Post: #2
Title: Re: ## نِـكـات فـى الإنـقـاذ ##
Author: Abdlaziz Eisa
Date: 05-30-2011, 08:23 AM
Parent: #1
كيزان مصر فاكرين نفسهم عندهم وزن وصار يتعزز التبش... تجاوزتهم الجماهير ليعرفوا حجمهم الحقيقي..
فوق لبوستك الرائع يا أخي عبدالكريم!
|
Post: #3
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 05-30-2011, 09:05 AM
Parent: #2
| Quote: كيزان مصر فاكرين نفسهم عندهم وزن وصار يتعزز التبش... تجاوزتهم الجماهير ليعرفوا حجمهم الحقيقي.. |
** ود عيسى..
** ســلام..
## الجماعه ديل عارفين إنو السرقه حرام وعارفين عقوبتا ,,, ولكن بالرغم من ذلك يحبونها!!!!
## من الحُبِ ماقتل !!!
(ودام الود بيننا)
|
Post: #4
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 05-30-2011, 08:05 PM
Parent: #3
|
Post: #5
Title: Re: ## نِـكـات فـى الإنـقـاذ ##
Author: طارق ميرغني
Date: 05-31-2011, 11:37 AM
Parent: #4
اخي عبد الكريم
شنو ياخي منتظرين واحده او اتنين
ما عندك رصيد ولا شنو؟؟؟
|
Post: #6
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 05-31-2011, 11:49 AM
Parent: #5
** مسطول سالوهو عن حكومة الانقاذ قال:-
## زى عربية الامجاد اى زول يركب قدام جنب السواق يموت الزبير نائب اول مات ,, قرنق نائب اول مات ,, والسواق قاعد..
^
^
^
^
## أها البنك الجاى راصينو للنائب الأول ,, لانو بالمنظور الإنقاذى طووووول القعده..
|
Post: #7
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 05-31-2011, 08:54 PM
Parent: #5
Quote: شنو ياخي منتظرين واحده او اتنين
ما عندك رصيد ولا شنو؟؟؟ |
## إبن خالى..
## سلام ..
** إنت ماشفتا مُقدمة إبن خلدون التحت دى :-
^
^
^
| Quote: ** البوست دا سبيل وكوزو مربوط بخيط ,, إى واحد عندو نُكته عن الجماعه الجو ينقذونا ديل يكشح باقى المويه الفى الكوز ويغرف لينا مويه جديده هنا.. |
(ودام الود بيننا)
|
Post: #8
Title: Re: ## نِـكـات فـى الإنـقـاذ ##
Author: عادل عبدالعزيز عبد الرحيم
Date: 05-31-2011, 10:58 PM
Parent: #7
كيكى كيفك
هاك دى من قعر الزير وبيقرعه مش بيكوز
قاليك فى اشاعة تعديل وزارى وعبدالرحيم احمد حسين كان وزير الداخليه وكان متوعك وراقد فى البيت
اتصل عليه كبيرهم وقال ليه يا عبد الرحيم الصحة كيف معاك قصده صحتك كيف
قام عبد الرحيم قال ليه لالالا يا ريس خلينى فى الداخليه دى احسن لى
هو صحى الداخليه دى الحلا الفيها دا جائى من وين ؟؟؟؟
|
Post: #9
Title: Re: ## نِـكـات فـى الإنـقـاذ ##
Author: فايزودالقاضي
Date: 05-31-2011, 11:14 PM
Parent: #8
ايام الشرطة الشعبية -او اى كان اسمها- شغالة شغل الامر بالمعروف والنهى عن المنكر مسكو ليهم واحد معاه واحدة وهاك ياكركرة للبوكس.. في النهاية الراجل قال ليهم اخوكم في الله ابو دجانة جبهجي منظم وطلع بطاقة الحزب ..قالوا ليه : طيب مالك ياخي مدخل نفسك في حتة زي دي ..قال ليهم : عليكم الله الحلوة دي مااولى بيها نحن بدل يجكسها واحد شيوعي ...افحمهم بالحجة فاخلو سبيله ..
ــــــــــــ
استاذ عبدالكريم.. سلامات ياحبيب
|
Post: #10
Title: Re: ## نِـكـات فـى الإنـقـاذ ##
Author: Osman Musa
Date: 05-31-2011, 11:40 PM
Parent: #9
قالوا يا عبدالكريم .
الرئيس فتح الثلاجة لقي تاريخ اللبن منتهي .
