Post: #1
Title: قلوبٌ من حليب
Author: عمر عشاري
Date: 04-21-2011, 07:41 AM
ذات زيارة لي للدوحه قبل أكثر من عامين
إستضافني السني دفع الله وزوجته الفاضله احلام وهبي
لشاي مغارب في منزلهم اللطيف
حضرت أحلام الجاتوه والبسكويت والشاي باللبن
كان معي حينها صديقي اللدود ( دكين )
|
Post: #2
Title: Re: قلوبٌ من حليب
Author: عمر عشاري
Date: 04-21-2011, 07:49 AM
Parent: #1
وموضوع عزومة الشاي والإحتفاء بالأصدقاء أمر عادي
إلا ان الأمر الجميل والذي يدلل على طيب معشر هؤلاء الناس
انهم لايعرفونني إلا من خلال الكتابة في هذا البورد
علمو من دكين أنني في البلد فأصروا على هذا الإحتفاء الجميل خفيف الدم الذي مايزال مطبوعا في قلبي وذاكرتي
إذا قدم السني للبلاد فكل سوداني يتشرف بدعوته لمنزله
هذا الرجل من الذين شكلوا وجدان الناس
وملامحه المفرحه مطبوعة في ذاكرتي وانا يافع صغير أفهم من المسرح بعضه اليسير
ولكن من أنا ؟
ليخصص لي فنان سوداني كريم من وقته ووقت زوجته ويقوما بخدمتي
ومؤانستي
الإحتفاء بقدومي
ووداعي حتى باب منزلهم
|
Post: #3
Title: Re: قلوبٌ من حليب
Author: عمر عشاري
Date: 04-21-2011, 07:54 AM
Parent: #2
أنا لا أعرف من حياة السني دفع الله الخاصه شيئا
وعلمت من البورد
ان زوجته إسمها أحلام وهبي
عندما أصبحت عضوة في البورد
ومن خلال مداخلات الناس في بوست إستقبالها
ومداخلات السني
عرفت مايكنه الناس من حب للسني وأحلام
وعرفت أشياء عن علاقة السني بأحلام
الحب كان يكمن في تفاصيل ذلك البوست
بكل مشاغباته
######رياته
لم يكن بوستا يستقبل أحلام
كان بوستا تفوح منه رائحة الحب والإحترام
كان السني فخورا بتقديم زوجته للناس في البورد
وكانت احلام فخورة بزوجها
|
Post: #4
Title: Re:
Author: محمد المرتضى حامد
Date: 04-21-2011, 08:03 AM
Parent: #3
أنت ومحمد سني وأحلام ودكين ..
|
Post: #5
Title: Re: قلوبٌ من حليب
Author: عمر عشاري
Date: 04-21-2011, 08:04 AM
Parent: #3
في تلك العزومه
تحدث أتى الحديث أن السني وأحلام متزوجان منذ وقت طويل
وتحدثا بحب عن زواجهما
جلنا انا والسني في الحوائط شاهدنا بعض الصور العائليه
كانت احلام ودكين يتحدثان في شان آخر
انا حذر جدا في سؤال الناس أسئله قد لايرغبون في الإجابة عليها
أخاف ان تفتح في قلوبهم جروحا
|
Post: #6
Title: Re: قلوبٌ من حليب
Author: عمر عشاري
Date: 04-21-2011, 08:19 AM
Parent: #5
كان السني يتحدث عن أحلامه بالكتابة للأطفال
وتقديم اعمال لهم
هذا الرجل يتحدث عن الأطفال
بحب وتقديس
السني يفهم تماما
ان آمالنا العريضه بوطن أفضل
موجودة في عقول الأطفال
في قلوب الأطفال
ببساطه
كان يتحدث عن واقع أفضل لهم ...
