مبروووووك لولدي وولدكم الحبيب" الوليد دود الوعر"...اليوم أسعد يوم في حياتنا

بسم الله ما شاء الله لا قوة إلا بالله
اليوم حقيقة وبمعنى الكلمة أسعد يوم في حياتي وأبيه
إجتاز فلذة كبدي الوليد يعقوب إبراهيم البشير المعروف بإسم الشهرة (:(: دود الوعر الإمتحانات القاسية والصعبة لمدرسة
Victoria International
في الشارقة والتي توافق على قبول الطلاب بعد خراج روح وبعد تمحيص وتدقيق شديدين
مش كدة وبس بل تفوق في اختبارات الذكاء وحصل على أعلى معدل بين أقرانه(مش طالع لي أمه؟؟؟(:(:)
وكذلك اختبارات حل المشكلات واختبارات المهارات الذهنية..
والله كدت ووالده نطير فرحاً اليوم عندما أخطرتنا إدارة المدرسة بقبوله للعام الدراسي 2011-2012
وقلت دة خبر لازم يعرفوه أبهاته وأمهاته في سودانيز وفي كل مكان
مليون مبرووووووووووووووك ليك يا ولدي شرفتنا ورفعتا راسنا والله، فالمدرسة العالمية تستحقك وأنت تستحقها وتستأهل كل الخير...غايتو مدرسة بتنفع معاك يا متفلسف (:(:(: بيدرسو فيها علوم سياسية وقانون وأحياء وكيمياء وفيزياء ودراسات بيئية ودراسات إجتماعية وموسيقى ودراما وعلم نفس وإدارة أعمال (:(:

كنت كتبت لك يا غالي و حبيب ومتميز في يوم عيد ميلادك الأول:



كنعم الله التي يهميها على عباده دون سبب ودون توقع وهم المفتقرون لرحمته، ظللت حياتنا غيمة في مثل هذا اليوم منذ عام يوم9/10/2008م الساعة التاسعة و10 دقائق صباحاً تماماً، ومنذها حط على بيتنا فراش ساحر وأنعشته رخات مطر ورائحة دعاش طيبة كطيبة رحيق طمي نيل بلادي حين تحتضنه جروف الخير الحانية.
الوليد ولدي:
(زينب تجر النم
فوق تور العماصات الـبكرف الدم
في محكر دواس حاشاهو ما بنزم
ساطور الرجال جرعة عقود السم)
مر عام من حياتك مترامية الأطراف بإذن الله الرحمن الكريم القادرالواهب الرزاق ذي القوة المتين، وستمر عليك يا حبيب روحي أعوام غيره كثيرة كثيرة..لن تجدهاأيهاالغالي كلها مخملية ناعمة رطبة.
لقدخلقنا الله على هذه البسيطة لنكمل معادلات كثيرةولنقتنص حكمة مالا نستطع إكماله واقعياً
هي الحياة يا حبيب روحي صراع متصل بين الخير والشر،بين القيم واللاقيم وبين الحق والباطل وبين سلسلة من اللا معقول في مواجهة المعقول، ستخوض كل هذه المعارك..كلها كلها لاريب...ليس المهم أن تخرج منها منتصراً بمقياس الانتصارالنوعي ولكن المهم أن تخرج منها قوياً متماسكاً معافى الدواخل سليم النفس مرتاح الضمير شجاعاً موفور الكرامة...فمن ينحني يا بني يجد رأسه في متناول الأقدام..
يانجم سموات حياتنا:
(زينب تجر القول
فوق شلبي العيال الوافرالشمبول
يا جبل الداير المـا بنطلع لزول)
عندما تربط عزمك وحزمك لتسيرعلى هذه البسيطة وتيمم صوب الإشراق، تأكد جيداً أنك حملت معك ما يكفي من الزاد لرحلة شاقة ولكنها شيقة، تأكد أن تظل أنت أنت،أن تكون نفسك لا ما يريده لك الآخرون، ان تتذوق ملح عرق الكد وتوقن أنه أشهى إدام في رحلة الذات والكينونة والتحدي، حتى لا تخاف ولا تخشى...حتى لا تخاف ولا تخشى..
أتمنى لك وأقترح-لو سمحت لي- أن تتعلم من أبيك يعقوب، عندها ستدرك سر روعة الدنيا..ومعنى تطابق المسلك مع المعتقد وقيم احترام النفس والإباء..