قام زور التاريخ وخج اللبن وشربو .
|
Post: #11
Title: Re: ## نِـكـات فـى الإنـقـاذ ##
Author: ABDALLAH ABDALLAH
Date: 06-01-2011, 00:19 AM
Parent: #10
أحـبابى فى الله وأخــوانى فى الوطــن
نكـاتكم حـلـوه بـس شـايفكم ملخـبطين بين الأخـوين العـزيزين
عـبدالكـريم المـا كـيكى وعـبدالكـريم ال كيكى.
|
Post: #16
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 08:29 AM
Parent: #11
Quote: أحـبابى فى الله وأخــوانى فى الوطــن نكـاتكم حـلـوه بـس شـايفكم ملخـبطين بين الأخـوين العـزيزين:-
عـبدالكـريم المـا كـيكى وعـبدالكـريم الـ كيكى. |
** ودمحمود عبدالله "عبدالله"
** مساءك خير..
## عشان اللخبطه دى البوست دا من بدايتو قلت عليهو سبيل..
(ودام الود بيننا)
(ابو محمد فؤاد) - الماكيكى..
|
Post: #15
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 08:24 AM
Parent: #10
Quote: قالوا يا عبدالكريم .
الرئيس فتح الثلاجة لقي تاريخ اللبن منتهي .
قام زور التاريخ وخج اللبن وشربو[/B] . |
** ود موسى..
** سلام ومساءك خير..
## والبيكون فتح ليهو التلاجه عبدالرحيم..
(ودام الود بيننا)
|
Post: #13
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 08:14 AM
Parent: #9
| Quote: ايام الشرطة الشعبية -او اى كان اسمها- شغالة شغل الامر بالمعروف والنهى عن المنكر مسكو ليهم واحد معاه واحدة وهاك ياكركرة للبوكس.. في النهاية الراجل قال ليهم اخوكم في الله ابو دجانة جبهجي منظم وطلع بطاقة الحزب ..قالوا ليه : طيب مالك ياخي مدخل نفسك في حتة زي دي .. قال ليهم : عليكم الله الحلوة دي مااولى بيها نحن بدل يجكسها واحد شيوعي ...افحمهم بالحجة فاخلو سبيله .. |
** ود القاضى..
** ســلام وصباحك خير..
## الجماعه دى إسمها الصحيح :- جـمـاعــة الأمـــر بـالــمــنــكــر والــنــهــى عــن الـمـعـروف..
## طبعاً الحاجات البيعملوها هُــم إسمها :- الـتـقـارب الــروحـــى ..
## والبيعملا غيرهم :- الخلوه غير الشرعيه ,, الشروع فى الزنا ,, الدعوى للفسق والفجور ............... وممكن محل النقط دى يختو ليك 100 ماده تانيه ,, مايحلك منها إلا فتوى بفقه الضروره من ابو دجانه..
(ودام الود بيننا)
"التعديل لشطب حرف زائد"
|
Post: #12
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 08:06 AM
Parent: #8
** الأخ عادل عبدالعزيز..
** ســـلام وصباحك خير ..
| Quote: كيكى كيفك [/QUOTE ..
## الإقتباس دا ذاتو مُمكن يكون نكتة :- الإلتباس فى الإقتباس أو الإلتباس فى أسماء الناس..
(ودام الود بيننا)
(ابو مححمد فؤاد) - الـمـاكـيـكـى ..
|
Post: #14
Title: Re: ## نِـكـات فـى الإنـقـاذ ##
Author: فيصل محمد خليل
Date: 06-01-2011, 08:23 AM
Parent: #12
هدندوي لقى دفار البوليس
مالينو طالبات جميلات معتقلات،
قام سأل بتاع الدكان:
بنات هلوين ديل مالو؟
الراجل قال ليه
كانن في مظاهرة بتاعة شيوعيين وقبضوهن.
الهدندوي مشى جنب الدفار
والعسكري الحارسو كان شايقي
وهتف: آاش نِدال التبقه الآمِله
(عاش نضال الطبقة العاملة)
...العسكري طنشو
آاش كفاح الشعب السوداني
آاش الحزب الشيوئي السوداني
العسكري ما اشتغل بيهو شغلة
يعيش مهمد ابراهيم نوكد.
العسكري عاين ليهو وقال :
والله الليلي إن كان بقيت لينين
ما بتركب في الدفار ده !!
|
Post: #17
Title: Re: ## نِـكـات فـى الإنـقـاذ ##
Author: فايزودالقاضي
Date: 06-01-2011, 09:04 AM
Parent: #14
قالوا ابليس الكبير - القال لله سبحانه وتعالى (فأَنظِرْنِي إِلَى يَوْمِ يُبْعَثُونَ)..جاء السودان من صباح 1/7/1989م قال لقى شبهو في الناس ديل وقال يؤسس مملكته معاهم وفيهم ..المازول ده من الشافو قرب يآمن وخوف الفتنة قام رجع طوالي من حيث أتى..اها بقى كل مايتولد شيطان يرسله دورة للجماعة ديل عشان ياخد خبرة مكثفة وبعديها يتوزع في الدول الاخرى ..