مسرح وتربيه وحب
كدت ان أسأله عن كم من الأطفال لديه
السؤال
كاد ان يخرج
ولكن شئ ما في الصور المعلقه على الحائط أطلق لدي تحذيرا ما
نظرت إليه وانا أكاد أسأله
لم أسأل
ولكنه علم ...لمح سؤالي
السني إنسان ذكي
طبعا ياعمر انا ربنا مارزقني بأطفال
هكذا قال
جرح ما أصابني في قلبي
صديقي الجديد
الذي صادقته قبل ساعة من الزمان
شئ ما يؤلمه
تألمت أيضا
لا أذكر ماذا قلت
ولكننا كسودانيين لانعرف كيف نتصرف في مثل هذه المواقف
قد اكون غيرت موضوع الحديث
صقيع ما عم دواخلي
كل الناس يحبون الأطفال
ولكن السني وأحلام
عذبهم هذا الحب كثيرا
أنا من الناس الذين لايطلقون القول على عواهنه
ولكني في ذلك اليوم علمت
مايجعلني أطلق هذه الجمله وانا أقصدها
|
Post: #7
Title: Re: قلوبٌ من حليب
Author: عمر عشاري
Date: 04-21-2011, 08:22 AM
Parent: #5
أنت ومحمد سني وأحلام ودكين
_______________________
محمد المرتضى
سلامات
خرجت في ذلك اليوم سعيدا بهذا الإستقبال
حزينا أيضا
فكرت أن طفلا يولد لهذين الشخصين
سيعيش حياة سعيده
لابد من شخص
يتلقى هذا الحب الكتير
|
Post: #8
Title: Re: قلوبٌ من حليب
Author: بله محمد الفاضل
Date: 04-21-2011, 09:46 AM
Parent: #7
لا أعرف فنون الاقتباس لذلك نسخت ما دون قلبك الوريف وأردت التعليق عليه:
كان السني يتحدث عن أحلامه بالكتابة للأطفال
وتقديم اعمال لهم
هذا الرجل يتحدث عن الأطفال
بحب وتقديس
السني يفهم تماما
ان آمالنا العريضه بوطن أفضل
موجودة في عقول الأطفال
في قلوب الأطفال
ببساطه
كان يتحدث عن واقع أفضل لهم ...
مسرح وتربيه وحب
مثل هذا الرجل يا عمر
هو أب أطفالنا جميعهم
ومثل ما يخطط له ويحوله إلى واقع
نراه عياناً في حياتنا المقبلة
وإن أتى أو لم يأت أكله بعد
هو رجل يسعى بين الناس ويسهم في غرس القيم والجمال في أساس الحياة المقبلة
هو أكثر من أب ومعلم وقدوة
هو أكثر من كل ما يخطر ببال
هيه يا عمر
كم إنا في حاجة إلى محمد السني ليزيح هذا العفن
الذي زرعوه في النفوس
فأضحت مريضة بالغرض
أرواح باتت لا تعطي
بل تأخذ وبعنف ومكر ودجل ....
تأخذ الحياة
وأبنه اليوم
هو فرحتنا جميعاً
وأبننا جميعاً
وحق علينا أن نبتهج
نبتهج
نبتهج
لأننا وأخيراً
بعد أن اعتصرا الصبر
ولم يحولاه إلى عبء يرزحا تحت وطأته
ووطأة مشاعره السالبة
بعد أن قطفا / قطفنا ثمرة تضاف إلى حديقة الآمال فينا
فإننا نضع يقيناً بدلاً عن الآمال
في حديقتنا هذي
لنقول بأنه وبين يديه
بدلاً عن السعي -والذي دائماً ما تعسره العسرى- في المدائن التي هي له مِنا
فإننا نثق بأنه سيحول الكثير فيه
إلى القادم بسطوة النمو والتقلب في مراحله الشتى
ليضيف إلى عالمنا
امتداداً طبيعياً للجمال الأجمل من منبعه الأصل
محمد السني
وأحلام وهبي
لا أعلم ما كتبت أعلاه
لكنه من الروح وإلى هنا
دون فواصل أو كشط
فيا عمر الاحتفاء من مثلهما ليس بالمستغرب
وأنت تستحق
وهل يرجو المرء إلا أن يعتصر روحه
لأجل حديقةٍ وزهر
أكيد محبتي وامتناني لك ولهما وللعابرين من قبل ومن بعد
|
Post: #9
Title: Re: قلوبٌ من حليب
Author: توما
Date: 04-21-2011, 10:18 AM
Parent: #8
وهي كذلك يا عمر
هي فعلاً من حليب
عشرتهم جميله
ونستهم طاعمه
و ضحكتهم حقيقية
أسعدنا قدوم
السهر وردي الصغير
إبن الذين نحبهم
|
Post: #10
Title: Re: قلوبٌ من حليب
Author: عمر عشاري
Date: 04-21-2011, 03:25 PM
Parent: #9
Quote: وأبنه اليوم
هو فرحتنا جميعاً
وأبننا جميعاً
وحق علينا أن نبتهج
نبتهج
نبتهج
لأننا وأخيراً
بعد أن اعتصرا الصبر
ولم يحولاه إلى عبء يرزحا تحت وطأته
ووطأة مشاعره السالبة
|
بله أيها الفاضل
والله العظيم يابله الفرحة التي فرحتها لما علمت ان هذا الصغير يتكون
وساحكي لك كيف علمت
فرحة كبيره جدا
كتمتها
ذلك أنني كنت أخشى من قدر ما ...
