Post: #1
Title: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 06:26 AM
Parent: #0
تدهشني كل هذه الاصوات الفرحه
باستعداء قوات اجنبية لجيشنا ومناصرة لدولة ستصبح دولة عدوة اذا شنت
حرب علي وطني السودان
هذا خط احمر لن اتخطاه في معارضتى لنظام مجرم في نظري
|
Post: #2
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 06:35 AM
Parent: #1
المعارضه لا تعني الخيانه
اذا اندلعت حرب بين الشمال والجنوب
الوضع يختلف الان
منتسبي الدفاع الشعبي ابناء وطني
منتسبي الجيش السوداني ابناء وطني
اما اخوة الامس
لا اجد تسميه لهم غير
العدو
|
Post: #3
Title: Re: في حالةالحرب انامع جيشنا لو كان كله كيزان:
Author: Tragie Mustafa
Date: 05-25-2011, 06:37 AM
Parent: #1
وليد شنقراي
انت من ميتن اصلا بتكتب كلام مسؤل ولا منطقي؟؟؟
اتفاصح يا صديقي ما تشاء قال جيشنا قال
حسه انت الادروبي ده لو سالوك في كم ادروب بهذا الجيش؟؟!!
ولماذا يحجم الادروبات عن الانتماء ل(مصنع الرجال) كما يسمي
البعض الكليه الحربيه؟!
ثانيا:
متى مارس هذا الجيش تقتيلا حقيقيا باهلك؟؟كما فعل بالجنوبين 2 مليون
ونصف مليون بجبال النوبه وربعه بالنيل الازرق ونصف مليون بدارفور؟؟
وهل لو سالنا احد اسر شهداء البجا ال 22 وسيقون مثل كلامك المجغمس هذا؟؟
قال جيشنا؟؟؟
جيشك البفتح النار في فقراء البجا؟؟عمال المينا؟؟؟
الا تستحي؟؟؟
لا مبروك عليك وطنيتك.
وما تعتبرها وطنيه نعتبرها فقط (قلة وعي)!
نحن طابور خامس ونتشرف.
هذا الجيش العرقي الامؤدلج لا يمثلنا!
|
Post: #4
Title: Re: في حالةالحرب انامع جيشنا لو كان كله كيزان:
Author: Tragie Mustafa
Date: 05-25-2011, 06:44 AM
Parent: #3
بلا اخوة الامس بلا اكاذيب معاك
انت عنصري وكتبت بهذا الموقع من قبل فاليذهب الجنوب غير مأسوفا عليه
وسنحضر غسالات عربات اتوماتيكه ومن هم الجنوبين غير مسالين عربات لنا؟؟
انسيت ولا فاكرنا نسينا؟؟؟
Quote:
المعارضه لا تعني الخيانه
اذا اندلعت حرب بين الشمال والجنوب
الوضع يختلف الان
منتسبي الدفاع الشعبي ابناء وطني
منتسبي الجيش السوداني ابناء وطني
اما اخوة الامس
لا اجد تسميه لهم غير
العدو |
محزن انك تكون اخو درير زوج اماني الجاك!!
هؤلاء اعلام في الانسانيه
وانت كتاباتك كلها طبيظ وبؤس وعنصريه!!
كم مره اعتذرت هنا؟؟
وكم مره تراجعت
وكم مره ادعيت بانه الناس ما فهمتك؟؟؟
انت اي زول بتدخل المنبر صاحي ولا طاشم؟؟
اها بمناسبة التضامن مع الكيزان دي
حسه يجوا يطلعوك شيخ ويجب ان يتبرك الحيران عندك.
مبروك عليك مساندتك لنظام القتله!! وسفاحي دماء الابرياء!
|
Post: #5
Title: Re: في حالةالحرب انامع جيشنا لو كان كله كيزان:
Author: أمير فتحي
Date: 05-25-2011, 06:57 AM
Parent: #4
Quote: حسه يجوا يطلعوك شيخ ويجب ان يتبرك الحيران عندك.
