Post: #1
Title: تراجى... قلنا نحرق ليك الدُش
Author: ناصر البطل
Date: 04-27-2011, 02:00 PM
تراجي كالعاده
لقت ليها موضوع و مسكتو من النص
و لفحت توبه و قامت حايمه فى المنبر بي نمره خمسه هنا
(قناة الجزيره)تقع في شر اعمالها(البعث السوري)سيلقنها درسا!
أساسا عشان الناس تتابع
الموضوع ده موضوع قديم جدددددددددددا
و ما عندو أى علاقه بالثورات الحاصله حاليا
ولا سوريا ولا يحزنون و قريناهو السنه الفاتت
الظاهر إنو فى واحد جهلول
قام ختاهو في لينك علي واحد من المنابر
فقاموا الجماعه الزارو الموضوع بقوا كتار
فقام اللنك طلع لي فوق و بقي من أكتر المواضيع المقروءه حاليا في صفحة البي بي سي عربي
أها عمتك تراجي الظاهر إنو السنه الفاتت كان جاهله شويه
و ما بتابع الأخبار و ما بتخش موقع البي بي سي
فقامت الليله لفحت الموضوع و إفتكرت إنها إخترعت الذره
و فتحت بوست و شابكانا كاك كاك كاك
كرهتينا المعارضه ياخ
و الله زول ناحس الثوره المفروض تقوم فى السودان ده غيرك ماف
و بى طريقتك دى يا تراجي
ثوره فى السودان لي يوم الدين ما بتقوم
ياخ روقى شويه عشان الناس تعرف تفكر صاح و يلقوا مخرج لأزمة البلد دى من غير إنفعالات
المصدر:
http://www.bbc.co.uk/arabic/worldnews/2010/05/100530_ae...esignation_tc2.shtml
|
Post: #2
Title: Re: تراجى... قلنا نحرق ليك الدُش
Author: Tragie Mustafa
Date: 04-27-2011, 02:05 PM
Parent: #1
دون ان اذهب للينكاتك الغبيه يا ناصر
انت المسكين المفروض تشوف ماذا اكتب هنا منذ فتره
عن قناة الجزيره.
فبطل صلبطه!
بي بي سي شنو العربيه المضروبه كمان البمشي ليها انا؟؟؟
كل هذا انا استوحيته من الفيديو بتاع لونا الشبل المذيعه السوريه المستقيله من قناة الجزيره
وتابعت اللقاء معها وشفته كيف اعلامي سوريامعبين ضد الجزيره
فاحتفلت بان سخر لنا الله كفآت بقدر كفآت البعث لضرب هؤلاء المدعين
بالديمقراطيه,تعمل لينا ارضي؟؟يا مسكين؟!
انا كرهتك المعارضه؟؟
اشكالك كرهتنا الانتماء للسودان ذاته ايه رايك؟؟!!
|
Post: #8
Title: Re: تراجى... قلنا نحرق ليك الدُش
Author: ناصر البطل
Date: 04-27-2011, 05:57 PM
Parent: #2
يا تراجي
استقاله لونا الشبل و بقية طاقم الجزيره
موضوع له عام تقريبا
و كان السبب بعض التعليقات بسبب اللبس الخاص بالمزيعات
و ليس للموضوع اى علاقه بسوريا او الثورات الحاليه
من قريب او بعيد كما تزعمين
يلا سريع اعترفى انك غلط
عشان نقفل الباب ده
قبل ما نطالبك باعتذار بخصوص المصداقيه
التى هى مفقوده اصلا عندك
|
Post: #3
Title: Re: تراجى... قلنا نحرق ليك الدُش
Author: ناذر محمد الخليفة
Date: 04-27-2011, 02:06 PM
Parent: #1
وااااااااااااااشماتتنا !!
