Post: #1
Title: الخارجية : البشير عازم علي زيارة (اوسيف)وليس حلايب ؟
Author: omar alhag
Date: 06-05-2011, 07:25 AM
الاحداث الاحد 5 يونيو العدد (1302) الصفحة الاولي
حمل وزير الخارجية في مصر والسودان علي وسائل الاعلام بكلا البلدين واتهماها بمحاولة اثارة قضية حلايب وتحمليهما الكثير من الحساسية.
وقد يسأل سائل...
الخبر الذي توشحت به الصحف السودانية وخصوصا ( صحف النظام) والمانشتات العريضة وشرائط التمرير بتلفزيونات المؤتمر الوطني بل كاد ان يصل الامر الي منابر المساجد وخطبة الجمعة للتبشير بالزيارة (التاريخية).
وبالرغم من تلك الهيصة والهيلمانة الاعلامية لم ينبري احدهم ولو( بنص) كلمة لتوضح بان الزيارة لمنطقة (اوسيف السودانية) وليس حلايب ذات العلم المصري والجيش المصري والخبز المصري ويسكنها حوالي 150 الف مواطن سوداني ، وهل ضربت صحف الخرطوم الرمل ام ذهب رؤساء تحريرها الي (ست الودع) في نوع من التوسل علي قرار الاغنية السودانية ( ست الودع ارمي الودع كدي كشكشي اكان فيهو شي)
فهل من المعقول ان تحمل الخارجية السودانية الصحافة جريمة (إثارة الفتنة) بعد وصول وزير الخارجية المصري فاالخبر يمثل حالة زوغان بائنة ............
نواصل
|
Post: #2
Title: Re: الخارجية : البشير عازم علي زيارة (اوسيف)وليس حلايب ؟
Author: Wasil Ali
Date: 06-05-2011, 07:31 AM
Parent: #1
Quote: بورتسودان (smc)
اعلنت حكومة ولاية البحر الاحمر عن زيارة مرتقبة لرئيس الجمهورية المشير عمر حسن احمد البشير الى محلية حلايب في شهر يونيو الجاري لافتتاح عدد من المشروعات التنموية والخدمية ضمن زيارته لولاية البحر الاحمر .
وكشف الدكتور محمد طاهر ايلا والى الولاية في تصريح لـ(smc) عن جملة من المشروعات التنموية والخدمية التى سيقوم رئيس الجمهورية بافتتاحها مشيراً الى انها تعتبر الزيارة الاولى لرئيس الجمهورية الى محليات الولاية لافتتاح مشروعات تنموية بها و تشمل (7) محليات يقوم رئيس الجمهورية من خلال الزيارة بتدشين المشروعات التنموية بها ومن ضمنها محلية حلايب .
واوضح ايلا في ذات السياق بان الولاية اعدت برنامجا حافلاً للسيد الرئيس سيقف من خلاله على مشرووعات التنمية التىً انجزتها الولاية خاصة المتعلقة بالتنمية الموجهة للانسان ومساعدته لايجاد سبل كسب العيش الشريف، مبيناً بان رئيس الجمهورية سيشهد تمليك الولاية لاكثر من (180) قارب صيد لمواطن الولاية تم تمويلها من التمويل الاصغر وديوان الزكاة اضافة الى قيام حكومة الولاية بتسليم (400) من الحرفيين مواقع انتاج بجانب جملة من المشروعات التنموية والخدمية التى توفر لمواطنيها احتياجاتهم الاساسية من صحة وتعليم ومواقع انتاج . |
|
Post: #3
Title: Re: الخارجية : البشير عازم علي زيارة (اوسيف)وليس حلايب ؟
Author: omar alhag
Date: 06-05-2011, 07:35 AM
Parent: #2
واصل ياواصل
ممنون للمرور والمشاركة
|
Post: #4
Title: Re: الخارجية : البشير عازم علي زيارة (اوسيف)وليس حلايب ؟
Author: انتصار محمد صالخ بشير
Date: 06-05-2011, 08:25 AM
Parent: #3
الاخ عمر
سلام عليكم
الحكومة السودانية مفترض تكون شجاعة وتعترف انها تركت حلايب للمصريين
للمعلومية ان الطريق الساحلى بين بورتسودان ومصر مكتمل ليه فترة سبب عدم افتتاحه ان المصرين قالو نقطة الجمارك والتفتيش هى اوسيف والسودانين ان وافقوا سيكون اعتراف مؤكد بان حلايب مصرية
ما قادرين يعملوا او يقولو شئ
الله المستعان على حال السودان
|
Post: #5
Title: Re: الخارجية : البشير عازم علي زيارة (اوسيف)وليس حلايب ؟
Author: omar alhag
Date: 06-05-2011, 08:38 AM
Parent: #3
وكشف الدكتور محمد طاهر ايلا والى الولاية في تصريح لـ(smc) عن جملة من المشروعات التنموية والخدمية التى سيقوم رئيس الجمهورية بافتتاحها مشيراً الى انها تعتبر الزيارة الاولى لرئيس الجمهورية الى محليات الولاية لافتتاح مشروعات تنموية بها و تشمل (7) محليات يقوم رئيس الجمهورية من خلال الزيارة بتدشين المشروعات التنموية بها ومن ضمنها محلية حلايب .
