Post: #1
Title: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 09:14 AM
http://www.youtube.com/watch?v=rg-x7FWNew4
فخور بك يارجل من زمن الفوارس
أبواتك بحلّو القاصد البلد دينّة
يا أب حنكاً بليغ
كلمتّو مي نيّة
مو لُقاط طرف
جدك بدخل الوكرا والولي هينة
بحل كاتل الزِمم
لا شهادة لا بينّة
مو لُقاط طرف
جدك بدخل الوكرا
السلاحا سنين
ود العز أخوي
منسوب من الجهتين
|
Post: #2
Title: Re: صلاح الأحمر ود العزأخوي منسول من الجنسين.
Author: tmbis
Date: 05-28-2011, 09:19 AM
Parent: #1
معاك نرسل الفخـر علي بياض للاخ صلاح الأحمر .. إلى حين عودتك ...
..
ووين الحي بيك يا معاذ ؟؟
|
Post: #3
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 09:21 AM
Parent: #2
تمسبكو يا عزيز اول حاجة ارفع الاغنية
والله الرجل دا ملاني فخر واعتزاز بسودانيتي واشيائي بشكل خرافي
|
Post: #4
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 10:06 AM
Parent: #3
على سبيل التحية يا صديق
خاصية رفع الاغاني عند بكري معطلة حاليا
اتبع الرابط واسمع
علي الطلاق تستاهل اكتر
من قال ان زمن الفوارس غار؟
ها انت رجل من زمن الفوارس تمشي بيننا
ها انت يا صديق تحمل قيم النعيم ود حمد
وشجاعة حجر الصاقعة المخوي
واستقامة شيخنا ود بدر البشيل فوق الدبر ما بمل
ها هو ود ضبعة الحسن سيد محكر الديوان في القرن الواحد والعشرين
هنيئا لك يا رضا يهذا الأب
علي الحلال لو محلك أكان أنجلد !!
|
Post: #6
Title: Re: صلاح الأحمر ود العزأخوي منسول من الجنسين.
Author: خالد المحرب
Date: 05-28-2011, 10:13 AM
Parent: #4
هيييييييييييييييييييييييييييييييع
وتانى هيييييييييييييييييييييييييييييع
معاذ على الطلاق دى تشق كررررررررررررررررررررررررررررر
شكرا
|
Post: #9
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 10:28 AM
Parent: #6
Quote: معاذ على الطلاق دى تشق كررررررررررررررررررررررررررررر
شكرا |
ود المحرب
سلامات يا اصيل
أمبارح كنت بحضر في الحلقة وماسك ولدي (علي) اربعة شهور
بعد نهاية الحلقة دار بيننا حديث طويل (طبعا من طرف واحد)
هذا الحديث ان شاء الله يكون دستور حياة الابن علي
والله يقدرني اربيهو بالحلال على الاستقامة والصدق ونقاء السريرة
ويطلع راجل دغري وضكران واخو اخوان زي عمو صلاح.
|
Post: #8
Title: Re: صلاح الأحمر ود العزأخوي منسول من الجنسين.
Author: حاتم يوسف العبيد
Date: 05-28-2011, 10:18 AM
Parent: #4
شكراً يامعاذ ....
إبن خالي (وعضو المنبر) صلاح الأحمر ... يستاهل أكتر وأكتر ...
حلقة جميلة جداً ... وصلاح الأحمر - كما العهد به - إنسان متسق بكل ماتحمل الكلمة ....
تاني شكراً يامعاذ ...
...
____
وين جماعته بورداب المغرب من البوست ده ... حد يصحي ناس طارق جبريل ..!!
..
|
Post: #5
Title: Re: صلاح الأحمر ود العزأخوي منسول من الجنسين.
Author: مزمل خيرى
Date: 05-28-2011, 10:11 AM
Parent: #3
معاذ ..
والله كنت مفكر فى بوست أحتفائى لصلاح والله ..
والله ياصلاح دموعى قرربت تجرى فى سؤال المليون دولار وبيع الوطن ..
الله يديك الفى مرادك انشاء الله يارب .. وتستاهل الـ 350 الف والله واكتر
عشان نيتك بيضــاء زى قلبك ..
..
الـف شكر ليك أنت كمان يامعاذ .. الف شكر ..
..
..
صورة تجمع صلاح الاحمر ببعض بورداب الخرطوم فى زيارتة للخرطوم لحضور ملتقى الاعلاميين
السودانيين العاملين بالخارج الذى انعقد بالخرطــوم قبل فترة ..
|
Post: #7
Title: Re: صلاح الأحمر ود العزأخوي منسول من الجنسين.
Author: tmbis
Date: 05-28-2011, 10:15 AM
Parent: #5
لا يا معاذ دقيقه ..
أوعه تقولي صلاح دا الجابوهو امس في البرنامج ..؟
..