في مثل هذا اليوم العام الماضي إستقبلك أهلك هنا، في هذا المنبرالذي لانملك منه فكاكاً ولو حاولنا،فهويربطنا بمزاج سري وعبقري قوامه الإنسانية،وتلك لعمري وثاق لا ينفصم، لا يمكن أن تقطعه بحد سيف قرار ولو خلته باتراً، في مثل هذا اليوم في العام الماضي اختلطت صيحات فرحات أمهاتك وأبهاتك هنا بدموع امتنانهم لرب العزة، قبّلهم في جباههم الشامخة واحدة واحداً وتأكد أن محبتك نثرتها رذاذ عطر يبلل نفوسهم الطيبة، فهم يستحقون، وتأكد أنهم ذخر لك سواء لاقيتهم في هذاالمكان أو في غيره..
إلى أهلنا ههنا:
(غنيت بي غباش
يا مطر السواري اللاك هبوب ورشاش
ياقصبة فراش ال للضلع قصـاص
سيد زيناً قبيل قبل الناس تعرف الناس)

محبة أسرتنا الصغيرة نبسطها بيننا وبينكم عروة وثقى ونسدلها عليكم وشاحا لرحمة وميثاقاً لطيبة تخضّر أيامكم،واحترامنا يكللكم أيتها الأقمارالمتألقة،بكم ومعكم يكون لحياتنا قيمة..
(سيد زيناً قبيل قبل الناس تعرف الناس)
الوليد ولدي:
كل عام وأنت زهرة وغيمة وظل وطل
وقلبك صميم من حجر يادود الوعر

الف مبروك الوليد ولدنا الناجح الذي نسال الله ان يوفقه ويحفظه من العيون ..
ونسال الله ان حضر جديده ونفرح بنجاحه وتقدمه وتفوقه ..
وتحياتي ليك اختي لنا ولاخونا ابو العيال ولكل الاسرة ..

الف مبروك

محوط بذكر الله

وعقبال الشهادة الكبيرة ان شاء الله

Quote: الف مبروك محوط بذكر الله وعقبال الشهادة الكبيرة ان شاء الله

الحبيب أبو وضحة
ربنا يحفظك ويحفظ لينا بنتي وضحة ونرى فيها كل ما يسرنا
وعقبال نحضر جديدهم يا رب العالمين

Quote: الف مبروك الوليد ولدنا الناجح الذي نسال الله ان يوفقه ويحفظه من العيون .. ونسال الله ان حضر جديده ونفرح بنجاحه وتقدمه وتفوقه .. وتحياتي ليك اختي لنا ولاخونا ابو العيال ولكل الاسرة ..

الحبيب العوض
كتر خيرك كتيير يا حبيب ولو إنه ولدك ما مشكور عليهو وربنا يفرحنا بأولادنا بطرفك ونحضر جديدهم ونجاحاتهم كللللللها

ربنا يحفظه ويقر به عيناك


واتمني له التوفيق والنجاح


الله يخليكم ويخليهو ليكم

ألف ألف مبروك يا لنا... ربنا يجعله دائما مصدر فخر لينا جميعاً... وليك ولوالده ولأجداده وحبوباته.....

الحبيب الوليد ...

ماشاء الله وربنا يحفظ ويغتي

ألف مبروووك وعقبال تحتفلو بي زواجو

Quote: /10/2008م الساعة التاسعة و10 دقائق صباحاً تماماً،

أصغر من بتي شموس بي شهر بالضبط ، حتي في الزمن... موش حاجة غريبه :)
ربنا يحفظو و لا قدام

وربنا يحفظو ويغطيهو من عين خلقو
ربنا يخليهو ليكم

مبروك يالنا

والله بكل صدق بقول ليك:
ضارى على شمعتك تقيد
من شر حاسد إذا حسد

وقل أعوذ برب الناس

وأعوذ به من الجنة والناس

ماشاء الله الف مبرووووووك
و نتمنى له دوام التفوق







أحمد العمار

الف مبروك اميرة لنا

الناس السغار ديل بختبروهم كيف يا ناس؟

سلامات يا لنا مبروك للحفيد الحبيب

لكن يا لنا ليه عايزة تكتفيه من السن دي في مدارس ...

حيكون ناضج عاطفيا وسعيد جدا لو قعد في البيت في السن دي


ولكن بنقول مبروك برضو

ماشاء الله وتبارك الله
وربنا يحفظو ويبارك فيهو ويغتي عليهو
.
.
وان شاء الله دائما موفق ودائما فرحانين بيهو الامير الوليد
مع تحياتي لابو الوليد وتبريكاتي وتهانينا من القلب للقلب
وفرحت جدا لفرحك يا اميرتنا لنا

>
ألف مبروك يا لنا ، وعقبال الدراسات العليا

ألف ألف مبروك الحبيبة لنـا النحاح الباهر للوليد
بالتوفيق ومزيد من النجاحات إن شاء الله،
التحايا النواضر والتبريكات للأستاذ الفاضل يعقوب
والأسرة الكريمة.