بعد حادثة طرد المنظمات من دارفور بقرار من والي الولاية(غربا) الامر الذي استنكرته الخارجية هاهي ذات الخارجية تصطدم بالوالي شرقا
ففي الوقت الذي اعلن فيه د. ايلا عن زيارة رئيس الجمهورية لمنطقة حلايب نفي السيد وزير الخارجية بل ذهب الي ابعد من ذلك بان كلمة حلايب لم تورد في سياق الخبر وانما ابتدعته صحافة الخرطوم الساعية للفتنة والوقيعة بين مصر والسودان ؟؟؟؟
فهل يعقل ان تكون الخارجية نايمة (علي ودانا) طوال هذه الفترة؟؟؟؟؟؟؟؟؟؟
كلاكيت تاني مرة
الوالي Vs وزير الخارجية
|
Post: #6
Title: Re: الخارجية : البشير عازم علي زيارة (اوسيف)وليس حلايب ؟
Author: omar alhag
Date: 06-06-2011, 12:59 PM
Parent: #5
up
|
Post: #7
Title: Re: الخارجية : البشير عازم علي زيارة (اوسيف)وليس حلايب ؟
Author: قاسم المهداوى
Date: 06-06-2011, 01:07 PM
Parent: #6
معقولا بس فى ناس كدا
مع كامل الاعتزار للاغنية
عمر الحاج
سلااااامات ياخ واشواق كميات
عارف يا عمر الناس ديل حرامية ساكت ناس بلع بس
ولا كـــــــــــــــــــــــيف ؟؟؟
قاسم
|
Post: #9
Title: Re: الخارجية : البشير عازم علي زيارة (اوسيف)وليس حلايب ؟
Author: omar alhag
Date: 06-06-2011, 01:21 PM
Parent: #7
يا مهدواي .. يا جميل ...............ازيك .. يا شاب
تشطر وزير الخارجية بان ابيي سودانية وصلو فيها العصر ورفعو العلم السوداني ( تخيل داخل اراضي سودانية) مع العلم بان علم السودان مرفوع في جوبا حاضرة جنوب السودان ؟؟؟؟؟؟؟؟؟
اما شرقا جهة الصورايخ والجيش المصري والضرب المكّرب يلف و يزوغ الجماعة وتزوغ السيادة في طي بياناتهم العنترية تارة وال.... تارة اخري
ولا كيف
|
Post: #8
Title: Re: الخارجية : البشير عازم علي زيارة (اوسيف) وليس حلايب ؟
Author: فايزودالقاضي
Date: 06-06-2011, 01:14 PM
Parent: #6
عمر سلامات ...
| Quote: الخارجية : البشير عازم علي زيارة (اوسيف)وليس حلايب ؟ |
ذكروني نكته : قالوا أمن القطر -او اى كان اسمه - لقوا بطانية ملفوفة ودخلوا لكبينة الركاب وقالوا ليهم البطانية دي بتاعة منو ؟ مافي زول قال حقته ...في النهاية واحد ماحقته لكن قال مادام ماعندها صاحب اقول حقتي ..قال ليهم حقتي ..قالوا ليه طيب تعال ودخلوا بيهو كبينة الادارة وفتحوا ليه لفة البطانية ولمن شافها كلها ملانة (بنقو) زولك اتخلع وقال ليهم انتو قلتو بطانية ولا بطارية ؟!!..
ناسنا ديل زنقتهم صعبة خلاص فاوسيف مازي حلايب عشان يشوفوا مخرج زي ده ..يحلهم الحلا ام تيدروس ...
|
|