ياخ والله مليون الف تحية لهذا الصلاح .. ولاسرته ..
تتخيل يا مزمل شاركتك نفس الشعور
|
Post: #10
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 10:37 AM
Parent: #5
Quote: والله ياصلاح دموعى قرربت تجرى فى سؤال المليون دولار وبيع الوطن ..
الله يديك الفى مرادك انشاء الله يارب .. وتستاهل الـ 350 الف والله واكتر
عشان نيتك بيضــاء زى قلبك ..
|
سلامات يا مزمل
والله أنا ما قدرت امسك دموعي
تعرف انا متابع للبرنامج دا من بدايتو
استضاف جزائريين ولبنانيين وسوريين وغيرهم
عند لحظة الحقيقة
تساقطوا جميعا
منهم من ربح المال
ولكن اظهر من نفسه ما يجعلك تشعر بالاسف على حال الانسان والانسانية
اما الاحمر
فقد ربح ما هو اهم من المال
وربحنا نحن مثال
في زمن عز فيه المثال .
|
Post: #11
Title: Re: صلاح الأحمر ود العزأخوي منسول من الجنسين.
Author: ismeil abbas
Date: 05-28-2011, 10:47 AM
Parent: #10
تسلم معاذ.....
Quote: والله يقدرني اربيهو بالحلال على الاستقامة والصدق ونقاء السريرة
ويطلع راجل دغري وضكران واخو اخوان زي عمو صلاح. |
الله يقدرك ويحقق أحلامك يارب....الحلقة ما حضرتها لكن معتصم دفع الله حكى لى الحاصل التحية للجميع...مثل هذا الشخص فخر لنا الله يكثر من أمثاله.B]
|
Post: #12
Title: Re: صلاح الأحمر ود العزأخوي منسول من الجنسين.
Author: tmbis
Date: 05-28-2011, 10:50 AM
Parent: #10
Quote: عند لحظة الحقيقة
تساقطوا جميعا |
.. عدم المعرفه كعب يا معاذ .. لكن القلوب شواهد ..
امس بالليل انا وداليا كنا بنحضر في البرنامج دا .. ونحن الاتنين كنا متكيفين خالص من طريقة رد الرجل على الاسئلة حتى من المحرج منها ..
بقينا في كل لحظة منتظرين شكل السؤال الخطير شنو الممكن ينطرح ..؟
كل سؤال كان بينطرح كانت الاجابة من استاذ الاحمـر بكل ثبات .. وقوة .. وثقة عجيبة جدا ..
وعدم العرفة كعب .. والله ما كنا قايلنو مننا .. لانو الحركة دي ما بيعمله اي زول إلا يكون سوداني تب .. وفايته بي هناك ..
الجماعة اياهم الواحد من ما يدخل في الحتة بتاعت الميات دي .. ببيع القضية .. وببقى همو كلو الكنجالات ..
التحية لاستاذ صلاح مرة أخرى ولي ثقتو في نفسو ولي سودانيتو الفايته الحدود ..
|
Post: #13
Title: Re: صلاح الأحمر ود العزأخوي منسول من الجنسين.
Author: طارق جبريل
Date: 05-28-2011, 11:04 AM
Parent: #12
يا حبيب كيفنك
صلاح راجلا زين بالحيل
شهادتي فيه مجروحة شديد
غايتو البيعرف الزول دة
بيندم الف الف مرة انه ما عرفه من زمان
|
Post: #14
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 11:05 AM
Parent: #12
Quote: إبن خالي (وعضو المنبر) صلاح الأحمر ... يستاهل أكتر وأكتر ...
حلقة جميلة جداً ... وصلاح الأحمر - كما العهد به - إنسان متسق بكل ماتحمل الكلمة ....
|
حاتم العبيد
لك التحية
ود خالك رفع راسنا فوق فوق فوق
بكل فخر نقول للعالم هذه شخصية السوداني
نظيف ونقي مظهرا ومخبرا
هكذا عرفنا اباؤنا واجدادنا
|
Post: #15
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-28-2011, 11:11 AM
Parent: #12
Quote: .. كل سؤال كان بينطرح كانت الاجابة من استاذ الاحمـر بكل ثبات .. وقوة .. وثقة عجيبة جدا ..
وعدم العرفة كعب .. والله ما كنا قايلنو مننا .. لانو الحركة دي ما بيعمله اي زول إلا يكون سوداني تب .. وفايته بي هناك ..
|
تمسبكو يا حبيب
شفت الزول دا واثق كيف
يقيني انو لو انطرح عليهو الف سؤال تاني لاجاب عنها
ولوجدت في كل اجاباته ما يبعث على الفخر والاعتزاز
زملائي في العمل سعوديين شافو الحلقة
لا حديث لهم هذا الصباح الا عن هذا الرجل الفريد
طبعا بغرور شديد قلت ليهم دا عاااااادي عندنا
اي زول رضعان من امو صاح ممكن يقول القالو صلاح
|
Post: #16
Title: Re: صلاح الأحمر ود العزأخوي منسول من الجنسين.
