Post: #1
Title: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:38 PM
رحلة إلى أرآضي الوادي الأخصر بالمواصلات : تشتري؟ ولا ما تشتري؟
تركب من حلة كوكو , ده لو لسه مواصلاتها
من الخرطوم ما إشتغلت وده لما تكون جـاي
من الخرطوم أو بحري ..............
|
Post: #2
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:40 PM
Parent: #1
تفوت القنطرة بتاعة حلة كوكو وتصل لحدي
العمارة الفيها صيدلية الهدى علي يدك اليمين
وكان زمااااااان فيها بنك التضامن , وعلى
شمالك في عمارة فيها دكتور أسنان......
|
Post: #3
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:41 PM
Parent: #2
على فكرة دكتور الأسنان ده عندو حاجة
غريبة شديد أول مرة أشوفها............
|
Post: #4
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:43 PM
Parent: #3
لما تخش ولدو بكون معاهو في العيادة عمرو زي كم
طاشر سنة كده , بعدين الشافع ده لابس لاب كوت
وبيديك تعليمات وينهرك زي الدكاترة واحد ......
|
Post: #5
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:44 PM
Parent: #4
لكن الشهادة لله الدكتور ده قلاٌع شديد وفي
نفس الوقت أبو الرخاء , حتى الأشعة عندو
أبو الرخاء................................
|
Post: #6
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:45 PM
Parent: #5
ما علينا , خلونا في موضوعنا بتاع الوادي
الأخصر ده...............................
|
Post: #7
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:47 PM
Parent: #6
أها في الناصية بتاعة دكاكين الزيوت
والأسبيرات دي وهي نفسها الشارع
بتاع المسجد بتاع سوق حلة كوكو...
|
Post: #8
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:49 PM
Parent: #7
وعلى شمالك واللي هو برضو إتجاه الشمال
بالنسبة لشارع المواصلات في طرمبــة
(بتاعة بنزين طبعاً).......................
|
Post: #9
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:54 PM
Parent: #8
تخش بالشارع ده جنوب اللي هو علي يدك
اليمين يعني , وأول لفة تلاقيك يمينك تخش..
|
Post: #10
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:56 PM
Parent: #9
من دخلتك كده ولما تعاين قدام حتشــــوف
ليك حافلة ويحيييييييييييييييدة واقفة والركاب
زي خسمة تنفار...............
|
Post: #11
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 05:58 PM
Parent: #10
واقفين جنبها وكل واحد خاتي ليه جريدة
في نص راسو تمشي تقيف مع الجماعة
ديل لحدي الحافلة ما تتملي بعد ساااااااعة
وربع كده.................
|
Post: #13
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:00 PM
Parent: #11
الحافلة تتحرك تمشي بالشارع بتاع
المايقوما بالترعة..................
|
Post: #12
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: بشير أحمد
Date: 04-22-2011, 05:59 PM
Parent: #10
الاخ/محمد عبدالمطلب
تحياتي؛؛؛
ياخي فِكـ الأتو بتاعكـ ده عندنا دامة شيريا عايزة تنزل.
______
نوقّع علي العقد ولاّ لا؟
|
Post: #14
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:03 PM
Parent: #12
| Quote: نوقّع علي العقد ولاّ لا؟ |
بشير :
لالالالالالالالالالالالالالالالالالالالا.
|
Post: #15
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:05 PM
Parent: #14
وتفوت إمتداد حلة كوكو علي يميــنك
وعلى شمالك مزارع فيها همبريب باااارد
بالعصريات.........
|
Post: #16
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:06 PM
Parent: #15
بعد داك تلف شمال وتاني يمين وتاني
لفه صغيرة كده شمال لحدي تصل
شارع تزعة ......................
|
Post: #17
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:08 PM
Parent: #16
تقوم تخش بي شارع تزعة وتمشي
لحدوووووت شارع واحد , تخش فيهو
شمال اللي هو إتجاه الشمال برضو...
|
Post: #18
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:10 PM
Parent: #17
تمشي بي شارع واحد لحدي البيارة
وتخش يمين اللي هو إتجاه الشرق...
|
Post: #20
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:12 PM
Parent: #18
كده مربع حداشر بتاع إمتداد الحاج
يوسف بكون على يمينك وعلى شمالك
الشقلة جنوب اللي ساكن فيها زيـدان
إبراهيم حالياً......................
|
Post: #19
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: jini
Date: 04-22-2011, 06:12 PM
Parent: #15
Quote: واقفين جنبها وكل واحد خاتي ليه جريدة
في نص راسو تمشي تقيف مع الجماعة
ديل لحدي الحافلة ما تتملي بعد ساااااااعة
وربع كده................. |
اها وبتاع الحافلة ما شايل فوق السبت 3 صفايح جازولين!
قالوا عندها مستقبل!
2025 بوصلوا ليها الموية والكهرباء!
جنى
|
Post: #21
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:14 PM
Parent: #19
تمشي طواااااااالي لحدي تصل شارع
الردمية تخش شمال اللي هو إتجاه الشمال
تمشي طووووووووالي كأنك ماشي على
حي الصفا.............................
|
Post: #22
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:16 PM
Parent: #21
Quote: اها وبتاع الحافلة ما شايل فوق السبت 3 صفايح جازولين!
قالوا عندها مستقبل!
2025 بوصلوا ليها الموية والكهرباء!
جنى |
شايل.
عرفت كيف بالله؟ إنت كنت معانا ولا شنو؟
وييييييييييييييييييييييو!!!
|
Post: #23
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:17 PM
Parent: #22
أو الشقلة تقوم تخش بي نص الحلة ,
على فكرة المسافة دي كللللللللها
لحدي نص الحلة مسفلتة ما عدا نص
الحلة دي اللي فيها الحافلة تقعد تفنجط
بيك وتخجك خج شديد.............
|
Post: #24
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:19 PM
Parent: #23
بعد داك بتطلع الزلط اللي هو بيكون شمال
مربعات واحد وإتنين الشقلة شرق , وبعد تفوت
الشقلة شرق بتجي أرآضي فاااااضية اللي هي
أرآضي :
|
Post: #25
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:21 PM
Parent: #24
مخطط النسيم السكني التابعة لي شركة
إسمها سوقطرة أصحابها من واحدة من
دول الخليج ما متذكرة ياتها!! عشان مرة
إتكلمت معاهم في مكتبهم في العمارات
شارع واحد وستين جنب الخدمة الإلزامية...
|
Post: #26
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:23 PM
Parent: #25
وهنا بتلقوا معلومات عن مخطط النسيم ده لو
لسه فاضل فيها قطع :
http://www.sogatra.com/projects/info/2/rules
|
Post: #27
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:24 PM
Parent: #26
المهم الحافلة تمشي مسافة لحدي ما تصل ترعة
السليت وتقطع الترعة وتتجه شرق..............
|
Post: #28
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:26 PM
Parent: #27
وبعد داك تمشي تاني مسافة تقوم تشوف
ليك أسماء قرى كتتتتيرة كده أتذكر واحدة
منهم إسمها الغار , بعديها تخش شمال بعد
ما كنت ماشي شرق , ولما تخش شمال تمشي
مساااافة..........................
|
Post: #29
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:28 PM
Parent: #28
تقوم تشوف بيوت متشابهه زي بيوت الإشلاق من
بعيد , دي مدينة الصحفيين , تخش يمين اللي هو
إتجاه الشرق الكلام ده كلو الشارع مسفلت
برضو تخش يمين تقوم تلقى شارع عريض زي
عشرين متر تقريباً والبيوت كلها تصميمها واااحد
ومعظمها غير مسكون...........................
|
Post: #30
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:29 PM
Parent: #29
تمشي مسافة في الشارع ده لحدي ما تصل آخر
محطة فيها جامع ومدرسة وتنزل هناك , تقوم
تمشي مسافة تاني في إتجاه الشرق والكلام ده
كلوووو وتدفع لبتاع الحافلة مية جنيه أو ألف جنية
بالقديم..........................................
|
Post: #31
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:31 PM
Parent: #30
في الحتة دي قمت لاقيت موظفة لابسة أبيض
وطالعة من واحدة من البيوت دي وشكلها ماشة
الشغل...........................................
|
Post: #32
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:32 PM
Parent: #31
وبي كل أريحية قلت ليها :
|
Post: #33
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:33 PM
Parent: #32
لو سمحتي يا أستاذة دي أرآضي الوادي
"الأخصر"؟....................................
|
Post: #34
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:35 PM
Parent: #33
في اللحظة دي الزولة نطت وإتخلغت وعاينت
لي شذراً من فوق لي تحت وبي طرف نخرتها
قالت لي : وادي أخدر؟ دي مدينة الصحفيين يا أخ!!
................
أأأأأأأأأأأأأأأأأأأأأأأأأأأأأخ؟؟؟؟
|
Post: #36
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:36 PM
Parent: #34
وواصلت : الوادي الأخصر الخلا الهناااك داك...........
|
Post: #88
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: وليد عبد اللطيف
Date: 04-23-2011, 10:58 AM
Parent: #31
ياخي انت مودينا وين تعبنا ذاتو من المشي
|
Post: #35
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 06:36 PM
Parent: #21
محمد عبد المطلب كيفنك .. ياخ نحن ما منتظرن أخبار أسعار الهناي داك ..
سنة 2008 شهر 4 كلمت المدام قلت ليها إيه رايك نمشي نشوف أراضي الوادي (الأخدر) ده وين ؟ ونشوف الخدمات وصلت وين ؟
تفائل كده بس .. أها عشان نجي طوالي نشوف أخونا المساح ونسوقه ونقول كدي نمسح ديك يالقطعة .. ونفكر نبني ...
هاهاااااااي ..