والفرح خيانته قاسية كما قالت احلام
احلام مستغانمي أقصد ...أحلام وهبي لا أظن ان شيئا كان يشغلها كحركات هذا الصغير
رفساته ...نبضاته
سكت أحسب الشهور وأتابع
أتابع من بعيد... حتى أكون أول من يبشر بهذا الخبر في هذا المكان ولم أكن
لدي مصادري ...ولكني اهملتها بضعة أيام
في نهاية أبريل موعده
هذا المستعجل الصغير
فاجاتني صرخة ميلاده
أبى أن يجعلني اول من يقرع الطبول
وانا الذي رعيته منذ أن كان حزنا وأملا حتى صار حملا وخبراً
هذا الصغير قبل ان يولد حول يوما شديد الحزن إلى فرح كيف ذلك
أحلام تعرف
وانا سأخبركم
|
Post: #11
Title: Re: قلوبٌ من حليب
Author: قيقراوي
Date: 04-21-2011, 04:28 PM
Parent: #10
Quote:
فكرت أن طفلا يولد لهذين الشخصين
سيعيش حياة سعيده
لابد من شخص
يتلقى هذا الحب الكتير
|
الله عليك يا عمر ياخ
تعرف دخلت هنا اشغالك و اسلم عليك بس
حاكم اليومين دي انا متزعم حلف النيدو فشفت انو في تدخلات اجنبية في تخصصي منك
بالجد لمن قريت البوست دا استتفهت نفسي و اني شاغلا بما لا يفيد. خاصة و اني قريت بوست مباركة المولود لحبيبنا السني و الاستاذة / احلام
لكن ما كنت عارف القلتو انت هنا .. و اشك انو غيرك كان ح يوصل لنفس الوصلتو انت
ربنا يهنيهم يا رب
و فعلاً
و فعلاً مولودهم بإذن الله الحيكون الاسعد
ح [ يرضع صاااافي حليب الحب ] على قول شاعر الشعب ربنا يواليه ويمتعه بالصحة و العافية
لكم جميعاً الحب
|
Post: #12
Title: Re: قلوبٌ من حليب
Author: خدر
Date: 04-21-2011, 05:00 PM
Parent: #11
أنت ومحمد سني وأحلام ودكين و محمد المرتضي ..
|
Post: #13
Title: Re: قلوبٌ من حليب
Author: كمال سالم
Date: 04-21-2011, 05:02 PM
Parent: #11
ياعمر عشارى لو عرفتهم أكثر لقلت قلوب من حليب بالفراوله .
يأخ إحلام دى بحق قلبها قلب طفله .
أما السنى فقلبه يسع جميع أطفال العالم ,, فهنيئا لهم بهذا
الطفل وهنيئا لهذا الطفل بهكذا قلوب .