بالغت يا ناصر .. مالك مع الرفيقة تراجي 
|
Post: #9
Title: Re: تراجى... قلنا نحرق ليك الدُش
Author: ناصر البطل
Date: 04-27-2011, 06:12 PM
Parent: #3
يا ناذر
الرفيقه عاوزه تقوم بينا العالي فقلنا نثبته شويه
معقوله ياخ
طاقم الجزيره يستقيل قبل سنه
تجيب لينا الخبر الليله انو البعث و كاك كاك
|
Post: #4
Title: Re: تراجى... قلنا نحرق ليك الدُش
Author: osama fadlalla
Date: 04-27-2011, 02:06 PM
Parent: #1
الاخ ناصر لك التحايا
اها عرفناهو موضوع مذيعات الجزيرة ....
وين المصدر بتاع حزب البعث البقتو ديمقراطي ده.
|
Post: #5
Title: Re: تراجى... قلنا نحرق ليك الدُش
Author: ناذر محمد الخليفة
Date: 04-27-2011, 02:18 PM
Parent: #4
تراجي روقي المنقة وأفتحي الرابط الجابو ناصر ..!!
لأنو حتى المذيعة البتقولي عنها دي اإستقالتا من القناة كانت قبل فترة طوية سنة أو أكتر ..!!
صنفرة :
لفح التوب والمفراكة عرفنتاهو .. لكن لفح المواضيع دا أول مرة نعرفو عندك !!
|
Post: #6
Title: Re: تراجى... قلنا نحرق ليك الدُش
Author: عبدالعزيز الفاضلابى
Date: 04-27-2011, 05:16 PM
Parent: #5
| Quote: وااااااااااااااشماتتنا !! |
واشماتة ابلة ظاظا فيا .
تراجى دى حولوها لمستشفى حبيب نورة.
|
Post: #11
Title: Re: تراجى... قلنا نحرق ليك الدُش
Author: ناصر البطل
Date: 04-27-2011, 06:18 PM
Parent: #6
و الله بعد ده وجب
|
Post: #7
Title: Re: تراجى... قلنا نحرق ليك الدُش
Author: Tragie Mustafa
Date: 04-27-2011, 05:56 PM
Parent: #4
| Quote: وين المصدر بتاع حزب البعث البقتو ديمقراطي ده. |
منو القال حزب البعث ديمقراطي
يا كذاب؟!
|
Post: #12
Title: Re: تراجى... قلنا نحرق ليك الدُش
Author: ناصر البطل
Date: 04-27-2011, 06:20 PM
Parent: #7
يا تراجي عليك الله ركزى معاى و خلينا فى موضوعنا
علاقة استقاله طاقم الجزيره و لونا الشبل قبل عام من الان
علاقته بثورة سوريا شنو
|
Post: #10
Title: Re: تراجى... قلنا نحرق ليك الدُش
Author: ناصر البطل
Date: 04-27-2011, 06:15 PM
Parent: #4
سلامات يا عثمان
امر الاستقالة ضارب
لكن موضوع البعث ده نحيل السؤال لتراجي للاجابه
|
Post: #13
Title: Re: تراجى... قلنا نحرق ليك الدُش
Author: ناصر البطل
Date: 04-27-2011, 08:43 PM
Parent: #1
تراجى يا عمتك
اللقاء بتاع لونا مع قناه الحكومه السوريه ده
الظاهر انك سمعتيهو بي كرعينك و الله
لانو الزوله الأنتى فرحانه بيها دى بتنسف كل مجهوداتك و بتقو ل انو
انفصال الجنوب مؤامره و دارفور مؤامره و اذا قامت ثوره فى السودان
الشهر الجاى
برضو حسب كلام زولتك دى للضمان كده من اسه كده مؤامره
اها رأيك شنو؟
بعدين ياخ لما كلامه عجبك كده
الحته بتاعت الفرق بين الوطن و المساس بأمن الوطن دى مع موقفك من اسرائيل
ما شوييييييه عصرت عليك الزوله ده؟
تراجي الله يسألنى انتى بتفهمى بى نخرينك