يا زول نزلنا ليك من كبري المنشية ومرينا بحي النصر .. وقلت الحكاية خلاص بتكون حوالي 10 دقايق وبنصل الوادي (الأخدر)
بعداك ما عرفت أمشي على وين .. مشينا ومشينا ومشينا عييييييك لمن وصلنا آخر النصر ولا ياتو حي ما عارف .. قلنا نسأل لينا
زول . أصلو البيسأل ما بتوه ...
- السلام عبيكم يا أبو الشباب
- وعليكم السلام ورحمة الله
- ياخي بنسأل عن الوادي اللخدر .. وين ؟
- عوووووووك .. الوادي الأخدر ؟ أيوة ياخي أرجع بشارعك ده لمن تصل الصينية دييييك خش يمين ..
وأمشي طواااااالي لمن تصل طلمبة بنزين خش شمال .. بتلقى ليك ترعة أمسك الشارع ده وطوااااااالي لمن تلقى ليك قنطرة
خش يمين أها أمشي طوااااالي بتلقى ليك حلة صغيرة .. أمشي بشارعها (تراب) بعداك أمشي ليك زي ربع ساعة كدي بتلقة الوادي اللخدر
- طيب يا ابو الشباب شكرا كتير ياخي ..
أتوكلنا على الله .. والله الليلة الأ أجيب خبر المصيبة الإدبسنا فيها ده وأشوف آخره شنو ...
غايتو ما عارف مشينا قدر كم ... لكن مشوار كان وصلنا للحصاحيصا .. لأمن لقينا لينا لأفتة مكتوب عليها (( الــوادي الأخضــــر))
مشيت شوية كدي .. يا زول أشوف ليك شجر صغاااار كدي وبيوت من البلوك .. ومكتوب (( مدينة الصحفيين)) غايتو دخلنا ولفينا فيها شوية
وكانوا العمال لسه شغالين فيها ... وبقيت أعاين للصقيعة ده .. لا عرفت شمال لا جنوب .. خلأ ساااااااي ...
من اليوم داك عرفت أنه أخوكم شرب المقلب بالجد .. واتعوضت في قروشي الدفعتها .. وتأكدت تماما انه الخدمات للمنطقة ده كان وصلت
سنة 2030 يكونوا ما قصروا تب ...
لكن الحاجة الكويسة أنه لمن تسكن هناك ممكن تمشي عادي تجيب خدارك من رفاعة وترجع ...
والحاجة التغيظ لسه ناس الأراضي لأفين يسوقوا فيها للمغتربين المساكين ديل .. عشان عارفنهم بعيدين وما بقدروا يشوفوها
لكن الإحباط الجد بجي لمن يرجع السودان ويمشي يشوف بنفسه هاهاهاهاها .. شيئ ما بتوصف .ز الأ تشوفوه بعيونكم
أححححححح ... نفسي قام
|
Post: #37
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:42 PM
Parent: #35
ده المختصر المفيد ، كلمة كافية وشافية وكلها عافية ، وتحفظ الدولارات الدايماً غير كافية.
تشكر يا دكتور علي هذه الـ أححححححححححححححححح الشبعانة.
وييييييييييييييييييييييو!
الأسعار حالياً درجة أولي ناصية خمسمية متر وشوية بي إطناشر مليون ، درجة تالتة تلتمية متر عادية بي ستة مليون.
|
Post: #38
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:44 PM
Parent: #37
بصراحة أنا كنت لابس كويس وأي حاجة ونضيييف
لكن ما عارف ليه عملت كده؟ , والغريبة مدينة
الصحفيين بتاعتها دي خلا زيها وزي الوادي "الأخصر"
زي ما حنشوف بعد شوية..........................
|
Post: #40
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:47 PM
Parent: #38
يا دكتور معليش والله قايلك بتتكلم عن أسعار الوادي "الأخصر"
ده ، يادوب لاحظت للسؤال عن أسعار الحبيب الغالي.
ههههه.
جاييكم بالأكيدة يا دكتور.
|
Post: #39
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 06:46 PM
Parent: #37
| Quote: وييييييييييييييييييييييو! |
ويييييييييييو وبس ... غايتو مقلب (سندس) كان أحسن ...
غايتو الداير يشتري أخير يشتري في دريم لاند ورخيييييصة .. على الأقل مع شارع مدني وجنب النيل ..
لكن الما بتسمى داك .. تخش عليهم قروشنا بالساحق والماحق ...
بس غايتو .. شر البلية ما يضحك ...
|
Post: #41
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:49 PM
Parent: #39
في سري قلت ليها لو كنت سكنتي هونولولو
كان نجضتي خلق الله نجاض قبورة , وعلناً
قلت ليها شكراً يا أستاذة....................
|
Post: #42
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:52 PM
Parent: #41
ومشيت علي الخلا القالتو , المسافة أقل من خمسة
دقايق ووصلت الخلا , لقيت ليك كووووم تراب
أو ردمية عااااالية عاملة زي خط بارليف , أنا شفت
خط بارليف بي عيوني ديل عشان ما في زول يجي
ناطي لي.........................................
|
Post: #44
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:54 PM
Parent: #42
قمت طلعت في الردمية العاااالية دي وعاينت علي مد
البصر أرض مسطحة ومستوية ما عندها نهاية قدر ما
تعاين , دي ياها الوادي "الأخصر" ودي المربعات القريبة
اللي إتوزعت زماااان أما المربعات الجديدة دي فما معروف
تكون وين,..................................
|
Post: #91
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: عثمان جلال الدين
Date: 04-23-2011, 11:06 AM
Parent: #41
Quote: في سري قلت ليها لو كنت سكنتي هونولولو
كان نجضتي خلق الله نجاض قبورة .. |
أضحك الله سنيك يا أستاذ محمد عبد المطلب..
لقد جملت دبرستي بضحكة من أعماق القلب.. شكراً
|
Post: #43
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 06:53 PM
Parent: #39
| Quote: يا دكتور معليش والله قايلك بتتكلم عن أسعار الوادي "الأخصر |
الوادي الأخضر ما عنده أي سعر .. لا تقولي ناصية ولا ميدان ...
غايتو جهاز المغتربين شدينا فوق القوي ..
الخلاصــة :
أي زول داير يتمقلب فيه ويصدق كلام ناس الأراضي ..يكون جاهز انه ينتظر 20 سنة تااانية عشان يمكن يقدر يبني
|
Post: #45
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:56 PM
Parent: #43
وقفت علي التلة دي ونظرت ثم فكرت وأخذت حفنة من
تراب ذلك التل وفي سري قلت بعد أن قذفت بتك الحفنة في
الهواء : -
|
Post: #47
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 06:57 PM
Parent: #43
Quote: أما المربعات الجديدة دي فما معروف
تكون وين,.................................. |
تركب حافلة رفــاعة .. هاهاهاها
غايتو المغصة شاقاني عديييييل .. مقلب مصلح بالجد .. باعوا لينا الترماي يا ود عبدالمطلب
|
Post: #46
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: بابكر التوم
Date: 04-22-2011, 06:56 PM
Parent: #39
سلام لصاحب البوست ....
وشكرا للواقعية أشترينا وبعد دا مافى استعداد لبوصلة ومعرفة المكان وشكلها كدا تكون استثمار وليس سكن
بعد الكلام دا 
د . أحمد امين سلامات ..
Quote: غايتو الداير يشتري أخير يشتري في دريم لاند ورخيييييصة .. على الأقل مع شارع مدني وجنب النيل ..
|
الان فى مرحلة تفكير لانو ناس الجالية هنا فى الدوحة عندهم تسجيل واتصلت السودان للاستفسار لوجود حبة قريشات
خوفا من البعزقة قلنا نجدعها فيها فنصحونا لو فى درجة اولى ممكن تشترى وتصبر وفى العدم ممكن تشترى فى دريم لاند
600 متر بى 9 مليون يهمنى رائك فى دريم لاند من حيث المستقبل والسعر المطروح .... بانتظارك
|
Post: #48
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:57 PM
Parent: #46
الإشتري في الوادي الأخصر الترابة دي
في خشمو ...............................
|
Post: #49
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 06:59 PM
Parent: #48
والمفكر يشتري في الوادي الأخصر الترابة دييك
ظاااطها في خشمو , أما الذين يملكون أكثر من
قطعة في الوادي الأخصر فما عارف أقول ليهم
شنو ظاااااطو؟
أنسوا بس!!!!!!!!!!!!!!!!!
|
Post: #50
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:02 PM
Parent: #49
Quote:
ويييييييييييو وبس ... غايتو مقلب (سندس) كان أحسن ...
غايتو الداير يشتري أخير يشتري في دريم لاند ورخيييييصة .. على الأقل مع شارع مدني وجنب النيل ..
لكن الما بتسمى داك .. تخش عليهم قروشنا بالساحق والماحق ...
بس غايتو .. شر البلية ما يضحك ... |
هههههه.
الوادي "الأخصر" ده شكلهl ناس الأراضي كانت شايلاهم عرمة بتاعة فلسة كده
قامو قطعوها من راسهم ولبسوا الناس سلطانية.
|
Post: #51
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:04 PM
Parent: #50
Quote: سلام لصاحب البوست ....
وشكرا للواقعية أشترينا وبعد دا مافى استعداد لبوصلة ومعرفة المكان وشكلها كدا تكون استثمار وليس سكن
بعد الكلام دا |
سلام
عليه العوض ومنو عوضين.
|
Post: #57
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: فيصل محمد رشوان
Date: 04-22-2011, 07:12 PM
Parent: #50
محمد سلام
فعلا انا عشت نفس التجربة
عندي اخوي أشترى في المنطقة دي ومشيت عملت معاينة
لكن الغريبة مشيت لبتاع عقارات في مدينة الصحفيين وقال لي ممكن نشتري منك حالا ... وبسعر أعلى من السعر الأشتروا بيه في قطر ب3 مليون او 3 الف جينه بالقديم
|
Post: #111
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: صديق عيسى صالح
Date: 04-23-2011, 09:13 PM
Parent: #49
يعنى نفكر فى المخارجه من التكويكه ولا شنو؟
والله مقلب عجيب
الله يعوضنا خيرا منها
|
Post: #52
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 07:04 PM
Parent: #46
Quote: وشكلها كدا تكون استثمار وليس سكن
بعد الكلام دا |
إستثمار شنو يا بابكر .. ده ما تنفع ببصلة .. أصلو المغتربين دايما الحيطة المايلة للحكومة ده..
