دعوة البشير من جوف الكعبة عجلت برحيل القذافي والمتآمرين علي دارفور

الحمد لله رب العالمين

فإنه يمهل ولايهمل

اتذكر ذلك اليوم جيداً يوم ان تشرَف رئيس الجمهورية بدخول جوف الكعبة

وكانت مؤامرة دارفور في اوج عنفوانها

وخادم الحرمين الشريفين اطال الله في عمره ومتعه بموفور الصحة والعافية لايطلب فتح الكعبة الا لمن

يعزه ويحبه قلبه ووسط الاف الطائفين والركع السجود فتح سادن الكعبة الشيبي يرحمه الله

الباب العظيم للرئيس البشير فصلي ركعتين ودعا دعاءً طويلاً بأن يفرج الله محنة اهله في دارفور وان يأخذ

اخذ عزيز مقتدر في الحياة الدنيا قبل الاخرة كل من تآمر علي بلد القرءان والمحمل وحفظة كتاب الله

والحمد لله فقد استجاب الله الدعوة المخلصة

وعجَل برحيل القذافي وفضحه في الدنيا

وينتظره في الاخرة عذاب شديد

نكالأ بما كسبت يداه الملتخطان بدماء اهلنا الشرفاء في دارفور.

يا زول إستغفــر ...
نفاقك ده بسقط حجـرك !

وهل تامر القذافي على بلد القرءان والمحمل وحفظة كتاب الله ؟؟
وهل كان القذافي وراء تشريد ونزوح اهلنا في بلد القرءان والمحمل وحفظة كتاب الله

السيدح وبما نك في مكة
بالله عليبك ومن جوار الكعبة الشريفة
ركعتين عشان تسقط حجر اوكامبو وتفتضحه دنيا واخرة

ما الفرق بين الغزافي وبشيرك هذا!!!!!!!!!!!!!!!!!!

كلاهما وجهان لعملة واحدة

زول قام بقتل 28 ضابط في العشرة الاواخر من رمضان وجثثهم ما معروف رموها وين

زول عذب وشرد وفعل ما فعل في السودانيين

ربنا ينتقم من قتل وشرد وعذب الشعب السوداني

ان الله يمهل ولا يهمل

هذا البشير كتال كتلة وليهو يوم

تحياتي

Quote: يا زول إستغفــر ... نفاقك ده بسقط حجـرك !

الحبيب

يا أخي انت المفروض تحمد الله معنا علي ازالة هذا الكابوس الذي اهدر اموال شعبه في مؤامرات اضرت

ببلده وجيرانه والذي يحدث له اليوم من مرمطة واذلال هو حصاد مؤامرته.

Quote: السيدح وبما نك في مكة بالله عليبك ومن جوار الكعبة الشريفة ركعتين عشان تسقط حجر اوكامبو وتفتضحه دنيا واخرة

