Post: #1
Title: حاجه عجيبه جداً و ما مفهومه كمان
Author: ناصر البطل
Date: 05-25-2011, 04:43 PM
من اتفاقية السلام و لحدى الاسبوع الفات
فى مجموعه فى المنبر ده
شابكانا الحركه اشترت دبابات
الشمال خلي يبقا جاهز
الرجال مارقين للموت
كاك كاك كاك
اها اسه لما الجيش دخل ابيي
الجماعه بقوا يكتبوا
لا لتجار الحرب
المجتمع الدولى
كاك كاك
ياخ انتو لما الشغله ما بتقدروا عليها مالكم طيب مستهلكين باندويدث بكرى المسكين ده
أنا شخصيا ضد الحرب ولا اتمنى ان تقوم
و ان قامت أنا مع الجيش السودانى برغم معارضتى للكيزان
|
Post: #2
Title: Re: حاجه عجيبه جداً و ما مفهومه كمان
Author: معاوية عبيد الصائم
Date: 05-25-2011, 04:49 PM
Parent: #1
Quote: و ان قامت أنا مع الجيش السودانى برغم معارضتى للكيزان
|
ناصر سلامات يامواطن
من يقاتل ويحارب فى ابيى جيش الكيزان
المنظم مطعم بسرية من القوات المسلحة
لزوم (الشرعية)
كتيبة الكيزان مرابطة فى قرية بوطة الواقعة
على خط السكة حديد جنوب بابنوسة واقرب
لمنطقة المجلد والميرم القريبة لابيى
وتحياتى ومعاك لا لا لا للحـــــــــــــــــرب
|
Post: #3
Title: Re: حاجه عجيبه جداً و ما مفهومه كمان
Author: ناصر البطل
Date: 05-25-2011, 05:16 PM
Parent: #2
Quote: من يقاتل ويحارب فى ابيى جيش الكيزان
المنظم مطعم بسرية من القوات المسلحة
لزوم (الشرعية)
كتيبة الكيزان مرابطة فى قرية بوطة الواقعة
على خط السكة حديد جنوب بابنوسة واقرب
لمنطقة المجلد والميرم القريبة لابيى
وتحياتى ومعاك لا لا لا للحـــــــــــــــــرب |
عارف يا معاويه
الكيزان ديل مرزقين جداً و المعارضه زائد الحركه الشعبيه
غير زادوا سنوات حكم الكيزان ما عملوا حاجه
يعني لما الناس قرفت خلاااااااص و الانتفاضه بقت قاب قوسين او أدنى
ظهر موضوع المحكمه الجنائيه و الأعمى شايل المكسح بقوا ورأ البشير
اها اسه الحركه حتخلي الشعب ده كلوا واقف ورأ الكيزان باسم الوطن
و انتفاضه ما حتقوم لي يوم الدين بي بلادة الحركه الشعبيه دى
وده بالضبط العاوزنو الكيزان
و أنا شخصيا مع الجيش السودانى
وان كان قائد هذا الجيش علي عثمان
و ان كان من يقاتل باسم الجيش هى الكتيبه الاستراتيجية
فالموضوع هنا ليس من هو من يحمل السلاح
انما من يقاتل من اجل الوطن
عارف
الوهم البيكتبوا بي اسم المعارضه هنا ديل و العمرهم ما شافوا بيوت أشباح ديل
ديل بيخلونا نقول كلام هنا الواحد بكون كرهان يقولوا جداً
لكن فى اشياء لازم الواحد يحدد موقفو و بصوره قاطعه
عارف
مش اسه العالم ده كلو انتفاضه
و السودان مويه ما فيهو و الناس بقت تمرق الشارع بي سبب و من غير سبب
كبدايه للانتفاضه
يعنى شدة ما الناس زهجانه
بتات عربيه يدقش ليهو بتاع ركشه
ناس الجريف يطلعوا مظاهره
اها فى زهج اكتر من كده؟
لكن خلي اسه تقوم حرب
الكيزان المرزقين ديل
الشعب كلو حيقيف ورآهم و تأتى الله يحلنا بس
|
Post: #4
