!!!!!!!
Author: محمد إبراهيم علي
Date: 06-05-2011, 02:17 PM
Parent: #3
معتز القريش
اما لسقوطك من قاع ؟
كامل تضامني معك رندا حاتم وما تخلي حقك
|
Post: #11
Title: Re: Black Nims او بالعربي معتز القريش !!!!!!!!
Author: امير طمبل
Date: 06-05-2011, 02:39 PM
Parent: #10
لا حول ولا قوة الا بالله
شي مؤسف حقا يا رندا
|
Post: #12
Title: Re: Black Nims او بالعربي معتز القريش !!!!!!!!
Author: بدر الدين الأمير
Date: 06-05-2011, 02:47 PM
Parent: #11
في رجاء رد اوتعقيب الاخ معتز القريش
والاخت رندا حاتم تتهمة بالطعن فى الشرف
والتهديد
|
Post: #13
Title: Re: Black Nims او بالعربي معتز القريش !!!!!!!!
Author: خالد عبد الله محمود
Date: 06-05-2011, 04:19 PM
Parent: #12
الغريب شنو يا رندا ؟
هي أخلاق هذا الســاقط منذ أن جاء به يوم ( اسود و مهبب) لهذا المنبر ..
|
Post: #14
Title: Re: Black Nims او بالعربي معتز القريش !!!!!!!!
Author: معاوية عبيد الصائم
Date: 06-05-2011, 06:24 PM
Parent: #13
مخزون المدعو معتز القريش من (هكذا) الفاظ ...مكبشر ..
كامل التضامن يا رندا ..حتى ظهور المـــــــــــريض اعلاه
وحضور ..
|
Post: #15
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-05-2011, 10:53 PM
Parent: #14
| Quote: في رجاء رد اوتعقيب الاخ معتز القريش |
لا يلزم القريش الرد أو التعقيب؛ ما حدث خارج المنبر لا شأن لنا – و للمنبر - به.
|
Post: #16
Title: Re: Black Nims او بالعربي معتز القريش !!!!!!!!
Author: معاوية عبيد الصائم
Date: 06-05-2011, 10:56 PM
Parent: #15
Quote: لا شأن لنا – و للمنبر - به.
|
الناطق الرسمى حسين (ابوبكر)
|
Post: #17
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-05-2011, 11:04 PM
Parent: #16
لو أن أحضر كل من تشاتم و تلاسن خارج المنبر؛
بشتائمهم و ملاسناتهم لداخل المنبر لأناخ المنبر بكلكله!
|
Post: #18
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-06-2011, 01:03 AM
Parent: #17
(*)
سلامات يا(رندا حاتم) ..
أولاً بلاشك إن أي كلام نزلتيهو من كلام معتز هنا كلام مدان وأي إبتزاز وتعريض
وخلافه , كلام غير لائق بحقك وبحق أي أخت كريمة أخرى ..
ولكن ..
أولاً إشارتك لمعرفتك بمعتز قريش من خلال المنبر ده فيها شوية مبالغة
لأنكم كنتو أصدقاء وزملاء عمل ..
يعني مشكلتكم مشكلة بين صديقين وزميلين عمل قبل كونها مشكلة بين بورداب ..
ومداخلتي دي سببها إنو الناس الجات واقعا على وشها دي وردمت معتز قريش شتايم ..
ممكن تكون في النهاية شايلة وش القباحة وتكتشف ده متأخر لما تعود المياه لمجاريها
بينكم كأصدقاء وترجعوا سمن على عسل ..
وأنا بأكد ليك تاني إدانتي لكلام معتز ده ..
لكن أقري كلامي ده تاني وراجعي نفسك ..
لأنو ده الحايحصل كشئ طبيعي بين أتنين ربطتهم صداقة وزمالة عمل أمتدت لسنوات ..
والناس الجات إتحنفشت وشتمت معتز ده , تودي وشها وين لو الأصدقاء إتصافوا ؟
عشان كده معتز ياخدا من أقصر الطرق ويجي يعتذر ليك بشكل صريح وواضح عن كلامه
غير اللائق أعلاه , لأنو غيابو عن البوست ده فيهو توريط لكل من تحنفش وجاء حاملاً
عصاه وهو لا يعلم أن الأصدقاء قد يعودون أصدقاء بعد كل خلاف ..
|
Post: #19
Title: Re: Black Nims او بالعربي معتز القريش !!!!!!!!
Author: ناصر البطل
Date: 06-06-2011, 04:17 AM
Parent: #18
Quote: (*)
سلامات يا(رندا حاتم) ..
أولاً بلاشك إن أي كلام نزلتيهو من كلام معتز هنا كلام مدان وأي إبتزاز وتعريض
وخلافه , كلام غير لائق بحقك وبحق أي أخت كريمة أخرى ..
ولكن ..
أولاً إشارتك لمعرفتك بمعتز قريش من خلال المنبر ده فيها شوية مبالغة
لأنكم كنتو أصدقاء وزملاء عمل ..
يعني مشكلتكم مشكلة بين صديقين وزميلين عمل قبل كونها مشكلة بين بورداب ..
ومداخلتي دي سببها إنو الناس الجات واقعا على وشها دي وردمت معتز قريش شتايم ..
ممكن تكون في النهاية شايلة وش القباحة وتكتشف ده متأخر لما تعود المياه لمجاريها
بينكم كأصدقاء وترجعوا سمن على عسل ..
وأنا بأكد ليك تاني إدانتي لكلام معتز ده ..
لكن أقري كلامي ده تاني وراجعي نفسك ..
لأنو ده الحايحصل كشئ طبيعي بين أتنين ربطتهم صداقة وزمالة عمل أمتدت لسنوات ..
والناس الجات إتحنفشت وشتمت معتز ده , تودي وشها وين لو الأصدقاء إتصافوا ؟
عشان كده معتز ياخدا من أقصر الطرق ويجي يعتذر ليك بشكل صريح وواضح عن كلامه
غير اللائق أعلاه , لأنو غيابو عن البوست ده فيهو توريط لكل من تحنفش وجاء حاملاً
عصاه وهو لا يعلم أن الأصدقاء قد يعودون أصدقاء بعد كل خلاف .. |
اهم شئ فى البورد ده كمية المعلومات البيمتلكه المشترك
الحمد لله الواحد ما ضغط علي كيبوردو قبل مداخلة كمال
المهم كما قال تبارك
من باب معاملة الصاحب لصاحبتو يا ود القريش ..... و تطفل مننا ساي.....حسب الرواية حتى الان ...... ياخ حركتك ما ظريفه و عمليته ########ه :)
يلا باركوها و حلو مشكلتكم بره المنبر حل اصحاب
|
Post: #20
Title: Re: Black Nims او بالعربي معتز القريش !!!!!!!!
Author: محمد مختار جعفر
Date: 06-06-2011, 04:38 AM
Parent: #19
الإخوة الكرام ..
يسوّد المنبر من حين لآخر بعزيز نفتقده ، وهكذا الأيام والأعمار
تتخطفنا فى لمح البصر وتنقضى ، ولا زال أعلى المنبر مسودا بالحزن
وتلقى التعازى ، فهلا أعتبرتم يا أؤلى الألباب ..!!
التصافى والعفو عند المقدرة من أفضل الأعمال ،
أسأل الله لكما ولمن تخاشن فى رده الهداية والله يوفق الجميع ..
محمد مختار جعفر
|
Post: #21
Title: Re: Black Nims او بالعربي معتز القريش !!!!!!!!
Author: nazar hussien
Date: 06-06-2011, 04:59 AM
Parent: #20
Quote: يعني مشكلتكم مشكلة بين صديقين وزميلين عمل قبل
كونها مشكلة بين بورداب |
الحبيب..كمال الزين..
لو أن هذه الالفاظ والايحاءات قد صدرت من زوج لزوجته وجيء به للمنبر لادنته
دون ان يرمش لي طرف....
|
Post: #22
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-06-2011, 05:21 AM
Parent: #21
Quote: الحبيب..كمال الزين..
لو أن هذه الالفاظ والايحاءات قد صدرت من زوج لزوجته وجيء به للمنبر لادنته
دون ان يرمش لي طرف.... |
ياعزيزي نزار ..
أعلم تماماً أنك هذا الرجل وأنعم بك ....
وتلك الإيحاءآت والألفاظ التي وجهها معتز لرندا لا يمكن أن يستسيقها أي رجل
شريف أو أمرأة شريفة ونتفق جميعاً على إدانتها ومطالبة معتز بإعتذار مستحق
وهو أقل دية يمكن أن يدفعها لقاء إجرامه بحق رندا وتوجيهه لها تلك الألفاظ والإيحاءآت
غير اللائقة وغير الكريمة ..
هذا أمر كان مقضياً ومحسوماً ومتفق عليه ..
ولكن نكران رندا لصداقته وزمالته ومعرفتهما الوثيقة بل وعملهما معاً بمكتب الأخ /بدرالين
قد يجعل البعض يأتي حاملاً غبائن قديمة وعصاة الإنتصار لأخت كريمة ويوجه لمعتز من
الشتائم ما لا يمكن تداركه لاحقاً , إن عاد التصافي بين الأصدقاء ..
هذا ما أحببت إيضاحه وتوجيه صوت لوم للأخت رندا بخصوصه وأنا أدرك أنها ربما
كتبت ماكتبت في لحظة إنفعال وغضب مبرران فليس ما وجهه لها معتز بالأمر الهين
أو الذي يجعلها في حالة متوازنة
لتكتب دون غضب أو إنفعال ..
هذا مع محبتي ..
|
Post: #23
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 07:18 AM
Parent: #22
سلام للجميع ...
معليش ح ابدأ الرد بي آخر مداخلة وللجميع احترامي ...
يا كمال انا عرفتا معتز من خلال بورداب الدوحه .. ولم اعرفه زميل عمل ..
يعني اول معرفه لي بي معتز كانت من خلال المنبر دا ...
يعني عرفتو في سودانيزاونلاين قبل ما اعرفه في الدوحه ..
وزي باقي البورداب لمتني بيهو نشاطات وفعاليات اخرى ...
حتى بعد كدا بقينا زملاء عمل في مكتب بدرالدين الامير ...
لي خلافات كتيرة جدا مع معتز.. وكنا دايما انا وهو على طرفي نقيض رغم الود...
عمرنا ما اتلمينا في وجهة نظر واحده ...
لكن ما اظن انو الاساءه بالصورة الفيها غمز وطعن في الاخلاق بتغتفر ..
وصدقني .. لا يمكن للمياه ان تعود الى مجاريها مع معتز القريش ..
وان جاء واعتذر ...
في خط احمر يا كمال لا يمكن تجاوزه اطلاقا ..
واذا رجعتا انا سمن على عسل مع معتز بعد كلامو دا ..
اكون حقيقي بستاهل كل كلمة كتبها ...
مع اكيد محبتي وتقديري
|
Post: #29
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 09:16 AM
Parent: #21
شكرا ليك يا نزار ....
موقفك واضح وما فيهو اي ضبابية ...
وانا مازلت مصره انو يجي معتزالقريش يوريني قاصد شنو بالكلام الكتبو دا ...
وهنا في المنبر وفي البوست دا ..
لانو اصل المشكله هنا ...
موش زي ما قال محامي الدفاع السيد / ملاسي
وانا مازلت برضو عند رأيي من موقفو تجاه قضية صفية ..
على الرغم من انو عدد كبير من منسوبي المؤتمر الوطني حاول دحض الجريمة ..
والتشكيك في مصداقيتها ...
لكن الوحيد الاستهزأ بالقضية بي صوره لا انسانية و تدعو للاشمئزاز كان معتزالقريش ...
بالضروره اختلاف وجهات النظر والمواقف قائم وموجود ... بس ... بي احترام ...
اما جملة كمال دي
Quote: يعني مشكلتكم مشكلة بين صديقين وزميلين عمل قبل
كونها مشكلة بين بورداب |
غير صحيحة اطلاقا ... مشكلتنا مشكلة بورداب جمعنا المنبر دا واتعرفتا عليهو من خلال المنبر ...
ومن خلال كيان بورداب الدوحه ...
ثم بقينا زملاء عمل في فترة خلت ...
يعني حاليا انا ومعتز ما زملاء عمل احنا زملاء منبر ..
تحياتي ...
|
Post: #25
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 07:32 AM
Parent: #19
سلام يا ناصر ...
ما اظن افتراض كمال لرجوع المياه لمجاريها ملزم لي ... او معناها دا اللي ح يحصل ...
وما اظن زي الكلام الكتبو معتز القريش بعدو ممكن نكون "اصحاب"
في خطوط حمراء لي اي خلاف ممكن ينشأ بين اتنين ...
تحياتي ....
|
Post: #26
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-06-2011, 08:15 AM
Parent: #25
تحية اعتزاز وتقدير للعزيزة رندا حاتم
ومبتهلآ هذه السانحة
و بغض النظر عن ملابسات الموقف و الموضوع
عايز أشهد فقط بالحقيقة التي لمستها عن قرب
وطوال مدة تعامل راقي مع رندا
إنها كانت على الدوام بنت مشرفة في كل تصرفاتها
واضحة في كل مواقفها
منحازة لشعبها
ومهتمة بحال وطنها
لها كل الإحترام.
|
Post: #27
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 08:27 AM
Parent: #26
تسلم يا ابوساندرا ... ودا من طيب اصلك..
ووالله العظيم انا ما فتحتا البوست دا عشان اسمع مدح او اطراء ..
بقدر ما استفزتني كلمات معتز وايحاءاته الغير مقبوله ...
وطول عمر تواجدي في المنبر دا وانا ضد العنف اللفظي او الفجران في الخصومة ...
ممكن انفعل لقضية ما وتغضبني حد الانفجار لكن مستحيل اسئ لي انسان في اخلاقه او اطعنه في شرفه ...
وغاظني جدا انو لما رسل الرساله الاولى طالب رقم تلفوني او عنواني اتجاهلتها ...
وقلتا على راي حبوباتنا "التقماك اقماها"
لكن هو اصر ورسل رسالة تانية اقبح من الاولى ... وجواها تهديد مبطن ...
ولما رديت عليه ختا تهديدو عديل لا اتضارى .. لا اتلفت ...
الما بيعرفو معتز القريش عني اني ما بتهدد وما بخاف ...
والزارعني غير الله يجي يقلعني ...
شكري لكل المتداخلين ..
وتحياتي وتقديري لكل من قال كلمة حق او ارضى ضميره وان كان رأيه مخالفا لما ارى ...
|
Post: #28
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-06-2011, 09:07 AM
Parent: #27
رندا حاتم :
| Quote: ووالله العظيم انا ما فتحتا البوست دا عشان اسمع مدح او اطراء |
أهلآ يا رندا
ولا انا أدليت بشهادتي أعلاه بقصد المدح والإطراء
وما كانت ( كسير تلج )
قدمت شهادتي حتى لا اكون في زمرة الصامتين المزورين عن قول الحقيقة والإنحياز للحق
وأبعث يوم القيامة مشطورآ
لو كل الناس هنا حرصت على الإدلاء بشهادتها وأحقت الحق
وزجرت المعتدي والمطفف والوالغ والمتحرش والمسيء
لما تجرأ أي من ذوي الصفات أو الإعاقات أعلاه على ارتكاب اوزارهم
أذكر في مرة تخاشنت لغويآ وتعاليت معرفيآ مع احدهم بتصحيح أخطائه
فما كان منه إلا ان صوب تجاه أمي التي لا يعرفها وما شافها ولا سمع عنها
غعلته كانت ذميمةولئيمة
لكن الأكثر لؤمآ والمآ منها ، سكات الناس هنا عن الرد
والدخول لاحقآ في المطايبات الفارغة
في الحالة الراهننة ، انت تعرضتي لمخاشنة مسيئة وتهديد
انا لاتعنيني الأسباب والملابسات وطبيعة العلاقة ، حسب مذهب كمال علي الزين
ولا قبلت محاولة حسين ملاسي ، لأن لك الحق في فتح أي موضوع واشراك الناس فيه ، لو رغبتي
وانا تفهمت حرصك على ان يكون الموضوع على رؤوس الأشهاد
لكنك سوف تجدي قلة لايداهنون ولا يترددون في اتخاذ الموقف الصحيح
بردع المسييء ،، اكرر انهم قلة
|
Post: #30
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-06-2011, 09:29 AM
Parent: #28
Quote:
وانا مازلت مصره انو يجي معتزالقريش يوريني قاصد
شنو بالكلام الكتبو دا ...و هنا في المنبر وفي البوست دا .. |
تظن – المسكينة – أن إصرارها سيجعل لمحاولاتها قيمة.
_____
ما لنا - و للمنبر - و هذه الترهات!
|
Post: #31
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 09:33 AM
Parent: #28
فاهماك والله يا ابوساندرا ...
بس ما عايزه الناس تفهم اني فتحت البوست دا عشان اسمع كلام اطراء او عشان يلومو معتز ..
في ناس عندها وجهة نظر مختلفه ... وبرضو على عيني وراسي ...
انا بس ما عايزة معتز يستمرأ فكرة الرسايل الفي الخفا ويواصل فيها ...
لاني لما سكتا عن الرساله الاولى رسل الاسوأ منها ...
عندو اي راي فيني او كلام عايز يقولو حبابو الف ...
بس عديل وعلى عينك يا تاجر ...
لانو اصل المشكله بدأ هنا ... يبقى مافي داعي للطرق الملتوية ...
يمسك دربو عديل ويجي يقول العندو ...
|
Post: #32
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-06-2011, 09:50 AM
Parent: #31
حسين ملاسي :
| Quote: ما لنا - و للمنبر - و هذه الترهات! |
ترهات ؟! ياخ قبل كده كان في ( هرات ) عديييل كده
وماسمعنا ( بغم ) بتاعتك دي
وبرضها كان ماللمنبر أي علاقة بيها
وانا شلت حالي ومشيت بالباب ، بالدرب العديل
لتتم أي معالجة ممكنة فيس تو فيس ،، صلحآ أم نطحآ وتطاحنآ
عشان موضوع بين اتنين لا ثالث لهما
فاذا به في الهواء الطلق
وما غردت يا حبيب
|
Post: #33
Title: Re: Black Nims او بالعربي معتز القريش !!!!!!!!