علاء الدين

ابشرك

اوكامبو طيارتو طارت وحجرو سقط

وقعدو ليهواهلنا ناس السبحة واللالوبة وجابوا خبروا بدري

المتابعين لاوكامبو في نيويورك يقولون ( شكوت ) اي تلبسه الجن

السيد السيدح سلامي....
بصراحة وإن كنت لا افضل الدخول في قناعات الاخرين ، ولكن طرقتك في التقرب من السلطان غير كريمة بالمرة ............اذ انك تبالغ اشد المبالغة في التقرب الي مولاك البشير بطريقة تنتقص من قدر الرجال اكثر من امتداح المقصود.........وشخصياً لو كنت مكان البشير لتبرأت منك ، ولكن ماحيلتنا ان تشرف سيادته بمثل هذه الزيف...........
انت طبعاً لا تقصد ان القذافي تآمر علي دولة القرآن (دارفور )فحسب بل انك ترمي الي ان تشير الي نجاعة سيف البشير حينما يدعي علي شخص، وكان الرجل قوته تكمن في قربه من الله ، وعدم وجود حاجز بينها وبينه........وهو لعمري من الاشياء التي لا تستطيع اثباتها ، وتصوره وكانه المظلوم من جراء التعدي علي اهل دارفور،ثم تذهب لتبرئه من القتل والتعذيب والتشريد الذي لحق باهل الاقليم والذي مازال يحدث........
ثم ان كان القذافي يمثل خصم يخصه البشير بدعاءه ،اذن لماذا يذهب له في دياره؟ لماذا لم يسلمه الي اكامبو والمحكمة الجنائية لا سيما وان البشير لا يذهب الي زنقة الا اذا تاكد بان قيادة تلك الزنقة لن تسلمه الي المحكمة الجنائية ،اذن لماذا ترجل الرجل وذهب له اكثر من مرة ، بعد هذا الدعاء؟
ثم لماذا لم يدعي سيادته على اسرائيل؟ ونحن احوج الي هذه الدعوة؟
لماذا لم يدعي علي امريكا والغرب؟
لو كان بمثل هذه الطاقات لكف عن قتل شهداء رمضان واطقلق عليهم دعوته القاتلة هذه بدلاً من التورط في جرائم قتل تلاحقه الي هذه اللحظة، ولماذا يحتفظ بجيش من الشرطة والامن والمليشيات، ويستبدلهم بدعوته الاستثنائية هذه؟
ياراجل عيييب والله عيب................
سئل النعام ادم في ذات يوم سؤال قيل له:لماذا لم تغني لجعفر نميري؟فقال ياجماعة هو نحن الغناء فوق البنات كملناه ،عشان نقعد نشكر في الرجال؟

اقال صلى الله عليه وسلم : "يـا أيهـا الناس إن الله طيب لا يقبـل إلا طيبــاّّ ، وإن الله أمر المؤمنين بما أمر المرسلين : { يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحاً } المؤمنون 51. { يَا أَيُّهَا الَّذِينَ آمَنُواْ كُلُواْ مِن طَيِّبَاتِ مَا رَزَقْنَاكُمْ } البقرة 172 . ثم ذكر الرجل أشعث أغبــر يطيل السفر ، يمد يديه إلى السمـاء : يـا رب ،يــا رب ، ومطعمه حرام ومشربه حرام وملبســه حرام وغذي بالحرام ، فأنى يستجاب له

**********************
يا سيد ح ربنا لا يقبل دعوة الظالمين
و لو على دعوة زولك دا
القزافى كان نام قفا

السلام عليكم الأخ السيدح
أ لسواهو البشير في اهلنا الغلابة ما سواهو رئيس مرا على السودان في كل الحقب المضت
استهدأ بالله واتذكر عمايلو في دار فور وقتله لي الأبرياء وشهداء رمضان
وشهداء معسكر العيلفون والمصائب الجات للبلد من تحت رأسو والمعاهو
وتقسيم البلد والفتنة في كل انحاء السودان
من تقسيم عرقي وجهوي وعنصرية تزكم الأنوف

فعلا يمهل ولا يهمل
قول للبشير اتحزم وارجى الراجيك
مش ان دخل في جوف الكعبة المشرفة ، إن جاور النبي باقي عمرو الباقي ده بيأخد جزاه بإذن واحد أحد

Quote: قول للبشير اتحزم وارجى الراجيك مش ان دخل في جوف الكعبة المشرفة ، إن جاور النبي باقي عمرو الباقي ده بيأخد جزاه بإذن واحد أحد

بت الجنيد

كلامك هذا غير صحيح

والبشير من احسن الرؤساء الذين مروا علي السودان

رفع رأسكم عاليا واعاد لرجل افريقيا المريض عافيته وهيبته

ارجوك ان تكون منصفة ولو قليلاً.

Quote: السلام عليكم الأخ السيدح أ لسواهو البشير في اهلنا الغلابة ما سواهو رئيس مرا على السودان في كل الحقب المضت استهدأ بالله واتذكر عمايلو في دار فور وقتله لي الأبرياء وشهداء رمضان وشهداء معسكر العيلفون والمصائب الجات للبلد من تحت رأسو والمعاهو وتقسيم البلد والفتنة في كل انحاء السودان من تقسيم عرقي وجهوي وعنصرية تزكم الأنوف فعلا يمهل ولا يهمل قول للبشير اتحزم وارجى الراجيك مش ان دخل في جوف الكعبة المشرفة ، إن جاور النبي باقي عمرو الباقي ده بيأخد جزاه بإذن واحد أحد

اولا السلام عليكم اخونا السيدح
عجبنى كلامك يا اسماء جبت كلام معلوم للكل عشان كدا عملت ليه كيوت
يوم تبلى السراير دا يوم فرز الصناديق بدون اى خج

Quote: اولا السلام عليكم اخونا السيدح عجبنى كلامك يا اسماء جبت كلام معلوم للكل عشان كدا عملت ليه كيوت يوم تبلى السراير دا يوم فرز الصناديق بدون اى خج

شيخ العرب

وعليكم السلام

اعتقد ان كلام بت الجنيد مقبول من منطلق التعميم

اما التخصيص فهو الذي يعود بالحمار( لطينو)

الله وحده اعلم بالسرائر لا بت الجنيد ولا غيرها من يحكمون علي البشير بالويل والثبور.