|
Post: #14
Title: Re: تراجى... قلنا نحرق ليك الدُش
Author: ناصر البطل
Date: 04-28-2011, 07:30 AM
Parent: #1
أهم حته فى اللقاء هى آخره
لأنه فى بداية اللقاء حاولت لونا أن تكون متوازنه
و لكن مع آخر الحديث اصبحت تدافع عن النظام بوضوح مما يجعلك تعلم لما اساسا هى تتحدث
النظام الذي تدافع عنه لونا الشبل يا تراجي يقتل من يطالبون بحقوقهم
و المواقف لا تتجزأ
|
Post: #15
Title: Re: تراجى... قلنا نحرق ليك الدُش
Author: محمد المسلمي
Date: 04-28-2011, 07:38 AM
Parent: #14
| Quote: الظاهر انك سمعتيهو بي كرعينك و الله |
الاخ ناصر لك التحية ياهو فهما بس مافي زول شغال بيها
|
Post: #16
Title: Re: تراجى... قلنا نحرق ليك الدُش
Author: ناصر البطل
Date: 04-28-2011, 01:06 PM
Parent: #15
المتابع لتاريخ تراجي النضالي يا مسلمي
بيلقاها بتركب الموجه بدون فهم حتي
عشان كده
أي قضيه بتتبناها تراجي
بتصبح قضيه مشوهه و بتضر بالقضيه و بتصبح خصما عليها أكثر من إفادته
ياخ دى
بدت بي الشرق لحق أمات طه و مضى إتفاقيه جعانه جدا
ركبت دارفور خلته زرافات زرافات و أسه بقت موضوع عايم
ده غير القاضايا الفى النص
زى لبني و الختان و عوووووك
أها أسه الأيام دى تراجي إتذكرت إنها أساااااااسا هى بعثيه
و تشوف حزب البعث كان ما لحق الغوتوس بعد ده
|
Post: #17
Title: Re: تراجى... قلنا نحرق ليك الدُش
Author: ناذر محمد الخليفة
Date: 04-28-2011, 04:10 PM
Parent: #16
كامل تضامننا مع الرفيقة تراجي !!
جناح سوريا !!
|
Post: #18
Title: Re: تراجى... قلنا نحرق ليك الدُش
Author: Tragie Mustafa
Date: 04-28-2011, 04:37 PM
Parent: #17
ناصر
شايفاك تراجعت من موضوع الاستقاله بسبب الحجاب وبقيت في
دعاوي القوميه العربيه؟؟!!
حسه خليك من تراجي الادعيت انت ورهطك اياهم انها بتقرأ بمناخيرها
انت مسؤل من الخير عارف روحك في تاريخك الارشيفي فاتح كم بوست باسم تراجي؟؟!!
تفتكر ؟؟؟ لما هي اصلها بتغطس حجر اي قضيه بتمسكها؟!
عنونة بوستاتك باسمي
تعني الكثر ولو ما عارف حاول تعرف .
اها يا مسكين انا ثبت اني بختلف معها ولا برضو قريت انت باضنينك
بوستي اياهو؟؟!!
يبقى لما تعتذر اولا انه موضع الحجاب اياهو ده وهم قديم وانتهوا منه
ورجعت عملت بالجزيره واستقالت لاحقا من اجل ميولها القوميه العربيه
او انتمائها للبعث.دي ما قضيتي.
قضيتي انها بوعي منها او ليس بوعي زودتني بادله انه الجزيره بتفبرك
وهذا يكفيني ...وقع لك....يبقى البلعب الناس على الشناكل منو يا بتوع
القرايه بالنخرين انتو؟؟؟
ناذر يا بتاع البعث العراقي
سلم لينا على الباتنجان!
قال اعتذار قال!!
|
Post: #19
Title: Re: تراجى... قلنا نحرق ليك الدُش
Author: Mohamed Adam
Date: 04-28-2011, 05:37 PM
Parent: #18
الأخ ناصر والاخوه المتداخلين بهذا البوست
بما فيهم أختي الكريمه تراجي لكم مني كل محبه.
