Post: #2
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 12:54 PM
Parent: #1
like
|
Post: #3
Title: Re: دعوة للانضمام في مجموعة بالفيسبوك
Author: عمر صديق
Date: 06-01-2011, 01:02 PM
Parent: #2
اساسي سلامات
وبكري رغم انحيازه الواضح للمناضلين من قبائل اليسار
الا ان عدم انتماءه لهم بالكامل
هو الذي يجعل ادارته بها نوع من الديمقراطية المنعدمة عند اهل اليسار في اي مكان واي زمان
لذلك نؤيد استمراره واستبعاد اشراكهم باي صورة لانهم لايعرفون الا ان يشقوا اعداءهم عرض وطول
|
Post: #4
Title: Re: دعوة للانضمام في مجموعة بالفيسبوك
Author: اساسي
Date: 06-01-2011, 01:06 PM
Parent: #3
شكرا يا تامبا
وشكرا اخي عمر صديق
لنقف سدا منيعا ضد استيلاء مجموعات بعينها علي ادارة سودانيز اون لاين ووضع يدها علي المنبر لتمرير اهدافها
سودانيز اون لاين للجميع ولايجب ان يستولى علي ادارته فئة لتمرير اجندتها
|
Post: #7
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 01:17 PM
Parent: #4
Quote: شكرا يا تامبا
وشكرا اخي عمر صديق
لنقف سدا منيعا ضد استيلاء مجموعات بعينها علي ادارة سودانيز اون لاين ووضع يدها علي المنبر لتمرير اهدافها
سودانيز اون لاين للجميع ولايجب ان يستولى علي ادارته فئة لتمرير اجندتها |
..
شكرا اساسي ..
أرجو أن اضيف فيما يتعلق بي سياسة الادارة التي ينتهجها بكري ابوبكر مالك الموقع .. فهي إدارة بطريقة وجب الالتفاف حولها ودعمها بكل المتاح .. والتفهم الجيد لوجهة نظر مالك الموقع ..
كما اشير إلى قوانين ولوائح الموقع التي تم وضعها من قبل قانونيين من عضوية الموقع من اماكن متفرقة حول العالم .. كل يمثل انتمائيه الحزبي لكن تجمعهم المهنية ..
واذكر ان اللائحة تم وضعها وتعليقها أعلى المنبر لفترة طويلة جدا وواقف عليها الجميع .. بالاجماع ..
لكن
أن تكون للبعض طرق محددة ينوون بها إدارة المنبر والمشاركة وكسر عنق اللائحـة .. فهذا ما وجب الوقوف عنده ..
واعتقد أن الخسران هو من يترك قلمه مبشرا بالديمقراطية .. ثم يعود ليمارس الدكتاتورية في ابشع صورهـا ...
واعتقد جازمـا .. أن المحصلة النهائية .. عودتهم الواحد تلو الآخــر .. وذلك بعد أن اتضح تماما أن مالك الموقع .. وحتى الموقع لن يتاثر بذهـاب فلان .. أو فلانـه .. فكما يعتقد البعض انهم دعامة هذا المكان .. بكتاباتهم .. فهناك من الاقلام من هي جديرة بالبقاء وجعل المنبر اكثر قوة ..
إذ لا يتاثر الموقع بذهاب فلان .. أو بقائه .. فالينظر بعضهم كيف كان الموقع .. قبلهم .. وهل سيقف عندهم ..؟
لااعتقد ذلك ..
|
Post: #5
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-01-2011, 01:08 PM
Parent: #3
انت وتمبس اتصالحتو ولا شنو ؟!!
فعلاً وكما قال سيف مساعد في رواية موضوعة( مااجتمع اساسي وتمبس الا وكان التآمر ثالثهما) ..
اوكما لم يقل ..
ـــــــــــــــــ
الجماعة قطعوا مننا الفيس وراسنا اتقطع معاه ..
|
Post: #6
Title: Re: دعوة للانضمام في مجموعة بالفيسبوك
Author: منال
Date: 06-01-2011, 01:12 PM
Parent: #5
لاااااااااااااااااااااااايك
ختنى المديرة لو سمحت 
|
Post: #8
Title: Re: دعوة للانضمام في مجموعة بالفيسبوك
Author: محمد أبوالعزائم أبوالريش
Date: 06-01-2011, 01:21 PM
Parent: #6
| Quote: سودانيز اون لاين للجميع ولايجب ان يستولى علي ادارته فئة لتمرير اجندتها |
هسي ده إعجاب بي سياسة بكري، والا قدح في مصداقيته؟
غايتو،
|
Post: #9
Title: Re: دعوة للانضمام في مجموعة بالفيسبوك
Author: محمد البشرى الخضر
Date: 06-01-2011, 01:25 PM
Parent: #8
يا معلم بوست جادي للنقاش ندلي دلونا ولا نظام فقع مرارة ساي؟
|
Post: #10
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 01:28 PM
Parent: #9
| Quote: انت وتمبس اتصالحتو ولا شنو ؟!! |
بدري جدا والله يا فايز .. اساسي من الذين لا اقدر على فراقهم مهما حدث .. هو اخي الكبير .. ومنه تعلمت الكثير ..
ياخ مش قاليك مصارين البطن بتتشاكل .. ؟؟
..
|
Post: #13
Title: Re: دعوة للانضمام في مجموعة بالفيسبوك
Author: اساسي
Date: 06-01-2011, 01:37 PM
Parent: #10
تمبس كتب :
اها طلعني قدر سيدنا نوح الليلة
ـــــــ
يا ود البشري انت بالذات عندك مواقف شخصية مع بكري فامشي بي غباينك دي افتح بيها بوست براك
ــــــــــ
يا ابو الريش كيف قدح في مصداقية بكري ؟ ادارة بكري الحالية كافية جدا لعمل موازنات حقيقية في المنبر وعدم تغليب وانحياز المنبر لفئة وجماعة ضد اخرين , بصراحة ما عندنا ثقة في المطالبين بدخولهم في الادارة .
ــــــــ
فايز ان شاء الله يقطعوا منكم المرتب لي قدام ^_^ , بعدين في موامرة اكتر من اشارتك الخبيثة اعلاه
|
Post: #14
Title: Re: دعوة للانضمام في مجموعة بالفيسبوك
Author: محمد البشرى الخضر
Date: 06-01-2011, 01:41 PM
Parent: #13
خلاص يا اساسي الفكرة وصلت
آدي دلوي شايلو ومارق بيه
|
Post: #12
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-01-2011, 01:36 PM
Parent: #6
تمبس ...سلامات ..
Quote: كما اشير إلى قوانين ولوائح الموقع التي تم وضعها من قبل قانونيين من عضوية الموقع من اماكن متفرقة حول العالم ..
كل يمثل انتمائيه الحزبي لكن تجمعهم المهنية .. |
القانونيين ديل ياتمبس وضعوا قوانين كل المنابر والمنديات في العالم ولا شنو ؟!! لاني شايف البند ده -أدناه -
في كل منبر ومنتدى :
Quote: ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر
الأسباب. |
ماعارف القانونيين استندوا على ياتو قانون لسن هذا البند في اللائحة خاصة (دون ذكر الاسباب ) !!
ده بند ماعنده علاقة بالقانون ولا بالحقوق ..
|
Post: #15
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 01:49 PM
Parent: #12
| Quote: القانونيين ديل ياتمبس وضعوا قوانين كل المنابر والمنديات في العالم ولا شنو ؟!! لاني شايف البند ده -أدناه - في كل منبر ومنتدى : |
والله يا فايز الجميع يعلم هنا .. أن القوانين تم وضعها بالكيفية التي تراهـا وهي مستحدثة من لائحة قبلها ..
ولو راجعت في بداية اللائحة:
| Quote: ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. |
هذا يضمن للادارة حرية اضافة أو الغاء ما وجب بعد ذلك من اضافات تستحق أو حذف يستحق .. وبتسجيل العضو أو العضوة يكون وافق ضمنيا على هذه السياسة وكيفية إدارة المنبر ..