عمر عشارى بالجد كده مشتاقين ,, يأخ ماتدينا طله تانيه ..
|
Post: #14
Title: Re: قلوبٌ من حليب
Author: دينا خالد
Date: 04-21-2011, 06:59 PM
Parent: #13
يا عشارى
كلامك حلو وجلستكم حنينه
ــــــــــــــــــ
بالرغم من المنغصات التى شابتها
|
Post: #15
Title: Re: قلوبٌ من حليب
Author: Elawad
Date: 04-21-2011, 07:25 PM
Parent: #14
يا سلام عليك يا عمر عنوانك لطيف شديد و كلامك الجوة ألطف. مثلك فرحت لهما فرحا شديدا و مثلك كنت أنتظر اكتمال الفرح. الحمد لله الذي أتم عليهما نعمته.
|
Post: #16
Title: Re: قلوبٌ من حليب
Author: Hadeer Alzain
Date: 04-23-2011, 00:14 AM
Parent: #15
أنت ومحمد السني وأحلام ودكين ومحمد المرتضي وخدر
نعم السني وأحلام قلوب ذهبية وبيضاء ويستاهلوا كل خير
مبروك البيبي المحظوظ يتربى في عزهم وفي كنف هذا الحب الكبير
شكرآ لهذا البوست الحليبي الدفئ المذاق يا عزيزنا عشاري
_
|
Post: #17
Title: Re: قلوبٌ من حليب
Author: عمر عشاري
Date: 04-23-2011, 01:58 PM
Parent: #16
Quote: وهي كذلك يا عمر
هي فعلاً من حليب
عشرتهم جميله
ونستهم طاعمه
و ضحكتهم حقيقية
أسعدنا قدوم
السهر وردي الصغير
إبن الذين نحبهم |
توما العزيزه
سلامات
عارفه ركزت في كلمة إبن الذين نحبهم دي
وسألت نفسي لماذا تحبهم
فوجدت أن السريره الصافيه ، والإستقبال البهي ، والكلام الطاعم كُلها أسباب للمحبة الصادقه
وإن إنقطع التواصل
بعض الناس يعلقون في الذاكره بطريقة لاتُصدق
بحيث عندما تسمع عنهم خبرا جميلا يملا الفرح قلبك وتتراجع الأحزان
|
Post: #18
Title: Re: قلوبٌ من حليب
Author: عمر عشاري
Date: 04-23-2011, 10:23 PM
Parent: #17
Quote: بالجد لمن قريت البوست دا استتفهت نفسي و اني شاغلا بما لا يفيد. خاصة و اني قريت بوست مباركة المولود لحبيبنا السني و الاستاذة / احلام
لكن ما كنت عارف القلتو انت هنا .. و اشك انو غيرك كان ح يوصل لنفس الوصلتو انت
ربنا يهنيهم يا رب
|
قيقراوي
عارف ياصديقي
فرحي بهذا الموضوع حقيقي ، إذ أنه برق في قلبي فجأة في موسم للأحزان
إبنة خالي ياقيقراوي
إسمها ريم توفاها الله بمرض السرطان
كانت رفيقة طفولتي تكبرني بعام
وذكرياتي معها كثيره
ولكني أذكر بشكل خاص عندما كان والدي يسلمني بعض الجنيهات الورقية ونحن في طفولتنا السعيده
كنت قد بكيت بحرقة وانا اراقب موتها يحاصرها ...أصابها هزال شديد وخبا نور الحياة في عينيها اللامعتين
كان والدي يقول
( شيل إنت كده ، وادي ريم كده ...مُناصفة )
كان اخوك بعمل نايم ببعض مخصصاتها
يعني أشيل نصيبي ، واتقسم معاها نصيبها ...الذي تذكرته بحرقه ياقيقراوي
انها كانت بنصيبها المتبقي تشتري حلوى من بقالة أشرف في الشعبيه
وتقتسمها معي
كانت طيبه بشكل نادر
تزوجت وانجبت طفلة جميله ثم ودعت الحياة
في تلك الأيام الحزينة
إلتقيت بإبنة الجيران
وسألتني من أين أعرف أحلام وهبي
قلت ليها ...زوجة السني ؟
أيوه ...احلام قريبتنا وهسه هي قاعده في البلد جات للولاده
فسالتها إن كانت احلام حامل؟
طبعا سؤال غبي ياقيقراوي عارفو ...مادام الزول حيولد فمعناها إنو في البدايه حامل
لكني كنتُ أريد ضمانات لفرحي
أذكر انني صافحتها بدون أي مناسبه
وقلت ليها والله ده خبر جميل جدا
وضحكت
فرحت فرحا إقتسم قلبي مع الأحزان بإقتدار
وعرفت ان هذا هو سرالحياة
اعزاء تمضي بهم الحياة
اعزاء تاتي بهم الحياة
ويظل القلب بين هذا وذاك
فرح شديد ، حزن شديد
حتى ياتي اليوم الذي يكون هذا القلب نفسه موضوعا لأحزان آخرين نحبهم بصدق ، وبصدق أيضا يحبوننا
عندما يتوقف ذات يوم
نسأل الله ان يكون مبذولاً وهو ينبض لمحبة الناس
|
Post: #19
Title: Re: قلوبٌ من حليب
Author: قيقراوي
Date: 04-23-2011, 11:46 PM
Parent: #18
Quote:
طبعا سؤال غبي ياقيقراوي عارفو ...مادام الزول حيولد فمعناها إنو في البدايه حامل
لكني كنتُ أريد ضمانات لفرحي
|
Quote:
ويظل القلب بين هذا وذاك
فرح شديد ، حزن شديد
حتى ياتي اليوم الذي يكون هذا القلب نفسه موضوعا لأحزان آخرين نحبهم بصدق ، وبصدق أيضا يحبوننا
عندما يتوقف ذات يوم
نسأل الله ان يكون مبذولاً وهو ينبض لمحبة الناس |
الله عليك يا عمر ياخ!