|
Post: #18
Title: Re: ## نِـكـات فـى الإنـقـاذ ##
Author: محمد عمر الفكي
Date: 06-01-2011, 09:09 AM
Parent: #17
تعرفو لمن عاينت في العنوان بتاع البوست جاتني خلعة، الكسرة التحت حرف النون افتكرتها نقطتين بتاع حرف ياء قلت عبد الكريم دا جن ولا شنو؟
|
Post: #19
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 10:14 AM
Parent: #18
| Quote: ## نِـكـات فـى الإنـقـاذ ## |
| Quote: تعرفو لمن عاينت في العنوان بتاع البوست جاتني خلعة، الكسرة التحت حرف النون افتكرتها نقطتين بتاع حرف ياء قلت عبد الكريم دا جن ولا شنو؟ |
** ود عمر الفكى ..
** ســلام..
## مع إنى صاحب البوست لكن كلامك دا خلانى أراجع العنوان :- قلت ياالله "لى روحى" الغنمايه دى جنت ولى شنو..
## أها بالمعنى الفهمتو دا كان بلاغ جاهز :- خدش الحياء العام ,, الجهر بالمعصيه ,, كشف أسرار الدوله ,, إشانة السمعه ,,
## غايتو الكوز الغرفتو لينا هنا ضحكنى خلانى أشكك فى كيبوردى ..
(ودام الود بيننا)
|
Post: #22
Title: Re: ## نِـكـات فـى الإنـقـاذ ##
Author: محمد عمر الفكي
Date: 06-01-2011, 10:27 AM
Parent: #19
سلام يا الماك كيكي
غايتو كويس انك وضحت موقفك لانه لو صبرت شوية بوستات التضامن كانت تتلاطش هسي، شى ناس يقولو لونه اخضر ومشرشر في الطرف وصرتو طالعة وناس يقولوا لك لا يا جماعة الزول مهكر ودا ما عبد الكريم البنعرفو وناس يقولو ليك لا لا دا هو زاتو ويستاهل ويمكن تطلع مهمش وتبقى زي عادل امام "الرئيس نفسهظ دا الموضوع كبر اوى"
|
Post: #21
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 10:26 AM
Parent: #17
| Quote: قالوا ابليس الكبير - القال لله سبحانه وتعالى (فأَنظِرْنِي إِلَى يَوْمِ يُبْعَثُونَ)..جاء السودان من صباح 1/7/1989م |
** ودالقاضى..
** مساءك خير..
## من مصدر إبليسى موثوق به :- لقد قرر الأبالسه تجميع كل اللافتات المكتوب عليها :-
هـــذا مــن فــضـــل ربــــى (فى دولة سازونيا الإسلاميه ذات التوجه الحضارى !!!!)
(ودام الود بيننا)
|
Post: #20
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 10:19 AM
Parent: #14
Quote: والله الليلي إن كان بقيت لينين
ما بتركب في الدفار ده !! |
** ود محمد خليل "فيصل"
** سلام ومساءك خير..
## نظام حسادة أب أحمد وكدا ,, يعنى أدروب شوربه ماعايزين يدوهو فرصه ..... غايتو جنس حساده..
(ودام الود بيننا)
|
Post: #23
Title: Re: ## نِـكـات فـى الإنـقـاذ ##
Author: عثمان الشيخ
Date: 06-01-2011, 10:50 AM
Parent: #20
سلام للجميع وهاكم النكتة دي
نافع على نافع قال للبشير امس مشيت السوق لقيت نقد فاتح ليهو بقالة وقال طلق السياسة خلالص وداني كمان كرتونة صابون حمام هدية
البشير قال يمشي يتاكد مشى لقي نقد في البقالة وقال ليهو طلقت السياسة وهاك صابونة الحمام دي هدية
البشير زعل قال ليهو ليه تدي نافع كرتونة وانا الرئيس تديني صابونة واحده بس
نقد قال ليهو لانو نافع او س خ منك
|
Post: #24
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 12:14 PM
Parent: #23
Quote: البشير زعل قال ليهو ليه تدي نافع كرتونة وانا الرئيس تديني صابونة واحده بس
نقد قال ليهو لانو نافع او س خ منك |
** ودالشيخ..
** ســلام..
## لكن نافع دا ,, الله أعلم الكرتونه دى تكفيهو ,, دا مُحتاج إنتاج بيطار لمدة شهر .. (ياحليل بيطار لم فيها الوداها التوج)
(ودام الود بين الجميع)
|
Post: #25
Title: Re: ## نِـكـات فـى الإنـقـاذ ##
Author: عبدالكريم أحمد الامين
Date: 06-01-2011, 12:19 PM
Parent: #24
## نصيحة أُم فى عـهـد الإنقاذ لإبنها :-
## ياولدى ماتبقى أنصارى وتجدع عزبتك ,, ولاتبقى ختمى وتخنق رقبتك ,, ولا تبقى شيوعى بقطعو رقبتك ,, ابقى جبهه ومــد قرعتك تنفعنى وتنفع رقبتك...
|
|
|