تستحدث هذه اللائحة وفقما تراه الادارة متمثلة في صاحب الموقع ..
ويمكن ان تلاحظ مثالا من البند (18) في اللائحة وبعد البنود التي تليه .. انها استحدثت نتاج لبعض الممارسات السلوكيات التي انتهجها البعض كان الغرض منها التخريب .. للمنبر ..
وهذه فترة يا فايز عايشها الجميع .. وكل بند وضع بعناية شديدة ..
| Quote: ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب |
العبارة اعلاه ستجدها في اي موقع الكتروني منتشرة .. ولا ضير أن تجد هناك قوانين ولوائح مختلفة وسمتحدثة في كل موقع حسب ما يراه مناسبا .. وحسب ما يضمن له الاستمرارية .. لكن ما اعرفه .. هو وضع هذه اللوائح كما اشرت من قبل قانونيين .. واستحدثت من قبل قانونيين ..
فكان ان وافق عليها البعض ورفضها الآخـر .. فهل سيتم وضع بنود ولائحة ليتعامل بها كل فرد وفق هواه .. وحسب ميولو الحزبي .. وحسب وجهة نظره الخاصة به؟
|
Post: #20
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-01-2011, 02:26 PM
Parent: #15
Quote: فهل سيتم وضع بنود ولائحة ليتعامل بها كل فرد وفق هواه .. وحسب ميولو الحزبي ..
وحسب وجهة نظره الخاصة به؟ |
ماقصدت كده ياتمبس ..لكن اللاوئح والبنود في المنابر والمنتديات وضعت لتنظم
العلاقة بين الادارة واعضاء المنبر ولم توضع لتنظم مهام الادارة وكيفية تنفيذ سلطاتها..
لابد ان تتطور القوانين بما يجعل العلاقة اكثر ديمقراطية واكثر مرونة ..
فالناس ماعايزة غير الوضوح في ممارسة هذه الحقوق ...والبنود تكون اكثر تحديداً
ولكل فعل مخالف عقوبة بعد الاخطار ...
|
Post: #24
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 02:38 PM
Parent: #20
Quote: ..لكن اللاوئح والبنود في المنابر والمنتديات وضعت لتنظم
العلاقة بين الادارة واعضاء المنبر ولم توضع لتنظم مهام الادارة وكيفية تنفيذ سلطاتها.. |
.. وايضا يا فايز وضعت من أجل المحافظة على الموقع نفس الموقع الذي سيمارس فيه العضو اولا قبل كل شي الحق المكفول له بعيدا عن سياسة المكان الذي وافق غيرا ملزما على قانونه ايا كان شكله ..
هل وضع من ضمن اللائحة .. ما يشير إلى مشاركة العضو وشرعيته وحقه الكامل في مقاسمة الادارة شئونها ..؟ لا
بالمقابل ماذا كفل للعضو من حقوق .. ؟
كفلت له الادارة الحفاظ على حقه حال تم الاعتداء عليه من قبل زميله الآخــر يشاركه نفس المكان .. وليس من آخر خارج هذه المساحة .. ما يقابله العضو من خارج المساحة نتاج تفريطه وعدم درايته .. ليس للادارة شأن فيه .. الادارة اعطتك حرية أن تعبر عن وجهة نظرك بالطريقة التي أنت مسؤول عنها .. وهي نفس الإدارة تتخلى عنك وتملك كافة الخصوصية المتعلقة بك .. إلى جهات قانونية وهذا ما حدث هنا .. فهل عارض احدهم في هذا البند ..؟
| Quote: لابد ان تتطور القوانين بما يجعل العلاقة اكثر ديمقراطية واكثر مرونة .. |
..
نعم يا فايز .. جينا من حيث ابتدينا ..
تتطور القوانين من قبل الإدارة .. لا أن تشارك الإدارة .. لا أن تتدخل في كيفية إدارتها
|
Post: #25
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-01-2011, 02:50 PM
Parent: #24
| Quote: هل وضع من ضمن اللائحة .. ما يشير إلى مشاركة العضو وشرعيته وحقه الكامل في مقاسمة الادارة شئونها ..؟ |
دي حاجة ماطالبت بيها.. وحتى لو طالب بيها الاخوة الاخرون فانا بختلف معاهم فيها فالشغلة ماحزب سياسي..المنبر هو مكان للكتابة بكل اشكالها وعايز مساحة من الحرية مع ضبط ادارى فيه قدر من الشفافية والوضوح في تطبيق لائحته ...يعني ياتمبس انت فعلت كدا واخدت جزاءك بموجب البند رقم كده مش امسك اقطع من غير توضيح اسباب ..دي نقطة خلافي مع البند المذكور ..
|
Post: #11
Title: Re: دعوة للانضمام في مجموعة بالفيسبوك
Author: دينا خالد
Date: 06-01-2011, 01:33 PM
Parent: #3
وانت ما تمشى تسكن فى الفيس بوك
وتجى تنادينا هناك .. سمح ؟
ترحل بى جسمك وقلبك معانا ...
لووووووووووب دا فى حالة كونو فى قلب ذاتو
اها قووول خلصت سمعة بكرى من الهجمة الشرسة
بتاعت الجماعة ...
تانى البخلص بكرى من سمعتك انت شنو ؟؟
غايتو كان سألونى انا بكرى اخير لى ديك ...
سمعه لى سمعه اخير الخفيفة ..
ـــــــــــــ
الرسول فيك يا اساسى ووالله ما تقول شى كان
ما نزلت لينا الوثيقة البقولوا عليهادى هنا ..
غايتو انا فارق معاى شديييييد توقف عصام جبر الله
وعماد عبد الله ديل معاهم ؟؟
|
Post: #16
Title: Re: دعوة للانضمام في مجموعة بالفيسبوك
Author: يازولyazoalيازول
Date: 06-01-2011, 01:50 PM
Parent: #11
أساسى ، إنت زول ما مضمون
شكلك عايز تعادى الراجل ساى
غايتو أنا ما معاكم
|
Post: #18
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 02:13 PM
Parent: #16
سيظل هذا الموقع .. هو الاصل .. وهو الاب الروحي للكثير من المواقع ..
لا يتوهم البعض .. انه من اضاف لهذا المكان قوته .. ونفوذه ..
إذا كان ولابد من ذلك .. فهذا المكان هو قوي بتنوعه .. بالرأي والراي الآخــر .. لا شيوعي كان له الفضل ,, ولا كوز .. ولا حزب أمة ولا مستقل .. ولا ولا ولا ..
للضحكونجية .. مكان هنا
للجادين.. مكان هنا
للسسياسيين .. والرياضيين .. وإلخ ..
هو الواقع الذي نمارس فيه سايبرنا ..
لا يعتقد من كان ينضم إلى اي حزب أن المكان هذا صمم من أجله ليأتي ويمارس اسقاطاته فينا .. من أي حزب كان ..
لا يعتقد احدهم أنه رقم كبير جدا .. في هذا السايبر .. وأنه بمجرد الكتابة في سودانيزاونلاين .. هو معلم بارز للامـة ووجب تقديس كلماته .. وهتاويله التي ياتينا بها من حين لاخر ..
شخصيات اتعرفت في هذا المكان من عدم .. وأخرى لجأت إلى هذا المكان لمزيد من التلميع والظهور .. فهل يتم قبولهم في مواقع أخرى ..؟ وهل سيتمتعون بنفس ما لهم هنا من صلاحيات ..؟
لا اعتقد ..
هذا المكان .. قامت من تحته العديد من المواقع .. الضد .. والجميع يعلم ذلك .. قامت العديد من المواقع موجه ضد صاحب الموقع .. وضدعضويته .. فإلي أين وصل الحال بها ..؟ بالمقابل ظل هذا الموقع كما هو .. وذلك بعضويته وتنوعها .. وطريقة ادارته من صاحبة الذي لا شريك له في الادارة إلا من يراه مناسبا له سرا أو علانية .. أو من يوظفه ويدفع له من حـر ماله ..