عذبت الحليب ذاتو ياخ!
نسأل من اعطاك بالكوريق يدينا بضهر الملعقة بس .. و صدقني بكفي
و من سحر البيان يكفينا نقراك بس
عذبتنا ياعمر
دا حب شديد ياخ .. و نحنو من نفرين ما بنعرف ليهو كلو كلو!!
و كان عرفنا ليو .. بغلبنا نعبر ذاتو!
----
ربنا يجعل مثوى ريم الفراديس العلى
و يبدلها داراً خير من دارها الدنيا و اهل خير من اهلها
دي الورطة هنا ...
لما نتعامل مع احبابنا كانهم مضمونين ..
عشان كدا الفت واجب - واجب المرحلة الحساسة دي من تاريخ امتنا - مافي تأجيل ..
في اي مناسبة او غيرا مفروض الزول يوصل للناس البحبهم .. قدر شنو؟
شكراااان جميلن يا جميل
دا بوست عجيب رسميييييي
|
Post: #20
Title: Re: قلوبٌ من حليب
Author: عمر عشاري
Date: 04-24-2011, 12:22 PM
Parent: #19
| Quote: أنت ومحمد سني وأحلام ودكين و محمد المرتضي .. |
وأنت ياخدر وهدير الزينه
وكُل من مرَ من هنا
لا اجامل
ولكني أكاد ألمس طيب معشركم
ناس دهب
المنافي فرقت الناس
ماعارف فكرتكم شنو
دايرين تكملوا آخر الانفاس بره البلد دي ؟
|
Post: #21
Title: Re: قلوبٌ من حليب
Author: عمر عشاري
Date: 04-24-2011, 12:28 PM
Parent: #20
Quote: ياعمر عشارى لو عرفتهم أكثر لقلت قلوب من حليب بالفراوله .
يأخ إحلام دى بحق قلبها قلب طفله .
أما السنى فقلبه يسع جميع أطفال العالم ,, فهنيئا لهم بهذا
الطفل وهنيئا لهذا الطفل بهكذا قلوب .
