.. سكاها ال###### فحظيت بعريس ..!! ( واقعة حقيقية .! )

سكاها ال ك ل ب فحظيت بعريس ..!!

حكت خالة لنا خفيفة الروح والمرح ، بواقعة حقيقية حصلت فى أحد أحياء أمدرمان العتيقة قبل أعوام مضت ، بأن طالبة في إحدى الجامعات ، ترجلت من ( الترحيل ) عند المغرب ودخلت أحد أزقة مكي الضيقة لتقتصر المشوار الى منزلها ، وفى أثناء سيرها وهى تستمع الى موسيقاها من سماعة على أذنيها ، فإذا ب ك ل ب ( حرس ) فى أحد البيوت يهجم عليها فجأة وتسقط هي وكتبها على الأرض وصرختها مدوية ، تنهض بعدها فى ركض مجنون ثم تندفع الى أحد الأبواب وترمى بنفسها داخل المنزل مذهولة ترتعش من الخوف ، فتتلقاها سيدة المنزل ... بسم الله .. بسم الله .. يابنتي قولي بسم الله ..؟؟ والدموع والعرق يكاد يغرقها من شدة هلعها ..
أوقفتها عند حوض الماسورة بالحوش ورفعت خرطوم المياه تقسلها وتغسل رجليها من الطين ، .. فى هذا الأثناء يدخل إبنها الذي عاد قبل يومين فقط من بلد عمله بالخارج ، ويرى أمامه هذا المشهد .! وفى هذه اللحظة يقع النصيب .! وبعد أن سقتها ماء وخرجت خجلة .. يا أمي من هذه الفتاة ، يسألها إبنها وترد الأم ، لا أعرفها غير أن ، ك ل ب ا شرسا أحمقا ( سكاها ) ودخلت دارنا مستنجدة يا بني ، .. وهل تعرفين منزلهم .؟ قالت لا ولكن ذكرت بأن منزلهم يقع فى شارع كذا..!!
وبعده بأسبوع واحد .. ، علا ضجيج حفل قرانها منه ، وأثناء الحفل تهامست الأخريات بالقصة وطلبن من بعضهن حصر الشوارع التى فيها كلاب عسى أن يسكهن ك ل ب ا ويقضى على عنوستهن ...

وأسرد عليكم قصة واقعية أخرى نقلا عن هذه الخالة المرحة ..
وتحيتى ........ محمد مختار جعفر

...

Quote: صة وطلبن من بعضهن حصر الشوارع التى فيها كلاب عسى أن يسكهن ك ل ب ا ويقضى على عنوستهن ...

لوووووووووووووووووولز

غايتو فى جبرا العرسان قصدى الكلاب ماليها حد

العايزه يابنات تجينى فى الخاص





تسلم يامحمد قصة جميلة ,,,

لووووووووووووول
نكلم زاريا كل يوم ساكيها ###### وشاغلة لينا الشارع
بكواريكها بلا فائدة..
الاجا زة الجاية جبرة راس يا منال.ز

يكون لما يزعل منها بيقول ليها والله ال..كل..ب داك ما خاطي عليك
حاكم الرجال ديل بمسكو الحاجات والغتاتات بالسنين

Quote: يكون لما يزعل منها بيقول ليها والله ال..كل..ب داك ما خاطي عليك حاكم الرجال ديل بمسكو الحاجات والغتاتات بالسنين

أو كدة:-
يا فقُر دة حالتي عرّستك بي سكة كـــــــلـــــــــب ...
لو كان عرّستك بي سكة أسد كان عملتي فيني شنو أكتر من الأنا فيهو دة ؟!