إذن ..
فلنرى إذا استمر الذين يحاولون تاليب البعض على الموقع .. وعلى شكل إدارته .. اذا استمروا في نهجهم .. ومحاولتهم لاستعمال ديمقراطية غابتهم .. لنرى من هو الخاسر .. وهل يستطيعون الصمود .. أم أنهم سيلجأون إلى خيارات .. التحنيس .. أو كما فعل بعضهم تسلل خلسة غلى المكان الطبيعي ، بعد أن ضرب بعريضتهم عرض الحائط
|
Post: #22
Title: Re: دعوة للانضمام في مجموعة بالفيسبوك
Author: محمد البشرى الخضر
Date: 06-01-2011, 02:33 PM
Parent: #18
يا تامبا حتى لو كان البعض يسعى للتأليب على ادارة بكري او مقالعته فيها فالحق يقال دا ماراي الجميع
انا كنت في القروب المعني ودخلت في النقاشات الكتيرة المدورة هناك و الآراء متباينة ما يجمع الكل هو حبهم للموقع و حرصهم على مصلحته و رغبتهم في تطوره واستمراره بنفس القوة و المكانة
قد تختلف رؤاهم في كيفية الوصول للاهداف دي
انا شخصيا مقتنع بمسالة ملكية بكري للموقع ودي حقيقة لا يجب تجاوزها او انكارها بل يجب التعامل معها
لكن في نفس الوقت لنا حق باعتبارنا اعضاء هنا قول حق العشرة ساي
أو حق قولة يا بكري كدا غلط أو شايفنه غلط
حتى اللائحة يا تمبس اذا تجاوزنا عن المواد في رقبتها في كلام كتير عن تطبيقها و طريقة التطبيق و انتقائيتها
المشكلة شنو لو بكري يسمع راي الناس او يديهم فرصة من الاساس يقولوه دا لا يعد منازعة ليه في ملكه
ما اهو قاعد يسمع للاقتراحات الفنية - ايقونة الأبيوز مثلا دا كان اقتراح من معاوبة -
________________________
الدلو لي تمبس يا اساسي ما تجي تتماسخ بالله
|
Post: #26
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 02:52 PM
Parent: #22
Quote: حتى اللائحة يا تمبس اذا تجاوزنا عن المواد في رقبتها في كلام كتير عن تطبيقها و طريقة التطبيق و انتقائيتها
المشكلة شنو لو بكري يسمع راي الناس او يديهم فرصة من الاساس يقولوه دا لا يعد منازعة ليه في ملكه
ما اهو قاعد يسمع للاقتراحات الفنية - ايقونة الأبيوز مثلا دا كان اقتراح من معاوبة - |
تمام يا ود البشرى .. انا هنا تعرضت للظلم اكثر من مرة من شخوص أرى ان اللائحة صعب مجرد التفكير في أن تطبق فيهم ..
اتحذفت لي العديد من البوستات ..
وبوستات لا اعتقد انها تمس احدهم .. لكن اختلاف النظرة الحزبية لبعضهم .. هو المحرك الطبيعي لاقصاء الآخــر ..
اعتقد ان اللائحة مرت بالعديد من المواسم من قيام هذا المنبر .. واعتقد ان بكري سمع للكثير في فترات زمنية مختلفة واعتقد انه سيسمع .. لكن يا ود البشرى تعلم جيدا .. اختلفت الكثير من المفاهيم .. ومنبر الامس الذي احتضن في فترة ما الشوعيين .. والحركة الشعبية .. وحق .. والكيزان .. والجمهوريين .. ستجد في موسم ما .. بانرات في اعلى الموقع .. تحدثنا عن ماكينات الجلخ والسحق .. وإلخ
اعتقد انه اذا كان طرح وجهة النظر بطريقة مقبولة .. بعيدا عن احاكة المؤامرات اعتقد ان الجميع كان سيجد ما يكفل له ذلك .. إلا أن بعضهم .. استطال بداخله الغرور .. وتمدد آخـر حاجة .. واعتقد بأنه اي حاجة وكل حاجة .. وانه معامل ضغط .. وكلامه ح يمشي زي السير ..
Quote: فالحق يقال دا ماراي الجميع
انا كنت في القروب المعني ودخلت في النقاشات الكتيرة المدورة هناك و الآراء متباينة ما يجمع الكل هو حبهم للموقع و حرصهم على مصلحته و رغبتهم في تطوره واستمراره بنفس القوة و المكانة
قد تختلف رؤاهم في كيفية الوصول للاهداف دي |
اتفق معك يا ود البشرى واعلم جيدا ان فيهم من هو موضوعي جدا يتعامل مع الآمر من أجل الجميع لكن في نفس الوقت اعلم جيدا أن فيهم من يسعى لمكاسب شخصية وفيهم من يعتقد أنه طالع فيها وهي ماشة .. واعتقد ان كان هناك من هو يدعي للاصح .. كان وجب عليه اولا التحلي بالديمقراطية والشجاعة الكاملة في قبول الآخر .. لا حمل العصاء والسعي إلى محاولات التأديب وفرض الرأي بطول اللسان ..
أقول قولي هذا يا ود البشرى وعلى مقدرة عالية جدا من قوله لي اكبر واحد فيهم .. واكبر واحدة .. في تلك المجموعة الاقصائية ..
| Quote: لكن في نفس الوقت لنا حق باعتبارنا اعضاء هنا قول حق العشرة ساي |
نعم يا ود البشرى .. حق العشرة .. هو ما وجب الوقوف عنده .. اضف لذلك .. غير العشرة .. هناك رد جميل .. ايضا .. بعضهم كان انضمامهم لهذا المكان بواسطة البعض .. والبعض كان انضممه هنا بواسطتهم .. لكن صدقني عندما تتضخم الذات .. تسقط كل الاقنعة ..
|
Post: #27
Title: Re: دعوة للانضمام في مجموعة بالفيسبوك
Author: Tragie Mustafa
Date: 06-01-2011, 02:52 PM
Parent: #16
اساسي سلام
بالله قلت لي:
| Quote: بصراحة ما عندنا ثقة في المطالبين بدخولهم في الادارة . |
بالله ديل منو؟؟؟
يعله سامي صلاح داك البرنا بعريضه طويله التقول قايله برلمان مش منبر؟؟؟
يا حبيب قول لهم البثق فيكم منو؟؟؟
اذا كانوا هؤلاء بقية شلة مركز الخاتم عدلان
هو انتو المركز لعنتوا ابو يومه عايزننا نثق فيكم هنا تبرونا كمان؟؟؟
كي يا اساسي
جيب لينا الاسماء اولا.
ثانيا:كوني وتمبس في موقف واحد دي داير ليها (وقفه)(وجه غامز لتمبس)
ثالثا:
قد اكون مجموعه في الفيسبوك
لا لها علاقه بتلك المجموعه ولا مجموعتك
فنصيبنا نحن اهل السودان كما يبدو هو ان نتفق بان لا نتفق!
|
Post: #17
Title: Re: دعوة للانضمام في مجموعة بالفيسبوك
Author: Magdi Ahmed Elsheikh
Date: 06-01-2011, 02:03 PM
Parent: #11
سلام ياشباب..
ارجو تنوير الاعضاء في غير اسهاب بما جرى و يجرى..!
الهدف والمضمون من المجموعه..!
شكرن..!ِ|
_________
صبرا صبري ..!
|
Post: #19
Title: Re: دعوة للانضمام في مجموعة بالفيسبوك
Author: صلاح غريبة
Date: 06-01-2011, 02:24 PM
Parent: #11
اخوي اساسي والله فكرة رائعة
ونحن من خلفك
انا وحبوبتي و كل اصدقائي وصديقاتي ( عندي في حساب 5000 صديق وفي حساب اخر 2000 صديق ولسع ما حصرت باقي الحسابات )
أعجبني
|
Post: #21
Title: Re: دعوة للانضمام في مجموعة بالفيسبوك
Author: أمين محمد سليمان
Date: 06-01-2011, 02:30 PM
Parent: #19
يا مجدي ، سلام Quote: سلام ياشباب..