|
كمال اريتك سالم ياصديقي
برغم المعرفه البسيطه ياكمال
بدا الحليب ناصعاً
واحلام فعلاً كذلك ... ضحكتها جميله
والسني كنت قد قرأت نقدا لأعماله الفنيه هنا في هذا المنبر
باله واسع ...يتقبل النقد بصدر رحب
ومن يكون صدره رحبا
فقلبه أبيض
|
Post: #22
Title: Re: قلوبٌ من حليب
Author: عمر عشاري
Date: 04-24-2011, 01:05 PM
Parent: #21
Quote: بالرغم من المنغصات التى شابتها
|
الحمد لله يادينا ان إستحالت تلك المنغصات لمجرد ذكريات
أسأل الله ان يمتع السني وأحلام بالصحة والعافيه
وان يجعل صغيرهما قرة اعين لهما
وأن يوسع عليهم في الرزق والكسب
|
Post: #23
Title: Re: قلوبٌ من حليب
Author: عمر عشاري
Date: 04-24-2011, 01:11 PM
Parent: #22
| Quote: سلام عليك يا عمر عنوانك لطيف شديد و كلامك الجوة ألطف. مثلك فرحت لهما فرحا شديدا و مثلك كنت أنتظر اكتمال الفرح. الحمد لله الذي أتم عليهما نعمته. |
العوض
لطف الكلمات من لطف الموصوفين بها
الحمد لله الذي اتم عليهما نعمته كما قلت
شكرا ياصديقي
|
Post: #24
Title: Re: قلوبٌ من حليب
Author: عمر عشاري
Date: 04-24-2011, 01:30 PM
Parent: #23
| Quote: مبروك البيبي المحظوظ يتربى في عزهم وفي كنف هذا الحب الكبير |
هذا ما فكرت فيه ياهدير
هؤلاء الناس قلوبهم مصانع تنتج الحُب
أقرأ تهاني أعضاء المنبر لهم في بوست هارون دياب
ناس من كل الإتجاهات والأفكار
يبدو لي ان الجميع إتفق على حبهم
|
Post: #25
Title: Re: قلوبٌ من حليب
Author: عمر عشاري
Date: 04-25-2011, 09:55 PM
Parent: #24
| Quote: في اي مناسبة او غيرا مفروض الزول يوصل للناس البحبهم .. قدر شنو؟ |
وبهذه المناسبه ياقيقراوي
الواحد داير يقول ليك إنو في محبه لله في لله كده
وربنا يديم الموده بين الناس
بخصوص مناهل ماناسي القصه
بس لو حمور جا ماري بهنا بتكون ظروف روايتها أفضل
|
Post: #26
Title: Re: قلوبٌ من حليب
Author: قيقراوي
Date: 04-26-2011, 10:24 AM
Parent: #25
Quote:
وبهذه المناسبه ياقيقراوي
|
عمر يا انتهازي .. ما بتفوت ليك فرصة محبة كلو كلو انت
يا زول اصلو ما دايرة مناسبة ذاتو
و نرد ليك من المحبة الصاعة صاعين .. المافي شنو؟
-------
Quote:
بخصوص مناهل ماناسي القصه
بس لو حمور جا ماري بهنا بتكون ظروف روايتها أفضل
|
لا كان كدا بمشي بي الدرب اناديهو عديييل .. المافي شنو!؟
|
Post: #27
Title: Re: قلوبٌ من حليب
Author: حمور زيادة
Date: 04-26-2011, 10:54 AM
Parent: #26
*
|
Post: #28
Title: Re: قلوبٌ من حليب
Author: قيقراوي
Date: 04-26-2011, 11:34 AM
Parent: #27
|
Post: #29
Title: Re: قلوبٌ من حليب
Author: Yassir Tayfour
Date: 04-26-2011, 12:15 PM
Parent: #28
كتابة من حليب يا عمر..
____
ألف مبروك للسني وأحلام..