أقول ليك كلام .. إشتري في الصالحة ( أمدرمان) أو دريم لاند المربعات القريبة من سوبا .. وده أسعارها بين 11 الى 18 مليون
حسب المساحة والموقع .. باخي أقلاها بتشوف بشر وبتسمع صوت عربات وتشم ريحة النيل ..
أما ديك والله الأ تجاور العقارب والثعابين وما خفي أعظم ...
ويييييييييييييــ غايتو يا ود عبد المطلب فاتح لينا البوست ده مااااالك ياخ ...
|
Post: #54
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:06 PM
Parent: #52
"الحاجة" دي عايزة زي عشرين سنة عشـــــان
تبقى وادي ، وزي خمسة وعشرين سنة تانية عشان
تبقى "أخصر".................................
|
Post: #55
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 07:10 PM
Parent: #52
| Quote: عليه العوض ومنو عوضين. |
الجاتك في الوادي اللخــدر سامحتـــك
عليك الله السماهو الوادي الأخضر ده الأ يكون ضارب ليه سجارة (خدرة) اليوم داك
اففففففففففف .... كنت قايل نفسي تفتيحه وما في زول بغشني .. لكن ديل سوها
يلا العترة بتصلح المشية ..
وعشان كده وصينا ناس الإمارات بأن لا يشاركوا بقريشاتهم في المؤتمر العاملنه اليومين ده " قال استثمار قال"
كله زول يخلي باله من ...... وأعملوا خلف دور
|
Post: #53
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: كمال ادريس
Date: 04-22-2011, 07:06 PM
Parent: #37
مرحبا ياشباب
شكلكم انتو الساكنين بعييييد
لناس بحري كل المنطقه دي فركة كعب بس
اذكر عند تويع مدينة الصحفيين ومشينا وقفنا علي المكان اصابنا احباط زيكم الان.
حاليا المدينة اصبحت مأهولة.. ومعظم الاماكن القريبه منها اتسكنت ايضا.
بالنسبة لاسعار الاراضي المذكوره اعلاه فهي تعتبر مناسبه استنادا لقيمة الارض اذا اخذتها عبر لجان الاراضي في الخطط الاسكانية.
ستة مليون الان كما ذكر اعلاه... مقابل اكثر من 3 ملايين بالطريقة الرسمية.
|
Post: #56
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:11 PM
Parent: #53
مفروض ناس الأرآضي يسموها الوادي الالالالالالخاااااااادووووووور!
وييييييييييييييييييييييو!!!
|
Post: #58
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:12 PM
Parent: #56
لعمري إنه (الخصران) المبين!!!!
|
Post: #59
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:16 PM
Parent: #58
Quote:
غايتو المغصة شاقاني عديييييل .. مقلب مصلح بالجد .. باعوا لينا الترماي يا ود عبدالمطلب |
باعوا ليكم ترماي ولونه أخدددددددددااار و"بأستك"!!!
|
Post: #63
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:21 PM
Parent: #59
Quote: فعلا انا عشت نفس التجربة
عندي اخوي أشترى في المنطقة دي ومشيت عملت معاينة
لكن الغريبة مشيت لبتاع عقارات في مدينة الصحفيين وقال لي ممكن نشتري منك حالا ... وبسعر أعلى من السعر الأشتروا بيه في قطر ب3 مليون او 3 الف جينه بالقديم |
أهلاً يا فيصل،،،
دي طبعاً حركات سماسرة معروفة ، يعني لو كنت جبت ليهم ورق
القطعة جاهزة كانوا حيلفوا ويدورا ويطرشقوا البيعة بي أسباب متعددة.
بتاع العقارات ده واضح إنو (مصطكي)!!
|
Post: #60
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: بابكر التوم
Date: 04-22-2011, 07:17 PM
Parent: #53
سلام د . أحمد
Quote: أقول ليك كلام .. إشتري في الصالحة ( أمدرمان) أو دريم لاند المربعات القريبة من سوبا .. وده أسعارها بين 11 الى 18 مليون
حسب المساحة والموقع .. باخي أقلاها بتشوف بشر وبتسمع صوت عربات وتشم ريحة النيل ..
|
يعنى أشرت لدريم لاند الوادى الاخضر شفنا بعيونك لكن دريم لاند مرينا بيها بشارع مدنى
كلمحة سريعة برضوا سفر ياحبيب ولاية الجزيرة رسمى
واعتقد بانها كمسافة ابعد من الوادى الاخضر بس سعرها مناسب ومساحتها كبيرة واحتمال أسامة داؤود يرفع من قيمتها مستقبلا باستثماراتة وشايف الكيزان
اتجهوا عليها بقوة معناها فيها رقشة
|
Post: #61
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 07:17 PM
Parent: #53
كمال يا أخوي
Quote: اذكر عند تويع مدينة الصحفيين ومشينا وقفنا علي المكان اصابنا احباط زيكم الان.
حاليا المدينة اصبحت مأهولة.. ومعظم الاماكن القريبه منها اتسكنت ايضا.
|
ما هو ده ظاااااتو المقلب ... ظبطوا مدينة الصحفيين عشان باقي الناس يقتنعوا ويقولوا والله الحكاية ده ماشه لجدام
ويبيعوا ويبيعوا لمن يوصلوها كسلا ... وابقى قابلني ..
|
Post: #62
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 07:20 PM
Parent: #61
| Quote: لعمري إنه (الخصران) المبين!!!! |
ده يا محمد (الخصران) الذي يعمل ( مصران) ويخليه واقف زمبارة
ههههههههههه
|
Post: #64
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 07:26 PM
Parent: #62
بالمناسبة الناس دي لما تتكلم عن مواصلات الوادي
الأخصر ، دي كذبة كبيرة ، لأنو المواصلات دي
بتاعة مدينة الصحفيين ، لأنو الوادي الأخصر أصلاً
ما فيها مباني ولا فيها أثر لي حياة ، حتى حيوانات
ساي مافيها ، حمار لو ربطوهوا هناك ما بقعد.
|
Post: #65
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:25 PM
Parent: #64
يعني لو في زول عندو قروش ما كتيرة ، سيبك
من الوادي ولا البوادي........................
|
Post: #66
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:27 PM
Parent: #65
إشتري في مدينة الفاتح مثلاً وبالعدم في المربعات
بتاعة الحاج يوسف ٢٥ ، ٢٦ ، ٣٠...............
|
Post: #67
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:29 PM
Parent: #66
أسعارها تتفاوت ، لكن هي في موقع جيد ، وقريبة من الكبري
بتاع المنشية نسبياً..............................................
|
Post: #68
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:31 PM
Parent: #67
أو تشتري في الخوجلاب ، أو حي النصر لو عندك قروش زيادة ، أو في كافوري
في مربع إستثماري ميتين متر وأسعارها معقولة برضو............................
|
Post: #69
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:34 PM
Parent: #68
وأخيراً وليس آخراً في مربعات سمحة شديد في الحاج يوسف
وسط العمران وموقع أكثر من ممتاز...........................
|
Post: #70
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:36 PM
Parent: #69
وهي قطع إستثمارية مساحاتها صغيرة حوالي مية وسبعين متر وهي عبارة
عن قطعتين مع بعض يكملوا المساحة.......................................
|
Post: #71
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:39 PM
Parent: #70
وهي تقع شمال مربع تسعة وشرق مربع تلاتة ، وأخرى
جوار البان جديد...........................................
|
Post: #72
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:42 PM
Parent: #71
ودي طالعة موضة الناس تشتري القطعتين وتبنيها شقق
جميلة جداً...............................................
وكدا!
|
Post: #73
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 10:49 PM
Parent: #72
القصة بتاعة الشقة الفيها مية وستين متر دي زي حاقصة
لي شوية ، فبالله لو في مهندس تفتيحة هنا يجي يورينا القصة
دي ممكن تبقى كيف ، لكن على شرط ما يجي يملانا إنجليزي
درراب وإيشن وما إيشن وكلام كبار كبار ويخلي الناس فاتحها
خشومها وما قادرة تقول إنها ما فاهمة الكلام يعني يتكلم معانا
بالرندوك وكده ، يعني كلام بتاع أخوان وكده عشان ما تكون
في أي نقرطة وحقصان.
