Post: #1
Title: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 07:32 AM
الشعب السوداني من اكثر شعوب العالم صبرا على الشدائد
قضى حياته كلها في صبر ومصابرة
شعب ولد صابرا ومات صابرا والبقية تنتظر وقد اعياها الصبر الجميل
بداية صبر الشعب السوداني كانت بالمبيت في صفوف محطات الوقود
لثلاثة ايام حسوما للظفر بي 2 جالون بنزين
نواصل ......
|
Post: #2
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 07:36 AM
Parent: #1
ثم ازدادت وقتها جرعة الصبر
بالانعدام التام
للسكر والفحم والرغيق
فالذين ينامون في محطات الوقود يقابلهم في الاتجاه الاخر
نائمون حول المخابز للظفر برغيفة للفرد الواحد
ويتواصل الصر الجميل
|
Post: #4
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: shammashi
Date: 05-11-2011, 07:45 AM
Parent: #2
والله نحن بس كنا نعوس قراصتنا وناكل. لا رغيق ولا آبري.
بق بق
يا خي إنت اتلحت اليابان لحقتها أمات طه.
وقبلها إتلحت السد الكهرباء بقت لبن طير وزادوها
علاء الدين اتلّح قوش يطبل ليهو لحقو أمات طه.
عليك الله شوف لينا واحد يتلح لينا نافع دا.
ووالله يكون أحسن لو اتلحتو إنت
يا كج
|
Post: #3
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: Salwa Seyam
Date: 05-11-2011, 07:41 AM
Parent: #1
| Quote: وفروا الماء والكهرباء وغيرها.. لسد كافة المنافذ التي يتسلل منها المبربرين..... |
يعنى ما عشان هى احتيجات اساسية لأى بنى آدم ؟؟
سلام يا ود الباوقة
|
Post: #6
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 07:54 AM
Parent: #3
الغريبة الحتات التي لم تتعرض لصبر المواطن
كانت في الصحة والتعليم
وبالذات التعليم العالي
|
Post: #5
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: احمد محمد احمد عتيق
Date: 05-11-2011, 07:52 AM
Parent: #1
بالله عليك يا ود الباوقة ...ضيف للماء والكهرباء كمان ..الطعام وقوت اليوم للمحتاجين ..والتعليم + الصحة...كمان.... ولو لقيت لينا طريقة كمان للمسكن يكون ما بطال ..وما تخاف ما دايرين في قاردن سيتي ولا المنشية ...وهي كلها طلبات مشروعة ... للحياة...
وشايفك بتتحدث عن جالونين البنزين لي هسع ... وبما انو لدينا بترول الان فبكم يباع جالون البنزين ؟؟؟ هل سالت نفسك قبل ذلك ..
وبنفس منطقك ..دايرين مقارنة بسيطة بين ميزانية السودان ..في عهد جالونين البنزين ... والميزانية الحالية ... ؟؟؟
فالدول لا تخنع للسكون ...!!!
|
Post: #7
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 07:59 AM
Parent: #5
للتاريخ
الكلام دا كلو كان في عهد الديمقراطيات المبادة
نواصل
|
Post: #9
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 08:01 AM
Parent: #7
ثم جاءت الانقاذ ليتحول الصبر الى ابتلاء
|
Post: #10
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 08:06 AM
Parent: #8
الابتلاء الاول
الحصار الجائر الذي مارسته الدول المستكبرة ضد الانقاذ
من اول يوم لحكمها.....
|
Post: #11
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: عبد الحي علي موسى
Date: 05-11-2011, 08:17 AM
Parent: #10
Quote: الابتلاء الاول
الحصار الجائر الذي مارسته الدول المستكبرة ضد الانقاذ
من اول يوم لحكمها..... |
دي حرقتني جدا.
إذا إنت ببتكلم عن جهل، فمعك العذر.
وإن كنت تنافق، فإن الله سيسألك.