لقد تابعت الفيديو المعني قبل فتره.
مع إحترامي للإعلاميه لونا وما تعتقده من معتقدات إلا
أنها تنادي بالقوميه العربيه بكل وضوح.
أنا كسوداني وصاحب قضيه نجد أن لونا لا تعترف بأن للهامش اي قضيه
بل تعتبرها مؤامره! "دارفور، الشرق وجنوبنا الحبيب" إذاً فإن
لونا الشبل آخر من إعتبره نبراساً لقضيتي!
نحن لا نقل أن قناة الجزيره هي قناه تعكس تطلعات الشعوب
بل العكس أنها قناه تخدم خط يكاد يكون معروف للجميع.
لونا الشبل والإعلامي التونسي اللذان إستقالا عن الجزيره
ومن لف لفهم يبدو لي هنالك جهات تود أن تخلق لهم سوق إعلام جديد
موازي للجزيره(إذا كانت دويله زي قطر نجحت في مثل هذا السوق فما
بالك بدول تعتبر نفسها أكبر وأجدر من قطر)!
إذاً ، لونا الشبل وكل من يقف ورائها هم
آخر من يتكلم عن شرف المهنه الإعلاميه!
لماذا صمتوا كل المده الماضيه؟
أقول لأختنا تراجي أن النضال هو شرف المبادئ (حكومه ومعارضه).
ليس النضال بفتح البوستات بقدر ما هو ضمير
ينبض ليضخ الدماء لكل ما يحتاجه من إنسان!
.
|
Post: #20
Title: Re: تراجى... قلنا نحرق ليك الدُش
Author: Tragie Mustafa
Date: 04-29-2011, 03:31 AM
Parent: #19
محمد آدم
احد مطادري تراجي الجدد
على فكره لا شرف ولا مبدئيه
لامثالكم......ما تشوف قضيتك لو عندك قضيه بعيد عن اسم تراجي؟؟!!
انت مكشوف للجميع وامثالك كثر هنا على فكره
ولو بتأثروا فيني ما كان بتفتحوا البوستات باسمي لليوم.
طيب نجيء نشوف الادعاءات
كتب محمد آدم:
Quote: أنا كسوداني وصاحب قضيه نجد أن لونا لا تعترف
بأن للهامش اي قضيه بل تعتبرها مؤامره!
"دارفور، الشرق وجنوبنا الحبيب" إذاً فإن
لونا الشبل آخر من إعتبره نبراساً لقضيتي! |
جيب اقتباس محدد انا ولا غيري قلنا فيه انه نبراس.
يا سميكن للمره المليون بقول انه فهم السؤال نصف الاجابه
وكفوا عن تسويق غبائكم هنا.
لونا الشبل القالته شنو بيختلف عن ما يقوله 99% من عضوية هذا المنبر؟؟
وهو ان ما حدث بالجنوب مؤامره وما يحدث بدارفور مؤامره؟؟؟
مالك مطبع معاهم وما قدر تناقشهم وبتطارد في تراجي الورتهم النجوم في عز الضهر؟!
وتحدثنا عن قضيتك؟!صحيح الاخشتوا ماتوا.
وانا بقول لك بكل عدم محبه
ولاني لن انافق مثلك
Quote: أقول لأختنا تراجي أن النضال هو شرف المبادئ (حكومه ومعارضه).
ليس النضال بفتح البوستات بقدر ما هو ضمير
ينبض ليضخ الدماء لكل ما يحتاجه من إنسان! |
انت آخر من يتحدث عن شرف المواقف ولا النضال
النضال ليس بالصدفه غاطس قرابة ال 4 سنوات
والآن بعد رست مراكبك ولقيت كمبيتور رجعته مناضل
ومش مناضل نضالك في مطاردة تراجي؟؟ما ابئس نضالك؟؟
مالك ومال فتح البوستات ولا غلقها؟!