ـــــــ



ـــــــ

واقعة أخرى عن النصيب ، .. طريفة أيضا ،

قالت الخالة ، أن أحد الشباب ذهب مع أسرته لخطبة إحداهن ، فاستقبلوا بكل كرم وترحاب ، وأجلسوهم فى صالة راقية عامرة ... أسرعت الأم تحث بناتها بالخروج لزوم السلام والتحية على العريس المرتقب وهى تمنى نفسها بأن تتخارج إحداهن لتفتح الباب على الأخريات ، ..
طال الوقت والبنات لا زلن يهيئن أنفسهن ويضعن المساحيق والتراطيب وخلافه ، حيث حرصت كل واحدة أن تظهر بشكل جاذب وجميل ..
دخلت الأم وخرجت ، ثم دخلت تؤنبهن على التأخير ( يا بنات الحكايه شنو ، الليل ما ليّل على الناس ديل ) .. وفى هذه الأثناء دخلت بنت الجيران صدفة وبزى أكثر من عادى تحمل إليهن ( كيكة ) صنعتها تريد أن تفاجئهن بها ، وهى لا تدرى شيئا ..
سلمت على العريس وأهله وأخذت طريقها للداخل حيث صويحباتها ، وفى هذه اللحظة أى بعد دخولها إنقطعت الكهرباء فجأة .. بعدها إستأذن الشاب وأسرته وخرجوا ، .. وفى اليوم التالى كانت المفاجأة بأن طلب الشاب تلك الفتاة الحلوة التى دخلت فجأة تحمل كيكتها صدفة ، وأعجب بها ولم ير بنات تلك الأسرة الآئى أمعن فى المكياج وأطلن فيه وضاع حظهن بإنقطاع الكهرباء ..
قالت الخالة القسمة شيىء والسبب شيء آخر ..
وتحيتى محمد مختار جعفر

تشكرى على الإضافة يا منال
ولك وافر تحيتى ..
محمد مختار

د. نجاة ..
شكرا على المرور والتعليق ..
فى مجتمعنا السودانى كما هو معلوم ،
فن الحكاية والطرفة التى تأتى بتعليقات وإضافات البعض
ما يفوق أصل الحكاية ... طرافة وتميزا عليها
وهذا ما حصل فى هذا البوست من تعليقات لديكم ..
تحيتى ..
محمد مختار

Quote: أو كدة:- يا فقُر دة حالتي عرّستك بي سكة كـــــــلـــــــــب ... لو كان عرّستك بي سكة أسد كان عملتي فيني شنو أكتر من الأنا فيهو دة ؟!

وهذه أكثر طرافة وذكاءَ فى التصوير الدرامى للحدث ..
شكرا أخى الكريم / صبرى طه ..

محمد مختار جعفر

فى القصه التانيه
صحيح ناس الكهرباء عليهم ذنب كبير
لكن ناس البوتيك بتاع المكياج والجاب المكياج عليهم الذنب الاكبر

======
الطبيعه دى ما اجمل يا خلق الله

شكراً صاحب البوست محمد مختار

إليك بعض التعليقات بعد أن قمت بنقل واقعة "سكة الـــكــلــــب"
تعليق (1)

Quote: محبة مكة كتبت: الـ 18 و الـ19 ديل ما فيهم كلاب أنا غايتو بحنس أمي و أبوي نرحل أب رووف و لا مكي,,, هههه

تعليق (2)

Quote: معاوية معاوية كتب: يا صبرى المغتربين ديل حتى البسكهن كــــلــــــب ما مخلنهن لينا ؟؟

المصدر


ـــــــــ

واحدة كضاابة قالت لي صاحبتها: اليومين ديل في واحد ساكيني!! رباطابي قريب منهم سمع كلامها قال ليها : ساكيكي بي سوط و بعدها طبعا جررري.

غايتو انا خايق يقروا البوست دا و تقوم كل واحدة تربط ليها حنة لحمة في شنطتها.

ما عندكم حاجبة بتسك الرجال ...
المنبر به أعضاء كثر "ربنا أوزعني" ... وما لا قين البسكهم
بوست شيق وظريف ...
شكرا يا محمد
مع أطيب تحية ...

لو فى محل ا ل كــ لــ ب ده يوم العرس اجى اقعد فى الصف القدام
ومن حلقة الرقيص ما اطلع


الخوف من نسايبا بعدين ينادوها بـ هوو ... هوو

Quote: الخوف من نسايبا بعدين ينادوها بـ هوو ... هوو

ـــــــــــــــــــ
دة التعليق الأجمل حتى الآن ... (دة رأيي أنا بس) ...

