Post: #1
Title: "حمبرة" يعني شنو؟
Author: Ashraf el-Halabi
Date: 05-16-2011, 06:06 AM
؟
|
Post: #2
Title: Re: "حمبرة" يعني شنو؟
Author: عبدالرحمن عزّاز
Date: 05-16-2011, 06:54 AM
Parent: #1
حمبرة .. يعنى ... حمبرة
مرات لابد أن تفسر الماء بعد جهد بالماء ، المشكلة شنو؟
________________________
سلام يا أشرف مالقيت ليك فتوى ؟ عندنا سودانية إتوكحت بالمليون الورقة فى يدها و ما لاقية حل .
تحياتى و تقديرى .
|
Post: #3
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 07:15 AM
Parent: #2
مشتاقين يا عزاز
| Quote: الورقة فى يدها و ما لاقية حل |
الزولة دي "حمبرة" ولا شنو؟ لووول
المليون في يدها تاني حل شنو الكايساهو!؟
قول ليها ما ترجعها وتختها في البنك لغاية ما يقيض الله لها مفتي ود حلال
|
Post: #4
Title: Re: "حمبرة" يعني شنو؟
Author: عبدالرحمن عزّاز
Date: 05-16-2011, 07:55 AM
Parent: #3
| Quote: الزولة دي "حمبرة" ولا شنو؟ لووول |
هههههههههههههه
عرفت المعنى المقصود !
و الله يا أشرف شاهدت كلام فوكس نيوز و ماعارف جنال 9 و كلو ، الزولة حلت مشكلة ساكت ، ( وين راوية العباسى !؟ ) قالت ما مقتنعة إنو الأرقام بتاعت المكنة العشوائية
ممكن تفوز!
اقول ليك القصة كما أورها التلفزيون : الأخت فى طريقها للشغل و عاوزة بنزين دخلت 7-11 لقت الشكلة بين الكاشير و زبون ، عمك طلب خمسة قومار و طلع فى جيبو 3 دولار
أها الكاشير مصر على 2 دولار لانو ما عاوز يدفع من جيبو ! الأخت مستعجلة و حلت المشكلة دفعت بنزينها و الدولارين ، و شالت الورقة ... المزعلنى هى مليونيرة عرفت بالصدفة
فى نفس المحل بعد 17 يوم !
إتخيل إنك مليونير و شغال المدة الطويلة دى كلها ؟؟
يازول أى مفتى حرم عليها القروش ، غايتو آخر الأخبار بتاع الأزهر وافق على التبرع بها لصالح مستشفى السرطان فى السودان ، ناس تبلدينا و القائمين على الأمر بختهم.
___________________
بعد دا نلعب و لا كيف ؟!
|
Post: #5
Title: Re: "حمبرة" يعني شنو؟
Author: محمد عبد الماجد الصايم
Date: 05-16-2011, 08:02 AM
Parent: #4
غايتو يا حلبي ما عارف معناها النصي
لكن ممكن أجيب ليكـ نماذج لو حبيت!!
_
تحياتي يا عزّاز .. ومشتاقين ياخ!
|
Post: #6
Title: Re: "حمبرة" يعني شنو؟
Author: عبدالرحمن عزّاز
Date: 05-16-2011, 08:09 AM
Parent: #5
سلا م يا و د الصايم ...
بتغير تلفونك و ما بتكلم الناس ، و لا تلفونك راح منى ؟ غايتو الله لا غز الفى الهكر بركة !
ما تشوف لينا إفتاء صاحب أشرف مغروض فيه شديد و إنت فى الأراضى المقدسة.
تسلم يا ملك و تحية لأشرف.
|
Post: #9
Title: Re: "حمبرة" يعني شنو؟
Author: محمد عبد الماجد الصايم
Date: 05-16-2011, 08:27 AM
Parent: #6
Quote:
1) بتغير تلفونك و ما بتكلم الناس
2) ولا تلفونك راح منى؟
3) غايتو الله لا غز الفى الهكر بركة |
الإجابة التانية مع التأمين على التالتة يا عبد الرحمن يا عمكـ!!
|
Post: #7
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 08:19 AM
Parent: #4
أهو عمك بتاع الأزهر القال يتبرعوا بيها للمستشفي دا زول كرييتف
يقال إنو بعض دول الخليج العندها أرصدة في أمريكا بترفض تاخذ الفوائد بتاعتها وبتخليها في مكانها
أبدا اللعب يا عزاز وخلي تبلدينا يجهز حالو
ـــــــــــــ
| Quote: عرفت المعنى المقصود ! |
ما عرفت المعنى بالضبط لكن استخدام بشاشا ليها حاجة زي كدا
|
Post: #8
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 08:27 AM
Parent: #7
| Quote: لكن ممكن أجيب ليكـ نماذج لو حبيت!! |
يا عمك عملت سيرش بالكلمة طلع حقوق بثها عند بشاشا حصرياً
ما عايز أي نماذج
عايز المعنى كدا ذززز
عشان الواحد يكون مستعد
ما معروف يمكن يصرفوها لينا
شايف صاحبي صرفوا ليهو منها كورس (في العضل)
|
Post: #10
Title: Re: "حمبرة" يعني شنو؟
Author: Bashasha
Date: 05-16-2011, 03:43 PM
Parent: #8
اشرف
حمبرة نوع من الطيور، في الطيورة طيرة اكثر.