ما تركز في قضيتك لو عندك قضيه؟!
عالم وهم.
|
Post: #23
Title: Re: تراجى... قلنا نحرق ليك الدُش
Author: ناصر البطل
Date: 04-29-2011, 07:18 AM
Parent: #19
شكرًا علي المرور يا محمد
|
Post: #22
Title: Re: تراجى... قلنا نحرق ليك الدُش
Author: ناصر البطل
Date: 04-29-2011, 07:13 AM
Parent: #18
يا عمتك
الموضوعين بتاعينك ضاربين و هفوف ساي
الاستقالة كانت قبل سنه
يعنى انتى ما عندك موضوع
اللقاء اذا انتى بتفهى
ما المفروض تفرحي بيهو
لانو بيقول قضيتك بتاعت دارفور دى قضيه مخلوقه و ما حقيقيه وهى مؤامره ساي
فهمتى؟
بعدين نهاية اللقاء بتوضح انوالزوله دى جابوها عشان تدافع عن النظام كوجه معروف
و موثوق عند الشعب بحكم وجودها بالجزيره
يعنى الجزيره الاسه هى بتنبذ فيها دى لولاها لما وجدت لونا الشبل
والجزيرة هى الجزيره
هى نفسها الجزيره التى أراد الأمريكان قصفها يوما ما
وهى نفسها التى يدعمها الأمريكان اليوم
وقع ليك ولا أعيدوا ليك؟
سياسه عرفناك ما عندك فيها
اها فهم و تحليل برضو ما عندك؟
عارفه يا تراجي مشكلتك شنو؟
انك موهومه بلحظه تحدث انتفاضه فى السودان
و يتم استضافتك على الفضائيات بانك مناضله
انسي الوهمه دى عشان تقدرى تعيشي
اما بوستاتى البي اسمك
لانو أنا شوكة الحوت بتاعتك ألما قادره تتجاوزيها
عارفك و عارف تاريخك و متابع وهمتك من البدايه
و كلو ما تكضبي يا عمتك حتلقي بوست بي اسمك
يتبع
|
Post: #21
Title: Re: تراجى... قلنا نحرق ليك الدُش
Author: حسن حماد محمد
Date: 04-29-2011, 05:50 AM
Parent: #1
Quote: لونا الشبل القالته شنو بيختلف عن ما يقوله 99% من عضوية هذا المنبر؟؟
وهو ان ما حدث بالجنوب مؤامره وما يحدث بدارفور مؤامره؟؟؟ |
الأخت تراجى 99% ما كتيره شوية ؟
براك بتجيبيهو لى رقبتك
تحياتى للجميع
|
Post: #24
Title: Re: تراجى... قلنا نحرق ليك الدُش
Author: ناصر البطل
Date: 04-29-2011, 07:27 AM
Parent: #21
عارف يا حسن
مادام ما تراجى معجبه بي اللقاء بتاع لونا
معناها تراجى زاته بتقول انو دارفور و الجنوب مؤامره
|
Post: #25
Title: Re: تراجى... قلنا نحرق ليك الدُش
Author: ناذر محمد الخليفة
Date: 04-29-2011, 10:36 AM
Parent: #24
!!!!
Quote: الأخت تراجى 99% ما كتيره شوية ؟
|
في حالة تراجي تصحح الجملة أعلاه لتصبح هكذا :
(الأخت تراجى 99% ما شوية كتيرة ؟)
|
Post: #26
Title: Re: تراجى... قلنا نحرق ليك الدُش
Author: ناصر البطل
Date: 04-30-2011, 08:25 AM
Parent: #25
Quote: في حالة تراجي تصحح الجملة أعلاه لتصبح هكذا :
(الأخت تراجى 99% ما شوية كتيرة ؟) |
و الله يا ناذر دي بالغته فيها
ميه ميه
|
|