Quote: معاوية كتب: يا صبرى المغتربين ديل حتى البسكهن كــــلــــــب ما مخلنهن لينا ؟؟

يا صبري الحكاية قلبت... الايام دي الشواكيش على المغتربين الله يعينهـم


أحمد الشايقي

Quote: يا صبري الحكاية قلبت... الايام دي الشواكيش على المغتربين الله يعينهـم

يا مولانا كلامك في محلو ...

إذا كان المغتربين نفسهم مقطوع وساكين الريال ... وريال مدريد ذاتو برشلونة جهجه باكاتو ...

سلام يا صاحب البوست،

الخوف لما تزهج منو تقول ليهو الله يلعن ال ك ل ب السكانى لبيتكم،

و ممكن نقول ديل اتنين لماهم ك ل ب.

الأخ محمد زكريا

Quote: الطبيعه دى ما اجمل يا خلق الله

أنا وانت وكل الرجال موقنين تماماً وعارفين ماذا نريد من المرأة
ولكن المرأة لن تعترف بهذا على الاطلاق في جميع مستوياتها
فيها شيء ناقص يجب ان تكمله بالزينة واحمر الشفاة (أسوأ مارأيت في المرأة)
لن تفهم ابداً اننا نريدها بطبيعتها العادية التي خقلها الله بها
ولأن ربنا وربهن يعلم بهن حلل لهن الزينة

تحياتي لصاحب البوست الجميل

والأناقة في البساطة

الصادق

قصة واقعية عام 2009 من زاوية اخرى

شاب يعمل بالرياض (السعودية ) ثلاث سنوات ينزل السودان عاوز عروس يبحث ويحوص ويعود كما كان ويقول الخيار صعب
عام 2009 نزل السودان مدة ستة اشهر ويحمل (شيلته )وبعد تعب انتهت السته اشهر وكعادته يوزعها ويعود خالى الوفاض من الجانبين
عاد عن طريق جدة لاداء العمرة
وفى اثناء اداء المناسك وبالتحديد بين الصفا والمروة شاهد سيدة مسنة سودانية سقطت على الارض نتيجة الزحام
ذهب اليها وساعدها واخذها خارج الزحمة وليس فى ذهنه شىءغير اسعافها

وفى اثناء ذلك جاءت فتاة سودانية تبكى وهى قلقة و متوترة من ضياع امها فى الزحام

وكل اهتمامها انصب نحو امها


وهو يراقب



توقف وقال هذه من ابحث عنها

يا صلاح ما تجهجه البنات ... يمشو حى مــكى .. ولا يجــو عمــرة

Quote: يا صلاح ما تجهجه البنات ... يمشو حى مــكى .. ولا يجــو عمــرة

ياخي إنت تحفة عديل كدة !!!

Quote: يا صلاح ما تجهجه البنات ... يمشو حى مــكى .. ولا يجــو عمــرة

يمشوا عمرة بحي مكي

بوست ظريف وخفيف



الزواج :-

قسمة ونصيب تحت رعاية كلاب تشعر بالانسانية .

قصة حقيقية عايشتها بالسودان
لى صديق له أخت واحدة لم تتزوج ذلك الوقت حضر إلى منزلهم مجموعة من الرجال ولم يجدو الوالد بالمنزل مغ مغيب الشمس .... أخبروا أبنائه بحضورهم بعد ساعة وتكرر نفس الشئ بعد ساعة فلم يجدوه أيضآ فطلب منهم الأبناء الدخول للمنزل وإنتظاره....
فرحت البنت فرحآ شديدآ وهاك ياشاى المغرب بطقم الشاى الجديد وهى حالفة الطقم دا ما يطلع إلا لأهل العريس ...
وصل الوالد وأستقبل ضيوفه الكبار وبعد الترحيب والتمهيد تحدث كبيرهم طالبآ من الوالد الموافقة على ...................................
..................................................
.....................................
..............................

تسجيل أبنهم فى النادى الفلانى

سلام وتحية مربعة لجميع التداخلين
تعليقات أكثر ظرفا من البوست ذاتو

Quote: غايتو انا خايق يقروا البوست دا و تقوم كل واحدة تربط ليها حنة لحمة في شنطتها.

