Post: #1
Title: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 12:22 PM
قضية عادية فى محكمة العمل تخصنى اصبحت بمثابة اعادة للنظر فى كل من حولى من اعرف و من لا اعرف
حسبى الله و نعم الوكيل
|
Post: #2
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 12:34 PM
Parent: #1
تهديد
غش
خداع
تخويف
و بلاغات ملفقة كيدية
و الحمد لله
|
Post: #3
Title: Re: يا اخوانا الحقونى انا جد ما مصدقة البحصل لى ده
Author: محمد عبد الماجد الصايم
Date: 05-02-2011, 12:39 PM
Parent: #2
ألف سلامة يا نادية .. والعترة بتصلح المشية!
|
Post: #5
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 01:47 PM
Parent: #3
| Quote: ألف سلامة يا نادية .. والعترة بتصلح المشية! |
و الله يا ود الصايم دى ما كانت عترة كانت وقعة عديييييييييييل
تسلم من كل بلاءو شر
|
Post: #4
Title: Re: يا اخوانا الحقونى انا جد ما مصدقة البحصل لى ده
Author: Abdlaziz Eisa
Date: 05-02-2011, 12:40 PM
Parent: #2
Quote: تهديد
غش
خداع
تخويف
و بلاغات ملفقة كيدية
و الحمد لله |
سلام
لاحول ولا قوة الا بالله
ده كله!!
يعني ما نقرب للشئ الكان اسمه السودان.
سبحان الله
|
Post: #6
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 01:56 PM
Parent: #4
| Quote: يعني ما نقرب للشئ الكان اسمه السودان. |
ايوة يا عبد العزيز ده الانا فكرت فيه جادة اليومين ديل
حاجة مخيفة و جالبة للاحباط فساد و افساد و عنف لفظى من جهات ارى انها تدعى انها اتت للتغيير و التحرير و هى ابعد من ذلك
انا ح اواصل فى كتابة تجربتى حتى اتعظ و يتعظ غيرى بها
|
Post: #7
Title: Re: يا اخوانا الحقونى انا جد ما مصدقة البحصل لى ده
Author: محمد أبوالعزائم أبوالريش
Date: 05-02-2011, 02:05 PM
Parent: #6
| Quote: انا ح اواصل فى كتابة تجربتى حتى اتعظ و يتعظ غيرى بها |
إن شاء الله تكوني طلعتي منها نصيحة,
نحن منتظرين.
سلام.
|
Post: #9
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 02:20 PM
Parent: #7
| Quote: إن شاء الله تكوني طلعتي منها نصيحة, |
انا يا ابو الريش طلعت منها زولة النصيحة كمان زى الطريفى !
ح ابدا من الااااااااااخر
اتصورا المحامى الانا اوكلت لقضية مكتب العمل ادانى اسم لقاضى غير الذى ينظر فى الدعوة و كنت انا فى ساحة امحكمة من الصباح حتى منتصف النهار انتظر قاضى اخر حتى مثلت امامه لاتفاجا انه ليس المعنى و ان قضيتى قد تم النظر فيها و شطبها بسبب الغياب و فقدت كل مستحاقتى بذلك و لم يكتفى بذلك و قابلنى بعدها خارج المحكمة مطالبا باتعابه و الا سيعطل بقية اجراءاتى لاعادة سير القضية
اتفرجوا بس !
|
Post: #8
Title: Re: يا اخوانا الحقونى انا جد ما مصدقة البحصل لى ده
Author: Tragie Mustafa
Date: 05-02-2011, 02:07 PM
Parent: #6
ناديه سلام
وكويس الشفناك مجددا هنا.
يا حبيبه لما قلنا ما احدثته الانقاذ بشعبنا من فساد اخلاقي لا يقدر بثمن
ويصعب على اي حكومة استعادته كنا نعني ما انت بصدده الآن.
يا ناديه العائدين من الخارج بيرجعوا باكين من حال البلد
ياهو من جنس ده و الناس تتحدث عن الكباري و الجسور!!
اخلاقنا دي البرجعها لينا شنو؟؟الله اعلم.
ربنا ينصرك.
|
Post: #10
Title: Re: يا اخوانا الحقونى انا جد ما مصدقة البحصل لى ده
Author: yaser mostafa
Date: 05-02-2011, 02:27 PM
Parent: #8
سلام نادية
و ياريت لو تحكي بالتفصيل . شي عجيب !!
|
Post: #12
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 02:52 PM
Parent: #10
| Quote: و ياريت لو تحكي بالتفصيل . شي عجيب !! |
ياسر ازيك ايوة ح احكى بالتفصيل بس شيل الصبر
فعلا شى عجيب لانى بسبب مطالبتى بحقوقى بعد فصلى من عملى كمدير عام لفندق تمت مواجهت ببلاغ تم فتحه بتاريخ 12/4 و امر قبض بتاريخ 13/4 و ليتم قبضى بتاريخ 21/4 الموافق يوم خميس حتى اقضى خميس+جمعة+سببت داخل القسم لا لشئ سوى مطالبتى بحقى القانونى بعد الفصل التعسفى
و المسنتد الذى تم بموجبه حبسى هو نفسه كان سبب اطلاق سراحى بالضمان الشخصى
لسه شفتو حاجة دى جزء من العجابة فى الزمن الخرابة ده!