ارجو تنوير الاعضاء في غير اسهاب بما جرى و يجرى..!
الهدف والمضمون من المجموعه..!
شكرن..!ِ|
|
أنا بنورك (في غير اسهاب بما جرى و يجرى ) إنت بس أضمن لي البوست ما يتسحب !!
|
Post: #23
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-01-2011, 02:35 PM
Parent: #21
| Quote: أنا بنورك (في غير اسهاب بما جرى و يجرى ) إنت بس أضمن لي البوست ما يتسحب !! |
انا بضمن ليك البوست مايتسحب لكن مابضمن انك ماتتسحب ..
ـــــــــــــ
وينك ياامينوف ..ليك وحشة والله ..
|
Post: #28
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 03:00 PM
Parent: #23
| Quote: ثانيا:كوني وتمبس في موقف واحد دي داير ليها (وقفه)(وجه غامز لتمبس) |
كدي دقيقة يا بتاعت ثانيا دي ..
ووين معاك في سرج واحد ..؟
إنت متذكرة طردتي كم واحد وجدعتيهم بي فوق راس السيرفر ..؟؟
انا القدامك دا .. مرتين اتنين .. حسع دي جاية تقولي لي عودي راكــب ..؟
ووين في الحياة الكلام دا ..؟
ما يستفاد من حديثك دا .. الحتة بتاعت مركز الخاتم عدلان دي .. ويلا عليك الله اعرشي علي كدا ..
تلاتة وجوه غامـزة :
واحد ليك ..
وواحد لي ادروته
والخمسة الباقيات لي ريماز ..
|
Post: #29
Title: Re: دعوة للانضمام في مجموعة بالفيسبوك
Author: أمين محمد سليمان
Date: 06-01-2011, 03:03 PM
Parent: #23
سلام يا فايز و لعلك بخير ياخي Quote: انا بضمن ليك البوست مايتسحب لكن مابضمن انك ماتتسحب ..
ـــــــــــــ
وينك ياامينوف ..ليك وحشة والله .. |
الحاصل هنا ده يضحك بجمبه و يبكي بالتانيه : هسي عليك الله شوف أساسي ده إبتذل كلام الناس دي كيف !!
غايتو أنا حارس ضمانات مجدي عشان أجي انداح ليكم هنا !!
|
Post: #32
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-01-2011, 03:08 PM
Parent: #29
| Quote: غايتو أنا حارس ضمانات مجدي عشان أجي انداح ليكم هنا !! |
امسك في تمبس او اساسي ..مجدي ده ماظنيت عنده مقدرة يضمن ..ده لو هو ذاته هسه قاعد ..
انداح يازول مابتجيك الحبة ..
|
Post: #30
Title: Re: دعوة للانضمام في مجموعة بالفيسبوك
Author: معتصم محمد صالح
Date: 06-01-2011, 03:06 PM
Parent: #23
يا عمك مشينا ننضم لقيناها مقفولة ..
|
Post: #31
Title: Re: دعوة للانضمام في مجموعة بالفيسبوك
Author: tmbis
Date: 06-01-2011, 03:06 PM
Parent: #30
المجموعة فاتحة جدا يا نيستا .. بقول الكلام دا وانا آدمـن بي هناك ..
|
Post: #33
Title: Re: دعوة للانضمام في مجموعة بالفيسبوك
Author: أمين محمد سليمان
Date: 06-01-2011, 03:31 PM
Parent: #31
| Quote: مجدي ده ماظنيت عنده مقدرة يضمن ..ده لو هو ذاته هسه قاعد |
يا فايز : ما عندي وقت ولا أخلاق اكتب لي كلام كتير عشان بكري يجي يمسحو في ثانيه ، و صدقني لو مجدي ضمن لي كلامي ما يسحب ما بنسحب !!
|
Post: #34
Title: Re: دعوة للانضمام في مجموعة بالفيسبوك
Author: haroon diyab
Date: 06-01-2011, 03:58 PM
Parent: #33
يمين بس قريت طرف الكلام
معاكم قلبا وقالبا( مش بقولو كده...؟)
لا للتدخل في سياسة ادارة المنبر
من مكاني ده ماشي اسجل ( حد شريكي ...؟)
سماني
سلام ياعمك
|
Post: #35
Title: Re: دعوة للانضمام في مجموعة بالفيسبوك
Author: haroon diyab
Date: 06-01-2011, 04:00 PM
Parent: #34
تامبا ياعمك
انت ادمن ولا سولي شريف
المجموعة مغلقة يازول
الحقنا بي سرعة....!!!!!
|
Post: #36
Title: Re: دعوة للانضمام في مجموعة بالفيسبوك
Author: محمد الشيخ أرباب
Date: 06-01-2011, 04:14 PM
Parent: #35
Quote:
اساسي سلامات
وبكري رغم انحيازه الواضح للمناضلين من قبائل اليسار
الا ان عدم انتماءه لهم بالكامل
هو الذي يجعل ادارته بها نوع من الديمقراطية المنعدمة عند اهل اليسار في اي مكان واي زمان
لذلك نؤيد استمراره واستبعاد اشراكهم باي صورة لانهم لايعرفون الا ان يشقوا اعداءهم عرض وطول
|
السماني سلام
هسع زي ده ما قفل ليك المجموعة بطبلة
تحياتي
|
Post: #37
Title: Re: دعوة للانضمام في مجموعة بالفيسبوك
Author: صبري طه
Date: 06-01-2011, 04:20 PM
Parent: #35
أخونا فايز ود القاضي ... كدي أقرأ الاقتباس الآتي:-
| Quote: إن مالكي منتديات ×××× لديهم حق حذف، أو مسح، أو تعديل، أو إغلاق أي موضوع لأي سبب يرونه، وليسوا ملزمين بإعلانه |
هذا البند مترجم من شروط التسجيل الخاصة بنسخ منتديات vBulletin وشركة الفيبولتن هي التي وضعته من ضمن شروط التسجيل ...
دمت بود ياخ ،،،
|
Post: #38
Title: Re: دعوة للانضمام في مجموعة بالفيسبوك
Author: Magdi Ahmed Elsheikh
Date: 06-01-2011, 04:20 PM
Parent: #35
| Quote: أنا بنورك (في غير اسهاب بما جرى و يجرى ) إنت بس أضمن لي البوست ما يتسحب !! |
يابروف انداح ولا يهمك...!
من زمان انا داير فيك فرصة..!
ماتنسي الروابط والصور..!!
ياقلب.!
|
Post: #39
Title: Re: دعوة للانضمام في مجموعة بالفيسبوك
Author: Magdi Ahmed Elsheikh
Date: 06-01-2011, 04:22 PM
Parent: #35
Quote: امبا ياعمك
انت ادمن ولا سولي شريف
المجموعة مغلقة يازول
الحقنا بي سرعة....!!!!! |
عالم صفوة...!
البكتب باسمك هناك منو..؟؟
|
Post: #40
Title: Re: دعوة للانضمام في مجموعة بالفيسبوك
Author: Magdi Ahmed Elsheikh
Date: 06-01-2011, 05:30 PM
Parent: #39
|
Post: #41
Title: Re: دعوة للانضمام في مجموعة بالفيسبوك
Author: ناصر البطل
Date: 06-01-2011, 05:46 PM
Parent: #1
احى هذه الفكره و أدعمها بشده
و بالرغم عن كل ما يقال عن بكرى الا انه سيظل عمود سوانيزاونلاين الفقرى
و تحمل ما لم يتحمله احد
من ماله ووقته و اسرته و المضايقات
و ظل على حياد و مسافه واحدة من كل التيارات
بغض النظر عن انتماءاته الشخصيه
............