وكدا!!!
|
Post: #89
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Ammar Elyas Babiker Hassan
Date: 04-23-2011, 11:00 AM
Parent: #73
Quote: القصة بتاعة الشقة الفيها مية وستين متر دي زي حاقصة
لي شوية ، فبالله لو في مهندس تفتيحة هنا يجي يورينا القصة
دي ممكن تبقى كيف ، لكن على شرط ما يجي يملانا إنجليزي
درراب وإيشن وما إيشن وكلام كبار كبار ويخلي الناس فاتحها
خشومها وما قادرة تقول إنها ما فاهمة الكلام يعني يتكلم معانا
بالرندوك وكده ، يعني كلام بتاع أخوان وكده عشان ما تكون
في أي نقرطة وحقصان
|
السلام عليكم اخي الكريم
غايتو قصة المية وسبعين متر دي انا جربتها
اشتريت 200 متر في الفيحاء شرق النيل بنيت فيها شقتين الارضية مساحتها 120 مترمؤجرة الان ب 1000 جنية والفوق 100 متر مؤجرة ب 700 جنية والحمد لله
ووبدون كلام المهندسين لو نظرت لمعظم الشقق التي يسكنها المغتربين لعشرات السنين تجدها في هذه الحدود او اقل, لكن الواحد عشان يرجع السودان ويشتري قطعة 600 متر يغترب 20 او تلاتين سنة
الفكرة كانت ببساطة كالاتي:
1. كنت مستأجر نصف منزل في اركويت عام 2004 ب 650 جنية فسألت نفسي اذا كنت اسكن نصف منزل بالايجار لماذا لا اسكن في نصف منزل امتلكة
2. كنت كلما اجمع مبلغا لشراء قطعة ارض اجدها زادت فلميت العندي واشتريت ال 200 متر
3. تكلفة البناء والتشطيب كلها ستختصر للنصف (لوعندك 600 متر سراميك ساي يقص ظهرك)
4. الان وبفضل هذه ال 200 متر انا ادرس خارج السودان ولا احمل اي هم لمصاريف العيال في السودان.(نقاطة لا بتتعطل لا السواق اكلك, لا السوق نايمالايام دي)
ولك مني التحايا
|
Post: #74
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-22-2011, 10:54 PM
Parent: #72
غايتو خليناهم لله ...
يلعبوا بالمغتربين يمين وشمال ...
وعارفين الإيد البتوجعهم .. الأرض والسكن ..
ياخي ديل مشوا أمريكا خموا ليك الدولارات (الأصلية) ... وباعوا ليهم الوهم ورجعوا
اتفسحوا تماااام ... وكل واحد قبض ليه حافز سمين للصيد الرجعوا بيهو ...
وهسي بالله يا من اشتريتوا الوهم في الوادي الياااابس .. كل زول ينزل اجازة يعمل ليه رحلة صحراوية عشان يشوف قطعته وين ؟؟
الله غالب
|
Post: #75
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-22-2011, 11:06 PM
Parent: #74
Quote:
غايتو خليناهم لله ...
يلعبوا بالمغتربين يمين وشمال ... |
المغتربين طوااالي بوصيهم إنو ينزلوا إجازة ويشيل قروشو
صرة في خيط ويخش سوق الله أكبر ده.
لا تقول لي سفارات ولا وفد حكومة ولا غيره ، يعني الأراضي
دي لو فيها فايدة كان قعدت لحدي ما يهاجروا بيها بره؟
أمشي السودان وألبس ليك عراقي وسفنجة مقطعة ومافي داعي
للتمسح والكريمات والحنكشة الزي دي وأقع السوق ولا تكلم
زول إنك مغترب ، تسأل وتتنور وتتابع وتحضر مبايعات وتقعد
تحت عمارة إبراهيم طلب زيك وزي أي سمسار مشنق طايقتك
ولا من شاف ولا من دري.
وكدا!
أنا بألكو أهو ، وظنبكو على قنبكو بأ!!
|
Post: #76
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Hisham Ibrahim
Date: 04-23-2011, 06:30 AM
Parent: #75
أحسن الله عزاكم ياخ
والبركة فيكم ...
ـــــــــــــــــــــــ
هاكـ تامكنه دي برضو خليها تقسم عندكم شويه
الأيام دي شركة النور العامله مشروعها جم السلاح الطبي ديكـ
حايمه بي الخليج تدقس في المغتربين
لكن عليك أمان الله المغتربين بعد الوادي الميت دا وسندس الزراعي
الريال منهم بقى زي الشعره من شنب الأسد وهو راجي اللبوة ....
شركة النور هي إحدى شركات عارف بتاعت الخطوط السودانيه ..!!
دي سُنبكا في الحكومة لليوم ما قادر يمرق منها ،، ما بالك بي الممغتربين ...!
إنتو المغتربين ديل ما بيارثوا مع اهلهم والا شنو ؟
|
Post: #77
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: محمد عبد الماجد الصايم
Date: 04-23-2011, 06:54 AM
Parent: #76
غايتو يا محمد طلب قوّمت نفسنا لحدي ما وصلنا الوادي!
إنت يا زول مشيت من وادي سيدنا للوادي الأخدر؟
المشوار الأنت كتبتو دا ما بياخد أكتر من 15 دقيقة
في طريق أسفلت بالكامل من دكاكين الزيت القلتها في حلة
كوكو دي لحدي ما تصل الوادي الأخضر، واللهو الناس بدت تسكن فيهو!
أي حتة في الدنيا دي مربعات وتقسيمات وأحياء
الحاج يوسف دي لو شفتها زمان كان من القبّة بتشوف
سوق ستة .. هسي سوق ستة لو وقفت في الأول ما بتشوف الآخر!!
يا زول لو اشتريت ومزعلاكـ ممكن تبيعها قدام مكتب الأراضي زاتو!!
أنا غايتو مشيت الوادي الأخضر أكتر من ستة سبعة مرات
بمشي لحدي الترس (البارليفي) دا في أقل من عشر دقايق!!
|
Post: #78
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: محمد عبد الماجد الصايم
Date: 04-23-2011, 06:56 AM
Parent: #77
أي زول عندو قطعة في الوادي الأخضر ممكن يبيعها
قبل ما ينزّل رجلو قدام مكتب أراضي شرق النيل!!
|
Post: #80
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: بهاء الدين سليمان
Date: 04-23-2011, 07:02 AM
Parent: #75
Quote: من اليوم داك عرفت أنه أخوكم شرب المقلب بالجد .. واتعوضت في قروشي الدفعتها .. وتأكدت تماما انه الخدمات للمنطقة ده كان وصلت
سنة 2030 يكونوا ما قصروا تب ...
لكن الحاجة الكويسة أنه لمن تسكن هناك ممكن تمشي عادي تجيب خدارك من رفاعة وترجع ...
|
بوست رائع وتنوير كامل الدسم
|
Post: #82
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: ود الباوقة
Date: 04-23-2011, 07:16 AM
Parent: #80
الله كريم
شكرا عبد المطلب
|
Post: #83
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: منال
Date: 04-23-2011, 07:54 AM
Parent: #82
انت يامحمد كان تختصر كلامك ده كلو فى مداخله وحده
عيونا زغللو
زمان يامحمد نفس كلامك ده الناس كانت بتقولو على منطقة الرياض والطائف
بعيده وخلاء ومتين الخدمات بتصله ؟؟؟؟؟
هسى المناطق حلم للكثيرين
الوادى الاخضر ليها مستقبل ولو ما عجبتك ما تعمل ليها دعايه وتبخسه للناس الاشترت
تحياتى ...
|
Post: #84
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-23-2011, 10:07 AM
Parent: #83
منال إزيييكـ .. عايز أرد لغتية محمد ما يجي ..
Quote: زمان يامحمد نفس كلامك ده الناس كانت بتقولو على منطقة الرياض والطائف
بعيده وخلاء ومتين الخدمات بتصله ؟؟؟؟؟
هسى المناطق حلم للكثيرين
|
يا منال ماااافي مقارنة .. انتي لو مشيتي الوادي اليابس ده وشفتي .. والله العظيم حتقولي لينا انتو ما كتبتوا أي شيئ عنه
مبااااالغة .. أنا لمن مشيت خفت عديل .. بنزيني يقوم يقطع وما أعرف اقبل وين @@@
أما مستقبلها في علم الغيب ... صدقيني شيئ ما بتوصف
والقضية ما تبخيس .. بس انتي كان لقيتي فرصة أمشي .. شوفي .. وبعدين حتغيري رايكــ ...
|
Post: #85
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: محمد عبد الماجد الصايم
Date: 04-23-2011, 10:16 AM
Parent: #84
| Quote: مبااااالغة .. أنا لمن مشيت خفت عديل .. بنزيني يقوم يقطع وما أعرف اقبل وين |
إنت يا دكتور مشيت وين؟ أو سنة كم بالضبط؟
|
Post: #87
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: الحاج حمد الحاج
Date: 04-23-2011, 10:41 AM
Parent: #85
| Quote: نوقّع علي العقد ولاّ لا؟ |
Quote: بشير :
لالالالالالالالالالالالالالالالالالالالا. |
أو لع كما قال ود الصلئم
|
Post: #86
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr.Elsadig Abdalla
Date: 04-23-2011, 10:33 AM
Parent: #84
العاوز يشتري يقع الخرطوم ...أي حته في الخرطوم...مع اني لا اتفق معاك في الكلام الفوق ده..حتي الآن أنا أتذكر كويس لما كان ناس اركويت بيجيبو المويه من الصحافه بالكارو ..وكانت المواصلات بي بصات اللبن القديمه ديك ..والرحله للخرطوم عاوز ليك أقل حاجه ساعه وشويه ...وشارع عبيد ختم الشايفنو ده كان عجاجو قايم......أين اركويت الآن ؟؟؟المشكله تكمن في إنو لو العاوز يشتري في هذا الوادي يكون عاوز يسكن الآن ....
|
Post: #90
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: أبو الحسين
Date: 04-23-2011, 11:06 AM
Parent: #86
Quote: أو تشتري في الخوجلاب ، أو حي النصر لو عندك قروش زيادة ، أو في كافوري
في مربع إستثماري ميتين متر وأسعارها معقولة برضو............................ |
عبد المطلب سلامات... اليوم أو بكرة سمعت قالُو ناس أراضي الوادي الأخضر جايين السفارة في الرياض... وصاحبي قال لي نمشي نشوف الحاصل شنو؟؟؟ بعد كلامك دا قلت ليهو أمشي براك شوف واديني التقرير... أها قال لي كلم صاحبك عبد المطلب يشوف لينا الخوجلاب درجة تانية 480 متر دي بي كم اليومين دي؟؟؟
|
Post: #92
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: ابوحراز
Date: 04-23-2011, 12:01 PM
Parent: #90
عندي سؤال مهم ياصاحب البوست عليك الله ماتتجاهلو وترد علينا بسرعة
انت قلت الوادي عاوزة ليها 20 سنة عشان تبقى وادي
وكمان 25 سنة عشان تبقى أخدر
يعني 20 + 25 = 45 سنة
عمرنا هسي قرب يصل وللا وصل الأربعين
يعني 40 + 45 = 85 سنة ماشاء الله عيننا باااااااااااااااردة
يللا السؤال
لحد هذا الوقت الواحد بتكون مدة صلاحيتو انتهت
وأكيد ما حاتكون في اي علاقة حميمية
عشان كده الواحد لابد يكون زول آآآآآآآآآآآآخرة ساااااااااااااااي
السؤال 00 هل في جامع في الوادي الأخدر دا ؟؟؟
عشان الواحد يحرسو ويعمل ليهو سبحة طويلة
ويواصل الصلاة على النبي
أخوك الصحفي { أبوحراز }
|
Post: #93
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: أحمد الشايقي
Date: 04-23-2011, 12:04 PM
Parent: #86
Quote:
أمشي السودان وألبس ليك عراقي وسفنجة مقطعة ومافي داعي
للتمسح والكريمات والحنكشة الزي دي وأقع السوق ولا تكلم
زول إنك مغترب ، تسأل وتتنور وتتابع وتحضر مبايعات وتقعد
تحت عمارة إبراهيم طلب زيك وزي أي سمسار مشنق طايقتك
ولا من شاف ولا من دري.