في الشمالية البعض يطلق علي ام قيدرون حمبرة!
ام قيدرون مابتعرف تمشي براحة بغض النظر!
متي ما ركت بتقوم جارية بي مناسبة او من دون مناسبة بي صورة مضحكة!
بالنسبة لي المهم هو اسمها الساخر المضحك المعبر!
نعم منطوق الاسم فقط!
|
Post: #11
Title: Re: "حمبرة" يعني شنو؟
Author: Elhadi
Date: 05-16-2011, 04:16 PM
Parent: #10
Quote: حمبرة نوع من الطيور، في الطيورة طيرة اكثر.
في الشمالية البعض يطلق علي ام قيدرون حمبرة! |
بتعرف ( الدباس ) يا أشرف ؟؟
وهي طيرة كده زي القمرية، أو ربما هي نوع من أنواع القُمري زاتو..
المهم(الدباس) ده ياهو الحمبرة سيد الاسم زاتو..
وهي طيرة "طيرة" زي ما قال ليك بشاشا .. غشيمة وسهلة الصيد والوقوع في الشرك ..
واحتمال اسم (الدباس) زاتو جاي من كلمة "التدبيس" يعني لكونها بتدبس في الشرك بسهولة
والاسم (الحمبرة) يستخدم لوصف الزول : الدلاهة/ البوم/ العوقة/ الطيرة / و"البتدردق" بسهولة أوالذي يسهل خداعه و"توكيحه" والمكر عليه..
ـــــــــــــــ
إذا ما بتعرف الحمبرة ..
فأكيد الحِِمبرِِطي ما بكون بيغباك يا أشرف ):
|
Post: #12
Title: Re: "حمبرة" يعني شنو؟
Author: Elawad
Date: 05-16-2011, 04:31 PM
Parent: #11
سلام يا أشرف
الجماعة فوق ما قصروا و أدوك المعنى اللغوي. و أنا أديك المعنى الاصطلاحي... حمبرة تطلق على الشخص الذي يختلف مع بشاشا أو يقول كلاما لا يرضيه و غالبا ما يكون من المركز. أما إذا كان هذا المختلف مع بشاشا من الهامش فيسمى جرقاسا و إذا كان الخلاف حادا فيمكن ترقيته إلى مرتبة خال أو فرخة في حالة الإناث.
|
Post: #14
Title: Re: "حمبرة" يعني شنو؟
Author: Elhadi
Date: 05-16-2011, 05:04 PM
Parent: #11
وما دام الشيء بالشيء يذكر ..
فالمصادفة الغربية أنو كمال بشاشا عندو عداوات مع الحمبرات والحمبرطيين ): لووول
لكن سؤال بالجد والله : هل في علاقة بين الحمبرة والحمبرطي ؟؟
(الحمبرطي) طبعاً تطلق على الزول (الحلبي) / بينما (الحمبرة) ياها "الدباساية" القلناها فوق ديك..
لكن العلاقة شنو بين الكلمتين بما إنهم قريبات جداً لبعض في النطق ؟؟
انا يتخيل لي "والله أعلم" بعد التفكير في الحكاية دي أنو :
بما إنو (الدباس) لونه أحمر على بني أو أسمر متداخل مع بعض كده ..
والحلب مع جو السودان الحار والبزلط الجسم ده، ومع الغبار التقيل وأِشعة الشمس الحارقة، فالبحصل أنو بيقوم يحصل ليهم زي تداخل أو تخليط و تهجين لوني كده يؤدي إلى أن يخالط أو يشوب بياضهم حمرة أو سمرة..