|
Post: #11
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 02:42 PM
Parent: #8
تراجى سلامات و شكرا لسؤالك و قفتك و دى المحرية فيك
Quote: ا حبيبه لما قلنا ما احدثته الانقاذ بشعبنا من فساد اخلاقي لا يقدر بثمن
ويصعب على اي حكومة استعادته كنا نعني ما انت بصدده الآن. |
المشكلة يا تراجى الفساد فى قضيتى لا يخص الانقاذ و حدها بل يخص ايضا جهة نافذة تملك ما يؤهلها لجعل الفساد اداة عنف تقابل اى حق يطالب به مواطن عادى مثلى اذ فى نظرهم لا استحق حتى ان اطالب بحقى لا ان اناله
| Quote: اخلاقنا دي البرجعها لينا شنو؟؟الله اعلم. |
عارفة ده الواجعنى اكتر من ضياع حقى الشخصى
|
Post: #13
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-02-2011, 03:04 PM
Parent: #11
فى القسم و بعد وصولى بنصف ساعة وصل مندوب مالك الفندق الذى تم فصلى منه و معه شخص اخر و سالنى فى طريقة لتسوية و جاوبت انا ما عارفة انت مشتكينى فى شنو الاوراق ما جات من النيابة و انصرف لاتفاجا بانه وجه ضدى تهمة خيانة امانة بمبلغ 200 مليون و ذلك بمستند عبارة عن ورقة واحدة كتب عليها ملحق لتقرير مراجعة مبدئ يوضح حسابى الشخصى من مواصلات ما قلنا حاجة بس المدهش هناك قيمة مضافة و تامين اتفرجوا بس مدير موسسة يتم اضافة استقطاعات التامين و ضريبة القيمة المضافة و سلفيات الموظفين لحسابه الشخصى !
و طبعا لو كنت قبلت التسوية كان واطاتى اصبحت و ثبت التهمة على !
|
Post: #16
Title: متي سيعلق السودان علي مقتل بن لادن؟
Author: محمود الدقم
Date: 05-02-2011, 03:43 PM
Parent: #13
اولا: اعتذر عن المداخلة التي هبطت عن طريق الخطاء
ثانيا: بعد كامل التضامن مع الاخت ندي اقول ما ضاع حق وراءه مطالب انقلي الموضوع لكل الصحف والمواقع الالكترونية طالما انت على حق والكاتبو الله اصلا حيبقي مع اخذ الحيطة والحذر والخروج مع الاقارب شيقيق او عم الخ.
|
Post: #14
Title: Re: يا اخوانا الحقونى انا جد ما مصدقة البحصل لى ده
Author: أحمد الشايقي
Date: 05-02-2011, 03:17 PM
Parent: #11
الأخت نادية
سلام واحترام
لا بد لك من تقديم عريضة معارضة للحكم الغيابي الصادر وحلف اليمين أمام القاضي بأنك كنت متواجدة في المحكمة وبأن المحامي وبسوء نية قام بتمليكك معلومات misleading عن موقع قاعة المحاكمة ومواعيدها
الحق حق ولا بد لك من السير في الموضوع حتى النهاية
تحياتي
أحمد الشايقي
|
Post: #17
Title: Re: يا اخوانا الحقونى انا جد ما مصدقة البحصل لى ده
Author: معتصم دفع الله
Date: 05-02-2011, 04:14 PM
Parent: #14
| Quote: لا بد لك من تقديم عريضة معارضة للحكم الغيابي الصادر وحلف اليمين أمام القاضي بأنك كنت متواجدة في المحكمة وبأن المحامي وبسوء نية قام بتمليكك معلومات misleading عن موقع قاعة المحاكمة ومواعيدها |
سلامات يا نادية ..
شئ غير مستغرب في هذه البلد المسكينة ..
أمسكي في كلام مولانا أحمد الشايقي دا قوي ..
وطالبي بحقك للنهاية ..
تحياتي ..
|
Post: #15
Title: Re: يا اخوانا الحقونى انا جد ما مصدقة البحصل لى ده
Author: أيمن دياب
Date: 05-02-2011, 03:26 PM
Parent: #11
| Quote: اتصورا المحامى الانا اوكلت لقضية مكتب العمل ادانى اسم لقاضى غير الذى ينظر فى الدعوى |
كفارة وسلامتك يا أستاذة نادية..
نفهم من كده إنو المحامي الموكل من جانبك للقضية متورط في هذه العملية الدنيئة؟؟
وكيف يطالب بحق وهو في الأساس أخطأ في اسم القاضي؟
قضايا العمل والعمال دي واضحة وما محتاج عدة جلسات وقاضي واستئناف..