|
Post: #30
Title: Re: قلوبٌ من حليب
Author: عمر عشاري
Date: 04-27-2011, 00:08 AM
Parent: #29
قيقراوي وحمور وياسر طيفور
والله ده شرف كبير
طيب ياقيقراوي مادام حمور جا لازم اوفي بوعدي
ولكن بما إنو ده بوست بتاع مباركة ولاده وكده لازم نشوف رابط ...عشان وحدة الموضوع والذي منو
وبعد مافكرت كتير مالقيت أي مناسبه بين قصتي المؤجله منذ بوستك بتاع الإعتذار داك والخاصه بمناهل وبين ولد السني واحلام ده
المُهم في النهايه لقيت لي رابط تعبان كده
إنو أحلام ومناهل الإتنين نوبيات
كيف معاك الكلام ده :)
اها أحكي ليك :-
|
Post: #31
Title: Re: قلوبٌ من حليب
Author: عمر عشاري
Date: 04-27-2011, 00:19 AM
Parent: #30
القصه ومافيها ياعزيزي قيقراوي إني في معرض النقاش الذي دار بيني وبين حمور ان عنوان مناهل لم يكن موفقا في البوست إياه
وتمسك حمور برأيه انها أساءت الأدب
وتخندقي في موقفي ...إنو في موضوع اهم من تصرفها المذكور
تذكرت مناهل في موقف آخر أعجبني جدا رغم انه أيضا بمعايير التهذيب المعروفه غير مقبول
كان ذلك يوم مسيرة لا لقهر النساء والتي خرجنا فيها لتسليم مذكرة لوزير العدل عن الإنتهاكات التي حدثت للفتاة التي ضربت في الفيديو
قايلين الكلام المكتوب في الدستور ده جد جد :)
فإذا بعناصر من الأمن تقبض أي بني آدم كان هناك
المهم رفعونا في البوكس كالخراف ...أنا تحديدا جندلوني 4 انفار ربما لزيادة في الوزن في تلك ( اللحظة التاريخية ) عملت شنو في موضوع الحركة البديلة ؟
المهم بعد معافراتي من اجل الوقوع في ظهر البوكس دون ان أعرض نظارتي للكسر ...إعتدلت بحركة بهلوانيه وإذا بي اجد مناهل ( واقفه بطولها فوق البوكس )
وتبصق في جميع أفراد الأمن الموجودين أسفل البوكس
حتى اني أذكر ان بصقة منااااسبه أصابت قميص احد أفراد القوه حيث يوجد القلب تماماً
|
Post: #32
Title: Re: قلوبٌ من حليب
Author: عمر عشاري
Date: 04-27-2011, 00:40 AM
Parent: #31
أذكر أن فرد المن هذا كان ينظر إليها بدهشه وهو يردد كما يقول الشفع ...يابت أحسن ليييك :)
وهي توالي البصق وترديدالهتافات ...لا لقهر النساء
اها ياقيقراوي مش كوننا نبصق على الناس ده سلوك مرفوض ...لكن في الظروف دي رايك فيهو شنو ؟
نظرت إليها وتذكرت قول رئيس فانزويلا عندما سأله صحفي عن رأيه في إلقاء الزيدي لحذائه في وجه الرئيس الأمريكي
فبدا عاقلاً وهو يرد ...قائلاً
نحن لانشجع أن يلقي الناس أحذيتهم في وجوه بعضهم البعض
ثم مالبث ان إستدرك مقهقها بسعاده
ولكن يالها من شجاعة :)
|
Post: #33
Title: Re: قلوبٌ من حليب
Author: قيقراوي
Date: 04-27-2011, 09:00 AM
Parent: #32
Quote:
اها ياقيقراوي مش كوننا نبصق على الناس ده سلوك مرفوض ...لكن في الظروف دي رايك فيهو شنو ؟
|
الظروف دي تراكمات كمين وعشرين سنة مش؟
البصق الكتير بما يليق على واقعنا المؤسف دا بفقد الزول سوائل!
تجدني ارفضه من الوجهة دي.
دا رأيي الصحي طبعاً
اما رأيي الجد جد
انا ارفض اي حاجة تحط من كرامة الانسان مهما كانت الظروف، و كائن من كان .. هو فعل مدان مني.
المبادئ ما بتتجزا.
و دائماً في فعل مقاومة نبيل
---
لكن بيني و بينك ما عممت بما يخل في دي [ مش كوننا نبصق على الناس ده سلوك مرفوض ]؟
لووووووب
كونكم انتو تبصقوا مرفوض آي لكن لو ( نا ) النصب و الاحتيال دي بتشملنا نحن الفقراء دي ( فكي عادي/او نسخة ديغيتل ) بتبقى حاجة مرغوبة و يضرب لها كبد الابل عديييييل.
