إدارة كتائب طلائع البشير - للراغبين في التسجيل والتجنيد

نشر بتاريخ april 21, 2011
( حريات خاص) شكلت حكومة المؤتمر الوطني مليشيا رسمية باسم (كتيبة البشير) ، شعارها الفداء للبشير ! وتحصلت (حريات) على صورة لبطاقة أحد أفراد الكتيبة (مرفقة) . ويبلغ مرتب الجندي في الكتيبة مليون جنيه ، وتنقسم الى مجموعات ، كل مجموعة تعدادها (90) فرد ، وتخصص لها ميزانية شهرية تبلغ (120) مليون جنيه . ورقم البطاقة المرفقة (3983) ، اي ان عدد المجموعات ما لا يقل عن (40) مجموعة ، تبلغ ميزانيتها الشهرية أكثر من (4) مليار و(800) مليون جنيه ، اي (57) مليار و (600) مليون جنيه على أقل التقديرات في السنة ! خصماً على صحة وتعليم ورفاه الشعب السوداني . ويشير تشكيل هذه الكتيبة الى ان حكومة المؤتمر الوطني ، بعد أكثر من عشرين عاماً ، من تخريب القوات المسلحة ومحاولة الحاقها بالحزب ، لا تزال لا تثق بها ، وتثق فقط في مليشياتها الخاصة . كما تشير كذلك الى انه وضمن ملشيات المؤتمر الوطني التي تستنزف موارد الشعب ، فان مراكز القوى داخل النظام لم تعد تثق الا في المليشيات التابعة لها بصورة شخصية
شروط التجنيد:
أن يكون سوداني الجنسية .
أن يكون بالغ ومميز
المزيد من التفاصيل ، يرجى مراجعة الادارة

شنو يا جماعة ما في زول عايز يسجل ؟؟

والله يا حلاوي الموضوع دا قُتل بحثا زي ما بقولوا!!

Quote: والله يا حلاوي الموضوع دا قُتل بحثا زي ما بقولوا!!

تصدق أخوك الموضوع دا جديد عليهو
والجديد في الكرو سمح
والجديد شديد
وكن كريم وآتنا بمكان القتل بحثاً ...هرمنا ههههه

ههههههههههههههههههههههه
ياخ ود عمنا معاوية الصايم اتدقا فيهو دق العيش!
فربنا يغتي عليكـ يا معلم!!

فربنا يغتي عليكـ يا معلم!!
>>>>
ناس حريات ديل نجرو الموضوع من عندهم يعني ..كدي فهمنا الحاصل شنو ...أنا حاليا خارج التغتية

Quote: ناس حريات ديل نجرو الموضوع من عندهم يعني ..كدي فهمنا الحاصل شنو ...أنا حاليا خارج التغتية

وكت انت بعيد عن التغطيه وما متاكد ...اللفحي ليك شنو..



ــــــــــــــــــــــ
قدر ما نقول نسكت يجي نوعكم ده يفقع مرارتنا

ود الصايم لقيت البوست بتاع معاوية
كتيبة خاصة للبشير تكلف ما لا يقل عن (57) مليار جنيه سنوياً
الآن داخل الشبكة
تحياتي
أحيانا قد تجد خبر مثير مما يستحق عرضه على الزملاء في سودانيز أونلاين للتحقق أو النقاش حوله ...وهذه واحدة من حسنات هذا المنبر

Quote: أحيانا قد تجد خبر مثير مما يستحق عرضه على الزملاء في سودانيز أونلاين للتحقق أو النقاش حوله

الاحيان دي لمن تجيك حقو تبلع ريقك وتفتش كويس قبل ما توجع راسنا بكلام اكل الدهر عليه وشرب ..وبال زاتو

Quote: الاحيان دي لمن تجيك حقو تبلع ريقك وتفتش كويس قبل ما توجع راسنا بكلام اكل الدهر عليه وشرب ..وبال زاتو

أنا حر في اختياري ...وكمواطن سوداني من حقي أن أعرف والمعرفة في فضاء الأسافير ليس حكراً ولا مقيدة بقيد ..إلا من أصابته العصبية العمياء ويريد أن يسمع بأذن واحدة ورفض كل ما يمثل الرأي الآخر، مع أن الغلو والتعصب الفكري لشخص وجهة أو فكر يمثل أهم العوائق أمام مسيرة التطور والنمو لأي مجتمع مدني ..ولا تعتقدنَّ حسن الخطاب ولين الجانب ضعفاً ...( توجع راسنا ) قال !!