السيدح

زولك قال عن آخر مرة قابل فيها القذافي:

Quote: وقال التلفزيون الحكومي الليبي إن الزعيمين ناقشا الوضع الراهن في اقليم دارفور و"الجهود المستمرة لاحلال السلام الشامل والدائم في المنطقة." وأضاف التلفزيون الليبي إن الرئيس السوداني شكر القذافي "لموقفه الواضح ازاء مذكرة القاء القبض التي اصدرتها المحكمة الدولية." وقال إن "البشير كرر عرفان السودان للمواقف التي اتخذها القذافي والشعب الليبي."

وطبعاً ما طلع بيان رسمي نفى الكلام دا

أها الكضاب منو البشير ولا القذافي


المصدر

http://news.bbc.co.uk/hi/arabic/middle_east_news/newsid_7967000/7967063.stm

Quote: دعوة البشير من جوف الكعبة عجلت برحيل القذافي والمتآمرين علي دارفور

هيييع الليلة مركب مكنة ودالباوقة!
ما فى طريقة فاتحة مكربة لى باقان اموم ولا الفاتحة ما بتمشى فى الكفار!
جنى

Quote: قول للبشير اتحزم وارجى الراجيك مش ان دخل في جوف الكعبة المشرفة ، إن جاور النبي باقي عمرو الباقي ده بيأخد جزاه بإذن واحد أحد

الله يديك العافية بت الجنيد،

سلام يا صاحب البوست.

Quote: وطبعاً ما طلع بيان رسمي نفى الكلام دا أها الكضاب منو البشير ولا القذافي

الصادق

تحياتي

السياسة فن الممكن والبشير قال هذا الحديث في سياق التعامل الواقعي مع القذافي لكنه كان يعلم ان العقيد

وراء ازمة دارفور . والحمد لله فقد انكشف الان المستور وعرف السودان صديقه من عدوه.

الجهل مصيبة!

ياخى ما تخليهو يدعو لينا علي نتنياهو والله يفرطق بنى صهيون

كان دى كتيرة خيهو يدعو لينا الهم يثبت الدولار بس

السيدح الما بختشي
حسه مسؤل من الخير القتل المك عوض قوي انجليز منو؟؟؟
برضو القذافي؟؟!!
اها ارجو الراجكم في جبال النوبه
وبطلوا استهبال واستعباط
استرخاص دماء الناس دي استمرأتموها.
الا فقرا الواطه كلهم ما بيحلوكم....

وعلى فكره كل ما يولع المجتمع الدولي على القذافي تأكد باننا
مبسطوين عارف ليه؟؟؟لانه كل ما سيطبق عليه سيطبق عليكم وان بركتم( فقرا) الدنيا كلها.


اها بشير اليستعد حيونسنه قذافي في زنزانة لاهاي!

Quote: هيييع الليلة مركب مكنة ودالباوقة! ما فى طريقة فاتحة مكربة لى باقان اموم ولا الفاتحة ما بتمشى فى الكفار!

جني

باقان من المؤلفة قلوبهم ومن الممكن ان يخرج من صلبه وحدويُ

اما عن المكنات فهي تعمل جميعها في رفعة وعزة السودان البلد الذي تريدون تغطيس حجره لكن هيهات.