Author: الفاتح خليل الفكي
Date: 06-06-2011, 10:06 AM
Parent: #27
الاخت / رندا
سلام واحترام ،،،،
حقيقة شئ مؤسف
يا ريت لو الناس تحاول تتفق أو تختلف مع بعض با حترام
مثل هذه الالفاظ والايحاءات تدل على مستوى من ياتي بها
واقول للأخ العزيز كمال الموضوع ما موضوع الناس تقع على وشها ولا تشيل عصاية
وليس له علاقة بصداقة رندا أواي اخت هنا بمن يقول مثل هذه الالفاظ
الموضوع باختصار الالفاظ غير الكريمة التي تصدر من بعض الاخوان لتخويف الاخوات يجب ان يقف الناس عند حدها
وهناك خطوط حمرا يجب على الانسان ان لا يتجاوزها
ومافي حاجة اسمها اعتذار شنو كل يوم واحد يغلط ليهو على زول وتاني يوم يجي ويعتذر والناس تصفق ليهو
مافي حاجة اسمها اعتذار السمعة والشرف وادخال الاسر خطوط يجب ان لا نتجاوزها
تحياتي واحترامي للاخت رندا ولجميع الاخوان المتداخلين
أبو كريم
|
Post: #34
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-06-2011, 10:23 AM
Parent: #33
Quote:
وانا شلت حالي ومشيت بالباب ، بالدرب العديل لتتم أي معالجة ممكنة فيس
تو فيس ،، صلحآ أم نطحآ وتطاحنآ عشان موضوع بين اتنين لا ثالث لهما |
إن كان ذلك كذلك؛ فمن الأولى بك أن تنصح صاحبة البوست لتحذو حذوك.
|
Post: #35
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-06-2011, 10:39 AM
Parent: #34
psdk lbsd :
حسين ملاسي :
( الفوق ده حروفك لمن تكتبي عربي بدون ما تغير من الأنكليزي )
قلت :| Quote: إن كان ذلك كذلك؛ فمن الأولى بك أن تنصح صاحبة البوست لتحذو حذوك. |
لصاحبة البوست تقديراتها وانا اتفهمها وإحترمها
|
Post: #36
Title: Re: Black Nims او بالعربي معتز القريش !!!!!!!!
Author: امير طمبل
Date: 06-06-2011, 10:57 AM
Parent: #35
Quote: ترهات ؟! ياخ قبل كده كان في ( هرات ) عديييل كده
وماسمعنا ( بغم ) بتاعتك دي
[/QUOTE
هههههههههههههههههه
علما بان المقام لا يتحمل المذاح
بس الحتة الفوق دي عجبتني ....
غايتو يا ابوسادنرا اصلك ما بتفتش
علي الكلام ...صحي ديامي
|
Post: #37
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-06-2011, 11:12 AM
Parent: #35
الاخت رندا سلام
قبل ما نخوض مع الذين كالوا السباب لمعتز وادانوه خلينا نتوقف شوية معاك ممكن؟
يلا انتي لديك معرفة وان بدأت من خلال المنبر ولكنها اصبحت واقعا وعملتما معا كما ذكرتي في مكتب الاخ ود الامير ,
وكمان اصلا لم تكونا متفقين في شئ , وقلتي ايضا انه ارسل اليك هذه الرسائل من خلال الفيس بوك ,
كلامي ليك اولا انا بدين اي تهديد من اي اخ او اخت ضد الاخر , تاني شئ كم تمنيت ان تحلي موضوعكما من خلال الاصدقاء المشتركين
بينكما طالما بينكما معرفة بدلا من نشر الغسيل علي المنبر . وكمان كم كان مهما لنا معرفة سبب الخلاف الذي فهمته من خلال رسائله
اليك انك قلتي له "اقسم بالله اذا قابلتك اتف في وشك " ولهذا اعلن لكي وصوله الخرطوم لتبري بقسمك !!
يعني يا عزيزتي لديكم حديث شخصي وان كان في موضوع عام !!
اتمني الا نصل مرحلة ننكر ما كان بيننا من تعارف او علاقة ..
|
Post: #38
Title: Re: Black Nims او بالعربي معتز القريش !!!!!!!!
Author: فايزودالقاضي
Date: 06-06-2011, 11:32 AM
Parent: #37
اذا ثبت قول الاخ معتز للاخت رندا فأنني ادين ماقاله من تهديد وإساءة...
الاساءة اساءة يااخوان كانت في الفيس ولا في المنبر ولا في التلفزيون ..والمساء اليه يرد اينما اراد ووقتما شاء ..ياهو المنبر مليئ بقضايا لاتمت له بصلة وتجد المساحة الكبيرة للنقاش سواء كانت شأن عام او خاص ...فالناس ماتسيب المهم وتمسك في القشور ...
كامل التضامن معاك اخت رندا ..
|
Post: #39
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 11:57 AM
Parent: #37
...| Quote: يعني يا عزيزتي لديكم حديث شخصي وان كان في موضوع عام !! |
الاخ العوض ...
تحياتي واحترامي ...
لم يكن حديث شخصي ولم يكن خارج ازقة هذا المنبر .. وانما طرح هنا في المنبر في موضوع الاخت صفية .. معتز قال ما قال وانا قلت ما قلت .... ومع ذلك لما رسل الرساله الاولى تجاهلتها عملا بالمثل "التقماك اقماها" زي ما وضحتا قبيل ...
رغم كدا معتز اصر ورسل تاني يطلب رقمي وعنواني بي صيغه تهديد مبطن .. ولما رديت عليهو كان رده العباره الاخيره ..
يا اخ العوض ..
اولا: من تاريخ مغادرتي للدوحه وعودتي للسودان وانا ما عندي اي تواصل مع اي فرد داخل الدوحه الا في حدود ونطاق ضيق جدا..
ثانيا: المسأله ما مسأله اجاويد وباركوها المساله اسلوب مرفوض وتلميحات قبيحة.
ثالثا: لم نتفق في شئ اعني في المواضيع السياسية المطروحه في المنبر انا وودالقريش دايما مختلفين لكن مع ذلك ما حصل المسأله وصلت لاستخدام اللغه دي وبنتلاقى في المناسبات العامه وبيكون الود محفوظ.
رابعا: انا فتحتا البوست دا لانو الموضوع بدأ هنا وما من حق معتز انو يخلي الكلام على الملأ وموضوع بدأ قدام الناس ويجي يرسل تهديدو في الخاص ...
وبرضو ما زلتا منتظره معتز يوريني بيعرف عني شنو انا ما بعرفو عن نفسي ...
تحياتي للجميع ...
|
Post: #40
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-06-2011, 12:15 PM
Parent: #39
الاخت الفاضلة رندا اعود واقول انني اتفهم تماما وجهة نظرك لفتح هذا البوست والذي اعرفه وتعرفيه الا احد مهما كان ان يشكل مصدر
خطر ضد الاخر , ومرات كثيرة نسمع احدهم يهدد ويقول للاخر " والله اكتلك " وبعدين كله الموضوع يطلع ونسات واعتذارات بالجملة ..
وود القريش انا برضو عرفته زيك من خلال المنبر عشان كدة بقول ليك هو اخ كريم ويحترم النساء جدا جدا وايا ما حصل منه فهو خطأ سياتي
ويعتذر عنه او يقول ماذا يقصد لهذا الكلام, واعلمك واؤكد ليك ان حديثه هذا لايعدو ولا يزيد عن رسالته ..
واتمني ان يظهر اخونا معتز ولكن لا اظنه ياتي بعد كلام ملاسي الفوق ده ..
|
Post: #41
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 12:17 PM
Parent: #33
ابو كريم وفايز ...
تسلموا يارب ...
وياريت معتز يكون شجاع وقدر كلامو الكتبو لي في الخاص دا ويجي يرد ويوريني قاصد شنو بالجمله دي ...
"انا عارف عنك اكتر من العارفاهو عن نفسك ... واحترمي نفسك"
الموضوع بدأ هنا ومافي داعي لي شغل "الغمتي" و "تحت تحت"
تهديد ورمي كلام بالدس ومطاعنه ما بتنفع ..
انا زوله واضحة ودغرية وما بعرف الدروب الملولوه ..
اي زول عايز يدافع عن معتز من حقو تماما ... ووالله على عيني وراسي في النهاية هو زميلكم وصديقكم ...
لكن انا كمان من حقي اطالب بي توضيحو للاساءه دي بالكيفيه التي اراها مناسبه ...
يعني هو يسئ ويطعن في اخلاقي و معاها كمان "احترمي نفسك" ...
وانا مطلوب مني "وبالضرا" افتش الاجاويد عشان يخلو معتز يوقف تهديدو لي وما انشر الغسيل هنا!!!!!
مالكم كيف تحكمون!!!!
|
Post: #42
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-06-2011, 12:27 PM
Parent: #41
Quote: لكن انا كمان من حقي اطالب بي توضيحو للاساءه دي بالكيفيه التي اراها مناسبه ...
يعني هو يسئ ويطعن في اخلاقي و معاها كمان "احترمي نفسك" ...
وانا مطلوب مني "وبالضرا" افتش الاجاويد عشان يخلو معتز يوقف تهديدو لي وما انشر الغسيل هنا!!!!!
مالكم كيف تحكمون!!!! |
لو في زول قاليك لكلام ده يبقي غلطان وستين غلطان !!
بس مرات الزول بيكاب وه في لحظة غضب ,, مافي زول عاقل بيؤيد تهديد ليك ولا لاي اخت معانا هنا ..
تحياتي ..
|
Post: #43
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 12:54 PM
Parent: #42
تسلم يا العوض ....
وصدقني بورداب الدوحه بيعرفوني اكتر من بورداب الخرطوم لاني يمكن ما اتداخلتا معاكم في فعالياتكم...
ما ح ازكي نفسي ابدا .. كل زول مننا بي عيوبه واخطاءه ...
لكن الحاجه الواثقه ومتأكده منها ...
انو عمري ما غلطتا في سمعة زول او اسأت انسان بي صورة مبتذله وقبيحة ...
ومعتز نفسه بيعرفني حق المعرفة ...
عبارتو دي ما بقبلا اطلاقا ...
جملة معتز الكتبها لي مستفزه جدا وفيها ايحاء مسئ وما مقبول ابدا ...
وكونه يرسلها لي في الخاص اصبح معناها اكثر اساءه كأنه بيحذرني بالضرا وانا احسن لي اسكت عشان ما يفضحني ...
دا معنى كلامو بالطريقة الرسلوا بيها ...
لك شكري وتقديري ...
|
Post: #45
Title: Re: Black Nims او بالعربي معتز القريش !!!!!!!!
Author: Deng
Date: 06-06-2011, 12:56 PM
Parent: #42
بغض النظر عن معرفة رندا حاتم بالظلامي معتز القريش، إلا أن ما صدر من هذا الظلامي غير مقبول على الاطلاق.
الظلامي معتز القريش مطلوب حضوره فورا للنفي أو للاعتذار.
|
Post: #47
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 01:22 PM
Parent: #45
الاخ دينق ..
تشكر على كلمة الحق ...
ولو انو الاعتذر ما ح ينفي خساسة الاسلوب اللي اتبعه...
وما ح يقدر ينفي الكلام دا لانو مرسل من حسابه في الفيسبوك .. اللهم الا يقول "اتهكر"
الاعتذار قيمة انسانية جميلة لما يكون الخلاف في اطار الاخلاق الانسانية الحميدة ...
ولكن لا مكان له حينما يكون الطعن في الاخلاق والسمعة ...
على الاقل دا من وجهة نظري ....
مطلوب من معتز يجي يوريني بيعرف شنو عن اخلاق رندا حاتم "ما لا اعلمه انا عن نفسي"
وسبحان الله ...ربنا وحده نسب لي نفسه علمه التام بعباده اكثر مما يعلمون عن انفسهم ..
اول مره اعرف انو في مخلوق يشارك الخالق "جل وعلا" في هذه الصفه..
لله في خلقه شؤون..
تحياتي دينق....
...
|
Post: #44
Title: Re: Black Nims او بالعربي معتز القريش !!!!!!!!
Author: أسامة خلف الله مصطفى
Date: 06-06-2011, 12:55 PM
Parent: #41
الأخوان الكرام حسين ملاسى والمسلمى
تحية مباركة،
المفترض أنو الأخت الكريمة رنده وعدت الأخ معتز بالبصق عليه إذا ما رأته ...
ومن الواضح أن هذا الكلام مستفز وحينما وصل للبلاد حاول أن يمارس حقه فى التبات أمام التهديدات....
أولا : إذا حصل أن وعدت الآخت رنده بالبصق على وجه الأخ معتز ، فليس لدينا إلا أن نقول للاخت الكريمة راند: هذا مرفوض فللخلاف حدود وأصول.....فلقد أفردنا بوستات لخلافنا هنا مع معتز ولكن لغة التهديد لا مكان لها فى أى حوار...
ولكنى حقيقة لا أرى أن تمروا بعبارة كهذا زعمت الأخت رنده بأنها تلقتها فى رسالة تلفونبة مرور الكرام:
Quote: الاخ عايزك تبري بقسمك يا بت امنة
وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس
وصلك ولا لسة ؟.. |
يا أخوانى الكرام ...هذة العبارات لا مكان لها فى أى خلافات ...
هذة العبارات تدل على تدنى لا مثيل له فى أى خطاب وكان يمكن أن تتشعب لتشمل أسرتين كريميتين لاخ وأخت مفترض أن نبر علاقتهما بقول الحقيقة وإن كانت قاسية على إحداهما....
إنه من غير المقبول أن نرى بركان فجور فى الخصومة ونختار أن نقف فى الجانبين...
إن أفضل مكان لنا فى إنفلات كهذا : أن نقف فى وسط المختصمين ونسعى لتفريق العداوة المفرطة....
مع الأخاء
|
Post: #46
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-06-2011, 01:02 PM
Parent: #44
Quote: إنه من غير المقبول أن نرى بركان فجور فى الخصومة ونختار أن نقف فى الجانبين...
إن أفضل مكان لنا فى إنفلات كهذا : أن نقف فى وسط المختصمين ونسعى لتفريق العداوة المفرطة....
مع الأخاء |
اخي اسامة خلف الله سلام
لم اقف متفرجا والا لقرأت البوست واغلقته ,
ولكن نقول كلمة الحق بين الاخوات والاخوان ونتمني فمهما والقصد الاصلاح لاغير ..
وانت خليك معانا هنا حتي نصل لما يرضي رندا ..
|
Post: #49
Title: Re: Black Nims او بالعربي معتز القريش !!!!!!!!
Author: الفاتح خليل الفكي
Date: 06-06-2011, 02:00 PM
Parent: #46
يا جماعة الغلط غلط لو حصل هنا او في اي مكان
ومن قال هذه الالفاظ يعتبر انسان مريض
وبرضو نكرر ما في حاجة اسمها اعتذار
كامل التضامن مع الاخت رندا
أبو كريم
|
Post: #51
Title: Re: Black Nims او بالعربي معتز القريش !!!!!!!!
Author: خالد عبد الله محمود
Date: 06-06-2011, 02:20 PM
Parent: #46
شيخ العوض
سلامات و لعلك طيب
هل كان موقفك في إدانة سيف مساعد في موضوع الماسنجر المسئ للأخت ميادة كمال هو نفس موقفك مع موضوع رندا حاتم ؟؟ لماذا أدنت سيف مساعد و لماذا لم تنصح ميادة كمال بالبحث عن أجاويد و حل الموضوع كتامي ؟؟
يا رجل واحد أتهم واحدة في أخلاقها و في شرفها و تنصحها تحل الموضوع ودي ؟؟ بالله عليك هل ترضاها لواحدة من أهل بيتك ؟
|
Post: #128
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-08-2011, 11:55 AM
Parent: #51
حباب اخي خالد عبدالله
Quote:
شيخ العوض
سلامات و لعلك طيب
هل كان موقفك في إدانة سيف مساعد في موضوع الماسنجر المسئ للأخت ميادة كمال هو نفس موقفك مع موضوع رندا حاتم ؟؟ لماذا أدنت سيف مساعد و لماذا لم تنصح ميادة كمال بالبحث عن أجاويد و حل الموضوع كتامي ؟؟
يا رجل واحد أتهم واحدة في أخلاقها و في شرفها و تنصحها تحل الموضوع ودي ؟؟ بالله عليك هل ترضاها لواحدة من أهل بيتك ؟ |
مع علمك لا اتذكر ماذا كتبت في ذلك البوست ولكني هنا وهناك ادين الفعل
ولا احتاج اتذكيري بموقفي لاني اكتب بما يمليه علي ضميري وليس ما يحدده فقط الموقف او الشخص ,, ويمكنك ان تراجع البوست الذي ذكرت وستجد العوض هو العوض اينما كان ,,
|
Post: #48
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-06-2011, 01:35 PM
Parent: #44
| Quote: أولا : إذا حصل أن وعدت الآخ راند بالبصق على وجه الأخ معتز ، فليس لدينا إلا أن نقول للاخت الكريمة راند: هذا مرفوض فللخلاف حدود وأصول.....فلقد أفردنا بوستات لخلافنا هنا مع معتز ولكن لغة التهديد لا مكان لها فى أى حوار... |
الاخ اسامه ..
سلام ...
انا لا انكر اني دخلت في نقاش مع معتز بخصوص موضوع الاخت صفية ... وتحديدا لما فتح بوست او اتداخل في بوست وقال تاني بدل نقول "احي يا عوضيه" نقول "احي يا صفية" جملتو كانت مستفزة جدا جدا .. ورغم انو في كتير جدا من منسوبي النظام انكروا الجريمة الا انهم لم يتجاوزوا حدود النفي ومحاولة اثبات العكس ولم يحاولوا الاستخفاف بمشاعر انسانه مجروحة بالصورة الفجه والمبتذلة العملها معتز .. وساعتها انا قلتا اني ندمانه على معرفتي بيهو وعلى اي لحظة اتعاملتا فيها معاهو واني لو لاقيتو ح "اتف ليهو في وشو" لا انكر ما قلت ولا ابرئ نفسي من الوقوع في الخطأ .. ولكني ما زلت اصر على ندمي الشديد لمعرفتي بمعتزالقريش ...
هذا توضيح لزم ذكره لمنشأ الخلاف واسبابه ...
مطلوب من الاخ معتز يجي يوضح تهديدو دا معناهو شنو ...
ويذكر ما يعرفه عن "بت آمنه"!!!!
تحياتي وتقديري للجميع ...
|
Post: #50
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-06-2011, 02:20 PM
Parent: #48
hgHu.hx :
..
عذراً أنا لم أجنح إلى تبسيط قضية الأخت / رندا
فهي صاحبة حق ويجب عليها ملاحقة معتز حتى تأخذ حقها ..
ويجب علينا مساندتها ..
ما رميت إليه أن تكون المساندة موضوعية دون أن يتطور الأمر إلى
أن يحمل كل صاحب غبينة عصاه ويهوي بها ويخطأ بحق معتز ويوجه إليه إساءة
قد تجعل ممارسته وما أقترفه معتز من جرم بحق رندا سيان ..