لا استطيع الانضمام على الفيسبوك
لان حسابي حساب شخصي
و لكن فكره جميله و أنا معها
|
Post: #43
Title: Re: دعوة للانضمام في مجموعة بالفيسبوك
Author: اساسي
Date: 06-01-2011, 07:55 PM
Parent: #41
شعار المجموعة
|
Post: #44
Title: Re: دعوة للانضمام في مجموعة بالفيسبوك
Author: عمران حسن صالح
Date: 06-01-2011, 09:03 PM
Parent: #43
طالما حميدة الفوق ده معجب
فأنا وراهو 
|
Post: #45
Title: Re: دعوة للانضمام في مجموعة بالفيسبوك
Author: HAIDER ALZAIN
Date: 06-01-2011, 09:08 PM
Parent: #44
الزول جنا وفقد المح...
من الصباح بينزل وبيعدم
مافاهمين زااااتو
----------
بكري هل تسمعني
|
Post: #46
Title: Re: دعوة للانضمام في مجموعة بالفيسبوك
Author: د. ياسر عبد القادر
Date: 06-01-2011, 09:53 PM
Parent: #45
[B]ok[/B]
|
Post: #47
Title: Re: دعوة للانضمام في مجموعة بالفيسبوك
Author: Magdi Ahmed Elsheikh
Date: 06-01-2011, 11:36 PM
Parent: #46
Quote:
للخلف در....
ثم اقفز عاليا وتسامي فوق الصغائر
وارسم لحن الجمال مغردا
ولاتلتفت لاي صوت تمردا......
|
|
Post: #48
Title: Re: دعوة للانضمام في مجموعة بالفيسبوك
Author: اشرف السر
Date: 06-02-2011, 00:11 AM
Parent: #47
لايك
|
Post: #49
Title: Re: دعوة للانضمام في مجموعة بالفيسبوك
Author: بدر الدين اسحاق احمد
Date: 06-02-2011, 06:39 AM
Parent: #48
Quote: و ظل على حياد و مسافه واحدة من كل التيارات
|
صحي ...
عــلا الفكرة ( مزيد من الانحياز للاخــر )
|
Post: #50
Title: Re: دعوة للانضمام في مجموعة بالفيسبوك
Author: saif massad ali
Date: 06-02-2011, 06:50 AM
Parent: #49
قال دعوة للانضمام في مجموعة الفيسبوك قال
اي حاجة فيها اساسي انا ضدها
هذه مجموعة من الناس متامرة يقودانها اساسي وتمبس
تراجي بركة ليكي طلعتي مغفلة نافعة
قال ليك بس جبتي لينا راس الخيط مجمعة مركز الخاتم عدلان
خومي وصري
|
Post: #51
Title: Re: دعوة للانضمام في مجموعة بالفيسبوك
Author: العوض المسلمي
Date: 06-02-2011, 11:21 AM
Parent: #50
|
Post: #53
Title: Re: دعوة للانضمام في مجموعة بالفيسبوك
Author: هجو الأقرع
Date: 06-02-2011, 11:41 AM
Parent: #50
شكرا يا اساسى ، بكرى يستاهل كل خير .
|
Post: #54
Title: Re: دعوة للانضمام في مجموعة بالفيسبوك
Author: معتصم محمد صالح
Date: 06-02-2011, 11:58 AM
Parent: #53
| Quote: المجموعة فاتحة جدا يا نيستا .. بقول الكلام دا وانا آدمـن بي هناك |
|
Post: #55
Title: Re: دعوة للانضمام في مجموعة بالفيسبوك
Author: omar arbab
Date: 06-02-2011, 04:33 PM
Parent: #54
سلام
حصل يا ادمن في مصريه شغاله بتنبز في السودانين هناك
بي اسم هيفاء
|
Post: #56
Title: Re: دعوة للانضمام في مجموعة بالفيسبوك
Author: صبري طه
Date: 06-03-2011, 02:02 PM
Parent: #55
|
Post: #57
Title: Re: دعوة للانضمام في مجموعة بالفيسبوك
Author: البشير دفع الله
Date: 06-03-2011, 02:42 PM
Parent: #56
تمام يا مان
يستاهل بكري
|
Post: #58
Title: Re: دعوة للانضمام في مجموعة بالفيسبوك
Author: محمد البشرى الخضر
Date: 06-03-2011, 03:11 PM
Parent: #57
يا بروف يا امين ...
تعال ادلي دلوك و انداح اندياحك تراهو البوست قاعد وما انسحب
|
Post: #59
Title: Re: دعوة للانضمام في مجموعة بالفيسبوك
Author: أشرف صبحي
Date: 06-03-2011, 04:06 PM
Parent: #58
الأخ الموقر أساسي,
لك مني كل التقدير و الإحترام, ولك الشكر الجزيل لما طرحته في هذا البوست, أخي ربما تاه عن البعض الجهد الذي بذله الأخ العزيز الفاضل بكري أبوبكر ليصل هذا البورد إلى ما وصل إليه من صيت, له كل التجلة التقدير و الإحترام.
و أنا معاكم يا أساسي
|
Post: #60
Title: Re: دعوة للانضمام في مجموعة بالفيسبوك
Author: محمد إبراهيم علي
Date: 06-03-2011, 04:06 PM
Parent: #58
Quote:
بكري..!!
مالك.....!!!!
الحاصل عليك شنو ...!!!
خت الرحمن في قلبك يا زول وقول بسم الله ...!!
المنبر دا ما جاري ولا طاير ولا في زول داير يقلعه منك..!!
انت عارف يا بكري ..؟؟
انه دا كله تاريخ حيجي اليوم ويارخه للفترة دي
بتتزكر في المدارس المتوسطة في تاريخ السودان ..؟ اول صحيفة سودانية
او صحفي سوداني الجرايد النادت بالاستقلال
جريدة الحرية والفجر والكلام دا كله كانوا ناس زي الناس ديل
والكلام دا كله قعد للتاريخ وبقي يدرس في المدارس
وما تنسي الان الارشفة اصبحت من اسهل الامور
المنبر انتشر مافي اتنين تلاتة...
اقول ليك حاجة مافي زول حيقولها ليك غيري امكن..
ما نشرته انت يا بكري المنبر دا انت ما احرف من اصحاب المواقع الاخري
المنبر دا نشره الناس القاعدين يكتبوا فيهو ديل ..
يختلفوا ويتفقوا يزعلوا ويتصالحوا ويحردوا ويعنفوا بعض ويعتذروا لي بعض
كل دا من خلف الهدف الاساسي وهو الحوار المفتوح بلا حدود
بكري خلي الناس تكتب وهي ما خايفة منك ...
خلي الناس تكتب عن الجواها تعبر عن اشواقها وافكارها
بكري ما تكون زي ناظر المدرسة المكروه من كل طلابه
خلي الناس تتفاعل اترك المنبر دا لي شانه دعه يتمخض عل وعسي ينجب واقعا
افضل من المعاش دعه يتمخض ولا تعسر عليه اوجاعه فيولد واقعا مشوها زيادة عن
ما نحن مشوهين ..!
بكري التاريخ قاعد ليك والتاريخ اعمي واطرش بسجل ليك الخطوة كما خطوتها
وسياتي يوم يقال فيه كان هناك منبر سوداني وتجربة فريدة من نوعها
ولكن للاسف كان علي راسه من لم يدرك ما كان يملكه فافسده بتصرفاته الرعناء
كلنا يحترم القوانين فان لم نحترمها جبرك الراي العام علي احترامها
دع القوانين تاخذ شكلا معقولا ومقبولا ولا تجعلها خصما علي المنبر
انذر اوقف لمدة اوقف للمرة الثانية وبعدها افصل
ان شقت عليك ادارته استعين بالاخرين في هذا المنبر من العقلاء من يطرحون انفسهم لادارة
بلدا كاملا ايشق عليهم منبر ؟؟؟
بكري واكب المنبر ولا تكون خصما عليه ..!!