مبروك عليك مساندتك لنظام القتله!! وسفاحي دماء الابرياء! |
ولا يطلعو شيخ ولا حاجه
الراجل مواطن سوداني وقال كلام العقل لو قامت الحرب حيكون مع جيش بلدو حتى لو مختلف مع حكومتو توتالي ...وماأظن في كلام طبيعي غير دا
وحتى الجنوبيين المختلفين مع الحركة ماأظن حيحاربو مع الشمال ضد دولتم
ودا الموقف السوي في أي دولة خلقنا ربنا
|
Post: #6
Title: Re: في حالةالحرب انامع جيشنا لو كان كله كيزان:
Author: ود الباوقة
Date: 05-25-2011, 06:59 AM
Parent: #5
كلام شنقراي دا كلام رجال والله
الجنوب اصبح دولة قائمة بذاتها
وكل من يقف معها من اهل الشمال اذا نشبت حرب
يعتبر خائنا لوطنه
تراجي بطلي دغمسة لو سمحتي
|
Post: #12
Title: Re: في حالةالحرب انامع جيشنا لو كان كله كيزان:
Author: Tragie Mustafa
Date: 05-25-2011, 08:01 AM
Parent: #6
اها يا ود الباوقه انا الابطل دقمسه
شوف القصه الوثق ليها فائز ود القاضي دي كيف؟؟؟
قالو طنيه قال؟؟!!!
Quote:
وليد .. سلامات ...
زميلي وابن دفعتي (....) من ابناء الشرق وهو من اصول غرباوية رغم انه لايعرف الا الشرق ولا ينتمى الا له ، كان ضابطاً مخلصاً في الجيش السوداني وكان من الحركة الاسلامية واشهد أنه كان في غاية التهذيب ومن الذين قاتلوا في الجنوب واصيب اكثر من مرة ثم بعد الحرب عاد كغيره الى الشمال ..بعد ضربة دكتور خليل تم إعادة تشكيل القوات المسلحة وتم تسريحهه من الجيش مع مجموعة اخرى من بنى جلدته من ابناء الغرب رغم انه لا يعرف الغرب ولم يزره في حياته فهو ابن الشرق ...فقط السحنة كانت كافية لتسريحهه من الجيش بإسم الصالح العام وهو مازال شاباً مخلصاً لوطنه ...ندم على كل لحظة قضاها في الجيش وشكر الله لانه لم يمت في أى من حروبه ...غادر السودان مهاجراً وفي قلبه غصة والم ...
تُستدعى العاطفة الوطنية عندنا في الحروب المفتعلة و تنتزع عند السلام تهميشاً واقصاءاً ..
|
غايتو خموا المسيريه الدارويش منهم امثال ناس تبلدينا ديل باسم الوطن!!
الا قولت الوزرات و المخصصات ما تنسوهم زي ما بتعملوا دائما وتقسموها انتو
يا قبائل مثلث حمدي؟!
قال دغمسه قال؟!
|
Post: #7
Title: Re: في حالةالحرب انامع جيشنا لو كان كله كيزان:
Author: فايزودالقاضي
Date: 05-25-2011, 07:28 AM
Parent: #5
وليد .. سلامات ...
زميلي وابن دفعتي (....) من ابناء الشرق وهو من اصول غرباوية رغم انه لايعرف الا الشرق ولا ينتمى الا له ، كان ضابطاً مخلصاً في الجيش السوداني وكان من الحركة الاسلامية واشهد أنه كان في غاية التهذيب ومن الذين قاتلوا في الجنوب واصيب اكثر من مرة ثم بعد الحرب عاد كغيره الى الشمال ..بعد ضربة دكتور خليل تم إعادة تشكيل القوات المسلحة وتم تسريحهه من الجيش مع مجموعة اخرى من بنى جلدته من ابناء الغرب رغم انه لا يعرف الغرب ولم يزره في حياته فهو ابن الشرق ...فقط السحنة كانت كافية لتسريحهه من الجيش بإسم الصالح العام وهو مازال شاباً مخلصاً لوطنه ...ندم على كل لحظة قضاها في الجيش وشكر الله لانه لم يمت في أى من حروبه ...غادر السودان مهاجراً وفي قلبه غصة والم ...
تُستدعى العاطفة الوطنية عندنا في الحروب المفتعلة وتنتزع عند السلام تهميشاً واقصاءاً ..
|
Post: #8
Title: Re: في حالةالحرب انامع جيشنا لو كان كله كيزان:
Author: أمير فتحي
Date: 05-25-2011, 07:32 AM
Parent: #7
فايز ود القاضي
بلادي وإن جارت علي عزيزه ....وأهلي وإن ضنو علي كرام
تصرف شخص أرعن في إبعاد الفتى أو كيد كايد له لا يجعل المبادئ تتجزأ
|
Post: #9
Title: Re: في حالةالحرب انامع جيشنا لو كان كله كيزان:
Author: Tabaldina
Date: 05-25-2011, 07:39 AM
Parent: #8
..