Title: Re: حاجه عجيبه جداً و ما مفهومه كمان
Author: ABUHUSSEIN
Date: 05-25-2011, 05:21 PM
Parent: #3
عاش رجال قوات الشعب المسلحة السودانية و هم يردون الصاع صاعين للخونة
إنتخابات جنوب كردفان قالو لو حصل فيها تزوير حا إدخلو الخرطوم
الآن أبيي ما قادرين إقعدو فيها
|
Post: #5
Title: Re: حاجه عجيبه جداً و ما مفهومه كمان
Author: وليد محمد المبارك
Date: 05-25-2011, 05:22 PM
Parent: #3
يا معاوية ود الصايم احترموا عقولنا ياخ
Quote: من يقاتل ويحارب فى ابيى جيش الكيزان
المنظم |
نحن عاوزين نعرف الكيزان ديل اغلبية لدرجة انو يكون عندهم جيش خاص بيهم يحارب بالنيابة عنهم في منطقة نائية زي ابيي دي
ده كلام زول في سنة اولى ما بدخل عقلو
لو الكيزان المحاربين بتاعنهم قدر ده
حيت لي امهم
انت يا معاوز عاوز تعزل الكيزان وتقلل من شانهم
تقوم تنسب ليهم المجموعة الحاربت في ابيي وتقول ديل كلهم كيزان
بدون تفكير ووعي
|
Post: #6
Title: Re: حاجه عجيبه جداً و ما مفهومه كمان
Author: ABUHUSSEIN
Date: 05-25-2011, 05:24 PM
Parent: #5
الجهل مصيبة
و المعارضة العشوائية بتخدم البشير و جماعتو
|
Post: #16
Title: Re: حاجه عجيبه جداً و ما مفهومه كمان
Author: ناصر البطل
Date: 05-25-2011, 05:41 PM
Parent: #6
يا ابو حسين
و الله أنا بقيت شاكى انو
كيزان سودانيزاونلاين ديل زاتم معارضه
يعنى الموضوع بس اختلاف رؤى
لكن فى ناس رؤيتم قاطعنها من راسم
وهى العامله دربكه و مخليه المعارضه فاقده بوصلته
غايتو الله يهدى سرهم عشان الحكومه دى تغور
|
Post: #7
Title: Re: حاجه عجيبه جداً و ما مفهومه كمان
Author: وليد محمد المبارك
Date: 05-25-2011, 05:25 PM
Parent: #5
يا بطل
انا شخصيا قريت كلام واضح هنا
لي
1) مرتضى جعفر
2) نزار
3) عبد المجيد
كانو بهددوا في علاء الدين بالامر ده بعد انتخابات ابيي
حتى عبد المجيد كان حايم البوستات وبكتب قبل ظهور النتيجة بقول
يالنجمة يالهجمة
ومرتضى قال لي علاء الدين ارجوا الراجيكم
ونزار برضو
|
Post: #14
Title: Re: حاجه عجيبه جداً و ما مفهومه كمان
Author: ناصر البطل
Date: 05-25-2011, 05:38 PM
Parent: #7
يا شفت
انت احسن هوايتك الاطلاع بالاضافه للكوره
اها أنا الله ابتلانى بي هواية القرايه بس
أنا قريت الكتب دى من اليسار لليمين و من اليمين لليسار بحثا عن للحقيقه
يا أنا فى فتره شدة ما كنته قاطع موضوع و جحمان
قريت لى محمود محمد طه كتابة بتاع الصلاه مرتين
لكن صدقنى
زى القريتو فى سودانيزاونلاين وحاتك ما قابلنى
|
Post: #8
Title: Re: حاجه عجيبه جداً و ما مفهومه كمان
Author: معاوية عبيد الصائم
Date: 05-25-2011, 05:25 PM
Parent: #3
ناصر اتفق معاك تماما يوجد خلل سياسى للتغير....
ذلك لايعنى ...الذهول...والاحباط يا صديــــــق
لك احترامى دوما .واحترم وعيك الحقيقى بوطن
اكثر رحمة...وطن واضح التفاصيل دون اخطاء
تصب فى ميس هولاء السفلة...