موش احتمال تكون دي العلاقة ؟؟
وفي سبب أو تفسير تاني .. بس نكتفي بهذا عشان الناس ما تزعل
|
Post: #13
Title: Re: "حمبرة" يعني شنو؟
Author: معتصم مصطفي الجبلابي
Date: 05-16-2011, 04:41 PM
Parent: #10
Quote: حمبرة نوع من الطيور، في الطيورة طيرة اكثر.
|
كتله ليكم بشاشا
حمبرة (طيرة)
وفى السودان يشبه البعض بالطيور
غزلا والبعض الاخر يطلق للتتدليل على
الصناجة..ويقال ان الديك والدباس
اقل مخلوقات الله عقلا اكثر من (الحمار)
الله يكرمكم .. فى حاجات كتيرة بتربط عندنا او بتشبه
بالطيور ..كما قلت للاطراء او للاستخفاف
كثير من الطير ورد فى الاغانى السودانية
البلبل (الصداح)والبلوم فى فرعو غنى
وياطير الجنة وياقمارى قوقى وغنى ياقمرى
وحمام الوادى ياراحل ووالله ياطير الرهو
ياحمامة مع السلامة مع انه المقصود فى
هذه الاغنية حسب مقاصد شاعرها عبدالرحمن الريح
على ما ازكر كان يعنى الفنانة المصرية فاتن
حمامة ..الفها عند زيارتها للخرطوم فى ستينات
القرن الماضى قال فيها باستخدام بليغ للمعنى
والاسم (الجمال ياحمامة فاتن ..فيهو الوان من المفاتن) ..الخ
ووالغريبة انو الدباس والقمرى تقريبا فصيلة واحدة
لكن تجد ان فى الاولى إساءة وفى التانية مدح
وزى ما وردنا بعض الطيور البتستخدم لتعابير جميلة
فهناك انواع من الطيور ذات دلالات غير حميدة
مثل ديك ودباس وبومة وحمبرة وجدادة ..
وهناك انواع من الطير يستخدم للتشبيه مثل السنبرية
وطير السقد والاولى مرات تدلل على الطول والثانية
للسهر وعدم النوم وذلك لان طائر السقد يتنقل
ليلا ..وعاطئر البطريق ..والامثل كثيرة سنعود
لزكرها ان كان هناك متسع..
لكن لو فى زول قال ليك حمبرة ماتخليهو
مع تحياتى وودى
|
Post: #15
Title: Re: "حمبرة" يعني شنو؟
Author: ابوبكر قسومة
Date: 05-16-2011, 05:21 PM
Parent: #13
نوع من انواع الطيور يقوم بدردقة باقي الطيور للشرك ويقع هو ذات نفسو فيهو قبل باقي الطيور ,, لذا قيل في المثل ( حمبرة كتالة الطير) ...
كا ن داير النجيضة ,,, أسأل سيد بوست ( أبو الهدهد يدردق ود أبرك في الخور) .......بيكون عارفو ليك تب.
|
Post: #16
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 07:28 PM
Parent: #15
Quote: اشرف
حمبرة نوع من الطيور، في الطيورة طيرة اكثر.
في الشمالية البعض يطلق علي ام قيدرون حمبرة!
ام قيدرون مابتعرف تمشي براحة بغض النظر!
متي ما ركت بتقوم جارية بي مناسبة او من دون مناسبة بي صورة مضحكة!
بالنسبة لي المهم هو اسمها الساخر المضحك المعبر!
نعم منطوق الاسم فقط! |
شكرا بشاشا على الشرح الوافي
"حمبرة" دي كنت متخيلها صفة قبيحة
لو بقت على الطيارة هينة. لووول
بعد دا ما عندك مشكلة تصرفها لأي طيرة, بما فيهم صاحب البوست
|
Post: #17
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 07:35 PM
Parent: #16
| Quote: فأكيد الحِِمبرِِطي ما بكون بيغباك يا أشرف ): |
دا بعرفو زي جوع بطني يا هادي
أظن "حمبريطي" ما عندها علاقة ب"حمبرة" لكن ليها ارتباط ب"الحمرة"
|
Post: #18
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 07:47 PM
Parent: #17
| Quote: حمبرة تطلق على الشخص الذي يختلف مع بشاشا أو يقول كلاما لا يرضيه و غالبا ما يكون من المركز. |
إذن بشاشا يا العوض يمارس التمييز العنصري المخزون في لا وعيو كجلابي بامتياز
وإلا ليه الجلابة طيور ودوكها كلاب?
عيك!
|
Post: #19
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 07:54 PM
Parent: #18
| Quote: لكن لو فى زول قال ليك حمبرة ماتخليهو |
2 ليت يا جبلابي
قبل شوية بس أديت بشاشا قرين لايت
دا لو كان بقيف في الإشارات
|
Post: #20
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 07:56 PM
Parent: #19
| Quote: أسأل سيد بوست ( أبو الهدهد يدردق ود أبرك في الخور) |
وين البوست دا يا قسومة?
|
Post: #21
Title: Re: "حمبرة" يعني شنو؟
Author: Ashraf el-Halabi
Date: 05-16-2011, 08:21 PM
Parent: #20
| Quote: حمبرة نوع من الطيور، في الطيورة طيرة اكثر. |
حد يصحي المارشال
|
|