لماذا هذا الابتلاء يقع على المساكين فقط؟
لماذا لا يقع على البشير ونسوته وإخوانه ووزرائه ووو....... وتعرف القاائمة وهل هذه القائمة الغير مبتلاه هل أنت داخلعا أم خارجها.
أكان جهل، تُحسد عليه وكان نفاق، ما سبقك واحد عليه.
ابتلاء قال.....
دا قولو للدبابين أبًان قنابير.
|
Post: #12
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 08:20 AM
Parent: #11
كانت فرة الانقاذ الاولى من اقسى الفترات التي مرت
على اهل السودان
|
Post: #13
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 08:34 AM
Parent: #12
قامت اللجان الشعبية باحصاء تام للمواطنين عبر الاحياء السكنية
ليتم استخراج بطاقة تموينية ينال بموجبها المواطن
اوقية من السكر ومثلها من الزيت مع كبريت واحدة
ومن هنا كان بدا الاعتماد على النفس
|
Post: #14
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 09:11 AM
Parent: #13
صحيح كانت هناك ضائقة في المعيشة
الا ان الامن كان في احسن حالاته
عكس ما كان عليه في الزمن البائد
|
Post: #15
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: مرتضى احمد عبد القادر
Date: 05-11-2011, 09:27 AM
Parent: #14
يعني لو مافي مبربرين بتسللو ما فارق معاكم شي !!!
يا مبربرين لو سمحتم بعد توفير الماء والكهرباء تسللو عبر القائمة أدناة ليقوم المؤتمر الوطني بحلها :
1- مجانية الصحة والتعليم
2- الغلاء في أسعار السلع الضرورية
3- إستشراء الفساد وإستغلال المناصب والمحسوبية
والله لا يضيع أجر من أحسن عملا
|
Post: #16
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 09:29 AM
Parent: #15
ثم جاءت سياسة التحرير الاقتصادي ,,,,
|
Post: #18
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 10:42 AM
Parent: #17
حيث فاق العرض الطلب
وتوفرت السلع اللاستهلاكية
|
Post: #19
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: زول ساكت
Date: 05-11-2011, 11:25 AM
Parent: #18
Quote: حيث فاق العرض الطلب
وتوفرت السلع اللاستهلاكية |
ياعمك قالوا ليك الموية في تلتلة سلع شنو تاني ياعمر اخوي
|
Post: #24
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 12:01 PM
Parent: #19
| Quote: ياعمك قالوا ليك الموية في تلتلة سلع شنو تاني ياعمر اخوي |
اخي زول ساكت
لاتقفز على الاحداث
كلو جاي ..
مودتي
|
Post: #20
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: GamarBoBa
Date: 05-11-2011, 11:28 AM
Parent: #18
مورتا يا جن
Quote: يعني لو مافي مبربرين بتسللو ما فارق معاكم شي !!!
يا مبربرين لو سمحتم بعد توفير الماء والكهرباء تسللو عبر القائمة أدناة ليقوم المؤتمر الوطني بحلها :
1- مجانية الصحة والتعليم
2- الغلاء في أسعار السلع الضرورية
3- إستشراء الفساد وإستغلال المناصب والمحسوبية
والله لا يضيع أجر من أحسن عملا |
أولا بالتبادي تعلم فنون التفاوض مع الاخ باوقة
ياخي ما ممكن تطلب 3 حاجات مرة واحدة كدة
ثانيا شوف الزول ده طششته الشبكة طوالي عين ردا قال ليك شنو
Quote: حيث فاق العرض الطلب
وتوفرت السلع اللاستهلاكية
|
شوف عيني في بوست للاخت نجلاء قرافي قالت رطل الزيت عند الجملة 4.5 جنيه..تاني المبربرين يشتغلوا سلق ...سلايق بالموية يا عمك.
ودي يادوب الحركات الفلم ما بدا ..ح يبدا بعد تقط قروش البترول...لو ربنا مد في الآجال لن تجد الا كل هذا الشعب يبربر..