Quote: وكت انت بعيد عن التغطيه وما متاكد ...اللفحي ليك شنو.. ــــــــــــــــــــــ قدر ما نقول نسكت يجي نوعكم ده يفقع مرارتنا

لا كان كدة آسف لو فقعت مرارتك يا صاحب العظمة ...ما يدور من نقاش بيني وبين ود الصائم أني لم أتابع بوست الأخ معاوية عبيد الصائم ( وهذا ما عنيته بخارج التغطية في حواري مع ود الصائم ) ..وأسهل شيء هنا الإساءة للناس ( اللفحي ...نوعكم ده ) ....ما عندك الحق تتداخل بهكذا أسلوب ...هذا خبر ورد في صحيفة ...للجهة المعنية الحق في نقي الخبر والتقاضي مع الصحيفة المذكورة ...ومصدر الخبر صحيفة حريات ...

ههههههههههههههههههههههههههه
أها يا حلاوي .. ما قلت ليكـ الله يغتي عليكـ!!
جاتكـ طلائع كتاب البشير .. دي الطلائع بس .. الكتايب لسع ورا!!












_
ود الرشيد .. ما بترد الـ sms مالكـ؟ إت قايلا مجاني؟

Quote: ود الرشيد .. ما بترد الـ sms مالكـ؟ إت قايلا مجاني؟

تعميني والله ... متين وكيف ووين رسلتها ..


ـــــــــــــــــــــ
الزول ده قال البوست ده عاوز يتونس فيه معاك برااااكم ..يعني انا اطلع بره غير مأسوف علي ..
طيب جيبو شيشتكم واعرشو علي كده

بتاريخ الثالث والعشرين من أبريل الساعة الواحدة صباحا!
على هاتفكم رقم 24991239 والباقي ممكن أتمو عادي!!

Quote: بتاريخ الثالث والعشرين من أبريل الساعة الواحدة صباحا! على هاتفكم رقم والباقي ممكن أتمو عادي!!

بطل عواره ياخ وامشي اتونس مع الزول القال فاتح البوست ده ليك مخسوس

الاخ الحلاوي

تحياتي


بعيدا عن فبركة حريات وكذبها


الفكرة ممتازة

بس تكون كتائب تطوعية للدفاع عن العقيدة والوطن

الحلاوي مشتاقين ياخ

Quote: ورقم البطاقة المرفقة (3983) ، اي ان عدد المجموعات ما لا يقل عن (40) مجموعة

أنا هسّي رقم شقتي (702)..
هل دة معناتو بالضرورة إنّو عمارتنا فيها ما لا يقل عن 720 شقة؟؟
ناس حريات ديل كمان مرات بيبالغوا

إبن عمي الأستاذ عبدالرحمن الحلاوي
تحيات طيبات

ياودالصائم وودالرشيد وإبن صالح

إبن عمي باحث عن الحقيقة ليس إلا
وأشهد أنه ليس من أهل الهتر فهو كاتب رصين
بعيداً عن أن تختلف أو تتفق معه في الرأي

لكن الغريب في كلام حريات أنهم حددوا المرتب بمليون جنيه
تفحصت صورة البطاقة ولم أعثر على أثر لهكذا مرتب

Quote: لكن الغريب في كلام حريات أنهم حددوا المرتب بمليون جنيه تفحصت صورة البطاقة ولم أعثر على أثر لهكذا مرتب

مليون ما بتخارج معاي يا أبو عبيدة يا اخوي
أنا (كضابط سابق) ولائق طبياً بالإضافة لخبرتي الطويلة في الغربة
أقل من مليون ومية وسبعين، الأرض دي بى رجلي ساي ما بدُقّها

ياعلاء ياخي ماتتسرع الناس ديل قالوا مليون دون نحديد
فلو طلعت بالجديد وهو الأرجح نظير المهام الجسام الموكلة لهذه الكتيبة
فموقفك حايكون صعب شديد ونبقى في وساطات:
ياخي أنا زول قديم وخبرة ومنكم وفيكم
وأنا ماكنت قايلا بالجديد قايلا بالقديم
وأسألوا ودالصائم وتمبس والأمنجي المتخفي فائز ودالقاضي
ومنو كده ماعارف
وووووو
فحقو تعدل أو تسحب مداخلتك البتتشرط فيها دي ياخوي من ضو

بعدين عليك دينك وأيمانك أنا كضابط سابق أحوم بكارنيه مكتوب بقلم شيني؟؟؟؟
إذا كانت بطاقات (إمتحانات) جامعة مامون حمّيدة ممغنطة وديسبوسابُل (مكتوب عليها بى ورا: قابلة للإستخدام لجلسة واحدة فقط)
يااااي