أردت أن يعلم الجميع ماكان بينهما من صداقة وزمالة قد تجعل الاعتذار ولملمة الأمر يسيراً
بحكم المعرفة الوثيقة وحتى إن لم تقبل رندا اعتذار معتز ولها الحق لا يجب أن
ينزلق الناس إلى الإساءة .. هذا ما أردته فقط وتحديداً ..
وما جعلني أتداخل هو رد رندا على ملاسي الذي فهم منه الجميع أن علاقتهم إسفيرية فقط
ومعرفة بورد ذي معرفتي بي بملاسي مثلاً , فلم أتشرف بلقائه أو صداقته أو زمالته ولم
تجمعنا مدينة واحد كالدوحة ..
رغم أن الصداقة والزمالة بينهما كانت أدعى لجعل معتز يحفظ لرندا حقوق الصداقة والزمالة
ولا يتعدى عليها كما فعل ..
وأهو رندا جات صححت المعلومة في مداخلاتا الفوق ووضحت حجم المعرفة بشكل حقيقي ....
ويا أبا ساندرا :
حتى مشاكلك كلها الأشرت ليها لي دي كانت شبيهة بمشكلة رندا ومعتز دي
يعني مامشكلة بورداب مابتعارفوا ..
مشاكل بين أصدقاء إنقلبوا فجأة أعداء وإتشاتموا , عشان كده أنا مصر على إنو
مافي زول يشيل وش القباحة والناس تكون موضوعية في الإدانة والمطالبة بالإعتذار
وإحقاق الحق .
وأسي تاني بدين أي كلمة مافي محلها إتقالت في حق رندا من معتز
وفي حقك إنتا زاتك من أي واحد من أصدقاءك السابقين ..
ما أظن كلامي ده فيهو أي مطايبات بقدر مافيهو توضيح لمسألة أن الصداقة ممكن تعود
والناس البجوا يردموا ساكت ديل بخشوا في حتة ضيقة لتجاوزهم الإدانة المعقولة
والمطالبة بالإتذار إلى الشتيمة والإساءة وبعد عودة الصفاء بين الأصدقاء
بلقوا نفسهم مشيلهنم القفة ساي ..
|
Post: #52
Title: Re: Black Nims او بالعربي معتز القريش !!!!!!!!
Author: عصام دهب
Date: 06-06-2011, 02:24 PM
Parent: #48
تحياتي للجميع ..
و مهما كان المبرر أخي معتز فإن ما صدر منك تجاه زميلة العمل السابقة و زميلة المنبر فهو أمر لا يمكن أن أرضاه لأختي أو لزوجتي أو لإبنتي و بالتالي لا يمكن أن ارضاه لغيرهم ، أقول ذلك مع تفهمي لما دفعك لهذا التصرف لكني أرى أنك أخطأت خطا كبيراً و عليك الإعتذار لأنك أضعت حقك بمثل هكذا تهديد و إشارات مبطنة ..
و النصيحة يا رندا حينما تتوعد إمرأة رجلاً أمام عامة الناس ـ ناهيك أمام جمع كبير من خصومه ـ بالبصق على وجهه إن رأته فهي تكون قد مست كرامته و أساءت إليه حتى و إن لم تفعل ما توعدت به فلا شيئ يعطيك مهما بلغت حدة الخلاف الحق في أن تتوعديه بالبصق على وجهه .. و ما صدر منك أيضاً يستوجب الإعتذار ..
المحصلة إن كليكما مخطئ في حق الآخر و يلزمه الإعتذار ، و أن تفاوتت نسبة الخطأ لكنه في الآخر خطا ..
|
Post: #53
Title: Re: Black Nims او بالعربي معتز القريش !!!!!!!!
Author: saif massad ali
Date: 06-06-2011, 02:30 PM
Parent: #52
ماذا يريد كمال الزين بهذه المداخلات؟
|
Post: #58
Title: Re: Black Nims او بالعربي معتز القريش !!!!!!!!
Author: AMNA MUKHTAR
Date: 06-06-2011, 03:16 PM
Parent: #53
Quote: لو كل الناس هنا حرصت على الإدلاء بشهادتها وأحقت الحق
وزجرت المعتدي والمطفف والوالغ والمتحرش والمسيء
لما تجرأ أي من ذوي الصفات أو الإعاقات أعلاه على ارتكاب اوزارهم
|
|
Post: #59
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-06-2011, 03:40 PM
Parent: #53
| Quote: ماذا يريد كمال الزين بهذه المداخلات؟ |
لو ده سؤال أجاوبك ..
أريد بها أن أي صديقين إختلفوا ما ينقلوا صراعهم البورد
لأنو هنا في ناس طيبين بتحنفشوا ساكت ويجوا يشتموا
وفي ناس بكون عندهم بقجة غباين بجوا شايلنها ويردموا بيها واحد
من الصديقين السابقين ويصفوا حسابهم من خلال شكلة الأصحاب دي ..
يعني أنتا مثلاً زعلان من معتز شكلك , والبوست ده وقع ليك في جرح
مع إنو نفس الكلام ده لو صدر من واحد /ة من أصدقائك أو حلفائك الإسفيرين
حا تلبد أو تجي تدافع عنو أو تقول : ياجماعة باركوها ..
أنا عندي مع معتز ده مشاكل في البورد بالكيلو , لكن لو عاوزا ما بضاري
ورا مشكلتو مع رندا عشان أجي أنال منو , ببساطة لأنو أسي غلطان ومورط
و واقع وخصمك لو وقع ما من الشرف ولا من الرجولة إنك تضربوا ..
خليهو يقيف على حيلو وتعال واجهو ..
_______________________________________________
أضرب ليك مثل :
أنا كان عندي مشكلة مع الأخ / ضحية المعاك أسي في ألمانيتك ده
وكنتا بواجهو عديل في مشكلتي دي بره البورد وجواه ..
فجأة حصلت ليهو مشكلة مع واحد وبقى واقع ومورط ومفتوح ليهو بوست
لو دخلتو كنت إتشفيت وكنت أخدت حقي تالت ومتلت , يعني بمعياركم ده
كان مفروض أتبنى البوست الإتفتح لي ضحية ضحية وأتعهدو وأحتلاهو وأستغلو
في القضاء على الخصم المرمي في الأرض ده ..
لكن ما دخلتا كتبتا كلمة ولا عملتا كده , عشان ده جبن وعدم رجولة وإنعدام نخوة
أسي معتز ده العندو معاهو مشكلة إنتظر محفل تاني ويخليهو يقوم من ضربة رندا دي
ويجي يواجهو , وده ما بمنع الناس من إدانتو في حدود البينو وبينو رندا من خلاف
وبعدين يا ود عوج الدرب أنا بعرف ناس الدوحة ديل أكتر منكم كلكم
لو أعتمدوا على خلافاتهم ووقفت مع طرف دون الآخر بعيداً عن وقفة الحق بتاعة الله والرسول دي
بكرة بتلقى نفسك لو شتمتا وإتجاوزت حدود إدانة السلوك , بتلقى نفسك صغيروني
لأنو ناس الدوحة ماعندهم أصلاً خلافات مبدئية بكرة برجعوا يضحكوا ويقرقروا مع بعض
وإنتا بتطلع شيال قفة ونافخ كير ساكت ..
المواقف السياسية مابتفرق ناس الدوحة ..
المواقف الأخلاقية ما بتفرق ناس الدوحة ..
ناس الدوحة ديل غير ..
يعني رندا ومعتز وبدرالين وأبوساندرا وهجو الأقرع ديل شوال ويكة ما يلايق إختلافتهم
الممكن تكون مبدئية ومبنية على الموقف السياسي مثلاً , لكن بتلقى معتز وأبوساندرا
أصحاب ورندا ومعتز أصحاب وبدرالين ومعتز أقرب إتنين لي بعض وبدرالدين وهجو أصحاب
وهكذا ..
وتجي البورد ممكن يتشاكلوا ليكم هنا لما تصدقوا وتجوا تناصروا ده وتخسروا ده وتشتموا ده
وتلقاهم هنا على أرض الواقع بعد كمين شهر سمن على عسل , ولا عزاء لمن وقف موقفاً
على أساس أخلاقي ولا سياسي ولا غيرو ..
ناس الدوحة ديل الزول عندهم مهما كان مابطلعوهو كعب إلا يهبشهم هم شخصياً ..
يعني معتز ده أسي بكون أحسن زول في نظر بدرالدين مثلاً ومابفرط فيهو لو شتم الدنيا كلها
ولو عمل السبعين وذمتهم طالما ما هبشوا وهبش ناس تانين ببقى زول كويس في نظروا
لكن أول ما يهبشوا هو شخصياً , تعال شوف البوستات والإكتشافات الجديدة ,
حا يكتشف فجأة إنو زول كعب ويبدأ يجيش الناس لضربوا ..
(الناس الذكرتهم ديل على سبيل المثال وليس التحديد عشان مايجوا يقبقوني)
الخلاصة :
معتز غلطان لكن ما أول مرة يغلط ولا حا تكون آخر مرة
والغلط ده بصدر من ناس تانين برضو غير معتز ممكن يكونوا حلفائك وأصدقائك
المطلوب :
الإدانة ماتكون مربوطة ببعدك أو قربك من المخطئ
وكمان عدم إستغلال سقوط الخصم على الأرض لكيل الضربات
وكمان الأهم إنو الأصدقاء زي ما نحنا ماطرف في صداقتهم مانكون طرف في خلافاتهم
وما ينقلوها لينا هنا للإنتقام من بعض ..
عشان ما يكون شعار البورد :
إحذر عدوك مرة وأحذر صديقك ألف مرة
فقد ينقلب الصديق يكون أعلم بالمضرة
فبالله يا ودعوج الدرب لو عندك مشكلة مع معتز أجلها لإشعار آخر وأكتفي بإدانة
كلماتو غير المحترمة في حق الأخت رندا وفلسع وأجل معركتك حتى ينهض معتز ..
وقع ليك ..؟
|
Post: #54
Title: Re: Black Nims او بالعربي معتز القريش !!!!!!!!
Author: عصام دهب
Date: 06-06-2011, 02:33 PM
Parent: #52
هذه هي مداخلتي السابقة ..
و مهما كان المبرر أخي معتز فإن ما صدر منك تجاه زميلة العمل السابقة و زميلة المنبر فهو أمر لا يمكن أن أرضاه لأختي أو لزوجتي أو لإبنتي و بالتالي لا يمكن أن ارضاه لغيرهم ، أقول ذلك مع تفهمي لما دفعك لهذا التصرف لكني أرى أنك أخطأت خطا كبيراً و عليك الإعتذار لأنك أضعت حقك بمثل هكذا تهديد و إشارات مبطنة ..
و النصيحة يا رندا حينما تتوعد إمرأة رجلاً أمام عامة الناس ـ ناهيك أمام جمع كبير من خصومه ـ بالبصق على وجهه إن رأته فهي تكون قد مست كرامته و أساءت إليه حتى و إن لم تفعل ما توعدت به فلا شيئ يعطيك مهما بلغت حدة الخلاف الحق في أن تتوعديه بالبصق على وجهه .. و ما صدر منك أيضاً يستوجب الإعتذار ..
المحصلة إن كليكما مخطئ في حق الآخر و يلزمه الإعتذار ، و أن تفاوتت نسبة الخطأ لكنه في الآخر خطا ..
ـ
و آمل أن لا يستغل هواة الاصطياد في المياه العكرة هذا البوست لتصفية خلافات شخصية ..
|
Post: #55
Title: Re: Black Nims او بالعربي معتز القريش !!!!!!!!
Author: Kostawi
Date: 06-06-2011, 02:56 PM
Parent: #54
الظلامي ود القريش في إنتظار كبير المحامين المتعاطفين معه, ليدلي بمرافعته
و حينها سوف يظهر ببدلته الرمادية المزينة بختم وزارة الثقافة البشيرية.
|
Post: #56
Title: Re: Black Nims او بالعربي معتز القريش !!!!!!!!
Author: محمد إبراهيم علي
Date: 06-06-2011, 02:59 PM
Parent: #54
حقيقة العوض وحسين وملاسي معيارهم في البوست ده مختل
شكرا يا خالد على المقارنة الموضوعية
معتز القريش مطلوب حضورك هنا فورا وبطل الزوغان
واوعى ترسل لي زول تقول ليهو انا كنت مهكر زي المرة الفاتت
|
Post: #129
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-08-2011, 12:01 PM
Parent: #56
Quote: حقيقة العوض وحسين وملاسي معيارهم في البوست ده مختل
شكرا يا خالد على المقارنة الموضوعية
|
مختل كيف يا اخونا محمد ؟؟
وياتو معيار الحكمت علينا بيهو ده ؟
رجاء الافادة ..
|
Post: #57
Title: Re: Black Nims او بالعربي معتز القريش !!!!!!!!
Author: على محمد على بشير
Date: 06-06-2011, 03:00 PM
Parent: #54
| Quote: يا رجل واحد أتهم واحدة في أخلاقها و في شرفها |
لا حولاااااااااااا
الكلام دا ورد وين يا خالد ؟
|
Post: #60
Title: Re: Black Nims او بالعربي معتز القريش !!!!!!!!
Author: الرفاعي عبدالعاطي حجر
Date: 06-06-2011, 03:41 PM
Parent: #57
رندا حاتم .... يكفينا هنا شجاعتك وثقتك في نفسك
ذلك ما لا يتوفر لمعتز القريش واندهش ان كيف ووقف
هذا الرجل ليعزف خلف الخلوق مصطفى سيد احمد ... لكن
التاريخ لا يرحم فمعتز هو معتز ؟؟؟؟؟ !!!!
.................................................حجر.
|
Post: #61
Title: Re: Black Nims او بالعربي معتز القريش !!!!!!!!
Author: على محمد على بشير
Date: 06-06-2011, 03:52 PM
Parent: #60
| Quote: ماذا يريد كمال الزين بهذه المداخلات؟ |
يريد ان يفضح كل قليلين الادب البيقلوا ادبهم على البنات فى الماسنجر
يا سيف مساعد
انتا رايك فى الموضوع دا شنو ؟
شايفك ما ادنت وجايى تتضارى بى قفا الحيطه زى العامل ليك عمله
|
Post: #62
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-06-2011, 04:07 PM
Parent: #61
Quote: يريد ان يفضح كل قليلين الادب البيقلوا ادبهم على البنات فى الماسنجريا سيف مساعد
انتا رايك فى الموضوع دا شنو ؟
شايفك ما ادنت وجايى تتضارى بى قفا الحيطه زى العامل ليك عمله |
أها شفتا يا ودعوج الدرب محمد أداك مثال حي
وإستغلا دخلتك دي عشان يديك هوك جنباوي ..
):
|
Post: #63
Title: Re: Black Nims او بالعربي معتز القريش !!!!!!!!
Author: Elawad
Date: 06-06-2011, 04:24 PM
Parent: #62
أتفق مع الأخ عصام دهب:
Quote: و مهما كان المبرر أخي معتز فإن ما صدر منك تجاه زميلة العمل السابقة و زميلة المنبر فهو أمر لا يمكن أن أرضاه لأختي أو لزوجتي أو لإبنتي و بالتالي لا يمكن أن ارضاه لغيرهم ، أقول ذلك مع تفهمي لما دفعك لهذا التصرف لكني أرى أنك أخطأت خطا كبيراً و عليك الإعتذار لأنك أضعت حقك بمثل هكذا تهديد و إشارات مبطنة ..
و النصيحة يا رندا حينما تتوعد إمرأة رجلاً أمام عامة الناس ـ ناهيك أمام جمع كبير من خصومه ـ بالبصق على وجهه إن رأته فهي تكون قد مست كرامته و أساءت إليه حتى و إن لم تفعل ما توعدت به فلا شيئ يعطيك مهما بلغت حدة الخلاف الحق في أن تتوعديه بالبصق على وجهه .. و ما صدر منك أيضاً يستوجب الإعتذار ..
المحصلة إن كليكما مخطئ في حق الآخر و يلزمه الإعتذار ، و أن تفاوتت نسبة الخطأ لكنه في الآخر خطا ..
ـ
و آمل أن لا يستغل هواة الاصطياد في المياه العكرة هذا البوست لتصفية خلافات شخصية .. |
و تحية خاصة للأخ كمال على الكلام المتوازن. و استغراب شديد من وجود سيف مساعد في بوست لمناصرة أخت ضد التعدي عليها.
|
Post: #64
Title: Re: Black Nims او بالعربي معتز القريش !!!!!!!!
Author: Kostawi
Date: 06-06-2011, 04:27 PM
Parent: #63
في إنتظار محامي الدفاع الذي يتعاطف مع الظلامي المدعو ود القريش,
قاتلا أو مقتولا
|
Post: #66
Title: Re: Black Nims او بالعربي معتز القريش !!!!!!!!
Author: Bashasha
Date: 06-06-2011, 04:50 PM
Parent: #62
كمال الزين سلام،
كلامك ده يعبر عن طريقة تفكيرك، او كيف انتا بتحسبا في المواقف الزي دي او ده غلط.
شخصيا لما اتخذ موقف بكون جاهز لي تمنو ايا كان، والا زي غيري كان بعدت من الشر او غنيت ليهو.
كونو الاخت رندا ترجع يوم او تتصافي مع القريش، مالو؟
كيف حيتصالحو يوم انتا بتقول للناس ما يشيلو وش القباحة؟
واضح انك بتحسبا كده، ولهذا ركبتا السرجين!
من جهة تدين في معتز شغل رياء او تمشية حال، ومن الاخري بتحاول تحميهو بارهاب الاخرين!
رندا تحياتي،
واضح انك زولة واعية شديد بي اساليب البلجأو لي سلاح الشرف لارهاب الخضوم او بالذات النساء في مجتمع ذكوري محتقر لنوع النساء.
انجع وسيلة لمواجهة اسلوب امثال هؤلاء، هو منازلتم او علنا!
ماعندك فكرة الاسلوب ده بجهجه ارهابيي الشرف كيف من الذكور!
احييك بشدة، واحي شجاعتك.
كده النوع ده حيعمل الف حساب، او بي كده تكوني نجدتي اخريات من براثن هذه الاحابيل ال########ة بحق!
او بالذات العاملين فيها ظل الله في الارض!
