اذا كان الحركة مسئولة فعلا فالحكومة محقة فى احتلال ابيي

انا لا استبعد نظرية المؤامرة فى الكمين المزعوم الذى نسب الى الحركة

وا عتقد اعتقاد اسبه للجزم ان الحكومة او المؤتمر الوطنى من فعل ذلك

ليبرر ما قام بفعله يوم امس باحتلال ..فعهدنا بميكافيلية المؤتمر

الوطنى يشير الى ان (الجبهة الاسلامية ) تفعل كل شئ وبدون اى ضابط

اخلاقى او دينى او انسانى لتحقيق غاياته ..

ولكن لكى نكون حقانيين اكثر لو أن الحركة فعلا مسئولة من الكمين

الذى راح ضحيته جنود يتبعون للقوات السودانية فحكومة البشير

عملت ما هو صحيح وما يجب أن تقوم به اى دولة للدفاع عن مواطنيها

واراضيها وقواتها بشكل يحفظ للسودان سيادته وكرامته باعتبار

أن المعتدى دولة اجنبية ويجب ان يكون الرد بهذه السرعة التى افتقدناها

فى غارة بورسودان التى مازلنا فاتحين خشومنا وراجين مجئ لحظة

حق الرد والوعود التى توعدتها وزارة الدفاع والخارجية فى الرد على اسرائيل


وفى الانتظار


ومع الحركة حقكم ان تصلو نمولى

Quote: ولكن لكى نكون حقانيين اكثر لو أن الحركة فعلا مسئولة من الكمين الذى راح ضحيته جنود يتبعون للقوات السودانية فحكومة البشير عملت ما هو صحيح وما يجب أن تقوم به اى دولة للدفاع عن مواطنيها واراضيها وقواتها بشكل يحفظ للسودان سيادته وكرامته

تسلم يا الجبلابي
موقف وطني ناصع ابيض

ليتهم يعقلون (اصحابك المعارضون لكل شيء بما فيه ،،،الوطن)


تحياتي

سلامات وراق الحركة الشعبية

لو لسه بتادى نفسهم بالحركة

الشعبية لتحرير السودان

بكون مشكلة ومشكلة كبيرة

واذا كانت تأمل ان تجد منى

اى تعاطف اذا اعتدت على بقعة

من السودان بعد ما انفصلت منه


تبقى غلطانة اعلاقة بيننا

واهل الجنوب ليهو خصوصيتو اى

لكن اى اعتداء منهم قبل او بعد

9 يوليو على اى ارض سودانية

مرفوض ..وطبعا ده بيدلل قناعتى

القاطعة بأن ابيي سودانية سودانية

بعدين الحركة هى من بادرت بالاعتداء

هذا اذا استبعدنا احتمالية المؤامرة

لحدى الان واقفين فى النص لكن فى حدودنا

السودانية..

وزى ما قلت لو ثبت تورطهم ما تقيف الحكومة

على ابيي

امريكا طالبت الحكومة بالانسحاب من ابيي

مقابل رفع السودان من قائمة الارهاب


رد الحكومة كان الرفض..وده موقف سليم

لانو امريكا بتضقل بيكم ساى اصلا ما حترفع


اسمكم ولا اسمك بترفع من قائمة الارهاب..

توغل الجيش جنوبا يحصر الحركة ويقلل

من اطماعها فى السودان

البشير يسعى للحل السلمى ولكنه لاينفع

معتصم الجبلابي

سلام

معليش لكن كلامك عاطفي وغير قانوني وغير صحيح حتى من ناحيه لغويه.

مصرين تتعمدوا حشر اسم السودان

وانتم اعلم بانه لم يعد هنالك سودان بل سودانين(2) وربما قريبا اكثر:


طيب نجي لنوع الكتابه العاطفيه دي:

Quote: لكن اى اعتداء منهم قبل او بعد 9 يوليو على اى ارض سودانية مرفوض ..وطبعا ده بيدلل قناعتى القاطعة بأن ابيي سودانية سودانية

يا معتصم

كلمة سودان لم تعد ملكا لكم وحدكم

بل اي سياسي مجبر ان يحدد لغويا عن اي سودان هو يتحدث.

يبقى الادعاء بانه تم الاعتداء على اراضي سودانيه

من ناحية قانون دولي وتكييف قانونني خاطيء.