اتدري ان المنبر اضحي يفرخ الكتاب الواعدين ويلفظهم الي المنابر الاخري
مصحوبين بكراهيتهم لك وحقدهم عليك
اتدري من اسوا الامور ان تاتي لتعبر عن نفسك وتمارس تفريغ كل افكارك وكل مكتسباتك الشخصية المعرفية ولكنك تفعل هذا وانت ترقد علي منصة المقصلة في اي لحظة تتوقع
نزول النصل علي راسك فيطير لذا تضطر ان تكتب ما يريده الاخرين لا ما تريده انت
لا تجعل الجميع يرون فيك ما يكرهونه ...؟
لو غلبك بيعوا يا بكري ان شاء الله للكيزان فقد اثبتوا انهم ارحم منك بملاين المرات فعلي الاقل يبررون لافعالهم ما يقنع جزء من الناس فانت اصبحت تفعل ما لا يقنعك انت حتي
لا تكون اشتر المنبر اخي بكري |
حبيت النسخة القديمة من اساسي في الحتة دي
انا حر احب على كيفي ياخ
شكرا لعمران
|
Post: #61
Title: Re: دعوة للانضمام في مجموعة بالفيسبوك
Author: Tarig Sidahmed
Date: 06-03-2011, 04:11 PM
Parent: #58
فكرة حلوة
|
Post: #62
Title: Re: دعوة للانضمام في مجموعة بالفيسبوك
Author: بدر الدين اسحاق احمد
Date: 06-04-2011, 07:57 AM
Parent: #61
محمد ابراهيم على ( انت بتجيب نسخ الجرائد القديمة دا من ويــن )
|
Post: #64
Title: Re: دعوة للانضمام في مجموعة بالفيسبوك
Author: عمران حسن صالح
Date: 06-04-2011, 04:29 PM
Parent: #63
شكراً لعمران دي مكتوبة بالبرتقالي يا عباس ؟؟
|
Post: #65
Title: Re: دعوة للانضمام في مجموعة بالفيسبوك
Author: محمد إبراهيم علي
Date: 06-04-2011, 09:02 PM
Parent: #64
| Quote: فقد كانت هناك بادرة استثنائية من الاخ بكري هنا |
احي يا عوضية
بكري عليك الله تلفن لي عزاز ومريم واميرة وسناء واماني وقمربوبا وخضر وعاطف
باقي الناس دي مغبونة ومظلومة
|
Post: #66
Title: Re: دعوة للانضمام في مجموعة بالفيسبوك
Author: الصادق اسماعيل
Date: 06-04-2011, 09:32 PM
Parent: #65
Quote: احي يا عوضية
بكري عليك الله تلفن لي عزاز ومريم واميرة وسناء واماني وقمربوبا وخضر وعاطف
باقي الناس دي مغبونة ومظلومة |
الزول داير يكسر تلج ما تخلوهو
غايتو جنس غايتو
او كما قالت
|
Post: #67
Title: Re: دعوة للانضمام في مجموعة بالفيسبوك
Author: سارة علي
Date: 06-06-2011, 03:27 AM
Parent: #66
سلامات اساسي..
يعني حلال عليك تعترض وعلى الباقين لا؟؟
طيب اديهم\نا فرصة زي ما اديت نفسك فرصة سنتين المن 2005 لي 2007 عشان تضعوا النقاط فوق الحروف ..
يعني ابو الاسود الدؤلي ما بيكون اخد سنتين عشان يألف النقاط..
والله يا اساسي اعتراضك بتاع 2005 طقش المذكرة ..
ما خليت لبكري جهة يقبل عليها..
الحالة بدون فيسبوك يآزرك..
عفيت منك(ما هسه..قاصدة 2005).
موقفك كعب..اعمل انسحاب تكتيكي :)
نصيحة تانية: قالو بكري بقى يصرف المداخلات بالكوتة ..عشان كدة رد علينا في بكيتج واحدة انا والكاشفات اخواني
ـــــــــــــــــــــــ
عشااان جنس الزرة دي اصلا ما حاسعى لمكتبة ..
شن بوستاتي ذاااتا البيفتحو ليها مكتبة
|
Post: #68
Title: Re: دعوة للانضمام في مجموعة بالفيسبوك
Author: سارة علي
Date: 06-06-2011, 03:35 AM
Parent: #67
اساسي
يا اساسي
شوف الحكمة دي كيف..
| Quote: بكري التاريخ قاعد ليك والتاريخ اعمي واطرش بسجل ليك الخطوة كما خطوتها |
يا اساسي المكتبة قاعدة ليك والمكتبة عمياء وطرشاء بتسجل ليك بوستاتك كما كتبتها ..
هههههههههههههههههههههههههههههههههههههههههه
ـــــــــــــــــــــــــ
حرم تضحك معاي وتوسع صدرك هههههههههههههههههههه
|
Post: #69
Title: Re: دعوة للانضمام في مجموعة بالفيسبوك
Author: سارة علي
Date: 06-06-2011, 11:41 AM
Parent: #68
عشان ما يضيع وسط الزحمة ..
|
Post: #70
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-06-2011, 12:28 PM
Parent: #69
الاخ اساسي .. هل طردك من قروب شباب الوثيقة له علاقة بفتح هذا البوست ...
| Quote: عشان ما يضيع وسط الزحمة .. |
ناس غاوية زنقات ..
|
Post: #71
Title: Re: دعوة للانضمام في مجموعة بالفيسبوك
Author: محمد البشرى الخضر
Date: 06-06-2011, 01:38 PM
Parent: #70
ههههههههههههههههههههه
هو بالله طردوه ؟!!
يستاهل الفقر
|
Post: #72
Title: Re: دعوة للانضمام في مجموعة بالفيسبوك
Author: فايزودالقاضي
Date: 06-06-2011, 01:43 PM
Parent: #71
Quote: ههههههههههههههههههههه
هو بالله طردوه ؟!!
يستاهل الفقر |
بعد دقيقة من المره السادسة فتح البوست ..تمبس طردوه مرتين بس عشان مانظلم الراجل ..
|
Post: #73
Title: Re: دعوة للانضمام في مجموعة بالفيسبوك
Author: اساسي
Date: 06-06-2011, 02:28 PM
Parent: #72
الاخوة الاعدقاء "حسب حسن زلابية "
ما يهمنا الان هو عدم انفراد تيار بعينه علي ادارة سودانيز اون لاين لتقوم بتمرير اجندتها وحياكة المؤامرات وسوق الجميع كقطيع , لذا تم انشاء هذه المجموعة للدفاع عن احقية بكري ابو بكر وملكيته المطلقة لمنبر سودانيز اون لاين والاسترشاد في ذلك بقوانين منبر سودانيز اون لاين الموافق عليها من الجميع . هذا من جانب
ومن جانب اخر حاولنا ما استطعنا ان نؤالف بين بكري والاخوة " المتنمرين المتعدين علي حق بكري في ادارة منبره " وفتحنا لذلك بوست اوضاعنا
وقد كنا اعضاء في مجموعة الاخوة " الحردانين " وقد ناقشناهم في امر ايجاد وساطة لحل الازمة ولكن لم نجد سوى الرفض والصد بل ووصل الامر الي الجراءة بالتندر علي الفكرة , وبما انكم قد اتيتم بخبر ابعادي من ذلك القروب , فاني اورد التالي :
لقد تمت اضافتي للمجموعة اولا دون علمي وقد قبلت بعضوية المجموعة وبدات في مناقشة الاخوة الحردانين حول عدم امتلاكهم للمنبر الذي يؤهلهم لبتزاز الاخ بكري وفرض الوصاية في طريقة ادارته لمنبره , وقد تحاورنا في ذلك حوارا طويلا الا ان النتيجة ان الاخوة الحرادى ثبتوا موقفهم وطريقتهم
استغربت من فكرة ان قيام البعض بالتنظير والتظاهر حول ملكية احد وخطل الرؤية الواقعين فيها في التعامل مع المنبر كملكية عامة مملوكة للجمهور وحاولت توضيح فكرتي في هذا الصدد بان التظاهر والضغط والابتزاز يكون في ملكية الجمهور وليس في ملكية الافراد ولكن لا حياة لمن تنادي
اقترحت علي الاخوة الحردانين ان يقدموا مقترحاتهم هذه للاخ بكري عبر الاميل حسب طريقة المنبر في قبول المقترحات عبر الاميل المنشور لبكري في صفحة قوانين المنبر وان المذكرة التي يريدون رفعها والتوقيع عليها غير مجدية ولا يوجد سوداني يقبل بالابتزاز ولي الزراع ولكن لقد اسمعت لو ناديت حيا
بدأ بعض الاخوة في ترشيح مجموعة للتحدث باسمهم وتمثيلهم لدي بكري وللغرابة فقد تم ترشيحي من البعض , لذا تندرت علي الفكرة واوضحت باني مختلف معهم فكيف سامثلهم !!