بتبقى اسمها ( بركة ) دي ياخ
مبروك على الامنجي بركة ستنا مناهل قدس الله سرها
طوبى لهو و لها الياسمين
|
Post: #34
Title: Re: قلوبٌ من حليب
Author: عمر عشاري
Date: 05-04-2011, 00:08 AM
Parent: #33
Quote: مبروك على الامنجي بركة ستنا مناهل قدس الله سرها
طوبى لهو و لها الياسمين |
والله ياقيقراوي مافكرت في الموضوع من الناحيه دي
ناحية البركه وكده
لكن بدا لي سلوك الأمنجي
امر ما يشبه الممانعة اللفظية والإذعان الفعلي
يعني كان بقول ليها يابت هووي احسن ليييك
في نفس الوقت الذي كان يشرع فيه صدره للبصاق
ربما كان يبحث عن هذه البركه وهو متدثر بالرفض اللفظي ...ربما :)
كيف الأولاد ؟
|
Post: #35
Title: Re: قلوبٌ من حليب
Author: Hayat Hussien
Date: 05-04-2011, 02:05 AM
Parent: #34
الف مبروك للاخت احلام والاخ السني والف مبروك لك اخي عمر
فانت ايضا قلبك من ذهب وجميل هذا الوفاء وربنا يسعدكم جمبعا
|
Post: #36
Title: Re: قلوبٌ من حليب
Author: محمد سنى دفع الله
Date: 05-04-2011, 05:52 AM
Parent: #35
لكم احب الحليب ..
لولاكم ما عرفنا الهوى
ولولا الهوى ما عرفناكم
السهروردي
محبة ابدية ..
|
Post: #37
Title: Re: قلوبٌ من حليب
Author: عبد الله كسلا
Date: 05-04-2011, 06:20 AM
Parent: #36
يا سلام عليك يا عشاري ..
قراءتك ممتعة ..
ووفاءك نادر..
ومحمد سني وإحلام يستاهلو كل خير ..
والسَّهروردي محظوظ .. محظوظ يا ولدي ..
ربنا يحفظو ويغطيهو .. ويجعلوا باراً بوالديه ..
أذكر في مناسبة في الدوحة قبل هذا الحدث السعيد بفترة ..
شفت محمد السني جالس وسط الأطفال في صورة من ضمن صور المناسبة ..
عشان كده فرحت ليهم من جووووة قلبي والله ..
تسلم يا عشاري يا رائع .. 
وياريت تلفونك في الخاص لو ممكن ..
أو رنة على تلفوني 00971566580056
|
Post: #38
Title: Re: قلوبٌ من حليب
Author: haroon diyab
Date: 05-04-2011, 06:38 AM
Parent: #37
عشاري ياجميل
صباحات ندية
وشكرا علي الكتابة الطاعمة
السني ....واحلام
قلوب من حليب....
صدقت....وكفي
لك تحياتي
|
Post: #39
Title: Re: قلوبٌ من حليب
Author: haroon diyab
Date: 05-04-2011, 06:41 AM
Parent: #38
محمد سامي الدين السهروردي
|
Post: #41
Title: Re: قلوبٌ من حليب
Author: احمد التجانى احمد
Date: 05-04-2011, 07:55 AM
Parent: #40
الف الف مبروك للفنان محمد السنى والاستاذة احلام
المولود يربى فى عزكم
تحياتى عمر عشارى
|
Post: #42
Title: Re: قلوبٌ من حليب
Author: أيمن الطيب
Date: 05-04-2011, 08:05 AM
Parent: #41
الحمد لله الذى من على أحلام والسنى بالطفل الجميل,,
ربنا يحفظو ويجعله قرة عين وذخر لوالديه الجميلين,,
الواقع يا عمر إنو الإتنين ديل لما يختوك فى نصهم بتبقى فى أمرا ضيق,,,
يا عشارى ,,,,
حسب وعدك منتظرك,,,
تحياتى ,,
|
Post: #43
Title: Re: قلوبٌ من حليب
Author: DKEEN
Date: 05-09-2011, 08:25 PM
Parent: #42
بصراحة انا ما متذكر لاقيتك مع الجماعة ديل..
لطالما متعني خيالك الخصب يا عشاري..ابتداءا من تصرفات الخور في الميدان الشرقي وحتى هذه الادعاءات الاخيرة..
ياخي لو ان هذه البلاد انتجتك مكررا ..لاستقام حال الخيال في عالم السودان وماكان في زول تاني فهم شي..
|
Post: #44
Title: Re: قلوبٌ من حليب
Author: saadeldin abdelrahman
Date: 05-10-2011, 01:50 AM
Parent: #43
بوست مريـح للقلب و الأعصاب.
|
Post: #45
Title: Re: قلوبٌ من حليب
Author: Amira Elsheikh
Date: 05-10-2011, 03:16 AM
Parent: #44
|
|