وكدا!
أنا بألكو أهو ، وظنبكو على قنبكو بأ!! |
|
Post: #94
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: بشير أحمد
Date: 04-23-2011, 12:58 PM
Parent: #93
الاخ/محمد عبدالمطلب
تحياتي بنكهة غُبار الوادي الاخضر؛؛؛
اتصلت علي مستشار الاراضي بتاعي (إبن عمي سمسار اراضي في عمارة الضرائب بالسوق العربي)
وقال لي اشتري وجيب لي شهادة البحث او ورقة السفارة وايصال الدفع
وقال لي مش مهم مربع كم
والمشتري جاهز ؛؛
قلت ليهو ح ادفع9الف ريال لدرجة اولي ؛قال لي ادفع وتعال استلم 3مليون ونص +قيمة9الف ريال (850جنيه للريال)
واعتبرها مصاريف للاجازة .
مشيت السفارة في جدة ؛لقيت الاعمي شايل المكسر وزحمة شديدة
والمغتربيين عقدتهم ومشكلتهم يلقي ليهو ارض إن شاء الله في واق الواق ؛خاصة المغتربيين الليهم تاشر سنة وماعمل حاجة (لا بيت ولا يحزنون)
المهم بيقنع نفسو إنو عندو قطعة ارض في كرش الفيل ويمرق من السؤال البي يتسإل منو كل المغتربين في ونساتهم (اها عملت شنو في البلد؟)
علي الاقل ح يقول عملت قطعة ارض وراجي الري عشان البنيان.
______
غايتو....دامة الشيريا نزلت بدون الأتو بتاعكـ يامحمد.
|
Post: #95
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 04:48 PM
Parent: #94
Quote:
ياخي انت مودينا وين تعبنا ذاتو من المشي |
ههههههه.
يا وليد كيفك؟
إنت شفت حاجة؟ ده هسه الوصف بس ، أما لو مشيت فعلاً
عينك ما تشوف إلا النور ، بعدين بتاع الحافلة في حتة كده
بمشي بسرعة تشفق لمن بتاع قلاب من الإتجاه المعاكس
قرب يجيب أجلنا ، بعدين بتاع الحافلة إتكلمنا معاه قال
الما عاجبو ينزل!!
هههههه
هناك لا في مستشفى لا بتاع حركة ولا غيرو.
بس ربك ستر.
أوعك يا وليد تتورط وتشتري حاجة زي دي!!!
|
Post: #96
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 04:54 PM
Parent: #95
Quote:
أضحك الله سنيك يا أستاذ محمد عبد المطلب..
لقد جملت دبرستي بضحكة من أعماق القلب.. شكراً |
عثمان جلال الدين،،،،
سلام وتحية،،،،
إن شاء الله دايماً ضاحك ، بس يارب ما تكون إشتريت هناك؟
في حتت كتيرة سمحة وماشة بسرعة.
شكراً.
|
Post: #97
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 05:04 PM
Parent: #96
عمار الياس بابكر الحسن
Quote: السلام عليكم اخي الكريم
غايتو قصة المية وسبعين متر دي انا جربتها
اشتريت 200 متر في الفيحاء شرق النيل بنيت فيها شقتين الارضية مساحتها 120 مترمؤجرة الان ب 1000 جنية والفوق 100 متر مؤجرة ب 700 جنية والحمد لله
ووبدون كلام المهندسين لو نظرت لمعظم الشقق التي يسكنها المغتربين لعشرات السنين تجدها في هذه الحدود او اقل, لكن الواحد عشان يرجع السودان ويشتري قطعة 600 متر يغترب 20 او تلاتين سنة
الفكرة كانت ببساطة كالاتي:
1. كنت مستأجر نصف منزل في اركويت عام 2004 ب 650 جنية فسألت نفسي اذا كنت اسكن نصف منزل بالايجار لماذا لا اسكن في نصف منزل امتلكة
2. كنت كلما اجمع مبلغا لشراء قطعة ارض اجدها زادت فلميت العندي واشتريت ال 200 متر
3. تكلفة البناء والتشطيب كلها ستختصر للنصف (لوعندك 600 متر سراميك ساي يقص ظهرك)
4. الان وبفضل هذه ال 200 متر انا ادرس خارج السودان ولا احمل اي هم لمصاريف العيال في السودان.(نقاطة لا بتتعطل لا السواق اكلك, لا السوق نايمالايام دي)
ولك مني التحايا |
سلام يا عمار وكيف الأمور؟
والله مداخلتك دي بالظبط الكنت متأمل ألقاها من سؤالي الفوق ، وفي نفس
الوقت كنت عايز أرسل رسالة معينة عن شغف الجميع بالمساحات الكبيرة ،
وإنو مشكلة السكن والأراضي اللي عاملة هاجس خطير لكل مغترب ممكن
تتحل ببساطة ، يعني كل إتنين أو حتة تلاتة أصحاب أو أخوان يشتروا قطعة
ويقسموها وتتبني بالطريقة القلتها دي.
يا عمار لو سمحت تواصل لينا وتدينا فكرة وتفاصيل أكثر ، وبرضو تنور الناس
عن الفيحاء وأسعار الميتين متر حالياً ، وعن لو بتعرف ناس عايزين يبيعوا....إلخ
وأهو تكون قدمت خدمة عظيمة لعدد مقدر من الأخوان.
ألف شكر يا عمار.
|
Post: #98
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 05:07 PM
Parent: #97
Quote:
إنتو المغتربين ديل ما بيارثوا مع اهلهم والا شنو ؟ |
ويييييييييييييييييييييييو!!!
هو مغترب وكمان عايز يرث؟ ده مغترب أصلوا ولا منشار؟
|
Post: #99
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 05:42 PM
Parent: #98
Quote: غايتو يا محمد طلب قوّمت نفسنا لحدي ما وصلنا الوادي!
إنت يا زول مشيت من وادي سيدنا للوادي الأخدر؟
المشوار الأنت كتبتو دا ما بياخد أكتر من 15 دقيقة
في طريق أسفلت بالكامل من دكاكين الزيت القلتها في حلة
كوكو دي |
Quote: لحدي ما تصل الوادي الأخضر، واللهو الناس بدت تسكن فيهو!
|
يا محمد
المشوار ده بالمواصلات من نهاية تقاطع شارع تزعة مع شارع واحد لحدي
ما تصل آخر محطة الفيها الجامع والمدرسة بياخد ما لايقل عن ٣٥ -
٤٥ دقيقة ولما تصيف ليها المسافة من حلة كوكو لي شارع تسعة دي برضو
زي خمسطاشر لي عشرين دقيقة حسب الوقت بتاع الزحمة.
الوادي الأخضر مافيهو سكن يا محمد ، السكن في مدينة الصحفيين اللي
هي بعد ما تتنهي مدينة الصحفيين بيبدأ الخلا بتاع الوادي الأخضر اللي
هو عبارة عن صحرااااااااااااء جرداااااااء طيييييييييييييييييييييييرة مافيهو
الوادي الأخصر ده ما فيهو ولا قطعة واحدة مبنية ، ولا قطعة.
|
Post: #100
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 05:46 PM
Parent: #99
| Quote: بوست رائع وتنوير كامل الدسم |
تشكر يا بهاء.
|
Post: #101
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 05:49 PM
Parent: #100
Quote: الله كريم
شكرا عبد المطلب |
سلام يا ود الباوقة تسلم.
ونعم بالله.
|
Post: #102
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: على ميرغني
Date: 04-23-2011, 05:49 PM
Parent: #98
يا ناس هوي...