رائع ... شكرا ، الحاج حمد الحاج

سكة العروس ، وسكة الحرامى ، وما بينهما من قواسم مشتركة

من المعتاد والمعروف بيئيا ، أن الكــــلب يوصل الى الكوشة وليس الى الكوشة ( مع مراعات التشكيل الغوى فى الكلمة الأخيرة ) .. وزمان عندما كنا صغارا ( بنتساكك ) ونقول ( كــــــلبا كــــــلبك ورباً غلبك ) وهذه البنية التى سكاها الكـــــلب ، غلبت الإرادة أن سكتها أوصلتها الى العريس وأجلستها فى الكوشة بعد أسبوع من السكة ...!! وكوشة الى كوشة تفرق ... أليس كذلك ..!!؟
أريتها سكة السرور .. وسكة البنيات ..!!
ترى كم عدد المرات التى سكو فيها الحرامى التى أوصلته الى المخفر وكان عشاءه ( اللبع والكفيت )
ف سكة من سكه تفرق ..!! وكل سكه لها فوائدها ومحاميدها ومكاسبها فإما الى السجن وإما الى الزفاف كما فعل
هذا الكــــلب النافع ، وليس كل سكة كــــــلب ضاره ولكن كل عضه له قاتله ، سعرانه ... السك سمح خلاص عند البنات المنتظرات العريس ، ولكن عند الحرامى ألم وعذاب وجهجهه .. وخاصة إذا كان سك مضمون عائداته
لهنّ ، وربما رفع بعض الآباء لافتات تقول للكـــــلاب ، ( عيكم السك وعلينا التمويل ) ...!!!
فعدد البنات بقى فى الأسرة يا جماعة شيء صعب خلاص ، والكـــــلاب ما قصرت تب ..

ومن لم تعرس بسكة عرست بغيرها ...... وتحيتى ... محمد مختار جعفر

من جميل الصدف والتواصل الإجتماعى والثقافى بين المنتديات السودانية أن حظى أيضا هذا الموضوع بالنشر من جانب الأخ الكريم الزميل / مامان ود المدير ، بمنتديات القرير المعروف لدينا ، وأنا بدورى أستأذن الأخ العزيز مامان والمتداخلين معه بموقع منتديات القرير بنقل مداخلاتهم الطريفة الذكية
طالما تفوقت هذه المداخلات بطرافتها وظرفها على قصة الموضوع وواقعه الدرامي ..
أتقدم له ولهم بعاطر تحيتى ووافر إحترامى وتقديرى ، ومما يشرفنى بحق دعوتهم الكريمه لى وأرجوا أن نقل جزيل شكرى وتقديرى للزملاء جميعا أعضاء منتديات الغرير عبر أخى وزميلى الأستاذ / المستشار القانونى / الباقر الطيب ، وتحيتى ...
محمد مختار جعفر .

Quote: يكون لما يزعل منها بيقول ليها والله ال..كل..ب داك ما خاطي عليك حاكم الرجال ديل بمسكو الحاجات والغتاتات بالسنين

ههههههههههههههههههههههههه
اوسكار يا دكتورة

محمد مختار والمتداخلين صباحاتكم نواضر

Quote: غايتو فى جبرا العرسان قصدى الكلاب ماليها حد

أختنا منال يأخي ماتشوهي سمعة جبرة ساكت جبرة مافيها كـلاب ضالة في الشوارع


بمناسبة الزواج والكـلاب عندي قريبي شغال جزار مع والدوا وبحب ليهوا بنت وتقدم لخطبتها فرفض أهل
العروس بحجة أن العريس مؤهلاته الشهادة السودانية وبنتهم جامعية فكرر المحاولة مرة وأثنين الا أن تمت
الخطوبة وكان لوالد البنت كـلب دائما مايأتي الي المجزرة وقريبي من مايشوف كـلب الجماعة يقطع ليهوا أحسن
قطعة لحمة ويرميها للكـلب يقوم والدوا ينهروا يقول ليهوا ياولد ما ترمي اللحمة للكــلاب يقول ليهوا لكن
يا أبوي دا ما كـلب ناس عبدالغفار المهم تعود الكـلب كل صباح يأتي لاستلام نصيبة الي أن تم الزواج وبعد مرور
شهرين من الزواج قريبي جاء المجزرة من الصباح أخلاقوا في رأس نخرتوا شكلوا كدة المراءة شبكتوا نقة من الصباح
وأتي الكـلب كالعادة ، قام صاحبنا بدل ما يرمي قطعة لحمه له مسك الساطور وشات الكـلب فوق رأسوا قتلوا