تحياتى
|
Post: #9
Title: Re: حاجه عجيبه جداً و ما مفهومه كمان
Author: ود الباوقة
Date: 05-25-2011, 05:30 PM
Parent: #8
| Quote: تصب فى ميس هولاء السفلة... |
؟؟؟؟؟؟؟؟؟؟؟؟؟؟؟؟
البطل
فعلا بطل
برافو
مودتي
|
Post: #10
Title: Re: حاجه عجيبه جداً و ما مفهومه كمان
Author: ABUHUSSEIN
Date: 05-25-2011, 05:30 PM
Parent: #8
العاجزن كثيرون في البورد
|
Post: #11
Title: Re: حاجه عجيبه جداً و ما مفهومه كمان
Author: معاوية عبيد الصائم
Date: 05-25-2011, 05:33 PM
Parent: #8
Quote: نحن عاوزين نعرف الكيزان ديل اغلبية لدرجة انو يكون عندهم جيش خاص بيهم يحارب بالنيابة عنهم في منطقة نائية زي ابيي دي
|
وليد ازيك واريتك طيب
الكيزان اغلبية بجبروتهم يا وليد
وساهل يا وليد يجمعوا كودارهم
من كل القطاعات لتكوين كتيبة
لحرابة جديدة
ياوليد بغض النظر عن فوز الحلو
او سقوط هارون...ما حدث فى ابيى
يعد انتصار سياسى للحركة الشعبية
وليد ..انا لاعلاقة لى بالحركة الشعبية البتة
بس بقراء فى الراهن السياسى .الحشرونا فيهو
الكيزان ديل
وتحياتى
|
Post: #12
Title: Re: حاجه عجيبه جداً و ما مفهومه كمان
Author: ABUHUSSEIN
Date: 05-25-2011, 05:36 PM
Parent: #11
ليهم فترة العاجزون يطلقون على الجيش السوداني جيش المؤتمر الوطني ليكون الجيش هدفاً لعجزهم
|
Post: #19
Title: Re: حاجه عجيبه جداً و ما مفهومه كمان
Author: وليد محمد المبارك
Date: 05-25-2011, 05:50 PM
Parent: #11
وانا مختلف معاك تماما يا معاوية
ما فعلته الحركة اعطى المؤتمر الوطني روح جديده
الان يا معاوية اغلب المسيرية مؤتمر وطني بسبب رعونة الحركة الشعبية
لسببين
الاول تحرشات الحركة بيهم الفترة الفاتت
الثاني دخول الوطني ابيي اعطاهم احساس بالامن شوية وانو الوطني في صفهم
الان بعد حركان الشعبية في ابيي
الشارع السوداني هلاف شارع اون لاين ده متعاطف من الوطني
الكلام ده اتكرر اكتر من مرة
الوطني كان في اضعف حالاته
جات احداث قرن جمعلت المواطنين حوله بسبب الخوف من الشعبية
الوطني في اضعف حالاته
جات احداث امدرمان وجمعت المواطنين تاااااااااااني خلف الوطني بسبب عدم الاحساس بالامان
تاني الوطني في اضعف حالاته
جا القرار ############ بتاع الجنائية رفع اسهم البشير لدرجة حيرت الناس
هسع الوطني كان في اضعف حالاته بسبب التغيرات الحاصلة حولينو
يقوموا ناس الحركة البلدا يدوه زخم داخلي ويكبروا كوموا باعتبار انو المدافع عن الوطن
كرهتونا البلي
|
Post: #21
Title: Re: حاجه عجيبه جداً و ما مفهومه كمان
Author: معاوية عبيد الصائم
Date: 05-25-2011, 05:55 PM
Parent: #19
Quote: الان يا معاوية اغلب المسيرية مؤتمر وطني بسبب رعونة الحركة الشعبية
|
بس شان الكيزان لعبوا على الخطاب العنصرى يا وليد؟
انت من زمن البلى يا ولى....