من ملاحظاتي على ما تكتبه في هذا المنبر فقد لاحظت انك تفتح البوسن بطريقة تلقيم يعني يا معارضة تعالوا صبو كلامكم على البشير
علما بانك لم تفتح يوما بوست عن شيخ علي عثمان محمد طه
بما ولد لي قناعة انك تعمل على تشويه صورة البشير لصالح علي عثمان حيث يظل على عثمان بعيدا عن المهاترة ويكون البشير في الواجهة يتلقى سيل اللعنات لانك تعلم ان موقع سودانيز اونلاين مقروؤ لكل مسئولي الحكومة
فمن ناحية تظهر وكأنك من مؤيدي البشير فتأخذ المعلوم نظير مناصرتك للبشير
ومن ناحية اخرى تعمل على تلميع علي عثمان في الخفاء
يا للخسة والنذالة

Quote: فمن ناحية تظهر وكأنك من مؤيدي البشير فتأخذ المعلوم نظير مناصرتك للبشير ومن ناحية اخرى تعمل على تلميع علي عثمان في الخفاء يا للخسة والنذالة

للاسف دكتور وتحليك فطير

وان كانت من خسة او ندالة فقد استبطنتها ثنايا سطورك

انا اتحدث عن البشير من خلال وقائع شاهدتها في الحرم المكي حيث دائماً ما اكون حاضراً عند زيارة البشير

لمكة المكرمة ، اما شيخ علي فمحبته مركوزة في قلوب اهل السودان ولايحتاج للتنبيه من الغافلين امثالك.

هسي يا سيد الزرزرة كانت القذافي ولا اوكامبو؟


بالله العمرة الجاية خليهو يركز علي اوكامبو عشان يفرطقو

آه لو سمعت دعاء اهلنا في الجزيره على البشير ورهطه.....

او دعاء الذين شردهم من وظائفهم وقطع ارزاقهم وشتت اسرهم...

او دعاء امهات 28 ضابط ليلة 28 رمضان....
او دعاء ارامل دارفور وثاكلاته...

لو كنت مكان هذا الرجل لما عرف النوم طريقاً الى عيني..

الحمد لله الذي عافانا مما إبتلى ناس السيدح به، وفضلنا على كثيرٍ ممن خلق تفضيلا..
___
لعن الله السيدحة ؛)

بارك الله فيك اخي السيدح

نحسب ان دعاء المشير مستجاب باذن الله

الرجل ورع وتقي وزاهد ونحسبه من اولياء الله الصالحين

Quote: الحمد لله الذي عافانا مما إبتلى ناس السيدح به، وفضلنا على كثيرٍ ممن خلق تفضيلا..

Quote: بارك الله فيك اخي السيدح نحسب ان دعاء المشير مستجاب باذن الله الرجل ورع وتقي وزاهد ونحسبه من اولياء الله الصالحين

الحمد لله الذي عافانا مما ابتلى ناس السيدح وود الباوقة ......
ولا حول ولا قوة إلا بالله

Quote: ياخى ما تخليهو يدعو لينا علي نتنياهو والله يفرطق بنى صهيون كان دى كتيرة خيهو يدعو لينا الهم يثبت الدولار بس

الجبلابي

بني صهيون تكفل الله بالقضاء عليهم ودونك سورة ( الاسراء)

والدولار عملة في طريقها الي الزوال بإذن الواحد الأحد

Quote: والدولار عملة في طريقها الي الزوال بإذن الواحد الأحد

بالغت يا سيدح وايه ذنب الدولار
وبعد الدولار العملة العالمية حتمون دينار المشروع الحضاري
اميركا روسيا قد دنا عذابها
هي لله هي لله لا للسلطة ولا للجاه
غبروا ارجلكم ساعة في سبيل الله

Quote: ياخى ما تخليهو يدعو لينا علي نتنياهو والله يفرطق بنى صهيون كان دى كتيرة خيهو يدعو لينا الهم يثبت الدولار بس

الجبلابي

بني صهيون تكفل الله بالقضاء عليهم ودونك سورة ( الاسراء)

والدولار عملة في طريقها الي الزوال بإذن الواحد الأحد

Quote: الحمد لله الذي عافانا مما إبتلى ناس السيدح به، وفضلنا على كثيرٍ ممن خلق تفضيلا.. ___ لعن الله السيدحة ؛)

ياسر

ربنا سختكم وسواكم شيوعيين وملاحدة

تاني دايرنوا يسويكم قرود؟

Quote: والحمد لله فقد استجاب الله الدعوة المخلصة وعجَل برحيل القذافي وفضحه في الدنيا وينتظره في الاخرة عذاب شديد

من هو الذي أولى بمثل هذه الدعوة؟

أوكامبو(الكافر) أم القذافي (المسلم)؟

ده معناه أن البشير خلاص أستسلم لأوكامبو.