هم دايما الاحط واردأ اخلاقا، لانهم عبدة نصوص!
|
Post: #78
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-07-2011, 00:03 AM
Parent: #66
Quote: كمال الزين سلام،
كلامك ده يعبر عن طريقة تفكيرك، او كيف انتا بتحسبا في المواقف الزي دي او ده غلط.
|
سلام يابشاشا
أنا طريقة تفكيري مافيها رماديات وفكرتي عن الخلاف الحاصل بين رندا ده مابتجاوز فيها
الحتة بتاعة الخلاف بينهم , يعني أنا أدين معتز لكن مابستغل الفرصة دي وأجي أردمو وأشتمو
لأننا مختلفين لينا سنين ..
Quote: شخصيا لما اتخذ موقف بكون جاهز لي تمنو ايا كان، والا زي غيري كان بعدت من الشر او غنيت ليهو.
كونو الاخت رندا ترجع يوم او تتصافي مع القريش، مالو؟
|
ترجع ويتصافوا دي بره البورد حا تحصل لكن شكلتهم بتحصل هنا , شفتا كيف؟
وأنا تاني بدين معتز وبكالبوا بإعتذار لرندا بس يكون الأمر الواضح للناس
إنو العلاقة البينهم مازي ماهي ذكرت (معرفة بورد) ياخي ده كلام , لو قالت لي أنا
القدامك ده ياكمال نحنا معرفة بورد بمشيها ليها لأنها لا زاملتني لا كنا أصدقاء بالقر الكانوا فيهو ..
Quote: كيف حيتصالحو يوم انتا بتقول للناس ما يشيلو وش القباحة؟
واضح انك بتحسبا كده، ولهذا ركبتا السرجين!
|
أنا يابشاشا لو بركب سرجين كان جيت إستغليت ليك الهوجة دي
وردمتي ليك معتز ده خلصتا منو القديم والجديد وفلسعت سعيداً منتصراً ..
Quote: من جهة تدين في معتز شغل رياء او تمشية حال، ومن الاخري بتحاول تحميهو بارهاب الاخرين!
|
أنا بدينو بدون ما أشتم عشان خاطر زول
وبدينو بدون أمارس نفس أسلوبو يعني هو شتم رندا
وأنا جيت شتمتو ..
الفرق شنو؟
الرياء ده لو بعرفو كان وقفتا مع رندا الأقرب لي من معتز الأصلاً ما مكن يوم
يجمعني بيهو الجمعني مع رندا أو الجمع رندا معاهو ..
Quote: رندا تحياتي،
واضح انك زولة واعية شديد بي اساليب البلجأو لي سلاح الشرف لارهاب الخضوم او بالذات النساء في مجتمع ذكوري محتقر لنوع النساء.
انجع وسيلة لمواجهة اسلوب امثال هؤلاء، هو منازلتم او علنا!
ماعندك فكرة الاسلوب ده بجهجه ارهابيي الشرف كيف من الذكور!
احييك بشدة، واحي شجاعتك.
كده النوع ده حيعمل الف حساب، او بي كده تكوني نجدتي اخريات من براثن هذه الاحابيل ال########ة بحق!
او بالذات العاملين فيها ظل الله في الارض!
هم دايما الاحط واردأ اخلاقا، لانهم عبدة نصوص! |
يعني أسي بتعتقد إنو رندا تستغل كل سلاح ممكن حتى اللبس الحصل بوصفها لي علاقتا بي معتز بأنها (معرفة بورد)ولا كيف ؟
رندا عندها حق ومعتز غلطان وغلاط ولازم تلاحقو حتى يرعوي ..
لكن كمان لما تعطي الناس معلومة غلط أنا عندي بتكون إستخدمت سلاح ماكريم ..
وأنا م إتهمتها بالكذب بل إتهمتها بالكتابة في لحظة غضب مما جعلها تنكر أهم
عناصر الموضوع وهي إنو دي شكلة أصحاب ..ودي الفرق الكبير ..
لأنو موضوع العلاقة الشخصية هو بوزن كل حاجة في البورد ده ..
يعني معتز لو شتم ميادة كمال كان ودعوج الدرب ده جا متحنفش كده ؟
ولا الزول الشتم رندا ده كان زول من جماعة العدل والمساواة أو اصحابو كان جا قال ليهو
: عيب ؟
أهو الزول الإنتا بتوصفوا فوق بالأوصاف دي كلها , كان صديق وزميل وبينهم عيش وملح
وياما هبش ناس كتار هنا .. لكن برضو كان بيعامل معاملة الصديق والزميل وغلطو بيتحسب
على الأساس ده ..
بعدين معتز ده مابتورط في الدفاع عنو لأنو غلطان وأساء ليها إساءة بالغة ما بتتبلع
إختلافي كان ولا يزال في من هو معتز بالنسبة لي رندا ..
التوصيف بتاع عرفة بورد ده إستفزاني جداً ..
لأنو ماحقيقي بتاتاً وحا يضلل ناس كتار حا يجي يلبعوا ساي
أديهم الحقيقة وخليهم يقرروا على ضوءها ده كتير ولا صعب ؟
|
Post: #68
Title: Re: Black Nims او بالعربي معتز القريش !!!!!!!!
Author: Kostawi
Date: 06-06-2011, 05:25 PM
Parent: #62
ود القريش و محاميه يدرسان الموقف ويبحتان في إرشيف البورد عساهما أن يجدا مواد للحبكة.
بالمناسبة محامي الدفاع المتعاطف يتواجد بكثرة الآن و يتداخل في بوستات أقل أهمية من هذا البوست.
|
Post: #65
Title: Re: Black Nims او بالعربي معتز القريش !!!!!!!!
Author: خالد عبد الله محمود
Date: 06-06-2011, 04:42 PM
Parent: #57
Quote: لا حولاااااااااااا
الكلام دا ورد وين يا خالد ؟ |
المريخابي الزايغ
وينك يا زول ؟
كدي عليك الله فسر لينا الكلام ده و رينا لو بترضاهو لي زول من أهل بيتك ؟؟
Quote: وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس |
* بالله يا عمكـ ما تفجعنا فيك كما فجعنا في كمال على الزين . الأخوات في هذا البورد خط أحمر بغض النظر عن من يسمهن بسوء ...
|
Post: #67
Title: Re: Black Nims او بالعربي معتز القريش !!!!!!!!
Author: Afraa Sanad
Date: 06-06-2011, 05:09 PM
Parent: #65
رندا سلام وأنا معك أن أنجع طريقة لوقف محاولات الابتزاز هو كشفها لا محاولة تغطيتها مما يوحي للمبتز بالانتصار..
كمال الادانة هي إدانة الموقف و ليس الأشخاص .اذا رات رندا لاحقا أن تتصافى مع معتز فذلك لن يغير موقفي في مقاله و ما يحمل من عقلية تهديد للنساء في مجتمع مستعد أصلا لقبول أي إتهام لهن بانه حقيقة.
اسع معتز عرف أنها ما خايفة من تهديده.. لذا سيتوقف عن ابتزازه أو على الأقل سيفكر في خطط بديلة..
بالنسبة لي مقال معتز يتسق مع مواقفه من النساء و ما موضوع صفية ببعيد.. أما موقفك فهو محل استغرابي
|
Post: #69
Title: Re: Black Nims او بالعربي معتز القريش !!!!!!!!
Author: ابراهيم قناوي
Date: 06-06-2011, 08:43 PM
Parent: #67
تحياتي يا أخت رندا
والحق معك حتى النهاية حتىوان اخطاتي
في حق الأخ معتز القريش فهذا لا يعطيه الحق
في مثل هذا الحديث القبيح
طالبي بكامل حقوقك والجميع معك
والله مع المظلوم
................
الأخ كمال الزين ميزانك مظبوط مية المية
وشكراً لمولانا عصام دهب لتلخيص المشكلة
Quote: تحياتي للجميع ..
و مهما كان المبرر أخي معتز فإن ما صدر منك تجاه زميلة العمل السابقة و زميلة
المنبر فهو أمر لا يمكن أن أرضاه لأختي أو لزوجتي أو لإبنتي و بالتالي لا يمكن أن ارضاه لغيرهم ،
أقول ذلك مع تفهمي لما دفعك لهذا التصرف لكني أرى أنك أخطأت خطا كبيراً و عليك الإعتذار لأنك
أضعت حقك بمثل هكذا تهديد و إشارات مبطنة ..
و النصيحة يا رندا حينما تتوعد إمرأة رجلاً أمام عامة الناس ـ ناهيك أمام جمع كبير من خصومه ـ
بالبصق على وجهه إن رأته فهي تكون قد مست كرامته و أساءت إليه حتى و إن لم تفعل ما توعدت به
فلا شيئ يعطيك مهما بلغت حدة الخلاف الحق في أن تتوعديه بالبصق على وجهه .. و ما صدر منك أيضاً يستوجب الإعتذار ..
المحصلة إن كليكما مخطئ في حق الآخر و يلزمه الإعتذار ، و أن تفاوتت نسبة الخطأ لكنه في الآخر خطا ..
|
وسلامي للجميع
|
Post: #70
Title: Re: Black Nims او بالعربي معتز القريش !!!!!!!!
Author: أسامة خلف الله مصطفى
Date: 06-06-2011, 09:06 PM
Parent: #69
أخى الفاضل المسلمى
سلامى
| Quote: ولكن نقول كلمة الحق بين الاخوات والاخوان ونتمني فمهما والقصد الاصلاح لاغير .. |
أتمنى أن تتوفق ونتوفق فى غرضك النبيل....
وفى إطار سعيك الكريم ، أوقفتنى عباراتك هذة :
| Quote: وود القريش انا برضو عرفته زيك من خلال المنبر عشان كدة بقول ليك هو اخ كريم ويحترم النساء جدا جدا |
ولكن أن سعيك الحميد بتطلب الوضوح والصراحة....
الأخ معتز فى كتاباته الأخير أظهر أنه يستلذ ويستفز خصومه بإستخدام عبارات تطلقها النساء وهم فى قمة الألم....
كعبارة " أحيييى با عوضية"....
ووصل به الحد الى التلذذ وإستفزاز خصومه بمعاناة ضحية جريمة الإغتصاب الأخت صفية...
لا أدرى متى يتوقف هذا الإنحدار ؟؟
ولعل هذا الإنحدار أكثر وضوحا فى رسالته الثانية للاخت الكريمة رنده...
كل أخائى
|
Post: #71
Title: Re: Black Nims او بالعربي معتز القريش !!!!!!!!
Author: أسامة خلف الله مصطفى
Date: 06-06-2011, 09:26 PM
Parent: #70
أختى الفاضلة رنده
كل التحايا
| Quote: واني لو لاقيتو ح "اتف ليهو في وشو" لا انكر ما قلت ولا ابرئ نفسي من الوقوع في الخطأ |
أحييى فيك إنسانيتك التى تبيح الخطأ والرجوع عنه وتجعلنا نُكبر فيك هذة الخصلة الحميدة...
| Quote: ويذكر ما يعرفه عن "بت آمنه"!!!! |
وهنا مكمن الألم والفجور فى الخصومة ـ فوالدتك الكريمة وأهل بيتك الكرام محرم على أى إنسان أن يمسهم بلغو الحديث أو إيحاءت الإسأة....
وما زال أملنا وعشمنا أن يعود الأخ معتز لصوابه......
|
Post: #72
Title: Re: Black Nims او بالعربي معتز القريش !!!!!!!!
Author: عبدالمجيد الكونت
Date: 06-06-2011, 09:37 PM
Parent: #71
Quote: يا جماعة الغلط غلط لو حصل هنا او في اي مكان
ومن قال هذه الالفاظ يعتبر انسان مريض
وبرضو نكرر ما في حاجة اسمها اعتذار
كامل التضامن مع الاخت رندا |
كامل تضامني معك اخت رندا وان كنت ارى ان مثل هذا الشخص لا يستحق سوى كلك واحد من كيبوردك تمسحي به رسالته الجبـانـة
|
Post: #73
Title: Re: Black Nims او بالعربي معتز القريش !!!!!!!!
Author: حمد فتح الرحمن
Date: 06-06-2011, 11:07 PM
Parent: #72
وديني يا معتز لو ما اخوك وزير ما كتا هددتا بي كلام زي دا
لا راجل و الله
اخدتا حقك تمام و اثبتا رجولتك تب
|
Post: #75
Title: Re: Black Nims او بالعربي معتز القريش !!!!!!!!
Author: عليش
Date: 06-06-2011, 11:34 PM
Parent: #73
الاخ اسامه خلف الله..
الفت تحيه ليك..
| Quote: إذا حصل أن وعدت الآخت رنده بالبصق على وجه الأخ معتز |
يبدو فيا يبدو ان هنالك دافع كبير جعل الاخت رنده تتوعد بالبصق اذا مارات معتز القريش...
وليس بالضروره ان نعرف ماهو السبب..ولكن مايحيرني هو موقف الاخ حسين ملاسي بالدفاع عن معتز القريش...
(انشاء الله يدوك وزاره ياحسين ملاسي).
بعدين نحن طيله فترتنا في المنبر العام ده ياما ناس فتحوا مواضيع شخصيه وجابو رسايل من الايملات ماقلنا عيب ولا قلنا ده موضوع شخصي...
المنبر ده حر..
وحر خااالص...
الغنمايتو ولدت الليله بجيب لينا خبر ولادتها علي الهواء مباشره...
والناس تقرأ فقط..
الماعيز يقرأ المواضيع ؟؟ عليه بالصمت او البحث عن مايناسب تفكيره...
الحالات الزي حاله الاخت رنده ده مفروض الناس تقيف عليه...عشان مايتكرر لاي اخت تانيه.
وشكرا
|
Post: #74
Title: Re: Black Nims او بالعربي معتز القريش !!!!!!!!
Author: عبد القادر محمد
Date: 06-06-2011, 11:11 PM
Parent: #72
أولاً : أرفض مثل هذا الأسلوب المبطن بالتهديد والايحاءات الذي مورس ضد الزميلة رندا ،،،،
وثانياً : أرفض مثل هذا الحديث :
| Quote: و النصيحة يا رندا حينما تتوعد إمرأة رجلاً أمام عامة الناس ـ ناهيك أمام جمع كبير من خصومه ـ بالبصق على وجهه إن رأته فهي تكون قد مست كرامته و أساءت إليه حتى |
الذي ورد في هذه المداخلة :
Quote: تحياتي للجميع ..
و مهما كان المبرر أخي معتز فإن ما صدر منك تجاه زميلة العمل السابقة و زميلة المنبر فهو أمر لا يمكن أن أرضاه لأختي أو لزوجتي أو لإبنتي و بالتالي لا يمكن أن ارضاه لغيرهم ، أقول ذلك مع تفهمي لما دفعك لهذا التصرف لكني أرى أنك أخطأت خطا كبيراً و عليك الإعتذار لأنك أضعت حقك بمثل هكذا تهديد و إشارات مبطنة ..
و النصيحة يا رندا حينما تتوعد إمرأة رجلاً أمام عامة الناس ـ ناهيك أمام جمع كبير من خصومه ـ بالبصق على وجهه إن رأته فهي تكون قد مست كرامته و أساءت إليه حتى و إن لم تفعل ما توعدت به فلا شيئ يعطيك مهما بلغت حدة الخلاف الحق في أن تتوعديه بالبصق على وجهه .. و ما صدر منك أيضاً يستوجب الإعتذار ..
المحصلة إن كليكما مخطئ في حق الآخر و يلزمه الإعتذار ، و أن تفاوتت نسبة الخطأ لكنه في الآخر خطا .. |
* المعايير الذكورية في إبداء النصح
|
Post: #76
Title: Re: Black Nims او بالعربي معتز القريش !!!!!!!!
Author: عصام دهب
Date: 06-06-2011, 11:40 PM
Parent: #74
الأخ / عبد القادر محمد ..
السلام عليكم و رحمة الله ..
مع إحترامي لوجهة نظرك في مداخلتي إلا أنني أرى أنك أقتطعت جزء منها و أغفلت الأهم فقط لأن توصم ما أقتطعته بأنه معيار ذكوري في إبداء النصح ..
فيا أخي إن ما ورد في مداخلتي لا ينفصم عن واقع حال مجتمعنا الذي لديه أيضاً معايير و أعراف يتعين علينا مراعاتها حتى في خلافاتنا..
عموماً جاءت مداخلتي من باب ( أنصر أخاك ظالماً أو مظلوماً ) فأنا لم أبرر للأخ / معتز ما فعل بل أكدت رفضي له بوضوح و طالبته بالإعتذار عنه ..
و في ذات الوقت فإن ما أشرت إلى أنه خطأ من جانب الأخت / رندا ـ إمتلكت هي الشجاعة لتقول عنه أنه خطأ قبل أن أقول ذلك ـ أوضحت أنه يعتبر خطأ كبير في عرفنا السوداني الذي يأبى توعد المرأة للرجل قطعاً ناهيك أن يكون هذا التوعد بالبصق على وجهه كأقسى درجات الإذلال لرجل و نحن لن ننفصم عن واقعنا بأي حال .. هنا السودان يا مان ..
خلاصة الأمر كما قلت فإن رندا أخطأت و كان رد فعل معتز قاسياً جداً و متجاوزا لكل الخطوط الحمراء لذلك فقذ طالبته بالإعتذار قبل مطالبتي لرندا بذلك مع أنها من بدأ بالخطأ ..
|
Post: #77
Title: Re: Black Nims او بالعربي معتز القريش !!!!!!!!
Author: حبيب نورة
Date: 06-06-2011, 11:49 PM
Parent: #76
*
|
Post: #130
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-08-2011, 12:07 PM
Parent: #70
Quote: ولكن أن سعيك الحميد بتطلب الوضوح والصراحة....
الأخ معتز فى كتاباته الأخير أظهر أنه يستلذ ويستفز خصومه بإستخدام عبارات تطلقها النساء وهم فى قمة الألم....
كعبارة " أحيييى با عوضية"....
ووصل به الحد الى التلذذ وإستفزاز خصومه بمعاناة ضحية جريمة الإغتصاب الأخت صفية...
لا أدرى متى يتوقف هذا الإنحدار ؟؟
ولعل هذا الإنحدار أكثر وضوحا فى رسالته الثانية للاخت الكريمة رنده... |
ما اوردته عن معرفتي بالاخ معتز قصد به الاطار العام وليس الشخصي طبعا ,
ثاني شئ معتز لم يكن موفقا بل اخطأ في حق الاخت رندا فدي ما بختلفوا فيها اتنين ,,
يلا بعد ده نتمني من ناس المديدة حرقتني يبعدوا ولا شنو يا اخي اسامة ؟؟
تحياتي ..
|
Post: #79
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-07-2011, 00:21 AM
Parent: #67
Quote: كمال الادانة هي إدانة الموقف و ليس الأشخاص .اذا رات رندا لاحقا أن تتصافى مع معتز فذلك لن يغير موقفي في مقاله و ما يحمل من عقلية تهديد للنساء في مجتمع مستعد أصلا لقبول أي إتهام لهن بانه حقيقة.
