Post: #1
Title: (تسريبات)عن تاجيل اجتماع( المكتب السياسي) للحركة بسبب (خلافات) بين (قيادات) الحركة الشعبية
Author: mayada kamal
Date: 05-25-2011, 11:22 AM
الاجتماع الكان مقرر له بعد بكرة (27 مايو)
تم تاجيله الى وقت لاحق من يونيو....... لم يحدد بعد في اي يوم بالضبط
ومن المعروف ان الاجتماع هذا تنبع اهميته كون انه اخر اجتماع والحركة الشعبية موحدة (قطاع شمال + جنوب ووو)
قبل فك الارتباط بينهما في التاسع من يوليو القادم
وتقول التسريبات ان سبب تاجيل الاجتماع هو الخلافات اللي دبت بين قيادات الحركة الشعبية خاصة سلفاكير وقيادات الحركة الشعبية من ابيي
والذين تفاجوا بردة فعل الحكومة (ضربة في الصميم بااعادة السيطرة على ابيي مع التجاهل التااااااام لوفد مجلس الامن الزائر للبلاد حينها... قال ليك حتى ما استقبلو الوفد بعربات رئاسة في المطار مما اضطر الوفد لانو يستقل حافلات الامم المتحده).. ...تجاه خطوة الجيش الشعبي بالاعتداء على سريتي الجيش السوداني وهي في حالة انسحاب ومعها القوة الزامبية التابعة للامم المتحدة
وكان من اجندة الاجتماع الاخير للمكتب السياسي تطورات الوضع في ابيي و استراتيجية فك الارتباط بين قطاع الشمالل والحركة الشعبية
|
Post: #2
Title: Re: (تسريبات)عن تاجيل اجتماع( المكتب السياسي) للحركة بسبب (خلافات) بين (قيادات) الحركة الشعبية
Author: أيمن التوم حسن
Date: 05-25-2011, 11:39 AM
Parent: #1
| Quote: ضربة في الصميم بااعادة السيطرة على ابيي مع التجاهل التااااااام لوفد مجلس الامن الزائر للبلاد حينها... قال ليك حتى ما استقبلو الوفد بعربات رئاسة في المطار مما اضطر الوفد لانو يستقل حافلات الامم المتحده).. |
هسه دى ضربه لى مجلس الامن والا لى الحكومه ؟؟؟ حكومتك دى كدا ياخيتى طبزت عينا بى يدها مع سبق الاصرار والترصد
Quote: (قطاع شمال + جنوب ووو)
|
اها وووو دى شنو ؟ قطاع طوكر ؟ وحلايب والا شنو
ملحوظه
كنت داير اقول ليك مصدرك شنو ,,, بس اتذكرت ,,, فتك بى عافيه
|
Post: #3
Title: Re: (تسريبات)عن تاجيل اجتماع( المكتب السياسي) للحركة بسبب (خلافات) بين (قيادات) الحركة الشعبية
Author: mayada kamal
Date: 05-25-2011, 12:06 PM
Parent: #2
| Quote: هسه دى ضربه لى مجلس الامن والا لى الحكومه ؟؟؟ حكومتك دى كدا ياخيتى طبزت عينا بى يدها مع سبق الاصرار والترصد |
السلام سنة يا ايمن يا اخوي
ولا شنو!!!!!!!!!!
المهم نرجع لموضوع البوست
اللغة اللي ردت بيها الحكومة على تجاوزات الحركة الشعبية وتصرفها مع وفد مجلس الامن
هي اللغة اللي بتفهمها الحركة الشعبية وامريكا
لغة العنف واللغة الخشنة
وبالعكس الحكومة موقفها حيقوى من ذلك الموقف ولي قدام
وبدل ما كانو بعملوا ليها حساب
حيعملوا ليها الف حساب
وبعض من هذا الاعتبار نابع من مفاجاتهم بردة فعل الحكومة
| Quote: اها وووو دى شنو ؟ قطاع طوكر ؟ وحلايب والا شنو |
شنو يا ايمن نحن نجيب ليكم الاخبار ونثقفكم كمان ولا شنو
يعني انت ما عارف انو الحركة الشعبية فيها قطاع الشمال وقطاع جبال النوب وقطاع دارفور والمناطق الماززومة ولا شنو كدا ما بعرف
|
Post: #4
Title: Re: (تسريبات)عن تاجيل اجتماع( المكتب السياسي) للحركة بسبب (خلافات) بين (قيادات) الحركة الشعبية
Author: Elmosley
Date: 05-25-2011, 12:20 PM
Parent: #3
Quote: المهم نرجع لموضوع البوست
اللغة اللي ردت بيها الحكومة على تجاوزات الحركة الشعبية وتصرفها مع وفد مجلس الامن
هي اللغة اللي بتفهمها الحركة الشعبية وامريكا
لغة العنف واللغة الخشنة
وبالعكس الحكومة موقفها حيقوى من ذلك الموقف ولي قدام
وبدل ما كانو بعملوا ليها حساب
حيعملوا ليها الف حساب
وبعض من هذا الاعتبار نابع من مفاجاتهم بردة فعل الحكومة |
لا اتفق معك يامياده
فهذا التعامل من الحكومة مع وفد مجلس الامن
سيتيح لامريكا ان تفعل مافعلته في ليبيا
وستؤخذ ابيي قسرا حيث لاينفع الندم
كان يجب على الحكومه آن تثبت للوفد آن الحركه هي المخطئة
وتكسب جانبه خصوصا رايس المتحيزه
واعتقد جازما بان مافعلته الحكومه هو عمى البصيرة نفسه
ويذكرني بموقفها ايام غزو العراق للكويت
حيث لا ينفع الندم
|
Post: #5
Title: Re: (تسريبات)عن تاجيل اجتماع( المكتب السياسي) للحركة بسبب (خلافات) بين (قيادات) الحركة الشعبية
Author: دينا خالد
Date: 05-25-2011, 12:55 PM
Parent: #1
يعنى كان اجلوهو ( الخلافات ) بتروح .. !!
ــــــــــــــــــــ
التجاهل التااااااام دا
بعدين بيابوهو وبياكلوها حافه ,,,
ناس مجلس الامن ديل مش ياهم اصحاب القرارات بالارقام اياها؟؟
ومش ياهم ذاااتهم الرفعوا ملف دارفور لى اوكامبو ؟؟
وتييييب
دخلوا كيف هم من اصلو لما الحكومة عندها موقف قاطع ذى دا منهم ؟؟
|
Post: #6
Title: Re: (تسريبات)عن تاجيل اجتماع( المكتب السياسي) للحركة بسبب (خلافات) بين (قيادات) الحركة الشعبية
Author: كمبورة
Date: 05-25-2011, 01:20 PM
Parent: #5
اخيتي ميادة سلام وتحية
اها يا ميادة دي واحدة من كضباتك ديك والله شنو ؟
اها الوزير تراجع ام لم يتراجع ؟
باشر مهامه ام لم يباشرها ؟
ما قلتي لي ترى ان مغرود في الرد
علشان نعرف حالنا من محتالنا
انتظرتك تجيبي الصور لجولته مع الريس
لكن اظنك كنتي مشغولة
اها بعتي والله ما بعتي ؟
|
|