الوالد :- داشنو ياولدي
الابن ؛- يا أبوي كتلتوا
الوالد:- لكن دا ماكـلب ناس عبدالغفار
الابن :- يا أبوي كـلب ناس عبدالغفار أنتهيت منو فضل لي عبدالغفار وبنتوا .

Quote: يا أبوي كـلب ناس عبدالغفار أنتهيت منو فضل لي عبدالغفار وبنتوا .

وووووواد ال كــلــ ب

تقصدى ###### ناس عبدووو

،،،،،

عندنا جيرانا زمان كان عندهم ###### حووووام اسمو ( حراس ) وعندهم ولدهم برضو حوووام
الاتنين بجــــو انصاص الليالى .. بلــــــزو الباب كرووو و يدخلو .. خوفا" من سيد البيت

يوم ابوهم سمع كركبة فى الباب شديدة نص الليل ... وهو راقد فى سريرو فى الحوش
نــهر ال كـلـ ب باعلى صوتو ( حراس ) الله يلعنك .. بس

جاهو الرد من خلف الباب ::::

انا خــالــد يــابــــا ....

أبدأ بإنزال تعليقات الزملاء أعضاء ( منتديات القرير ) عن هذا البوست الذى حظى ووجد صداه لديهم
حيث نشره الزميل / مامان بالموقع ، وكنت قد طلبت الإذن منهم من خلال منتداهم ..

أورد التعليقات بأسمائهم،

تعليق من الأخ / الجميلابى ( من منتديات القرير )

يعني أي واحده .. تسكها ( كديسه ) .. تعتبر نفسها إنخطبت عديل
اللهم يكتر من الكلاب ( السكاكه ) .. كان تتحلا مشكلتي العزوف عن
الزواج .. والعنوسه ..

فريد أبى ذهبى

و الله قصة طريفه و حلوة
بس يا اخوي بعض بنات زمنا دا و بي شكلهن الممسوخ من الكريمات و وصفات التجميل اقصد وصفات الشنا و اللبس الاشتر بالوضع دا اظن انه بورة الكلاب هي اللي راح تتفكا

عماد الدين محمد ( من منتديات الغرير )

هو زاتو كلاب الزمن ده كان عفصتوا في ضنبو يعاين ليك بكسل ويغمض عيونو

أريتو ###### الهنا والسرور...

للألأسف كلاب لندن مابتسك ومابتعض

ولو دخلتت ليك بيت ذول الاتقلى الشرطه م######شاك وواداك القسم

غايتو ماعافيه ليكم كلابكم ده

------------

حزف للتكرار

بنت الأحفاد ..
سلام وتحية يا أميره ..
الكـــــلاب غيرت من سلوكها وطباعها ..
وأخذت مبادراتها تفرض وجودها ، وأول ما
مارسته من خدمات ( كـــــلابيه ) على وزن إنسانيه طبعا
أن عرضت مساهماتها للبنات لما رأته من عنوسة تتزايد
وارتفاع مؤشرات العنوسة بين بنات السودان ،
خاصة وقد جاء فى هذا البوست من ضمن التعليقات أن إحداهن
أقترحت بأن تحمل البعض ( شريحة لحمه ) لزوم التودد
والواسطة للسكة التى تأكدت نتائجها الإيجابية ..
شكرا ... ولك التحية مرة أخرى ..