اسع معتز عرف أنها ما خايفة من تهديده.. لذا سيتوقف عن ابتزازه أو على الأقل سيفكر في خطط بديلة..
|
سلام ياعفراء ..
طيب أنا معاك مية مية في كلامك ده وعين العقل ..
الإدانة موقف والموقف مدان , أنا لما أجي أقوليك في واحدة إسمها فلانة دي
عرفتها في البورد المهبب ده وعملت لي وفعلت لي ..
وأجي أدين وأشجب وأشتم كمان ..
بكرة أقول ليك لا والله فلانة دي زميلتي في الشغل وبينا صداقة وعيش ملح كمان ...
ببساطة حا تقولي ياخ ليه ماكلمتني وكنت حا تكتفي بإحقاق الحق وإدانة السلوك
وتعملي حسابك من الشتيمة وما حا تكوني ملكية أكتر من الملك ..
وحا تفكري ليه كمال ضللني وأختزل لي المعرفة في زمالة بورد وهي ما كده ؟
أنا حاولتا ألحق رندا لأني ماختيت إنها تعمدت إنكار معتز , بل ختيت إنها كتبت زعلانة
ونكرتو حطب في لحظة زعل ..
باقي الكلام متفقين عليه ..
| Quote: بالنسبة لي مقال معتز يتسق مع مواقفه من النساء و ما موضوع صفية ببعيد.. أما موقفك فهو محل استغرابي |
أوكي متفقين إنو ده معتز كده .. ومافي جديد , بس معتز الكدا ده رغم إنو ليهو تأريخ طويل
في إنتي عارفاه وكلنا عارفينو , كان صديق وزميل وبينهم عيش ملح ..
أسي بقى فجأة كعب ؟ ولا زميل ولا صديق ومعرفتو تكلوها في منبر بكري ده ؟
دي نقطتي الماعاوز رندا تقع فيها وشايفا غلطانة فيها وخلتني أنا أنزعج منها لأنو ما كانت محتاجة
لي كده , زولة صاحبة حق وشتموها وإبتزوها , هل إنكار المعرفة والصداقة ده حا يكبر جريمتو ولا حايصغرا ؟
غلطتو في حق رندا , لو كانت زوجتو زي ما قال أخونا فوق ما بتشفع ليهو ..
فإنكار حقيقة ممكن تدخل الناس في لبس لزومو شنو؟
أنا شخصياً شفتها ساعة غضب وما توقعتا أصلاً إنها تعمدت تضلل الناس
لأنو قضيتا ما محتاجة أصلاً تلجأ لسلاح زي ده وحاولت بكرر حاولت أنبها عشان ماحقها يضيع
وسط الشتيمة والصراخ وشيل الأعمي للمشلول عشان يجي يضربوا الزول الإعتدى على مجرد زميلة بورد
مابعرفا ..
وده رأي بوضوح ومعتز ماعندي فيهو صالح ولا صاحبي ولا بينا ما يخليني أنافقو ولا أداهنو
وبينا من الخلاف ماصنع الحداد وما بنتهي خلافنا طالما في كيزان وفي إنقاذ وفي شتيمة
لصفية ولا رندا ولا غيرهم ..
معتز ياهو معتز ..
وموقفي منو ياهو موقفي منو ؟
الجد ما موقفي الجد علاقتو بي رندا البقت بي قدرة قادر :
معرفة بورد ..
ده موقفي البعبر عن قناعاتي بدون حاجة لمنافقة رندا ولا معتز ..
|
Post: #81
Title: Re: Black Nims او بالعربي معتز القريش !!!!!!!!
Author: Afraa Sanad
Date: 06-07-2011, 00:56 AM
Parent: #79
Quote: أنا لما أجي أقوليك في واحدة إسمها فلانة دي
عرفتها في البورد المهبب ده وعملت لي وفعلت لي ..
وأجي أدين وأشجب وأشتم كمان ..
بكرة أقول ليك لا والله فلانة دي زميلتي في الشغل وبينا صداقة وعيش ملح كمان ...
ببساطة حا تقولي ياخ ليه ماكلمتني وكنت حا تكتفي بإحقاق الحق وإدانة السلوك
وتعملي حسابك من الشتيمة وما حا تكوني ملكية أكتر من الملك |
معليش يا كمال اتحمل لياقتي شوية بس من كتر الضرب بقت حساسيتنا تجاه العنف ضد النساء شديدة شوية . طيب عشان كلامي يكون واضح لو جات واحدة هنا وقالت زوجي أو أبوي قال لي كده حيكون راي أن الراجل ده حقير و من غير أخلاق و غير كريم ده طبعا اذا كان المجال بسمح بذلك وإلا فعلي باضعف الأيمان. يعني الفاصل هو موقفي أنا من السلوك وما يتبع ذلك من الشخص و ليس العكس .ما يحدث من أمر علاقة معتز ورندا السابقة أو الحالية أو المستقبلية لا تعنيني البتة.. "أيه رايك في البتة دي" ، اذا كانت صديقتي بحاول اثنيها من أن تكون عندها أي علاقة بالزول ده في المستقبل، يبقي الشاهد في الموضوع هو موقف الشخص و موقفي من هكذا سلوك "دي برضه عجبتني".
Quote: أوكي متفقين إنو ده معتز كده .. ومافي جديد , بس معتز الكدا ده رغم إنو ليهو تأريخ طويل
في إنتي عارفاه وكلنا عارفينو , كان صديق وزميل وبينهم عيش ملح ..
أسي بقى فجأة كعب ؟ ولا زميل ولا صديق ومعرفتو تكلوها في منبر بكري ده ؟
|
رندا قالت الكلام الفجر المشكلة دي تم هنا في البورد "أحي يا صفية" اسفة لاستعمال هذي الجملة المبتذلة" يبقي هو بقي كعب يوم سخر من الآم انسانة و ابتذلها و أنا و الله أي زول بعرفو خاصة كان female سالني من القريش بقول ليه أبعد مسافة ميل و كان بقي أبوي ما بكون عايزة اعرفو مش لو كنا اصحاب. بعدين يا كمال أرجو أنك تكون انتبهت لان حتى تهديده معتمد على معرفته بيها و بي أسرتها. اح ياخي أنا بستعمل كيبورد المنبر و نفسي قام ، المهم يبقي الأحترام و الرغبة الاكيدة في ألاتساق بالمناسبة عجبتني لياقتك وطولت نفسك في بوست شذى و ما تمخض عنها من حقايق keep up the good work ، مع تاكيد فايق احترامي.
|
Post: #84
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-07-2011, 01:27 AM
Parent: #81
(*)
والله ياعفراء ما مختلف معاك (البتة) ..
إنتا قايلا براك بتعرفي ..
):
وموقفنا من هكذا سلوك مافيهو إختلاف ..
بس أنا ماعاوز الحق يلتبس بالباطل لمجرد إيراد معلومة خاطئة ..
ولا عاوز مواقفنا من معتز وممارساتو تكون مبنية على أساس عقيم ,
يعني لو ساهرتا مع معتز بكرة وإتعشينا سوى موقفي منو يختلف شوية
ولو ناسبتو ولا ناسبني أغمض عيني منو ..
ولو هبش زول مابهمني ولا من أصحابي أعمل رايح وأنتظروا لما يهبشني أنا في نفسي وأجي أطلع ليهو القديم والجديد
وعذراً لو رندا فهمت إني بهزم قضيتا العادلة ..
أو أي زول فكرتي ماوصلتو بشكل صحيح وإعتبرني بدافع عن معتز أو بنافقوا ...
وأقول ليكم تاني ممكن أكون ماقدرتا أعبر عن فكرتي كويس ..
إلا أنني أبرئ نفسي من تهمة الدفاع عن معتز أو الرياء أو حتى محاولة إضاعة حقوق الأخت رندا
وحا أبطل لياقة عشان ما أفقع مرارتكم وأنسحب من البوست
مع التأكيد على مطالب رندا :
الإعتذار الصريح والتوضيح اللازم ..
سلام ..
|
Post: #80
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-07-2011, 00:30 AM
Parent: #65
كتب الأخ خالد
| Quote: بالله يا عمكـ ما تفجعنا فيك كما فجعنا في كمال على الزين . الأخوات في هذا البورد خط أحمر بغض النظر عن من يسمهن بسوء |
طبعاً ياخالد كده حاتفجع فيني كتير ..
أنا تعرف إنتا بالذات لمشاكلك الكتيرة مع معتز ماحبيت إنك تتجاوز حدود
الإدانة للسلوك المارسو معتز تجاه (رندا) لأنو بسألك أسي تاني , لو زول تاني غير
معتز من الناس المتفقين معاك زي أخونا (أسامة ) غلط الغلطة دي (وحاشاه والله أسامة أن يفعل)
كان رد فعلك حايكون كده ..
ولا كان حاتجي تقول ليهو :
يا أسامة الكلام ده والله مابشبهك
وكلنا ثقة في إعتذارك لأختك رندا
وبعد الإعتذار كمان تدبجوا ليهو كلام من نوع :
الإعتذار شيمة الكبار
وكنت متأكد من إعتذارك لثقتي فيك في ..
وده فيلم خشينهو كتير ..
أنا عاوز الناس تواجه معتز ومن يمثلهم من الكيزان وتدقهم بالحق والحقيقة
مش نستخدم أساليب شروعها هم ونجي في الآخر نقول إحنا أحسن منهم ..
دي نقطتي ..
معتز دقوه دق العيش لحدي ما يعتذر ويرعوي ..
بس والله العظيم وكتابه الكريم ماعرفة بورد _ عرفة وصداقة وعيش ملح ..
صعب الإعتراف بالحقيقة دي والبناء عليها ..
):
|
Post: #82
Title: Re: Black Nims او بالعربي معتز القريش !!!!!!!!
Author: حذيفه ابراهيم الكباشي
Date: 06-07-2011, 01:18 AM
Parent: #80
يعني انتي يا رندا تبدي بالغلط وعايزا معتز يعتذر ليك على ردت الفعل
وافعل صادر منك انتي؟؟؟
كيف مرأة سودانية واعية ومتعلمة وممكن تكون ام وزوجة تقول لي رجل انا حأتف في وشك؟؟؟؟!!!!!
هل وصلت المرأه السودانية لهذه الدرجة ؟؟!!
تتف في وش الرجااااال؟؟؟!!!
طيب نفرض جدلا انك انتي تفيتي في وش معتز
تتوقعي ردت الفعل ممكن تكون شنو؟؟؟!!
شوفي يا بتنا الحق حق والفضل فضل
اولا تعتذري لي معتز عن كل الكلام الجارح الصدر منك ليهو وبعد ما معتز يقبل اعتذارك او يرفضو يجي دور معتز ويورينا هل كلامو القالوا ليك دا
هل هو افتراء وقلة ادب منو ساي كدا ....
ولا هو ردة فعل لي قصة تفافك في وشو
........
|
Post: #88
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 07:41 AM
Parent: #82
الاخ حذيفة ..
تحياتي ...
لو راجعتا مداخلاتي فوق ح تلقاني اعترفتا بي اني قلتا لي معتز الجملة دي ...
وكمان اعترفتا بي خطأها...
ويا سيدي الاعتراف بالخطأ هو اعتذار عنو ...
وللتوضيح اكتر انا بعتذر للاخ معتزالقريش عن الجملة المذكوره اعلاه ...
لكن بس انتا برضو ما فهمتني كويس ...
انا ما عايزة اعتذار من معتز اطلاقا ...
ولا الكلام القالو معتز لو ما قدر يثبتو بيقبل الاعتذار ..
جملتو وتهديدو المبطن فوق احتمالية طاقة الاعتذار ...
انا عايزاهو يجي هنا على رؤوس الاشهاد محل بدأ الخلاف بيني وبينو ..
يعني ما في الخاص ..
ويكتب هو بيعرف شنو عن رندا بت آمنه هي ما بتعرفو عن نفسها ...
عشان كدا يكون الكلام وصلني صاح زي ما هو قال ...
"وصلك ولا لسه؟" وابدأ احترم نفسي برضو ...
تحياتي ..
|
Post: #83
Title: Re: Black Nims او بالعربي معتز القريش !!!!!!!!
Author: tasneem
Date: 06-07-2011, 01:24 AM
Parent: #80
| Quote: وود القريش انا برضو عرفته زيك من خلال المنبر عشان كدة بقول ليك هو اخ كريم ويحترم النساء جدا جدا |
الاخ عوض
تحياتي
!!!!!!!!!!!!!!!!!!!!!!!!!!
نفسي اعرف ما معني كلمة احترام في نظرك بعد هذا المكتوب
يسقط من نظري مثل هذا النوع من الرجال
الذي يقوم بتهديد النساء بهذه الاساليب البشعة
لعنة الله علي هذا النوع من الرجال
|
Post: #85
Title: Re: Black Nims او بالعربي معتز القريش !!!!!!!!
Author: azhary taha
Date: 06-07-2011, 03:29 AM
Parent: #83
لعنة الله علي هذا النوع من الرجال
|
Post: #86
Title: Re: Black Nims او بالعربي معتز القريش !!!!!!!!
Author: محمد عبد الله شريف
Date: 06-07-2011, 05:51 AM
Parent: #85
| Quote: شوفي يا بتنا الحق حق والفضل فضل |
والمره مره و ال ع ب عب ,,
بقايا ما سقط من اسقاطات حذيفه الكباشي
___________________________________________
_
لا__ لانتهاك الاعراض .. لا لامتهان النساء,,, امهاتنا ,,,اخواتنا,,, زوجاتنا... بناتنا
|
Post: #87
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 07:33 AM
Parent: #86
صباح الخير ...
وشكري وتقديري للجميع ...
ولكل من كتب حرفا هنا ...
عذرا سابدأ بمداخلات الاخ كمال للتوضيح فقط لانو قال انا نكرتا معرفتي بي معتز ودا سلاح ما كريم !!!!
يا كمال ...
انا ما نكرت معرفتي بي معتز اطلاقا .. انا رديت على الاخ حسين ملاسي لما قال انو ما مفروض اجي بالموضوع للمنبر وانو دي خلافات شخصية تحل خارج المنبر .. وضحتا للاخ ملاسي انو معرفتي بي معتزالقريش بدأت من خلال المنبر والخلاف نفسو نشأ في المنبر وسببو بوست فتح في المنبر وعرفتا معتز من خلال بورداب الدوحه قبل اي معرفة تانية... اما بعد كدا كوننا بقينا اصدقاء او زملاء عمل دا موضوع ما عليهو خلاف وكان برضو مطروح هنا في المنبر من خلال فعاليات اوكسنت واحتفالاتنا باعياد الاستقلال وصوري وانا براجع القصائد قبل الالقاء مع معتز خير شاهد على معرفتنا لو انا انكرتها "ودا ما حصل"...
افتراضك لي رجوع المياه لمجاريها بيني وبين معتز دي فرضية غير ملزمة لي يا كمال .. يمكن الناس معادنهم تختلف لكن انا رندا بت حاتم وآمنه لما زول يتعدى علي خطوطي الحمرا ويحاول يهددني بالشكل المستفز والقبيح دا صدقني ما بيكون عندي تاني اي خط رجعه ولا امكانية تصافي لانو لو رجعتا اتعاملتا معاهو بكون منافقة او بيكون اي كلمة كتبها لي معتز صحيحة وفي محلها وقدر يكسر عيني .. وانا عيني بيكسروها للموت بس علي قول اهلنا...
فهمتني يا كمال .. انا ما ناكره معرفتي بي معتز ولا ناكره صداقة كانت بيناتنا ولا ناكره زمالة العمل وكمان ما ناكرة اطلاقا اني قلتا ليهو "بتف في وشك" لما زعلتا من جملتو الكتبا في حق الاخت صفية وقلتا برضو اني لا ابرئ نفسي من الخطأ في الحتة دي لكن دا ما بيديهو الحق يستخدم الاسلوب المسئ دا..
|
Post: #89
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-07-2011, 07:57 AM
Parent: #87
Quote: صباح الخير ...
وشكري وتقديري للجميع ...
ولكل من كتب حرفا هنا ...
عذرا سابدأ بمداخلات الاخ كمال للتوضيح فقط لانو قال انا نكرتا معرفتي بي معتز ودا سلاح ما كريم !!!!
يا كمال ...
انا ما نكرت معرفتي بي معتز اطلاقا .. انا رديت على الاخ حسين ملاسي لما قال انو ما مفروض اجي بالموضوع للمنبر وانو دي خلافات شخصية تحل خارج المنبر .. وضحتا للاخ ملاسي انو معرفتي بي معتزالقريش بدأت من خلال المنبر والخلاف نفسو نشأ في المنبر وسببو بوست فتح في المنبر وعرفتا معتز من خلال بورداب الدوحه قبل اي معرفة تانية... اما بعد كدا كوننا بقينا اصدقاء او زملاء عمل دا موضوع ما عليهو خلاف وكان برضو مطروح هنا في المنبر من خلال فعاليات اوكسنت واحتفالاتنا باعياد الاستقلال وصوري وانا براجع القصائد قبل الالقاء مع معتز خير شاهد على معرفتنا لو انا انكرتها "ودا ما حصل"...
افتراضك لي رجوع المياه لمجاريها بيني وبين معتز دي فرضية غير ملزمة لي يا كمال .. يمكن الناس معادنهم تختلف لكن انا رندا بت حاتم وآمنه لما زول يتعدى علي خطوطي الحمرا ويحاول يهددني بالشكل المستفز والقبيح دا صدقني ما بيكون عندي تاني اي خط رجعه ولا امكانية تصافي لانو لو رجعتا اتعاملتا معاهو بكون منافقة او بيكون اي كلمة كتبها لي معتز صحيحة وفي محلها وقدر يكسر عيني .. وانا عيني بيكسروها للموت بس علي قول اهلنا...
فهمتني يا كمال .. انا ما ناكره معرفتي بي معتز ولا ناكره صداقة كانت بيناتنا ولا ناكره زمالة العمل وكمان ما ناكرة اطلاقا اني قلتا ليهو "بتف في وشك" لما زعلتا من جملتو الكتبا في حق الاخت صفية وقلتا برضو اني لا ابرئ نفسي من الخطأ في الحتة دي لكن دا ما بيديهو الحق يستخدم الاسلوب المسئ دا.. |
كده صاح يا رندا ..
وتعالي طالبي بحقك ونحنا معاك ...
ومعتز برضو لو عندو حق عندك يجي يطالب بيهو ..