بعدها بدا الحوار بيني وبين بعض اعضاء المجموعة ياخذ شكلا من الحدة اللفظية , لاجد نفسي مبعدا من المجموعة , وهنا استغربت في ان الاخوة الذين يطالبون ويتمترسون مجتمعين من اجل مطالبة بكري بعمل قوانين واليات تنظم الابعاد من المنبر وحذف البوستات يمارسون نفس هذا الابعاد عندما يقع الامر عليهم !!! فتعجبت من تلك الديموقراطية التي يفترون عليها , هذا ولم يجد بعض الاخوة حرجا في ان يقوموا بنكران انهم ابعدوني من المجموعة بليل ودون حتي اخطاري بذلك ويسوقون لاني من غادر المجموعة وانا هنا اقسم بالله وكتابه انهم كاذبون في اني خرجت من تلك المجموعة بارادتي بل تم ابعادي منها , لكن الخلاصة التي وجدتها من بعد نقاشي معهم وطريقة ابعادي والكذب في ذلك انهم غير جديرين بالثقة مطلقا وان انصياع بكري لهم وضغطهم له بالقبول بمقترحاتهم وذلك بافساح المجال لهم للوصول الي ادارة سودانيز لا محالة سيحول سودانيز الي كارثة تسيطر عليها فئة غير موثوق فيها وفي اجندتها للسيطرة علي المنبر وادارته , لذا التزمت بهذا الخط في دعم الاخ بكري بلا حدود للحؤؤل دون تمكين هؤلاء من الوصول الي ادارة منبر سودانيز اون لاين وقيادة خط من الداعمين للاخ بكري واحقيته منفردا بملكية سودانيز اون لاين .
بالنسبة للمواقف السابقة لا اجد حرجا ابدا في ان هذا كان موقفي وقتها وذلك لعدم معرفتي الكثير من خبايا الامور والتي تم توضيحها جليا من قبل الاخ بكري مباشرة في اتصال اعلنته في بوست وقتتها وقد قام مشكورا بتوضيح الكثير لي لذا لم اجد حرجا في كتابة موقف لاحق معلن حول دعم الاخ بكري اللامحدود حول طريقته في ادارة المنبر ومنذ ذلك التاريخ ظللت ادعم فكرة ادارة البورد بالطريقة التي يراها الاخ بكري , وهذا لا يمنع من تقديمي للكثير من المقترحات للاخ بكري عبر الايميل اجده قام بالبعض منها وتجاهل البعض وهي الالية التي افترعها الاخ بكري في سبيل تطوير المنبر وانا ادعمه في ذلك
هذا وباذن الله سنقوم في مجموعتنا الداعمة للاخ بكري بكتابة مذكرة دعم وكتابة مقترحات منا كمجموعة للاخ بكري وارسالها له عبر الالية التي ارتضاها والعمل بما يناسبه من تلك المقترحات وهو الاسلوب الامثل الذي نراه
اما الضغط علي بكري ولي زراعه وابتزازه بعدم الكتابة في المنبر والتوقف وذلك من اجل ان تيسير الامور علي هوى البعض فهو ما نقف له بشدة ونحاول صده بكل ما اوتينا من قوة
والله الموفق
|
Post: #74
Title: Re: دعوة للانضمام في مجموعة بالفيسبوك
Author: سارة علي
Date: 06-06-2011, 02:46 PM
Parent: #73
برضو ما بيحلك..
انتا مش مضيت في المذكرة؟؟؟
|
Post: #75
Title: Re: دعوة للانضمام في مجموعة بالفيسبوك
Author: اساسي
Date: 06-06-2011, 03:20 PM
Parent: #74
يا سارة مافي زول طالبني حاجة اصلا عشان اكوس للبحلني
انا اطلعت علي المذكرة لكن اقسم بالله اتفاجأت بالتوقيع عني باسم " السماني اساسي " وبصراحة حسبت الكلام دي ضمن عدم الثقة في المجموعة اصلا وانه ما بستبعد عليهم يعملوا اي حاجة .
|
Post: #76
Title: Re: دعوة للانضمام في مجموعة بالفيسبوك
Author: بدر الدين اسحاق احمد
Date: 06-06-2011, 09:19 PM
Parent: #75
Quote: ما يهمنا الان هو عدم انفراد تيار بعينه علي ادارة سودانيز اون لاين لتقوم بتمرير اجندتها وحياكة المؤامرات وسوق الجميع كقطيع , لذا تم انشاء هذه المجموعة للدفاع عن احقية بكري ابو بكر وملكيته المطلقة لمنبر سودانيز اون لاين والاسترشاد في ذلك بقوانين منبر سودانيز اون لاين الموافق عليها من الجميع . هذا من جانب
ومن جانب اخر حاولنا ما استطعنا ان نؤالف بين بكري والاخوة " المتنمرين المتعدين علي حق بكري في ادارة منبره " وفتحنا لذلك بوست اوضاعنا
وقد كنا اعضاء في مجموعة الاخوة " الحردانين " وقد ناقشناهم في امر ايجاد وساطة لحل الازمة ولكن لم نجد سوى الرفض والصد بل ووصل الامر الي الجراءة بالتندر علي الفكرة , وبما انكم قد اتيتم بخبر ابعادي من ذلك القروب , فاني اورد التالي :
لقد تمت اضافتي للمجموعة اولا دون علمي وقد قبلت بعضوية المجموعة وبدات في مناقشة الاخوة الحردانين حول عدم امتلاكهم للمنبر الذي يؤهلهم لبتزاز الاخ بكري وفرض الوصاية في طريقة ادارته لمنبره , وقد تحاورنا في ذلك حوارا طويلا الا ان النتيجة ان الاخوة الحرادى ثبتوا موقفهم وطريقتهم
استغربت من فكرة ان قيام البعض بالتنظير والتظاهر حول ملكية احد وخطل الرؤية الواقعين فيها في التعامل مع المنبر كملكية عامة مملوكة للجمهور وحاولت توضيح فكرتي في هذا الصدد بان التظاهر والضغط والابتزاز يكون في ملكية الجمهور وليس في ملكية الافراد ولكن لا حياة لمن تنادي
اقترحت علي الاخوة الحردانين ان يقدموا مقترحاتهم هذه للاخ بكري عبر الاميل حسب طريقة المنبر في قبول المقترحات عبر الاميل المنشور لبكري في صفحة قوانين المنبر وان المذكرة التي يريدون رفعها والتوقيع عليها غير مجدية ولا يوجد سوداني يقبل بالابتزاز ولي الزراع ولكن لقد اسمعت لو ناديت حيا
بدأ بعض الاخوة في ترشيح مجموعة للتحدث باسمهم وتمثيلهم لدي بكري وللغرابة فقد تم ترشيحي من البعض , لذا تندرت علي الفكرة واوضحت باني مختلف معهم فكيف سامثلهم !!