الموضوع دا فيهو شئ غلط واكيد وراهو اجندة
اولا باصات الوالي وصلت مدينة الصحفيين ... وبيوتها اسعراها فاتت الاربعين مليون جنيه +الافصاد المتبقية.. والمدينة ذاتها ما بالبعد دا. يعني شخصيا ومن سوق نمرة اتنين وبحافلة قريس وصلتها خلال اربعين دقيقة .. دا قي عام 2008 قبل ما الشوارع تكتمل.. ومدينة الصحفيين ذاتها فيها الموية والكهرباء في كل البيوت ... وكتير من الناس سكنوها..
|
Post: #103
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: محمد عبد الماجد الصايم
Date: 04-23-2011, 05:55 PM
Parent: #102
يا محمد طلب .. مدينة الصحفيين جزء من مخطط الوادي الأخضر!
|
Post: #104
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 08:27 PM
Parent: #103
Quote: انت يامحمد كان تختصر كلامك ده كلو فى مداخله وحده
عيونا زغللو
زمان يامحمد نفس كلامك ده الناس كانت بتقولو على منطقة الرياض والطائف
بعيده وخلاء ومتين الخدمات بتصله ؟؟؟؟؟
هسى المناطق حلم للكثيرين
الوادى الاخضر ليها مستقبل ولو ما عجبتك ما تعمل ليها دعايه وتبخسه للناس الاشترت
تحياتى .. |
يا منال,,,,,,
الناس الإشترت البوست ده ما حيغير شئ في الحقيقة بالنسبه
ليهم الغرض الأساسي من البوست تنوير عن موقع الوادي
الأخضر وكيفية الوصول هناك بالمواصلات ، وهدف آخر
هو تعريف الناس بشكل الوادي الأخضر من حيث العمران
والخدمات ، وبعد كده طبعاً كلو زول ياخد القرار البيناسبو
لأنو القرار النهائي بالضرورة لصاحب الشأن ، وزي ما شفتي
في البوست ده أخونا بشير سألني عن رأي وبعد ده إشترى ،
ودي حاجة برضو مطلوبة الناس تسأل وتعرف وتتخذ ما تراه
مناسب.
شكراً على التحايا.
|
Post: #105
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 08:33 PM
Parent: #104
لعلعة شديدة , ناس الأراضي ديل عامل زي ناس الهلال
كلما يفلسوا يجوا يسخنوا بالناس ويملونا فقر!!!!
كل أسبوع والتاني عاملين أمر قبض لرئيس ناديهم ,
ما عرفانهم رؤؤساء أندية ديل ولا جوكية؟
|
Post: #107
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 08:44 PM
Parent: #105
| Quote: عبد المطلب سلامات... اليوم أو بكرة سمعت قالُو ناس أراضي الوادي الأخضر جايين السفارة في الرياض... وصاحبي قال لي نمشي نشوف الحاصل شنو؟؟؟ بعد كلامك دا قلت ليهو أمشي براك شوف واديني التقرير... أها قال لي كلم صاحبك عبد المطلب يشوف لينا الخوجلاب درجة تانية 480 متر دي بي كم اليومين دي؟؟؟ |
أبو الحسين سلام وتحية,,,,
أنا إشتريت فبل فترة بسيطة قطعة في الخوجلاب لصديق وأخ
عزيز بس نسيت التفاصيل هسه , خليني أعمل تلفونات كده وأديك
أرقام حقيقية عنها شاملة التسجيل والتوثيق والعمولات وكلو.
|
Post: #106
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Dr. Ahmed Amin
Date: 04-23-2011, 08:35 PM
Parent: #103
| Quote: مدينة الصحفيين جزء من مخطط الوادي الأخضر |
طيب يا ود الصايم .. كلامك مظبوط هي جزء من الوادي ..
طيب الحكومة ليه ما تكون جادة بعد أن وزعت هذه الألآف من القطع وتبدأ بتوصيل الخدمات ؟؟؟!!!!
كل الناس دفعت بالكااااااش .. المشكلة وين؟؟
عشان الإشاعات ما تجد طريق ...
لأنه فعلا في ناس كتيرة عايزة تبدأ البنأ ... ودفعت مليارات وهذه الأموال يجب أن تستغل في توصيل الخدمات
وكمثال مخططات سوقطرة كلها لأ يبدأ فيها البيع الأ بعد توصيل الخدمات الأساسية ...
الشركات تبقى أحسن من الحكومة ياخ !!!!
|
Post: #108
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 08:51 PM
Parent: #106
Quote:
أخوك الصحفي { أبوحراز } |
يا أخوي الصحفي أبو حراز,,,,
سلام وتحية,,,,
طالما صحفي المفروض يكون عندك حوش وأويضة في
الصحفيين , وزي ما قلت مدينة الصحفيين مأهولة وفيها
الخدمات الأساسية.
وهي بيوت أصلاً جاهزة مبنية في شكل بيوت الإسكان الشعبي.
فلو عندك فيها بيت فما عندك مشكلة , ولو عندك في الوادي
الأخضر فحاول شوف ليك دبارة تانية تبيعها وتتم عليها
وتشتري حتة تانية أو تقايض بيها.
فيها جامع الصحفيين ، وفيها مدرسة عجبتني شديد والله
أحسن من مدارس كتيرة في العاصمة.
|
Post: #109
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 08:59 PM
Parent: #108
Quote:
الاخ/محمد عبدالمطلب
تحياتي بنكهة غُبار الوادي الاخضر؛؛؛
______
غايتو....دامة الشيريا نزلت بدون الأتو بتاعكـ يامحمد. |
أخونا بشير،،،
ههههه ، ولك من التحايا مثلها وبعبق الغبار الودياني
الأخدراني ، مبروك على كل حال ، لما تكون ماشي
تشوف القطعة أطبع البوست ده عشان ما تروح ،
ده لو مشيت بالمواصلات طبعاً.
إشتريت مربع كم؟ أوع يكون مريع تزعمية؟
|
Post: #110
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 09:04 PM
Parent: #109
Quote: يا ناس هوي...
الموضوع دا فيهو شئ غلط واكيد وراهو اجندة |
وراهو أجندة؟ وكمان أكيد؟
أجندة زي شنو كده مثلاً لو سمحت؟
والأجندة دي حقتي أنا ولا حقت غيري؟
|
Post: #112
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 09:16 PM
Parent: #110
Quote:
يا محمد طلب .. مدينة الصحفيين جزء من مخطط الوادي الأخضر! |
دي مجرد تقسيمات إدارية لا تعني المواطن في شئ ، على أرض
الواقع مدينة الصحفيين حاجة وأرآضي الوادي الأخضراللي بيتم
التسويق ليها وبيعها شئ آخر لا وجه للمقارنة بينهما نهائياً ، مدينة
الصحفيين إتوزعت مساكن جاهزة ومبنية وبخدمات حتى المواصلات
البتطلع بي إسم الوادي الأخضر هي في الحقيقة لا تصل الأرآضي اللي
بيتم بيعها ، يعني بعد تنزل آخر محطة في مدينة الصحفيين تمشي بي
رجلينك مساااافة عشان تصل أرآضي الوادي الأخضر اللي بيتكلموا
عنها دي.
بيوت الصحفيين حاجة ، وصحراء الوادي الأخضر حاجة تانية خالص.
|
Post: #113
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: خالد المحرب
Date: 04-23-2011, 11:06 PM
Parent: #112
Quote: دي مجرد تقسيمات إدارية لا تعني المواطن في شئ ، على أرض
الواقع مدينة الصحفيين حاجة وأرآضي الوادي الأخضراللي بيتم
التسويق ليها وبيعها شئ آخر لا وجه للمقارنة بينهما نهائياً ، مدينة
الصحفيين إتوزعت مساكن جاهزة ومبنية وبخدمات حتى المواصلات
البتطلع بي إسم الوادي الأخضر هي في الحقيقة لا تصل الأرآضي اللي
بيتم بيعها ، يعني بعد تنزل آخر محطة في مدينة الصحفيين تمشي بي
رجلينك مساااافة عشان تصل أرآضي الوادي الأخضر اللي بيتكلموا
عنها دي.
بيوت الصحفيين حاجة ، وصحراء الوادي الأخضر حاجة تانية خالص. |
ابننا واخينا محمد انا ابن المنطقه اعرفها واضحك كثيرا على كذب الذين يذكرون محاسن
الوادى الاخضر تربينا وترعرعنا بالقرب منها العاجبنى فيك انك رسمت اللوحه التى اراها
امام عينى اخى محمد للاسف الشديد الانفديه دايما ينضحك عليهم مع احترامى لهم لانهم ناس نضاف
ناس الحكومه ديل عاملين زى السمسارى يشكر ليك الحاجه وانت بحكم نظافة سريرتك تصدقه
|
Post: #114
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-23-2011, 11:53 PM
Parent: #113
Quote:
ابننا واخينا محمد انا ابن المنطقه اعرفها واضحك كثيرا على كذب الذين يذكرون محاسن
الوادى الاخضر تربينا وترعرعنا بالقرب منها العاجبنى فيك انك رسمت اللوحه التى اراها
امام عينى اخى محمد للاسف الشديد الانفديه دايما ينضحك عليهم مع احترامى لهم لانهم ناس نضاف
ناس الحكومه ديل عاملين زى السمسارى يشكر ليك الحاجه وانت بحكم نظافة سريرتك تصدقه |
المقدر المحترم خالد المحرب،،،
فعلاً كلامك ده كلام زول خابر وعارف الحتة والبكان تمام ، وأنا
فعلاً شفتها بي عيني ما حكي لي زول ، برضي مشيت أبودليق
وأبو زليق ، والسلمة ، بعض الأفندية مرات كده توريهم النصيحة
يابوها تب وبعد الفاس تقع الراس يبدو في الجقلبة والسكلــبة
وفي ياريت وآآآآآخ وإييييييييييييييخ.
شكراً علي المعلومة الموثقة.
|
Post: #115
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-24-2011, 00:08 AM
Parent: #114
Quote:
يعنى نفكر فى المخارجه من التكويكه ولا شنو؟
والله مقلب عجيب
الله يعوضنا خيرا منها |
(وإستعينوا بالصبر والصلاة وإنها لكبيرة إلا على الخاشعين).
|
Post: #116
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-24-2011, 00:39 AM
Parent: #115
Quote: انت قلت الوادي عاوزة ليها 20 سنة عشان تبقى وادي
وكمان 25 سنة عشان تبقى أخدر
يعني 20 + 25 = 45 سنة
عمرنا هسي قرب يصل وللا وصل الأربعين
يعني 40 + 45 = 85 سنة ماشاء الله عيننا باااااااااااااااردة |
يا أبو حراز،،،،
الوادي الأخدر ده عايز ليهو زول عمرو خمسطاشر سنة
أو أقل عشان يشتري ، أكبرمن كده ما بتخارج ، يعني يكون
عمرو هسسسسسسسسسه دي خمسطاشر ، وبعد خمسة
وأربعين سنة يكون عمرو ستين سنة ، يعني يادووووووبك
كده يبني ويحضر ليهو خريف خريفين كده ويتوكل على
المولى.