بدون ما يشتمك أو يلمح ليك تلميحات ماكريمة ولا يحاول يبتزاك ويهددك لا بره البورد ولا جوة البورد
وسكيهو لحدي ماتاخدي حقك تالت ومتلت ..
|
Post: #90
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-07-2011, 08:09 AM
Parent: #87
| Quote: ولكن مايحيرني هو موقف الاخ حسين ملاسي بالدفاع عن معتز القريش... |
ما لا يحيرني أنك لا تقرأ؛ و إن قرأت لا تفهم.
| Quote: (انشاء الله يدوك وزاره ياحسين ملاسي). |
لا أرغب في وزارة.
|
Post: #91
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 08:32 AM
Parent: #90
شكري وتقديري لجميع المتداخلين ...
والشكر لكل من مر من هنا قارئا او معلقا على ما حدث ...
وشكرا جزيلا لكل من تضامن معي فيما كتبه الاخ معتز القريش ...
.
.
وما زلت في انتظار معتز ليكتب كل ما يعرفه عني ...
وما لا اعرفه انا عن نفسي !!!!
|
Post: #92
Title: Re: Black Nims او بالعربي معتز القريش !!!!!!!!
Author: Alshafea Ibrahim
Date: 06-07-2011, 08:46 AM
Parent: #90
تحياتي يارندا وضيوفها
مؤكد اسلوب الأخ معتز مرفوض مليون مرة ... التلميح والتهديد وووو ... لا يمت بالأخلاق بشيء .. ليته يعتذر فورا وبدون مبررات ..
لكن :
Quote: وود القريش انا برضو عرفته زيك من خلال المنبر عشان كدة بقول ليك هو اخ كريم ويحترم النساء جدا جدا
-------------------------------------------------------------------------------------------------------؟؟؟؟
مساءلة أنو كريم ويحترم النساء فهذا قول لا يدخل في الدماغ ... قبل كده هذا القريش وصلت به المواصيل لدرجة (فرش الملايات الحمر) وكان ذلك مصحوبا بألفاظ لم أسمع بها حتى في الشارع مع أخت زميلة كريمة فاضلة ما زالت بهذا المنبر ...
ياملاسي : أنت لست في مرشدا وموجها لتوجيه الزملاء والزميلات بالمنبر في كيفية تناول أمورهم الخاصة والعامة ، وأجزم لو أن الأخت رندا تركت الحبل على القارب وأهملت وأغفلت هذه الرسائل الله العالم شنو راح يكتب ليها القريش ... نحي شجاعتها وقوتها وثقتها في نفسها بفتحها لهذا الخيط علر رؤوس الاشهاد حتى تجبر القريش على وقف هذه الرسائل التي لا ترضاها أنت يا ملاسي لأي من أخواتك أو صديقاتك ...
الشفيع ابراهيم
|
Post: #94
Title: Re: Black Nims او بالعربي معتز القريش !!!!!!!!
Author: معتز القريش
Date: 06-07-2011, 09:23 AM
Parent: #92
Quote: وما زلت في انتظار معتز ليكتب كل ما يعرفه عني ...
وما لا اعرفه انا عن نفسي !!!! |
شوفي يا زولة
بدون سلام وبدون احترام
كونك تجيبي رسالتي هنا وتولولي ما بهمني
وكونك تفهميها بطريقتك برضو ما بهمني
وكونو يجي ناس الدفاع عن فلانة وفلتكانة بالحق أو الباطل
برضو ما بهمني
أخدي كلامي في سياقو وهو الوصول ليك عشان تبري بقسمك (تتفي لي في وشي)
يعني لو ما أديتيني تلفونك أو عنوان برضو بعرف من المعلومات البقدر اصلك بيها
لا عندي قضية بشرفك ولا غير شرفك ولا بهمني شرفك في شئ
شرفك بهمك انتي وبهم أهلك وأولادك ورجالك
أنا لاني أبوك لا أخوك ولا ود عمك
شرفك تقفليه في خزنة ولا تفرشيه في الشارع ما بهمني ولا بمسني بشئ
ولا داير منك حااجة بتخص شرفك ولا يشرفني ذلك ولا حصل مرة طلبت منك شئ زي دا
انتي من بدأ بشتمي وجرحي في شئ عام
ولم تراعي لأي شئ .. اذن لا تنتظري سقفا للرد عليك
ولا يهمني ان كنتي إمرأة أو رجل
تتفي في وشي أطرش ليك في وشك
أي كلام غير لايق ح أرد عليه باسوأ منو
لا تنتظري مني اعتذار ولا أريد منك اعتذار
فقط تلمي لسانك الزفر دا عليك وتختي طريقي
شكرا لك من أدلي بدلوه انصافا
والى كل من جاء وشتمني هنا أقول
البوست محفوظ عندي وأحتفظ بحقي في الرد عليه بالطريقة وفي الزمان والمكان الذي اراه أنا
ولا سقف عندي للردود .. وأي واحد نسوانجي جاي طاير وفاري ضرعاتو أخير يتلم وما أسهل الشتيمة
ولم ينتهي موضوعك معي الى أن تبري بقسمك وتتفي لي في وشي
وما تبقى شفتة وشوفونية في المنبر دا
والله ياهو الفضل
|
Post: #95
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 09:47 AM
Parent: #94
| Quote: بدون سلام وبدون احترام |
مرحب بيك يا معتز
Quote: لا تنتظري مني اعتذار ولا أريد منك اعتذار
فقط تلمي لسانك الزفر دا عليك وتختي طريقي |
Quote: ولم ينتهي موضوعك معي الى أن تبري بقسمك وتتفي لي في وشي
وما تبقى شفتة وشوفونية في المنبر دا |
حدد انتا عايز شنو في الاتنين ديل
الم لساني الزفر واختى طريقك...ولا ما ابقى شفته وشوفونية وابر بي قسمي ؟؟؟
| Quote: وكونك تفهميها بطريقتك برضو ما بهمني |
ما اظن فهمتها بي طريقتي ..
فهمتها بالطريقة الانت عايزني افهمها بيها.
| Quote: يعني لو ما أديتيني تلفونك أو عنوان برضو بعرف من المعلومات البقدر اصلك بيها |
ما اظن تكون قاصد انو دا تفسير جملة "بعرف عنك اكتر مما بتعرفي عن نفسك"
| Quote: تتفي في وشي أطرش ليك في وشك |
رغم انها جملة "مقرفة" شوية لكن اعتقد بتتناسب مع جملتي الكتبتها ليك اكتر من
Quote: الاخ عايزك تبري بقسمك يا بت امنة
وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس
وصلك ولا لسة ؟ |
| Quote: ولا داير منك حااجة بتخص شرفك ولا يشرفني ذلك ولا حصل مرة طلبت منك شئ زي دا |
؟؟؟؟
|
Post: #96
Title: Re: Black Nims او بالعربي معتز القريش !!!!!!!!
Author: Hussein Mallasi
Date: 06-07-2011, 10:00 AM
Parent: #95
لن يستبينوا النصح و لا حتى في ضحى الغد!
|
Post: #99
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 11:43 AM
Parent: #94
Quote: الاخ عايزك تبري بقسمك يا بت امنة
وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس
وصلك ولا لسة ؟ |
معتز القريش ...
بعد كلامك الفوق دا ...
انا برضو كلامك التحت دا كلووووو ما بهمني.....
Quote: شوفي يا زولة
بدون سلام وبدون احترام
كونك تجيبي رسالتي هنا وتولولي ما بهمني
وكونك تفهميها بطريقتك برضو ما بهمني
وكونو يجي ناس الدفاع عن فلانة وفلتكانة بالحق أو الباطل
برضو ما بهمني
أخدي كلامي في سياقو وهو الوصول ليك عشان تبري بقسمك (تتفي لي في وشي)
يعني لو ما أديتيني تلفونك أو عنوان برضو بعرف من المعلومات البقدر اصلك بيها
لا عندي قضية بشرفك ولا غير شرفك ولا بهمني شرفك في شئ
شرفك بهمك انتي وبهم أهلك وأولادك ورجالك
أنا لاني أبوك لا أخوك ولا ود عمك
شرفك تقفليه في خزنة ولا تفرشيه في الشارع ما بهمني ولا بمسني بشئ
ولا داير منك حااجة بتخص شرفك ولا يشرفني ذلك ولا حصل مرة طلبت منك شئ زي دا
انتي من بدأ بشتمي وجرحي في شئ عام
ولم تراعي لأي شئ .. اذن لا تنتظري سقفا للرد عليك
ولا يهمني ان كنتي إمرأة أو رجل
تتفي في وشي أطرش ليك في وشك
أي كلام غير لايق ح أرد عليه باسوأ منو
لا تنتظري مني اعتذار ولا أريد منك اعتذار
فقط تلمي لسانك الزفر دا عليك وتختي طريقي
شكرا لك من أدلي بدلوه انصافا
والى كل من جاء وشتمني هنا أقول
البوست محفوظ عندي وأحتفظ بحقي في الرد عليه بالطريقة وفي الزمان والمكان الذي اراه أنا
ولا سقف عندي للردود .. وأي واحد نسوانجي جاي طاير وفاري ضرعاتو أخير يتلم وما أسهل الشتيمة
ولم ينتهي موضوعك معي الى أن تبري بقسمك وتتفي لي في وشي
وما تبقى شفتة وشوفونية في المنبر دا
والله ياهو الفضل |
وبرضو تبريرك التحت دا وشرحك لي جملتك بالطريقة دي ما بهمني ...
Quote: وكونك تفهميها بطريقتك برضو ما بهمني
أخدي كلامي في سياقو وهو الوصول ليك عشان تبري بقسمك (تتفي لي في وشي)
يعني لو ما أديتيني تلفونك أو عنوان برضو بعرف من المعلومات البقدر اصلك بيها |
انا قلتا "بتف ليك في وشك" لكن هل الجملة دي فيها تشكيك في اخلاقك او سمعتك ؟؟؟
مستفزة ... صاح
تدعو للغصب .. اكيد
من حقك ترد ... بدون شك
لكن ما بالاسلوب دا يا معتز القريش اطلاقا ...
ولا بالتلميحات ذات المضامين المسيئه ...
وسواء رسلتا الكلام الرسلتو لي دا في الخاص او كتبتو هنا على ملأ ...
جملتك دي السكوت عنها ادانه كامله لي نفسي ...
عندك شي بتعرفو عني اتفضل اكتبو كلو هنا على رؤوس الاشهاد ..
لو كمان ما عندك شي بتعرفو عني وكانت جملتك الرسلتها لي دي "نزغة شيطان" في لحظة غضب ..
ما ح اقول ليك مسامحاك لاني ما بعرف انافق ...
ولا ح اقول ليك عفا الله عما سلف لانو كلامك والله يعتبر قذف وطعن في الشرف ..
لكن ...
"لكم دينكم ولي دين"
ولو كان الدين الذي اؤمن به هو ذات الدين الذي تمثله انت الان ...
والله الذي لا اله غيره لخرجت من هذا الدين خروج السهم من الرمية ...
ولكن الحمد لله الذي ميز الخبيث من الطيب ...
سلام ....
|
Post: #93
Title: Re: Black Nims او بالعربي معتز القريش !!!!!!!!
Author: فايزودالقاضي
Date: 06-07-2011, 09:13 AM
Parent: #90
ادوهو الرئاسة وفكوا ليهو اوكامبو ..
|
Post: #97
Title: Re: Black Nims او بالعربي معتز القريش !!!!!!!!
Author: الفاتح خليل الفكي
Date: 06-07-2011, 10:43 AM
Parent: #93
البوست محفوظ عندي وأحتفظ بحقي في الرد عليه بالطريقة وفي الزمان والمكان الذي اراه أنا
هاك الصوارمي دا
يا زول تحتفظ شنو دا اسلوب مرفوض وما فيهو اعتذار
أبوكريم ،،
|
Post: #100
Title: Re: Black Nims او بالعربي معتز القريش !!!!!!!!
Author: 7abib_alkul
Date: 06-07-2011, 12:10 PM
Parent: #97
للأخت رندا
على ما اعتقد أن رد معتذ مقنع لحد كبير في أن الأمر ليس له علاقة بشرفك كما فهمتي أنتي
و من الواضح أن العبارة قيلت في سياق الوصول لعنوانك ليس إلا
ولا ادري السبب فى اقحام شرفك في الأمر لصيبح موضوع عام يتحدث فيه الجميع
|
Post: #102
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 12:42 PM
Parent: #100
Quote: الاخ عايزك تبري بقسمك يا بت امنة
وعيزك تعرفي انو عارف عنك اي حاجة
حتي الانتي ما عارفاه
وعايزك تحترمي نفسك وبس
وصلك ولا لسة ؟ |
الاخ حبيب الكل ...
سلام وتحايا ...
ارجو التكرم بمراجعة الجملة المذكورة اعلاه ..
وتوريني بالضبط العنوان القاصدو معتز موقعو من الاعراب وين في الجملة دي؟؟؟
ما اعتقد اطلاقا انو لما كتبها كان المقصود بيها العنوان ...
اللهم الا اذا في كلام بين السطور دي انا ما قدرتا اقراه او افهموا ....
وبعدين شرفي ما اصبح حديث عام يتحدث فيه الجميع ...
لكن جملة معتز التي اطلقها على عواهنها بدون حساب هي التي اصبحت حديث عام ...
اما عني انا ...
العارف عزو مستريح ...
ويا جبل ما يهزك ريح ...
شرفي وسمعتي واخلاقي بيعرفوها كل الحوليني ...
عندي زملاء وزميلات في المكتب هنا متابعين البوست بالحرف الواحد وبرضو بيعرفوني انا شنو ...
وعندي زملاء من بورداب الدوحه اتصلوا علي وبرضو بيعرفوني انا شنو ...
سمعتي او شرفي او اخلاقي ما بيشكك فيها معتز او غيرو ولا انا هنا في معرض الدفاع عنها ...
سلام وتحايا ...
|
Post: #98
Title: Re: Black Nims او بالعربي معتز القريش !!!!!!!!
Author: أحمد أمين
Date: 06-07-2011, 11:08 AM
Parent: #93
كامل تضمانى مع رندا حاتم
اتفق مع بشاشا وهو قد عرف هذا السلوك بعباره موفقه (ارهابى الشرف)
وما اكثرهم فى وسط الرجال السودانيين.
|
Post: #101
Title: Re: Black Nims او بالعربي معتز القريش !!!!!!!!
Author: عبدالغني محمد الحاج
Date: 06-07-2011, 12:39 PM
Parent: #98
Quote:
بدون سلام وبدون احترام
كونك تجيبي رسالتي هنا وتولولي ما بهمني
وكونو يجي ناس الدفاع عن فلانة وفلتكانة بالحق أو الباطل
برضو ما بهمني)
شرفك بهمك انتي وبهم أهلك وأولادك ورجالك
تتفي في وشي أطرش ليك في وشك
فقط تلمي لسانك الزفر دا عليك وتختي طريقي
ولا سقف عندي للردود .. وأي واحد نسوانجي جاي طاير وفاري ضرعاتو أخير يتلم وما أسهل الشتيمة
وما تبقى شفتة وشوفونية في المنبر دا |
والله كلام ذي دا يستحق الطرد من المنبر عديل
شوفو بالله الراجل المغرور بيقهر في الأخت دي كيف والكلام كله غمز ولمز
بعد دا خليت شنو لزول يدافع عنك
وبعدين في داعي لكلمة رجالك دي غير إنها كلمة مطاعنة ومطاعنة قذرة كمان لأنه عندها معني قريب
هو أنها تزوجت أكتر من مرة لكن معناها البعيد شين
والله منتهي السؤ
|
Post: #103
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-07-2011, 01:01 PM
Parent: #101
Quote: والله كلام ذي دا يستحق الطرد من المنبر عديل
شوفو بالله الراجل المغرور بيقهر في الأخت دي كيف والكلام كله غمز ولمز
بعد دا خليت شنو لزول يدافع عنك
وبعدين في داعي لكلمة رجالك دي غير إنها كلمة مطاعنة ومطاعنة قذرة كمان لأنه عندها معني قريب
هو أنها تزوجت أكتر من مرة لكن معناها البعيد شين
والله منتهي السؤ |
سلام يا عبدالغني ..
دا نفس الاسلوب الكتب بيهو في الخاص ...
وخلاني جيت واجهتو بيهو هنا ...
والله ما عارفه ذاتي اقول شنو في الاسلوب دا ..
انزل لي مستوى الرد بي نفس اللغه دي ..
ممكن ..
لكن حاشاي ...
صدقني يا عبد الغني ..
زي معتز دا اكيد ربنا يوم ح ينتقم منو وح يسلط عليهو من لا يرحم ...
ما عايزة اقول ح تترد ليهو في بناتو ونساء اسرتو ...
لانو لا تذر وازره وزر اخرى ...
لكن كمان ...
وما ربك بظلام للعبيد ....
واذا فاكر انو الاسلوب دا بكسر عيني او بخليني اسكت بي فهم اني "مره"
غلطان وستين غلطان ...
وهو بيعرفني وبيعرف انا جاية من وين ..
وبيعرف القطينه واهل القطينه ...
والله العظيم نسوانا وزينات رجال ...
علم ووعي وفهم وقوة شخصية ...
زي الكلام الفاضي البيقول فيهو دا ما بيحرك فينا شعره ...
بس بيعريهو قدام الناس وبيكشفو على حقيقتو ...
والغريبه انو من الدويم ..
يعني نفس امتداد منطقتنا واخلاق رجال النيل الابيض ..
وعلى فكره ...
انا في البوست دا ما ح اتراجع قيد انمله عن كلامي الكتبتو ...
يا اما يقول بيعرف عني شنو او يعترف انها جملة اتكتبت في لحظة غضب ووسوسة شيطان ...
ومستعده اديهو رقم تلفوني وعنواني كامل ...
هو عارف تماما انو لو لاقاني ما ح اتف ليهو في وشو ...
ما جبن ولا خوف ولا كسرة عين .. لكن لانو هو ذاتو معتز القريش بيعرفني انا شنو ...
وانو جملتي الكتبتها في لحظة غضب لا يمكن ان انفذها حتى لو كنت مجنونة وما واعية...
الدور والباقي عليهو هو ....
يوريني قاصد شنو من كلامو الكتبو لي دا ...
ولو عايز يجي يلاقيني .. حبابو الف والله ..
سلام ...
|
Post: #104
Title: Re: Black Nims او بالعربي معتز القريش !!!!!!!!
Author: د.نجاة محمود
Date: 06-07-2011, 01:47 PM
Parent: #103
سلامات يا رندا ليك وحشة والله
والله حزنت جدا لهذا البوست
وانت فوق مستوى الشبهات شابة جادة محترمة ومن يقول غير ذلك غلطان
انت كتبت للاخ القريش انك ستتفين في وجهه حين ترينه
.