وألف ألف مبروك لكل النجاحات المميّزة
لجميع أبناءنا وبناتنا هذا العام.

ما شاء الله تبارك الله ، الف مبرووووووووووووووووك ربنا يحفظو ، مزيد من التقدم و النجاح ، باذن لله .

ألف مبروك لولدنا الوليد..وربنا يمتعه بالصحة والعافية ويكون من المبرزين.

ماشاء الله تبارك الله
ألف ألف مبروك الحبيبة لنا ..
ربنا يحفظوا ويغطيهو ويقر به عيناكما
وان يجعله دائماً من المتفوقين الناجحين
و مصدر فخر لكم ولنا ولوطنه ..
دمت واسرتك بالف خير ..

الف مبروك للوليد ولدنا وليك يا غاليه ولوالده الصحه والعافيه .

لنوية ؟

صلاتي على النبي !

بالله ( دود الوعر) الأكلنا سمايتو هنا قرررررريب ده دخل المدرسة ؟!

عيني باردة عليه ياحبيبة

لكن كان كدا ( لقد هرمنا) عدددددديل في هذا البورد ياخ ههههههه

تهانينا

وان شاءالله يكبر ويكبر تفوقه

الف مبرووووك
و نتمنى له دوام التفوق

ماشاءالله وتبارك الله .ربنا يحفظو ويغطى ........


الف مبروك يا لنا

أميرتنا لنا
التحية والمحبة لك وللحبيب يعقوب
غوالي الأماني للحبيب ( الأكبر ) وليدنا
وله أتمنى نواضر الأيام ودوام التميز

ومع ذلك
تجدينني في فسطاط واحد مع الصديق د. بلة
ومعه أردد

" مبروك يالنا

والله بكل صدق بقول ليك:
ضارى على شمعتك تقيد
من شر حاسد إذا حسد

وقل أعوذ برب الناس

وأعوذ به من الجنة والناس "

مبروك مقدما

ولكن دود الوعر صغير علي المدرسة والواجبات المدرسية متمنيا له كل التوفيق

لنا يابت القبائل...........سلام
ما مستغرب فهذه سلاله بعضها من بعض
الف مبروك وعقبال الشهادات الكبار
ظاهر الولد طالع لخال امه..
خالك وخال البورد،،،

الف مليون مبروك

اعلم جميعا واعي مثل هذه المناسبة

فرحة لاتقدر بثمن .....

احسستها وانا اقود امنية لاول يوم دارسي

ربنا يحفظو ....ويغطيهو....ويسهل طريقو

ويديكم الصحة والعافية وتطلعو من حقو .

سلامات يا اميرة

كل عام وأنت زهرة وغيمة وظل وطل
وقلبك صميم من حجر يادود الوعر

آمين

تحياتي لنا و للأخ يعقوب و كافة أفراد الأسرة هنا و هناك

اخى الفاضل يعقوب و اختى الاميرة لنا

لكم التحية الطيبة و لكم التهانى و التبريكات

و نسأل الله سبحانه و تعالى سراجا لكما و لنا

و حفظه الله من كل شر و حسد.

السلام عليكم ورحمة الله وبركاته

لنا الحبيبه مبروك الوليد وربنا يحفظه ويبارك فيه ويجعله من الصالحين
وانشاء الله دائما من نجاح لنجاح

أعزينى ياغاليه اننى لم اكن مواكبه للأحداث لكن فرحتى بالوليد لاتوصف

ربنا يبارك ليكم فيه ويزيدكم من فضله وماتنسى يالنا تحصنيه بأذكار الصباح والمساء

لكم كل حبى


وفى امان الله

لا اله الا الله

مبروك يا لنا لي دود الوعره والواقوب

وإنشاء الله تفرحي بيه في كل خطوة للأمام .

التهاني ليك ولوالده ولذوية أجمعين


بحيراوي

الف مبروك للوليد و أبو الوليد و أم الوليد

ربنا إحفظو ليكم و إحفظكم ليه

و بالتوفيق دائماً



ــــــــــــــــــــــــــــــــ
لنا و الله دي ما قدرت أبلعها

Quote: وحصل على أعلى معدل بين أقرانه(مش طالع لي أمه؟؟؟

عايزه تضيعي الولد كمان..؟؟؟؟؟؟

وين الرابط يالنا...............!

صادق التهاني يا لنا وللأمير يعقوب مع امنياتنا لدود الوعر بالتوفيق والنجاح


تخريمة:
الخبر دا لم نسمع به في الاروقة الداخلية.. ولا انا خارج الشبكة.