Post: #1
Title: !!!!!! جريوات وكدايس بتتمشى وتشم هواء بدلع فى شارع النيل { احتمال صور } ؟؟؟؟؟؟؟؟؟؟
Author: Sidgi mattar
Date: 05-11-2011, 09:20 AM
طبعا شارع النيل من كبرى بحرى لغاية كبرى المنشيه بقى زى كورنيش
اكتر حته الان تلقاها مليانه فى الامسيات
وكميه من الناس بمختلف الاعمار بيمارسو رياضة المشى
وعلى طول الرصيف كراسى بلاستيك وسجادات وستات الشاى
|
Post: #2
Title: Re: !!!!!! جريوات وكدايس بتتمشى وتشم هواء بدلع فى شارع النيل { احتمال صور } ؟؟؟؟؟؟؟؟؟؟
Author: Sidgi mattar
Date: 05-11-2011, 03:44 PM
Parent: #1
قبل يومين وحسب دعوه من اخونا كاريبو ابن برى
القادم ايضا من بلجيكا فى اجازه مشينا شارع النيل
حقيقه كميه من الاسر والشباب فى مجموعات والجو صحو يعنى جلسه ما منظور مثيلها
ولكن ما لفت انتباهنا مجموعة شباب ومعهم بنتين محجبات بيتمشو على الرصيف
شويه كده اخونا كاريبو ينط من الكرسى مخلوع
|
Post: #3
Title: Re: !!!!!! جريوات وكدايس بتتمشى وتشم هواء بدلع فى شارع النيل { احتمال صور } ؟؟؟؟؟؟؟؟؟؟
Author: Sidgi mattar
Date: 05-11-2011, 03:57 PM
Parent: #2
قال لى يا زول ما شايف الجريو دا؟؟؟؟؟
عاينت لقيت الجريو سيد الاسم مربوط بسلسله رصاصيه جميله وماسكاه البت وماشين
الغريبه فى الامر زول اشتغل بينا مافى وياخى الجريو دا حدر لكاريبو لما خفت يجى يعضيه
بصراحه اندهشنا وطبعا فى بلجيكا ممكن نشوف المنظر دا الف مره فى اليوم عادى
جريواتنا خليناهم قدام البيوت وبالليل يهوهو للحراميه
اكيد وضعهم اتغير وبقو يمشوا الكورنيش
والله قال بى قولك كان نهرتو بتجيك النجده
غيتو
|
Post: #4
Title: Re: !!!!!! جريوات وكدايس بتتمشى وتشم هواء بدلع فى شارع النيل { احتمال صور } ؟؟؟؟؟؟؟؟؟؟
Author: Sidgi mattar
Date: 05-11-2011, 04:07 PM
Parent: #3
غيتو تمينا باقى شاينا وكاريبو محتار وانا محتار اها قلنا اخير نقوم نلحق الفول فى نادى برى قبل ما
يخلص وزاتو خفنا الجريو يجى راجع ويعضينا كمان شكلو اصلو زعل مننا واكيد خت فى راسو انو نحن ما
متحضرين
المهم دورنا العربيه وكنا دايرين ناخد ليهو صوره بس اجلناها للرحله القادمه وشكله بيجى الكورنيش طوالى
لانو حتى الحفر حافظها وبنط قبل الحفره
غيتو
|
Post: #5
Title: Re: !!!!!! جريوات وكدايس بتتمشى وتشم هواء بدلع فى شارع النيل { احتمال صور } ؟؟؟؟؟؟؟؟؟؟
Author: Sidgi mattar
Date: 05-11-2011, 04:20 PM
Parent: #4
قمنا دزرنا ونحن ماشين تانى كاريبو اخد نطه ؟؟؟؟؟
قلت له مالك حلف انو فى جريوين خاتنهم فى الكرسى وصاحبهم قاعد جنبهم
قلت ليهو ما ممكن ياخى بيكونو كدايس امكن ؟؟؟؟؟
بس اصر انو ديل جريوين ولازم اصدقه لانه خبره اكتر من ربع قرن باروبا بيعرف يفرز الجريو من الكديسه
ياخ والله شارع النيل دا شكلو تحفه وفيهو حاجات .....
غيتو المره الجايه ح نمشى نصور ليكم ....
غيتو
|
|