.
انت براك معاك كل قبائل كردفان ..
وعلى رأسهم المسيرية ..
--------
غايتو الحرب المرة دا لو بدأت ما بتقيف الا فى نملى
الدينكا ديل الا يبقوا مواطنيين اوغنديين تانى ..
|
Post: #10
Title: Re: في حالةالحرب انامع جيشنا لو كان كله كيزان:
Author: Deng
Date: 05-25-2011, 07:57 AM
Parent: #9
Quote: غايتو الحرب المرة دا لو بدأت ما بتقيف الا فى نملى
الدينكا ديل الا يبقوا مواطنيين اوغنديين تانى .. |
ههههههههههههه
|
Post: #14
Title: Re: في حالةالحرب انامع جيشنا لو كان كله كيزان:
Author: Tabaldina
Date: 05-25-2011, 08:04 AM
Parent: #10
..
.
بتضحك ..
هو انت عندك نفس تضحك ..
يكون فشفاشك داير ينفجر .. موتوا بغيظكم
-------
بعدين انت ما دينكاوى ولا حتى مواطن سودانى شمالى او جنوبي
انت للانتخابات ما ليك حق التصويت ..
قرقرقرقرقرقر
|
Post: #11
Title: Re: في حالةالحرب انامع جيشنا لو كان كله كيزان:
Author: فايزودالقاضي
Date: 05-25-2011, 07:58 AM
Parent: #9
حبيبنا امير ...سلامات ..
| Quote: تصرف شخص أرعن في إبعاد الفتى أو كيد كايد له لا يجعل المبادئ تتجزأ |
بل تصرف مجموعة منظم ...الحزب عندما اصبح دولة سرح كل الشرفاء الوطنيين واخلى الجيش الا من كوادره ..المبادئ لاتتجزأ وكذلك الوطنية لاتتجزأ وابيي مثل حلايب والفشقة وماقامت به الحركة - ان فعلت - هو ماقامت به القوات المصرية في حلايب ...
|
Post: #15
Title: Re: في حالةالحرب انامع جيشنا لو كان كله كيزان:
Author: أمير فتحي
Date: 05-25-2011, 08:09 AM
| Quote: وماقامت به الحركة - ان فعلت - هو ماقامت به القوات المصرية في حلايب ... |
لا لا ياود القاضي ...ماكدا
حتى لوكا بيونق قال إنو الإعتداء على القوات المسلحة كانت غلطه وتصرف أحمق من أحد عساكر الجيش الشعبي
ناس الحركة ديل زي اللاعب الحاور الميدان كلو وإنفرد بالتلاته خشبات وشاتا في الأوت ...معقولة بعد كل المكتسبات الحققوها بسبب السلام ...يجي عسيكير كاتح ليهو مريسه ولا مصيبة زمان ينسف شغل قدر دا؟ ويرجع الناس تسعه سنه لا وراء ....
الحركة أحوج من المؤتمر الوطني في عدم التوتر وحل قضية أبيي سلمياًوفي هذا الوقت بالذات
|
Post: #16
Title: Re: في حالةالحرب انامع جيشنا لو كان كله كيزان:
Author: Abdlaziz Eisa
Date: 05-25-2011, 08:09 AM
Quote:
في حالةالحرب انامع جيشنا لو كان كله كيزان:
|
وفي حالة الانقلاب على الشرعية والديمقراطية؟
|
Post: #25
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 12:19 PM
Parent: #16
عبدالعزيز
تحياتي
انا معه في
حالةالحرب مع قوات اجنبية فقط
|
Post: #17
Title: Re: في حالةالحرب انامع جيشنا لو كان كله كيزان:
Author: saif massad ali
Date: 05-25-2011, 08:11 AM
شوف ليك جنس نضم
ادروب منو القال ليك الجنوب اعداءك
الجنوب اخوي ود امي وابوي
الجنوب جزء من تاريخي وتراثي وعقيدتي
الجنوب مشترك معي في هويتي
اذا اصبح الجنوب دولة فانا مواطنا في الجنوب وفي الشمال
مقابر اجدادي بالجنوب
انت والبشير ما عندكم راس
|
Post: #29
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 06:58 PM
Parent: #17
والله يا سيف انت لو ف%
|
Post: #30
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 06:59 PM
Parent: #17
والله يا سيف انت لو في زول مفروض يتجاهلوه في البورد
انت