Author: صلاح الأحمر
Date: 05-29-2011, 12:58 PM
Parent: #15
فخور بك يارجل من زمن الفوارس
أبواتك بحلّو القاصد البلد دينّة
يا أب حنكاً بليغ
كلمتّو مي نيّة
مو لُقاط طرف
جدك بدخل الوكرا والولي هينة
بحل كاتل الزِمم
لا شهادة لا بينّة
مو لُقاط طرف
جدك بدخل الوكرا
السلاحا سنين
ود العز أخوي
منسوب من الجهتينماذ حسنشكرا
الحبيب معاذ
ياخي خجلتني بالكلام الكبار كبار ده،مكرضم لمن ليهو لغد.
مشاعرك الطيبة وصلتني حارة وصادقة لأنها من إنسان
صدوق وخلوق مثل أبوعلي.
شكرا من القلب يامعاذ وتحياتنا للمدام وقبلاتنا للصغير علي
ويربى في عزكم إن شاء الله.
صلاح
|
Post: #17
Title: Re: صلاح الأحمر ود العزأخوي منسول من الجنسين.
Author: اسماء الجنيد
Date: 05-29-2011, 01:08 PM
Parent: #16
سلام اخي معاذ لك التحايا يا ابو علي ولي علي وامه
ربنا يحفظكم إن شاء الله
التحية مطبوقة للأخ الأستاذ صلاح الأحمر
لم اشاهد الحلقة للأسف لكن شاهدتها بعيونكم وبي احاسيسكم
له التحية والتقدير والإعزاز
رجل من الزمن الجميل
أنعش روحنا في زمن الجفاف والقحط
ربنا يسعده كمان وكمان ويبارك ليهو في العنده ويكفيهو شر عين خلقو
الف تحية استاذ صلاح والتهنئة مقرونة لأسرتك المحترمة الكريمة
شكرا يا معاذ للبوست الجميل البشبه دواخلك يا حنين
عذرا التعديل لخطأ مطبعي
|
Post: #20
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-30-2011, 06:27 PM
Parent: #17
Quote: له التحية والتقدير والإعزاز
رجل من الزمن الجميل
أنعش روحنا في زمن الجفاف والقحط
|
الاخت الاستاذة أسماء
سلام من الله عليك أيتها النخلة
عساك بخير
التحية لهذا الرجل الخلوق
ودمتي بخير
لكم تحيات ام علي
وشكرا على مرورك النسمة
|
Post: #18
Title: Re: صلاح الأحمر ود العزأخوي منسول من الجنسين.
Author: صلاح الأحمر
Date: 05-29-2011, 01:23 PM
Parent: #16
الأحباء /تمبس - خالد المحرب - حاتم يوسف العبيد - مزمل خيري
إسماعيل عباس - طارق جبريل :
#عاجز عن شكركم على هذه المشاعر الجميلة،
أنا بكم وبكل أحبابي وأصدقائي أكثر غنى لأن محبة
الناس هي الثروة الحقيقية التي تدوم.
شكرا ولكم مودتي،،،،#سلااااااااااااااااااااااامووو
|
Post: #19
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-29-2011, 07:21 PM
Parent: #18
Quote: الحبيب معاذ
ياخي خجلتني بالكلام الكبار كبار ده،مكرضم لمن ليهو لغد |
اووووووو
ود اللّحمر
يا اخوي والله تستاهل اجمل الكلام
تعرف اكتر حاجة عجبتني في الحلقة أجابتك التي والله توقعتها وراهنت زوجتي عليها قبل ان تنطقها حول سؤال هل تعتز بكونك سوداني.
أقسمت لزوجتي انك سوف تجيب بنعم .ولو وضعو جميع اجهزة العالم لأكدت صدق اجابتك,وقد كان.
نحن كسودانيين كل واحد مننا عارف انو بيعتز بكونه سوداني ولا حدود عندنا لذلك الاعتزاز
الاخرين لسبب اجهله- ربما لانتشارنا في المهاجر لسنوات طويلة- لديهم انطباع اننا عندما نقول اننا نتعز بسودانيتنا فذلك من باب الكلام ساكت.
انا فخور بيك وبعتز بمعرفتك كتير كدا
تحية من (استاذ علي) صديقك السعودي حملني امانة تبليغك تحياته
وتحياتي لك وللاسرة .
|
Post: #21
Title: Re: صلاح الأحمر ود العزأخوي منسول من الجنسين.
Author: معاذ حسن
Date: 05-30-2011, 06:29 PM
Parent: #19
الصديق الحبوب اسماعيل
تحياتي يا عزيز
بوست عن جمال الدواخل لا بد لك فيه من مداخلة يا جميل
|
|