.Quote: ما جبن ولا خوف ولا كسرة عين .. لكن لانو هو ذاتو معتز القريش بيعرفني انا شنو ...
وانو جملتي الكتبتها في لحظة غضب لا يمكن ان انفذها حتى لو كنت مجنونة وما واعية...
الدور والباقي عليهو هو .... |
شوفتي انت عارفة انه معتز دا عارفك انت شنو وبت منو تهذيبك وادبك لا يخفى على احد
وكيف لا وانت بنت مربية اجيال تحنى لها الهامات
لقد كتب الاخ القريش موضحا بأنه لم يقصد ابدا ما ذهبت انت اليه
ودا في حد ذاته توضيح لاي زول انه لا يعرف عنك ما يشين
وانا حزينة لانكم وصلتم هذه المرحلة وانتم من افضل الناس قاطبة
وانا شخصيا ادين اي حديث فيه معاني خفية يقال لامرأة لاسكاتها او تخويفها
وانا شخصيا لا افوت اي كلام يمسني او يحاول اشانة سمعتي واحقق فيه
| Quote: وعندي زملاء من بورداب الدوحه اتصلوا علي وبرضو بيعرفوني انا شنو . |
اها شوفتي بورداب الدوحة ديل هم المشكلة في هب الحرائق والفتن والمشاكل
انت ملكة ما محتاجة لنسناسين يدوك شهادة شرف
اللعنو الشيطان
|
Post: #105
Title: Re: Black Nims او بالعربي معتز القريش !!!!!!!!
Author: هجو الأقرع
Date: 06-07-2011, 02:03 PM
Parent: #103
Quote: ومستعده اديهو رقم تلفوني وعنواني كامل ...
هو عارف تماما انو لو لاقاني ما ح اتف ليهو في وشو ...
ما جبن ولا خوف ولا كسرة عين .. لكن لانو هو ذاتو معتز القريش بيعرفني انا شنو ...
وانو جملتي الكتبتها في لحظة غضب لا يمكن ان انفذها حتى لو كنت مجنونة وما واعية...
الدور والباقي عليهو هو ....
يوريني قاصد شنو من كلامو الكتبو لي دا ...
ولو عايز يجي يلاقيني .. حبابو الف والله |
الاخت الكريمة رندا ، و التى اعتدت ان اخاطبها بام حاتم ايام كانت معنا هنا فى الدوحة ، وهى ايضا ابنة المربية الفاضلة الاستاذه امنة ، و التى ندين لها بالفضل فى نجاج بناتنا بالمدارس السودانية، اختى الكريمة ، دعنى اقول لست من عادتى دخول البوستات التى تحمل الخلافات ، لان الناس لا تعرف إلا اما معى او ضدى .
الحمد الله ان لغتك الان هدأت كثيرا ، بل قلت ان جملتك تلك كتبت تحت لحظة غضب ، وانا اقول لك دعينا ان نقول ان ردة معتز كانت ايضا فى لحظة غضب .
طيب يا ابنة الغالية وانت تعرفين مدى معزة ابنتى هالة و هى عضو هنا ، لولدتك الكريمة ، وكم ذكرت لك ان و الدتك كانت تضرب المثل بالابنة هالة ، و عليه ارجوك بحق هذه الوالدة التى نكن لها كل تقدير و احترام ، ان نشرع فى حل ودى و ذلك من خلال مكالمة جماعية اتحمل مدتها ولو استمرت شهر ، وثقى ان معتز لن يخرج عن ما نطلبه منه .
ارجو ان نحكم صوت العقل ، انت من انت لا نعرف عنك و اسرتك إلا كل خير ، وما بينك وما بين معتز ، اكبر من ان نرهق انفسنا فى اضاعة الوقت و توسيع الخصومات . هذا تلفون اخوك ابومحمد كما اعتدت ان تقولى ايام جمعك للتبرعات 0097455384088 ما عليك سوى ان تعملى رنه فقط ، و يشرفنى انهاء هذا المشكل.
|
Post: #108
Title: Re: Black Nims او بالعربي معتز القريش !!!!!!!!
Author: عصام دهب
Date: 06-07-2011, 02:46 PM
Parent: #105
الأخ الفاضل/ هجو ..
تحية و سلام ..
و اٍسال الله تعالى أن يوفقكم و يسدد خطاكم في مسعاكم النبيل ..
ــ
و يا أخي معتز بعيداً عن أي إنفعال سالب آمل أن تقرأ مداخلة الأخت / رندا أعلاه .. علماً بأنها و قبل مداخلتها هذه أعتذرت عما صدر عنها في لحظة غضب ..
لذلك يتعين عليك التجاوب مع ما طرحه الأخ / هجو و أن تسعى إلى رندا بالخير و تعتذر عما وردها منك من تلميحات أغضبتها و أضطرتها لفتح هذا البوست حتى و أن لم تكن تقصد ما فهمته هي فعليك أن تعتذر عما سببته تلك التلميحات من سوء فهم ..
ـ
و يا أخت رندا إن لم نكن نعرفك من قبل فقد عرفناك بما تحدث به الناس عنك بكل خير عبر هذا البوست و يكفيك ثقتك في نفسك التي هي عاصمتك بعد الله تعالى من كل سوء، و من خلال مداخلاتك أعلم أنك بإذنه تعالى قادرة على إحتواء هذا الخلاف و طي صفحته بكل خير .. فآمل تجاوبك مع الأخ / هجو في نبيل مسعاه ..
|
Post: #106
Title: Re: Black Nims او بالعربي معتز القريش !!!!!!!!
Author: بدر الدين الأمير
Date: 06-07-2011, 02:27 PM
Parent: #103
Quote: هو عارف تماما انو لو لاقاني ما ح اتف ليهو في وشو ...
ما جبن ولا خوف ولا كسرة عين .. لكن لانو هو ذاتو معتز القريش بيعرفني انا شنو ...
وانو جملتي الكتبتها في لحظة غضب لا يمكن ان انفذها حتى لو كنت مجنونة وما واعية...
الدور والباقي عليهو هو ....
يوريني قاصد شنو من كلامو الكتبو لي دا ...
ولو عايز يجي يلاقيني .. حبابو الف والله ..
|
ام حاتم لك التقدير
تعلمين تماماانه معتز القريش الذى لايستبن الرشد ولا النصح حتى بعد ضحى الغد
وبالمقابل لقد كنت موجعة في تقريعك لمعتز من خلال موقفه الغير انسانى تجاه
قضية صفية
رغم من تراجعك عن شتميتك لمعتز واعتذراك عنها هل تتوقعى من معتز غير الفجور
في الخصومة وتجاوز كل ماهو انسانى حين تكون خصمه امراة وهاهو يقولها مرتاح
البال وبفتكر حسب صفاقته ان بامكانه النيل منك او من والدتك المربية الجليلة
الاستاذة امنة بر بالشتايم معتز هنا بشتم في نفسه ومنظومته القيمية
|
Post: #107
Title: Re: Black Nims او بالعربي معتز القريش !!!!!!!!
Author: هجو الأقرع
Date: 06-07-2011, 02:37 PM
Parent: #106
Quote: اها شوفتي بورداب الدوحة ديل هم المشكلة في هب الحرائق والفتن والمشاكل
انت ملكة ما محتاجة( لنسناسين) يدوك شهادة شرف |
الاخت الكريمة د. نجاة اعتقد ان التعميم مضر ، و يلا شنو ؟ معزتى التى تعرفيها لك و للاسرة . وحتى للبعض اعتقد انها غير مقبولة .
|
Post: #109
Title: Re: Black Nims او بالعربي معتز القريش !!!!!!!!
Author: علاء الدين يوسف علي محمد
Date: 06-07-2011, 02:58 PM
Parent: #107
تلميحات مرفوضة يا قُريش أياّ كان زمانها و مكانها في حق زميلة بالمنبر و أُخت سودانيّة
|
Post: #110
Title: Re: Black Nims او بالعربي معتز القريش !!!!!!!!
Author: معتز القريش
Date: 06-07-2011, 03:57 PM
Parent: #109
الأخت رندا (أم حاتم)
اقسم انني لم أقصد أن أنال من شرفك وعبارتي لم اقصد منها غير الوصول اليك
وعلمي أن كل شئ بيننا سيحل دون ان تتفي في وجهي أو أطرش في وجهك
رغم غضبي لما ورد منك من عبارة لا تليق بك ولا بتربيتك
أنا يا رندا لا أعرف عنك الا كل خير وانت تعرفين ذلك
انه الشيطان فقط ..
ان كنتي قد فهمتي غير ذلك فانني أعتذر لك بكل عبارات الاعتذار التي عرفها القاموس
وما اشارتي لأسم والدتك المربية الجليلة التي درست اثنتين من بناتي
إلا لتذكيرك بمن تكوني ابنة لها .. والتي لا يمكن ان تقبل من ابنتها
أن تقول لرجل ما قلت لي .. بغض النظر عمن يكون
أكرر اعتذاري وأسفي لما اصابك من رزاز كلماتي التي كانت في الخاص وما كنت أود أن تصل الى العام
لو لا الشيطان
ويلا كل قرد يطلع جبلو
والبيني وبين أم حاتم عامرة
جهزي العزومة الاجازة على الأبواب
|
Post: #111
Title: Re: Black Nims او بالعربي معتز القريش !!!!!!!!
Author: Elawad
Date: 06-07-2011, 04:13 PM
Parent: #110
أرجو أن يستجيب الأخ معتز لمبادرة الأخ هجو و لكلام الأخت رندا الراقي و توضيحها و كما قيل لو طبقنا مبدأ العين بالعين ما بقي مبصر. للأسف كثيرون يحلو لهم الصيد في الماء العكر... معتز أخطأ و خطأ كبير كمان لكن هناك من لم يدخل لمناصرة الأخت رندا بقدر ما دخل لتصفية حساباته مع معتز زي ما قال كمال. طبعا مع العلم أن الأغلبية دخلت بنية طيبة و هالها أن يتم إرسال مثل هذا الكلام للأخت رندا. توضيح رندا لكلامها و معتز لكلامه يعني على الأقل إنهم اعترفوا خبخطأهم و خطأ معتز لا شك أنه أكبر لأنه حتى لو ما قصد الكلام دا من المفترض أنه يكون عارف حساسية التخاطب مع الأخوات في مجتمعنا و يعمل حسابه جدا في كلامه و الما بترضاه لنفسك أو أختك أو أمك أو أخوك أو أبوك ما تفتكر للحظة إنه الناس تانين ممكن يقبلوه. رجاء خاص للأخ معتز و الأخت رندا أن يستجيبوا لمبادرة الأخ الكريم أبو محمد و ما ضروري يرجعو أصدقاء لأنه دا ما موضوع بخصهم لكن المهم أن يتعلم الناس كيف يختلفوا و يتعاملوا مع بعض باحترام.
|
Post: #113
Title: Re: Black Nims او بالعربي معتز القريش !!!!!!!!
Author: عماد الشبلي
Date: 06-07-2011, 04:22 PM
Parent: #110
Quote: ويلا كل قرد يطلع جبلو
والبيني وبين أم حاتم عامرة
|
يا سلام .. يا سلام ...
|
Post: #112
Title: Re: Black Nims او بالعربي معتز القريش !!!!!!!!
Author: Kostawi
Date: 06-07-2011, 04:18 PM
Parent: #109
Quote: لقد كتب الاخ القريش موضحا بأنه لم يقصد ابدا ما ذهبت انت اليه
ودا في حد ذاته توضيح لاي زول انه لا يعرف عنك ما يشين
وانا حزينة لانكم وصلتم هذه المرحلة وانتم من افضل الناس قاطبة |
أهو دا المحامي الكلمتكم عنو
طبعا حضرة المحامي ما حا يدين أخو الوزير الظلامي ود القريش.
في محامي بدين زبونو (His Client) عاد?
غالبية أعضاء البورد فهموا ود القريش بقصد شنو, لكن حضرة المحامي بيعرف أحسن من عامة الناس و بفسر أحسن من العوام.
أنا غايتو عايزك تكوني المحامي بتاعي و الله أنجض ليك البورداب ديل جنس نجيضة
ألبع الزول و أجري أتخفى حواليك.
الظلاميون على أشكالهم يقعون
|
Post: #114
Title: Re: Black Nims او بالعربي معتز القريش !!!!!!!!
Author: امير طمبل
Date: 06-07-2011, 04:26 PM
Parent: #112
Quote: اها شوفتي بورداب الدوحة ديل هم المشكلة في هب الحرائق والفتن والمشاكل
انت ملكة ما محتاجة لنسناسين يدوك شهادة شرف
|
ما كلهم يا دكتورة ...انتي كده بتظلمي عدد كبير
منهم ...
|
Post: #131
Title: Re: Black Nims او بالعربي معتز القريش !!!!!!!!
Author: العوض المسلمي
Date: 06-08-2011, 12:16 PM
Parent: #83
Quote: الاخ عوض
تحياتي
!!!!!!!!!!!!!!!!!!!!!!!!!!
نفسي اعرف ما معني كلمة احترام في نظرك بعد هذا المكتوب
يسقط من نظري مثل هذا النوع من الرجال
الذي يقوم بتهديد النساء بهذه الاساليب البشعة
لعنة الله علي هذا النوع من الرجال |
الاخت الفاضلة تسنيم تحياتي
كلامي ده انا قلته من خلال مقابلتي للاخ معتز في السودان وليس من خلال المنبر كما يحكم الكثيرين ..
ولحدي ما نتاكد من انه فعلا قال هذا الكلام ويقصده فسيكون لنا راي في الموضوع ولا شنو يا تسنيم ؟؟
|
Post: #115
Title: Re: Black Nims او بالعربي معتز القريش !!!!!!!!
Author: ناصر البطل
Date: 06-07-2011, 05:22 PM
Parent: #1
يلا يا شباب
الناس ترفع بيت البكا ده
الناس ديل إتصالحوا
|
Post: #116
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-07-2011, 06:00 PM
Parent: #115
Quote: ما كلهم يا دكتورة ...انتي كده بتظلمي عدد كبير
منهم ... |
يا داقس ، هي ما مهتمة بالعدد الكبير
وأصلآ هي قاصداني انا بس
عشان انا العلقت شهادة شرف هنا
لكنها ########ات جدآ على أي مواجهة مباشرة
ف بتستخدم اسلوب الغمز واللمز
والغريب أن القلة التي اصنفها من ( سيئات ) الدوحة ، هم أقرب نسانيس لها
وزي ماقال منو كده ماعارف عن جعفر نميري ، قال بيعجب لحساسيته العالية في التقاط وتقريب السيئيين
انا فيما يتعلق بها ما مستعجب ولا مستغرب
ف الطيور على اشكالها تقع
|
Post: #117
Title: Re: Black Nims او بالعربي معتز القريش !!!!!!!!
Author: د.نجاة محمود
Date: 06-07-2011, 06:15 PM
Parent: #116
Quote:
أهو دا المحامي الكلمتكم عنو
طبعا حضرة المحامي ما حا يدين أخو الوزير الظلامي ود القريش.
في محامي بدين زبونو (His Client) عاد?
غالبية أعضاء البورد فهموا ود القريش بقصد شنو, لكن حضرة المحامي بيعرف أحسن من عامة الناس و بفسر أحسن من العوام.
أنا غايتو عايزك تكوني المحامي بتاعي و الله أنجض ليك البورداب ديل جنس نجيضة
ألبع الزول و أجري أتخفى حواليك.
الظلاميون على أشكالهم يقعون |
لوووووووووووول يا كوستا
لو احتجت لي حاعمل لبتون ملعونة صحوبية النت ام بناين قش
موش انت السكتا لما سوداني ومجموعة فلادلفيا
حاولوا ترويج اشاعات ماسة بالشرف والعرض عشان يخوفوني وماادافع عن عبدالعظيم الصديق؟
في المنبر دا ما عندي زول يا ملك الا روحة رقبتي دي والحق والعدل
|
Post: #118
Title: Re: Black Nims او بالعربي معتز القريش !!!!!!!!
Author: د.نجاة محمود
Date: 06-07-2011, 06:19 PM
Parent: #117
Quote: عشان انا العلقت شهادة شرف هنا
لكنها ########ات جدآ على أي مواجهة مباشرة
ف بتستخدم اسلوب الغمز واللمز |
لووووووووووول
انا اجبن برضو؟
انت وشلتك نسنستكم كتبوبها باسماء وهمية في الصحف
وتجي تتكلم عن ال.جب.ن
الاختشو ماتو
لو عايزة اصوط ليك عينك بصوطها ليك عديل كدا وعينك التانية تشوف
والهمز والغمز دا حقك انت بس ويقيف عندك
يا دكتور
وبينكم في الدوحة رجال اخير منهم القعاد بلا جندر
|
Post: #120
Title: Re: Black Nims او بالعربي معتز القريش !!!!!!!!
Author: كمبورة
Date: 06-07-2011, 06:31 PM
Parent: #118
كتبت دكتورة نجاة
| Quote: اها شوفتي بورداب الدوحة ديل هم المشكلة في هب الحرائق والفتن والمشاكل |
ارجو ان تسحبي كلامك او توضحي كيف انو بورداب الدوحة هم المشكلة
في هب الحرائق والفتن والمشاكل .
ان كان لديك مشكلة مع احدهم او جماعة منهم فلا تعممي
|
Post: #119
Title: Re: Black Nims او بالعربي معتز القريش !!!!!!!!
Author: Magdi Ahmed Elsheikh
Date: 06-07-2011, 06:29 PM
Parent: #116
جزاك الله خير اخي هجو ..
ونتمني ان نكون اخوة ويدا واحده كالبنيان يشد بعضه بعضا...!
|
Post: #121
Title: Re: Black Nims او بالعربي معتز القريش !!!!!!!!
Author: بدر الدين الأمير
Date: 06-07-2011, 09:41 PM
Parent: #119
Quote: اها شوفتي بورداب الدوحة ديل هم المشكلة في هب الحرائق والفتن والمشاكل
|
وعجبى
|
Post: #122
Title: Re: Black Nims او بالعربي معتز القريش !!!!!!!!
Author: بكري عباس علي
Date: 06-07-2011, 10:42 PM
Parent: #121
الاخت نجاة محمود
ما ذكرتيه بحق بورداب الدوحة لا يليق واذا كانت لك اراء او خلافات مع بعض الاشخاص بالدوحة فيجدر بك تصفيتها في مكان تاني لان المقام هنا مقام صلح وليس افتراع مشاكل جديدة
|
Post: #123
Title: Re: Black Nims او بالعربي معتز القريش !!!!!!!!