|
Post: #24
Title: Re: حاجه عجيبه جداً و ما مفهومه كمان
Author: وليد محمد المبارك
Date: 05-25-2011, 06:07 PM
Parent: #21
| Quote: بس شان الكيزان لعبوا على الخطاب العنصرى يا وليد؟ |
صحيح يا معاوية
لكن سبب نجاح خطابهم
هي الممارسات الفعلية والعنصرية للحركة الشعبية ضد المسيرية
|
Post: #13
Title: Re: حاجه عجيبه جداً و ما مفهومه كمان
Author: رانيه محمد الشيخ
Date: 05-25-2011, 05:37 PM
Parent: #8
موضوع الحرب دا عامل لى كاروشه
اينعم المثل بيقول انا على ابن عمى وانا وابن عمى على الغريب
لكن صعععععععععععععععععبه ابقى على ابن عمى دى ونحنا كنا زمان بنحمل نفس الدماء الوطنيه لارض واحده
|
Post: #15
Title: Re: حاجه عجيبه جداً و ما مفهومه كمان
Author: ABUHUSSEIN
Date: 05-25-2011, 05:40 PM
Parent: #13
Quote: موضوع الحرب دا عامل لى كاروشه
اينعم المثل بيقول انا على ابن عمى وانا وابن عمى على الغريب
لكن صعععععععععععععععععبه ابقى على ابن عمى دى ونحنا كنا زمان بنحمل نفس الدماء الوطنيه لارض واحده |
يا رانية إبن عمي لو غدر بي و قتل و شرد........ برضو أقعد أتفرج عليه..؟؟؟؟
|
Post: #18
Title: Re: حاجه عجيبه جداً و ما مفهومه كمان
Author: معاوية عبيد الصائم
Date: 05-25-2011, 05:47 PM
Parent: #15
نا صر ووليد لو بنتكلم عن القوات المسلحة (الجيش الوطنى ) المفترض
من اين تخرج هذا العميد حتى وصل لتلك الرتبة
يدعى عبد المجيد محمد عبد المجيد (محتال )دولى له الكثير من قضايا
النصب والاحتيال والسرقة وبيع الاعضاء البشرية الفاسدة
|
Post: #26
Title: Re: حاجه عجيبه جداً و ما مفهومه كمان
Author: ناصر البطل
Date: 05-25-2011, 06:24 PM
Parent: #18
يا معاويه
امثال هؤلاء كثر
يمكننى الان ان آتيك بآلاف من أمثاله
و لكن تبقي القوات المسلحه هى المؤسسه العسكريه الوحيده التى تحمى هذه البلاد
|
Post: #22
Title: Re: حاجه عجيبه جداً و ما مفهومه كمان
Author: رانيه محمد الشيخ
Date: 05-25-2011, 06:03 PM
Parent: #15
ما حقعد اتفرج
لكن الحكايه مشكلتها اكبر من الظاهر فعليا
لصراحه المصداقيه مفقوده فى كل بقاااااااااااااااع الارض
|
Post: #25
Title: Re: حاجه عجيبه جداً و ما مفهومه كمان
Author: ناصر البطل
Date: 05-25-2011, 06:14 PM
Parent: #13
يا رانيه معليش
لكن موضوع الجنوبيين ديل إخوانا بقي ماجايب حقو
انتى عايشه فى الخرطوم الزفت دى وله حته تانيه؟
نحنا غايتو عايشيين فيها و شايفين بي عيونا
يعنى انسيني من كلام الانترنت ده و الكلام الفارغ ده
الجنوبيين بيكرهوا الشماليين مووووووت
و عندهم عقده إحساس بالدونيه
و اثبتوا انهم ما بيفهموا الا بي لغة السلاح و العين الحمرا
كلام زى ده
ما صاح الواحد يعمل فيها مثقف و يقولوا
لكن معليش ده الواقع و مرحب بيك فى السودان ارض اللامعقول
الجنوبيين كالصهاينه نفس الايدلوجيا و المدرسه الفكريه
اها اسه عاجبك كده؟
رجعتينا تاني لكلام المثقفاتبه
ما تخليني اقوم اتجلي ليك هنا اسه :)
|
Post: #27