والشعب يريد البربرة
|
Post: #26
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 03:18 PM
Parent: #20
| Quote: شوف عيني في بوست للاخت نجلاء قرافي قالت رطل الزيت عند الجملة 4.5 جنيه..تاني المبربرين يشتغلوا سلق ...سلايق بالموية يا عمك. |
قمر بوبا
بجيك راجع بي مزاج
مودتي .........
|
Post: #21
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: معاوية عبيد الصائم
Date: 05-11-2011, 11:33 AM
Parent: #18
Quote: حيث فاق العرض الطلب
|
كلامك صاح يا نجم (بترى)
فى الفساد والمحسوبية فعلا فاق
العرض الطلب
|
Post: #23
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: GamarBoBa
Date: 05-11-2011, 11:57 AM
Parent: #21
تعرف يا باوقة
الجمعة الفاتت طلعت لي مشوار السوق المحلي..احتجت لكباية قهوة..نزلت عند ست شاي
طلبت القهوة ست الشاي عشان تقوم من الكرسي عانت شديد قلت ليها لا خليك انا بشرب براي
قالت لي انا اتدلقت فيني كفتيرة سخنة وحرقت جزء مقدر من جسمي
المهم قلت ربنا يكتب الشفا وواسيتها..وليتني سكت
قالت راجلها من هجا ليه عشرة سنة وهي في نفس الحالة..بتدفع رسوم بتها في الجامعة مليون القسط الاول 400 وحموها نتيجة السمستر
ومصاريف البت سبعة الف في اليوم
والليلة دي بالذات خليت الصغار بدون اكل وجاية قاعدة هنا
طارت لي القهوة وطار لي اي شي..جيت في البال والله
قلت ود الباوقة لو لمّا فيها حيقول ليها بطلي بربرة...ورانا صقرية مع الريس
|
Post: #22
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 11:54 AM
Parent: #17
شكرا
خالد رسالتك وصلت
|
Post: #27
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 04:28 PM
Parent: #25
قريمان
شيل الرابط حقك دا واتخارج سريع
|
Post: #30
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: معاوية عبيد الصائم
Date: 05-11-2011, 05:13 PM
Parent: #29
الغربية ياود الباوقة المزارع رويانة تب...تكون مطرة خاصة ولا شنو..
|
Post: #31
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 05:33 PM
Parent: #30
بربار
المزارع فعلا رويانة
لانو مربوطة فيها ابار ارتوازية
ولا علاقة لها بشبكة المياه
|
Post: #32
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 06:04 PM
Parent: #31
كان عندي احساس انو المسالة دي وراها الحزب الشيوعي
|
Post: #34
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: عبدالكريم الامين احمد
Date: 05-11-2011, 06:31 PM
Parent: #32
هلا يا باوقة
ومنو البوفر الموية ده..؟؟
نعلو ما خالد ورجغة وفي مقولة اخري قيل خالد (بلوفة)
|
Post: #33
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: Nagat Sid Ahmed Elshiekh
Date: 05-11-2011, 06:29 PM
Parent: #25
Quote: والليلة دي بالذات خليت الصغار بدون اكل وجاية قاعدة هنا
|
سلام يا سيد البوست،
ياقمر بوبا،الحجات المتوفرة فى عهد الأنقاذ البتكلم عنها صاحب البوست بتوازى أشياء أخرى برضو حصلت فى عهد الانقاذ وشاذة جدآ مثلآ:
1) الشفع المجدعين فى الشوارع ديل زمان كانوا بالكميات دى ؟؟؟( الكبت بولد مصائب)
2)أم تبيع عيالة فى سوق الله أكبر عشان تعيش الباقين دى ما حصلت كلو كلو فى الدنيا.