Author: كمال علي الزين
Date: 06-08-2011, 04:49 AM
Parent: #122
(*)
شكراً شيخ العرب /هجو
وشكراً رندا
وشكراً معتز
وياها المحرية فيكم ..
وكنت متأكد من إعتذاركم لبعض ..
والإعتذار شيمة الكبار ..
ولعن الله الشيطان ..
وعاد الصفاء بين الصديقين وطووا صفحات الخلاف
وعليكم الله البوستين ديل زاتهم وقفوا التداخل فيهم
وأنصرفوا إلى مايفيد بعد أن أفلح الأخ / هجو في جعل هذا ممكنا
جزاه الله خيراً ..
عشان ما الناس النصحناهم قبيل يجوا متلبين ويقولو جنس كلام أخونا
عبدالغني ..
يا عبدالغني :
أديناكم (النجيضة) وأبيتوها ,وأخونا خالد محمود المتواري الآن شابكني
(فجعت في كمال علي الزين) , بالله ؟ لا أراك الله فاجعة في حبيب ياحبيب
نسوي ليكم شنو أديناكم سيناريو الفيلم الخشيناهو هنا لمن فترنا وقلنا ليكم
البطل ما حايموت ..
إفرنقعوا ياقوم ..
_________________________
هذا البوست يقرأ مقرونا مع بوست الأخ / هجو
وبالله الناس المتخصصة في تنزيل الأغاني نزلوا لينا أغنية عبدالوهاب الصادق :
ما أحلى التصافي من بعد التجافي
الكان بينا حاصل أسباب ليهو مافي ..
وأسمحوا لي أن أهدي الأغنية للصديق ودعوج الدرب ورفاقه الميامين
ولجميع الأهل بالعيكورة وقرية (قبل جاي) ..
|
Post: #124
Title: Re: Black Nims او بالعربي معتز القريش !!!!!!!!
Author: د.نجاة محمود
Date: 06-08-2011, 05:21 AM
Parent: #123
خلاص عايزين تمسكوا فوقي يا بوردابالدوحة؟
كان لما شلة منكم منحطة حاربتني بدون وجه حق ولا سبب واضح بالنسبة لي الى الان
وكذبت ونشر قصص فارغة في صحفكم الجهلولة الصفراء
تجو تكتبوا وجهة نظركم وترفضوا التحدث باسمكم..
فقط مستثني منكم عدد بسيط يعرف الحق ويتبعه
والى ان تحدث الادانة منكم لما حدث لي هناك
تبقو تارجت واضح جدا وتشلتوا ذي الترتيب لما توقفوا النسنسة
كدي كم مرة جا زائر ليكم وطلع منكم بمشكلة وكشف حال؟
عالم مرض
ما عدا بعض الاصدقاءالذين خرجت علاقتي معهم من اطار البورد وصارت شخصية
|
Post: #125
Title: Re: Black Nims او بالعربي معتز القريش !!!!!!!!
Author: امير طمبل
Date: 06-08-2011, 09:07 AM
Parent: #124
Quote: خلاص عايزين تمسكوا فوقي يا بوردابالدوحة؟
كان لما شلة منكم منحطة حاربتني بدون وجه حق ولا سبب واضح بالنسبة لي الى الان
وكذبت ونشر قصص فارغة في صحفكم الجهلولة الصفراء تجو تكتبوا وجهة نظركم وترفضوا التحدث باسمكم..
فقط مستثني منكم عدد بسيط يعرف الحق ويتبعه
والى ان تحدث الادانة منكم لما حدث لي هناك
تبقو تارجت واضح جدا وتشلتوا ذي الترتيب لما توقفوا النسنسة
كدي كم مرة جا زائر ليكم وطلع منكم بمشكلة وكشف حال؟
عالم مرضما عدا بعض الاصدقاءالذين خرجت علاقتي معهم من اطار البورد وصارت شخصية |
|
Post: #126
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-08-2011, 09:14 AM
Parent: #124
| Quote: لو عايزة اصوط ليك عينك بصوطها ليك عديل كدا وعينك التانية تشوف |
حلة ما تصوطيها
وعايزة تستهدفي العين عشان بتعرفي تشوفك وتضبطك
وتصحح ليك كمان
اها تاني عن نغمض عن الأخطاء الفادحة والغلطات الشنيعة والاتهامات المجانية والمواقف الخائبة
ونكبر منك اللفة ذاتو
عشان خاطر عيون حلوات ،، منابع الطيبة متجاورات
|
Post: #127
Title: Re: Black Nims او بالعربي معتز القريش !!!!!!!!
Author: د.نجاة محمود
Date: 06-08-2011, 11:31 AM
Parent: #126
Quote: ايزة تستهدفي العين عشان بتعرفي تشوفك وتضبطك
وتصحح ليك كمان
اها تاني عن نغمض عن الأخطاء الفادحة والغلطات الشنيعة والاتهامات المجانية والمواقف الخائبة
ونكبر منك اللفة ذاتو |
انت جيت البوست دا وانت اكثر من يكتب ابحاءات بطالة للنساء
وتمارس السفاهة وكم مرة اضربتا في راسك دا هنا وادردرت لما الله غفر ليك
الاخطاء الفادحة حقتك انت الحمدلله بقت على الاخطا الطباعية وما بقت اخطاء اخلاقية
بالله كبر اللفة لانه لما ارد عليك بحس اني هبطت لمستواك
وبرانا بنعرف مستوانا واكيد ما انت,,
كم مرة قلت ليك ما توجه لي اي كلام واني خالص ما عايزة اي تعامل معاك؟
الاختشو ماتو
|
Post: #132
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-08-2011, 12:18 PM
Parent: #127
| Quote: وبرانا بنعرف مستوانا واكيد ما انت,, |
صاح والله
| Quote: كم مرة قلت ليك ما توجه لي اي كلام واني خالص ما عايزة اي تعامل معاك؟ |
لمن تبطلي الهمز واللمز والغمز
دي برضها صاح
الليلة يوم الإعترافات ؟
|
Post: #133
Title: Re: Black Nims او بالعربي معتز القريش !!!!!!!!
Author: على محمد على بشير
Date: 06-08-2011, 05:18 PM
Parent: #132
Quote: لو عايزة اصوط ليك عينك بصوطها ليك عديل كدا وعينك التانية تشوف
|
قرقرقرقرقرقرقرقرقر
اعملى حسابك يا بيان وانتى بتصوطى انك تركزى على العين الشمال فى الصواطه
انتى بس اسمعى كلامى وتانى بترتاحى من التصويب اللغوى خالص خالص
بالجمبه كدا
ما شايفه يا بت عمى انو قصة صواطة العين دى تخينه حبتين فى حق بركوته
وما شايفه برضو انكم ترخوا بعض وما تتقاطعوا فى اى بوست طالما انكم ما قادرين تطيقوا بعض
|
Post: #134
Title: Re: Black Nims او بالعربي معتز القريش !!!!!!!!
Author: أبو ساندرا
Date: 06-08-2011, 06:56 PM
Parent: #133
علي محمد علي بشير :
Quote: اعملى حسابك يا بيان وانتى بتصوطى انك تركزى على العين الشمال فى الصواطه
انتى بس اسمعى كلامى وتانى بترتاحى من التصويب اللغوى خالص خالص |
ههههههههههههههههههههه ، خلاص كشفت ليها نقطة ضعف صاحبك ؟
يخيبك صاحب
|
Post: #135
Title: Re: Black Nims او بالعربي معتز القريش !!!!!!!!
Author: Randa Hatim
Date: 06-09-2011, 08:17 AM
Parent: #134
سلام وتحايا ...
اولا :عذرا على تأخري في الرد لظروف حالت دون ذلك يوم امس ....
الاخ الفاضل ابو محمد "هجو الاقرع"
جزيل الشكر على اهتمامك بما حدث ومكالماتك وكلماتك التي لولاها لما وضع حد سريع لما حدث بيني وبين الاخ معتز القريش .
ثانيا: لكل من تداخل مفترضا ان ما حدث قد انتهى بقاعدة "باركوها" ووفقا لوجة نظر الاخ كمال اقول ان ما حدث قد انتهى وفقا لما يجب ان يكون ..فقد تداخل الاخ معتز مبينا ان ما كتبه لم يكن سوى وسوسة شيطان في لحظة غضب وانه لا يعلم عن رندا حاتم الا كل الخير ...
ثالثا: لمن تساءل عن جدوى ايراد الخاص في العام وان ما يدور من ونسات وحوارات في الخاص لا يجب الزج بها في العام اقول ان ما حدث لم يكن ونسات او حوار مطول فالتواصل بيني وبين معتز القريش قد انقطع تماما منذ مغادرتي للدوحة عام 2009 ولم يكن هنالك اي تواصل على الاطلاق وانما هي رسالة بعثها الاخ معتز القريش من باب التهديد بعد ما حدث في البوست الخاص بالاخت صفية .. وعموما فقد شهدنا في هذا المنبر حوارات في الخاص اتي بها في العام على سبيل المثال لا الحصر كما حدث مع الاخت ميادة كمال والاخ سيف مساعد ولم تواجه بذلك النقد والتوبيخ ... هل هي سياسة الكيل بمكيالين ؟؟؟؟؟
لقد كان طلبي من الاخ معتز واضحا اما ايراد كل ما يعرف عني كما جاء في تهديده او الاعتراف بان هذا الكلام لم يكن سوى وسوسة شيطان في حالة غضب وقد فعل.....ولكن .....بعد ان قام بكتابة مداخلة ثانية لم تكن اقل قبحا من الاولى بل كانت اسوأ واضل سبيلا ... وقد اوضحت له جليا في مكالمتي معه ان الخطوط الحمراء لا يمكن تجاوزها وهو قد فعل وتجاوز جلها.
الخلاصه: ما علق في نفسي من غبار كلمات الاخ معتز القريش لا يمكن تجاوزه او نسيانه وفقا لقاعدة "باركوها" ... اشكر الاخ هجو على محاولته المقدره ... واقناعة لمعتز بالعدول عن الخطأ والاعتراف بالذنب فضيلة .. عليه فقد طويت هذه الصفحه من جانبي وليعلم الجميع ان ما بيني وبين معتز القريش خيره وشره قد ذهب الى غير رجعة .. ولا ارغب في ان يكون هنالك اي تواصل تحت اي مسمى "وان كان اصلا لم يكن منذ مغادرتي الدوحه" في الحاضر او المستقبل معه "ذلك مع وافر تقديري لشخصه ولموقفه الاخير تجاه ما قاله" واعتقد ان الاخ هجو سيتفهم موقفي هذا والذي لا يمكن الا ان يكون هكذا بعد تلك العبارات الجارحه التي استخدمها معتز بحقي في رسالته الاولى وفي مداخلته ايضا.
الاخ معتز القريش : جزيل الشكر على استجابتك الكريمة وعلى تلك الكلمات التي ذكرت .. لا استطيع ان انافق واقول "عفا الله عما سلف" فما حدث قد نال مما كان بيننا من ود وصداقة ... ولكن تبقى مساحة قبول الاعتذار مشرعة بيني وبينك عسى ان تصفي الايام كدر ما حدث والى ذلك الحين "ان شاء الله له ان يكون" لكم دينكم ولي دين.
الاخ كمال على الزين: لا ادري من اين اتيت بفرضية انني ومعتز قد عدنا سمن على عسل واخذت تعيد وتكرر هذا القول مرارا وتكرار ... عموما معتز اقر بان ما قاله هو كلمات في لحظة غضب واقر بانه لا يعلم عني الا كل خير وقد قبلت بما قال لاني لا ارغب سوى في تلك الكلمات التي سطرها ... اما موقفي من معتز فقد كان حري بك التريث حتى تقرأ ردي على الاخ هجو والاخ معتز ثم تكتب ما كتبت .. عموما ... لك شكري وتقديري.
الاخ حسين ملاسي : الحق .. احق بان يتبع
جزيل الشكر على موقفك تجاه ما حدث معي
ولا اراك الله مثله في عزيز لديك
شكرا لكل من قال بحقي كلمة طيبة ... وعذرا ان كنت قد اقحمت الخاص في العام ولكن كما ذكرت اعلاه لم يكن بوسعي غير هذا ..
خالص الشكر اخي ابومحمد "هجو الاقرع"
سلام وتحايا للجميع ...
|
Post: #136
Title: Re: Black Nims او بالعربي معتز القريش !!!!!!!!
Author: معتز القريش
Date: 06-09-2011, 09:29 AM
Parent: #135
الأخت رندا
سلام
ما ورد في مداخلتك في اخراج عجيب لاعتذاري عن سياقه
ومحاولة لاثبات أنني كنت أقصد النيل من شرفك وهذا لم يحدث
قلت أنني اقصد كلامي في سياقه وهو الوصول اليك
وقلت ان كنتي فهمتي غير ذلك فأنا أعتذر
لم أقل أنني أخطأت
هذا فقط للتوضيح ...
ولا أرغب في العودة لهذا الأمر مجداا
|
Post: #137
Title: Re: Black Nims او بالعربي معتز القريش !!!!!!!!
Author: محمد أبوالعزائم أبوالريش
Date: 06-09-2011, 09:37 AM
Parent: #136
Quote: لم أقل أنني أخطأت
هذا فقط للتوضيح ...
ولا أرغب في العودة لهذا الأمر مجداا |
لكنك عدّت يا معتز.
يرحمكم الله .. أوقفوا ما يحدث عند هذا الحد.
الأخت رندا ....
تعلمين أننا، وكل من عرفك شخصياً أو عبر المنبر، نعلم معدنك ولا تؤثر في قناعاتنا مثل هذه الكلمات المدانة بكل تأكيد.
|
Post: #138
Title: Re: Black Nims او بالعربي معتز القريش !!!!!!!!
Author: احمد الأمين على إدريس
Date: 06-09-2011, 09:47 AM
Parent: #135
Quote: سلام وتحايا ...
اولا :عذرا على تأخري في الرد لظروف حالت دون ذلك يوم امس ....
الاخ الفاضل ابو محمد "هجو الاقرع"
جزيل الشكر على اهتمامك بما حدث ومكالماتك وكلماتك التي لولاها لما وضع حد سريع لما حدث بيني وبين الاخ معتز القريش .
ثانيا: لكل من تداخل مفترضا ان ما حدث قد انتهى بقاعدة "باركوها" ووفقا لوجة نظر الاخ كمال اقول ان ما حدث قد انتهى وفقا لما يجب ان يكون ..فقد تداخل الاخ معتز مبينا ان ما كتبه لم يكن سوى وسوسة شيطان في لحظة غضب وانه لا يعلم عن رندا حاتم الا كل الخير ...
ثالثا: لمن تساءل عن جدوى ايراد الخاص في العام وان ما يدور من ونسات وحوارات في الخاص لا يجب الزج بها في العام اقول ان ما حدث لم يكن ونسات او حوار مطول فالتواصل بيني وبين معتز القريش قد انقطع تماما منذ مغادرتي للدوحة عام 2009 ولم يكن هنالك اي تواصل على الاطلاق وانما هي رسالة بعثها الاخ معتز القريش من باب التهديد بعد ما حدث في البوست الخاص بالاخت صفية .. وعموما فقد شهدنا في هذا المنبر حوارات في الخاص اتي بها في العام على سبيل المثال لا الحصر كما حدث مع الاخت ميادة كمال والاخ سيف مساعد ولم تواجه بذلك النقد والتوبيخ ... هل هي سياسة الكيل بمكيالين ؟؟؟؟؟
لقد كان طلبي من الاخ معتز واضحا اما ايراد كل ما يعرف عني كما جاء في تهديده او الاعتراف بان هذا الكلام لم يكن سوى وسوسة شيطان في حالة غضب وقد فعل.....ولكن .....بعد ان قام بكتابة مداخلة ثانية لم تكن اقل قبحا من الاولى بل كانت اسوأ واضل سبيلا ... وقد اوضحت له جليا في مكالمتي معه ان الخطوط الحمراء لا يمكن تجاوزها وهو قد فعل وتجاوز جلها.
الخلاصه: ما علق في نفسي من غبار كلمات الاخ معتز القريش لا يمكن تجاوزه او نسيانه وفقا لقاعدة "باركوها" ... اشكر الاخ هجو على محاولته المقدره ... واقناعة لمعتز بالعدول عن الخطأ والاعتراف بالذنب فضيلة .. عليه فقد طويت هذه الصفحه من جانبي وليعلم الجميع ان ما بيني وبين معتز القريش خيره وشره قد ذهب الى غير رجعة .. ولا ارغب في ان يكون هنالك اي تواصل تحت اي مسمى "وان كان اصلا لم يكن منذ مغادرتي الدوحه" في الحاضر او المستقبل معه "ذلك مع وافر تقديري لشخصه ولموقفه الاخير تجاه ما قاله" واعتقد ان الاخ هجو سيتفهم موقفي هذا والذي لا يمكن الا ان يكون هكذا بعد تلك العبارات الجارحه التي استخدمها معتز بحقي في رسالته الاولى وفي مداخلته ايضا.
الاخ معتز القريش : جزيل الشكر على استجابتك الكريمة وعلى تلك الكلمات التي ذكرت .. لا استطيع ان انافق واقول "عفا الله عما سلف" فما حدث قد نال مما كان بيننا من ود وصداقة ... ولكن تبقى مساحة قبول الاعتذار مشرعة بيني وبينك عسى ان تصفي الايام كدر ما حدث والى ذلك الحين "ان شاء الله له ان يكون" لكم دينكم ولي دين.
الاخ كمال على الزين: لا ادري من اين اتيت بفرضية انني ومعتز قد عدنا سمن على عسل واخذت تعيد وتكرر هذا القول مرارا وتكرار ... عموما معتز اقر بان ما قاله هو كلمات في لحظة غضب واقر بانه لا يعلم عني الا كل خير وقد قبلت بما قال لاني لا ارغب سوى في تلك الكلمات التي سطرها ... اما موقفي من معتز فقد كان حري بك التريث حتى تقرأ ردي على الاخ هجو والاخ معتز ثم تكتب ما كتبت .. عموما ... لك شكري وتقديري.
الاخ حسين ملاسي : الحق .. احق بان يتبع
جزيل الشكر على موقفك تجاه ما حدث معي
ولا اراك الله مثله في عزيز لديك
شكرا لكل من قال بحقي كلمة طيبة ... وعذرا ان كنت قد اقحمت الخاص في العام ولكن كما ذكرت اعلاه لم يكن بوسعي غير هذا ..
خالص الشكر اخي ابومحمد "هجو الاقرع"
سلام وتحايا للجميع ... |
like!!
|
|
|