جلسة واحدة ممكن تحسم كل حاجة..
|
Post: #19
Title: Re: يا اخوانا الحقونى انا جد ما مصدقة البحصل لى ده
Author: نجلاء سيد أحمد
Date: 05-02-2011, 05:00 PM
Parent: #15
ياندوية كفارة واكيد دى ماقضيتك براك واكيد نقيف معاك حتى النصر لك وللعدالة التى ننشدها
دمت بالف خير ياصديقة
|
Post: #20
Title: Re: يا اخوانا الحقونى انا جد ما مصدقة البحصل لى ده
Author: عمر صديق
Date: 05-02-2011, 05:07 PM
Parent: #15
الاخت نادية السر
تحياتي
ولاتتركي حقك وانشاء الله لن يضيع ابدا
وارجوان تتصلي بالاخوة المحامين من بورداب الخرطوم للمساندة القانونية
|
Post: #18
Title: Re: يا اخوانا الحقونى انا جد ما مصدقة البحصل لى ده
Author: عاطف عمر
Date: 05-02-2011, 04:59 PM
Parent: #1
العزيزة الأخت نادية
تحياتي
أرجو أن يتسع صدرك لكلامي المغاير لما هو سائد من مداخلات البوست
قضيتك لا تزال أمام المحاكم لذلك أرى أن نشر أى تفاصيل خاصة بها لن تكون في مصلحتك
وقد تؤدي لضياع حقوقك
علمتنا قضية ( منال خوجلي / وائل طه ) أن الأسافير لم تعد جزيرة معزولة
الأخ القانوني الضليع أحمد الشايقي من الثقاة الذين يمكنهم نصحك النصح القانوني الذي يساعدك في استرداد حقوقك . لذا أرى أن تتواصلي معه في الماسنجر ( بعد إذنه طبعاً )
لك أتمنى التوفيق
|
Post: #21
Title: Re: يا اخوانا الحقونى انا جد ما مصدقة البحصل لى ده
Author: معتصم محمد صالح
Date: 05-02-2011, 05:10 PM
Parent: #18
سلامات يا استاذة ..
وكفارة
كلام عاطف عمر ده امسكي فيهو قوي .. وبرضو اخونا احمد موسى موجود ..
ربنا ينصرك
|
Post: #22
Title: Re: يا اخوانا الحقونى انا جد ما مصدقة البحصل لى ده
Author: ismeil abbas
Date: 05-02-2011, 05:30 PM
Parent: #21
الظلم ظلمات يوم القيامة.
Quote: اتصورا المحامى الانا اوكلت لقضية مكتب العمل ادانى اسم لقاضى غير الذى ينظر فى الدعوة و كنت انا فى ساحة امحكمة من الصباح حتى منتصف النهار انتظر قاضى اخر حتى مثلت امامه لاتفاجا انه ليس المعنى و ان قضيتى قد تم النظر فيها و شطبها بسبب الغياب و فقدت كل مستحاقتى بذلك و لم يكتفى بذلك و قابلنى بعدها خارج المحكمة مطالبا باتعابه و الا سيعطل بقية اجراءاتى لاعادة سير القضية
|
حسبى الله عليهم..حسبى الله عليهم.زحسبى الله عليهم وعلى كل ظالم....الله يصبرك وينصرك أخت نادية.
|
Post: #23
Title: Re: يا اخوانا الحقونى انا جد ما مصدقة البحصل لى ده
Author: Nadia Elsir
Date: 05-03-2011, 07:38 AM
Parent: #22
شكرا لكل من ساند و اقترح و وصى
و ربنا يعينى على امرى و للامر بقية و اكيد ما ح اقيف لحدى هنا
|
Post: #24
Title: Re: يا اخوانا الحقونى انا جد ما مصدقة البحصل لى ده
Author: abdelrahim abayazid
Date: 05-04-2011, 01:34 PM
Parent: #23
انا حذرتك وقلت ليك السودان الجديد ده اندفن مع د قرنق
|
Post: #25
Title: Re: يا اخوانا الحقونى انا جد ما مصدقة البحصل لى ده
Author: Ahmed musa
Date: 06-16-2011, 04:26 PM
Parent: #24
الأخت نادية السر
تفاجأت اليوم بالبوست
وكما قال مولانا أحمد الشايقي الموضوع ممكن يتلحق
بإستئناف عادي
والمحامي ممكن عادي تشتكيه لمجلس محاسبة المحامين
بس بتبقى قصة إثبات كلامك ده مشكلة
خاصة لو كان بينك وبينه فقط
ويبقى الموضوع بفصلوا اليمين
وانا على أتم إستعداد لتقديم اقصى ما يمكن من مساعدة
وتلفوني في البروفايل
|
Post: #26
Title: Re: يا اخوانا الحقونى انا جد ما مصدقة البحصل لى ده
Author: Elmosley
Date: 06-16-2011, 04:50 PM
Parent: #1
ناديه العزيزه
انا شاهد على عطائك غير المحدود لهذا الفندق
ووقتك الدائم الذي تقضينه في الاشراف عليه
والحمد لله الما كتبنا عنه لانو في بعدك
هو عباره عن خلا بعد
أن كان خلية نحل
ربنا يعينك ويوفقك
|
|