يا اخي سيب الجري وراء تراجي ومحاولة over do what she does
حارد عليك
مرحب بيك and be your own man
ادروب دي شنو
اقول ليك ابكراي
كوكو
داير ياتو اسم من الهامش عشان يديك مكانه مع قوي الهامش
بلا جدودى مدفونين في الجنوب بلا تلصق معاك
اتمني تحارب مع حراس مقابراجدادك
عشان ما تلقي حته تتدفن فيها
اشفق علي امثالك كثيرا
|
Post: #24
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 11:58 AM
Parent: #5
| Quote: الراجل مواطن سوداني وقال كلام العقل لو قامت الحرب حيكون مع جيش بلدو حتى لو مختلف مع حكومتو توتالي |
سلام وشكرا امير
قبلناها في هلال مريخ
لكن اذا الوطن في حالة حرب وسوداني يفرح ويهلل لضرب بلدنا بايادي اجنبيه
دي خيانه ليس لهااي مسمي اخر
واذا سوداني تعدي علي سودانيين يسمي مجرم
| Quote: وحتى الجنوبيين المختلفين مع الحركة ماأظن حيحاربو مع الشمال ضد دولتم |
للاسف هنالك مننا من يظن انها معارضه
|
Post: #18
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 08:19 AM
Parent: #4
اختي تراجي مع احترامي الكامل لشخصك وبعض ارائك ومواقفك
كالعاده تخاطبين الاسم الذى منحني له الاخ بكري ابوبكر
نعم كتبت الكثير من الكلام الذي تراجعت عنه واتمني ان تجربي ذلك فهو ليس بمنقصة ان تعود الي الثواب
ربما كنت مخطئا سابقا ولكن انا متاكد من هذا الراي هو الذى لن اتراجع عنه
نعم كانو اخوة الامس رضيت انا ام ابيت
وسيصبحون اعداء الغد اذا اندلعت حرب بين بلدنا وبلدهم رضيت انت ام ابيت
ربما كنت مخطئا سابقا ولكن انا متاكد من هذا الراي هو الذى لن اتراجع عنه
| Quote: انت اي زول بتدخل المنبر صاحي ولا طاشم؟؟ |
الاثنين معا
المرة دي صاحي اذا انتبهت لزمن البوست بتقدري تفرقي
(توقيت الخرطوم)
لا اكتب مااظنه طمعا في تصفيق من المعارضه
او تهليل من المحسوبين من النظام
|
Post: #27
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 05:14 PM
Parent: #4
| Quote: محزن انك تكون اخو درير زوج اماني الجاك!! |
لا اعرف بماذا ارد عليك!!!!!!!!!!!!
ارجوك مسح هذا الجزء من مداخلتك
اتقبل منك ما تبقي منها
................
حتي الان اكن لك كثير من الاحترام لشخصك واسرتك
هجومك علي شخصي لن يغير الكثير في
|
Post: #19
Title: Re: في حالةالحرب انامع جيشنا لو كان كله كيزان:
Author: walid shingrai
Date: 05-25-2011, 08:44 AM
Parent: #3
اخي فائز سلام
نعارض هذا النظام ونختلف معه ونجرمه لاسباب لا يمكن حصرها
لكن لن اناصر ابدا
اي دوله اجنبيه تشن او تدخل في حرب مع السودان
بتاتا
.......................
قصة صديقك كررها النظام
لكن لا اظن غضب صديقك سيقوده لمناصرة عدو علي بلده
|
Post: #20
Title: Re: في حالةالحرب انامع جيشنا لو كان كله كيزان:
Author: Shawgi Sulaiman
Date: 05-25-2011, 08:56 AM
Parent: #19
Quote: تدهشني كل هذه الاصوات الفرحه
باستعداء قوات اجنبية لجيشنا ومناصرة لدولة ستصبح دولة عدوة اذا شنت
حرب علي وطني السودان
هذا خط احمر لن اتخطاه في معارضتى لنظام مجرم في نظري |
يا وليد
والله أنت سوداني اصيل واتمنى كل السودانيين يكونوا كده فعلا هذا خط أحمر لا يمكن تجاوزه والخزي والعار لكل من يتآمر ضد السودان
|
Post: #21
Title: Re: في حالةالحرب انامع جيشنا لو كان كله كيزان:
Author: فايزودالقاضي
Date: 05-25-2011, 08:56 AM
Parent: #19
وليد ...سلام ..