Title: Re: حاجه عجيبه جداً و ما مفهومه كمان
Author: رانيه محمد الشيخ
Date: 05-26-2011, 09:51 PM
Parent: #25
لكن هرشتنى هرشه
تانى اصلو ما بتكلم معاك فى تياته دى
صحيح تتجلى دى كيفين يعنى.؟؟؟؟؟؟؟؟؟؟؟؟
صحيح نسيت اقولك انى فى الزفت اى قاعده
ههههههههههههههههههه
|
Post: #17
Title: Re: حاجه عجيبه جداً و ما مفهومه كمان
Author: ناصر البطل
Date: 05-25-2011, 05:44 PM
Parent: #8
تسلم يا صديقي معاويه
وطن للسلم اجنحتو
و ضد الحرب اسلحتو
اكبر اكبر بي كتير
من وطن من غير حدود
لا درادر لا عساكر لا مساجين لا مساجن
|
Post: #20
Title: Re: حاجه عجيبه جداً و ما مفهومه كمان
Author: معاوية عبيد الصائم
Date: 05-25-2011, 05:51 PM
Parent: #17
نتفق على ما اظن حول مواقف مولانا ..عبد الاله زمراوى
Quote: مداخلة منقولة للاستاذ عبد الاله زمراوى
Quote: تعرف يا قائد الجيوش أخونا عبد المجيد لم ألتقي به منذ أيام البرقيق التي كان فيها قائداً للإضراب الشهير الذي دُشِّن بتلك المظاهرة المشهورة التي تحركت من البرقيق مرورا بكرمة-وادي خليل وإنتهاءً بكرمة النزل. وكنا نردد وراءه ونحن نجر حمارا ألبسناه طاقية (ما همانا مادام رئيسنا معانا) وشعار من قبيل (مد الفترة لن يرضينا)، أظن كان ذلك عام 1974 والله أعلم...
وإنقطعت صلتي به منذ ذلك الوقت حتى عام 2007 حيث إلتقيته في النادي النوبي وبعد السلام قال لي بالحرف الواحد والله على ما اقول شهيد (يااخي ما تجي تدخل معانا في اللعبة دي)؟ وسألته كيف السبيل لذلك ورد إنت بس أقبل والباقي عليِّ وودعته وانا أقول (ربما به لوثة عقلية) ثم توالت الأحداث عاصفة وشاهدناه في الفضائيات المختلفة وهو يسبح بأمجاد هذا النظام الهالك المتهالك، فإزدادت حيرتي في النظام، وليس فيه!
وهذه الصورة التي يبدو فيها صديقي عبد المجيد لم تدهشني كثيرا، لأنني أتوقع أسوأ من هذا وهو أن يحكمنا ويصير رئيسا للجمهورية قريبا، إذ يسعى بسرعة الصاروخ لبلوغ ذاك الهدف. وعنده سيخلع على نفسه رتبة المشير أركان حرب، وندخل في هيص بيص، لذلك أنصحك بمبايعته على المنشط والمكره بأثر إستباقي وكفى الله المؤمنين شر القتال....
والله الواحد بقى محتار وما عارف يقول ايش في هذا الزمان العجيب...
|
|
Post: #23
Title: Re: حاجه عجيبه جداً و ما مفهومه كمان
Author: د.نجاة محمود
Date: 05-25-2011, 06:05 PM
Parent: #20
Quote: الكيزان اغلبية بجبروتهم يا وليد
وساهل يا وليد يجمعوا كودارهم
من كل القطاعات لتكوين كتيبة
لحرابة جديدة
ياوليد بغض النظر عن فوز الحلو
او سقوط هارون...ما حدث فى ابيى
يعد انتصار سياسى للحركة الشعبية
وليد ..انا لاعلاقة لى بالحركة الشعبية البتة
بس بقراء فى الراهن السياسى .الحشرونا فيهو
الكيزان ديل
|
كان كدي يا معاوية يبقى الكيزان زييييييينة يا ود امي
البجمعوا ناسهم عشان يصدوا العدوان والبلطجة
انتو مالم ناسكم ما قادرين يعموا مظاهرة؟
اسال نفسك يا معاوية
وخلو البكا من منازلكم دا
علمتوا لصفية شنو بالمناسبة؟
|
|