محمد مختار جعفر

قبل أن أواصل عرض تعليقات الزملاء الطريفة من موقع ( منتديات القرير ) حول هذا البوست

أرى أن حالة طرح المواضيع المتنوعة هنا، تستوجب منا أن نتكىء على شيء من المرح والدراما
فى بعض ما نكتب هنا ، خاصة وأنى نادرا ما أتناول جانب الكتابة الدرامية فى مواضيع تلفت
القارىء الى قضية مجتمعية تهم الناس فى ظل المتغيرات والظروف الإجتماعية الإقتصادية
التى فرضت نفسها بقوة فى حياة الناس حيث أصبجت العنوسة مشكلة العالم بأثره لا سيما بالوطن
السودان وتزايد ولادة البنات وأعدادهن وتكاثر الآئى فاتهن قطار الزواج وأصبحوا هما على
هما ... ، هما من ما يعانينه فى وحدتهن والعمر يتسابق بهن وهما نحو أسرهن وعدد الشباب
الراغبين فى الزواج قليل وقليل جدا مقارنة بأعدادهن ،
لذلك فتحت هذا البوست الدرامى مع أن معظم كتاباتى هنا فى الجانب الجاد ، ولكن أن تطرح
قضيتك بأسلوب فكاهى درامى تستطيع أن تحصل على شيء من النتائج ،
شكرا .. وأعود الى تعليقات الإخوة فى منبر القرير .. مع تحيتى لكل المتداخلين هنا ..

محمد مختار جعفر

مراقب .. ( منتديات القرير )

هو زاتو كلاب الزمن ده كان عفصتوا في ضنبو يعاين ليك بكسل ويغمض عيونو يواصل النوم
لانو ماكل باقي فتة فول


قرير أبى ذهب

شكله قصة صحبك ده قديمه لأن كلاب زمنا ده ذاتا بقت محتاره ماعارفه تسك ياتا ولا ياتا ولا ياتا من كترت البنات الحايمات في الشوارع بالليل وبالنهار

قرير أبى ذهب

ليك علي إن الكلاب دي قالن دايرات يسكنهن إلا قلب الكلاب ينقطع ومابعيد ال###### تجيهو زبحه قلبيه من التعب تلحقوا أمات طشكله قصة صحبك ده قديمه لأن كلاب زمنا ده ذاتا بقت محتاره ماعارفه تسك ياتا ولا ياتا ولا ياتا من كترت البنات الحايمات في الشوارع بالليل وبالنهار

.

نواصل تعليقات الزملاء بموقع ( منتديات الغرير )


اها وكان وقعن في الكلاب الشرسه يكونن لا لمن في العريس ولا في رويحتن ....
كدي انمشي اكلم ناس فلانه وفلانه ...

مشيت زرت واحد أخونا جايي من السودان قريب
وسألتو عن حال البلد وكده
قال لي:
والله في السودان
أجعص ###### ... لو ما اتّكل على حيطة ... ما يقدر يهو هو
..
أها
الحمد لله
ما دام كلابنا -طال عمرها- بقت تسك البنات !!
معناتا بلدنا بي خيره

المشاركة الأصلية كتبت بواسطة عبد المنعم عبد الرحيم حضيري
المقدر ليهو أسباب.. يا خلا كفاي عذاب

والدايرا عريس.. يا يزكها ###### يا كديس!!!!!

Quote: سلام يا صاحب البوست، الخوف لما تزهج منو تقول ليهو الله يلعن ال ك ل ب السكانى لبيتكم، و ممكن نقول ديل اتنين لماهم ك ل ب.

الاخ ود مختار

سلام
بوست لطيف

لك التحية

Abdlaziz Eisa

Quote: الاخ ود مختار سلام بوست لطيف لك التحية

شكرا .. ولك عاطر التحية ..
محمد مختار جعفر

أها .. وفى الختام .. أرقدوا عافيه .. وأشكر جميع المتداخلين ، والقراء
وتحيتى ..
محمد مختار جعفر

مسك الختام ...
واحد عمل مزرعة كــــــلاب لزوم السك وكتب لافته :
سكة ال###### فى الشارع / 50 جنيه
سكه لبيت عذابه / 10 جنيه
سكة لبيت أسرة / 400 جنيه
سكة لبيت راجل ومرتو / عضــــه
التنزيلات بعد صلاة العشاء ويوم الخميس

ـ