2)السرقات عينك يا تاجر وتشيد العمارات بالولاء للحكومة ،عشان من عاشر قوم أربعين يوم سار مثلهم (يعنى مافى حد اخير من التانى والمال السايب بعلم السرقة ومافى حرامى أشرف من التانى.
3) زواج المثليين دا فى أمريكا ما حصل ،حصل هنا فى قصر سولارا بالمهندسين والغريبة أنو كانوا 19 زيجة لما جا يوم المحاكمة طلعوا ذى سبعة وبس عشان الباقين عندهم ضهر( أهلم شغالين فى الحكومة ، خلى واحد يجى يقول كذابين عشان ننزل الصور)
عاوزين زيادة ولا كفاية.
|
Post: #35
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-11-2011, 06:33 PM
Parent: #33
| Quote: سلام يا سيد البوست، |
الله يسلمك نجاة
|
Post: #36
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ASHRAF ABUELHASSAN
Date: 05-11-2011, 06:42 PM
Parent: #35
ســـــلام يا ود الباوقة
| Quote: كان عندي احساس انو المسالة دي وراها الحزب الشيوعي |
خــلاص لقيت الشماعة
اتق الله ياخي .....
|
Post: #37
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: معاوية محمد الحسن
Date: 05-12-2011, 06:42 AM
Parent: #36
بالله ياودالباوقة الناس فى القرن الواحد والعشرين
ولسع ماقادرين توفروا ليهم الكهرباء والموية
ياخي فى الصومال مافى مشكلة كهرباء وموية
وين هتافات الرد بالسد الرد بالسد
|
Post: #38
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: فيصل محمد خليل
Date: 05-12-2011, 07:13 AM
Parent: #37
Quote: كانت فرة الانقاذ الاولى من اقسى الفترات التي مرت
على اهل السودان |
وحتى الان
ياسجم
|
Post: #39
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: Alshafea Ibrahim
Date: 05-12-2011, 07:46 AM
Parent: #38
ياودالباوقة
تعرف كم ادنى تسعيرة شهرية لفاتورة الموية في القرى البعيدة ناهيك عن الخرطوم ؟
في حلتنا الماسورة ب 14 ج ... ويوم 7 في الشهر ما دفعت النقطة والبوليس ....
تعرف كم خسائر ونفقات ومرتبات ورشى منسوبي مصلحة الموية بالخرطوم بالمقارنة مع دخل هذه المصلحة ؟
تعرف تأريخ أقرب صيانة تمت على أي خط قديم بالعاصمة ؟ المؤسف أن اقول لك ولا متر ولا بلف في بعض الأحياء القديمة شيء من الأنجليز وشيء عبود وشيء الأزهري وحتى نميري عليهم الرحمة ...
والله العظيم ... القروش البتدخل من الموية والكهرباء ... لو ناس التمكين رضوا وبقبلوا نصيحة لله ... يتخارجوا ويسلموها 3 هنود مدراء ومهندسين ومعاهم 100 عامل من بتغلاديش أو الهند... وتعال شوف كيف الموية تمشي وتتوفر ... ما مكن عامل الموية شايل (طورية وكوريق) وحايم على (عجلة) .. والكوز المهندس بالمكتب المكيف وما فارز البلف من الكوع يأخذ بلا عدد .. أستحوا ياناس ..
وبعدين قصة شيوعين وبلوف دي مضحكة شديد ... يازول البلف لما (يطرشق) لو مويتو كانت نافورة ممكن يحفروا كيلو طول بعمق 3 أمتار عشان يطلعوه.. منو الفايق ورايق وعندو الوقت عشان يحفر 5 أمتار على مرأى ومسمع المارة ويقوم يقفل البلف ؟؟؟
الشفيع
|
Post: #40
Title: Re: وفروا الماء والكهرباء وغيرها.. لسد كافة المنافذ التي يتسلل منها المبربرين.....
Author: ود الباوقة
Date: 05-12-2011, 10:11 AM
Parent: #38
اخي فيصل
احترم نفسك.............
|
|