لاني دي ممكن تسميها اراضي شماليه كما قلت حسب قناعتك بان ابيي شماليه

بينما انا مصلا مقتنعه انه ابيي جنوبيه وتمسيتها نفسها هي كلمه معروفه بلغة الدينكا!!

نجيء لوصفك بانه ابيي سودانيه وكررتها سودانيه!!

وانت تعني شماليه!!

الشمال لا يحق له قانونيا احتكار اسم السودان.

وبالمناسبه كلمو الجماعه يختاروا لهم اسم جديد لدولة ما تبقى من سودان.

شمال دولة جنوب السودان الوليده.




ابيي جنوبيه!

و المسيريه لو محتاجين مراعيها فعليهم اللحقا بحكومة الجنوب اكرم

لهم وكفايه اراقه للدماء.

تراجي سلام
كما نعلم، انت شمالية، الى ان تقولي عكس ذلك
الان هناك دولة تسمى دولة جنوب السودان وهناك السودان ويقصد به السودان الشمالي، وده كلام قانوني
لا يمكنك تقرري بكل بساطة ان ابيي جنوبية، لاهاي وامريكا وكل الدول لم تستطيع ان تقرر في ذلك
تقرير سياسة الامر الواقع من قبل الجنوبيين مرفوض

Quote: كما نعلم، انت شمالية، الى ان تقولي عكس ذلك

شمالية ساكت شمالية* لى اضنيها

خليها تنكر نقوم نطلعه من الشمار

ذاتو اقصد الشمال عشان ما يقولو لى غلطة لغوية


زى ماقال الصادق المهدى ناجح وشايل قلمو يصحح


راجع ليك ياتراجى

الشفيع وراق سلام

Quote: تراجي سلام كما نعلم، انت شمالية،

شكرا يا اخي ان تكرمت بمنحي جنسية مثلث حمدي؟؟!!
فانا مصنفه حسب فهم منظري مثلث حمدي اناخارجه!
فعن اي شمال انت تتحدث؟؟؟

ايه رايك اي كودي واي دلدوم واي كنجم واي تيه
وابناء المك عوض قوي انجليز الذي ذبح بايدي بارده
قبل اقل من اسبوع اكلنا شمالين؟؟!!عن اي شمال انت تحدثني؟!

Quote: الى ان تقولي عكس ذلك الان هناك دولة تسمى دولة جنوب السودان وهناك السودان ويقصد به السودان الشمالي، وده كلام قانوني

كدي حسه خليك من القانون لانكم آخر من يعرفه
قول لينا اسم ما تبقى من سودان بقى رسميا اسمه شنو؟؟

Quote: لا يمكنك تقرري بكل بساطة ان ابيي جنوبية، لاهاي وامريكا وكل الدول لم تستطيع ان تقرر في ذلكتقرير سياسة الامر الواقع من قبل الجنوبيين مرفوض

يا حبيب مجتمع دولي بتاع الساعه كم؟؟الانتو خامينه و مسكتنه(بالفقرا)!!
انا تراجي دي قلت لك مقتنعه كسودانيه انه ابيي جنوبيه.



سؤال آخير يا وراق
انتو ابيي دي عرفتوها متين كجلابه؟؟؟
ولا فكر ممكن تقنعونا انه بيهموكم المسيريه؟؟؟
وحياتكم انتو لولا البترول ابقار المسيريه لو انتهت كلها لما اهمتكم.

اها يا معتصم

وقبال ترجع لي بالله ادي طله بجاي في اللينك بتاع عمار عوض

وضح لينا تفتكر قوات الامم المتحده حتنتشر في ابيي وله لا؟؟!!


توووووووف : مبروك للاهل بالسودان الجنوبي ومواطني أبيي صدور القرار!!!

Quote: انا تراجي دي قلت لك مقتنعه كسودانيه انه ابيي جنوبيه.

كده يا تراجى حتفقدى المصداقه وتعاطف الناس معك حول قضيتك ( دار فور)

Quote: وقبال ترجع لي بالله ادي طله بجاي في اللينك بتاع عمار عوض

وقبل ما اطل بالله ورينى الغلطات اللغوية

لانك هزيتى ابوى فى قبرو