ودعت دنياك من زمان ..

الود حسين ده صوتو حنييين خصوصاً في اللونية دي من الكلمات والألحان ..
الأغنية دي كل ما أسمعا بيجيني إحساس إنو الحفلة شغالة في الحوش وفي واحدة قاعدة في الصف الأخير وغااازة يدها الشمال في وسطها وبتحرك يدها اليمين زي الهبابة وبتقول ووووب ..ووووب ..وووووووب

أرييتو الصوت يشتغل ليكم
<EMBED SRC=http://www.sudanvoice.net/v2/Dm3at_al_ndm.mp3 AUTOSTART=true LOOP=FALSE WIDTH=145 HEIGHT=55 ALIGN=CENTER><BR></EMBED>
تخريمة :
سمعت الأغنية دي لي مصعب صاحبي وقلت ليهو أسمع الولد ده وأول ما الفنان بدا يغني قال لي:
والله فنانين الزمن ده الواحد منهم بقا يجي شايل معاهو بحتو في جيبو

عمر الفاروق

اقعد هبش في الغنا ده لمن تطقك كهربا في صلعتك
تخليك ما تشوف غير لون فنايل الهلال
مشتاقين يا حبة بالفحم ورز حار

محمد يا حسن ..
ما قصرت عملتني حبة ..برضو أخير من (النص) ..
والله عايز أقول ليك بي الأكتر لكن كده ببقا كضاب ..

مع انو الاغنيه شاكوشيه بعض الشى ولكن البحه دى ياعمر ادت الاغنيه
سكون والاغانى الحزينه دى ليها محل والكلمات موزونه والاخيره منها ممكن تتناسب
مع اى مزاج عالى المهم اللونيه بتاعة الامبراطور مقبولة وفيها شجن
تحياتى

هسه دة وقت غنا؟؟
بدل تتنفض وتقوم تفتح ليك بوست بوستيين تدي فيهم رأيك في البيحصل في المنبر..
من قلة بوستات الغنا؟؟
اخير منك الرماديين وقعواعلى اللائحة..
هسة لون ذاتو نديك ليه ما عندنا..
بعد النضمي الصرفتو في بوست ناجي مفروض ما يكون عندك طاقة تجر بيها حرف خليك بوست ..
وبتاع غنا كمان..

___________________
ههـ (لاحظ ..هاهتين فقط لا غير)

غايتو يا سارة الأغنية الأبيتيها دي احفظيها في فولدر على جنب ..بتحتاجي ليييها صدقيني ..ما أي مشروع حضاري نجاحو مضمون خصوووصاً وإنو توتي عملو ليها كبري فعااادي جداً الغزالة ممكن تقطع بهناك ..
تهئ تهئ تهئ .. (لاحظي التهتأت ديل تلاتة ..ما خسارة فيك).

تخريمة :
مسعولة من الخير وعلى طاري بوست ناجي ..إنتي بلجيكية ؟

يا سلام يا محرب.. بس ده طبعا اخو الأمبراطور :)
ده حسين الصادق وداك احمد الصادق ..

ساهرت ليل الفرقة خوف ..ليلاً طويل زاد فيني هم ..
أبكي وأقول اسيب هواك ..بي كل وريد ألقاك دم ..
بي أعلى صوتي بنادي ليك ..فووتي وين راوياني سم ...

ووووب ..ووب ..وووووووووب