Quote: اخي فائز سلام
نعارض هذا النظام ونختلف معه ونجرمه لاسباب لا يمكن حصرها
لكن لن اناصر ابدا
اي دوله اجنبيه تشن او تدخل في حرب مع السودان
بتاتا
.......................
قصة صديقك كررها النظام
لكن لا اظن غضب صديقك سيقوده لمناصرة عدو علي بلده |
بالتأكيد لا اناصر عدو اجنبي على وطني ولا اناصر وطني اذا اعتدى ...لكن هل الجنوب الآن اجنبي ؟!! وليه ماتم التعامل مع قضية ابيي كما تم التعامل مع حلايب في جعلها مدينة تكامل او مايجعل اهل المدنية يتعايشون بسلام كما كانوا تاريخياً ؟!!
|
Post: #22
Title: Re: في حالةالحرب انامع جيشنا لو كان كله كيزان:
Author: أمير فتحي
Date: 05-25-2011, 09:52 AM
Parent: #21
Quote: وليه ماتم التعامل مع قضية ابيي كما تم التعامل مع حلايب في جعلها مدينة تكامل او مايجعل اهل المدنية يتعايشون بسلام كما كانوا تاريخياً ؟!!
|
ود القاضي تاني إزيك
للأسباب الآتية :
1- بغباء شديد تصر الحركة الشعبية على عدم أحقية المسيرية في التصويت لتبعية أبيي وهي تعلم حقوقهم التاريخية
2- بغباء شديد ضمنت الحركة الشعبية أبيي في حدود دولتا وهي تعلم أن القضية لم تحسم بعد
3- بغباء شديد إعتدت الحركة الشعبية الجيش و القوات الأممية وهي تعلم ردة الفعل حتكون كدا
4- بغباء شديد الحركة الشعبية ستفقد قضية أبيي حرباً وهي تعلم أنها كانت ستسفيد منها سلماً
مودتي
|
Post: #23
Title: Re: في حالةالحرب انامع جيشنا لو كان كله كيزان:
Author: فايزودالقاضي
Date: 05-25-2011, 10:06 AM
Parent: #22
امير دوماً ...سلامات ..
Quote: للأسباب الآتية :
1- بغباء شديد تصر الحركة الشعبية على عدم أحقية المسيرية في التصويت لتبعية أبيي وهي تعلم حقوقهم التاريخية
2- بغباء شديد ضمنت الحركة الشعبية أبيي في حدود دولتا وهي تعلم أن القضية لم تحسم بعد
3- بغباء شديد إعتدت الحركة الشعبية الجيش و القوات الأممية وهي تعلم ردة الفعل حتكون كدا
4- بغباء شديد الحركة الشعبية ستفقد قضية أبيي حرباً وهي تعلم أنها كانت ستسفيد منها سلماً |
بالتأكيد ماقلته عن المؤتمر الوطني اقوله للحركة ..فمنطقة ابيي كان بإمكانها ان تكون منطقة تعاون وتوأمة وتكامل بين الدولتين وكلاهما دمر العلاقة الازلية بين المسيريه والدينكا نقوك ...نعم الحركة ارتكبت جرماً لضمها ابيي قبل حسم امرها ..
مايجعل ابيي جزءاً من السودان الشمالي هو مايجعل الجنوب جزء من السودان ، وأكبر خطأ ارتكبته حكومة المؤتمر الوطني تفريطها في ارض لم تفوض في منحها لمن اراد ..وهاهي تحصد مازرعت ونحصد معها مالم نزرع ...
|
Post: #26
Title: Re: في حالةالحرب انامع جيشنا لو كان كله كيزان:
Author: عمر صديق
Date: 05-25-2011, 12:26 PM
Parent: #23
Quote: يا وليد
والله أنت سوداني اصيل واتمنى كل السودانيين يكونوا كده فعلا هذا خط أحمر لا يمكن تجاوزه والخزي والعار لكل من يتآمر ضد السودان |
|
Post: #28
Title: Re: في حالةالحرب انامع جيشنا لو كان كله كيزان:
Author: الشفيع وراق عبد الرحمن
Date: 05-25-2011, 06:03 PM
Parent: #26
Quote: يا وليد
والله أنت سوداني اصيل واتمنى كل السودانيين يكونوا كده فعلا هذا خط أحمر لا يمكن تجاوزه والخزي والعار لكل من يتآمر ضد السودان |
واولهم تراجي مصطفى
شكرا وليد
الرجال مواقف
|
|