لو في بوردابي هنا عمرو أقل من خسمطاشر يرفع لينا يدو
بالله!!!
|
Post: #117
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-24-2011, 00:42 AM
Parent: #116
حسب آخر معلومة عندي إنو مربع ٦٠ الوادي الأخضر
السجل بتاعها لسه قافل ، والكلام ده هسه تم ليهو سنة
تقريباً.
|
Post: #118
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: عابدون محمد عابدون
Date: 04-24-2011, 06:32 AM
Parent: #117
Quote: يا زول لو اشتريت ومزعلاكـ ممكن تبيعها قدام مكتب الأراضي زاتو!!
أنا غايتو مشيت الوادي الأخضر أكتر من ستة سبعة مرات
بمشي لحدي الترس (البارليفي) دا في أقل من عشر دقايق!! |
هوى يامحمد امشى سمسر بعيد ماتخرب علينا الشغل .. قال خدمات قال .. عليك الله ياتو منطقة سكنوها الناس وكان فيها خدمات . ياخى خليهم يولعوا اللمبة بتاعة الجاز والطرمبات مليانة بالجاز وسعره رخيص .
|
Post: #119
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Asim Fageary
Date: 04-24-2011, 08:28 AM
Parent: #118
مـــــــــاســـــــــــــــــــــورة كبــــــــــــــــــــيـــــــــــــرة
|
Post: #120
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: jini
Date: 04-24-2011, 01:13 PM
Parent: #119
| Quote: بمشي لحدي الترس (البارليفي) دا في أقل من عشر دقايق!! |
تحلف!
يا اخى دى مفروض تكون محمية طبيعية!
جنى
|
Post: #121
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: نورالدين الفحل
Date: 04-24-2011, 02:54 PM
Parent: #120
لاحولا وقعنا وماسمينا
يازول شن قولك اشترينا فى مربع 79
وعا########ا وسارة بالنا يازول قول خير
جبت نفسيات الناس مكسرة فى قنصلية جدة
لمن التسجيل بقى بى الايام وعند المقدم كمان.
|
Post: #122
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Ammar Elyas Babiker Hassan
Date: 04-24-2011, 02:59 PM
Parent: #120
Quote: سلام يا عمار وكيف الأمور؟
والله مداخلتك دي بالظبط الكنت متأمل ألقاها من سؤالي الفوق ، وفي نفس
الوقت كنت عايز أرسل رسالة معينة عن شغف الجميع بالمساحات الكبيرة ،
وإنو مشكلة السكن والأراضي اللي عاملة هاجس خطير لكل مغترب ممكن
تتحل ببساطة ، يعني كل إتنين أو حتة تلاتة أصحاب أو أخوان يشتروا قطعة
ويقسموها وتتبني بالطريقة القلتها دي.
يا عمار لو سمحت تواصل لينا وتدينا فكرة وتفاصيل أكثر ، وبرضو تنور الناس
عن الفيحاء وأسعار الميتين متر حالياً ، وعن لو بتعرف ناس عايزين يبيعوا....إلخ
وأهو تكون قدمت خدمة عظيمة لعدد مقدر من الأخوان.
ألف شكر يا عمار. |
اخي الاكرم
والله موضوع المساحات الكبيرة ده انا لي فترة طويلة عاوز افتحو, بس مع زحمة الحياة ما قادر القي ليهو وقت اقدر اتابعو كويس.
لكني اعتقد ان تجربتي تناسب متوسطي الدخل وهم غالبية اعضاء المنبر الذين يصعب عليهم توفير مبلغ كبير لشراء قطعة ارض ومثله لبنائها, لكن يتيسر لهم ما يستطيعون به شراء ما يقيهم مشاكل الايجار, والخوف من مستقبل الاولاد بلا مأوي.
تعرف عندي واحد صاحبي اشتري 200 متر في صالحة قبل 8 سنوات وبني فيها اوضتين بالجالوص وجاب جماعة مساكين سكنهم فيها, سألناهو الفكرة شنو من الموضوع؟ فقال ده اسمو غدر الزمن, فهو يستطيع دفع الايجار الان لكن الظروف ما معروفة.
اولا: المساحات الكبيرة والحيشان كانت الحوجة لها في الماضي لاسباب عديدة منها:
1. قعدة العصرية في الحوش ( الان اختفت مع زحمة الحياة ومافي زول بيرجع بيتو قبل المغرب)
2. لعب الاطفال في الحوش ( الان الاطفال كل العابهم داخل الغرف مع الكمبيوتر والبلي استيشن والتلفزيون)
3. النوم مساءا في الحيشان لعدم توفر الكهرباء والمكيفات وعدم التعود علي نوم الغرف (الان اغلب الناس تنام داخل الغرف حتي لو كان في حديقة ولا حوش كبير)
4. الضيوف البقعدوا بالايام من ناس الاقاليم (الان مافي زول فضل في الاقاليم ومافي زول بيجي يبيت مع زول)
5. المناسبات كانت تتم في البيوت (الان كل المناسبات بقت في الاندية لحدي رقيص العروس في الصالات)
وهلم جرا بتاعت الصادق المهدي
ثانيا: اعتقد والله اعلم وارجو ان يفيدنا علماء النفس والاجتماع بان موضوع المساحات الكبيرد ده حاجة نفسية واجتماعية بس, يعني لو انت كنت ساكن في الشعبية ولا احد الاحياء ذات المساحات الصغيرة ما بتحس بضيق المكان لان كل البيوت الحواليك صغيرة, لكن الان مع انتشار فكرة المساحات الكبيرة فبقت بتتشاف ال 300 متر صغيرة مع انو معظم الاحياء التي نشأت الستينات والسبعينات في الخرطوم كانت بين ال 200 متر وال 400 متر. وغالبية الشباب من جيلنا (جيل الستينات والسبعينات) نشأ في هذه البيوت (غرفتين وبرندة وصالون).
ثالثا: انا الان ادرس في ماليزيا ومعظم المساكن والشقق فيها مساحاتها لا تتعدي ال100 متر ولم اشعر يوما بالضيق رغم انو اي واحد بعرفو بيجي ماليزيا بيجي يزورني (الناس الباتو معاي في ماليزيا في سنتين اكتر من الناس الباتو معاي في السودان في ستة سنوات). ولن تشعر بالضيق ابدا لان كل المنازل الحواليك كده.
رابعا: لما كنت عاوز اشتري كنت بين خيارين, قطعة 400 م في مكان بعيد ولا 200 م في مكان قريب من عملي, واخترت الخيار التاني والحمد لله بصل لمكان عملي في اقل من 12 دقيقة.
بالنسبة للفيحاء فال 200 متر الان حوالي 100 الف جنية (بالجديد) تقريبا- مافي قطع 200 متر لكن ممكن يتشارك كل اتنين في 400 م كما فعلت انا وصديقي, وقد تشاركنا كذلك في السبفون والسبتك تانك وحتي الماء والكهرباء تشاركناهم في الاول لحدي ما الامور اتصلحت شوية.
طبعا في البداية اي زول بتقول ليهو 200 م بيرددها 200 متر, لكن لما يعرف انو ال 200 م فيها غرفتين (4 في 4) وغرفة (4 في 5) وهول (7 في 4) وبرنده صغيرة ومطبخ وحمامين وكمان حوش امامي (4 في 10) وزقاق خلفي (2 في 10) حا يستغرب اكتر.طبعا ده التحت بس غير الشقة الفوق.
عموما التجربة الان بعد 5 سنوات اراها ناجحة وحلت لي كثير من المشاكل , وبعد ما كنت بدفع ايجار شهري تحس بانك بتدفع لي صاحب الايجار قروش ساي بدون مقابل الان بستلم ايجار شهري بحس برضو بانو دي قروش بتجيني ساي بدون مقابل.
عموما عذرا ان اطلت في الكتابة لكن اهو موضوع كنت عاوز افتح بيهو بوست و جا براهو قلنا يمكن نفيد ونستفيد من النقاش فيهو
مع مودتي
|
Post: #123
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: jini
Date: 04-24-2011, 06:06 PM
Parent: #122
Quote: اخي الاكرم
والله موضوع المساحات الكبيرة ده انا لي فترة طويلة عاوز افتحو, بس مع زحمة الحياة ما قادر القي ليهو وقت اقدر اتابعو كويس.
لكني اعتقد ان تجربتي تناسب متوسطي الدخل وهم غالبية اعضاء المنبر الذين يصعب عليهم توفير مبلغ كبير لشراء قطعة ارض ومثله لبنائها, لكن يتيسر لهم ما يستطيعون به شراء ما يقيهم مشاكل الايجار, والخوف من مستقبل الاولاد بلا مأوي.
تعرف عندي واحد صاحبي اشتري 200 متر في صالحة قبل 8 سنوات وبني فيها اوضتين بالجالوص وجاب جماعة مساكين سكنهم فيها, سألناهو الفكرة شنو من الموضوع؟ فقال ده اسمو غدر الزمن, فهو يستطيع دفع الايجار الان لكن الظروف ما معروفة.