بعدها بدا الحوار بيني وبين بعض اعضاء المجموعة ياخذ شكلا من الحدة اللفظية , لاجد نفسي مبعدا من المجموعة , وهنا استغربت في ان الاخوة الذين يطالبون ويتمترسون مجتمعين من اجل مطالبة بكري بعمل قوانين واليات تنظم الابعاد من المنبر وحذف البوستات يمارسون نفس هذا الابعاد عندما يقع الامر عليهم !!! فتعجبت من تلك الديموقراطية التي يفترون عليها , هذا ولم يجد بعض الاخوة حرجا في ان يقوموا بنكران انهم ابعدوني من المجموعة بليل ودون حتي اخطاري بذلك ويسوقون لاني من غادر المجموعة وانا هنا اقسم بالله وكتابه انهم كاذبون في اني خرجت من تلك المجموعة بارادتي بل تم ابعادي منها , لكن الخلاصة التي وجدتها من بعد نقاشي معهم وطريقة ابعادي والكذب في ذلك انهم غير جديرين بالثقة مطلقا وان انصياع بكري لهم وضغطهم له بالقبول بمقترحاتهم وذلك بافساح المجال لهم للوصول الي ادارة سودانيز لا محالة سيحول سودانيز الي كارثة تسيطر عليها فئة غير موثوق فيها وفي اجندتها للسيطرة علي المنبر وادارته , لذا التزمت بهذا الخط في دعم الاخ بكري بلا حدود للحؤؤل دون تمكين هؤلاء من الوصول الي ادارة منبر سودانيز اون لاين وقيادة خط من الداعمين للاخ بكري واحقيته منفردا بملكية سودانيز اون لاين .
بالنسبة للمواقف السابقة لا اجد حرجا ابدا في ان هذا كان موقفي وقتها وذلك لعدم معرفتي الكثير من خبايا الامور والتي تم توضيحها جليا من قبل الاخ بكري مباشرة في اتصال اعلنته في بوست وقتتها وقد قام مشكورا بتوضيح الكثير لي لذا لم اجد حرجا في كتابة موقف لاحق معلن حول دعم الاخ بكري اللامحدود حول طريقته في ادارة المنبر ومنذ ذلك التاريخ ظللت ادعم فكرة ادارة البورد بالطريقة التي يراها الاخ بكري , وهذا لا يمنع من تقديمي للكثير من المقترحات للاخ بكري عبر الايميل اجده قام بالبعض منها وتجاهل البعض وهي الالية التي افترعها الاخ بكري في سبيل تطوير المنبر وانا ادعمه في ذلك
هذا وباذن الله سنقوم في مجموعتنا الداعمة للاخ بكري بكتابة مذكرة دعم وكتابة مقترحات منا كمجموعة للاخ بكري وارسالها له عبر الالية التي ارتضاها والعمل بما يناسبه من تلك المقترحات وهو الاسلوب الامثل الذي نراه
اما الضغط علي بكري ولي زراعه وابتزازه بعدم الكتابة في المنبر والتوقف وذلك من اجل ان تيسير الامور علي هوى البعض فهو ما نقف له بشدة ونحاول صده بكل ما اوتينا من قوة
والله الموفق |
الخلاصات التى توصلت اليها يا اسـاســى جديرة بالتوقف عندهــا والبحث عن ايضاحات حولهــا
الاصــل فى هذا المنبـر انه منبر معارض للنظام القائم فى السودان ..
يتيح صاحب المنبر مساحات لبعض الاصوات المؤيدة للنظام القائم فى السودان ..
مساحة المنتمين للمعارضـة للناظر من خارج المنبر انها لا سقف لهـا ..
مساحات المنتمين والمؤيدين للحكومة لهم مساحات محدودة فى المنتدى وفى صفحة الاخبار ..
مع كل ذلك اقول ان هذه المساحات كافيـة جداً لايصال صوت المؤيدين والداعمين للحكومة القائمة فى السودان .
تعاظم دور الاسافيــر والتقانة فى التغيير فى الدول العربية هو من فتح هذا الباب ( لماذا لم يتم توظيف الاسافير لصالح احداث التغيير ) ؟ السؤال الرئيســى
مع بعض الاسئلة الفرعيــة :
الامكانيات الهائلة التى توفرها الحكومة لمنسوبيها لصالح مجابهة الاعلام الالكترونى المعارض والبحث عن الاسلوب الامثل والانجع لمجابهة هذا الامر .
دور ادارة المنبر كجهة تنتمى الى التيار المعارض العريـض فى توظيف المنبر لتحقيق الرسالة الاعلامية الالكترونية للمعارضة
اهميــة استجابة ادارة المنبر لتسويق رموز احزاب المعارضة من عضوية المنبر ومن غير العضويــة
تسويق واجهات المعارضة من المراكز البحثية والثقافيــة وتسويق انشطتها ( منحها العضوية فى المنبــر )
اعتقـد ان الموضوع فيه بحـث عن مزيـد من ادوات السيطرة وتوظيف المنبر لصالح التيارات المعارضـة للنظام القائم فى الخرطوم
والمثال الذى يبحث عنــه المعارضيـن هو ( حزب المعارضــة الالكترونــى وصفحتــه ستكون هى سودانيزاونلاين )
__________
قطعاً فى ظل المساحات المتاحـة لكل التيارات حتى المؤيدة للحكومة بيصبح بكرى ابوبكر هو نبى الاسافيـر السودانيـة
فعلينــا الايمان بتجربتــه لادارة هذا الصرح الخاص ...
سؤال بديــل مقاطعة المنبر بعدم الكتابـة فيــه شنو فى رأيــك ؟
|
Post: #77
Title: Re: دعوة للانضمام في مجموعة بالفيسبوك
Author: سارة علي
Date: 06-07-2011, 08:23 PM
Parent: #76
يا اساسي سلامات
انا بميل لتصديقك(فيما يخص موضوع التوقيع) لاعتبارات كتيرة..
لكن ...
| Quote: وبصراحة حسبت الكلام دي ضمن عدم الثقة في المجموعة اصلا وانه ما بستبعد عليهم يعملوا اي حاجة |
عبارتك دي فضفاضة جدا وبتستوعب حاجات كتيرة..
وخاصة لمن تشمل؟؟؟
المجموعة دي عندي فيها اصدقاء بقدرهم وبحترمهم ..والكلام ده كبير في حقهم
ليه ما يكون واحد من طرفك بمعنى صديق ليك بيعرف بياناتك من ايميل وخلافه ووقع بدلا عنك بغرض يعمل فيك مقلب؟؟
ــــــــــــــــــ
كلامك ده يا اساسي كبير ويا ريت تكون كاتبو بدون ما ما تكون قاصدو
|
Post: #78
Title: Re: دعوة للانضمام في مجموعة بالفيسبوك
Author: اساسي
Date: 06-08-2011, 02:25 PM
Parent: #77
تساؤلات مشروعة يا بدر الدين شكرا للاضافة
ــــــــــــ
يا سارة , بياناتي منشورة في مكتبتي واسمي ما خافي علي احد واقامتي في جدة كذلك , وهي كل البيانات المنشورة في التوقيع المزور باسمي وكان علي النحو التالي : اساسي السماني جدة المملكة العربية السعودية
طبعا انا ما ممكن اوقع اصلا بالطريقة دي زاتو , يا اما اساسي , او اسمي الكامل
ـــــــــــــــــــــــــ
بعد ان ادت المجموعة غرضها وقامت بما عليها في التصدى , تم تجميد المجموعة , مع بقاء العضوية فيها في حالة استدعي الامر وجاءت بعض المستجدات
وللجميع الشكر
|
Post: #79
Title: Re: دعوة للانضمام في مجموعة بالفيسبوك
Author: Magdi Ahmed Elsheikh
Date: 06-08-2011, 06:35 PM
Parent: #78
| Quote: بعد ان ادت المجموعة غرضها وقامت بما عليها في التصدى , تم تجميد المجموعة , |
طلعت عندك صلعه برضو...!
|
|