Quote: أنا هسّي رقم شقتي (702).. هل دة معناتو بالضرورة إنّو عمارتنا فيها ما لا يقل عن 720 شقة؟؟ ناس حريات ديل كمان مرات بيبالغوا

علاء الدين كيف يا أخي ؟؟ أخبارك وأمورك ؟؟ اتمنى أن تكون وفقت فيما تصبو إليه
لو افترضنا أن الخبر كذب وعار عن الصحة ويجافي العقل والمنطق السليم ..فهل من جهة حكومية في حكومة البشير من نفى هذا الخبر أو قدم الصحيفة للمحكمة ؟؟؟

بن عمي باحث عن الحقيقة ليس إلا وأشهد أنه ليس من أهل الهتر فهو كاتب رصين بعيداً عن أن تختلف أو تتفق معه في الرأي لكن الغريب في كلام حريات أنهم حددوا المرتب بمليون جنيه تفحصت صورة البطاقة ولم أعثر على أثر لهكذا مرتب
أبا عبيدة
تحيات كبار
لكم وللاهل جميعاً ...البحث عن الحقيقة دائما ما يصطدم بين المتحاورين في هذا المنبر بشخصنة الموضوع ...( بطل عوارة ...اللفحي ...) ومثل هذه الأساليب وغيرها يفضل التلطف ( وليتلطف ...) لكن لو إفترضنا التلطف ومحاولة امتصاص الاستفزاز المتعمد لحاجة في نفس كاتبها إلا إنكار ضوء الحقيقة لا يكون إلا من غشاوة في القلب وعمى البصيرة متروك أمره لله ...وما دام حرية الإيمان بالله متاحة لكل البشر ( فمن شاء فليؤمن ومن شاء فليكفر ) فكلنا عيال تسعة فمن يستغبي فهو غبي ومن يتذاكى فهو بليد ..
لك الشكر وخالص التحيات

الأخ عمر صديق
تحياتي لكم وأسرتكم ...

اتفق معك أن الفكرة للدفاع عن الوطن وقيمه الدينيه وحقوق مواطنيه ..والحفاظ على نسيجه الاجتماعي هو مسؤولية الحاكم ..


وجدت في هذا النص ما يحتاج له كثير من الإسلاميين الجدد
لابد من الإيمان سلوكياً بمبدأ الحرية والتعاطي مع الرأي الآخر، والوقوف بعيداً عن الأنا الشخصية والجهوية والفكرية، والتعاطى مع الرأي الآخر باعتباره مسلمة يقوم عليها الكون والحياة فما دام الخلق احراراً في الإيمان وعدم الإيمان بأكبر قضية وهي التوحيد حيث لم يقسر الفرد على الإيمان بها، بل رفض الدين الإيمان بها تقليداً واتباعاً وبيئة فكيف يقسر بعضنا بعضاً على الإيمان بفكرته أو رأيه مع احتمالية الخطأ والصواب وقديماً قيل (رأي ورأي غيري يحتملان الخطأ والصواب) ولا يوجد أحد في مستوى العصمة إلا من قدر الله تعالى لهم ذلك.
المصدر: http://www.annabaa.org/nba48/enfetah.htm
ومن هنا يكون من حق كل فرد أن يمتلك رأياً سواء كان موافقاً أم مخالفاً وأن يمارس عقيدته ورأيه بعيداً عن السرية والخوف من عقوبة الاظهار وهذا ما تؤكده الشريعة بكل قيمها ومفاهيمها وتعاليمها.

الذي نعرفه ان كتائب البشير

تتكون من كل المخلصين من ابناء الشعب السوداني


غايتو بطاقتكم دي فضيحة بس


قال الراغبين في التسجيل

قال

من انتم ؟؟؟

الذي نعرفه ان كتائب البشير تتكون من كل المخلصين من ابناء الشعب السوداني غايتو بطاقتكم دي فضيحة بس قال الراغبين في التسجيل قال من انتم ؟؟؟ الذي نعرفه
ود الباوقة
الباوقة والجول والعبيدية وفتوار مناطق حبيبة إلينا ...ونحنا طلاب معرفة ..هل عندك ما يدحض ما ورد في صحيفة حريات أم استنتاج ذهني ..لا تأخذ الموضوع هلال / مريخ
والسلام عليكم ابتداء وانتهاء

لم نسمع بنفي من الجانب الحكومي للخبر