اولا: المساحات الكبيرة والحيشان كانت الحوجة لها في الماضي لاسباب عديدة منها:
1. قعدة العصرية في الحوش ( الان اختفت مع زحمة الحياة ومافي زول بيرجع بيتو قبل المغرب)
2. لعب الاطفال في الحوش ( الان الاطفال كل العابهم داخل الغرف مع الكمبيوتر والبلي استيشن والتلفزيون)
3. النوم مساءا في الحيشان لعدم توفر الكهرباء والمكيفات وعدم التعود علي نوم الغرف (الان اغلب الناس تنام داخل الغرف حتي لو كان في حديقة ولا حوش كبير)
4. الضيوف البقعدوا بالايام من ناس الاقاليم (الان مافي زول فضل في الاقاليم ومافي زول بيجي يبيت مع زول)
5. المناسبات كانت تتم في البيوت (الان كل المناسبات بقت في الاندية لحدي رقيص العروس في الصالات)
وهلم جرا بتاعت الصادق المهدي
ثانيا: اعتقد والله اعلم وارجو ان يفيدنا علماء النفس والاجتماع بان موضوع المساحات الكبيرد ده حاجة نفسية واجتماعية بس, يعني لو انت كنت ساكن في الشعبية ولا احد الاحياء ذات المساحات الصغيرة ما بتحس بضيق المكان لان كل البيوت الحواليك صغيرة, لكن الان مع انتشار فكرة المساحات الكبيرة فبقت بتتشاف ال 300 متر صغيرة مع انو معظم الاحياء التي نشأت الستينات والسبعينات في الخرطوم كانت بين ال 200 متر وال 400 متر. وغالبية الشباب من جيلنا (جيل الستينات والسبعينات) نشأ في هذه البيوت (غرفتين وبرندة وصالون).
ثالثا: انا الان ادرس في ماليزيا ومعظم المساكن والشقق فيها مساحاتها لا تتعدي ال100 متر ولم اشعر يوما بالضيق رغم انو اي واحد بعرفو بيجي ماليزيا بيجي يزورني (الناس الباتو معاي في ماليزيا في سنتين اكتر من الناس الباتو معاي في السودان في ستة سنوات). ولن تشعر بالضيق ابدا لان كل المنازل الحواليك كده.
رابعا: لما كنت عاوز اشتري كنت بين خيارين, قطعة 400 م في مكان بعيد ولا 200 م في مكان قريب من عملي, واخترت الخيار التاني والحمد لله بصل لمكان عملي في اقل من 12 دقيقة.
بالنسبة للفيحاء فال 200 متر الان حوالي 100 الف جنية (بالجديد) تقريبا- مافي قطع 200 متر لكن ممكن يتشارك كل اتنين في 400 م كما فعلت انا وصديقي, وقد تشاركنا كذلك في السبفون والسبتك تانك وحتي الماء والكهرباء تشاركناهم في الاول لحدي ما الامور اتصلحت شوية.
طبعا في البداية اي زول بتقول ليهو 200 م بيرددها 200 متر, لكن لما يعرف انو ال 200 م فيها غرفتين (4 في 4) وغرفة (4 في 5) وهول (7 في 4) وبرنده صغيرة ومطبخ وحمامين وكمان حوش امامي (4 في 10) وزقاق خلفي (2 في 10) حا يستغرب اكتر.طبعا ده التحت بس غير الشقة الفوق.
عموما التجربة الان بعد 5 سنوات اراها ناجحة وحلت لي كثير من المشاكل , وبعد ما كنت بدفع ايجار شهري تحس بانك بتدفع لي صاحب الايجار قروش ساي بدون مقابل الان بستلم ايجار شهري بحس برضو بانو دي قروش بتجيني ساي بدون مقابل.
عموما عذرا ان اطلت في الكتابة لكن اهو موضوع كنت عاوز افتح بيهو بوست و جا براهو قلنا يمكن نفيد ونستفيد من النقاش فيهو
مع مودتي
[Email] [Profile] [Edit] |
دا الكلام السمح المجيه
انا عندى صاحبى قادينى وانا رايى نفس رايك وهسة جايينى حيآآآآمن ويتأأأأكد!
للاسباب الفوق ضيف الحرامية بتاعين القفز بالزانة!
جنى
|
Post: #124
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-24-2011, 11:32 PM
Parent: #123
Quote: احولا وقعنا وماسمينا
يازول شن قولك اشترينا فى مربع 79
وعا########ا وسارة بالنا يازول قول خير
جبت نفسيات الناس مكسرة فى قنصلية جدة
لمن التسجيل بقى بى الايام وعند المقدم كمان. |
قبل ساعات بس عرفت إنو السجل في مربع ستين الوادي الأخضر فتح!!!!
مربع تزعة وسبعين ده وين؟
|
Post: #125
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-24-2011, 11:35 PM
Parent: #124
| Quote: مافي قطع 200 متر لكن ممكن يتشارك كل اتنين في 400 م |
شكراً يا عمار،،،
على كده ممكن من خلال البوست ده نوفق راسين في قطعة وتتحل مشكلة.
|
Post: #126
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-24-2011, 11:42 PM
Parent: #125
| Quote: طبعا في البداية اي زول بتقول ليهو 200 م بيرددها 200 متر, لكن لما يعرف انو ال 200 م فيها غرفتين (4 في 4) وغرفة (4 في 5) وهول (7 في 4) وبرنده صغيرة ومطبخ وحمامين وكمان حوش امامي (4 في 10) وزقاق خلفي (2 في 10) حا يستغرب اكتر.طبعا ده التحت بس غير الشقة الفوق. |
كلام عملي ومليان جد ، أديتنا معلومات قيمة جداً يا
عمار ، طبعاً وبصراحة السؤال الحيكون داير في
ذهن أي زول يمر علي إفادتك القيمة الفوق دي هو :
البنيان بالتقريب بكلف كم؟ عارف إنو سؤال بايخ لكن
ممكن تدينا حاجة تقريبية ، يعني لي نفس المباني الذكرتها
فوق دي ممكن التكلفة الحالية تكون كم؟
شكراً مرة تانية.
|
Post: #127
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Ammar Elyas Babiker Hassan
Date: 04-25-2011, 05:58 AM
Parent: #126
Quote: [ e: طبعا في البداية اي زول بتقول ليهو 200 م بيرددها 200 متر, لكن لما يعرف انو ال 200 م فيها غرفتين (4 في 4) وغرفة (4 في 5) وهول (7 في 4) وبرنده صغيرة ومطبخ وحمامين وكمان حوش امامي (4 في 10) وزقاق خلفي (2 في 10) حا يستغرب اكتر.طبعا ده التحت بس غير الشقة الفوق.
كلام عملي ومليان جد ، أديتنا معلومات قيمة جداً يا
عمار ، طبعاً وبصراحة السؤال الحيكون داير في
ذهن أي زول يمر علي إفادتك القيمة الفوق دي هو :
البنيان بالتقريب بكلف كم؟ عارف إنو سؤال بايخ لكن
ممكن تدينا حاجة تقريبية ، يعني لي نفس المباني الذكرتها
فوق دي ممكن التكلفة الحالية تكون كم؟
شكراً مرة تانية. |
يا هلا محمد
والله انا لي سنتين خارج البلاد, تغيرت فيها الاسعار كثيرا
لكن النقطة المهمة ان المساحة المبنية حوالي 120 م م , مبينة لود بيرنق ولمهندسي المدنية حساب تقريبي مبني علي المساحة المبنية يعني لو المتر المربع بيكلف مليون تكون التكلفة الكلية 120 مليون للطابق الارضي, لكن الفكرة الاساسية انك بتختصر تكلفة كبيرة.
اديك مثال القطعة الامامي مباشرة بالفيحاء مربع 8 اشتراها سمسار اراضي وقسمها نصفين وبني كل نصف لحاله لوود بيرنق, قبل عام او اكثر قليلا باع كل نصف لحاله بمبلغ 175 مليون, يعني لما تطلع ارباحه حا تكون التكلفة في حدود 150 مليون بما فيها الارض قبل عام.
اتمني ان اكون قد افدتك, وممكن احد الاخوة المدنيين يكون اكثر افادة
لك كل ودي
|
Post: #128
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: Mohamed Abdelmotalib Hassan
Date: 04-25-2011, 02:59 PM
Parent: #127
Quote: يا هلا محمد
والله انا لي سنتين خارج البلاد, تغيرت فيها الاسعار كثيرا
لكن النقطة المهمة ان المساحة المبنية حوالي 120 م م , مبينة لود بيرنق ولمهندسي المدنية حساب تقريبي مبني علي المساحة المبنية يعني لو المتر المربع بيكلف مليون تكون التكلفة الكلية 120 مليون للطابق الارضي, لكن الفكرة الاساسية انك بتختصر تكلفة كبيرة.
اديك مثال القطعة الامامي مباشرة بالفيحاء مربع 8 اشتراها سمسار اراضي وقسمها نصفين وبني كل نصف لحاله لوود بيرنق, قبل عام او اكثر قليلا باع كل نصف لحاله بمبلغ 175 مليون, يعني لما تطلع ارباحه حا تكون التكلفة في حدود 150 مليون بما فيها الارض قبل عام.
اتمني ان اكون قد افدتك, وممكن احد الاخوة المدنيين يكون اكثر افادة
لك كل ودي |
سلام يا عمار،،،،
شكراً،،،
من ناحية أفدتنا فوالله أفدتنا أكثر مما توقعنا ، لأنو
الأجابة مباشرة ومبسطة وبتدي فكرة واضحة عن سؤال
بيأرق كثيرين في مسألة البنيان.
رغم إنو ليك سنتين بره السودان لكن الأرقام دي بتدي فكرة
تقريبية كثيرين كانوا محتاجين بعرفوها ، والمعلومات دي قد
تبدو ليك بسيطة وعادية لكن لي كثيرين تعتبر معلومات قيمة
جداً
شكراً مرة تانية ، فقد كفيت ووفيت.
سلام وتحية.
|
Post: #129
Title: Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟
Author: على محمد على بشير
Date: 05-10-2011, 09:40 PM
Parent: #128
***
|
|